ചവറ : വൈക്കം എംഎൽഎ ആശ സഞ്ചരിച്ച കാറും ബൈക്കും കൂട്ടിയിടിച്ച് രണ്ട് പേർക്ക് പരിക്ക്. ബൈക്ക് യാത്രികരായ തിരുവനന്തപുരം പൂന്തറ സ്വദേശി യാസിൻ ( 19 ) ,വള്ളക്കടവ് സ്വദേശി റാഷിദ് ( 20 ) എന്നിവർക്കാണ് പരിക്ക്. ഇന്ന് രാവിലെ 8.20 ന് ദേശീയ പാതയിൽ ടൈറ്റാനിയത്തിനു വടക്ക് ഭാഗത്തായിരുന്നു അപകടം . തിരുവനന്തപുരത്തേയ്ക്ക് പോവുകയായിന്ന കാറും എതിരെ വന്ന ബൈക്കും കൂട്ടിയിടിച്ചാണ് അപകടം ഉണ്ടായത്. അപകടത്തിൽ ബൈക്കിന്റെ മുൻവശത്തെ വീൽ ഒടിഞ്ഞുമാറി. അപകടത്തിൽ പരിക്കേറ്റ ബൈക്ക് യാത്രികരെ ചവറ പോലീസിന്റെ ആംബുലൻസിൽ നീണ്ടകര താലൂക്ക് ആശുപത്രിയിൽ എത്തിച്ചു.
Read MoreCategory: Kollam
പുതിയ തീരുമാനത്തിൽ പുതുമയൊന്നുമില്ല; മാണിയുടെ യുഡിഎഫ് പിന്തുണ എൽഡിഎഫിന് ഭീഷണിയല്ലെന്ന് കോടിയേരി
കൊല്ലം: കെ.എം.മാണി ചെങ്ങന്നൂർ ഉപതെരഞ്ഞെടുപ്പിൽ യുഡിഎഫിന് പിന്തുണ പ്രഖ്യാപിച്ചത് എൽഡിഎഫിന് ഒരു തരത്തിലും ഭീഷണിയാകില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. കൊല്ലത്ത് മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. ചെങ്ങന്നൂരിൽ ആർഎസ്എസ് വിരുദ്ധരായ എല്ലാവരുടെയും വോട്ട് എൽഡിഎഫിന് തന്നെ ലഭിക്കും. മാണി മുൻപും യുഡിഎഫിന് ഒപ്പം തന്നെയാണ് നിന്നത്. വർഷങ്ങളായി അദ്ദേഹം യുഡിഎഫ് മുന്നണിക്കൊപ്പമാണ്. മലപ്പുറം ഉപതെരഞ്ഞെടുപ്പിലും മാണിയുടെ പിന്തുണ യുഡിഎഫ് സ്ഥാനാർഥിക്കായിരുന്നു. അതിനാൽ പുതിയ തീരുമാനത്തിൽ പുതുമയൊന്നുമില്ലെന്നും കോടിയേരി ബാലകൃഷ്ണൻ പ്രതികരിച്ചു.
