കോതമംഗലം: വയോധിക ദന്പതികളെ തലയ്ക്കടിച്ചു ബോധംകെടുത്തി വൻകവർച്ച. അയിരൂർപ്പാടം പള്ളിക്കവലയ്ക്ക് സമീപം ഇന്നലെ രാത്രി 12.30 ഓടെയാണ് സംഭവം.മുഖംമൂടി ധരിച്ച കവർച്ചാ സംഘത്തിന്റെ ആക്രമണത്തിൽ തലയ്ക്കു സാരമായി പരിക്കേറ്റ അറയ്ക്കൽ യാക്കോബ് (70), ഭാര്യ ഏലിയാമ്മ(65) എന്നിവർ കോതമംഗലം എംബിഎംഎസ് ആശുപത്രിയിൽ ചികിൽസയിലാണ്. രാത്രി വീടിന്റെ പിൻഭാഗത്തെ വാതിൽ കുത്തിപ്പൊളിക്കുന്ന ശബ്ദം കേട്ട് ഉറക്കത്തിൽ നിന്ന് എഴുന്നേറ്റു ചെന്ന് നോക്കിയ ഏലിയാമ്മയെ കവർച്ചാ സംഘം തലക്കടിച്ച് വീഴ്ത്തുകയായിരുന്നു. ബോധംകെട്ട് തറയിൽ വീണ ഏലിയാമ്മയുടെ കാലും കൈയും ബന്ധിച്ചു.തുടർന്ന് യാക്കോബിനെ മർദ്ദിച്ച് മുറിയിൽ പൂട്ടിയിട്ട ശേഷമായിരുന്നു കവർച്ച. ഏലിയാമ്മയുടെ കഴുത്തിലുണ്ടായിരുന്ന മൂന്ന് പവൻ സ്വർണ്ണമാലയും കവർച്ചാ സംഘം അപഹരിച്ചിട്ടുണ്ട്. തലയിലേറ്റ മുറിവിൽ നിന്നും രക്തം വാർന്നൊലിച്ച് കിടന്ന ഏലിയാമ്മയ്ക്ക് പുലർച്ചയോടെ ബോധം വീണ്ടു കിട്ടിയപ്പോഴേക്കും വീട് കൊള്ളയടിച്ച് കവർച്ചാ സംഘം രക്ഷപ്പെട്ടിരുന്നു. കാലും കൈയും ബന്ധിച്ചിട്ടിരുന്ന ഏലിയാമ്മ തറയിലൂടെ…
Read MoreCategory: Kochi
പോൾ മുത്തൂറ്റ് വധം; എട്ട് പ്രതികളെ വെറുതെവിട്ടു; രണ്ടാം പ്രതി കാരി സതീഷിന്റെ ശിക്ഷ തുടരും
കൊച്ചി: യുവവ്യവസായി പോൾ എം. ജോർജ് കൊല്ലപ്പെട്ട കേസിലെ എട്ട് പ്രതികളെ വെറുതെവിട്ടു. എട്ട് പ്രതികളുടെ ജീവപര്യന്തം തടവ് ശിക്ഷയാണ് ഹൈക്കോടതി റദ്ദാക്കിയത്.അതേസമയം കേസിലെ രണ്ടാം പ്രതി കാരി സതീഷിന്റെ ശിക്ഷ തുടരും. കാരി സതീഷ് അപ്പീൽ ഫയൽ ചെയ്തിരുന്നില്ല. 2009 ഓഗസ്റ്റ് 21ന് ആലപ്പുഴയ്ക്ക് പോകുംവഴി, ബൈക്കപകടവുമായി ബന്ധപ്പെട്ട തര്ക്കത്തിനൊടുവില് പ്രതികള് പോള് എം.ജോര്ജിനെ കുത്തി കൊലപ്പെടുത്തിയെന്നാണ് കേസ്. മണ്ണഞ്ചേരിയിലെ കുരങ്ങ് നസീര് എന്ന ഗുണ്ടയെ വകവരുത്താന് പോയ ജയചന്ദ്രന്റെ നേതൃത്വത്തിലുള്ള സംഘം സഞ്ചരിച്ച ബൈക്കിലാണ് പോള് മുത്തൂറ്റിന്റെ ഫോര്ഡ് എന്ഡവര് ഇടിച്ചത്. ഇതുമായി ബന്ധപ്പെട്ട തര്ക്കത്തിനൊടുവില് കാരി സതീഷും സംഘവും പോള് ജോര്ജിനെ കൊലപ്പെടുത്തിയെന്നായിരുന്നു കേസ്.
