ഉ​ന്ന​ത​രു​ടെ മ​ക്ക​ളും രാ​ത്രി​കാ​ല​ങ്ങ​ളി​ലെ അഭ്യാസ പ്രകടനങ്ങളും; ​ ത​ട​യാ​ൻ ശ്ര​മി​ച്ച​പ്പോ​ൾ ഉ​ന്ന​ത​ങ്ങ​ളി​ൽ​നി​ന്നു താ​ക്കീത്; അനുഭവം പങ്കുവച്ച് ​അ​സി​സ്റ്റ​ന്‍റ് ക​മ്മീ​ഷ​ണ​ർ ആ​യി വി​ര​മി​ച്ച ഒ​രു ഉ​ദ്യാ​ഗ​സ്ഥ​ൻ

നവാസ് മേത്തർ

കേ​ര​ള​ത്തി​ലെ ത​ല​സ്ഥാ​നം ഉ​ൾ​പ്പെ​ടെ​യു​ള്ള പ്ര​മു​ഖ ന​ഗ​ര​ങ്ങ​ളി​ൽ ഉ​ന്ന​ത​രു​ടെ മ​ക്ക​ൾ രാ​ത്രി​കാ​ല​ങ്ങ​ളി​ൽ വാ​ഹ​ന​ങ്ങ​ളു​മാ​യി അ​ഭ്യാ​സ പ്ര​ക​ട​ന​ങ്ങ​ൾ​ക്കാ​യി ഇ​റ​ങ്ങു​ന്ന​തു പ​തി​വ്.

ത​ല​സ്ഥാ​ന​ത്തെ രാ​ജ്ഭ​വ​ൻ റോ​ഡ് പോ​ലും ഇ​വ​ർ കൈ​യ​ട​ക്കി അ​ഭ്യാ​സ പ്ര​ക​ട​ന​ങ്ങ​ൾ ന​ട​ത്തു​ന്നു. രാ​ത്രി​യാ​യാ​ൽ പ്ര​ധാ​ന റോ​ഡു​ക​ളെ​ല്ലാം ഇ​ത്ത​ര​ക്കാ​രു​ടെ കൈ​യി​ലാ​ണ്.

ഐ​പി​എ​സ് – ഐ​എ​എ​സ് ഉ​ദ്യോ​ഗ​സ്ഥ​രു​ടെ​യും രാ​ഷ്‌​ട്രീ​യ നേ​താ​ക്ക​ളു​ടെ​യും വ്യ​വ​സാ​യ പ്ര​മു​ഖ​രു​ടെ​യും മ​ക്ക​ളാ​ണ് പ​ല​പ്പോ​ഴും ഈ ​സം​ഘ​ത്തി​ലു​ണ്ടാ​കു​ക. രാ​ജ്ഭ​വ​ൻ റോ​ഡി​ൽ കൗ​മാ​ര​ക്കാ​രു​ടെ വേ​ഗ​പ്ര​ക​ട​നം ക​ണ്ട് ഭ​യ​ന്നി​ട്ടു​ണ്ട്. അ​ഭ്യാ​സ പ്ര​ക​ട​ന​ങ്ങ​ൾ​ക്കി​ട​യി​ൽ മ​ര​ണ​വും ന​ട​ന്നി​ട്ടു​ണ്ട്.

ന​ട​പ​ടി എ​ടു​ക്കാ​നോ പു​റ​ത്തു പ​റ​യാ​നോ സാ​ധി​ച്ചി​ട്ടി​ല്ല. ഒ​രി​ക്ക​ൽ പ​ട്രോ​ളിം​ഗി​നി​ട​യി​ൽ അ​ർ​ധ രാ​ത്രി​യി​ലെ നി​യ​മ വി​രു​ദ്ധ​മാ​യ ഈ ​പ്ര​ക​ട​ന​ങ്ങ​ൾ ത​ട​യാ​ൻ ശ്ര​മി​ച്ച​പ്പോ​ൾ ഉ​ന്ന​ത​ങ്ങ​ളി​ൽ​നി​ന്നു താ​ക്കീ​താ​ണ് ത​നി​ക്കു ല​ഭി​ച്ച​തെ​ന്നും തി​രു​വ​ന​ന്ത​പു​ര​ത്തു​നി​ന്ന് അ​സി​സ്റ്റ​ന്‍റ് ക​മ്മീ​ഷ​ണ​ർ ആ​യി വി​ര​മി​ച്ച ഒ​രു ഉ​ദ്യാ​ഗ​സ്ഥ​ൻ രാ​ഷ്‌​ട്ര ദീ​പി​ക​യോ​ടു പ​റ​ഞ്ഞു.

