കൊച്ചി: കൊച്ചി മെട്രോയുടെ മഹാരാജാസ്-തൈക്കൂടം സർവീസ് ഉദ്ഘാടനം, ഓണാഘോഷം എന്നിവയോടനുബന്ധിച്ച് നാലു മുതൽ 18 വരെ 14 ദിവസം യാത്രാ നിരക്കിൽ കെഎംആർഎൽ ഇളവുകൾ പ്രഖ്യാപിച്ചു. അന്പത് ശതമാനമാണ് നിരക്കിളവ്. ക്യൂആർ കോഡ് ടിക്കറ്റ്, കൊച്ചി വണ് കാർഡ്, ട്രിപ്പ് പാസ് എന്നിവ ഉപയോഗിച്ച് യാത്ര ചെയ്യുന്നവർക്കെല്ലാം ഈ മാസം 18 വരെ ഇളവ് ലഭ്യമാകും. നിലവിൽ ട്രിപ്പ് പാസ് ഉള്ള യാത്രക്കാർക്ക് അന്പത് ശതമാനം നിരക്ക് ക്യാഷ് ബാക്കായി ലഭിക്കും. 25 വരെ എല്ലാ മെട്രോ സ്റ്റേഷനുകളിലും പാർക്കിംഗും സൗജന്യമാക്കിയിട്ടുണ്ട്. മഹാരാജാസ്-തൈക്കൂടം പാതയിൽ ആദ്യ ദിനം നഴ്സുമാർക്ക് സൗജന്യ യാത്രയും കെഎംആർഎൽ പ്രഖ്യാപിച്ചിട്ടുണ്ട്. നാളെ ഉച്ചക്ക് രണ്ടിന് ആരോഗ്യമന്ത്രി കെ.കെ. ശൈലജ പുതിയ പാതയിൽ നഴ്സുമാർക്കൊപ്പം പ്രത്യേകയാത്ര നടത്തും. ഈ ദിവസം കൊച്ചി വണ് കാർഡ് വാങ്ങുന്ന നഴ്സുമാർക്ക് ക്യാഷ് ബാക്ക് ഓഫറുമുണ്ട്. കൊച്ചി: മെട്രോ…
Read MoreCategory: Kochi
ചെറായിയിൽ ഏഴംഗ ശ്രീലങ്കൻ സംഘമെത്തിയ സംഭവം; ഐബിയും പോലീസും അന്വേഷണമാരംഭിച്ചു
വൈപ്പിൻ: ചെറായി ബീച്ചിൽ ഏഴംഗ ശ്രീലങ്കൻ സംഘമെത്തിയെന്ന സൂചന ലഭിച്ചതിനെ തുടർന്ന് ഐബിയും രഹസ്യപോലീസ് വിഭാഗവും അന്വേഷണം തുടങ്ങി. കഴിഞ്ഞമാസം 31ന് ബീച്ചിലെത്തിയ രണ്ട് കുട്ടികളും മൂന്ന് സ്ത്രീകളും രണ്ട് പുരുഷൻമാരുമടങ്ങുന്ന സംഘം താമസിക്കാൻ ഹോം സ്റ്റേ അന്വേഷിച്ചു നടക്കുന്നതിനിടയിലാണ് ശ്രീലങ്കക്കാരെന്ന് മനസിലായത്. ഹോംസ്റ്റേയിൽ മുറികൾ ഏർപ്പാടാക്കി നൽകുന്ന കമ്മീഷൻ ഏജന്റ്മാരുടെ പക്കൽ എത്തിയത് രണ്ടംഗ പുരുഷൻമാരാണ്. ആദ്യം ഇവർ തമിഴ്നാട്ടിൽ നിന്നെത്തിയതാണെന്നാണ് പറഞ്ഞത്. ഐഡി പ്രൂഫ് ചോദിച്ചപ്പോൾ തമിഴരല്ല ശ്രീലങ്കക്കാരാണെന്ന് പറഞ്ഞു. മാത്രമല്ല ഐഡി ഒന്നും കൈവശമില്ലെന്നും ഇവർ അറിയിച്ചു. എങ്കിൽ നിങ്ങളുടെ ഫോട്ടോ ആയാലും മതിയെന്ന് പറഞ്ഞ് ഏജന്റ് മൊബൈലിൽ ഇവരുടെ ഫോട്ടോയെടുത്തു. മറ്റുള്ളവരെയും കൂട്ടി വരാമെന്ന് പറഞ്ഞ് പോയവർ പിന്നീട് എത്തിയില്ല. ഇവർ വാഹനത്തിൽ മറൈൻ ഡ്രൈവിൽ ബോട്ടിംഗിനു പോയതായി സൂചന ലഭിച്ചിട്ടുണ്ട്. അതേസമയം കയറിപ്പോയ വാഹനം, മറ്റ് വിവരങ്ങൾ ഒന്നും തന്നെ…