Read Moreനെടുമ്പാശേരിയിൽ 20 ലക്ഷത്തിന്റെ വിദേശകറൻസിയുമായി പിഡബ്ല്യുഡി ഉദ്യോഗസ്ഥൻ പിടിയിൽ
നെടുമ്പാശേരി: അന്താരാഷ്ട്ര വിമാനത്താവളം വഴി കടത്താൻ ശ്രമിച്ച 20 ലക്ഷം രൂപയുടെ വിദേശ കറൻസിയുമായി യാത്രക്കാരൻ പിടിയിൽ. തിരുവനന്തപുരം സ്വദേശിയായ പിഡബ്ല്യുഡി ഉദ്യോഗസ്ഥനാണ് പിടിയിലായത്. വിമാനത്താവളത്തിൽ എയർ കസ്റ്റംസ് ഇന്റലിജൻസാണ് ഇയാളെ പിടികൂടിയത്. ഇയാളിൽനിന്ന് അമേരിക്കൻ ഡോളർ, ഓസ്ട്രേലിയൻ ഡോളർ എന്നിവയാണ് പിടികൂടിയത്. കഴിഞ്ഞ ദിവസം നെടുന്പാശേരി വിമാനത്താവളം വഴി കടത്താൻ ശ്രമിച്ച 12 ലക്ഷം രൂപയുടെ വിദേശ കറൻസിയും എട്ട് ലക്ഷം രൂപ വില വരുന്ന സ്വർണവും പിടികൂടിയിരുന്നു. ഇതുമായി ബന്ധപ്പെട്ട് രണ്ട് ഇതര സംസ്ഥാനക്കാരാണ് പിടിയിലായത്. എയർ ഇന്ത്യ വിമാനത്തിൽ മാലിയിലേക്ക് പോകാനെത്തിയ ഹൈദരാബാദ് സ്വദേശി സെയ്ദ് വാജിദാണ് കറൻസിയുമായി പിടിയിലായത്. 12 ലക്ഷം രൂപ വിലവരുന്ന യുഎസ് ഡോളർ ഇയാൾ ബാഗേജിൽ ഒളിപ്പിച്ചിരിക്കുകയായിരുന്നു.
Read Moreരാഷ്ട്രദീപികയിൽനിന്ന് ആദരം ലഭിക്കുന്നതിൽ വലിയ അഭിമാനമെന്ന് മന്ത്രി കെ.കെ. ശൈലജ
സ്വന്തം ലേഖകൻ കൊച്ചി: രാഷ്ട്രദീപികയിൽനിന്നു ലഭിക്കുന്ന ആദരം വലിയ അഭിമാനമായി കാണുന്നുവെന്ന് ആരോഗ്യമന്ത്രി കെ.കെ. ശൈലജ. കൊച്ചി ഇടപ്പള്ളി ഹോട്ടൽ മാരിയറ്റിൽ നടന്ന പ്രൗഢമായ ചടങ്ങിൽ രാഷ്ട്രദീപിക വുമൺ ഓഫ് ദി ഇയർ പുരസ്കാരം ഏറ്റുവാങ്ങി പ്രസംഗിക്കുകയായിരുന്നു മന്ത്രി. സ്ത്രീധനം മാസികയുടെ 25- ാം വാർഷികത്തോടനുബന്ധിച്ചു സമൂഹത്തിലെ വിവിധ മേഖലകളിൽ മികവറിയിച്ച ഏഴു വനിതാ പ്രതിഭകൾക്കു നൽകുന്ന രാഷ്ട്രദീപിക വിമൻ എംപവർമെന്റ് പുരസ്കാരങ്ങളുടെ സമർപ്പണവും മന്ത്രി നിർവഹിച്ചു. നിപ്പ പേടി നാടെങ്ങും പരന്നപ്പോൾ, പ്രത്യേകമായി ചെങ്ങറോത്ത് ഗ്രാമത്തിൽ നിപ്പ ഭീതിമൂലം ആളുകൾ വീടൊഴിഞ്ഞു പോകാൻ പോലും തയാറായപ്പോൾ അവിടെയെത്തി ധൈര്യം പകരാൻ രാഷ്ട്രദീപിക ഉൾപ്പെടെയുള്ള