കായംകുളം: താലൂക്കാശുപത്രിയിൽ ഒപി വിഭാഗം അടച്ചിട്ട് ഡോക്ടർമാരും ജീവനക്കാരും ഓണം ആഘോഷിക്കാൻ പോയത് വിവാദമായി. ഉത്രാട ദിവസമായ ഞായറാഴ്ച മുതലാണ് ഒപി പ്രവർത്തനം തടസപ്പെട്ടത്. ഇതോടെ ചികിത്സ തേടിയെത്തിയ നൂറുകണക്കിന് രോഗികൾ ദുരിതത്തിലായി. അത്യാഹിത വിഭാഗം മാത്രമാണ് പ്രവർത്തിച്ചിരുന്നത്. ജില്ലയിൽ എല്ലാ സർക്കാർ ആശുപത്രികളും പതിവുപോലെ പ്രവർത്തിച്ചപ്പോൾ കായംകുളത്ത് മാത്രം വീഴ്ച സംഭവിച്ചത് അന്വേഷിക്കണമെന്നും വീഴ്ച വരുത്തിയവർക്കെതിരെ നടപടി വേണമെന്ന ആവശ്യവും ഇതോടെ ശക്തമായി ഉയർന്നിട്ടുണ്ട്. പ്രതിഷേധം ഉയർന്നതോടെ ഇന്നലെ രാവിലെ 11.30 മുതൽ ഒ.പി പ്രവർത്തിപ്പിക്കാനും തയാറായി. സംഭവത്തിൽ പ്രതിഷേധിച്ച് യൂത്ത് ലീഗ് പ്രവർത്തകർ ആശുപത്രിക്ക് മുന്നിൽ സമരം നടത്തി. ജില്ലാ സെക്രട്ടറി ബിജു കാവുങ്കൽ ഉദ്ഘാടനം ചെയ്തു. മണ്ഡലം പ്രസിഡൻറ് ബി. ഷിബു അധ്യക്ഷത വഹിച്ചു.
Read MoreCategory: Alappuzha
പാലത്തിൽ അന്തിയുറങ്ങി രമണനും ഗീതയും..! ഇടഞ്ഞോടിയ ആന വീട്തകർത്തതിനെത്തുടർന്ന് നാലംഗ കുടുംബം പെരുവഴി യിൽ; കനത്ത മഴയിൽ സമീപത്തെ വീടിന്റെ വരാന്തയിൽ കുത്തിയിരുന്ന് നാലംഗ കുടുംബം
വളമംഗലം: ഇടഞ്ഞോടിയ കൊന്പൻ വീട്തകർത്തതിനെത്തുടർന്ന് നാലംഗ കുടുംബം പെരുവഴിയിൽ. അനന്തൻകരി നിവാസി രമണനും ഭാര്യ ഗീതയും രണ്ട് കുട്ടികളുമാണ് ആനക്കലിയിൽ കിടപ്പാടം നഷ്ടപ്പെട്ടതിനെത്തുടർന്ന് പെരുവഴിയിലായത്. ഇന്നലെ ഇവർ അനന്തൻകരിയിലേക്കുള്ള പ്രവേശന മാർഗമായ പാലത്തിലാണ് അന്തിയുറങ്ങിയത്. അർദ്ധരാത്രിയോടെ പെയ്ത കനത്തമഴയെത്തുടർന്ന് സമീപത്തെ വീടിന്റെ ഓരത്ത് കുത്തിയിരുന്നാണ് ഇവർ നേരം വെളുപ്പിച്ചത്. ഇവർക്ക് താത്ക്കാലിക താമസസൗകര്യം ഒരുക്കാമെന്ന് ദേവസ്വം ബോർഡ് പ്രസിഡന്റ് പ്രയാർ ഗോപാലകൃഷ്ണൻ ഇന്നലെ തുറവൂർ ഗ്രാമപഞ്ചായത്ത് പ്രസിഡന്റ് അനിത സോമനെ അറിയിക്കുകയും ഇതിനായി ചുമതലപ്പെടുത്തുകയും ചെയ്തിരുന്നു. എന്നാൽ താത്ക്കാലിക താമസസൗകര്യത്തിനുള്ള വീട് കണ്ടെത്താൻ കഴിയാതിരുന്നതോടെയാണ് നാലംഗ കുടുംബം പെരുവഴിയിലായത്. രമണന്റെ ഓടുമേഞ്ഞ വീട് കൊന്പൻ പൂർണമായും തകർത്തിരുന്നു. സമീപത്തുള്ള ബന്ധു രാധാകൃഷ്ണന്റെ നിർമാണത്തിലിരിക്കുന്ന വീടിനും കാര്യമായ കേടുപാട് ആന വരുത്തിയിരുന്നു.
