തിരുവനന്തപുരം: കീഴടങ്ങാൻ ഇടതുപക്ഷ പ്രസ്ഥാനങ്ങൾക്ക് മനസില്ലെന്നും ഭയപ്പെടുത്തി പിന്തിരിപ്പിക്കാമെന്ന് കരുതേണ്ടെന്നും എം.വി. ഗോവിന്ദൻ. അക്രമത്തിനും അടിച്ചമർത്തലുകൾക്കും മുന്നിൽ കീഴടങ്ങാൻ എസ്എഫ്ഐയ്ക്കോ ഇടതുപക്ഷ പ്രസ്ഥാനങ്ങൾക്കോ മനസില്ലെന്നും അദ്ദേഹം പറഞ്ഞു.
കെഎസ്‌യു, യൂത്ത് കോൺഗ്രസ് പ്രവർത്തകർ ബോധപൂർവം ആസൂത്രണം ചെയ്‌താണ്‌ യൂണിവേഴ്‌സിറ്റി കോമ്പൗണ്ടിലേക്കും ഹോസ്റ്റലിലേക്കും കടന്നാക്രമണം നടത്തിയതെന്ന് സിപിഎം സംസ്ഥാന സെക്രട്ടറി ആരോപിച്ചു.
കോളജ് തെരഞ്ഞെടുപ്പിൽ എസ്എഫ്ഐ നേടിയ ചരിത്രവിജയത്തിൽ അസ്വസ്ഥരായവരാണ് ഇത്തരമൊരു അക്രമത്തിന് മുതിർന്നതെന്നും ഇതിന് പിന്നിൽ ഗൂഢാലോചനയുണ്ടെന്നും പറഞ്ഞ എം.വി. ഗോവിന്ദൻ യുഡിഎഫ് നേതൃത്വത്തിനെതിരെ ജനങ്ങളെ അണിനിരത്തി വരും ദിവസങ്ങളിൽ പ്രക്ഷോഭങ്ങൾ കൂടുതൽ ശക്തമാക്കുമെന്നും അറിയിച്ചു.
