ആലപ്പുഴ: ബീച്ചിൽ അധ്യാപകൻ ആക്രമിക്കപ്പെട്ട സംഭവത്തിൽ പ്രതികളെ പിടികൂടാനായില്ല. കഴിഞ്ഞദിവസം രാത്രി ബീച്ചിലെ ഹോമിയോ ആശുപത്രിക്കു സമീപത്തുള്ള കാറ്റാടിക്കാടിനടുത്തായിരുന്നു സംഭവം. നഗരത്തിലെ സ്കൂളിലെ താത്കാലിക അധ്യാപകനായിരുന്നു ആക്രമിക്കപ്പെട്ടത്. അധ്യാപകന്റെ മാലയും മോതിരവും പഴ്സും പണവും നഷ്ടപ്പെട്ടിരുന്നു. രാത്രി ഒന്പതോടെ ബീച്ചിലെത്തിയ അക്രമിസംഘം പഴ്സ് നഷ്ടപ്പെട്ടെന്ന വ്യാജേന മൊബൈൽ ഫോണിൽ വെളിച്ചം തേടിയാണ് അധ്യാപകനെ സമീപിച്ചത്. ഇതിനിടെ പിന്നിൽ നിന്നും അടിയേൽക്കുകയായിരുന്നു. കണ്ണിൽ മണ്ണും വാരിയിട്ടു. പരിക്കേറ്റ അധ്യാപകൻ മെഡിക്കൽ കോളജിൽ ചികിത്സയും തേടി. സൗത്ത് പോലീസ് സംഭവത്തിൽ കേസ് എടുത്ത് അന്വേഷണം നടത്തുന്നുണ്ട്.
Read MoreCategory: Alappuzha
വരട്ടാറിന്റെ തീരങ്ങളിൽ മൂന്നുതരം പുതിയ ഉറുമ്പുകളെ കണ്ടെത്തി
ചെങ്ങന്നുർ: വരട്ടാർ – ആദി പന്പാതീരങ്ങളിൽ നടത്തിയ പഠനങ്ങളിൽ മൂന്നുതരം പുതിയ ഉറുന്പുകളെ കേരളത്തിൽ നിന്നാദ്യമായി കണ്ടെത്തി. ചെങ്ങന്നൂർ ക്രിസ്ത്യൻ കോളജിലെ ജന്തുശാസ്ത്ര വിഭാഗത്തിന്റെയും ഭുമിത്ര സേനാ ക്ലബ്ബിന്റെയും സംയുക്താഭിമുഖ്യത്തിൽ നടത്തിയ ഗവേഷണത്തിലാണു കണ്ടെത്തൽ. പ്രളയത്തിനു മുൻപ് ഏപ്രിൽ, മേയ് മാസങ്ങളിൽ നടത്തിയ പഠനങ്ങളിൽ ടെട്രാ മോറിയം കാൽഡേറിയം, കരിന്പാര ലീഗ് നേറ്റ, ഹൈപ്പോ പൊനീറഅസ് മുത്തി എന്നീ മൂന്നിനം ഉറുന്പുകളെ നദികളുടെ തീരങ്ങളിൽനിന്നാണ് കണ്ടെത്തിയത്. തുടർന്ന് വിശദമായി നടത്തിയ പഠനത്തിലാണ് ഉറുന്പുകൾ ഈ ഗണത്തിൽപ്പെടുന്നവയാണെന്നു തിരിച്ചറിഞ്ഞത്. ഈ മൂന്നിനം ഉറുന്പുകളും മണ്ണിനടിയിലും കരീലകൾക്കിടയിലും കണ്ടുവരുന്നവയാണ്. കാരിന്പാര ലിഗ് നേറ്റ- അരുണാചൽ പ്രദേശ്, ആസാം, കർണാടക, മേഘാലയ എന്നീ സംസ്ഥാനങ്ങളിൽനിന്നും ടെട്രാ മോറിയം കാൽഡേറിയം – രാജസ്ഥാൻ, പഞ്ചാബ് എന്നിവിടങ്ങളിൽ നിന്നും, ഹൈപ്പോ പൊനീറ അസ്മുത്തി – പശ്ചിമ ബംഗാൾ, ആസാം, ഹിമാചൽ പ്രദേശ് ,അരുണാചൽ പ്രദേശ്…
Read Moreപോലീസിന്റെ നിർദേശത്തിന് പുല്ലുവില; പുളിങ്കുന്ന് തട്ടാശേരി റോഡിൽ അമിതമായി വർധിപ്പിച്ച ഓട്ടോക്കൂലി കുറച്ചില്ല; പരാതി ലഭിച്ചാൽ കർശന നടപടിയെന്ന് സിഐ
