മാങ്കാംകുഴി: രാത്രിയിൽ കാറിന്റെ ബോണറ്റിനുള്ളിൽ കയറിയ പാന്പ് നാട്ടുകാരുടെ ഉറക്കം കെടുത്തി.ഒടുവിൽ നാട്ടുകാർ വിവരമറിയിച്ചതനുസരിച്ച് പാന്പുകളുടെ രക്ഷകൻ വാവ സുരേഷ് സ്ഥലത്തെത്തി പാന്പിനെ പിടികൂടി. വെട്ടിയാർ പാറക്കുളങ്ങര ഗുരുമന്ദിരത്തിന് സമീപം കുറ്റിയിൽ രാമചന്ദ്രന്റെ വീട്ടിലെ പോർച്ചിൽ കിടന്ന ഹുണ്ടായി കാറിന്റെ ബോണറ്റിലാണ് പാന്പ് കയറിയത്.സമീപത്തെ കടയിലിരുന്ന ആൾ പാന്പ് കയറുന്നത് വീട്ടുകാരുടെ ശ്രദ്ധയിൽപ്പെടുത്തുകയായിരുന്നു. ഉടൻ തന്നെ വീട്ടുകാരും നാട്ടുകാരും ചേർന്ന് ബോണറ്റ് ഉയർത്തി പാന്പിനെ പുറത്തിറക്കാൻ ശ്രമം നടത്തിയെങ്കിലും ഫലം കണ്ടില്ല. ഇതിനിടയിൽ നാട്ടുകാരിൽ ചിലർ ഉഗ്രവിഷമുള്ള പാന്പായിരിക്കും എന്ന് പറയുക കൂടി ചെയ്തതോടെ നാട്ടുകാർ പാന്പിനെ പുറത്തിറക്കാനുള്ള ശ്രമത്തിൽ നിന്നും പിൻവാങ്ങി. പിന്നീട് നാട്ടുകാർ വാവ സുരേഷിനെ ഫോണിൽ വിവരമറിയിക്കുകയുമായിരുന്നു. ഇന്നലെ രാത്രി എട്ടുമണിക്ക് കയറിയ പാന്പിനെ രാത്രി 11:15ഓടെയാണ് വാവ സുരേഷ് സ്ഥലത്തെത്തി പിടികൂടിയത്.കാർ സ്റ്റാർട്ടാക്കിയപ്പോൾ പുറത്തേക്ക് തല നീട്ടിവന്ന പാന്പിനെ തന്ത്രപരമായി…
Read MoreCategory: Alappuzha
മുത്തുമണി വീട്ടിൽ മരിച്ച നിലയിൽ ; നാട്ടുകാർ അറിയിച്ചതിനെ തുടർന്ന് പോലീസ് എത്തിയപ്പോഴേക്കും മരിച്ചിരുന്നു; കുടുംബ വഴക്കാണ് കൊലപാതകത്തിലേക്ക് നയിച്ചതെന്ന് നിഗമനം
കോഴഞ്ചേരി: കുടുംബകലഹത്തേ തുടർന്ന് അന്പത്തിരണ്ടുകാരൻ കൊല്ലപ്പെട്ടു. സഹോദരിയും ഭർത്താവും പോലീസ് നിരീക്ഷണത്തിൽ.കുന്പനാട് തട്ടയ്ക്കാട് ചെള്ളേത്ത് തുണ്ടിയിൽ മുത്തുമണി (52)യാണ് മരിച്ചത്.