Read Moreകൊച്ചി മെട്രോ; മഹാരാജാസ് കോളജ് സ്റ്റേഷനിൽനിന്നു തൈക്കൂടത്തേക്കുള്ള സുരക്ഷാ പരിശോധന തുടങ്ങി
കൊച്ചി: കൊച്ചി മെട്രോ സർവീസ് മഹാരാജാസ് കോളജ് സ്റ്റേഷനിൽനിന്നു തൈക്കൂടത്തേക്ക് നീട്ടുന്നതിനു മുന്നോടിയായുള്ള മെട്രോ റെയിൽ സേഫ്റ്റി കമ്മീഷണറുടെയും സംഘത്തിന്റെയും പരിശോധന ഇന്ന് പൂർത്തിയാകും. ഇന്നലെ രാവിലെ ഒന്പതിന് മഹാരാജാസ് കോളജ് ഗ്രൗണ്ട് സ്റ്റേഷനിൽനിന്നാണു പരിശോധന ആരംഭിച്ചത്. കമ്മീഷണർ കെ.എ. മനോഹരന്റെ നേതൃത്വത്തിലുള്ള ഏഴംഗ സംഘമാണ് പരിശോധന നടത്തുന്നത്. ഇന്നലെ പ്രധാനമായും സ്റ്റേഷനുകളുടെ പരിശോധനയാണ് നടന്നത്. പരിശോധനകൾക്കുശേഷം സംഘം അനുമതി നൽകുന്ന മുറയ്ക്കാകും ഉദ്ഘാടനം സംബന്ധിച്ച് ഔദ്യോഗിക അറിയിപ്പ് നടത്തുക. മഹാരാജാസ് സ്റ്റേഷനിൽനിന്നു തൈക്കൂടം വരെ അഞ്ചു സ്റ്റേഷനുകൾ ഉൾപ്പെടുന്ന പാതയുടെ നീളം 5.65 കിലോമീറ്ററാണ്. സ്റ്റേഷനുകളുടേതടക്കം നിർമാണ ജോലികളെല്ലാം പൂർത്തിയാക്കി പരീക്ഷണയോട്ടവും കഴിഞ്ഞിരുന്നു. രാജ്യത്ത് മെട്രോയിലെ ആദ്യ കാൻഡിലിവർ പാലം കൂടി ഈ പാതയിൽ ഉൾപ്പെടുന്നുണ്ട്. സൗത്ത്, കടവന്ത്ര മെട്രോ സ്റ്റേഷനുകൾക്കിടയിൽ തൂണില്ലാതെ അർധവൃത്താകൃതിയിൽ നിർമിച്ച പാലത്തിന് 90 മീറ്ററാണു നീളം. പരീക്ഷണയോട്ടത്തിനിടെ രണ്ടു ട്രെയിനുകൾ…
Read Moreപാലാരിവട്ടം മേൽപ്പാലം അഴിമതി; പ്രതികളെ കസ്റ്റഡിയിൽ വാങ്ങാൻ വിജിലൻസ് സംഘം
