സ്റ്റേഷ​ൻ മാ​സ്റ്റ​ർ​മാ​ർ​ക്ക് കൂ​ടു​ത​ൽ അ​ധി​കാ​ര​ങ്ങ​ൾ ന​ൽ​കാ​ൻ റെ​യി​ൽ​വേ മ​ന്ത്രാ​ല​യ തീ​രു​മാ​നം

പ​ര​വൂ​ർ: ഇ​ന്ത്യ​ൻ റെ​യി​ൽ​വേ​യി​ലെ സ്റ്റേ​ഷ​ൻ മാ​സ്റ്റ​ർ​മാ​രു​ടെ പ്ര​വ​ർ​ത്ത​ന​ക്ഷ​മ​ത വ​ർ​ധി​പ്പി​ക്കു​ന്ന​തി​നും റെ​യി​ൽ​വേ സ്റ്റേ​ഷ​നു​ക​ളു​ടെ മാ​നേ​ജ്‌​മെ​ന്റ് കൂ​ടു​ത​ൽ കാ​ര്യ​ക്ഷ​മ​മാ​ക്കു​ന്ന​തി​നു​മാ​യി വി​പു​ല​മാ​യ പ​രി​ഷ്കാ​ര​ങ്ങ​ളു​മാ​യി കേ​ന്ദ്ര റെ​യി​ൽ​വേ മ​ന്ത്രാ​ല​യം. സു​ര​ക്ഷി​ത​വും സു​ഗ​മ​വു​മാ​യ ട്രെ​യി​ൻ സ​ർ​വീ​സു​ക​ൾ ഉ​റ​പ്പാ​ക്കു​ന്ന​തി​ൽ നി​ർ​ണാ​യ​ക പ​ങ്കു​വ​ഹി​ക്കു​ന്ന സ്റ്റേ​ഷ​ൻ മാ​സ്റ്റ​ർ​മാ​രെ ഭ​ര​ണ​പ​ര​മാ​യും സാ​മ്പ​ത്തി​ക​മാ​യും ശാ​ക്തീ​ക​രി​ക്കു​ന്ന​തി​നു​ള്ള സ​മ​ഗ്ര​മാ​യ പ​ദ്ധ​തി​ക്ക് റെ​യി​ൽ​വേ മ​ന്ത്രാ​ല​യം അ​ന്തി​മ രൂ​പം ന​ൽ​കി.

ട്രെ​യി​ൻ ഗ​താ​ഗ​തം സ​ങ്കീ​ർ​ണ​മാ​യ മ​ൾ​ട്ടി-​ട്രാ​ക്ക് ലൈ​നു​ക​ളി​ലും തി​ര​ക്കേ​റി​യ റൂ​ട്ടു​ക​ളി​ലും കൂ​ടു​ത​ൽ സ്റ്റേ​ഷ​ൻ മാ​സ്റ്റ​ർ​മാ​രെ നി​യ​മി​ക്കാ​നും നി​ല​വി​ലു​ള്ള ഒ​ഴി​വു​ക​ൾ മു​ൻ​ഗ​ണ​നാ​ടി​സ്ഥാ​ന​ത്തി​ൽ യു​ദ്ധ​കാ​ലാ​ടി​സ്ഥാ​ന​ത്തി​ൽ നി​ക​ത്താ​നും മ​ന്ത്രാ​ല​യം തീ​രു​മാ​നം എ​ടു​ത്തു ക​ഴി​ഞ്ഞു.ആ​ധു​നി​ക സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ സ്റ്റേ​ഷ​ൻ മാ​സ്റ്റ​ർ​മാ​രു​ടെ ജോ​ലി​ഭാ​രം കു​റ​യ്ക്കാ​ൻ ഡി​ജി​റ്റ​ൽ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തും.

ഇ​തി​ന്റെ ഭാ​ഗ​മാ​യി പൂ​ർ​ണ​മാ​യും പേ​പ്പ​ർ ര​ഹി​ത​മാ​യ മൊ​ബൈ​ൽ ആ​പ്പ് അ​ധി​ഷ്ഠി​ത വ​ർ​ക്കിം​ഗ് സി​സ്റ്റം റെ​യി​ൽ​വേ അ​വ​ത​രി​പ്പി​ക്കും. വി​വി​ധ റെ​യി​ൽ​വേ വ​കു​പ്പു​ക​ൾ ത​മ്മി​ലു​ള്ള ഏ​കോ​പ​നം എ​ളു​പ്പ​മാ​ക്കാ​നും യാ​ത്ര​ക്കാ​രു​ടെ പ​രാ​തി​ക​ൾ ഉ​ട​ൻ പ​രി​ഹ​രി​ക്കാ​നും സ​ഹാ​യി​ക്കു​ന്ന ‘.ഇ​ന്റ​ഗ്രേ​റ്റ​ഡ് സ്റ്റേ​ഷ​ൻ മാ​നേ​ജ്‌​മെ​ൻ്റ് സി​സ്റ്റ​വും’ ഉ​ട​ൻ നി​ല​വി​ൽ വ​രും.

