ഇന്ത്യയുടെ ഭൂപ്രകൃതികൊണ്ടും ആളുകളുടെ ഇടപെടലുകൾ മൂലവുമൊക്കെ ദിവസേന ഇവിടേക്ക് എത്തുന്ന വിദേശികളുടെ എണ്ണത്തിൽ വലിയ വർധനവാണ് ഉണ്ടായിട്ടുള്ളത്. ഇന്ത്യയിലെത്തിക്കഴിഞ്ഞ ശേഷം നമ്മുടെ നാടിന്റെ ഭംഗിയിൽ മതിമറന്ന് തിരികെ പോകാൻ പോലും ഇഷ്ടപ്പെടാതെ ഇവിടെത്തന്നെ കൂടിയവരും കുറവല്ല.
പ്രമുഖ ജർമ്മൻ എഴുത്തുകാരി മരിയ വിർത്ത് ഇന്ത്യ അവർക്കുമേൽ ചെലുത്തിയ സ്വാധനത്തെക്കുറിച്ച് പറഞ്ഞതാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. 40 -ഓളം രാജ്യങ്ങൾ സന്ദർശിച്ചിട്ടുള്ള അവർക്ക് ഏറ്റവും കൂടുതൽ ഇഷ്ടമായത് ഇന്ത്യയാണ്.
ഒരിക്കൽ തന്റെ മുന്നിൽ ഇന്ത്യയുടെ വലിയൊരു ത്രിമാന ഭൂപടം തെളിഞ്ഞു വന്നു. അത് നോക്കി നിന്നപ്പോൾ ഒരിക്കലും ഓർത്തില്ല, ഒരു രാജ്യത്തെ ഇത്രയധികം സ്നേഹിക്കാൻ കഴിയുമെന്ന്.
കാരണം, പഠനകാലത്തെ് ഒരിക്കൽ ഇന്ത്യ സന്ദർശിച്ചിരുന്നു, അതിനുശേഷം, താൻ ഇനി ഒരിക്കലും ഇന്ത്യയിലേക്ക് മടങ്ങിവരില്ലെന്ന് ഓർത്തതാണ്. ഇവിടെവന്ന് അന്ന് വയറുവേദന ബാധിച്ച് അസുഖ ബാധിതയായാണ് താൻ ജർമ്മനിയിലേക്ക് മടങ്ങിയത് അതുകൊണ്ട്തന്നെ ഇന്ത്യ ഒരു പേടി സ്വപ്നമായിരുന്നു.
എന്നാൽ, ഒരു ചെറിയ സ്റ്റോപ്പ് ഓവർ മാത്രമായി ആസൂത്രണം ചെയ്ത തന്റെ രണ്ടാമത്തെ സന്ദർശനം ഇപ്പോൾ 45 വർഷമായി നീണ്ടുനിൽക്കുകയാണ്. ഇന്ത്യയുടെ ബഹളമയവും വെല്ലുവിളികൾ നിറഞ്ഞതുമായ ഉപരിതലത്തിന് താഴെയുള്ള യഥാർഥ നിധി ഈ യാത്രയിലാണ് തനിക്ക് മുന്നിൽ വെളിപ്പെട്ടതെന്ന് അവർ കൂട്ടിച്ചേർത്തു.
മരിയയുടെ കുറിപ്പ് സോഷ്യൽ മീഡിയയിൽ വൈറലാവുകയാണ്. പലരും മരിയയെ പുകഴ്ത്തി കമന്റു ചെയ്തു. ഇന്ത്യ അങ്ങനെയണ്, ഒരിക്കൽ വന്നാൽ പിന്നെ ഇവിടംവിട്ട് തിരിച്ച് പോകാൻ ആർക്കും താൽപര്യമില്ലെന്നാണ് മിക്ക ആളുകളും പറയുന്നത്.