പി​ന്നി​ൽ മാ​ഫി​യ​യും
വാ​ഹ​ന​ങ്ങ​ളി​ലെ അ​ഭ്യാ​സ പ്ര​ക​ട​ന​ക്കാ​ർ​ക്കു പി​ന്നി​ൽ ല​ഹ​രി വ്യാ​പാ​ര പി​ന്തു​ണ​യു​ള്ള വാ​ഹ​ന ഓ​ൾ​ട്രേ​ഷ​ൻ ന​ട​ത്തു​ന്ന ചി​ല സം​ഘ​ങ്ങ​ളും പ്ര​വ​ർ​ത്തി​ക്കു​ന്ന​താ​യി മോ​ട്ടോ​ർ വാ​ഹ​ന വ​കു​പ്പും പോ​ലീ​സും നേ​ര​ത്തെ ത​ന്നെ റി​പ്പോ​ർ​ട്ട് ചെ​യ്തി​ട്ടു​ണ്ട്. അ​ഭ്യാ​സ​പ്ര​ക​ട​നം ഹ​ര​മാ​ക്കി​യ നി​ര​വ​ധി യു​വ​തീ​യു​വാ​ക്ക​ളാ​ണ് ഈ ​സം​ഘ​ങ്ങ​ളു​ടെ വ​ല​യി​ൽ പെ​ട്ടി​ട്ടു​ള്ള​ത്.

അ​ർ​ധ രാ​ത്രി​യി​ൽ ഓ​ഫ് റോ​ഡു​ക​ളി​ലും ആ​ളൊ​ഴി​ഞ്ഞ പാ​ത​ക​ളി​ലും ഈ ​സം​ഘം പ​ന്ത​യം വ​ച്ചു​ള്ള വാ​ഹ​ന റേ​സിം​ഗ് ന​ട​ത്തു​ക പ​തി​വാ​ണ്. ല​ക്ഷ​ങ്ങ​ൾ മു​ട​ക്കി ഓ​ൾ​ട്ട​ർ ചെ​യ്ത വാ​ഹ​ന​ങ്ങ​ളാ​ണ് ഈ ​റേ​സിം​ഗി​ൽ പ​ങ്കെ​ടു​ക്കു​ന്ന​ത്.

ഇ​ങ്ങ​നെ റേ​സിം​ഗി​ന് എ​ത്തു​ന്ന ആ​ഡം​ബ​ര വാ​ഹ​ന ഭ്ര​മ​ക്കാ​രാ​യ യു​വ​തീ – യു​വാ​ക്ക​ളെ ത​ന്ത്ര​ത്തി​ൽ ല​ഹ​രി​യു​ടെ പി​ടി​യി​ലേ​ക്ക് എ​ത്തി​ക്കു​ക​യാ​ണ് ല​ഹ​രി മാ​ഫി​യ ചെ​യ്തു വ​രു​ന്ന​ത്. വാ​ഹ​ന വി​ല​യേ​ക്കാ​ൾ കൂ​ടു​ത​ൽ ഓ​ൾട്രേ​ഷ​നു വേ​ണ്ടി ചെ​ല​വാ​ക്കി​യ യു​വാ​ക്ക​ളു​മു​ണ്ട്.

ചി​ല മി​ഡി​ൽ ക്ലാ​സ് കു​ടും​ബ​ങ്ങ​ളി​ലെ യു​വാ​ക്ക​ൾ ഈ ​മാ​ഫി​യ​യു​ടെ വ​ല​യി​ൽ​പെ​ട്ടു ത​ങ്ങ​ളു​ടെ വാ​ഹ​ന​ങ്ങ​ൾ ഓ​ൾ​ട്ട​ർ ചെ​യ്തു ക​ട​ക്കെ​ണി​യി​ലാ​യി​ട്ടു​ള്ള​താ​യും അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു.

എ​ന്നാ​ൽ, നി​യ​മ​ങ്ങ​ൾ പാ​ലി​ച്ചു​കൊ​ണ്ടു വാ​ഹ​ന​ങ്ങ​ൾ ഓ​ൾ​ട്ട​ർ ചെ​യ്ത ന​ൽ​കു​ന്ന ന​ല്ല സ്ഥാ​പ​ന​ങ്ങ​ളും സം​സ്ഥാ​ന​ത്തു പ്ര​വ​ർ​ത്തി​ക്കു​ന്നു​ണ്ട്. അ​വ​ർ​ക്കു​കൂ​ടി ദോ​ഷം വ​രു​ന്ന രീ​തി​യി​ലാ​ണ് ചി​ല സം​ഘ​ങ്ങ​ളു​ടെ പ്ര​വ​ർ​ത്ത​നം.

ലോ​ക് ഡൗ​ൺ കാ​ല​ത്തു റോ​ഡു​ക​ൾ വി​ജ​ന​മാ​യ​പ്പോ​ൾ അ​ർ​ധ രാ​ത്രി​യി​ലെ ഓൾട്രേഷ​ൻ വാ​ഹ​ന​ങ്ങ​ളു​ടെ റേ​സിം​ഗ് സ​ജീ​വ​മാ​യ​തെ​ന്നും പി​ന്നീ​ട് ഇ​ത് ഒ​രു മാ​ഫി​യ​യാ​യി വ​ള​രു​ക​യാ​യി​രു​ന്നു​വെ​ന്നും അ​ധി​കൃ​ത​ർ പ​റ​യു​ന്നു.

(തു​ട​രും)