തിരുവനന്തപുരം: നിധിന്രാജിന്റെ മരണത്തില് പോലീസ് നടത്തുന്ന അന്വേഷണത്തില് നീതി ലഭിക്കുമെന്ന് പ്രതീക്ഷയില്ലെന്ന് നിധിന്റെ പിതാവ്. ജാതി അധിക്ഷേപത്തില് നിന്നു ശ്രദ്ധ തിരിക്കാനാണ് ലോണ് ആപ്പിനെക്കുറിച്ച് പോലീസ് അന്വേഷിക്കുന്നത്.
കേസ് അട്ടിമറിക്കാനാണ് ഇങ്ങനെ ചെയ്യുന്നത്. മകന് ലോണ് ആപ്പിലുടെ വായ്പ എടുത്തത് അമ്മയുടെ ചികിത്സയ്ക്ക് വേണ്ടിയാണ്. വായ്പ കൃത്യമായി അടയ്ക്കുന്നുണ്ട്.
ലോണെടുത്തതിന്റെ പേരിലാണ് മകന് മരിച്ചതെന്ന് വരുത്താനാണ് പോലീസ് ശ്രമിക്കുന്നത്. ആരെയൊക്കെയൊ രക്ഷിക്കാനാണ് പോലീസിന്റെ ശ്രമമെന്ന് സംശയമുണ്ടെന്നും നിധിന്റെ പിതാവ് പറഞ്ഞു. തന്റെ മകനെ കൊലപ്പെടുത്തിയതാണെന്നും പിതാവ് പറഞ്ഞു. കെട്ടിടത്തിന്റെ മുകളിലേക്ക് ഓടിച്ചുകയറ്റി മരണത്തിലേക്ക് തള്ളിവിട്ടെന്നും അദ്ദേഹം പറഞ്ഞു.
