അമ്പലപ്പുഴ: വള്ളം മറിഞ്ഞു ഭര്ത്താവ് മരിച്ചു. ഭാര്യ ഗുരുതരാവസ്ഥയിൽ. പുറക്കാട് പഞ്ചായത്ത് ഏഴാംവാര്ഡ് തോട്ടപ്പള്ളി പുത്തന്പറമ്പില് അപ്പുക്കുട്ടൻ-ഉഷ ദമ്പതികളുടെ മകന് അഖില് (27) ആണ് മരിച്ചത്. പരിക്കേറ്റ ഭാര്യ ഉണ്ണിമായയെ ഹരിപ്പാട് താലൂക്ക് ആശുപത്രിയില് പ്രവേശിപ്പിച്ചു. ഇന്നലെ വൈകുന്നേരം നാലോടെയായിരുന്നു അപകടം. അഖിലും ഭാര്യയും അഖിലിന്റെ സഹോദരീഭര്ത്താവുമായി വീട്ടിലേക്കു ചെറുവള്ളത്തില് ടി.എസ് കനാലിനു കുറുകെ പോകുമ്പോള് വള്ളം മറിയുകയായിരുന്നു. ഉണ്ണിമായയെ അഖില് രക്ഷപ്പെടുത്തിയെങ്കിലും പിന്നീട് അഖില് കായലില് മുങ്ങിത്താണു. ഒപ്പമുണ്ടായിരുന്ന അഖിലിന്റെ സഹോദരീഭര്ത്താവ് നീന്തി രക്ഷപ്പെട്ടു. പിന്നീട് നാട്ടുകാര് അഖിലിനെ കരക്കെത്തിച്ചെങ്കിലും മരണം സംഭവിച്ചിരുന്നു. ഉണ്ണിമായയെ പിന്നീട് ഹരിപ്പാട് താലൂക്ക് ആശുപത്രിയിലേക്ക് മാറ്റി. ഒരു മാസം മുമ്പാണ് ഇവരുടെ വിവാഹം കഴിഞ്ഞത്. ഹരിപ്പാടുനിന്ന് ഫയര്ഫോഴ്സും അമ്പലപ്പുഴയില് നിന്ന് പോലീസും എത്തിയാണ് രക്ഷാ പ്രവർത്തനം നടത്തിയത്. – See more at:
Read MoreCategory: Alappuzha
മോദിയില്ലാതെ ഞങ്ങൾക്കെന്താഘോഷം..! ഫ്ളക്സിൽ മോദിയുടെ പടമില്ല, മന്ത്രി ജി.സുധാകരനെ ബിജെപിക്കാര് കരിങ്കൊടി കാണിച്ചു; കായംകുളത്ത് സംഘർഷം
കായംകുളം: മന്ത്രി ജി.സുധാകരനെ ബിജെപി കൗണ്സിലര്മാരുടെ നേതൃത്വത്തില് കരിങ്കൊടി കാണിച്ചതിനെത്തുടര്ന്ന് കായംകുളത്ത് ഏറ്റുമുട്ടല്. കരിങ്കൊടി കാണിച്ച ബിജെപിക്കാരെ നേരിടാന് ഡിവൈഎഫ്ഐ പ്രവര്ത്തകര് രംഗത്ത് എത്തിയതോടെയാണ് ഏറ്റുമുട്ടല് ഉണ്ടായത്. ഇവര് കരിങ്കൊടി കാണിച്ചവരെ കൈയേറ്റം ചെയ്തു. കേന്ദ്ര സര്ക്കാരിന്റെ ഭവന നിര്മാണ പദ്ധതിയുടെ ധനസഹായ വിതരണത്തിനാണ് മന്ത്രി എത്തിയത്. കായംകുളം ടൗണ്ഹാളിലായിരുന്നു പരിപാടി. എന്നാല്, പരിപാടിയിലോ ഫ്ളെക്സിലോ പ്രധാനമന്ത്രി നരേന്ദ്ര മോദിയുടെ ചിത്രമോ പേരോ ഉള്പ്പെടുത്തിയില്ലെന്ന് ആരോപിച്ചായിരുന്നു ബിജെപിക്കാരുടെ പ്രതിഷേധം. പോലീസ് എത്തി പ്രതിഷേധക്കാരെ നീക്കം ചെയ്തതോടെയാണ് കൂടുതല് അനിഷ്ടസംഭവങ്ങള് ഒഴിവായത്. സംഘര്ഷത്തില് പരിക്കേറ്റവരെ കായംകുളം താലൂക്ക് ആശുപത്രിയില് പ്രവേശിപ്പിച്ചു.
