തുറവൂർ: ആംബുലൻസിനു മുന്നിൽ ഓട്ടോ പാർക്ക് ചെയ്യരുതെന്ന് പറഞ്ഞതിനെത്തുടർന്ന് ഓട്ടോ ഡ്രൈവർ ആംബുലൻസ് ഡ്രൈവറെ മർദിച്ചതായി പരാതി. തുറവൂർ ഗവ. ആശുപത്രിയിലെ ആംബുലൻസ് ഡ്രൈവർ നോർത്ത് പറവൂർ ആലങ്ങാട്ട് കൂട്ടാലിക്കൽ സുനിൽകുമാർ (52)നാണ് മർദനത്തിൽ പരിക്കേറ്റ് ചേർത്തല സ്വകാര്യാശുപത്രിയിൽ ചികിത്സ തേടിയത്.
ഇന്നലെ വൈകിട്ടോടെയായിരുന്നു സംഭവം. രോഗിയുമായി എത്തിയ ഓട്ടോ രോഗിയെ ഇറക്കിയശേഷം ആംബുലൻസിന് മുന്നിൽ പാർക്ക് ചെയ്തപ്പോൾ ആംബുലൻസ് ഡ്രൈവർ ആംബുലൻസിന് മുന്നിൽ നിന്നു ഓട്ടോ മാറ്റിയിടാൻ പറയുകയും തുടർന്ന് ആംബുലൻസ് ഡ്രൈവറെ മർദിക്കുകയുമായിരുന്നെന്ന് കുത്തിയതോട് പോലീസിന് നൽകിയ പരാതിയിൽ പറയുന്നു. സംഭവവുമായി ബന്ധപ്പെട്ട് പള്ളൂരുത്തി വലിയവീട്ടിൽ അഖിലി(31)നെ പോലീസ് കസ്റ്റഡിയിലെടുത്തു.
