ആലപ്പുഴ: നീർക്കുന്നം തീരത്തെത്തിയ ബാർജിലെ ജീവനക്കാരെ രക്ഷപ്പെടുത്താൻ നാവികസേന ശ്രമം തുടങ്ങി. ഇതിനായി സേനയുടെ ഹെലികോപ്റ്റർ നീർക്കുന്നത്തെത്തി. ബാർജിലെ ജീവനക്കാരെ എമിഗ്രേഷൻ നടപടികൾക്കായി തീരസംരക്ഷണ സേനയ്ക്ക് കൈമാറുമെന്നും അധികൃതർ അറിയിച്ചു. മൂന്നു ദിവസം പുറംകടലിൽ അലഞ്ഞ അബുദാബി അൽഫത്താൻ ഡോക്കിന്റെ ബാർജ് തിങ്കളാഴ്ച രാവിലെ എട്ടോടെയാണ് നീർക്കുന്നം തീരത്തടിഞ്ഞത്. കപ്പലിനു പിന്നിൽ കെട്ടിവലിച്ചുകൊണ്ടു പോകുകയായിരുന്ന ബാർജ് ശക്തമായ തിരമാലയിൽപ്പെട്ട് വടം പൊട്ടി കരയ്ക്കടിഞ്ഞതാകാം എന്നാണ് പ്രാഥമിക നിഗമനം. ഇന്തോനേഷ്യയിൽനിന്നു 180 മീറ്റർ നീളമുള്ള കപ്പലും ഫൈബർ ബോട്ടും കയറ്റിവന്നതായിരുന്നു ബാർജ്. ഇറാനിൽനിന്ന് ഇന്തോനേഷ്യയിലെത്തിയ കപ്പൽ അബുദാബിയിലേക്കുള്ള വഴിമധ്യേ വടംപൊട്ടി കപ്പലും ബാർജും വേർപെടുകയായിരുന്നു.
Read MoreCategory: Alappuzha
മെഴുകുതിരിയിൽ നിന്നു തീപടർന്ന് കിടപ്പുമുറി കത്തിനശിച്ചു; വാഷിംഗ്മെഷീനും പുസ്തകങ്ങളും നശിച്ചു; 30,000രൂപയുടെ നാശനഷ്ടം
ചെങ്ങന്നൂർ: മെഴുകുതിരിയിൽ നിന്നും തീപടർന്ന് കിടപ്പുമുറികത്തിനശിച്ചു. പുലിയൂർ വെട്ടിക്കാട്ട് ബിജിരാജിന്റെ വാടകവീട്ടിലാണ് തീപിടിച്ചത്. ഇന്നലെ രാത്രി 10.30നാണ് സംഭവം. രാത്രി വൈദ്യുതി ഇല്ലാത്തതിനാൽ വാഷിംഗ് മെഷീന് സമീപം മെഴുകുതിരി കത്തിച്ചുവെച്ചിരുന്നു. വൈദ്യുതി വന്നപ്പോഴാണ് മുറിക്കുളളിൽ തീപടരുന്നത് കണ്ടത്. ഉടൻതന്നെ ചെങ്ങന്നൂർ ഫയർഫോഴ്സിനെ വിവരമറിയിച്ചു. ജനൽ ചില്ലുകൾ തകർത്താണ് മുറിക്കുളളിലെ തീ നിയന്ത്രണ വിധേയമാക്കിയത്. മുറിക്കുളളിൽ സൂക്ഷിച്ചിരുന്ന വാഷിംഗ് മെഷീനും തുണികളും പുസ്തകങ്ങളും ഫയലുകളും ഉൾപ്പടെ കത്തിനശിച്ചു. 30,000രൂപയുടെ നാശനഷ്ടം കണക്കാക്കുന്നത്.