പത്രങ്ങൾ സഹായകമായി എന്നതു സന്തോഷത്തോടെ ഓർക്കുകയാണ്. അനാവശ്യ ഭീതി പരത്താതെ മാധ്യമങ്ങൾ സർക്കാരിന്റെ പ്രതിരോധ ബോധവത്കരണങ്ങൾക്കൊപ്പം ചേർന്നു. അതിന്റെ മുഖ്യസ്ഥാനത്തു രാഷ്ട്രദീപിക ഉണ്ടായിരുന്നു. അതിനു പ്രത്യേകമായി നന്ദി അറിയിക്കുന്നു. ആരോഗ്യമന്ത്രി എന്ന…
Read Moreചിങ്ങത്തിലെ കല്യാണക്കാർക്ക് ഇരുട്ടടിയായി പൊന്നിൻവില; ഇന്നത്തെ കച്ചവടം സർവകാല റിക്കാർഡിൽ പവന് 29,120 രൂപ
കൊച്ചി: സ്വർണവില സർവകാല റിക്കാർഡിൽ. പവന് 320 രൂപ വർധിച്ച് 29,120 രൂപയ്ക്കാണ് ഇന്നു വ്യാപാരം പുരോഗമിക്കുന്നത്. ഗ്രാമിന് 40 രൂപയാണ് ഇന്നു വർധിച്ചത്. ഇതോടെ ഗ്രാം വില 3640 രൂപയായി ഉയർന്നു. കഴിഞ്ഞ മാസം 29ന് രേഖപ്പെടുത്തിയ 28,880 രൂപയായിരുന്നു ഇതുവരെയുള്ള റിക്കാർഡ്. ഒരുവേള സ്വർണവിലയിൽ കുറവ് രേഖപ്പെടുത്തിയെങ്കിലും പിന്നീടുള്ള ദിവസങ്ങളിൽ മുന്നോട്ടുതന്നെ കുതിക്കുകയായിരുന്നു. ഇന്നലെയാകട്ടെ രണ്ടു തവണയാണു സ്വർണ വില വർധിച്ചത്. ഗ്രാമിന് 20 രൂപ വർധിച്ച് 3580 രൂപയ്ക്കാണ് ഇന്നലെ രാവിലെ വിൽപ്പന ആരംഭിച്ചതെങ്കിലും 12 ന് മുന്പായി വീണ്ടും ഗ്രാമിന് വില ഉയർന്ന് 3600 രൂപയിലെത്തി. ഗ്രാമിന് 40 രൂപയുടെയും പവന് 320 രൂപയുടെയും വർധനവാണ് ഇന്നലെയും രേഖപ്പെടുത്തിയത്. ഒരു കിലോ തങ്കക്കട്ടിക്കുള്ള ബാങ്ക് നിരക്കാകട്ടെ 40 ലക്ഷം രൂപയ്ക്കു മുകളിലായി. അന്താരാഷ്ട്ര വില വർധിക്കുന്നതും രൂപ കൂടുതൽ ദുർബലമാകുന്നതുമാണ് നിലവിൽ…
Read Moreമൂവാറ്റുപുഴ കാവുങ്കര മാർക്കറ്റ് റോഡിൽ ഭീതിവിതച്ച് കയറ്റിറക്ക് ജോലികൾ; ജീവൻപണയം വച്ച് യാത്രക്കാർ
മൂവാറ്റുപുഴ: കാവുങ്കര മാർക്കറ്റ് റോഡിലെ കയറ്റിറക്ക് ജോലികൾ യാത്രക്കാരിൽ അപകടഭീതി വർധിപ്പിക്കുന്നു. ഇറക്കുന്നതിനിടയിൽ സാധനങ്ങൾ റോഡിലേക്ക് വീണ് അപകടങ്ങൾ സംഭവിക്കുമെന്ന ഭീതിയിലാണ് യാത്രക്കാർ. കഴിഞ്ഞ വെള്ളിയാഴ്ച സാധനങ്ങൾ ഇറക്കുന്നതിനിടയിൽ അശ്രദ്ധമായി വലിച്ചെറിഞ്ഞ പടുത വീണുണ്ടായ അപകടത്തിൽ വിദ്യാർഥി മരിച്ചിരുന്നു. ലോറിയുടെ മുകളിൽനിന്നു താഴേക്കെറിഞ്ഞ പടുത സ്കൂട്ടറിൽ യാത്ര ചെയ്യുകയായിരുന്ന വിദ്യാർഥിയുടെ ദേഹത്തേക്ക് വീഴുകയായിരുന്നു. ഇതേത്തുടർന്നു നിയന്ത്രണംവിട്ട വാഹനം എതിരേ വന്ന ബസിനടിയിൽപ്പെടുകയായിരുന്നു. കൊച്ചി-ധനുഷ്ക്കോടി ദേശീയ പാതയുടെ ഭാഗമായ റോഡിൽ കയറ്റിറക്കുമായി ബന്ധപ്പെട്ട് അധികൃതർ കർശന നടപടി സ്വീകരിക്കാത്തതാണ് അപകടങ്ങൾക്കു കാരണമാകുന്നത്. ജില്ലയിലെ തന്നെ വലിയ മാർക്കറ്റായ ഇവിടെ കയറ്റിറക്ക് ജോലി സുഗമമാക്കുന്നതിന് വിവിധ പദ്ധതികൾ തയാറാക്കിയെങ്കിലും ഇവയിൽ പലതും ജലരേഖയായിരിക്കുകയാണ്. ജീവൻ പണയം വച്ചാണ് യാത്രക്കാർ റോഡിലൂടെ യാത്ര ചെയ്യുന്നത്. കാൽനട, ഇരുചക്ര വാഹന യാത്രികരാണ് കൂടുതൽ ബുദ്ധിമുട്ട് അനുഭവിക്കുന്നത്. സ്കൂൾ, ഓഫീസ് സമയങ്ങളിൽ സ്ത്രീകളടക്കമുള്ള യാത്രക്കാർ…
Read Moreകാലിത്തീറ്റവില കുത്തനെ ഉയർന്നു; പ്രതിസന്ധിയിൽ ക്ഷീരകർഷകർ; നാലുമാസത്തിനിടെ കൂടിയത് 250 രൂപയോളം
കൊച്ചി: കാലിത്തീറ്റ വിലവർധനയെത്തുടർന്ന് കടുത്ത പ്രതിസന്ധി നേരിടുകയാണ് ക്ഷീരകർഷകർ. ഉത്പാദനച്ചെലവും വരുമാനവും തമ്മിൽ കൂട്ടിമുട്ടിക്കാൻ കർഷകർ പാടുപെടുന്പോഴാണ് ഇരുട്ടടിയായി കാലിത്തീറ്റയുടെ വില വർധിച്ചത്. നാലു മാസത്തിനിടെ 50 കിലോയുടെ ചാക്കിന് 250 രൂപയിലധികം വില വർധനയാണ് ഉണ്ടായതെന്ന് കർഷകർ പറഞ്ഞു. നിലവിൽ 1,363 രൂപയാണ് കാലിത്തീറ്റയുടെ വില. ഇതോടെ പല ചെറുകിട ക്ഷീരകർഷകരുടെയും ഉപജീവനമാർഗം വഴിമുട്ടിയ നിലയിലാണ്. കഴിഞ്ഞ കാലവർഷക്കെടുതിയും തുടർന്നുണ്ടായ വരൾച്ചയും മൂലം പാലുത്പാദനത്തിൽ ഗണ്യമായ കുറവ് വന്നിരുന്നു. ബാങ്കുകളിൽനിന്ന് എടുത്ത വായ്പാ തുക തിരിച്ചടയ്ക്കാൻ കഴിയാതെ പല കർഷകരും ബുദ്ധിമുട്ടുന്നതിനിടെയാണ് ഈ വർഷവും മഴക്കെടുതി മേഖലയെ കൂടുതൽ പ്രതിസന്ധിയിലേക്ക് തള്ളിവിട്ടത്. കാലിത്തീറ്റ ഉത്പാദിപ്പിക്കുന്നതിനുള്ള