ചെങ്ങന്നൂർ: തോൽവിയിൽ ആരും തകർക്കാത്ത റിക്കാർഡ് സ്വന്തമാക്കാൻ ഡോ. പദ്മരാജൻ ചെങ്ങന്നൂരിലുമെത്തി.ചെങ്ങന്നൂർ ഉപതെരഞ്ഞെടുപ്പിൽ മത്സരിക്കാൻ ഇന്നലെ നാമനിർദേശ പത്രികയും സമർപ്പിച്ചു. കണ്ണൂർ സ്വദേശിയും തമിഴ്നാട്ടിലെ സേലത്തു താമസക്കാരനുമായ ഡോ. കെ. പദ്മരാജൻ(60) 1988ൽ, മുപ്പതാം വയസിൽ ആരംഭിച്ച മത്സരമാണ് ഇപ്പോഴും തുടരുന്നത്. ഹോമിയോ ഡോക്ടർകൂടിയായ പദ്മരാജൻ 196 തെരഞ്ഞെടുപ്പുകളിൽ ഇതുവരെ മത്സരിച്ചിട്ടുണ്ട്. എതിരാളികളുടെ പട്ടികയിൽ പ്രധാനമന്ത്രി നരേന്ദ്രമോദി, മുൻപ്രധാനമന്ത്രിമാരായ എ.ബി. വാജ്പേയി, പി.വി. നരസിംഹറാവു, തമിഴ്നാട് മുഖ്യമന്ത്രിമാരായ ജെ. ജയലളിത, എം.കരുണാനിധി തുടങ്ങിയ പേരുകാരും. ഒരു തവണയെങ്കിലും ജയിച്ചുപോയാൽ തന്റെ ലക്ഷ്യം നടക്കാതെപോകുമെന്നാണ് ഇദ്ദേഹം പറയുന്നത്. പത്രികസമർപ്പിച്ചശേഷം തമിഴ്നാട്ടിലേക്ക് മടങ്ങി. ഒരു സെറ്റ് പത്രികയാണ് വരണാധികാരി കൂടിയായ ചെങ്ങന്നൂർ ആർ ഡിഒ എം.വി. സുരേഷ്കുമാർ മുന്പാകെ ഇന്നലെ രാവിലെ 11.10ന് പദ്മരാജൻ സമർപ്പിച്ചത്.
Read MoreCategory: Alappuzha
സിഐടിയു തൊഴിലാളികൾ നോക്കുകൂലി ആവശ്യപ്പെട്ട സംഭവം; നോക്കുകൂലി അംഗീകരിക്കില്ലെന്ന് നേതൃത്വം
പത്തനംതിട്ട: നോക്കുകൂലി നിരോധന ഉത്തരവിനെ നോക്കുകുത്തിയാക്കിയ സിഐടിയുക്കാരുടെ നടപടി നേതൃത്വത്തിനു തലവേദന. നോക്കുകൂലി നിരോധന ഉത്തരവിന്റെ ചൂടാറും മുന്പേ പത്തനംതിട്ടയിലെ മല്ലപ്പള്ളി വെണ്ണിക്കുളത്ത് സിഐടിയുക്കാർ കാട്ടിയ നടപടിയെ തള്ളിക്കളയാൻ ഒരുങ്ങുകയാണ് നേതൃത്വം. ഇങ്ങനെയൊരു സംഭവം സംഘടനാ നേതൃത്വത്തിന്റെ ആലോചനയോടെയല്ലെന്നും അംഗീകരിക്കില്ലെന്നും സിഐടിയു ജില്ലാ പ്രസിഡന്റ് കെ.സി. രാജഗോപാലും സെക്രട്ടറി പി.