കൊച്ചി: പാലാരിവട്ടം മേൽപ്പാലം അഴിമതിയുമായി ബന്ധപ്പെട്ട് റിമാൻഡിൽ കഴിയുന്ന പ്രതികളെ കസ്റ്റഡിയിൽ വാങ്ങി ചോദ്യം ചെയ്യാനൊരുങ്ങി വിജിലൻസ് സംഘം. നാലു പ്രതികളെയും കസ്റ്റഡിയിൽ ലഭിക്കുന്നതിനായുള്ള അപേക്ഷ ഇന്ന് മൂവാറ്റുപുഴ വിജിലൻസ് കോടതിയിൽ സമർപ്പിക്കും. കേസിലെ അഴിമതിയെക്കുറിച്ച് പ്രതികൾ ഒരുകാര്യവും പറയുന്നില്ലെന്നും അന്വേഷണത്തോട് സഹകരിക്കുന്നില്ലെന്നും ചൂണ്ടിക്കാട്ടിയ വിജിലൻസ് പ്രതികളെ കസ്റ്റഡിയിൽ വേണമെന്ന് ഇന്നലെ കോടതിയിൽ ആവശ്യപ്പെട്ടിരുന്നു. പൊതുമരാമത്ത് മുൻ സെക്രട്ടറി ടി.ഒ. സൂരജ്, പാലം നിർമാണ കരാറുകാരായ ആർഡിഎസ് പ്രോജക്ട്സ് എംഡി സുമിത് ഗോയൽ, റോഡ്സ് ആൻഡ് ബ്രിഡ്ജസ് കോർപ്പറേഷൻ കേരളയുടെ(ആർബിഡിസികെ) മുൻ അഡീഷണൽ ജനറൽ മാനേജർ എം.ടി. തങ്കച്ചൻ, കിറ്റ്കോ ജോയിന്റ് ജനറൽ മാനേജർ ബെന്നി പോൾ എന്നിവരാണ് അറസ്റ്റിലായവർ. സെപ്റ്റംബർ 12 വരെ പ്രതികളെ റിമാൻഡ് ചെയ്യണമെന്നായിരുന്നു വിജിലൻസിന്റെ ആവശ്യമെങ്കിലും കോടതി അനുവദിച്ചില്ല. സെപ്റ്റംബർ രണ്ടുവരെ ജുഡീഷ്യൽ കസ്റ്റഡിയിൽ വിട്ട പ്രതികളുടെ ജാമ്യാപേക്ഷയും കോടതി അന്നേദിനം…
Read Moreപാലാരിവട്ടം മേൽപ്പാലം; കേസിൽ ആകെയുള്ളത് 17 പ്രതികൾ; കൂടുതൽ അറസ്റ്റ് ഉണ്ടായേക്കും
കൊച്ചി: പാലാരിവട്ടം മേൽപ്പാലത്തിന്റെ ബലക്ഷയം അതീവ ഗുരുതരമാണെന്ന് ചൂണ്ടിക്കാട്ടി വിജിലൻസ് അന്വേഷണസംഘം കഴിഞ്ഞ ജൂണ് നാലിന് മൂവാറ്റുപുഴ വിജിലൻസ് കോടതിയിൽ എഫ്ഐആർ സമർപ്പിച്ചിരുന്നു. കരാറുകാരനും ഉദ്യോഗസ്ഥരും കണ്സൾട്ടൻസിയും ഉൾപ്പെടെ 17 പേരെ പ്രതി ചേർത്താണ് വിജിലൻസ് റിപ്പോർട്ട് സമർപ്പിച്ചിരുന്നത്. തുടർന്നു പാലം നിർമാണ അഴിമതിയുമായി ബന്ധപ്പെട്ട് മുൻമന്ത്രി വി.കെ. ഇബ്രാഹിംകുഞ്ഞ്, ടി.ഒ. സൂരജ്, സുമിത് ഗോയൽ എന്നിവരടക്കം നിരവധി പേരെ വിജിലൻസ് ചോദ്യം ചെയ്തിരുന്നു. സുമിത് ഗോയലിന്റെയും സൂരജിന്റെയും മൊഴികളിലെ വൈരുദ്ധ്യത്തെ തുടർന്ന് ഇന്നലെ വീണ്ടും ചോദ്യം ചെയ്യലിന് ഹാജരാകാൻ സൂരജിനോട് അന്വേഷണസംഘം നിർദേശിക്കുകയായിരുന്നു. തുടർന്നാണ് അറസ്റ്റ് സംബന്ധിച്ച് നടപടികളിലേക്ക് വിജിലൻസ് കടന്നത്. അന്വേഷണത്തിന്റെ ഭാഗമായി 17 പേരെയാണ് കുറ്റക്കാരെന്ന് സംശയിക്കുന്നവരുടെ പട്ടികയിൽ വിജിലൻസ് ഉൾപ്പെടുത്തിയിരുന്നത്. ഫൈള ഓവർ കോണ്ട്രാക്ടർ ആർഡിഎസ് പ്രൈവറ്റ് ലിമിറ്റഡ് മാനേജിംഗ് ഡയറക്ടർ സുമിത് ഗോയൽ, കിറ്റ്കോ മുൻ മാനേജിംഗ് ഡയറക്ടർ സിറിയക്…
Read Moreസ്വർണവില വീണ്ടും കുറഞ്ഞു; പവന് 80 രൂപ കുറഞ്ഞ് വില 28,480 രൂപ; വിലകുറയലിനെക്കുറിച്ച് കച്ചവടക്കാർ പറയുന്നതിങ്ങനെ…
കൊച്ചി: ദിനവും റിക്കാർഡ് ഭേദിച്ച് മുന്നേറിയ സ്വർണവില വീണ്ടും കുറഞ്ഞു. ഗ്രാമിന് 10 രൂപയുടെയും പവന് 80 രൂപയുടെയും കുറവാണ് ഇന്ന് രേഖപ്പെടുത്തിയത്. ഇതോടെ സ്വർണ വില പവന് 28,480 രൂപയായി. രണ്ടു ദിവസത്തെ വ്യാപാരത്തിനിടെ മാത്രം 400 രൂപയുടെ കുറവാണ് സ്വർണവിലയിൽ ഉണ്ടായത്. ഇന്നലെ പവന് 320 രൂപയാണ് കുറഞ്ഞത്. കഴിഞ്ഞ 29ന് രേഖപ്പെടുത്തിയ പവന് 28,880 രൂപയാണ് ഇതുവരെയുള്ള റിക്കാർഡ് വില. രൂപ കരുത്താർജിച്ചതാണ് സ്വർണ വില കുറയാൻ കാരണം. ആഗോള, രാജ്യാന്തര വിഷയങ്ങൾ അതേപടി നിലനിൽക്കുന്നതിനാൽ നിലവിൽ സ്വർണവില ഒരു പരിധി കഴിഞ്ഞ് കുറയില്ലെന്നാണു വിപണിയിൽനിന്നു ലഭിക്കുന്ന വിവരങ്ങൾ.
Read Moreനെഹ്റു ട്രോഫി വള്ളംകളി; കാരിച്ചാൽ ചുണ്ടനിൽ തുഴയാൻ കേരള പോലീസും; ടീമിന്റെ തീം സോംഗ് പുറത്തിറക്കി
കൊച്ചി: നെഹ്റു ട്രോഫി വള്ളംകളിയിൽ പങ്കെടുക്കുന്ന കേരള പോലിസ് ടീമിന്റെ ഒൗദ്യോഗിക തീം സോംഗ് പുറത്തിറക്കി. എറണാകുളം പ്രസ് ക്ലബ്ബിൽ നടന്ന ചടങ്ങിൽ എസിപി കെ. ലാൽജി ഓളപ്പരപ്പിലെ ഒളിംപിക്സ് എന്നു പേരിട്ടിരിക്കുന്ന സംഗീത ആൽബം പ്രകാശനം ചെയ്തു. ഐ പിഎൽ, ഒളിന്പിക്സ് ഡേ, സ്വച്ഛ് ഭാരത് തുടങ്ങി നിരവധി പ്രമുഖ പരിപാടികൾക്ക് പിന്തുണ നൽകി ഗാനങ്ങൾ ഒരുക്കി ശ്രദ്ധേയനായ ശരത് മോഹനാണ് തീം സോംഗിൻറെ രചനയും സംഗീത സംവിധാനവും നിർവഹിച്ചിരിക്കുന്നത്. നെഹ്റു ട്രോഫിയിൽ തുഴ എറിയുന്ന പോലീസിലെ പുരുഷ വനിതാ ടീമുകൾക്ക് ഗാനം പ്രചോനമായിരിക്കുമെന്ന് എസിപി ലാൽജി പറഞ്ഞു. ഷീ മീഡിയാസിനു വേണ്ടി കെ.