മങ്കൊന്പ്: പുളിങ്കുന്ന് തട്ടാശേരി റോഡിൽ അമിതമായി വർധിപ്പിച്ച ഓട്ടോറിക്ഷാ കൂലി പിൻവലിക്കണമെന്ന നിർദേശം കാറ്റിൽപ്പറത്തി വീണ്ടും യാത്രക്കാരെ പിഴിയുന്നതായി ആരോപണം. വർധിപ്പിച്ച കൂലി സ്വമേധയാ പിൻവലിക്കണമെന്ന് പുളിങ്കുന്ന് സിഐ കഴിഞ്ഞയാഴ്ച തൊഴിലാളികൾക്കു നിർദേശം നൽകിയിരുന്നു. കുട്ടനാട് ജോയിന്റ് ആർടിഒയുമായി കൂടിയാലോചിച്ച ശേഷമായിരുന്നു സിഐയുടെ തീരുമാനം. എന്നാൽ പോലീസിന്റെ നിർദേശം ഒരുദിവസം പോലും പാലിക്കപ്പെട്ടില്ലെന്നാണ് യാത്രക്കാരുടെ പരാതി. നവംബർ ഒന്നു മുതലാണ് മുന്നറിയിപ്പൊന്നുമില്ലാതെ അതുവരെയുണ്ടായിരുന്ന നിരക്കിന്റെ 50 ശതമാനം വർധിപ്പിച്ചത്. ടേണനുസരിച്ചു ഓരോ ഓട്ടോറിക്ഷയും യാത്രക്കാരെ കയറ്റിയിറക്കുന്ന രീതിയാണിവിടെയുള്ളത്. ഒരു ട്രിപ്പിന് മിനിമം അഞ്ചു യാത്രക്കാരെയാണ് കയറ്റിയിറക്കുന്നത്. ഒരേ സമയം ഏഴു യാത്രക്കാരെ വരെ കയറ്റിക്കൊണ്ടു പോകാറുണ്ട്. നേരത്തെ ആളൊന്നിന് പത്തുരൂപ വാങ്ങിയിരുന്നത് ഇപ്പോൾ 15 രൂപയാക്കിയാണ് വർധിപ്പിച്ചത്. 3.4 കിലോമീറ്റർ മാത്രം വരുന്ന റോഡിൽ പഴയനിരക്കു തന്നെ അധികമായതിനാലാണ് ചാർജ് വർധിപ്പിക്കരുതെന്ന് നിർദേശം നൽകിയതെന്നാണ് പോലീസ് പറഞ്ഞിരുന്നത്.…
Read Moreലേക് പാലസ് റിസോർട്ടിന് നഗരസഭയുടെ നോട്ടീസ്; 15 ദിവസത്തിനകം മറുപടി നല്കിയില്ലെങ്കിൽ കെട്ടിടങ്ങൾ പൊളിച്ചുമാറ്റും
ആലപ്പുഴ: തോമസ് ചാണ്ടി എംഎൽഎയുടെ വാട്ടർവേൾഡ് ടൂറിസം കന്പനിയുടെ ഉടമസ്ഥതയിലുള്ള ലേക് പാലസ് റിസോർട്ടിന് നഗരസഭയുടെ നോട്ടീസ്. അനധികൃതമായി നിർമിച്ച കെട്ടിടങ്ങൾക്കെതിരെയാണ് നോട്ടീസ് നല്കിയിരിക്കുന്നത്. 15 ദിവസത്തിനകം തൃപ്തികരമായ മറുപടി നല്കിയില്ലെങ്കിൽ കെട്ടിടങ്ങൾ പൊളിച്ചുമാറ്റുമെന്നും ഇതിനായി ചെലവാകുന്ന തുക ഉടമസ്ഥരിൽ നിന്നും ഈടാക്കുമെന്നുമാണ് നോട്ടീസിലുള്ളത്. നഗരസഭയുടെ എട്ട്, ഒന്പത് വാർഡുകളിൽ നിർമിച്ച റിസോർട്ടിൽ അനധികൃത കെട്ടിടനിർമാണവും പ്ലാനിൽ കാണിച്ചതിൽ നിന്നും വ്യതിചലിച്ചുള്ള നിർമാണങ്ങളും കണ്ടെത്തി. പ്ലാനിൽ നിന്നും വ്യതിചലിച്ചു നിർമിച്ച കെട്ടിടങ്ങൾ 15 ദിവസത്തിനകം പൊളിക്കുകയോ മുനിസിപ്പൽ ബിൽഡിംഗ് ചട്ടപ്രകാരം റഗുലറൈസ് ചെയ്യുകയോ വേണം. സ്ഥലത്ത് ഇനി നിർമാണ പ്രവർത്തനങ്ങൾ നടത്തരുതെന്നും സെക്രട്ടറി നല്കിയ നോട്ടീസിൽ പറയുന്നു. നഗരസഭയിലെ ബിൽഡിംഗ്, റവന്യു ഇൻസ്പെക്ടർമാരുടെ സംയുക്ത പരിശോധനാ റിപ്പോർട്ടിന്റെ അടിസ്ഥാനത്തിലാണ് നോട്ടീസ്.