ജെ. അജയകുമാറും വ്യക്തമാക്കി. പത്രവാർത്തയിലൂടെയാണ് വിവരം ശ്രദ്ധയിൽപെടുന്നതെന്നും വിശദീകരണം ആരാഞ്ഞിട്ടുണ്ടെന്നും ജില്ലാ സെക്രട്ടറി പറഞ്ഞു. മുഖ്യമന്ത്രിയും സിപിഎം മന്ത്രിമാരും പങ്കെടുക്കുന്ന സിഐടിയു സംസ്ഥാന ജനറൽ കൗണ്സിൽ നാളെ പത്തനംതിട്ടയിൽ ആരംഭിക്കാനിരിക്കവേയാണ് നോക്കുകൂലി ആവശ്യപ്പെട്ട സിഐടിയു പ്രാദേശികഘടകം നേതൃത്വത്തിനു തലവേദന സൃഷ്ടിച്ചിരിക്കുന്നതെന്നതും ശ്രദ്ധേയമാണ്. ലോക തൊഴിലാളി ദിനമായ മേയ് ഒന്നിനു വൈകുന്നേരമാണ് 120 ചതരുശ്ര അടി ഗ്രാനൈറ്റ് ഇറക്കാൻ 13,000 രൂപ നോക്കുകൂലി ആവശ്യപ്പെട്ട് വെണ്ണിക്കുളത്ത് സിഐടിയു തൊഴിലാളികൾ രംഗത്തെത്തിയത്. വെണ്ണിക്കുളം പടുതോട് നാറാണത്ത് രാജു വർഗീസിന്റെ വീടുപണിക്ക്…
Read Moreഅതിൽ നന്മയും തിന്മയുമുണ്ട്; ഭാവിയിൽ നവമാധ്യമങ്ങൾ കൂടുതൽ കുറ്റവാളികളെ സൃഷ്ടിക്കുമെന്ന് ജേക്കബ് ജോബ്
ഇലന്തൂർ: നവമാധ്യമങ്ങളാകും വരും കാലങ്ങളിൽ ഏറ്റവും കൂടുതൽ കുറ്റവാളികളെ സൃഷ്ടിക്കുകയെന്ന് മുൻ ജില്ലാ പോലീസ് മേധാവി ജേക്കബ് ജോബ്. ഇലന്തൂർ നാട്ടൊരുമ സംഘടിപ്പിച്ച അവധിക്കാല പഠന കളരി ഉദ്ഘാടനം ചെയ്ത് സൈബർ ലോകത്തെ ചതിക്കുഴികൾ എന്ന വിഷയത്തിൽ കുട്ടികളുമായി സംവദിക്കുകയായിരുന്നു അദ്ദേഹം. നവമാധ്യമങ്ങൾ ബോംബാണ്. അതിൽ നന്മയും തിന്മയുമുണ്ട്. തിന്മയുടെ വശമാണ് തെരഞ്ഞെടുക്കുന്നതെങ്കിൽ അത് അപകടകരമാണ്. നിഷ്കളങ്കരായ കുഞ്ഞുങ്ങൾ ഈ ചതിക്കുഴികളിൽ വീഴാം. കേരളത്തിൽ ആത്മഹത്യ വർധിക്കാനുള്ള ഒരു പ്രധാന കാരണം ഇത്തരം മാധ്യമങ്ങളാണ്. പരസ്പരം പരിചയമില്ലാത്തവർ തമ്മിലുള്ള ചാറ്റിംഗിലൂടെ പരിചയപ്പെട്ട് പ്രണയ ബന്ധരാകുകയും പിന്നീട് തിരിച്ചറിയുകയും ചതിക്കുഴിയിൽപെടുകയും ചെയ്യുമ്പോൾ ആത്മഹത്യയുടെ വഴിതേടുന്നവർ ഏറെയുണ്ട്. കരുതലോടെ ഇലക്ട്രോണിക് മാധ്യമങ്ങൾ കൈകാര്യം ചെയ്യണമെന്നും അദ്ദേഹം കുട്ടികളെ ഉപദേശിച്ചു. നാട്ടൊരുമ പ്രസിഡന്റ് സാം ചെമ്പകത്തിൽ അധ്യക്ഷത വഹിച്ചു. സെക്രട്ടറി വി.എസ്. സുനിൽ കുമാർ, ട്രഷറർ സജി വർഗീസ്, രക്ഷാധികാരികളായ കെ.…