എസ്. സുജയാണ് ആൽബം സംവിധാനം ചെയ്തിരിക്കുന്നത്. സുധീഷ് കുമാറാണ് ഗായകൻ. എം.എച്ച്. ധനുഷ് ഓർക്കസ്ട്രേഷനും ജോസഫ് സെബാസ്റ്റ്യൻ കാമറയും റെനി എഡിറ്റിഗും നിർവഹിച്ചിരിക്കുന്നു. കാരിച്ചാൽ ചുണ്ടൻ വള്ളത്തിലാണ് കേരള പോലീസിനെ പ്രതിനിധികരിച്ച്…
Read Moreആശ്വാസകിരണം പെൻഷൻ മുടങ്ങിയിട്ട് ഒരു വർഷം; കുടിശിക 79.39 കോടിയിലെത്തി ; സർക്കാരിന്റെ അവഗണന മാനസിക, ശാരീരിക വെല്ലുവിളികൾ നേരിടുന്നവരോട്
സിജോ പൈനാടത്ത് കൊച്ചി: ശാരീരിക, മാനസിക വെല്ലുവിളി നേരിടുന്നവരെയും മാരക രോഗങ്ങളാൽ കിടപ്പിലാകുന്നവരെയും പരിചരിക്കുന്നവർക്കുള്ള സംസ്ഥാന സർക്കാരിന്റെ ആശ്വാസകിരണം പെൻഷൻ വിതരണം മുടങ്ങിയിട്ട് ഒരു വർഷം. 2018 ഓഗസ്റ്റു മുതൽ മുടങ്ങിയ പെൻഷൻ പദ്ധതിയിൽ കുടിശിക 79.39 കോടി രൂപയിലെത്തി. കേരള സാമൂഹ്യ സുരക്ഷാ മിഷന്റെ (കെഎസ്എസ്എം) ആശ്വാസകിരണം പദ്ധതിയിലെ ഗുണഭോക്താക്കൾക്കു പ്രതിമാസം 600 രൂപയാണു ലഭിച്ചിരുന്നത്. നിലവിൽ 120301 പേരാണു പദ്ധതിയുടെ ആനുകൂല്യം ലഭിക്കുന്നവരുടെ പട്ടികയിലുള്ളതെന്നു സാമൂഹ്യ സുരക്ഷാ മിഷനിൽ നിന്നുള്ള വിവരാവകാശ രേഖകൾ വ്യക്തമാക്കുന്നു. മുഴുവൻ സമയം ശ്രദ്ധവേണ്ട രോഗികളെ പരിചരിക്കുന്നവർ എന്ന നിലയിൽ ഇവർക്കു ലഭിച്ചിരുന്ന ധനസഹായം വലിയ ആശ്വാസമായിരുന്നു. നൂറു ശതമാനം അന്ധതയുള്ളവർ, ബുദ്ധിമാന്ദ്യം, ഓട്ടിസം, സെറിബ്രൽ പാൾസി എന്നീ രോഗങ്ങളുള്ളവർ, പ്രായാധിക്യത്തിലും കാൻസർ പോലുള്ള രോഗങ്ങളാലും പരസഹായം ആവശ്യമുള്ളവർ എന്നീ അവസ്ഥകളിലുള്ളവരെ പരിചരിക്കുന്നവർക്കും പദ്ധതിയിലെ ആനുകൂല്യത്തിന് അർഹതയുണ്ട്. കുടുംബ വാർഷിക…
Read Moreപരീക്ഷാ നടത്തിപ്പിന്റെ നിലവിലെ സ്ഥിതി ആശങ്കാ ജനകം; സമീപകാലത്തെ എല്ലാ പിഎസ്സി നിയമനങ്ങളും അന്വേഷിക്കണമെന്ന് ഹൈക്കോടതി