Read Moreആറന്മുള അഷ്ടമിരോഹിണി വള്ളസദ്യയിൽ ഒരുലക്ഷം പേർ പങ്കെടുക്കും; 350 പറ അരിയുടെ ചോറും വിഭവങ്ങളുമാണ് തയാറാക്കുന്നത്; പഴയിടം മോഹനന് നമ്പൂതിരിയുടെ നേതൃത്വത്തിലാണ് പാചകം
ആറന്മുള: അഷ്ടമിരോഹിണി വള്ളസദ്യ 12നു നടക്കും. 52 പള്ളിയോടങ്ങളില് എത്തുന്നവര് ഉള്പ്പെടെ ഏകദേശം ഒരു ലക്ഷം ആളുകള് അഷ്ടമിരോഹിണി വള്ളസദ്യയില് പങ്കെടുക്കും. നായര് സർവീസ് സൊസൈറ്റി പ്രസിഡന്റ് അഡ്വ. പി.എന്. നരേന്ദ്രനാഥന് നായര് രാവിലെ 11 ന് ക്ഷേത്രകൊടിമരച്ചുവട്ടില് ഭദ്രദീപം കൊളുത്തി അഷ്ടമിരോഹിണി വള്ളസദ്യ ഉദ്ഘാടനം ചെയ്യും. 350 പറ അരിയുടെ ചോറും വിഭവങ്ങളുമാണ് തയാറാക്കുന്നത്. വള്ളസദ്യക്കാവശ്യമായ വിഭവങ്ങള് 52 കരകളില് നിന്നും ശേഖരിക്കുന്നതിന് വള്ളസദ്യ കണ്വീനര് വി.വിശ്വനാഥപിള്ളയുടെ നേതൃത്വത്തില് മൂന്നു മേഖലകളിലും മേഖലാ കണ്വീനര്മാര് ഒന്പതിനു രാവിലെ കരകളിലെത്തി വിഭവ സമാഹരണം നടത്തും. ഭക്ത ജനങ്ങള്ക്ക് ക്ഷേത്രത്തിലും പാഞ്ചജന്യം ഓഫീസിലും അരി, പച്ചക്കറി ഉള്പ്പെടെ വിഭവങ്ങള് സമര്പ്പിക്കാവുന്നതാണ്. തിരുവിതാംകൂര് ദേവസ്വം ബോര്ഡുമായി സഹകരിച്ച് പള്ളിയോട സേവാസംഘം അഷ്ടമിരോഹിണി കൂപ്പണുകള് തയാറാക്കിയിട്ടുണ്ട്. ഒരു പള്ളിയോടത്തിന് അഷ്ടമിരോഹിണി വള്ളസദ്യ നടത്തുന്നതിന് 15000 രൂപയാണ്. ഇതു കൂടാതെ 1000, 2000,…
Read Moreകരകയറിയ കരി വീണ്ടും കട്ടക്കലിപ്പിൽ..! ആലപ്പുഴയിൽ ചെളിയിൽ പുതഞ്ഞ കൊമ്പനെ കരയ്ക്ക് കയറ്റി; കരയിലെത്തിയിട്ടും കലിതീരാതെ സമീപത്തെ രണ്ട് വീടുകൾ തകർത്തു