Read Moreറോഡ് പണിയാൻ ജില്ലാ പഞ്ചായത്ത്, കുഴിയെടുക്കാൻ ജലഅഥോറിറ്റി; കൂട്ടുമ്മേൽ റോഡിന്റെ പണികൾ വൈകുന്നു
തിരുവല്ല: ജലഅഥോറിറ്റിയുടെ അനാസ്ഥയ്ക്കിടെ റോഡ് നിര്മാണം തടസപ്പെട്ടത് ജനത്തെ ദുരിതത്തിലാക്കി.പെരിങ്ങര പഞ്ചായത്തിലെ സ്വാമിപാലം – കൂട്ടുമ്മേല് റോഡിന്റെ ടാറിംഗ് ജോലികളാണ് കഴിഞ്ഞ 10 ദിവസമായി മുടങ്ങി കിടക്കുന്നത്. ജല അഥോറിറ്റിയുടെ നിര്മാണ പ്രവര്ത്തനത്തിന് റോഡിന്റെ ഒരു ഭാഗം കുഴിച്ചിട്ടിരിക്കുന്നത് കാരണം ടാറിംഗ് പണികള് മുടങ്ങി. ഗര്ത്തങ്ങള് രൂപപ്പെട്ട് സഞ്ചാരയോഗ്യമല്ലാതായിരുന്ന റോഡിന്റെ താഴ്ന്ന ഭാഗങ്ങള് ഉയര്ത്തി ടാറിംഗ് നടത്തി സഞ്ചാരയോഗ്യമാക്കുന്നതിന് ജില്ലാ പഞ്ചായത്ത് ഫണ്ടില് നിന്നും 12 ലക്ഷം രൂപ മെംബർ സാം ഈപ്പന്റെ നിർദേശപ്രകാരം അനുവദിച്ചിരുന്നു. ടെൻഡര് നടപടികള് പൂര്ത്തീകരിച്ച് കരാറുകാരന് പണികളും ആരംഭിച്ചു. ഇതിനിടെ പെരിങ്ങര ഗ്രാമപഞ്ചായത്ത് കുടിവെള്ള പദ്ധതിയുടെ നടത്തിപ്പുമായി ബന്ധപ്പെട്ട ചില ക്രമീകരണങ്ങളുടെ ഭാഗമായി ജല അഥോറിറ്റി കാരയ്ക്കല് എന്എസ്എസ് കരയോഗ മന്ദിരത്തിന് മുന്നിലായി റോഡ് കുഴിച്ചുവെങ്കിലും അവരുടെ പണികള് പൂര്ത്തീകരിക്കാന് കഴിയാതെ കുഴി അതേ അവസ്ഥയില് തന്നെ കിടക്കുകയാണ്. ഇതിനോടകം റോഡ്…
Read Moreഗ്രാനൈറ്റ് ഇറക്കാൻ 13,000! നോക്കുകൂലി ഉത്തരവിനെ നോക്കുകുത്തിയാക്കി സിഐടിയു; സംഭവം പത്തനംതിട്ടയില്