മദ്യലഹരിയിൽ എത്തിയ സഹോദരൻ മാതാവിനെ മർദിക്കുന്നതു കണ്ട് ചോദ്യം ചെയ്ത സഹോദരിയാണ് കൊലപാതകത്തിനു പിന്നിലെന്നു പോലീസ് സംശയിക്കുന്നു. രാത്രിയിൽ മദ്യപിച്ച് വീട്ടിലെത്തിയ മുത്തുമണി മാതാവ് ഫെയറിനെ (82) മർദിച്ചതായി പറയുന്നു. ബഹളം കേട്ട് സമീപത്തു വാടകയ്ക്കു താമസിക്കുന്ന മുത്തുമണിയുടെ സഹോദരിയും ഭർത്താവും വീട്ടിലെത്തിയിരുന്നു. സഹോദരിയുടെ കൈവശമുണ്ടായിരുന്ന കന്പിവടി കൊണ്ട് മുത്തുമണിയുടെ തലയിൽ അടിച്ചതാണ് മരണകാരണമെന്ന് സംശയിക്കുന്നതായി പോലീസ് പറഞ്ഞു. ഇവർ പോലീസ് കസ്റ്റഡിയിലുണ്ട്. മുത്തുമണിയുടെ മൃതദേഹം പോസ്റ്റുമോർട്ടത്തിനായി കോട്ടയം മെഡിക്കൽ കോളജിലേക്കു നീക്കി. കുന്പനാട് ആറാട്ടുപുഴ റോഡരികിലെ വീടിനു സമീപം ഒരാൾ രക്തത്തിൽ കുളിച്ചുകിടക്കുന്നതായി പോലീസിനു സന്ദേശം ലഭിച്ചതിനേ തുടർന്ന് കോയിപ്രം എസ്എച്ച്ഒ കെ.എസ്. ഗോപകുമാറിന്റെ നേതൃത്വത്തിൽ പോലീസ് സ്ഥലത്തെത്തിയപ്പോഴേക്കും മരിച്ചനിലയിലാണ് മുത്തുമണിയെ കണ്ടത്. അവിവാഹിതനാണ്. തിരുവനന്തപുരം…
Read Moreസ്വകാര്യ ആശുപത്രികളിൽ മൂന്നു ലക്ഷം രൂപ ചിലവ് വരുന്ന മുട്ടുമാറ്റിവയ്ക്കൽ ശസ്ത്രക്രിയ സൗജന്യമായി ചെയ്ത് ഹരിപ്പാട് താലൂക്ക് ആശുപത്രി
ഹരിപ്പാട്: ഹരിപ്പാട് താലൂക്ക് ആശുപത്രിയിൽ ആദ്യമായി മുട്ടുമാറ്റിവയ്ക്കൽ ശസ്ത്രക്രിയ നടത്തി. ചിങ്ങോലി സ്വദേശിനി രമാദേവി(52)യ്ക്കാണ് ശസ്ത്രക്രിയ നടത്തിയത്. സ്വകാര്യ ആശുപത്രികളിൽ ഏകദേശം മൂന്നു ലക്ഷം രൂപ ചെലവു വരുന്ന ശസ്ത്രക്രിയയാണ് ഹരിപ്പാട് ഗവ.ആശുപത്രിയിൽ പൂർണമായും സൗജന്യമായി നടത്തിയതെന്ന് സൂപ്രണ്ട് എസ്.സുനിൽ പറഞ്ഞു. ഓർത്തോപീഡിക് സർജൻമാരായ ഡോ. ദീപക് നായർ, ഡോ.അനു, അനസ്തീഷിയ വിഭാഗം ഡോ.ശ്യാം പ്രസാദ് എന്നിവരുടെ നേതൃത്വത്തിലായിരുന്നു ശസ്ത്രക്രിയ.
Read Moreകൃഷി മേഖലയിൽ ഉപ്പുവെള്ളം തടയാൻ ഏഴു ബണ്ടുകൾക്ക് കരാർ ക്ഷണിച്ച് മൈനർ ഇറിഗേഷൻ വകുപ്പ്