Read Moreദുരിതപ്പെയ്ത്തും കൊടുംങ്കാറ്റും; ആലപ്പുഴയിൽ ജനജീവിതം സ്തംഭിച്ചു; എസി റോഡിലൂടെയുള്ള കെഎസ്ആർടിസി സർവീസുകൾ നിർത്തി; അടിയന്തര സഹായമെത്തിക്കാൻ നടപടി വേണമെന്ന് രമേശ് ചെന്നിത്തല
ആലപ്പുഴ: തുടർച്ചയായി പെയ്യുന്ന മഴയിൽ ജില്ലയിൽ വ്യാപക നാശം. കനത്ത മഴയോടൊപ്പം കൊടുങ്കാറ്റുകൂടിയായതോടെ ജില്ലയിലെ ജനജീവിതം സ്തംഭിച്ചു. കുട്ടനാട്, അന്പലപ്പുഴ, ചേർത്തല, കാർത്തികപ്പള്ളി താലൂക്കുകളിലാണ് ദുരിതങ്ങളേറെയും. വെള്ളക്കെട്ട് രൂക്ഷമായ ഇവിടെ ദുരിതാശ്വാസ ക്യാന്പുകൾ അടിയന്തിരമായി തുറക്കാനുള്ള നടപടികൾ റവന്യു വകുപ്പ് രാവിലെ ആരംഭിച്ചിട്ടുണ്ട്. കാറ്റിൽ മരങ്ങൾ കടപുഴകിവീണ് വ്യാപകമായി വൈദ്യുതി ബന്ധവും നിലച്ചു. പുറക്കാട് മുതൽ ചേർത്തല വരെയുള്ള ദേശീയ പാതയിൽ നിരവധിയിടങ്ങളിലാണ് ഇന്നലെ മരങ്ങൾ വീണത്. മണിക്കൂറുകളോളം പലയിടങ്ങളിലും ഗതാഗതം തടസപ്പെട്ടു. ചേർത്തല റെയിൽവേ സ്റ്റേഷന് തെക്കുവശം ഇന്ന പുലർച്ചെ അഞ്ചിന് ഓടിക്കൊണ്ടിരുന്ന സ്കോർപ്പിയോ വാനിന് മുകളിലേക്ക് മരം മറിഞ്ഞുവീണു. എയർപോട്ടിലേക്ക് പോകുകയായിരുന്ന വാഹനമാണ് അപകടത്തിൽപ്പെട്ടത്. വാഹനത്തിന്റെ ഡ്രൈവർക്ക് പരിക്കുണ്ട്. മരം വീണതുമൂലം രണ്ടരമണിക്കൂറിലേറെ ഇവിടെ ഗതാഗതവും തടസപ്പെട്ടു. ഇന്നലെ ജില്ലയിൽ റെക്കോർഡ് മഴയാണ് ലഭിച്ചത്. 7.15 സെന്റിമീറ്റർ മഴയാണ് ലഭിച്ചത്. 76 വീടുകൾ ഇന്നലെ…
Read Moreഭക്തിസാന്ദ്രമായ അന്തരീക്ഷത്തിൽ ആറന്മുള വള്ളസദ്യകൾക്കു തുടക്കമായി
കോഴഞ്ചേരി: ആറന്മുള പാർഥസാരഥി ക്ഷേത്രസന്നിധിയിൽ വള്ളസദ്യകൾക്കു ഭക്തിനിർഭരമായ തുടക്കം. പാർഥസാരഥി ക്ഷേത്ര മതിലകത്തെ കൊടിമരച്ചുവട്ടിൽ ഭക്തിസാന്ദ്രമായ അന്തരീക്ഷത്തിൽ തിരുവിതാംകൂർ ദേവസ്വം ബോർഡ് പ്രസിഡന്റ് എ.പത്മകുമാർ നിലവിളക്ക് തെളിച്ചതോടെ വള്ളസദ്യയ്ക്കു തുടക്കമായി. എൻഎസ്എസ് പ്രസിഡന്റ് പി.എൻ. നരേന്ദ്രനാഥൻ നായർ തൂശനിലയിൽ വിഭവങ്ങൾ വിളന്പി. തെക്കേമുറി, കോയിപ്രം, മാരാമണ് പള്ളിയോടങ്ങളാണ് ആദ്യദിവസത്തെ വള്ളസദ്യയിൽ പങ്കെടുത്തത്. പള്ളിയോടങ്ങളിൽ ക്ഷേത്രകടവിലെത്തിയ കരക്കാരെ ആചാരാനുഷ്ഠാനത്തിന്റെ ഭാഗമായി വെറ്റില, പുകയില, പാക്ക് ഇവ നൽകി സ്വീകരിച്ചു. ക്ഷേത്ര കടവിൽ ആദ്യമെത്തിയ തെക്കേമുറി പള്ളിയോടത്തിലെ കരക്കാരെയാണ് ദേവസ്വം ബോർഡ് പ്രസിഡന്റ് എ. പത്മകുമാറും പള്ളിയോട സേവാസംഘം പ്രസിഡന്റ് ബി. കൃഷ്ണകുമാർ കൃഷ്ണവേണിയും സ്വീകരിച്ചത്. ക്ഷേത്രത്തിനു ചുറ്റും മൂന്നു പ്രാവശ്യം പ്രദക്ഷിണംവച്ചതിന് ശേഷം കരക്കാർ കൊടിമരചുവട്ടിലെത്തിയതിനെ തുടർന്നാണ് ശേഷമാണ് ഉദ്ഘാടന ചടങ്ങ് ആരംഭിച്ചത്. ദേവസ്വം ബോർഡ് മെംബർ കെ.