പത്തനംതിട്ട: നോക്കുകൂലി, അമിതകൂലി നിരോധന ഉത്തരവ് വന്നതിനു പിന്നാലെ സിഐടിയു നേതൃത്വത്തിൽ നോക്കുകൂലിയായി ചോദിച്ചത് 13,000 രൂപ. ഒടുവിൽ 2,000 രൂപ വാങ്ങി നോക്കുകൂലി നിരോധനത്തെ ഭരണാനുകൂല തൊഴിലാളി സംഘടനതന്നെ നോക്കുകുത്തിയാക്കി. മല്ലപ്പളളി വെണ്ണിക്കുളം പടുതോട് നാറാണത്ത് രാജു വർഗീസിന്റെ വീടു നിർമാണത്തിന്റെ ഭാഗമായി ഗ്രാനൈറ്റ് വാങ്ങിക്കൊണ്ടുവന്ന ഉടമയോടു നോക്കുകൂലി ചോദിച്ചു ലോഡിറക്കുന്നതു സിഐടിയുവിൽപെട്ട ചുമട്ടു തൊഴിലാളികൾ തടഞ്ഞു. തർക്കം പരിഹരിച്ച് ലോഡിറക്കിയതു മൂന്നു മണിക്കൂറിനുശേഷം. 120 ചതുരശ്ര അടി ഗ്രാനൈറ്റ് ഇറക്കുന്നതിനു തൊഴിലാളികൾ ആവശ്യപ്പെട്ടത് 13,000 രൂപയാണ്. മൂന്നു മണിക്കൂർ നീണ്ട തർക്കത്തിനൊടുവിൽ മല്ലപ്പളളി അസിസ്റ്റന്റ് ലേബർ ഒാഫീസർ എം. എസ്. സുരേഷ് സ്ഥലത്തെത്തി നടത്തിയ ചർച്ചയിൽ 2000 രൂപയ്ക്കു ലോഡിറക്കി. കഴിഞ്ഞ ചൊവ്വാഴ്ച വൈകുന്നേരം 4.30ഓടെയാണ് ഉടമ പത്തനംതിട്ടയിലെ സ്ഥാപനത്തിൽനിന്നു ഗ്രാനൈറ്റ് വാങ്ങി കടയിൽനിന്നുള്ള വാഹനത്തിൽ തൊഴിലാളികളുമായി എത്തിയത്. തർക്കമായതോടെ ലോഡ് ഇറക്കിയത് രാത്രി…
Read Moreഅടവി ഇക്കോ ടൂറിസം കേന്ദ്രത്തിലെ കുട്ടവഞ്ചി സവാരിക്ക് തിരക്കേറി; വെള്ളമില്ലമില്ലാത്തതിനാൽ ദീർഘദൂര സഞ്ചാരം നിർത്തി
അടവി (കോന്നി): അവധിക്കാലമായതോടെ അടവി ഇക്കോ ടൂറിസം കേന്ദ്രത്തിലെ കുട്ടവഞ്ചി സവാരിക്ക് സഞ്ചാരികളേറുന്നു. അവധി ദിനങ്ങളിൽ സഞ്ചാരികളുടെ എണ്ണം വർധിക്കുന്നുണ്ടെങ്കിലും അച്ചൻകോവിലാറ്റിൽ ജലനിരപ്പ് താഴ്ന്നതോടെ യാത്രയും പരിമിതപ്പെടുത്തി. കേന്ദ്രത്തിൽ ഹ്രസ്വദൂരം, ദീർഘദൂരം കുട്ടവഞ്ചി സവാരികൾ ക്രമപ്പെടുത്തിയിട്ടുണ്ടെങ്കിലും നിലവിൽ ഹ്രസ്വദൂര സഞ്ചാരത്തിനു മാത്രമാണ് അവസരമുള്ളത്. വെള്ളമില്ലാത്തതിനാൽ അധികം താഴേക്ക് ആളുകളെ വിടുന്നില്ല.400 രൂപയ്ക്ക് 30 മിനിട്ട് കുട്ടവഞ്ചിയിൽ കാടിന്റെ സൗന്ദര്യം തൊട്ടും കണ്ടുമറിഞ്ഞ് യാത്ര ചെയ്യാനുള്ള അവസരമാണുള്ളത്. നദിയിലെ വെള്ളത്തിന്റെ അളവ് കുറഞ്ഞതോടെ ചാക്കിൽ മണൽ നിറച്ച് വെള്ളം കെട്ടി നിർത്താനുള്ള ശ്രമവും നടത്തിയിട്ടുണ്ട്. 800 രൂപയാണ് ദീർഘദൂര സർവീസിന്. സഞ്ചാരികളുടെ എണ്ണത്തിൽ വർധനയുണ്ടായിട്ടുണ്ടെങ്കിലും കൂടുതൽ അടിസ്ഥാന സൗകര്യവികസനത്തിന് യാതൊരു നടപടികളും ഉണ്ടായിട്ടില്ല. വികസനപ്രവർത്തനങ്ങളിൽ തുടക്കത്തിലുണ്ടായിരുന്ന ആവേശം പിന്നീട് നിലച്ചു. അടവി ഇക്കോ ടൂറിസം കേന്ദ്രത്തിലെ പാർക്കിംഗ് അടക്കമുള്ള സംവിധാനം വിപുലീകരിച്ചിട്ടില്ല.വാഹനങ്ങളുടെ പാർക്കിംഗ് ഗ്രൗണ്ടിലേക്കിറങ്ങുന്ന വഴിയും കുണ്ടും കുഴിയും…
Read Moreപോലീസിന്റെ ഭാഗത്ത് ഗുരുതര വീഴ്ച; ജെസ്നയുടെ തിരോധാന അന്വേഷണം ക്രൈം ബ്രാഞ്ചിനെ ഏല്പിക്കണം: പ്രതിപക്ഷ നേതാവ്
പത്തനംതിട്ട: റാന്നി മുക്കൂട്ടുതറ കുന്നത് വീട്ടില് ജയിംസിന്റെ മകളും കാഞ്ഞിരപ്പള്ളി സെന്റ് ഡൊമനിക് കോളജിലെ രണ്ടാം വര്ഷ ബിരുദ വിദ്യാര്ഥിനിയുമായ ജെസ്ന മരിയ ജയിംസിനെ ദുരൂഹസാഹചര്യത്തില് കാണാതായിട്ട് ഒരുമാസത്തിലേറെയായിട്ടും ഇവരെ കണ്ടെത്തുന്നതില് പോലീസിന്റെ ഭാഗത്തുനിന്നും ഗുരുതരമായ വീഴ്ചയാണ് ഉണ്ടായിരിക്കുന്നതെന്ന് പ്രതിപക്ഷനേതാവ് രമേശ് ചെന്നിത്തല മുഖ്യമന്ത്രിക്ക് അയച്ച കത്തില് പറഞ്ഞു. എഡിജിപി സന്ധ്യയുടെ നേതൃത്വത്തില് പ്രത്യേക അന്വേഷണ സംഘത്തെ രൂപീകരിക്കുമെന്ന് അന്ന് ഡിജിപി പറഞ്ഞെങ്കിലും ഇതേവരെ ഒരു നടപടിയും എടുത്തിട്ടില്ലെന്ന് അദ്ദേഹം കത്തില് ചൂണ്ടിക്കാട്ടി. ഈ സാഹചര്യത്തില് ജെസ്നയുടെ തിരോധാനവുമായി ബന്ധപ്പെട്ടുള്ള ദുരൂഹതകള് ഇപ്പോഴും നിലനില്ക്കുകയാണ്. പോലീസ് കാര്യക്ഷമമായി അന്വേഷിക്കാത്ത സാഹചര്യത്തില് കേസന്വേഷണം അടിയന്തരമായി ക്രൈം ബ്രാഞ്ചിന് നല്കണമെന്ന് രമേശ് ചെന്നിത്തല മുഖ്യമന്ത്രിക്ക് നല്കിയ കത്തില് ആവശ്യപ്പെട്ടു.