Read Moreഭിക്ഷയ്ക്കെത്തിയ യാചകൻ കുട്ടികളെ പീഡിപ്പിക്കാൻ ശ്രമം; മാതാവിന്റെ പരാതിയിൽ പ്രതിയെ അറസ്റ്റു ചെയ്തു
ചവറ : പോക്സോ പ്രകാരം വ്യദ്ധനായ യാചകൻ അറസ്റ്റിൽ.കരുനാഗപ്പള്ളി താമരക്കുളം പിന്നകുട്ടി കോളനിയിൽ അബ്ദുൾ റഹ്മാൻ കുഞ്ഞി ( 67 ) നെയാണ് ചവറ പോലീസ് അറസ്റ്റ് ചെയ്തത് . പന്മനയിലെ ഒരു വീട്ടിൽ കഴിഞ്ഞ ദിവസം ഉച്ചയോടെ ഭിക്ഷ യാചിച്ച് ചെന്ന ഇയാൾ മുറ്റത്ത് രണ്ട് കുട്ടികൾക്കൊപ്പം കളിച്ചുക്കൊണ്ടിരുന്ന മൂന്നര വയസുകാരിയോട് ഇയാളുടെ സ്വകാര്യ ഭാഗം കാണിച്ച് ലൈംഗികാതിക്രമം കാട്ടാൻ ശ്രമിച്ചു. സംഭവം കുട്ടിയുടെ മാതാവിന്റെ ശ്രദ്ധയിൽപ്പെട്ടു. വിവരം അറിഞ്ഞതിനെ തുടർന്ന് പോലീസ് എത്തി ഇയാളെ കസ്റ്റഡിയിൽ എടുക്കുകയായിരുന്നു. ഇയാളെ കോടതിയിൽ ഹാജരാക്കി.
Read Moreപുസ്തക വായനയിലൂടെ ഇല്ലാതാകുന്നത് മനസിലെ മാലിന്യം: മുല്ലക്കര രത്നാകരൻ
ചവറ: പുസ്തകം വായിക്കുന്നതിലൂടെ മനസിലെ മാലിന്യമാണ് ഇല്ലാതാകുന്നതെന്ന് മുല്ലക്കര രത്നാകരൻ എംഎൽഎ പറഞ്ഞു. പൊന്മന പ്രോഗ്രസീവ് ഗ്രന്ഥശാലയുടെ 59ാമത് വാർഷികം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. അകലുന്ന മനസുകളെ അടുപ്പിക്കുന്ന സാംസ്കാരിക കേന്ദ്രങ്ങളാണ് ഗ്രന്ഥശാലകൾ. കൂട്ടുകുടുംബം അണുകുടുംബത്തിലേക്ക് മാറിയതോടെ ജീവിത മൂല്യങ്ങൾ ഇല്ലാതായി കൊണ്ട ിരിക്കുകയാണ്. ചാനലുകളിലെ സീരിലയുകൾ തെറ്റായ സന്ദേശമാണ് നൽകുന്നത്. പണത്തിന്റെ അകലമല്ല മനസിന്റെ അകലമാണ് കുറക്കേണ്ടത്. മഹാത്മാഗാന്ധിയെ തിരച്ചറിയാനുളള ശ്രമം ഉണ്ടാകണം. യൗവനം നാടിന്റെ കരുത്താകണം. തിരിച്ചറിവില്ലായ്മയാണ് ഇന്ന് നേരിടുന്ന ഏറ്റവും വലിയ പോരായ്മ. ഒരു ഗ്രന്ഥശാല നാട്ടിലെ സർവകലാശാല തന്നെയാണന്നും മുല്ലക്കര അഭിപ്രായപ്പെട്ടു. ഗ്രന്ഥശാല പ്രസിഡന്റ് പൊന്മന നിശാന്ത് അധ്യക്ഷത വഹിച്ചു. നാടക നടനും സംവിധായകുമായ ഇ.എ രാജേന്ദ്രൻ, ചലച്ചിത്ര താരം കുളപ്പുളളി ലീല, സെക്രട്ടറി കെ.ഹൃദയകുമാർ, സുരേഷ്, ദയാനന്ദൻ, ആർ.സുബാഷ് ചന്ദ്രൻ, ആർ.മുരളി, പുഷ്, രാജി, ടി.ബിജു എന്നിവർ പ്രസംഗിച്ചു.…