Read Moreരോഗികളും ജീവനക്കാരും നാട്ടുകാരും ശ്വാസമടക്കിനിന്ന നിമിഷങ്ങള്! പ്രമേഹ കുത്തിവയ്പിന് മരുന്നും സിറിഞ്ചും ഇല്ല, മരത്തിൽ കയറി രോഗിയുടെ ഭീഷണി
പത്തനംതിട്ട: പ്രമേഹ ചികിത്സയ്ക്ക് സൗജന്യ മരുന്നും സിറിഞ്ചും നൽകാത്തതിൽ പ്രതിഷേധിച്ച് സാമൂഹ്യപ്രവർത്തകൻ ജനറൽ ആശുപത്രിയിലെ മരത്തിൽ കയറി ആത്മഹത്യാഭീഷണി മുഴക്കി. കൊല്ലം മേക്കോൺ മുരുകനാണ് (47) പത്തനംതിട്ട ജനറൽ ആശുപത്രിയുടെ ശോച്യാവസ്ഥയിൽ പ്രതിഷേധിച്ച് വളപ്പിലെ പ്ലാവിൽ കയറി ആത്മഹത്യാ ഭീഷണി മുഴക്കിയത്. ഇന്നലെ രാവിലെ 11 നായിരുന്നു നഗരത്തെ ആശങ്കയുടെ മുൾമുനയിൽ നിർത്തിയ സംഭവം. രോഗികളും ജീവനക്കാരും നാട്ടുകാരും ശ്വാസമടക്കിനിന്ന നിമിഷങ്ങളാണ് ആശുപത്രിയിൽ അരങ്ങേറിയത്. ഒടുവിൽ ജനപ്രതിനിധികളും ഫയർഫോഴ്സും പോലീസും ഏറെ നേരം പണിപ്പെട്ടാണ് മുരുകനെ ശാന്തനാക്കി താഴെയിറക്കിയത്. കഴിഞ്ഞ ദിവസം ഷുഗർ രോഗിയായ മുരുകൻ ആശുപത്രിയിൽ ചികിത്സ തേടി എത്തി. ഡോക്ടർ പരിശോധ നടത്തി ഇൻസുലിൻ ഉൾപ്പെടെയുള്ള മരുന്നും കുറിച്ച് നൽകി. കുത്തിവയ്പ് എടുക്കാൻ എത്തിയപ്പോൾ മരുന്നുകളും സിറിഞ്ചും പുറത്ത് നിന്ന് വാങ്ങാനായിരുന്നു നിർദ്ദേശം. സർക്കാർ ആശുപത്രികളിൽ നിന്ന് സൗജന്യമായി പ്രമേഹ മരുന്നുകൾ വിതരണം ചെയ്യേണ്ടതല്ലേയെന്ന്…
Read Moreമന്ത്രി അറിഞ്ഞോ എന്തോ..! പൊതുമരാമത്ത് പുതുക്കിപണിത കെട്ടിടം തകർന്ന് വീണു ; അത്ഭുതകരമായി അന്തേവാസികൾ രക്ഷ പ്പെട്ടു; ലക്ഷങ്ങളുടെ അഴിമതിയാരോപണം
ചാരുംമൂട്: നൂറനാട് ലെപ്രസി സാനിട്ടോറിയത്തിൽ പൊതുമരാമത്തുവകുപ്പ് അറ്റകുറ്റപ്പണികൾ നടത്തിയ കെട്ടിടം അഞ്ചുമാസങ്ങൾ കഴിഞ്ഞപ്പോൾ വീണ്ടും തകർന്നു. 11–ാം നമ്പർ സി വാർഡിന്റെ കോൺക്രീറ്റ് തുണുകളാണ് ഇന്നലെ രാവിലെ തകർന്നത്. ഈ കെട്ടിടത്തിനുള്ളിൽ ഉണ്ടായിരുന്ന എട്ടു വനിതാ അന്തേവാസികൾ പരിക്കേൽക്കാതെ അത്ഭുതകരമായി രക്ഷപ്പെട്ടു. ഇന്നലെ രാവിലെ അഞ്ചരയോടെ ഇവിടുത്തെ അന്തേവാസിയും മാന്നാർ കൂട്ടമ്പേരൂർ സ്വദേശിനിയുമായ സതിയമ്മ(67) ആശുപത്രി വാർഡിന്റെ മുറ്റം വൃത്തിയാക്കുവാൻ പടി ഇറങ്ങവേ തുണിൽ പിടിച്ചതും കോൺക്രീറ്റ് തുണുകൾ നിലംപതിക്കുകയായിരുന്നു. സതിയമ്മ ഓടി മാറിയതിനാൽ രക്ഷപ്പെട്ടു. വിവരം അറിഞ്ഞെത്തിയ ആശുപത്രി സൂപ്രണ്ട് ഡോ. വിദ്യയും ഡിഎംഒ ഡോ.