Read Moreകഞ്ചാവും ലഹരി സ്റ്റാമ്പുകളുമായി യുവാക്കൾ പിടിയിൽ; പിടിയിലായവരിൽ എൻജിനിയറിംഗ് ബിരുദധാരിയും
ആലപ്പുഴ: നഗരത്തിന്റെ വിവിധ ഭാഗങ്ങളിൽ എക്സൈസ്് നടത്തിയ പരിശോധനയിൽ ലഹരി വസ്തുക്കളുമായി രണ്ട് യുവാക്കൾ പിടിയിൽ.കെഎസ്ആർടി സ്റ്റാൻഡിനു സമീപം നിന്നു കഞ്ചാവും, ലഹരി വസ്തുക്കളുമായി കൊല്ലം തിരുമുല്ലവാരം സ്വദേശി ആകാശ് (24), കരുനാഗപ്പള്ളി, വടക്കുംതല സ്വദേശി അമൽ ജി രവി (21) എന്നിവരാണ് പിടിയിലായത്. ഇവരിൽ നിന്നും 112 ഗ്രാം കഞ്ചാവും 41 ലഹരി സ്റ്റാന്പുകളും പിടിച്ചെടുത്തു. ബസ് സ്റ്റാന്റിനു സമീപത്ത് സംശയാസ്പദമായി കാണപ്പെട്ട യുവാവിനെ ചോദ്യം ചെയ്തപ്പോൾ ഇയാൾ ഉപയോഗിച്ചിരുന്ന ബാഗ് കഞ്ചാവ് ചെടികളുടെ അസംസ്കൃത വസ്തുക്കളാൽ നിർമിതമായ ചണം കൊണ്ട് നേപ്പാളിൽ നിർമിച്ചതാണെന്ന് കാണുകയും, തുടർന്ന് നടത്തിയ പരിശോധനയിൽ കഞ്ചാവും എൽഎസ്ഡി എന്നു സംശയിക്കുന്ന സ്റ്റാന്പുകളും കണ്ടെത്തുകയും ചെയ്തു. ബാംഗളൂർ, ഗോവ, ഡൽഹി ഹിമാചൽപ്രദേശ് എന്നിവടങ്ങളിൽ സ്ഥിരമായി യാത്രചെയ്യുന്ന എൻജിനിയറിംഗ് ബിരുദധാരിയുമായ ആകാശ് ഗോവയിലുള്ള സുഹൃത്തുക്കളിൽ നിന്നും സ്ഥിരമായി കഞ്ചാവും ലഹരി വസ്തുക്കളും കേരളത്തിൽ…
Read Moreസുമനസുകൾ ഒന്നിച്ചപ്പോൾ വിധവയായ വീട്ടമ്മയുടെ സ്വന്തമായ വീട് എന്ന സ്വപ്നം പൂവണിയുന്നു
കോഴഞ്ചേരി: ലൈഫ് മിഷനിലൂടെ സുമനസുകളുടെ സഹായത്തോടെ വിധവയായ വീട്ടമ്മയുടെ സ്വന്തമായ വീട് എന്ന സ്വപ്നം പൂവണിയുന്നു. കോഴഞ്ചേരി ഗ്രാമപഞ്ചായത്തിലെ ആറാം വാര്ഡിലെ കുരങ്ങുമല ചരിവുകാലായില് പൊന്നമ്മ ഗോപാലനാണ് 700 ചതുരശ്ര അടി വിസ്തൃതിയുള്ള വീട് യാഥാർഥ്യമാകുന്നത്. 