Read Moreവള്ളിക്കാവിൽ നിലം നികത്തൽ വ്യാപകം; കണ്ണടച്ച് രാഷ്ട്രീയ – യുവജന പ്രസ്ഥാനങ്ങളും സാമൂഹ്യ സംഘടനകളും
കരുനാഗപ്പള്ളി : കുലശേഖരപുരം ഗ്രാമ പഞ്ചായത്തിൽ വള്ളിക്കാവ് ജംഗ്ഷന് പടിഞ്ഞാറ്, ദിവസങ്ങളായി വൻതോതിൽ തണ്ണീർത്തടം നികത്തൽ നടക്കുന്നുവെന്ന് ആരോപണം. ഇതിനെതിരെ ഇതുവരെ രാഷ്ട്രീയ – യുവജന പ്രസ്ഥാനങ്ങളും സാമൂഹ്യ സംഘടനയും രംഗത്തെത്തിയില്ല. ഇതിനു പിന്നിൽ നിഗൂഡത ഉണ്ടെന്ന് നാട്ടുകാർ ആരോപിക്കുന്നു. പലയിടങ്ങളിലും നിലം നികത്തിയെന്നാരോപിച്ച് കൊടി കുത്തുന്നവർ ഇവിടെ പ്രതിഷേധത്തിനായി എത്താത്തതിനു പിന്നിൽ പ്രത്യേക അജണ്ട ഉണ്ടെന്ന ആരോപണവും ഉണ്ട്. 24 ഏക്കർ വയലിലാണ് ഇപ്പോൾ വൻതോതിൽ മണ്ണു നിറച്ചുകൊണ്ടിരിക്കുന്നത്. ക്ലാപ്പന പഞ്ചായത്തിലും കുലശേഖരപുരം പഞ്ചായത്തിലും വ്യാപകമായ രീതിയിൽ നികത്തൽ നടക്കുന്നുണ്ട്. തണ്ണീർത്തടം നികത്തുന്നതിനെതിരേ വില്ലേജ് ഓഫീസർ സ്റ്റോപ്പ് മെമോ നൽകിയിരുന്നു. അതൊന്നും വകവെയ്ക്കാതെ നിലം നികത്തൽ തുടരുകയാണെന്നാണ് നാട്ടുകാർ പറയുന്നത്. വള്ളിക്കാവിൽ ഏക്കറുകണക്കിനു വയലുകൾ നികത്തിയാണ് ഇതിന് മുമ്പും നിരവധി കെട്ടിടങ്ങൾ നിർമിച്ചത്. വ്യാപകമായ രീതിയിൽ വള്ളിക്കാവിൽ ചിലർകായലോരം കൈയേറിയെന്നും ആരോപണം ഉണ്ട് . തണ്ണീർതട…
Read Moreസർക്കാരിന്റെ വാർഷികം കശുവണ്ടിതൊഴിലാളികളുടെ വാഗ്ദാനലംഘനത്തിന്റേതുകൂടി: എ.എ അസീസ്
കൊല്ലം: കശുവണ്ടി ഫാക്ടറികൾ അടച്ചുപൂട്ടിയിട്ടു രണ്ടുവർഷം കഴിയുന്നുവെന്നും ഇത് സർക്കാരിന്റെ വാഗ്ദാനലംഘനത്തിന്റെ വാർഷികമാണെന്നും ആർഎസ് പി സംസ്ഥാന സെക്രട്ടറി എ.