ഹരിപ്പാട്: കൃഷി മേഖലയിലേക്കു കായംകുളം കായലിൽ നിന്നുള്ള ഉപ്പുവെള്ളം കയറാതിരിക്കുവാൻ ആറാട്ടുപുഴ,കുമാരപുരം ഗ്രാമപ്പഞ്ചായത്തുകളിലെ വിവിധ തോടുകളിലായി ഏഴു ബണ്ടുകൾക്ക് കരാറായി. മൈനർ ഇറിഗേഷൻ വകുപ്പായിരുന്നു കരാർ ക്ഷണിച്ചിരുന്നത്. കരുവാറ്റ, കാർത്തികപ്പള്ളി, പഞ്ചായത്തുകളിൽ വിവിധ തോടുകളിലായി നാലു ബണ്ടുകൾ സ്ഥാപിക്കുന്നതിനായി മൈനർ ഇറിഗേഷൻ വകുപ്പ് നേരത്തേ കരാർ ക്ഷണിച്ചിരുന്നെങ്കിലും ആരും ജോലി ഏറ്റെടുക്കുവാൻ തയാറാകാത്തതിനാൽ റീടെൻഡർ ചെയ്യുകയായിരുന്നു. കരാറായവയിൽ ആറെണ്ണം ആറാട്ടുപുഴയിലും ഒരെണ്ണം കുമാരപുരത്തുമാണ്. കാലവർഷമാകുന്പോൾ കോണ്ട്രാക്ടറുടെ ചെലവിൽ പൊളിച്ചുനീക്കണമെന്നും അറ്റകുറ്റപണികൾമെന്നും കരാറിൽ വ്യവസ്ഥയുണ്ട്. കാർത്തികപ്പള്ളിയിൽ മൂന്നും കരുവാറ്റയിൽ ഒരു ബണ്ടും സ്ഥാപിക്കുന്ന ജോലിയാണ് റീടെൻഡർ ചെയ്തത്. ജലാശയങ്ങളിൽ ഓരിന്റെ അംശം അനുഭവപ്പെട്ടു തുടങ്ങിയതിനാൽ എത്രയും വേഗം ബണ്ടുകളുടെ പണി പൂർത്തീകരിക്കണമെന്ന് കൃഷി വകുപ്പ് ഇറിഗേഷൻ വകുപ്പിനോട് ആവശ്യപ്പെട്ടിടിട്ടുണ്ട്. ഇനിയും വൈകിയാൽ അപ്പർകുട്ടനാടൻ മേഖലയിലേയും മറ്റും കൃഷിക്ക് നാശമുണ്ടാകും. മഹാദേവി കാട് പുളിക്കീഴ് പാലത്തിന് സമീപം തോട്ടിൽ ബണ്ട്…
Read Moreഅഴിയാക്കുരുക്ക്; അമ്പത്തിരണ്ടുകാരി തീർഥാടകയെ തടഞ്ഞ കേസ്; കെ.സുരേന്ദ്രനെ ഡിസംബർ ആറുവരെ റിമാൻഡ് ചെയ്ത് കോടതി
പത്തനംതിട്ട: ബിജെപി സംസ്ഥാന ജനറൽ സെക്രട്ടറി കെ.സുരേന്ദ്രനെ ഡിസംബർ ആറു വരെ റിമാൻഡ് ചെയ്തു. റാന്നി കോടതിയാണ് സുരേന്ദ്രനെ റിമാൻഡ് ചെയ്തത്. ചിത്തിര ആട്ടവിശേഷ സമയത്ത് ശബരിമലയിലെത്തിയ 52 വയസുകാരിയായ തീർഥാടകയെ തടഞ്ഞ സംഭവവുമായി ബന്ധപ്പെട്ടാണ് സുരേന്ദ്രന്റെ അറസ്റ്റ് വ്യാഴാഴ്ച പോലീസ് രേഖപ്പെടുത്തിയത്. എന്നാൽ, സുരേന്ദ്രനെ കസ്റ്റഡിയിൽ വേണമെന്ന പോലീസിന്റെ ആവശ്യം കോടതി തള്ളി. അദ്ദേഹത്തിന്റെ ജാമ്യാപേക്ഷ പത്തനംതിട്ട മജിസ്ട്രേറ്റ് കോടതി ശനിയാഴ്ച പരിഗണിക്കും. മുഖ്യമന്ത്രിയുടെ ഓഫീസിന്റെ ഗൂഢാലോചനയാണ് തനിക്കെതിരെ നടക്കുന്നതെന്ന് കോടതിക്കു പുറത്തെത്തിയ സുരേന്ദ്രൻ ആവർത്തിച്ചു.