ആലപ്പുഴ: തുറവൂരിൽ 16 മണിക്കൂർ നീണ്ട രക്ഷാപ്രവർത്തനത്തിനുശേഷം ചതുപ്പിൽനിന്നു കരകയറ്റിയ ആന വീണ്ടും ഇടഞ്ഞു. തിരുവിതാംകൂർ ദേവസ്വം ബോർഡിന്റെ ഉടമസ്ഥതയിലുള്ള മുല്ലയ്ക്കൽ ബാലകൃഷ്ണനെന്ന ആനയാണ് വീണ്ടും ഇടഞ്ഞത്. രാത്രിയിൽ ഇടഞ്ഞ ആന സമീപത്തെ ഒരു വീട് തകർത്തു. ആനയെ തളയ്ക്കാൻ ശ്രമങ്ങൾ തുടരുകയാണ്. ചൊവ്വാഴ്ച രാവിലെ തുറവൂർ അനന്തൻകരി പാടത്താണ് ആന ചെളിയിൽ താഴ്ന്നത്. മുല്ലയ്ക്കൽ ക്ഷേത്രത്തിലെ ഉത്സവത്തിനായി ലോറിയിൽ കൊണ്ടുപോകുകയായിരുന്ന ആന ഇടഞ്ഞോടുകയായിരുന്നു. ഇതിനിടെ വീടിന്റെ മതിലും ഓട്ടോറിക്ഷയും ആന തകർത്തു. ചതുപ്പിൽ വീണ ആനയെ 16 മണിക്കൂർ നീണ്ട രക്ഷാപ്രവർത്തനത്തിനൊടുവിലാണ് കരകയറ്റിയത്. ആന അകപ്പെട്ട സ്ഥലത്ത് റോഡില്ലാതിരുന്നത് രക്ഷാപ്രവർത്തനം ദുരിതത്തിലാക്കി. ഇതേതുടർന്ന് ജെസിബി, ക്രെയിൻ എന്നിവ എത്തിക്കാൻ കഴിഞ്ഞില്ല. രക്ഷാപ്രവർത്തനം മണിക്കൂറുകളോളം പിന്നിട്ടതിനെ തുടർന്ന് അവശനിലയിലായിരുന്നു ആന. ഇതേതുർന്ന് ഗ്ലൂക്കോസും മറ്റു മരുന്നുകളും നൽകിയാണ് ആനയുടെ ജീവൻ നിലനിർത്തിയത്.
Read Moreകൊല്ലാഞ്ഞത് ഞങ്ങളുടെ ഭാഗ്യം..! ആക്രി വില്പന നടത്തുന്ന ദമ്പതികളെ കൊള്ളയടിച്ചു; വാതിൽ ഇളക്കി അകത്തു കടന്ന മോഷ്ടാ ക്കാൾ വീട്ടമ്മയുടെ വായ് മൂക്കും പൊത്തി പിടിച്ചശേഷം കഴുത്തിൽ കിടന്ന അഞ്ചു പവന്റെ മാല പൊട്ടിച്ചെടുക്കുകയായിരുന്നു
ചെങ്ങന്നൂർ: ആക്രി സാധനങ്ങൾ വില്പന നടത്തുന്ന ദന്പതികളെ കൊള്ളയടിച്ചു. തിരുനൽവേലി സ്വദേശികളായ റാമർ പാണ്ഡ്യൻ (36), കലാശെൽവി (35) എന്നിവരെയാണ് കഴിഞ്ഞ രാത്രി കൊള്ളയടിച്ചത്. രാത്രി 2.30 ഓടെ മുറിക്കക്കത്ത് തറയിൽ ഉറങ്ങിക്കിടക്കുകയായിരുന്ന റാമറിന്റെ തലയ്ക്കു സമീപം സൂക്ഷിച്ചിരുന്ന 5000 രൂപയും മൊബൈൽ ഫോണും മോഷ്ടിച്ചു. അടുത്ത മുറിയിൽ കട്ടിലിൽ കിടന്നുറങ്ങുകയായിരുന്ന കലാശെൽവിയുടെ മൂക്കും വായും പൊത്തിപ്പിടിച്ച് കഴുത്തിൽ കിടന്ന അഞ്ചുപവന്റെ മാല പൊട്ടിച്ചെടുക്കുകയായിരുന്നു. ഇവർ ബഹളം ഉണ്ടാക്കിയതിനെ തുടർന്ന് മോഷ്ടാവ് വാതിൽ വഴി ഇറങ്ങി ഗേറ്റ് ചാടിക്കടന്നു പോയി. ചെങ്ങന്നൂർ പേരിശേരി ചിത്രാലയം വടക്കേത്തലക്കൽ വീട്ടിൽ താമസിച്ച് ആക്രി പെറുക്കി ജീവിക്കുകയായിരുന്നു ഇവർ. അവരോടൊപ്പം കടയിലെ ജോലിക്കാരൻ കെട്ടിടത്തിന്റെ അടുത്ത മുറിയിൽ താമസിക്കുന്നുണ്ടായിരുന്നു. ശബ്ദം കേട്ട് ഉണർന്ന് പുറത്തേക്കുവന്ന ഇവർ കണ്ടത് മോഷ്ടാവ് ഗേറ്റു ചാടിക്കടന്ന് ബൈക്ക് സ്റ്റാർട്ടുചെയ്ത് കയറിപ്പോകുന്നതാണ്. ഈ വീടിന്റെ മുൻ ഭാഗത്തെ…
Read Moreആനന്ദ കണ്ണീർതൂകി അമ്മയും മക്കളും..! സാമൂഹികപ്രവര്ത്തക ഡോ.സുനിലിന്റെ 76-ാമത്തെ വീട് മഹേഷിനും അമ്മയ്ക്കും; ഷെഡിൽ കഴിഞ്ഞുവന്നിരുന്ന ഇവരുടെ അവസ്ഥ അധ്യാപകൻ അറയിച്ചതിനെ തുടർന്നാണ് വീട് ലഭിച്ചത്
പത്തനംതിട്ട: സാമൂഹികപ്രവര്ത്തക ഡോ.എം.എസ്. സുനിലിന്റ നേതൃത്വത്തില് നിര്മിച്ച 76ാമതു വീട് അച്ഛന് നഷ്ടപ്പെട്ട കൊച്ചുമഹേഷിനും അമ്മയ്ക്കും സഹോദരന് അനീഷിനും. വീടിന്റെ താക്കോല്ദാനം ചിറ്റയം ഗോപകുമാര് എംഎല്എ നിര്വഹിച്ചു. പന്തളം എന്എസ്എസ് പോളിടെക്നിക് പൂര്വവിദ്യാര്ഥി സംഘടനയായ പാം ഇന്റര്നാഷണലിൻ സഹായത്തോടെയാണ് രണ്ട് മുറികളും അടുക്കളയും ഹാളും ശുചിമുറിയും അടങ്ങുന്ന വീട് ഡോ.സുനില് പണിതുനല്കിയത്.പറന്തല് കണ്ടാളംതറ ക്ഷേത്രത്തിനു സമീപം വയലിന്റെ കരയില് മൂന്ന് സെന്റ് ഭൂമിയില് ഷെഡുകെട്ടി കഴിഞ്ഞുവരികയായിരുന്ന അഞ്ചാംക്ലാസ് വിദ്യാര്ഥി മഹേഷ്, ജ്യേഷ്ഠന്, മാനസികരോഗിയായ അമ്മ ശാരദ എന്നിവര്. മഹേഷിന്റെ അച്ഛന് നേരത്തെ തന്നെ മരിച്ചിരുന്നു. പന്തളം പൊങ്ങലടി ഗവണ്മെന്റ് എല്പി സ്കൂള് ഹെഡ്മാസ്റ്റര് വി.എസ്. സജിയാണ് മഹേഷിന്റെ ദയനീയത ഡോ.സുനിലിന്റെ ശ്രദ്ധയില്പ്പെടുത്തിയത്. അച്ഛന്റെ മരണത്തേ തുടര്ന്ന് സഹോദരന് അനീഷ് എട്ടാംക്ലാസില് പഠനം അവസാനിപ്പിച്ച് കുടുംബത്തിന്റെ ഭാരം ഏറ്റെടുക്കു കയുംചെയ്തു. താക്കോല്ദാന ചടങ്ങില് ഡോ.എം.എസ്. സുനില്, ബ്ലോക്ക് പഞ്ചായത്ത്…