പി. ശങ്കർദാസ്, കമ്മീഷണർ എൻ. വാസു, എൻഎസ്എസ് ഡയറക്ടർ ബോർഡംഗം…
Read Moreനാടിന് അപമാനമായി പത്തനംതിട്ട കെഎസ്ആർടിസി; വെള്ളക്കെട്ടും കുഴികളും നിറഞ്ഞ് ബസ് സ്റ്റാൻഡ്; വെളിച്ചമില്ലാത്ത കാത്തിരിപ്പ് കേന്ദ്രം
പത്തനംതിട്ട: വെള്ളക്കെട്ടും കുഴികളും നിറഞ്ഞ ഒരു ബസ് സ്റ്റാൻഡ്. വെളിച്ചമില്ലാത്ത കാത്തിരിപ്പ് കേന്ദ്രം. അന്തർസംസ്ഥാന സർവീസുകളടക്കം പുറപ്പെടുന്ന പത്തനംതിട്ടയിലെ കെഎസ്ആർടിസി ബസ് സ്റ്റാൻഡ് നാടിനു തന്നെ മാനക്കേട്. ഈ ബസ് സ്റ്റാൻഡ് പത്തനംതിട്ടക്കാരുടേതു മാത്രമല്ല. പ്രതിദിനം ഇത് ഉപയോഗിക്കുന്നവരിൽ ഇതര ജില്ലക്കാരും സംസ്ഥാനക്കാരുമൊക്കെയുണ്ട്. ഒരു നാടിന്റെ അഭിമാനം തന്നെയാണ് ഇവിടെ ചോദ്യം ചെയ്യപ്പെടുന്നത്. ഇതൊരു മാനക്കേടാണ്. സർവീസ് പുറപ്പെടാനായി ഇറങ്ങുന്ന ബസ് ജീവനക്കാർ തെന്നി വീണ് ട്രിപ്പ് തന്നെ റദ്ദു ചെയ്യേണ്ടിവരുന്ന അനുഭവം കേരളത്തിൽ കഐസ്ആർടിസിക്ക് വേറെവിടെയും ഉണ്ടായിക്കാണില്ല. സ്വന്തം ബസ് സ്റ്റേഷൻ അല്ല ഇതെന്നു പറഞ്ഞ് കഐസ്ആർടിസി തലയൂരും. പത്തനംതിട്ട നഗരസഭയുടെ ബസ് സ്റ്റാൻഡാണ്. കെഎസ്ആർടിസിക്ക് താത്കാലികാടിസ്ഥാനത്തിൽ നൽകിയതാണ്. അവർ ഇറങ്ങിപ്പോകണമെന്നു പറഞ്ഞ് നോട്ടീസും നൽകിയിട്ടുണ്ട്. പക്ഷേ കെഎസ്ആർടിസിയുടെ ബസ് സ്റ്റാൻഡ് നിർമാണത്തിലായതിനാൽ അവർ ഉടൻ ഇറങ്ങിപ്പോകില്ല. അന്തർ സംസ്ഥാന സർവീസുകളടക്കം ഓപ്പറേറ്റ് ചെയ്യുന്ന ഡിപ്പോയ്ക്ക്…
Read Moreആലപ്പുഴയിൽ ഓടിക്കൊണ്ടിരുന്ന ട്രെയിന്റെ മുകളിൽ മരം വീണു; ആളപായമില്ല
ആലപ്പുഴ: ചന്തിരൂരില് ഓടിക്കൊണ്ടിരുന്ന ട്രെയിനിന്റെ മുകളിലേക്ക് മരം വീണു. മംഗലാപുരം-കൊച്ചുവേളി അന്ത്യോദയ എക്സ്പ്രസിന് മുകളിലേക്കാണ് മരം വീണത്. ഇന്ന് രാവിലെ 6.45നായിരുന്നു സംഭവം. ട്രെയിന്റെ ഏറ്റവും പിന്നിലെ ബോഗിക്ക് മുകളിലാണ് മരം വീണത്. സംഭവത്തിൽ ആളപായമില്ല. ഇതേതുടർന്നു ആലപ്പുഴ വഴിയുള്ള ട്രെയിനുകളെല്ലാം വൈകിയാണ് ഓടുന്നത്.