ജമുനയും ചേർന്ന് പെട്ടന്ന് ഈ വാർഡിനുള്ളിൽ ഉണ്ടായിരുന്ന മറ്റ് അന്തേവാസികളെ ഒഴിപ്പിച്ചു. പത്തുമാസം മുമ്പ് ആശുപത്രി വളപ്പിലെ പ്രധാനകെട്ടിടം പുതുക്കിപ്പണിയുന്നതിനിടയിൽ തകർന്നു വീണ് നിരവധി അന്തേവാസികൾക്കു പരിക്കേറ്റിരുന്നു. തുടർന്ന് ആശുപത്രി സമിതിയിൽ കാലപ്പഴക്കം സംഭവിച്ച എല്ലാ കെട്ടിടങ്ങളും പരിശോധിച്ച് ഉപയോഗയോഗ്യമല്ലാത്ത…
Read Moreപുറക്കാട് കടപ്പുറത്ത് കറുത്തമ്മയും പരീക്കു ട്ടിയും വീണ്ടും സംഗമിക്കുന്നു; അഭ്രപാളിയി ലെ ആ പ്രണയത്തിന് അമ്പതാണ്ട്; ആഘോ ഷമാക്കാനൊരുങ്ങി അമ്പലപ്പുഴക്കാർ
അമ്പലപ്പുഴ: കറുത്തമ്മയുടെയും പരീക്കുട്ടിയുടെയും പ്രണയകഥ അഭ്രപാളികളിൽ പകർത്തിയിട്ടു അമ്പതാണ്ടു പിന്നിടുന്നു. ഇതിന്റെ അണിയറ പ്രവർത്തകരെ ആദരിക്കാൻ അമ്പലപ്പുഴയുടെ മണ്ണ് ഒരുങ്ങുന്നു. തകഴിയുടെ വിശ്വ പ്രസിദ്ധമായ ചെമ്മീൻ എന്ന പ്രണയകഥ രാമു കാര്യാട്ട് സിനിമയാക്കിയിട്ട് അഞ്ചു പതിറ്റാണ്ടു പിന്നിടുകയാണ്. 1965ൽ ദക്ഷിണേന്ത്യയിൽ ആദ്യമായി സ്വർണമെഡൽ ചെമ്മീൻ എന്ന സിനിമയിലൂടെയാണ് മലയാളത്തിന്റെ മണ്ണിലെത്തിയത്. കഥയെഴുതിയ തകഴിയും കഥ ലോകത്തെ അറിയിച്ച രാമു കാര്യാട്ടും തിരക്കഥയെഴുതിയ എസ്എൽപുരം സദാനന്ദനും ഇതിൽ ഗാനമാലപിച്ച മന്നാഡെയുമൊക്കെ മൺമറഞ്ഞങ്കിലും മലയാളത്തിന് ഇന്നും ഏറെ പ്രിയപ്പെട്ട ചലച്ചിത്രമാണ് ചെമ്മീൻ. ഇതിലെ അഭിനേതാക്കളിൽ ജീവിച്ചിരിക്കുന്ന രണ്ടുപേർ മധുവും ഷീലയുമാണ്. ഇവരുൾപ്പടെയുള്ള അണിയറ പ്രവർത്തകരെ ആദരിക്കുന്ന ചടങ്ങാണ് സംസ്ഥാന ചലച്ചിത്ര അക്കാഡമിയുടെ സഹകരണത്തോടെ സാംസ്കാരിക വകുപ്പ് സംഘടിപ്പിക്കുന്നത്. ചെമ്മീൻ കഥയിലെ പ്രധാന ദൃശ്യഭംഗിയൊരുക്കിയ പുറക്കാട്, നീർക്കുന്നം, പുന്നപ്ര പ്രദേശങ്ങളാണ് ആഘോഷങ്ങൾക്കായി ആലോചനയിലുള്ളത്. ഏപ്രിൽ എട്ടിനു പരിപാടി നടത്താനാണ് ആലോചന. ഇതിൽ…
Read Moreഒരു സൈബീരിയൻ ആക്രമണം..! കുട്ടനാട്ടിൽ കൃഷിക്കാർക്ക് വെല്ലുവിളിയുമായി സൈബീ രിയക്കാർ; വനംവകുപ്പിന്റെ ഇടപെടൽ വേണമെന്ന് കർഷകർ
മങ്കൊമ്പ്: കുട്ടനാട്ടിലെ പുഞ്ചക്കൃഷിക്കു നാശം വിതയ്ക്കുന്ന എരണ്ടകളെ നിയന്ത്രിക്കാൻ വനം–വന്യജീവി വകുപ്പുകളുടെ ഇടപെടലുണ്ടാകണമെന്ന് കർഷകർ. വന്യജീവികളെ സംരക്ഷിക്കുക മാത്രമല്ല അവയിൽ നിന്നു കൃഷിക്കും, കർഷകർക്കും സംരക്ഷണം നൽകാനും വകുപ്പധികൃതർക്ക് ഉത്തരവാദിത്വമുണ്ടെന്നും കർഷകർ വാദിക്കുന്നു. കുട്ടനാട്ടിൽ ഇപ്പോൾ കാണുന്ന ദേശാടനപക്ഷികൾ സൈബീരിയയിൽ നിന്നുള്ളവയാണ്. സീസൺ കഴിഞ്ഞാലും ഇപ്പോൾ ഇവ മടങ്ങിപോകാറില്ലെന്നാണ് കർഷകർ പറയുന്നത്. മടവീഴ്ചയെത്തുടർന്നു കൃഷിയില്ലാതെ കിടക്കുന്ന ഡി ബ്ലോക്കു കായലിൽ താവളമാക്കിയിരിക്കുകയാണിവ. 84 മുതലുള്ള തന്റെ കാർഷികവൃത്തിക്കിടെ ആദ്യമായാണ് ഇങ്ങനെ വൻതോതിലുള്ള ആക്രമണമനുഭവപ്പെടുന്നതെന്ന് പ്രമുഖ കർഷകനായ ടിറ്റോ എബ്രഹാം കൈനടി പറയുന്നു. രാപകൽ ഭേദമന്യേ കായലിൽ ചെലവഴിക്കുന്ന കർഷകർ പടക്കം പൊട്ടിച്ചും, ചെണ്ട കൊട്ടിയുമാണ് എരണ്ടകളെ പ്രതിരോധിക്കുന്നത്്. വൻകിട കർഷകർ രാത്രിയും പകലും പ്രത്യേകം പ്രത്യേകം തൊഴിലാളികളെ നിയമിച്ചിരിക്കുകയാണ്. എന്നാൽ വന്യജീവിയിനത്തിൽ പെട്ടവയായതിനാൽ ഇവയെ ആക്രമിക്കുന്നത് കുറ്റകരമാണ്. കുമരകത്തുള്ള വനം വകുപ്പധികൃതർക്കു പട്രോളിംഗിനായി രണ്ടു സ്പീഡ് ബോട്ടുകളുണ്ട്.…
Read Moreആ നിലവിളി ശബ്ദമിടോ..! യാത്രാമധ്യേ ഛർദിൽ മന്ത്രി എം.എം. മണിയെ ആശുപത്രിയിൽ പ്രവേശിപ്പിച്ചു
അമ്പലപ്പുഴ: തിരുവനന്തപുരത്തു നിന്നും എറണാകുളത്തേക്ക് പോകവെ ദേഹാസ്വാസ്ഥ്യം അനുഭവപ്പെട്ട വൈദ്യുതി മന്ത്രി എം.എം. മണി ആശുപത്രിയിൽ.ദേശീയ പാതയിൽ പറവൂർ ജംഗ്ഷന് സമീപം വെച്ചാണ് മന്ത്രിക്ക് ദേഹാസ്വാസ്ഥ്യം ഉണ്ടായത്. ഇന്നലെ രാത്രി 11.30 ഓടെ കാക്കാഴം ഭാഗത്തു വച്ചും പറവൂർ ഭാഗത്തു വച്ചും ഛർദിക്കുകയും ക്ഷീണിതനായും കാണപ്പെട്ടതിനെ തുടർന്ന് മന്ത്രിയെ അനുഗമിച്ചിരുന്ന അമ്പലപ്പുഴ പോലീസ് ആശുപത്രിയിലേക്കു കൊണ്ടു പോകുകയായിരുന്നു. ആലപ്പുഴ ജനറൽ ആശുപത്രിയിൽ ചികിത്സ തേടിയ മന്ത്രിയെ വിദഗ്ധ ചികിത്സക്കായി ആലപ്പുഴ മെഡിക്കൽ കോളജ് ആശുപത്രിയിലേക്ക് മാറ്റി. ബി.പി.കുറവും, ഇ.സി.ജി യിൽ വ്യത്യാസവും കണ്ടതിനെ തുടർന്ന് എം.എം. മണിയെ ഹൃദയവിഭാഗം തീവ്രപരിചരണ വിഭാഗത്തിലേക്ക് മാറ്റുകയായിരുന്നു. മന്ത്രി സുഖം പ്രാപിച്ചു വരുന്നതായും ഇന്ന് ആശുപത്രി വിടാൻ കഴിയുമെന്നും ആശുപത്രി അധികൃതർ പറഞ്ഞു. സംഭവമറിഞ്ഞ് രാഷ്ട്രീയ നേതാക്കളും, സുഹൃത്തുക്കളും ആശുപത്രിയിലെത്തിയിരുന്നു.