അ​ടി​യ​ന്ത​ര സാ​ഹ​ച​ര്യ​ങ്ങ​ളെ​യും സ​ങ്കീ​ർ​ണ​മാ​യ റെ​യി​ൽ​വേ ഓ​പ്പ​റേ​ഷ​നു​ക​ളെ​യും കൂ​ടു​ത​ൽ കാ​ര്യ​ക്ഷ​മ​മാ​യി നേ​രി​ടാ​ൻ സ്റ്റേ​ഷ​ൻ മാ​സ്റ്റ​ർ​മാ​ർ​ക്ക് വി​ർ​ച്വ​ൽ റി​യാ​ലി​റ്റി സി​മു​ലേ​റ്റ​റു​ക​ൾ എ​ന്നി​വ​യു​ടെ സ​ഹാ​യ​ത്തോ​ടെ​യു​ള്ള ആ​ധു​നി​ക പ​രി​ശീ​ല​നം ന​ൽ​കാ​നും മ​ന്ത്രാ​ല​യം തീ​രു​മാ​നി​ച്ചി​ട്ടു​ണ്ട്.
സ്റ്റേ​ഷ​നു​ക​ളി​ലെ പ്രാ​ദേ​ശി​ക പ്ര​ശ്ന​ങ്ങ​ൾ ഉ​ട​ൻ പ​രി​ഹ​രി​ക്കു​ന്ന​തി​നും യാ​ത്ര​ക്കാ​രു​ടെ സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നു​മാ​യി സ്റ്റേ​ഷ​ൻ മാ​സ്റ്റ​ർ​മാ​രു​ടെ സാ​മ്പ​ത്തി​ക അ​ധി​കാ​രം വ​ർ​ധി​പ്പി​ക്കും.

ഇ​തോ​ടെ സ്റ്റേ​ഷ​ൻ കെ​ട്ടി​ട​ങ്ങ​ളു​ടെ​യും കോ​ള​നി​ക​ളു​ടെ​യും അ​ടി​യ​ന്ത​ര അ​റ്റ​കു​റ്റ​പ്പ​ണി​ക​ൾ വേ​ഗ​ത്തി​ലാ​ക്കാ​ൻ സാ​ധി​ക്കും. സ്റ്റേ​ഷ​ൻ മാ​സ്റ്റ​ർ കേ​ഡ​റി​ലു​ള്ള​വ​ർ​ക്ക് റെ​യി​ൽ​വേ​യു​ടെ ഉ​ന്ന​ത മാ​നേ​ജ്‌​മെ​ന്റ് ത​സ്തി​ക​ക​ളി​ലേ​ക്കും നേ​തൃ​ത്വ പ​ദ​വി​ക​ളി​ലേ​ക്കും ഉ​യ​ർ​ന്നു​വ​രാ​ൻ ഉ​ത​കു​ന്ന രീ​തി​യി​ൽ ക​രി​യ​ർ പ്രോ​ഗ്ര​ഷ​ൻ ന​യ​ങ്ങ​ളി​ൽ വ​ലി​യ മാ​റ്റ​ങ്ങ​ൾ വ​രു​ത്തും. ഇ​ത് ജീ​വ​ന​ക്കാ​ർ​ക്ക് കൂ​ടു​ത​ൽ മെ​ച്ച​പ്പെ​ട്ട തൊ​ഴി​ൽ അ​ന്ത​രീ​ക്ഷ​വും ക​രി​യ​ർ വ​ള​ർ​ച്ച​യും സ​മ്മാ​നി​ക്കും.

ട്രെ​യി​ൻ സ​ർ​വീ​സു​ക​ളു​ടെ സു​ര​ക്ഷ​യ്ക്ക് ക​ന​ത്ത ജാ​ഗ്ര​ത പു​ല​ർ​ത്തു​ന്ന​തി​നൊ​പ്പം, റെ​യി​ൽ​വേ​യി​ൽ വ​നി​താ സ്റ്റേ​ഷ​ൻ മാ​സ്റ്റ​ർ​മാ​രു​ടെ​യും വ​നി​താ പോ​യി​ന്റ്സ്മാ​ൻ​മാ​രു​ടെ​യും എ​ണ്ണം വ​ർ​ധി​ച്ചു​വ​രു​ന്ന​ത് ക​ണ​ക്കി​ലെ​ടു​ത്ത് അ​വ​ർ​ക്ക് അ​നു​യോ​ജ്യ​മാ​യ സു​ര​ക്ഷാ ഉ​പ​ക​ര​ണ​ങ്ങ​ളും ഉ​പ​ഭോ​ക്തൃ സൗ​ഹൃ​ദ ടൂ​ളു​ക​ളും സ്റ്റേ​ഷ​നു​ക​ളി​ൽ ല​ഭ്യ​മാ​ക്കും. ഫ്ര​ണ്ട്‌​ലൈ​ൻ ജീ​വ​ന​ക്കാ​ർ​ക്ക് കൂ​ടു​ത​ൽ സു​ര​ക്ഷി​ത​വും ആ​ക്സ​സ് ചെ​യ്യാ​വു​ന്ന​തു​മാ​യ തൊ​ഴി​ൽ സാ​ഹ​ച​ര്യ​ങ്ങ​ൾ ഒ​രു​ക്കു​ക​യാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​ത്.

കോ​ടി​ക്ക​ണ​ക്കി​ന് യാ​ത്ര​ക്കാ​ർ ആ​ശ്ര​യി​ക്കു​ന്ന ഇ​ന്ത്യ​ൻ റെ​യി​ൽ​വേ​യെ കൂ​ടു​ത​ൽ പ്ര​തി​ക​ര​ണ​ശേ​ഷി​യു​ള്ള​തും ആ​ധു​നി​ക​വു​മാ​യ ഒ​രു സം​വി​ധാ​ന​മാ​ക്കി മാ​റ്റാ​ൻ ഈ ​പു​തി​യ ന​ട​പ​ടി​ക​ൾ​ക്ക് സാ​ധി​ക്കു​മെ​ന്ന് റെ​യി​ൽ​വേ മ​ന്ത്രാ​ല​യം അ​ധി​കൃ​ത​ർ വ്യ​ക്ത​മാ​ക്കി.

• എ​സ് ആ​ർ. സു​ധീ​ർ കു​മാ​ർ