മോൺട്രിയൽ: വെസ്റ്റ് ഇൻഡീസ് ക്രിക്കറ്റ് താരം ആന്ദ്രെ റസലിന് ഒരു വർഷത്തേക്ക് വിലക്കേർപ്പെടുത്തി. ഉത്തേജക മരുന്ന് പരിശോധനയിൽ പരാജയപ്പെട്ടതിനെ തുടർന്നാണ് വെസ്റ്റ് ഇൻഡീസ് ഓൾറൗണ്ടറെ ലോക ഉത്തേജക വിരുദ്ധ ഏജൻസി വിലക്കിയത്.
2015 ൽ മൂന്നു വ്യത്യസ്ത സമയത്ത് ശേഖരിച്ച സാന്പിളുകളിലും നടത്തിയ പരിശോധനയിൽ റസൽ ഉത്തേജകം ഉപയോഗിച്ചതായി തെളിഞ്ഞു. ചൊവ്വാഴ്ച മുതൽ വിലക്ക് നിലവിൽവരും. 2016 ട്വന്‍റി 20 ലോകകപ്പ് നേടിയ വെസ്റ്റ് ഇൻഡീസ് ടീമിൽ റസൽ അംഗമായിരുന്നു.