എ അസീസ് ആരോപിച്ചു. കശുവണ്ടിതൊഴിലാളി ഫെഡറേഷന്റെ ആഭിമുഖ്യത്തിൽ കളക്ടറേറ്റിന് മുന്പിൽ നടത്തിയ പട്ടിണി സമരം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മൂന്നു ലക്ഷം തൊഴിലാളികൾ പണിയെടുക്കുന്ന 750 പരം സ്വകാര്യഫാക്ടറികളിൽ 50 നുതാഴെ ഫാക്ടറികൾ മാത്രമാണ് പ്രവർത്തിക്കുന്നത്. സർക്കാർ ഉടമയിലുള്ള 40 ഫാക്ടറികളിലായി 18,000 തൊഴിലാളികൾ മാത്രമാണ്. അവിടെയും തുടർച്ചയായി ജോലിയില്ല. വ്യവസായത്തിലെ ഈ അരക്ഷിതാവസ്ഥയ്ക്ക് പരിഹാരം കാണുമെന്ന വാഗ്ദാനമായിരുന്നു സംസ്ഥാന സർക്കാർ തൊഴിലാളികൾക്ക് നൽകിയിരുന്നത്. രണ്ടാം വാർഷികം ആചരിക്കുന്പോഴും കശുവണ്ടി തൊഴിലാളികൾക്ക് നല്കിയ വാഗ്ദാനം നടപ്പിലായില്ല. വകുപ്പുമന്ത്രി ഇതിനകം ധാരാളം പ്രഖ്യാപനങ്ങൾ നടത്തിയിരുന്നു. കശുവണ്ട ി ബോർഡ് രൂപീകരിക്കുമെന്നും വിദേശത്തുനിന്നും തോട്ടണ്ട ി സർക്കാർ നേരിട്ടു ഇറക്കുമതി ചെയ്യുമെന്നും പ്രഖ്യാപിച്ചിരുന്നു. കോടികൾ ചെലവിട്ടു വിദേശയാത്രയും സെമിനാറുകളും…
Read Moreമിക്സി വാങ്ങുന്നവര്ക്ക് ലോൺ നൽകുമെന്ന വാഗ്ദാനവുമായി തട്ടിപ്പു സംഘം; ആറായിരം രൂപ പിരിച്ചെടുത്തശേഷം 50000 രൂപയുടെ ലോൺ നൽകാമെന്നുപറഞ്ഞായിരുന്നു തട്ടിപ്പ്
വെള്ളറട: വെള്ളറട പോലീസ് സ്റ്റേഷൻ പരിധിയില് നിര്ധനരായ വീട്ടമ്മമാരേ കബളിപ്പിക്കുന്ന തട്ടിപ്പ് സംഘങ്ങള് വ്യാപകമാകുന്നതായി പരാതി. വ്യാജവിലാസവുമായി എത്തിയ രണ്ടു യുവാക്കള് വെള്ളറട മേഖലയില് 50,000 ല് പരം രൂപ ഒരു ദിവസം കൊണ്ട് പിരിച്ചെടുത്ത് കടന്നതായി നാട്ടുകാർ പറയുന്നു. മക്കള്ക്ക് സ്കൂൾ ഫീസ് അടക്കാന് വച്ചിരുന്ന രൂപ ഉൾപ്പെടെയാണ് സംഘം തട്ടിയെടുത്തത്. മാര്ക്കറ്റില് വിലകുറഞ്ഞ മിക്സിക്ക് 6,000 രൂപ വീതം പിരിക്കുകയായിരുന്നു. ഈ തുക നല്കുന്നവര്ക്ക് 50,000 രൂപയുടെ ലോണ് നല്കും. കൂടാതെ 32 ഇഞ്ച് ടിവി, എല്ഇഡി ബൾബുകള്, സ്റ്റീല് അലമാരയും നറുക്കെടുപ്പിലൂടെ ലഭിക്കുമെന്നാണ് വാഗ്ദാനം. ആധാർ കാർഡിന്റെ പകർപ്പ്, റേഷന്കാര്ഡിന്റെ പകർപ്പ്, ഒരുഫോട്ടോ എന്നിവയും യുവാക്കൾ വാങ്ങി. വെള്ളറട മൂട്ടക്കോട് കോളനിയില് എത്തിയ സംഘം വിന്സീഭവനില് വിലാസിനി(48), ഫാത്തുമ്മ(50) തുടങ്ങിയവരില്നിന്നും 6000 രൂപ വീതം വാങ്ങി പ്രവര്ത്തന രഹിതമായ മിക്സികള് നല്കി സ്ഥലം…
Read Moreഏത് ഉന്നതങ്ങളിൽ എത്തിച്ചേർന്നാലും രക്ഷിതാക്കളെ വേദനിപ്പിക്കുകയോ വിസ്മരിക്കയോ ചെയ്യരുത്; എൻ.വിജയൻ പിള്ള എംഎൽഎ
ചവറ: രക്ഷിതാക്കളെയും കുട്ടികളെയും ആദരിച്ച് ചവറ ഹയർ സെക്കൻഡറി സ്കൂൾ മാതൃകയായി. ഇക്കഴിഞ്ഞ പ്ലസ്ടു പരീക്ഷയിൽ 90 ശതമാനത്തിനു മുകളിൽ മാർക്ക് വാങ്ങിയ വിദ്യാർഥികളെ അനുമോദിക്കുകയും ഇവരുടെ മാതാപിതാക്കളെ ആദരിച്ചുമാണ് സ്കൂൾ അധികൃതർ മാത്യകയായത്. ചടങ്ങ് എൻ.വിജയൻ പിള്ള എംഎൽഎ ഉദ്ഘാടനം ചെയ്തു. സമൂഹത്തെ അറിഞ്ഞ് ജീവിക്കുന്ന വ്യക്തികളായി മാറാൻ വിദ്യാർഥികൾക്കാകണമെന്ന് ഉദ്ഘാടന പ്രസംഗത്തിൽ എംഎൽഎ പറഞ്ഞു. ഏത് ഉന്നതങ്ങളിൽ എത്തിച്ചേർന്നാലും രക്ഷിതാക്കളെ ഒരിക്കലും വേദനിപ്പിക്കുകയോ വിസ്മരിക്കയൊ ചെയ്യരുത്. ആത്മാർഥമായി പഠിപ്പിക്കുന്ന അധ്യാപകരും രക്ഷിതാക്കളും സർക്കാരും ഉണ്ടെങ്കിലെ വിദ്യാഭ്യാസ രംഗത്ത് വൻ നേട്ടം ഉണ്ടാക്കാൻ സാധിക്കുകയുള്ളു. ഇന്ന് സംസ്ഥാന സർക്കാർ ഏറ്റവും കൂടുതൽ തുക ചെലവിടുന്നത് വിദ്യാഭ്യാസ മേഖലയ്ക്കാണ്. ലോകോത്തര മത്സരമാണ് ഇന്ന് വിദ്യാഭ്യാസ രംഗത്തുള്ളത്. ഇന്ന് സംസ്ഥാനത്തെ സർക്കാർ, എയ്ഡഡ് സ്കൂളുകൾ ഹൈടെക്ക് പദവിയിലേയ്ക്ക് ഉയർന്നു കഴിഞ്ഞു. രാഷ്ട്രീയം വികസനത്തിനായി വിനിയോഗിക്കണമെന്നും എംഎൽഎ പറഞ്ഞു. അനുമോദന…
Read Moreഅധികാരമാറ്റ കസേരയെ ചൊല്ലി തേവലക്കരയിൽ ചേരിതിരിഞ്ഞ് പരസ്യപ്പോരിനിറങ്ങി എ, ഐ ഗ്രൂപ്പ് നേതാക്കൾ
ചവറ: യുഡിഎഫ് ഭരിക്കുന്ന തേവലക്കര ഗ്രാമപഞ്ചായത്തിൽ അധികാരമാറ്റത്തെ ചൊല്ലി എ, ഐ ഗ്രൂപ്പുകൾ പരസ്യപ്പോരിനിറങ്ങിയതോടെ കോൺഗ്രസിലെ പ്രതിസന്ധി രൂക്ഷമായി. കഴിഞ്ഞ ദിവസങ്ങളിലായി തേവലക്കരയിൽ കോൺഗ്രസിനുള്ളിലെ അമർഷം മറ നീക്കി പുറത്ത് വന്നത് നിലവിലെ പഞ്ചായത്ത് പ്രസിഡന്റിനെതിരെ കോൺഗ്രസ് മണ്ഡലം പ്രസിഡന്റിന്റെ പത്രസമ്മേളനത്തോടെയാണ്. ചവറ മണ്ഡലത്തിൽ നേതൃപദവികളെല്ലാം യുഡിഎഫ് കയ്യാളുന്ന ഏക പഞ്ചായത്താണ് തേവലക്കര. രണ്ട് സ്വതന്ത്രരുടെ പിന്തുണയോടെയാണ് ഭരണം തുടങ്ങിയത്. രണ്ടര വർഷം കഴിഞ്ഞതോടെ നിലവിലെ പ്രസിഡന്റിനെ മാറ്റി സ്വതന്ത്രന് പ്രസിഡന്റ് സ്ഥാനം നൽകാൻ കരാർ ഉണ്ടാക്കിയിട്ടുണ്ടെന്ന് ഐ ഗ്രൂപ്പുകാരനായ മണ്ഡലം പ്രസിഡന്റ് പി ഫിലിപ് പത്ര സമ്മേളനം നടത്തി പ്രഖ്യാപിപ്പിച്ചതിന് തൊട്ടുപിന്നാലെയാണ് അത്തരത്തിലൊരു കരാർ ഉണ്ടാക്കിയിട്ടില്ലന്ന അവകാശവാദവുമായി എ ഗ്രൂപ്പ് നേതാക്കൾ രംഗത്ത് വന്നത്. പഞ്ചായത്ത് പ്രസിഡന്റ് സ്ഥാനത്ത് നിന്നും മാറില്ലായെന്ന് നിലവിലെ പ്രസിഡന്റ് ജോസ് ആന്റണി കൂടി പ്രഖ്യാപിച്ചതോടെയാണ് ഗ്രൂപ്പ് പോര് ശക്തമായത്. പഞ്ചായത്ത്…
Read Moreസമുദായത്തിന് അർഹതപ്പെട്ട പലതും അറിവ് ഇല്ലാതെ പോയതുകൊണ്ട് നേടാനായില്ല: വെള്ളാപ്പള്ളി
കൊട്ടാരക്കര: സമുദായത്തിന് അർഹതപ്പെട്ട പലതും നേടാനായില്ലെന്ന് എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ അഭിപ്രായപ്പെട്ടു. കൊട്ടാരക്കര എസ്എൻഡിപി താലുക്ക് യൂണിയനിൽ നടപ്പിലാക്കുന്ന കർമപദ്ധതിയായ അറിവ് പദ്ധതി ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സാമ്പത്തികമായും വിദ്യാഭ്യാസപരമായും പിന്നോക്കം നിൽക്കുന്ന ഈഴവ സമുദായത്തിന് അർഹതപ്പെട്ട പലതും നേടി എടുക്കാനുള്ള അറിവ് ഇല്ലാതെ പോയി. കേന്ദ്ര- സംസ്ഥാന സർക്കാറുകൾ സാമ്പത്തികമായും സാമൂഹ്യ പരമായും പിന്നോക്കം നിൽക്കുന്നവർക്ക് പല വിധ ആനുകൂല്യങ്ങളും സഹായങ്ങളും നൽകുന്നുണ്ട്. അതിനെക്കുറിച്ച് ബോധവൽക്കരിക്കുവാനുമാണ് അറിവ് പദ്ധതി കൊണ്ട് ഉദ്യേശിക്കുന്നതെന്നതെന്നും വെള്ളാപ്പള്ളി പറഞ്ഞു. കൊട്ടാരക്കര എസ്എൻഡിപി, യൂണിയൻ പ്രസിഡന്റ് സതീഷ് സത്യപാലൻ അധ്യക്ഷത വഹിച്ചു. യുണിയൻ സെക്രട്ടറി വി വിശ്വംഭരൻ മുഖ്യ പ്രഭാഷണം നടത്തി. ബോർഡ് മെമ്പർമാരായ രവീന്ദ്രൻ, പി അരുൾ, സജീവ് ബാബു എന്നിവർ പ്രസംഗിച്ചു.
Read More