Read Moreചേർത്തലയിൽ ആഞ്ഞടിച്ച ചുഴലികാറ്റിൽ വ്യാപകനാശം; മരംവീണ് 15ൽപ്പരം വീടുകൾ തകർന്നു; വൈദ്യുതി വിതരണം പൂർണമായി മുടങ്ങി
ചേർത്തല: ചേർത്തലയിൽ ആഞ്ഞടിച്ച ചുഴലികാറ്റിൽ വ്യാപകനാശം. നഗരസഭ ഒന്നാം വാർഡിലാണ് കൂടുതലായും നാശനഷ്ടം സംഭവിച്ചത്. ഒറ്റപ്പുന്ന മുതൽ ശക്തീശ്വരം വരെയുള്ള ഭാഗത്ത് മരംവീണ് 15ൽപ്പരം വീടുകൾ ഭാഗികമായി തകർന്നു. 11 കെ വി ലൈൻ ഉൾപ്പെടെ തകർന്നതിനാൽ പ്രദേശത്ത് വൈദ്യുതി വിതരണം മുടങ്ങി. വെള്ളിയാഴ്ച പുലർച്ചെ നാലോടെയാണ് ഭയപ്പെടുത്തുന്ന ശബ്ദത്തോടെ ചുഴലിക്കാറ്റ് ആഞ്ഞടിച്ചത്. നൂറുകണക്കിന് മരങ്ങൾ കടപുഴകിയും ഒടിഞ്ഞും നിലംപൊത്തി. മരങ്ങൾ പതിച്ചാണ് വീടുകൾക്ക് നാശനഷ്ടം ഉണ്ടായത്. ചിലയിടങ്ങളിൽ വൈദ്യുതി കന്പികൾ പൊട്ടിവീണു. പോസ്റ്റുകളും ഒടിഞ്ഞു. ഇതോടെ വൈദ്യുതി വിതരണം പൂർണമായി മുടങ്ങി. കണിപ്പറന്പ് സദാനന്ദൻ, അറയ്ക്കൽവെളി മുരളീധരൻ, പൊന്നമ്മ, കുറവൻപറന്പ് പ്രവീണ മധു, അറയ്ക്കൽവെളി ജയശ്രീ അനിൽകുമാർ, മേനാശേരി ധന്വന്തരൻ തുടങ്ങിയവരുടെ വീടുകൾക്കാണ് നാശനഷ്ടം സംഭവിച്ചത്. 129-ാം നന്പർ കയർ സഹകരണസംഘം ഓഫീസിനും കേടുപാടുണ്ടായി. ചില വീടുകളുടെ മേൽക്കൂര കാറ്റിൽ പറന്ന് അകലെ പതിച്ചു. ചില…
Read Moreബിന്ദുവിന് അപായം സംഭവിച്ചുവെന്ന് വിശ്വസിക്കുന്നതായി സഹോദരൻ ; മുഖ്യപ്രതി സെബാസ്റ്റ്യനെ സംശയിക്കുന്നു; 19വർഷത്തിനിടയ്ക്ക് സംഭവിച്ചകാര്യങ്ങൾ ഓർത്തെടുത്ത് സഹോദരൻ
ചേർത്തല: ബിന്ദുവിന് എന്തോ അപായം സംഭവിച്ചുവെന്നാണ് വിശ്വാസിക്കുന്നതെന്നും അല്ലെങ്കിൽ ബിന്ദു ഇതിനോടകം രംഗത്തുവരുമായിരുന്നുവെന്നും സഹോദരൻ പ്രവീണ് പറഞ്ഞു. ബിന്ദുവിനെന്തു സംഭവിച്ചുവെന്ന് അറിയാവുന്ന ഏകവ്യക്തി സ്ഥലഇടപാടുകാരനായ സെബാസ്റ്റ്യനാണെന്നും അദ്ദേഹം കൂട്ടിച്ചേർത്തു. ചേർത്തലയിൽ മാധ്യമപ്രവർത്തകരോടു സംസാരിക്കുകയായിരുന്നു പ്രവീണ്. പോലീസ് അന്വേഷണം തുടങ്ങാൻ താമസിച്ചെങ്കിലും ഇതുവരെയുള്ള അന്വേഷണ തൃപ്തികരമാണ്. ബിന്ദുവിനെ കാണാതായതായി പ്രവീണ്കുമാറാണ് അഭ്യന്തരവകുപ്പിനു പരാതി നൽകിയത്. അന്വേഷണം നിർണായക ഘട്ടത്തിലായതോടെ അന്വേഷണ സംഘത്തിന്റെ നിർദ്ദേശം പ്രകാരമാണ് ഇറ്റലിയിലായിരുന്ന പ്രവീണ് നാട്ടിലെത്തയത്.തിരോധാനം അന്വേഷിക്കുന്ന നർക്കോട്ടിക്ക് സെൽ ഡിവൈഎസ്പി മൂന്നുമണിക്കോറോളം പ്രവീണിൽ നിന്നും വിവരങ്ങൾ ശേഖരിച്ചു. സെബാസ്റ്റ്യൻ പോലീസിനോടു പറഞ്ഞതെല്ലാം ആസൂത്രിതമായി സൃഷ്ടിച്ച കള്ളത്തരങ്ങളാണ്. എല്ലാത്തിനും പിന്നിൽ സെബാസ്റ്റ്യനാണ്. വർഷങ്ങളായി ഇയാൾ നടത്തുന്ന ഗൂഢനീക്കങ്ങളുടെ ഭാഗമാണ് ഇടപ്പള്ളിയിലെ വസ്തു തട്ടിപ്പും അനുബന്ധ നടപടികളും.ബിന്ദു ജീവിച്ചിരിപ്പുണ്ടെന്നു കാട്ടാൻ തന്നെ ഇയാൾ വർഷങ്ങളായി ശ്രമങ്ങൾ നടത്തുകയാണ്. 1999-ലാണ് താൻ സഹോദരിയെ അവസാനമായി കാണുന്നത്. ജോലിതേടിയാണ് വിദേശത്തേക്കു…
Read Moreകോടീശ്വരിയായ ബിന്ദുവിന്റെ തിരോധാനം; മുഖ്യപ്രതിയും സഹായിയും വീണ്ടും പോലീസ് കസ്റ്റഡിയിൽ
ചേർത്തല: വ്യാജ മുക്ത്യാർ ചമച്ച് ബിന്ദു പത്മനാഭന്റെ വസ്തു തട്ടിയെടുത്ത കേസുമായി ബന്ധപ്പെട്ട് വ്യാജ ഡ്രൈവിങ് ലൈസൻസ് നിർമിച്ച കേസിന്റെ അന്വേഷണത്തിനായി മുഖ്യപ്രതി സി.എം സെബാസ്റ്റ്യൻ,തമിഴ്നാട് സ്വദേശി സി.ഷണ്മുഖം എന്നിവരെ അഞ്ച് ദിവസത്തേക്ക് കോടതി പോലീസ് കസ്റ്റഡിയിൽ വിട്ടു. വിശദമായ ചോദ്യം ചെയ്യലിനും തെളിവെടുപ്പിനും ഇരുവരെയും കസ്റ്റഡിയിൽ വേണമെന്ന കുത്തിയതോട് സിഐയുടെ അപേക്ഷയിലാണ് ചേർത്തല കോടതി ഇവരെ 17 വരെ കസ്റ്റഡിയിൽ വിട്ടത്. വ്യാജ മുക്ത്യാർ ചമച്ച് വസ്തു തട്ടിയെടുത്ത കേസിൽ നേരത്തെ ചേർത്തല ഡിവൈഎസ്പിയുടെ കസ്റ്റഡിയിലായിരുന്ന സെബാസ്റ്റ്യനെ ഇന്നലെ കോടതിയിൽ തിരികെ നൽകിയപ്പോഴാണ് കുത്തിയതോട് സിഐ ഇയാളെ കസ്റ്റഡിയിൽ വേണമെന്ന് ആവശ്യപ്പെട്ടത്. സെബാസ്റ്റ്യന്റെ വീട്ടിലും ഇന്ന് പരിശോധന നടത്തും. വ്യാജ എസ്എസ്എൽസി ബുക്കുമായി ബന്ധപ്പെട്ടും ചോദ്യം ചെയ്യലുണ്ടാവും. അതേസമയം വ്യാജ ഡ്രൈവിങ് ലൈസൻസ് നിർമിച്ച ഷണ്മുഖവുമായി പോലീസ് സംഘം ഇന്ന് മേട്ടുപാളയത്തേക്ക് പോകും. ഇവിടെയാണ് ഇയാൾ…
Read Moreബഹിഷ്കരണ ഭീഷണിയിൽ നെഹ്റുട്രോഫി; അടിസ്ഥാന സൗകര്യങ്ങൾ മെച്ചപ്പെടുത്തിയില്ലെങ്കിൽ മത്സരത്തിനില്ലെന്ന് വള്ളമുടമകളും തുഴച്ചിൽക്കാരും
ആലപ്പുഴ: നെഹ്റുട്രോഫി ജലോൽസവത്തിനുള്ള തയാറെടുപ്പുമായി എൻടിബിആർ സൊസൈറ്റി മുന്നോട്ടു പോകുന്നതിനിടയിൽ കല്ലുകടിയായി വള്ളമുടമകളുടെയും തുഴച്ചിൽക്കാരുടെയും ബഹിഷ്കരണ നീക്കം. ജലോത്സവത്തിനുള്ള അടിസ്ഥാന സൗകര്യങ്ങൾ മെച്ചപ്പെടുത്തുകയും, സംഘാടക സമിതികളിൽ അർഹിക്കുന്ന പ്രാതിനിധ്യവും നൽകുന്നില്ലെങ്കിൽ മത്സരത്തിനില്ലെന്ന നിലപാടുമായി ചുണ്ടൻ വള്ളങ്ങളൊഴികെയുള്ള ചെറുവള്ളങ്ങളുടെ ഉടമകളുടെ സംഘടനയും തുഴച്ചിൽക്കാരുടെ സംഘടനയുമാണ് രംഗത്തെത്തിയിരിക്കുന്നത്. ജലമേളയിലെ ചെറുവള്ളങ്ങളടക്കമുള്ള മത്സരങ്ങൾ ഉച്ചയ്ക്കു ശേഷം നടത്തുക, മൂന്നു വർഷമായി മുടങ്ങിയ ഗ്രാന്റുകൾ അനുവദിക്കുക, ചെറുവള്ളങ്ങളുടെ ഉടമ സംഘടന പ്രതിനിധികളെ എക്സിക്യൂട്ടീവ്, റേസ് കമ്മറ്റികളിൽ ഉൾപ്പെടുത്തുക തുടങ്ങിയ ആവശ്യങ്ങൾ ഉന്നയിച്ച് കേരള റേസ് ബോട്ട് ഓണേഴ്സ് അസോസിയേഷനാണ് ജലോത്സവ ബഹിഷ്കരണ ഭീഷണിയുയർത്തിയിരിക്കുന്നത്. ഈ ആവശ്യങ്ങളുന്നയിച്ച് കഴിഞ്ഞ വർഷം സംഘടന നേതൃത്വത്തിൽ ബഹിഷ്കരണ ഭീഷണി ഉയർത്തിയിരുന്നെങ്കിലും വിഷയത്തിനു പരിഹാരമുണ്ടാക്കാം എന്ന അധികൃതരുടെ ഉറപ്പിനെ തുടർന്ന് ജലമേളയിൽ പങ്കെടുക്കുകയായിരുന്നു. എന്നാൽ ഇതിനു ശേഷം എൻടിബിആർ അധികൃതർക്കു നിവേദനങ്ങൾ നൽകിയെങ്കിലും നടപടികളൊന്നുമുണ്ടാകാത്ത സാഹചര്യത്തിൽ ഇത്തവണത്തെ നെഹ്റു…
Read More