Read Moreഅറിയാൻമേലാഞ്ഞിട്ടാ…! ജിഎസ്ടി നിയമത്തിലെ അവ്യക്തത മൂലം റിട്ടേണ് സമർപ്പിക്കാൻ കഴിയാത്ത വ്യാപാരികൾക്ക് പിഴചുമത്തരുതെന്ന് വ്യാപാരി വ്യവസായി ഏകോപനസമിതി
ആലപ്പുഴ: ജി.എസ്.ടി നിയമത്തിലെ അവ്യക്തത മൂലവും റിട്ടേണ് ഫയൽ ചെയ്യുന്നതിലെ പരിചയക്കുറവ് മൂലവും ജൂലൈ മാസത്തെ ജി.എസ്.ടി റിട്ടേണ് സമർപ്പിക്കാൻ കഴിയാത്ത വ്യാപാരികളുടെ മേൽ ചുമത്തിയിരിക്കുന്ന പിഴ പിൻവലിക്കണമെന്ന് വ്യാപാരിവ്യവസായി ഏകോപന സമിതി സംസ്ഥാന ജനറൽ സെക്രട്ടറി രാജു അപ്സര ആവശ്യപ്പെട്ടു. ജി.എസ്.ടി നിയമപ്രകാരം ജൂലൈ മാസത്തെ ഇടക്കാല റിട്ടേണ് സമർപ്പിക്കേണ്ടത് കഴിഞ്ഞ 25, 28 തീയതികളിലായിരുന്നു. എന്നാൽ ജി.എസ്.ടി പോർട്ടൽ വഴി ജി.എസ്.ടി.ആർ 3 ബി എന്ന റിട്ടേണ് നിശ്ചിത സമയത്തിനകം സമർപ്പിക്കാൻ വ്യാപാരികളിൽ ഭൂരിഭാഗത്തിനും കഴിഞ്ഞിരുന്നില്ല. ജി.എസ്.ടി പോർട്ടലിൽ കയറുന്നതിനുള്ള കാലതാമസവും പണം ബാങ്കിൽ നിക്ഷേപിച്ചാൽ ബാങ്കിൽ നിന്നും പോർട്ടലിൽ ക്രഡിറ്റ് ചെയ്യുന്നതിനുള്ള താമസവുമാണ് ഇതിന് കാരണം. കഴിഞ്ഞ ജൂണ് 30 വരെ വ്യാപാരികളുടെ പക്കൽ നീക്കിയിരിപ്പുണ്ടായിരുന്ന സ്റ്റോക്കിൻമേൽ ഇൻപുട്ട് ടാക്സ് ലഭിക്കുന്നതിനുള്ള ട്രാൻ-1 സംവിധാനം ആരംഭിച്ചതുതന്നെ കഴിഞ്ഞ 21നായിരുന്നു. ഇത് സംബന്ധിച്ച് വെബ്സൈറ്റ്…
Read Moreവെള്ളാപ്പള്ളി ബിഡിജെഎസിന്റെ വക്താവല്ല; അദ്ദേഹത്തിന്റെ അഭിപ്രായങ്ങൾ ബിഡിജെഎസിന്റേതല്ലെന്നും എൻഡിഎയിൽ ആശയകുഴപ്പങ്ങളില്ലെന്നും തുഷാർ വെള്ളാപ്പള്ളി