അസംസ്കൃത വസ്തുക്കൾ വടക്കുകിഴക്കൻ സംസ്ഥാനങ്ങളിൽനിന്നാണ് എത്തുന്നത്. കേന്ദ്രസർക്കാരിന്റെ രാഷ്ട്രീയ ഗോകുൽ മിഷനിലൂടെ കന്നുകാലി വളർത്തൽ, സൗജന്യ കാലിത്തീറ്റ പദ്ധതി എന്നിവ ഉത്തരേന്ത്യൻ സംസ്ഥാനങ്ങളിൽ നടപ്പാക്കിയിരുന്നു. ഇതോടെ ക്ഷീരമേഖലയിലേക്ക് കൂടുതൽ കർഷകർ…
Read Moreപച്ചക്കൊടി വീശി മുഖ്യമന്ത്രി, കൊച്ചി മെട്രോ തൈക്കൂടത്തേക്ക്; 25 വരെ എല്ലാ മെട്രോ സ്റ്റേഷനുകളിലും പാർക്കിഗും സൗജന്യം
കൊച്ചി: നഗരത്തിരക്ക് വിട്ടു കൊച്ചി മെട്രോ തൈക്കൂടത്തേക്കു യാത്ര തുടങ്ങി. പുതിയ മെട്രോ പാതയുടെ ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു. കടവന്ത്ര രാജീവ്ഗാന്ധി ഇൻഡോർ സ്റ്റേഡിയത്തിൽ നടന്ന ചടങ്ങിൽ കേന്ദ്ര നഗരവികസന മന്ത്രി ഹർദീപ് സിംഗ് പുരി അധ്യക്ഷനായി. മഹാരാജാസ് കോളജ് മുതൽ തൈക്കൂടം വരെ 5.65 കിലോമീറ്റർ ദൂരത്തേക്കു കൂടിയാണു മെട്രോ ഓടിത്തുടങ്ങുന്നത്. ഈ പാതയിൽ അഞ്ചു സ്റ്റേഷനുകളാണുള്ളത്. ഉദ്ഘാടന ദിവസം രണ്ടു സർവീസുകൾ മാത്രമേ ഉണ്ടായിരിക്കൂ. യാത്രക്കാർക്കുള്ള സർവീസ് ബുധനാഴ്ച രാവിലെ ആറിനു തുടങ്ങും. പേട്ട-എസ്എൻ ജംഗ്ഷൻ മെട്രോ പാതയുടെയും കൊച്ചി വാട്ടർ മെട്രൊയുടെ ആദ്യ ടെർമിനലിന്റെയും നിർമാണോദ്ഘാടനവും നടക്കും. തുടർന്നു മുഖ്യാതിഥികളെയും വഹിച്ചു മെട്രോ ട്രെയിൻ തൈക്കൂടത്തേക്ക് ആദ്യ സർവീസ് നടത്തും. ഉച്ചകഴിഞ്ഞു രണ്ടിന് മന്ത്രി കെ.കെ. ശൈലജക്കൊപ്പം നഴ്സുമാരും തുടർന്നു വൃദ്ധസദനങ്ങളിലെ അന്തേവാസികളും ആദ്യദിനത്തിലെ മെട്രോ സർവീസിൻറെ ഭാഗമാവും. എറണാകുളം…
Read Moreകൊച്ചി മേയര്ക്കെതിരെ എൽഡിഎഫിന്റെ അവിശ്വാസം; നിര്ണായക യോഗം നാളെ