Read Moreമാന്നാർ ഗതാഗതക്കുരുക്കിൽ വീർപ്പുമുട്ടുന്നു; ഗതാഗതം നിയന്ത്രിക്കാൻ 30 വർഷം മുമ്പ് സ്ഥാപിച്ച ട്രാഫിക് ഐലൻഡ് മാത്രം
മാന്നാർ: ഗതാഗത തിരക്ക് അനുദിനം വർധിക്കുന്ന മാന്നാറിൽ കുരുക്കഴിക്കുവാൻ ഇനിയും സംവിധാനമില്ല. മാന്നാറിലെ ഗതാഗതം നിയന്ത്രിക്കുന്നതിനായി 30 വർഷം മുന്പ് ലയണ്സ് ക്ലബ് നിർമിച്ച് ട്രാഫിക് ഐലൻഡാണ് ഇപ്പോഴുമുള്ള ഏക മാർഗം. ട്രാഫിക് ഐലൻഡ് നിർമിക്കുന്ന കാലത്ത് മാന്നാറിൽ വാഹനങ്ങളുടെ ബാഹുല്യം ഉണ്ടായിരുന്നില്ല. അക്കാലത്ത് വീതി കുറഞ്ഞ റോഡുകളുമായിരുന്നതിനാൽ ട്രാഫിക് നിയന്ത്രിക്കേണ്ടി വന്നാൽ ഈ ഐലൻഡിൽ നിന്നും പോലീസിന് ഗതാഗതം നിയന്ത്രിക്കാൻ കഴിയുമായിരുന്നു. എന്നാൽ ഇന്നിവിടെ നിന്നും ഗതാഗതം നിയന്ത്രിക്കുവാൻ കഴിയുന്നില്ല. നാലു വശങ്ങളിലൂടെയും വരുന്ന വാഹനങ്ങൾ ഐലന്റിൽ നിന്നാൽ കാണുവാൻ കഴിയില്ലെന്ന് മാത്രമല്ല റോഡിൽ ഇറങ്ങി നിന്നു ഗതഗതം നിയന്ത്രിച്ചാലെ ഇപ്പോൾ കാര്യമുള്ളു. 30 വർഷം മുന്പ് നിർമിച്ച ഐലൻഡ് ഇപ്പോൾ നോക്കുകുത്തിയായി മാറിയിരിക്കുകയാണ്. രാഷ്ട്രീയ പാർട്ടികളുടെയും മറ്റ് സംഘടനകളുടെയും പ്രധാന പരിപാടികൾ വരുന്പോൾ കൊടിതോരണങ്ങൾ കെട്ടുവാനുള്ള സ്ഥലമായി ഇത് മാറിയിട്ടുണ്ട്. ഇപ്പോൾ ഗതഗതക്കുരുക്ക് രൂക്ഷമാകുന്പോൾ…
Read Moreഭരണഘടനാ ബഞ്ചിന്റെ ഉത്തരവിന് സ്റ്റേയില്ല; ശബരിമലയിൽ യുവതികളെത്തിയാൽ സുരക്ഷ നൽകണം; സർക്കാരിനു തലവേദനയാകും
പത്തനംതിട്ട: ശബരിമലയിൽ യുവതീപ്രവേശനം സംബന്ധിച്ച ഭരണഘടനാ ബഞ്ചിന്റെ ഉത്തരവ് സ്റ്റേ ചെയ്യാത്ത സാഹചര്യത്തിൽ മണ്ഡല മകരവിളക്കുകാലം സർക്കാരിനു വെല്ലുവിളിയാകും. കോടതി വിധി പ്രകാരം 10നും 50നും മധ്യേ പ്രായമുള്ള സ്ത്രീകളെത്തിയാൽ അവർക്കു സംരക്ഷണം ഒരുക്കേണ്ട ബാധ്യത സർക്കാരിനാണ്. നിലവിൽ പോലീസിന്റെ വെബ്പോർട്ടൽ മുഖേന 500 സ്ത്രീകൾ പ്രവേശനത്തിന് അനുമതി തേടിയിട്ടുണ്ട്. ഇതു കൂടാതെ തൃപ്തി ദേശായി അടക്കമുള്ള വനിതാവകാശ പ്രവർത്തകരും ശബരിമലയിലേക്ക് എത്തുമെന്ന് പ്രഖ്യാപിച്ചിട്ടുണ്ട്. കോടതി വിധി നിലനിൽക്കുന്പോൾ സംരക്ഷണ ആവശ്യപ്പെടുന്നവർക്ക് അതു നൽകാൻ പോലീസിനു ബാധ്യതയുണ്ട്. സർക്കാർ നാളെ സർവകക്ഷി യോഗത്തിലും ഇതുതന്നെയാകും വ്യക്താക്കുന്നത്. അഞ്ചുദിവസം നട തുറന്ന തുലാംമാസത്തിലും രണ്ടുദിവസം മാത്രം നട തുറന്ന ചിത്തിര ആട്ടവിശേഷത്തിലും സർക്കാർ അനുഭവിച്ച തലവേദന കുറച്ചൊന്നുമായിരുന്നില്ല. ശക്തമായ സുരക്ഷാ സന്നാഹങ്ങൾ ഒരുക്കിയെന്നവകാശപ്പെട്ടപ്പോഴും രണ്ടുതവണയും പ്രതിഷേധക്കാരുടെ മുന്പിൽ പോലീസിനു കീഴടങ്ങേണ്ടിവന്നു. മണ്ഡല, മകരവിളക്കുകാലം 64 ദിനങ്ങൾ നീളുന്നതാണ്. 16നു…
Read Moreപിക്കപ്പ് വാനും ഓട്ടോ ടാക്സിയും കൂട്ടിയിടിച്ച് ഡ്രൈവർ മരിച്ചു; കായംകുളംസ്വദേശി രമേശനാണ് അപകടത്തിൽ മരിച്ചത്; ഓട്ടോയിൽ ഉണ്ടായിരുന്ന സ്ത്രീകളെ സാരമായ പരുക്കുകളോടെ വണ്ടാനം മെഡിക്കൽ കോളജിൽ പ്രവേശിപ്പിച്ചു
ചാരുംമൂട്: പന്തളം – മാവേലിക്കര റോഡിൽ ഇടപ്പോണ് ഐരാണിക്കുടയിക്ക് സമീപം പിക്കപ്പ് വാനും ഓട്ടോ ടാക്സിയും കൂട്ടിയിടിച്ചുണ്ടായ അപകടത്തിൽ ഓട്ടോ ടാക്സി ഡ്രൈവർ മരിച്ചു. കായംകുളം പുല്ലുകുളങ്ങര സ്വദേശി രമേശൻ (60) ആണ മരിച്ചത്. ഓട്ടോയിൽ സഞ്ചരിച്ച ഒരു കുട്ടിയുൾപ്പെടെ മൂന്നു സ്ത്രീകൾക്കും പരിക്കേറ്റു. ഇതിൽ ഗുരുതരമായി പരിക്കേറ്റ കുട്ടിയെയും ഒരു സ്ത്രീയെയും ആലപ്പുഴ വണ്ടാനം മെഡിക്കൽ കോളജിൽ പ്രവേശിപ്പിച്ചു. ഇന്ന് രാവിലെ 7.30 ഓടെയായിരുന്നു അപകടം. പരിക്കേറ്റ മറ്റു രണ്ടു സ്ത്രീകളെ ഇടപ്പോണിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. അപകടത്തെ തുടർന്ന് ഓട്ടോ ടാക്സിയിൽ കുടുങ്ങിപ്പോയ യാത്രക്കാരെ മാവേലിക്കരയിൽ നിന്നെത്തിയ അഗ്നിശമന സേന വാഹനം വെട്ടിപ്പൊളിച്ചാണ് പുറത്തെടുത്തത്. ഓട്ടോ ടാക്സിയിലുള്ളവർ ക്ഷേത്ര ദർശനത്തിനുപോയതാണെന്ന് പറയപ്പെടുന്നു. ഇടപ്പോണ് ശബരിഫാമിന്റെ ഉടമസ്ഥതയിലുള്ള പിക്കപ്പ് വാനാണ് ഓട്ടോ ടാക്സിയുമായി കൂട്ടിയിടിച്ചത്. നൂറനാട് പോലീസ് മേൽനടപടി സ്വീകരിച്ചു.