Read Moreകോടംതുരുത്ത് പഞ്ചായത്തിലെ യുഡിഎഫ് ഭരണം തെറിപ്പിക്കാൻ സിപിഎം-ബിജെപി സഖ്യം? ആരോപണത്തെക്കുറിച്ച് കോൺഗ്രസ് പറയുന്നതിങ്ങനെ…
തുറവൂർ: കോടംതുരുത്ത് പഞ്ചായത്തിലെ യുഡിഎഫ് ഭരണം അട്ടിമറിക്കാൽ സിപിഎമ്മും ബിജെപിയും കൈകോർക്കുന്നതായി ആരോപണം. തെരുവിൽ സിപിഎമ്മും ബിജെപിയും തമ്മിൽ തല്ലുന്നതായി അഭിനയിച്ച്, യുഡിഎഫിനെതിരെ ഇവർ ഒരുമിക്കുകയാണെന്നും കോണ്ഗ്രസ് അരോപിച്ചു. കഴിഞ്ഞ ദിവസമാണ് കോടംതുരുത്ത് പഞ്ചായത്തിലെ യുഡിഎഫ് ഭരണത്തിനെതിരെ എൽഡിഎഫ് അവിശ്വാസപ്രമയത്തിന് നോട്ടീസ് നൽകിയത്. സിപിഎമ്മിലെ അഞ്ച് അംഗങ്ങൾ ഒപ്പിട്ട് പട്ടണക്കാട് ബ്ലോക്ക് പഞ്ചായത്ത് ഓഫീസിലാണ് നോട്ടീസ് നൽകിയത്. നിലവിൽ ഏഴ് കോണ്ഗ്രസ് അംഗങ്ങൾ, അഞ്ച് സിപിഎം അംഗങ്ങൾ, ജഐസ്എസ് ഗൗരിയമ്മാ വിഭാഗത്തിലെ ഒരംഗം, ബിജെപിയുടെ രണ്ട് അംഗങ്ങൾ എന്നിങ്ങനെയാണ് കക്ഷിനില. ബിജെപിയുടെ പിൻതുണയോടെ ഭരണം പിടിക്കാനുള്ള നീക്കമാണ് സിപിഎം നടത്തുന്നതെന്നാണ് ആരോപണം. പ്രസിഡന്റ്, വൈസ്പ്രസിഡന്റിനെതിരെ നൽകിയിരിക്കുന്ന വിശ്വാസപ്രമേയം അടുത്ത ദിവസം ചർച്ചയ്ക്കെടുക്കും.
Read Moreഐ ആം ഫോർ ആലപ്പി’ പദ്ധതിയ്ക്ക് സ്നേഹസ്പർശവുമായി കേരള ഫീഡ്സ്
ആലപ്പുഴ: ആലപ്പുഴ ജില്ലയിലെ പ്രളയബാധിത ക്ഷീരകർഷകർക്കുള്ള സൗജന്യ പശു പദ്ധതിയിൽപെട്ടവർക്ക് ആദ്യഘട്ടത്തിൽ കുറഞ്ഞത് രണ്ടുചാക്ക് കാലിത്തീറ്റ സൗജന്യമായി നൽകുമെന്ന് കേരള ഫീഡ്സ് എംഡി ഡോ. ബി ശ്രീകുമാർ പറഞ്ഞു. പ്രളയബാധിത ക്ഷീരകർഷകർക്കായി കേരള ഫീഡ്സ് നടപ്പാക്കി വരുന്ന സ്നേഹസ്പർശം പദ്ധതിയുടെ ആലപ്പുഴ ജില്ലയിലെ ഉദ്ഘാടന സമ്മേളനത്തിൽ സംസാരിക്കുകയായിരുന്നു അദ്ദേഹം. പ്രളയദുരിതം നേരിടുന്നതിനു വേണ്ടി 5.17 കോടിയിൽപരം രൂപയുടെ കാലിത്തീറ്റയാണ് കേരള ഫീഡ്സ് സൗജന്യമായി നൽകിയതെന്ന് കേരള ഫീഡ്സ് ചെയർമാൻ കെ.എസ്. ഇന്ദുശേഖരൻ നായർ ചൂണ്ടിക്കാട്ടി. സ്നേഹസ്പർശം പദ്ധതിയുടെ ആലപ്പുഴ ജില്ലാതല ഉദ്ഘാടനം നിർവഹിക്കുകയായിരുന്നു അദ്ദേഹം. 52 കോടി രൂപ നഷ്ടത്തിൽ പ്രവർത്തിക്കുന്പോഴും ജനങ്ങളോടുള്ള പ്രതിബദ്ധത കേരള ഫീഡ്സ് ഉയർത്തിപ്പിടിച്ചുവെന്ന് അദ്ദേഹം പറഞ്ഞു. പ്രളയസമയത്ത് 12000 കന്നുകാലികളെയാണ് ആലപ്പുഴ ജില്ലയിൽ രക്ഷപ്പെടുത്തിയതെന്ന് സബ്കളക്ടർ കൃഷ്ണതേജ ചൂണ്ടിക്കാട്ടി. ’ഡൊണേറ്റ് എ കാറ്റിൽ’ പദ്ധതിയുടെ ഭാഗമായി ആറ് കറവപ്പശുക്കളെ ചടങ്ങിൽ വിതരണം…