Read Moreഓന്ത് ഓടിയാല്..! ക്വട്ടേഷൻ സംഘത്തി നൊപ്പം ബ്രാഞ്ച് സെക്രട്ടറിയെ പിടികൂടിയ സംഭവം; കമ്മീഷനെ നിയോഗിച്ച് സിപിഎം
ചേർത്തല: ക്വട്ടേഷൻ സംഘത്തിനൊപ്പം ബ്രാഞ്ച് സെക്രട്ടറി പോലീസ് പിടിയിലായ സംഭവത്തിൽ അന്വേഷണത്തിനു സിപിഎം നേതൃത്വം കമ്മീഷനെ നിയോഗിച്ചു. വയലാറിലെ ബ്രാഞ്ച് സെക്രട്ടറിയാണ് അടുത്തിടെ അടൂർ പോലീസിന്റെ വലയിലായത്. അതിർത്തി തർക്കത്തിന്റെ പേരിലുള്ള പ്രശ്നത്തിലാണ് ഗുണ്ടാ സംഘങ്ങൾക്കൊപ്പം സെക്രട്ടറിയും കുടുങ്ങിയത്. ഇത് പാർട്ടിക്കുള്ളിൽ ഏറെ വിമർശനങ്ങൾക്കിടയാക്കിയിരുന്നു. കഴിഞ്ഞ ദിവസം കൂടിയ അരൂർ ഏരിയാകമ്മിറ്റി യോഗമാണ് വിഷയം അന്വേഷിക്കുന്നതിന് മൂന്നംഗ കമ്മീഷനെ നിയോഗിച്ചത്. ഏരിയാ സെന്റർ അംഗം എൻ.പി ഷിബുവിന്റെ നേതൃത്വത്തിൽ ഡിവൈഎഫ്ഐ ബ്ലോക്ക് സെക്രട്ടറി സി.ടി വിനോദ്, വെട്ടക്കൽ ലോക്കൽ സെക്രട്ടറി സി.കെ മോഹനൻ എന്നിവരാണ് കമ്മീഷനിൽ ഉള്ളത്. സംസ്ഥാന കമ്മിറ്റിയംഗം സി.ബി ചന്ദ്രബാബു, ജില്ലാസെക്രട്ടേറിയേറ്റംഗങ്ങളായ കെ.പ്രസാദ്, ആർ.നാസർ എന്നിവരുടെ സാന്നിധ്യത്തിൽ കൂടിയ യോഗത്തിലായിരുന്നു തീരുമാനം. എന്നാൽ പ്രഖ്യാപിച്ചിരിക്കുന്ന അന്വേഷണം പാർട്ടിയിലെ വിഭാഗീയതയുടെ ഭാഗമാണെന്നാണ് ഒരു വിഭാഗത്തിന്റെ ആക്ഷേപം. ഗ്രൂപ്പു സമവാക്യങ്ങളിൽ ഏരിയാ നേതൃത്വത്തെ അനുകൂലിക്കാത്തവരെ വരുതിയിലാക്കാനുള്ള നീക്കത്തിന്റെ…
Read Moreഎല്ലാവർക്കും ഒരു പാഠമാകട്ടെ..! കണ്ടല്ലൂർ സുമേഷ് വധം; അനുജനെ ആളുമാറി വെട്ടിയതിന് ജ്യേഷ്ഠന്റെ പ്രതികാരം