2008-09 കാലയളവിലെ ഇന്ദിര ആവാസ് യോജന പ്രകാരം വീടിന്റെ നിർമാണം ആരംഭിച്ചെങ്കിലും തറ പൂര്ത്തീകരിച്ചതോടെ നിലയ്ക്കുകയായിരുന്നു. ബ്ലോക്ക് പഞ്ചായത്തംഗം ബിജിലി പി. ഈശോ പ്രത്യേകം താത്പര്യമെടുത്ത് വീടിന്റെ നിർമാണം ലൈഫ് മിഷനില് ഉള്പ്പെടുത്തി പുനരാരംഭിക്കുകയായിരുന്നു. സര്ക്കാര് വിഹിതമായ 1.20 ലക്ഷം രൂപയോടൊപ്പം വീടിന്റെ നിര്മാണത്തിനാവശ്യമായ അസംസ്കൃത വസ്തുക്കളും ബാക്കി തുകയും സുമനസുകളുടെ സഹായത്തോടുകൂടി ശേഖരിക്കുകയായിരുന്നുവെന്നും ബിജിലി പറഞ്ഞു. നിർമാണം പൂര്ത്തീകരിക്കുമ്പോള് ഏകദേശം 2.5 ലക്ഷം രൂപയോളം വേണ്ടി വരും. പരേതയായ മുന് ജില്ലാ കൗണ്സിലര് ലില്ലി ചെറിയാന്റെ മകനും അമേരിക്കയിലെ താമസക്കാരനുമായ റെജി ചെറിയാന് 25000 രൂപയാണ് വീടിന്റെ നിർമാണത്തിന്…
Read Moreഭീകരനാണ്, കൊടുംഭീകരൻ..! പന്പാനദിക്ക് ഭീഷണിയായി വീണ്ടും കബംബ സസ്യം; ഉള്നാടന് മത്സ്യങ്ങള് പൂര്ണമായി അപ്രത്യക്ഷമായി
പമ്പാനദിയിലും നദീതടത്തിലെ ജല സ്രോതസുകളിലും “കബംബ’ എന്ന അധിനിവേശ സസ്യം വീണ്ടും പ്രത്യക്ഷപ്പെട്ടു. 2013-14 വര്ഷങ്ങളിലാണ് ആദ്യമായി കബംബയെന്ന സസ്യത്തെ പമ്പാ തടത്തില് കാണപ്പെട്ടത്. സസ്യം വീണ്ടും പ്രത്യക്ഷമായതോടെ ജലാശയങ്ങളിലുണ്ടായിരുന്ന ഉള്നാടന് മത്സ്യങ്ങള് പൂര്ണമായി അപ്രത്യക്ഷമായിരിക്കുകയാണ്. 2016-17 സാമ്പത്തിക വര്ഷത്തില് ജില്ലാ പഞ്ചായത്ത് പ്രത്യേകം താത്പര്യമെടുത്ത് പുനർജീവിപ്പിച്ച വരാച്ചാലിലും കബംബ സസ്യം നിറഞ്ഞിരിക്കുകയാണ്. സംസ്ഥാന ജൈവ വൈവിധ്യ ബോര്ഡിന്റെയും ശാസ്ത്ര സാങ്കേതിക കൗണ്സിലിന്റെയും ഇടപെടലിലൂടെ സര്ക്കാര് സംവിധാനങ്ങള് ഫലപ്രദമായി ഉപയോഗിച്ചാല് മാത്രമേ കബംബ പോലുള്ള വിഷാംശമുള്ള അധിനിവേശ സസ്യത്തെ പൂർണമായും ജലസ്രോതസുകളില് നിന്നും ഒഴിവാക്കാന് കഴിയുകയുള്ളൂവെന്ന് പ്രമുഖ പരിസ്ഥിതി പ്രവര്ത്തകനായ എന്. കെ. സുകുമാരന് നായര് പറഞ്ഞു. അക്വേറിയം സസ്യമായ കബംബ തെക്കേഅമേരിക്കയിലാണ് ഏറെ കാണപ്പെട്ടിരുന്നത്. കബംബ ജലസ്രോതസുകള് മൂടപ്പെട്ടാല് ഗുരുതരമായ പ്രത്യാഘാതങ്ങളാണ് ഉണ്ടാകുന്നതെന്നും പഠനങ്ങള് വ്യക്തമാക്കുന്നു. ജലത്തിലെ ഓക്സിജന് വലിച്ചെടുക്കുന്നതുമൂലം ജലത്തിലെ മറ്റു ജീവികള് ഇല്ലാതാകും.…
Read More