ചേർത്തല: എൻഡിഎയിൽ ഭിന്നതകളില്ലെന്നു എൻഡിഎ ചെയർമാൻ കുമ്മനം രാജശേഖരൻ. പ്രചാരണങ്ങൾ അടിസ്ഥാന രഹിതമാണ്. ചേർത്തലയിൽ നടന്ന എൻഡിഎ സംസ്ഥാന നേതൃയോഗത്തിനു ശേഷം മാധ്യമ പ്രവർത്തകരോടു സംസാരിക്കുകയായിരുന്നു അദ്ദേഹം. ഘടകകക്ഷികൾ ഉന്നയിച്ച ചില കാര്യങ്ങൾ നടന്നിട്ടില്ല എന്നതു യാഥാർഥ്യമാണ്. അതിനു പരിഹാരം കാണാൻ കേന്ദ്ര നേതാക്കളുമായി ചർച്ച നടത്തും. ബിഡിജെഎസുമായി തർക്കങ്ങളുണ്ടെന്നതും തെറ്റായ പ്രചാരണമാണ്. എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉയർത്തുന്ന അഭിപ്രായങ്ങൾ ചർച്ച ചെയ്യേണ്ട വേദിയല്ല എൻഡിഎ യോഗമെന്നും ചോദ്യത്തിനുത്തരമായി അദ്ദേഹം പറഞ്ഞു. ചേർത്തലയിൽ നേതൃയോഗം നടന്നത് ബിഡിജെഎസുമായുള്ള തർക്കം പരിഹരിക്കാനല്ലെന്നും അദ്ദേഹം പറഞ്ഞു. എൻഡിഎ നേതാക്കൾ 15നു മുന്പായി ഗവർണറെ സന്ദർശിച്ചു നിവേദനം നല്കും. 22നു സെക്രട്ടേറിയറ്റ് പടിക്കൽ എൻഡിഎ നേതാക്കളുടെ സാന്നിധ്യത്തിൽ കൂട്ടധർണ നടത്തും. എൻഡിഎ പ്രവർത്തനം ജില്ലാ തലത്തിലും താഴെ തട്ടിലും വ്യാപിപ്പിക്കുന്നതിനു 14, 15, 16, 18 തീയതികളിൽ…
Read Moreഭൂതം, ഭാവി, വർത്തമാനവും പ്രവചിച്ച്..! ബിഡിജെഎസ് എൽഡിഎഫിൽ ചേരണം; കേരളത്തിൽ ബിജെപി പ്രൈവറ്റ് കന്പനിയായി മാറി; പിണറായി പത്ത് വർഷം കേരളം ഭരിക്കുമെന്നും വെള്ളാപ്പള്ളി
ആലപ്പുഴ: ബിഡിജെഎസ് എൻഡിഎ വിട്ട് ഇടുതുമുന്നണിയിൽ ചേരണമെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. കേരളത്തിൽ ബിജെപി പ്രൈവറ്റ് കന്പനിയായി മാറിയെന്നും പിണറായി വിജയൻ പത്ത് വർഷം കേരളം ഭരിക്കുമെന്നും നടേശൻ പറഞ്ഞു. ചേർത്തലയിൽ ഇന്ന് എൻഡിഎ യോഗം ചേരാനിരിക്കെയാണ് വെള്ളാപ്പള്ളി നിലപാട് വ്യക്തമാക്കിയത്. ബിജെപി സംസ്ഥാന അധ്യക്ഷൻ കുമ്മനം രാജശേഖരൻ ഉൾപ്പെടെയുള്ളവർ ഇന്ന് എൻഡിഎ യോഗത്തിൽ പങ്കെടുക്കുമെന്നാണ് വിവരം. എൻഡിഎ യോഗത്തിൽ കുമ്മനം രാജശേഖരന് നടത്താനിരിക്കുന്ന ജനരക്ഷാ യാത്രിയിലേക്ക് ബിഡിജെഎസിനെ ക്ഷണിക്കും. പ്രവചിക്കുക
