പ്രാ​യ​മാ​യ സ്ത്രീ​ക​ളുമായി പ​രി​ച​യ​ക്കാ​ര​നെപോ​ലെ സംസാരിച്ച്  അടുത്തു കൂടും, പിന്നെ മാലപൊട്ടിച്ച് കടന്നു കളയും; നാലു ജില്ലകളെ വിറപ്പിച്ച യുവാവിന് ഒടുവിൽ സംഭവിച്ചതു കണ്ടോ!

കി​ളി​മാ​നൂ​ർ : പ്രാ​യ​മാ​യ സ്ത്രീ​ക​ളെ ആ​ക്ര​മി​ച്ച് മാ​ല പൊ​ട്ടി​ക്കു​ന്ന കേ​സി​ലെ പ്ര​തി​യെ കി​ളി​മാ​നൂ​ർ പോ​ലീ​സും , തി​രു​വ​ന​ന്ത​പു​രം റൂ​റ​ൽ ഡാ​ൻ​സാ​ഫ് ടീ​മും ചേ​ർ​ന്ന് അ​റ​സ്റ്റ് ചെ​യ്തു .

എ​റ​ണാ​കു​ളം ജി​ല്ല​യി​ൽ തൃ​പ്പൂ​ണി​ത്തു​റ , എ​രൂ​ർ കൊ​ച്ചേ​രി​യി​ൽ വീ​ട്ടി​ൽ മ​നോ​ഹ​ര​ൻ​പി​ള്ള​യു​ടെ മ​ക​ൻ സു​ജി​ത്ത് (39) ആ​ണ് പോ​ലീ​സി​ന്‍റെ പി​ടി​യി​ലാ​യ​ത്.

വീ​ട്ടി​ലും പ​രി​സ​ര പ്ര​ദേ​ശ​ങ്ങ​ളി​ലും നി​ൽ​ക്കു​ന്ന പ്രാ​യ​മാ​യ സ്ത്രീ​ക​ളു​ടെ​യ​ടു​ത്ത് പ​രി​ച​യ​ക്കാ​ര​നെ പോ​ലെ എ​ത്തി ആ​ക്ര​മി​ച്ച് മാ​ല പൊ​ട്ടി​ക്കു​ന്ന​താ​ണ് ഇ​യാ​ളു​ടെ രീ​തി.

ക​ഴി​ഞ്ഞ ആ​ഴ്ച പ​ഴ​യ​കു​ന്നു​മ്മേ​ൽ വി​ല്ലേ​ജി​ൽ മേ​ലേ പു​തി​യ കാ​വ് ക​ലാ​ഭ​വ​നി​ൽ വീ​ടി​ന്‍റെ മു​റ്റ​ത്ത് നി​ന്ന എ​ഴു​പ​ത് വ​യ​സു​ള്ള ച​ന്ദ്രി​ക​യു​ടെ മാ​ല പൊ​ട്ടി​ക്കാ​നു​ള്ള ശ്ര​മ​ത്തി​നി​ട​യി​ൽ വീ​ണ് ച​ന്ദ്രി​ക​യു​ടെ കൈ ​ഒ​ടി​ഞ്ഞി​രുന്നു.

പു​റ​ത്ത് സ്റ്റാ​ർ​ട്ട് ചെ​യ്ത് നി​ർ​ത്തി​യി​രു​ന്ന ഇ​രു​ച​ക്ര വാ​ഹ​ന​ത്തി​ൽ ഇ​യാ​ൾ ര​ക്ഷ​പ്പെ​ട്ടു. തി​രു​വ​ന​ന്ത​പു​രം റൂ​റ​ൽ ജി​ല്ലാ പോ​ലീ​സ് മേ​ധാ​വി ഡോ. ​ദി​വ്യാ വി. ​ഗോ​പി​നാ​ഥി​ന്‍റെ നി​ർ​ദേ​ശ​പ്ര​കാ​രം പ്ര​ത്യേ​ക അ​ന്വേ​ഷ​ണ സം​ഘ​ം രൂ​പീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യിലായ​ത്.

ക​ഴി​ഞ്ഞ ഒ​ക്ടോ​ബ​ർ മാ​സ​ത്തി​ൽ കി​ളി​മാ​നൂ​ർ വി​ല്ലേ​ജി​ൽ അ​യ്യ​പ്പ​ൻ​കാ​വ് ന​ഗ​ർ കു​ന്നു​വി​ള​വീ​ട്ടി​ൽ 85 വ​യ​സു​ള്ള പൊ​ന്ന​മ്മ​യെ ആ​ക്ര​മി​ച്ച് മാ​ല​പൊ​ട്ടി​ച്ച​തും ഇ​യാ​ളാ​ണെ​ന്ന് തെ​ളി​ഞ്ഞു.