കൊച്ചി: കൊച്ചി മേയര് സൗമിനി ജെയിനെതിരെ എല്ഡിഎഫ് കൊണ്ടുവന്ന അവിശ്വാസ നോട്ടീസിന്മേലുള്ള വോട്ടെടുപ്പ് 12നു നടക്കാനിരിക്കെ യുഡിഎഫിന്റെ നിര്ണായക പാര്ലമെന്ററി പാര്ട്ടി യോഗം നാളെ ചേരും. അവിശ്വാസത്തിന്മേലുള്ള വോട്ടെടുപ്പില് യുഡിഎഫ് അംഗങ്ങളെ ഒറ്റക്കെട്ടായി നിര്ത്തുകയാണ് യോഗത്തിന്റെ ലക്ഷ്യം. എങ്കിലും അധികാരമാറ്റമുണ്ടായില്ലെങ്കില് വോട്ടെടുപ്പില് പങ്കെടുക്കില്ലെന്ന് ഉറച്ച നിലപാടിലാണ് ഐ ഗ്രൂപ്പിലെ ഒരു വിഭാഗം. 74 അംഗങ്ങളുള്ള കൗണ്സിലില് നാല് അംഗങ്ങളുടെ വ്യത്യാസം മാത്രമേ എല്ഡിഎഫും യുഡിഎഫും തമ്മിലുള്ളു. രണ്ട് അംഗങ്ങള് ബിജെപിയില് നിന്നുള്ളവരാണ്. യുഡിഎഫില് നിന്നുള്ള മൂന്നു പേരെയെങ്കിലും വോട്ടെടുപ്പില് നിന്നുവിട്ടു നിര്ത്തിക്കാനായാല് ഭരണസമിതിയെ അട്ടിമറിക്കാന് എല്ഡിഎഫിനാകും. രണ്ടു ബിജെപി അംഗങ്ങളുടെ മനസ് മേയര്ക്ക് എതിരായതിനാല് അതിന്റെ ആനുകൂല്യവും എല്ഡിഎഫ് പ്രതീക്ഷിക്കുന്നുണ്ട്. അധികാരമാറ്റം വൈകുന്നതില് അസംതൃപ്തരായ അഞ്ചോളം ഐ ഗ്രൂപ്പ് അംഗങ്ങള് വോട്ടെടുപ്പില് നിന്നു വിട്ടുനിന്നേക്കുമെന്ന സൂചനകളാണ് എല്ഡിഎഫിന് പ്രതീക്ഷ നല്കുന്നത്. 12ന് ഉച്ചയ്ക്ക് രണ്ടരയ്ക്ക് കൗണ്സില് ഹാളില്…
Read Moreകണ്ണൂർ സെൻട്രൽ ജയിലിലെ ഭക്ഷണ അവശിഷ്ടം തള്ളൽ; പള്ളിക്കുന്നിൽ രക്ഷയില്ലതെരുവുനായ്കളുടെ ശല്യം രൂക്ഷമാകുന്നു
പള്ളിക്കുന്ന്: പള്ളിക്കുന്നിലും പരിസരപ്രദേശങ്ങളിലും തെരുവ്നായ ശല്യം രൂക്ഷം. വിദ്യാർഥികൾക്ക് ഉൾപ്പെടെ തെരുവ് നായ്ക്കളുടെ കടിയേൽക്കുന്നത് നിത്യസംഭവമായിട്ടുണ്ട്. കണ്ണൂർ സെൻട്രൽ ജയിലിലെ ഭക്ഷണം കഴിക്കുന്ന കൗണ്ടറിൽ നിന്നുള്ള മാലിന്യം സമീപത്തു തന്നെ നിക്ഷേപിക്കുന്നതാണ് തെരുവ്നായശല്യം രൂക്ഷമാക്കുന്നത്. ഭക്ഷണാവശിഷ്ടങ്ങൾ കഴിക്കുവാൻ കൂട്ടത്തോടെയെത്തുന്ന തെരുവ്നായ്ക്കളാണ് ആക്രമിക്കുന്നത്. ജയ്ജവാൻ റോഡ്, കാനത്തൂർ റോഡ്, പള്ളിക്കുന്ന് റോഡ് എന്നിവിടങ്ങളിലൂടെ ആളുകൾക്ക് കാൽനടയാത്രയായി സഞ്ചരിക്കാൻ സാധിക്കാത്ത സ്ഥിതിയാണ് നിലവിലുള്ളത്. ഇന്നലെ പള്ളിക്കുന്ന് സ്വദേശിയായ വീട്ടമ്മയ്ക്ക് കടിയേറ്റു. മാലതി മന്ദിരത്തിലെ അംബുജാക്ഷിക്കാണ് തെരുവ്നായയുടെ കടിയേറ്റത്.
Read More