കൊച്ചി: പിഎസ്സി പരീക്ഷാ നടത്തിപ്പിന്റെ നിലവിലെ സ്ഥിതി ആശങ്കാ ജനകമെന്ന് ഹൈക്കോടതി. സമീപകാലത്തെ എല്ലാ പിഎസ്സി നിയമനങ്ങളും അന്വേഷിക്കണമെന്നും സ്വതന്ത്ര ഏജൻസിയുടെ നിഷ്പക്ഷമായ അന്വേഷണമാണ് വേണ്ടതെന്നും ഹൈക്കോടതി ആവശ്യപ്പെട്ടു. പരീക്ഷാ തട്ടിപ്പുമായി ബന്ധപ്പെട്ട കേസിലെ നാലാം പ്രതി സഫീറിന്റെ മുൻകൂർ ജാമ്യാപേക്ഷ തള്ളിക്കൊണ്ടാണ് കോടതിയുടെ നിരീക്ഷണം. സഫീർ പത്തുദിവസത്തിനകം കീഴടങ്ങാനും നിർദേശം നൽകി. പിഎസ്സി സാധാരണ ജനങ്ങളുമായി ബന്ധപ്പെട്ട സ്വതന്ത്ര ഏജന്സിയാണ്. തട്ടിപ്പിലൂടെ അനർഹർ ജോലിയിൽ കയറുന്നത് തടയണം. നിലവിലെ അവസ്ഥ അത്യന്തം നിരാശാജനകമാണെന്നും ഹൈക്കോടതി ചൂണ്ടിക്കാട്ടി. പരീക്ഷാ ക്രമക്കേടിൽ വിപുലമായ അന്വേഷണം ആവശ്യമാണ്, എങ്കിലേ ജനവിശ്വാസം വീണ്ടെടുക്കാൻ സാധിക്കുകയുള്ളുവെന്നും കോടതി വ്യക്തമാക്കി.
Read Moreആലുവയിൽ കെഎസ്ആർടിസി ബസ് മറിഞ്ഞു; കാറിൽ ഇടിക്കാതിരിക്കാൻ വെട്ടിക്കുന്നതിനിടെ മീഡിയയിലേക്ക് ഇടിച്ച് കയറി മറിയുകയായിരുന്നു
ആലുവ: ദേശീയപാതയിൽ ആലുവ മുട്ടം തൈക്കാവ് ജംഗ്ഷനിൽ ഇന്ന് കെഎസ്ആർടിസി ബസ് മറിഞ്ഞു. പുലർച്ചെ 12.30 നായിരുന്നു സംഭവം. മീഡിയയിലേക്ക് ഇടിച്ചു കയറിയ കാറിൽ ഇടിക്കാതെ തിരിക്കുന്നതിനിടയിലാണ് ബസ് മറിഞ്ഞത്. കാർ നിയന്ത്രണം വിട്ട് മീഡിയനിലിടിച്ച് നിശേഷം തകർന്നു. ഒഴിവായത് വൻദുരന്തമാണെന്ന് സമീപവാസികൾ പറഞ്ഞു. ഗുരുതരമായി പരിക്കേറ്റ കാർ ഡ്രൈവർ പാലക്കാട് ഒറ്റപ്പാലം സ്വദേശി ബാബു (സുമേഷ്) ഇടപ്പള്ളിയിലെ സ്വകാര്യ ആശുപത്രിയിൽ ചികിത്സയിലാണ്. ഇരുപത്തിയാറോളം ബസ് യാത്രികരിൽ അഞ്ച് പേർക്ക് പരിക്കേറ്റു. ഇവരെ കളമശേരി മെഡിക്കൽ കോളജ് ആശുപത്രിയിൽ പ്രാഥമിക ചികിത്സ നൽകി വിട്ടയച്ചു. കാർ ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പോലീസിന്റെ നിഗമനം. തിരുവനന്തപുരത്തേക്ക് പോകുകയായിരുന്ന ബസാണ് അപകടത്തിൽപ്പെട്ടത്. ആലുവ ഈസ്റ്റ് പോലീസ് രാത്രി തന്നെ സംഭവസ്ഥലത്തെത്തി തുടർനടപടികൾ സ്വീകരിച്ചു.
Read More