Read Moreശബരിമലയെ തകർക്കാൻ എവിടെയോ ഗൂഢാലോചന നടക്കുന്നുവെന്ന ആരോപണവുമായി പി.ജി. ശശികുമാരവർമ
കോന്നി: ശബരിമലയെ തകർക്കാൻ എവിടെയോ ഗൂഢാലോചന നടക്കുന്നതായി പന്തളം കൊട്ടാരം നിർവാഹക സംഘം പ്രസിഡന്റ് പി.ജി. ശശികുമാരവർമ. കേരള വെള്ളാള മഹാസഭ കോന്നി താലൂക്ക് യൂണിയൻ മന്ദിരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യുവതീ പ്രവേശനം സംബന്ധിച്ച സുപ്രീം കോടതി വിധി അനുകൂലമാകുമെന്നാണ് പ്രതീക്ഷ. സർക്കാരിനും ദേവസ്വം ബോർഡിനും സൽബുദ്ധി ഉണ്ടാകാൻ പ്രാർഥിക്കുകയാണ്.തീർഥാടനക്കാലത്ത് ആറ് കോടിയോളം ഭക്തർ ദർശനത്തിന് എത്തുന്നതായാണ് കണക്ക്. ഇവരിൽ ഒരാൾ 500 രൂപയോളം ശബരിമലയിൽ ചെലവാക്കുന്നതായി കണക്കാക്കുന്നു. ഇതെല്ലാം പലതരത്തിൽ സർക്കാർ ഖജനാവിലേക്കാണ് എത്തുന്നത്. എന്നിട്ടാണ് സന്നിധാനത്ത് വെള്ളം തടഞ്ഞും ശൗചാലയങ്ങൾ അടച്ചിട്ടും ഭക്തരെ ദ്രോഹിക്കുന്നതെന്നും അദ്ദേഹം പറഞ്ഞു. മഹാസഭ താലൂക്ക് യൂണിയൻ പ്രസിഡന്റ് പി.ആർ. ശ്രീകുമാർ അധ്യക്ഷത വഹിച്ചു.