മാ​ല​പൊ​ട്ടി​ക്കാ​നാ​യി ഇ​യാ​ൾ ഉ​പ​യോ​ഗി​ച്ച ടു ​വീ​ല​ർ പ​ര​വൂ​ർ റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് ഉ​പേ​ക്ഷി​ച്ച് എ​റ​ണാ​കു​ള​ത്തേ​ക്കും അ​വി​ടെ നി​ന്നും തൃ​ശൂ​രി​ലേ​യ്ക്കും ഇ​യാ​ൾ ര​ക്ഷ​പ്പെ​ട്ടി​രു​ന്നു.

മു​രി​ങ്ങൂ​ർ ധ്യാ​ന കേ​ന്ദ്ര​ത്തി​ൽ നി​ന്നാ​ണ് അ​ന്വേ​ഷ​ണ സം​ഘം ഇ​യാ​ളെ പി​ടി​കൂ​ടി​യ​ത്. മാ​ല പി​ടി​ച്ചു​പ​റി, വാ​ഹ​ന​മോ​ഷ​ണം, പോ​ക്സോ, കൊ​ല​പാ​ത​ക ശ്ര​മം ഉ​ൾ​പ്പെ​ടെ നി​ര​വ​ധി കേ​സു​ക​ൾ തി​രു​വ​ന​ന്ത​പു​രം , കൊ​ല്ലം , പ​ത്ത​നം​തി​ട്ട , കോ​ട്ട​യം , എ​റ​ണാ​കു​ളം ജി​ല്ല​ക​ളി​ലെ വി​വി​ധ പോ​ലീ​സ് സ്റ്റേ​ഷ​നു​ക​ളി​ലാ​യി ഇ​യാ​ൾ​ക്കെ​തി​രെ നി​ല​വി​ലു​ണ്ട്.

അ​ടൂ​ർ പോ​ലീ​സ് ര​ജി​സ്ട്ര​ർ ചെ​യ്ത മാ​ല​പൊ​ട്ടി​ക്ക​ൽ കേ​സ്സി​ൽ ജ​യി​ലി​ൽ ആ​യി​രു​ന്ന സു​ജി​ത് മാ​സ​ങ്ങ​ൾ​ക്ക് മു​മ്പാ​ണ് പു​റ​ത്തി​റ​ങ്ങി​യ​ത്. നേ​ര​ത്തെ കി​ളി​മാ​നൂ​ർ ചൂ​ട്ട​യി​ൽ ഭാ​ഗ​ത്ത് ടു ​വീ​ല​ർ വ​ർ​ക്ക്ഷോ​പ്പ് ന​ട​ത്തി​യി​രു​ന്ന ഇ​യാ​ൾ ഇ​രു​ച​ക്ര വാ​ഹ​ന​മോ​ഷ​ണ​ത്തി​ലും വി​ദ​ഗ്ധ​നാ​ണ്.

ഇ​യാ​ളെ ക​സ്റ്റ​ഡി​യി​ൽ വാ​ങ്ങിയാൽ മ​റ്റ് മാ​ല​പൊ​ട്ടി​ക്ക​ൽ കേ​സു​ക​ൾ തെ​ളി​യി​ക്കാ​നാ​കു​മെ​ന്ന പ്ര​തീ​ക്ഷ​യി​ലാ​ണ് പോ​ലീ​സ്. കി​ളി​മാ​നൂ​ർ എസ്ഐ എ​സ്.​സ​നൂ​ജ് , എസ്ഐ വി​ജി​ത് കെ. ​നാ​യ​ർ , ടി.​കെ ഷാ​ജി, എ​എ​സ്ഐ ഷ​ജീം സി​പി​ഒ​മാ​രാ​യ റി​യാ​സ് ദി​നേ​ശ്, കി​ര​ൺ, ഷി​ജു ഡാ​ൻ​സാ​ഥ് ടീ​മി​ലെ സ​ബ് ഇ​ൻ​സ്പെ​ക്ട​ർ എം.​ഫി​റോ​സ് ഖാ​ൻ , എ​എ​സ്ഐ ബി.​ദി​ലീ​പ് , ഷി​ജു ,വി​നീ​ഷ് എ​ന്നി​വ​രു​ടെ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.