Read Moreചക്കുളത്തുകാവ് ഭഗവതിക്ഷേത്രത്തിൽ ഭക്തലക്ഷങ്ങൾ പൊങ്കാല അർപ്പിച്ചു
എടത്വ: സ്ത്രീകളുടെ ശബരിമലയെന്ന് വാഴ്ത്തപ്പെടുന്ന നീരേറ്റുപുറം ചക്കുളത്തുകാവ് ഭഗവതിക്ഷേത്രത്തിൽ പഞ്ചഭൂതങ്ങളെ സാക്ഷിയാക്കി ദേവീദർശനത്തിന്റെ അനുഗ്രഹം ഏറ്റുവാങ്ങി ഭക്തലക്ഷങ്ങൾ ഇന്ന് രാവിലെ പൊങ്കാല അർപ്പിച്ചു. കേരളത്തിനകത്തും പുറത്തും നിന്നുമുള്ള ലക്ഷക്കണക്കിന് സ്ത്രീകളും കുട്ടികളുമടങ്ങുന്ന ഭക്തരാണ് പൊങ്കാലയിൽ പങ്കെടുത്തത്. സംസ്ഥാനത്തിനു പുറമെ തമിഴ്നാട്, കർണാടക, ആന്ധ്ര തുടങ്ങിയ സംസ്ഥാനങ്ങളിൽ നിന്നും ലക്ഷക്കണക്കിന് ഭക്തരാണ് പൊങ്കാല അർപ്പിക്കാനായി എത്തിയത്. ക്ഷേത്രത്തിന് ചുറ്റുമുള്ള 70 കിലോമീറ്റർ പ്രദേശങ്ങൾ 9.30 ഓടെ യാഗഭൂമിയായി മാറി. തകഴി-തിരുവല്ല-കോഴഞ്ചേരി, ചെങ്ങന്നുർ-പന്തളം, എടത്വ-തകഴി, നീരേറ്റുപുറം-കിടങ്ങറ, പൊടിയാടി-മാന്നാർ-മാവേലിക്കര, എടത്വ-ഹരിപ്പാട് എന്നീ പ്രധാന റോഡുകളിലും ഇടവഴികളിലുമായി പൊങ്കാല അടുപ്പുകൾ നിരന്നു. തൃക്കാർത്തിക ദിനത്തിലെ പൊങ്കാലയുടെ പുണ്യം നുകരാൻ നാടിന്റെ നാനാഭാഗത്തുനിന്നും ഭക്തർ ഇന്നലെ രാവിലെ മുതലേ ചക്കുളത്തുകാവിലേക്ക് ഒഴുകിയെത്തി. പുലർച്ച മൂന്നിന് നടന്ന മഹാഗണപതി ഹോമത്തോടെയാണ് പൊങ്കാല ചടങ്ങുകൾ ആരംഭിച്ചത്. ഒന്പതിന് വിളിച്ചുചൊല്ലി പ്രാർത്ഥനയ്ക്കു ശേഷം 9.30നു പൊങ്കാലയ്ക്കു തുടക്കം കുറിച്ച്…
Read Moreശബരിമലയിൽ വെടിവഴിപാട് നടത്താൻ അനുമതി ആയില്ല; ആചാരമെന്ന നിലയിൽ ഇതു നടത്താനായി നിരവധി ഭക്തർ എത്തുന്നുണ്ടെങ്കിലും വഴിപാട് നടത്താനാവാതെ ഭക്തർ മടങ്ങുന്നു
ശബരിമല: മണ്ഡലകാല തീർഥാടനം ആരംഭിച്ച് അഞ്ചുദിവസങ്ങൾ പിന്നിടുന്പോഴും സന്നിധാനത്ത് വെടിവഴിപാട് ആരംഭിക്കാൻ ദേവസ്വം ബോർഡിനായിട്ടില്ല. വഴിപാട് നടത്താനുള്ള ചുമതല മുൻകാലങ്ങളിൽ ദേവസ്വം ബോർഡ് കരാർ നൽകുകയായിരുന്നെങ്കിലും ഇക്കുറി അതു പാടില്ലെന്ന നിർദേശം വന്നതാണ് കാലതാമസത്തിനു കാരണം. വെടിവഴിപാട് ആരംഭിക്കണമെങ്കിൽ എറണാകുളം കാക്കനാട്ടെ ഡെപ്യൂട്ടി ചീഫ് കണ്ട്രോളർ ഓഫ് എക്സ്പ്ലോസീവ് ഓഫീസിൽ നിന്ന് അനുമതി വാങ്ങണം. ഇത്തവണ കർശന നിയന്ത്രണങ്ങളാണ് വഴിപാട് ലൈസൻസിനു ഡെപ്യൂട്ടി ചീഫ് കണ്ട്രോളർ ഓഫീസ് വരുത്തിയിട്ടുണ്ട്. മരുന്നിന്റെ ഉടമസ്ഥാവകാശം ദേവസ്വം ബോർഡ് കമ്മീഷണർക്കും കുറ്റി വെടികളും ഉടമസ്ഥാവകാശം ശബരിമല എക്്്സിക്യൂട്ടീവ് ഓഫീസർക്കുമാണ്. വെടിമരുന്ന് സൂക്ഷിക്കുന്നതിന് എക്സ്പ്ലോസീവ് കണ്ട്രോളറും കുറ്റി വെടികൾ സൂക്ഷിക്കുന്നതിന് പത്തനംതിട്ട ജില്ലാ കളക്ടറുമാണ ്അനുമതി നൽകേണ്ടത്. വെടി വഴിപാട് അവകാശം ലേലത്തിൽ നൽകാതെ നിബന്ധനകൾ പാലിച്ച് ബോർഡ് തന്നെ ഇത് ഏറ്റെടുത്ത് നടത്തണമെന്നാണ് ഡെപ്യൂട്ടി കണ്ട്രോളർ സ്വീകരിച്ചിരിക്കുന്നത്.വെടിമരുന്ന് സൂക്ഷിക്കുന്നതിനു പ്രത്യേക സ്ഥലം…
Read Moreറോഡുനിർമാണത്തിലെ അശാസ്ത്രീയത; പെരുനാട് – പെരുന്തേനരുവി റോഡിലെ യാത്ര ദുരിതമയം
റാന്നി: റോഡുനിർമാണത്തിലെ അശാസ്ത്രീയത, പെരുനാട് – പെരുന്തേനരുവി റോഡിലെ യാത്ര ബുദ്ധിമുട്ടായി മാറുന്നു.തോണിക്കടവ് – കോളാമല റോഡിന്റെ കയറ്റം കുറയ്ക്കുന്നതിന്റെ ഭാഗമായി താഴ്ത്തിയപ്പോൾ പെരുനാട് – പെരുന്തേനരുവി റോഡുഭാഗം ഉയർത്തിയത് വാഹനയാത്രയ്ക്കും സമീപത്തെ വസ്തു ഉടമയ്ക്കുമാണ് ദുരിതമായി മാറിയത്. കുത്തനെയുള്ള കോളാമല റോഡിന്റെ കയറ്റം കുറയ്ക്കാനായി താഴ്ത്തുകയും റോഡ് ചേരുന്ന പെരുനാട് – പെരുന്തേനരുവി റോഡിന്റെ തോണിക്കടവ് ഭാഗം മണ്ണിട്ടുയർത്തുകയുമായിരുന്നു. ഇതോടെ തോണിക്കടവ് റോഡിൽ വെള്ളം പുറത്തേക്ക് ഒലിച്ചു പോകാൻ മാർഗമില്ലാതെ കുളം പോലെ വെള്ളക്കെട്ട് രൂപപ്പെടുകയും മഴയിൽ സമീപത്തുള്ള മുണ്ടാട്ടുചൂണ്ടയിൽ പോൾസന്റെ വീട്ടു മുറ്റത്തേക്കും പുരയിടത്തിലേക്കും ശക്തിയായി ഒഴുകി വീഴുകയാണ്. കഴിഞ്ഞ പ്രളയത്തിൽ പന്പാനദീ തീരത്തുള്ള പോൾസന്റെ വീടും പറന്പും പ്രളയം കവർന്നിരുന്നു. അതിജീവനത്തിനായി പാടുപെടുന്ന സമയത്താണ് മറ്റൊരു പ്രളയരൂപത്തിൽ റോഡിൽ നിന്നെത്തുന്ന മലവെള്ളം മുറ്റത്തും പുരയിടത്തിലും പ്രതിസന്ധിയുണ്ടാക്കുന്നത്. പൊതുമരാമത്ത് അധികൃതരുടെ ശ്രദ്ധയിൽ വിഷയംപെടുത്തിയിട്ടും നടപടിയുണ്ടായില്ല.…
Read More