Read Moreയാക്കോബായ വൈദികര് പള്ളിയില് കയറി; കട്ടച്ചിറയില് മൃതദേഹം സംസ്കരിച്ചു; ഓര്ത്തഡോക്സ് വിഭാഗം നിയമനടപടിയിലേക്ക്
കായംകുളം: നീണ്ട തര്ക്കത്തിനൊടുവില് യാക്കോബായ വിഭാഗം ഉന്നയിച്ച ആവശ്യം ജില്ലാ ഭരണകൂടം അംഗീകരിച്ചതിനെ തുടര്ന്ന് കറ്റാനം കട്ടച്ചിറയില് യാക്കോബായ വൈദികര് പള്ളിയില് കയറി സംസ്കാര ശുശ്രൂഷയ്ക്ക് നേതൃത്വം നല്കി. കട്ടച്ചിറ പള്ളിക്കലേത്ത് വര്ഗീസ് മാത്യു (95)ന്റെ സംസ്കാര ശിശ്രൂഷയാണ് ഇന്ന് രാവിലെ 7.30ന് വന് പോലീസ് സുരക്ഷയില് കട്ടച്ചിറ സെന്റ് മേരീസ് പള്ളിയില് നടന്നത്. ഓര്ത്തഡോക്സ് യാക്കോബായ വിഭാഗങ്ങള് തമ്മില് തര്ക്കം നിലനില്ക്കുന്ന പള്ളിയില് ഉടമവസ്ഥാ അവകാശം സംബന്ധിച്ച് ഓര്ത്തഡോക്സ് പക്ഷത്തിനകൂലമായ വിധി വന്നിരുന്നു. ഇതേ തുടര്ന്നാണ് ഇരു വിഭാഗവും തമ്മില് രണ്ട് മാസത്തിലേറെയായി തര്ക്കം നില നിന്നത്. ഇതേ തുടര്ന്ന് യാക്കോബായ വിഭാഗം വൈദികരെ പള്ളിയില് കയറ്റരുതെന്ന നിലപാട് ഓര്ത്തഡോക്സ് വിഭാഗം സ്വീകരിച്ചതോടെ പ്രദേശത്ത് സംഘര്ഷാവസ്ഥ ഉടലെടുത്തു. ഇതേ തുടര്ന്ന് ഇവിടെ നിരോധനാഞ്ജ ഏര്പ്പെടുത്തിയിരിക്കുകയാണ്. കഴിഞ്ഞയാഴ്ച മരിച്ച വര്ഗീസ് മാത്യുവിന്റെ മൃതശരീരം സംസ്ക്കരിക്കാന് യാക്കോബായ വിഭാഗം…
Read Moreഗുജറാത്ത് മുതൽ കന്യാകുമാരി വരെയുള്ള നിർദിഷ്ട കപ്പൽ പാതയ്ക്കെതിരേ മത്സ്യത്തൊഴിലാളി ഫെഡറേഷൻ ഭീമഹർജി നൽകും
ആലപ്പുഴ: ഗുജറാത്ത് മുതൽ കന്യാകുമാരി വരെയുള്ള നിർദ്ദിഷ്ട കപ്പൽ പാതയ്ക്കെതിരെ കേന്ദ്ര സർക്കാരിന് ഭീമ ഹർജി സമർപ്പിക്കുവാൻ മത്സ്യ തൊഴിലാളി ഫെഡറേഷൻ (എഐടിയുസി) സംസ്ഥാന കമ്മറ്റി തീരുമാനിച്ചു. ഇരുന്നൂറ് നോട്ടിക്കൽ മൈൽ വരെയുള്ള ഇന്ത്യൻ കടലിൽ മത്സ്യ ബന്ധനത്തിനുള്ള ഇന്ത്യൻ മത്സ്യ തൊഴിലാളികളുടെ അവകാശം കവരുവാനുള്ള നീക്കത്തിനെതിരെയുള്ള ഒപ്പുശേഖരണം 25 ന് ആരംഭിക്കും.സാർവ്വ ദേശീയ മത്സ്യതൊഴിലാളി ദിനമായ 21 ന് തണ്ണീർമുക്കം ബണ്ടിൽ നടക്കുന്ന വേന്പനാട് കായൽ സംരക്ഷണ ശൃംഖല വിജയിപ്പിക്കുവാനും, 29 ന് വെട്ടുകാട് നടക്കുന്ന ഓഖി അനുസ്മരണം വിജയിപ്പിക്കുവാനും യോഗം തീരുമാനിച്ചു. യോഗത്തിൽ സംസ്ഥാന പ്രസിഡന്റ് ടി.ജെ.ആഞ്ചലോസ് അധ്യക്ഷനായിരുന്നു. ജന സെക്രട്ടറി ടി.രഘുവരൻ റിപ്പോർട്ട് അവതരിപ്പിച്ചു. അഡ്വ എം.കെ.ഉത്തമൻ, എ.കെ.ജബ്ബാർ, കുന്പളം രാജപ്പൻ, സോളമൻ വെട്ടുകാട്, കെ.സി.സതീശൻ, ടി.എൻ.സോമൻ, എത്സബത്ത് അസീസി, മിനി രാജേന്ദ്രൻ എന്നിവർ പ്രസംഗിച്ചു.
Read More