കായംകുളം: കണ്ടലൂരിൽ നിരവധി ക്രിമിനൽ കേസിലെ പ്രതിയായ യുവാവിനെ റോഡരുകിലിട്ട് വെട്ടിക്കൊലപ്പെടുത്തിയ കേസിൽ അറസ്റ്റിലായ നാല് പ്രതികളെ അന്വേഷണ സംഘം ഇന്ന് കോടതിയിൽ ഹാജരാക്കും. കായംകുളം സ്വദേശികളായ സെയ്ഫ്, ഹാഷിം, റോഷൻ കണ്ടല്ലൂർ സ്വദേശി വിഷ്ണുദേവ് എന്നിവരെയാണ് കോടതിയിൽ ഹാജരാക്കുക. കണ്ടല്ലൂർ തെക്ക് ശരവണ സദനത്തിൽ സുമേഷി(30 )നെ കൊലപ്പെടുത്തിയ കേസിൽ കായംകുളം ഡിവൈഎസ്പി എൻ. രാജേഷ്. സിഐ റ്റി.മനോജ് എന്നിവരുടെ നേതൃത്വത്തിലുള്ള അന്വേഷണ സംഘം ഇന്നലെയാണ് ഇവരെ അറസ്റ്റ് ചെയ്തത്. പിന്നീട് പ്രതികളെ കേസിലെ സാക്ഷികൾക്ക് മുന്പിൽ തിരിച്ചറിയൽ പരേഡിന് വിധേയരാക്കും. സംഭവ സ്ഥലത്ത് പ്രതികളുമായെത്തി തെളിവെടുപ്പും നടത്തും. പിടിയിലായ ഹാഷിമിന്റെ അനുജൻ അഫ്സലിനെ 2015 ഫെബ്രുവരി എട്ടിന് കായംകുളം റെയിൽവേ സ്റ്റേഷന് സമീപം വച്ച് ആളുമാറി വെട്ടിക്കൊലപ്പെടുത്താൻ ശ്രമിച്ചിരുന്നു. നെഞ്ചിലും വയറിലും ആഴത്തിൽ കുത്തേറ്റ അഫ്സൽ ദീർഘകാലം ചികിത്സയിൽ കഴിയേണ്ടി വന്നു. ഇതിന്റെ …
Read Moreഭര്ത്താവിന്റെ പ്രേരണയാല്! ഭര്ത്തൃവീട്ടില് താമസിക്കാനത്തെിയ യുവതിയ്ക്ക് വീട്ടു ജോലിക്കാരന്റെ മര്ദ്ദനം; ആശുപ ത്രിയില് എത്തിച്ചത് മണിക്കൂറുകള്ക്കുശേഷം
പത്തനംതിട്ട : ഗാര്ഹിക പീഡന നിരോധന നിയമപ്രകാരമുള്ള കോടതി ഉത്തരവനുസരിച്ച് ഭര്ത്തൃവീട്ടില് താമസിക്കാനത്തെിയ യുവതിയെ വീട്ടുജോലിക്കാരന് മര്ദ്ദിച്ചു. രക്തം വാര്ന്നുകിടന്ന് മണിക്കൂറുകള്ക്കുശേഷമാണ് പത്തനംതിട്ട പോലീസ് പരിക്കേറ്റ യൂവതിയെ പത്തനംതിട്ട ജനറല് ആശുപത്രിയില് പ്രവേശിപ്പിച്ചത്. പത്തനംതിട്ട കുലശേഖരപേട്ടയിലാണ് സംഭവം. ഭര്ത്താവിന്റെ പ്രേരണയാല് മധു എന്ന വീട്ടുവേലക്കാരനാണ് മര്ദ്ദിച്ചതെന്ന് യുവതി പോലീസിനോട് പറഞ്ഞു. വനിതാ സംഘടനാ പ്രവര്ത്തകരാണ് പത്തനംതിട്ട വനിതാ സെല്ലിലും പിന്നീട് ജില്ലാ പോലീസ് ചീഫിനെയും വിവരം അറിയിച്ചത്. പോലീസ് എത്തിയാണ് യുവതിയെ പത്തനംതിട്ട ജനറല് ആശുപത്രിയില് എത്തിച്ചത്.
Read More