Read Moreനാട്ടുകാർക്കൊരു പണിയാകും..! റോഡ് മണ്ണിട്ടുയർത്തി ടാറിംഗ് നടത്തുന്നതിനായി തുകയനുവദിച്ചിട്ട് മാസങ്ങൾ; പണി ആരംഭിക്കാത്ത തിന് പിന്നിൽ പഞ്ചായത്തിന്റെ താല്പര്യക്കു റവെന്ന് നാട്ടുകാർ; പഞ്ചായത്തിന് പറയാനുള്ളത്…
മങ്കൊന്പ്: മണ്ണിട്ടുയർത്തി ടാറിംഗ് നടത്തുന്നതിനായി തുകയനുവദിച്ചു മാസങ്ങൾ പിന്നിട്ടിട്ടും റോഡിന്റെ പണികൾ ആരംഭിക്കാത്തത് ഗ്രാമപഞ്ചായത്തധികൃതരുടെ അനാസ്ഥമൂലമെന്ന് ആക്ഷേപം. കാവാലം ഗ്രാമപഞ്ചായത്ത് 10-ാം വാർഡ് കിഴക്കേകുന്നുമ്മ കണ്ണൻകുടുക്ക മുതൽ ലിറ്റിൽഫ്ളവർ ഹൈസ്കൂൾ വരെയുള്ള റോഡാണ് ഗ്രാമപഞ്ചായത്തിന്റെ അവഗണനയെത്തുടർന്ന് കുളമായിക്കിടക്കുന്നത്. റോഡിന്റെ ഇന്നത്തെ അവസ്ഥയ്ക്ക് വർഷങ്ങളുടെ പഴക്കമുണ്ട്. മൂലേശേരി, കണ്ണൻകുടുക്ക ജംഗ്ഷനുകളുടെ വാണിജ്യ പ്രാധാന്യം കുറഞ്ഞതോടെ അക്കാലത്തെ ഏറ്റവും തിരക്കുണ്ടായിരുന്ന വഴിയുടെ പ്രാധാന്യവും കുറഞ്ഞു. പിന്നീട് സ്കൂൾ വിദ്യാർഥികളാണ് ഏറ്റവുമധികം യാത്രചെയ്യുന്നത്. ഇതിനു പുറമെ വടക്കൻ വെളിയനാട്, മാടാന്പക്ക പാടശേഖരത്തിന്റെ കിഴക്കേ പുറംബണ്ടിലെ താമസക്കാർ എന്നിവിടങ്ങളിൽ നിന്നുള്ളവർക്ക് തട്ടാശേരി ജംഗ്ഷനിലേക്കു പോകാൻ ഈ വഴിയെ ആശ്രയിക്കുന്നു. കാവാലം ലിറ്റിൽ ഫ്ളവർ ഹൈസ്കൂളിലെ നൂറുകണക്കിന് വിദ്യാർഥികളാണ് ഇതുവഴി സ്കൂളിലേക്കു പോകുകയും വരികയും ചെയ്യുന്നത്. സമീപത്തുള്ള സെന്റ് ആന്റണീസ് പ്രീ പ്രൈമറി സ്കൂളിലെ കുരുന്നുകളും ഇതുവഴി യാത്രചെയ്താണെത്തുന്നത്. കാവാലം പള്ളിയിലേക്ക് ആരാധനയ്ക്കായി പുലർച്ചയെത്തുന്ന…
Read More