കൊച്ചി: യുകെയില്‍ സംഗീതപരിപാടി അവതരിപ്പിക്കാന്‍ പോകുന്നതിനായി ഹിരണ്‍ ദാസ് മുരളിയെന്ന വേടനു ക്ലിയറന്‍സ് സര്‍ട്ടിഫിക്കറ്റ് അനുവദിക്കാന്‍ റീജണല്‍ പാസ്‌പോര്‍ട്ട് ഓഫിസര്‍ക്കു ഹൈക്കോടതി നിര്‍ദേശം.
മൂന്ന് പൊലിസ് സ്റ്റേഷനുകളിലും വനം നിയമപ്രകാരമുള്ള മറ്റൊരു കേസിലും പ്രതിയായതിനാല്‍ വിദേശത്തു പരിപാടിക്കു പോകാന്‍ ക്ലിയറന്‍സ് സര്‍ട്ടിഫിക്കറ്റ് അനുവദിക്കുന്നില്ലെന്നു ചൂണ്ടിക്കാട്ടി വേടന് നല്‍കിയ ഹര്‍ജിയിലാണ് ജസ്റ്റീസ് മുരളി പുരുഷോത്തമന്‍റെ ഉത്തരവ്.
കേസുകളില്‍ പ്രതിയായതിനാല്‍ പ്രത്യേക പിസിസി മാത്രമേ അനുവദിക്കാനാകൂവെന്ന കേന്ദ്രസര്‍ക്കാരിന്‍റെ നിലപാട് രേഖപ്പെടുത്തിയ കോടതി ഇത്തരത്തില്‍ ക്ലിയറന്‍സ് അനുവദിക്കാനാണു നിര്‍ദേശം നല്‍കിയത്. കേസുകളുടെ വിശദാംശങ്ങളടക്കമായിരിക്കും സര്‍ട്ടിഫിക്കറ്റ് അനുവദിക്കുക.
