പോത്തൻകോട്: നിരവധി ക്രിമിനൽ കേസുകളിലെ മുഖ്യ പ്രതിയായ ഗുണ്ടാ നേതാവ് പിടിയിൽ. ശാന്തിപുരം കല്ലിക്കോട് വീട്ടിൽ സ്റ്റീഫൻ എന്നു വിളിക്കുന്ന ശബരി (28)ആണ് അറസ്റ്റി ലായത്. കഴിഞ്ഞ മാസം 23 ന് ശാന്തിപുരം പുന്നയിൽക്കുന്ന് വീട്ടിൽ വിനീതിനെ വീടുകയറി വാൾകൊണ്ട് വെട്ടിപ്പരിക്കേൽപ്പിച്ചതിനെ തുടർന്ന് പ്രതി ഒളിവിലായിരുന്നു. പോത്തൻകോട് പോലീസ് നടത്തിയ പ്രത്യേക അന്വേഷണത്തിലാണ് പ്രതിയെ പിടികൂടിയത്. നിരവധി വീടുകൾ ആക്രമിച്ച് ബോംബ് എറിഞ്ഞ കേസുകളിലും വാൾ കാണിച്ച് ഭീക്ഷണിപ്പെടുത്തി പണപ്പിരിവ് നടത്തിയ കേസുകളിലും മുഖ്യ പ്രതിയാണ് പോലീസ് പിടിയിലായ സ്റ്റീഫൻ എന്ന ശബരി. പ്രതിയ്ക്കെതിരെ ഗുണ്ടാ നിയമം ചുമത്തുന്നതിന് നടപടികൾ ആരംഭിച്ചിട്ടുണ്ടെന്ന് പോലീസ് പറഞ്ഞു. പോത്തൻകോട് സിഐ എസ്. ഷാജിയുടെ നേതൃത്വത്തിൽ എസ്ഐമാരായ അശ്വനി, ശ്രീജിത്ത്, രവീന്ദ്രൻ, മറ്റു പോലീസ് ഉദ്യോഗസ്ഥരായ അരുൺ, രാജേഷ്, അൽബിൻ, അനിൽ എന്നിവരാണ് പ്രതിയെ പിടികൂടിയത്. പ്രതിയെ ആറ്റിങ്ങൽ കോടതിയിൽ ഹാജരാക്കി…
Read MoreCategory: Kollam
സംസ്ഥാനത്തെ ആദ്യ ഔദ്യോഗിക ദ്വിഭാഷാ വെബ്സൈറ്റ് കൊല്ലത്ത് നിന്ന്; കാഴ്ച പരിമിതര്ക്ക് സ്ക്രീന് റീഡര് സംവിധാനം വഴി ഉപയോഗിക്കാനാകും
കൊല്ലം: സംസ്ഥാനത്ത് നവീകരിച്ച ഔദ്യോഗിക വെബ്സൈറ്റുകളില് ആദ്യ ദ്വിഭാഷാ വെബ്സൈറ്റായ https://kollam.gov.in/ സംസ്ഥാന സര്ക്കാരിന്റെ രണ്ടാം വാര്ഷികത്തോടനുബന്ധിച്ച നവകേരളം-2018 ന്റെ വേദിയില് ഉദ്ഘാടനം ചെയ്യും. ജില്ലയുടെ ചരിത്രം, സംസ്കാരം, വിനോദസഞ്ചാരം എന്നീ മേഖലകളിലെ വിവരങ്ങള് ഔദ്യോഗികതലത്തിലെ വ്യക്തിവിവരങ്ങള്, തദ്ദേശ സ്വയംഭരണ സ്ഥാപന ഭാരവാഹികള്, അറിയിപ്പുകള്, വിവിധ വകുപ്പുകളെ കുറിച്ചുള്ള വിവരങ്ങള്, വാര്ത്താസംബന്ധിയായവ, ജനസംഖ്യ, ഭൂമിശാസ്ത്രം എന്നിവയുടെ വിശദാംശം തുടങ്ങിയവ ഉള്പ്പെടുത്തിയിട്ടുണ്ട്. സര്ക്കാര് സേവനങ്ങളുടെ വിവരങ്ങള് ഉള്പ്പെടുത്തിയ പ്രത്യേക ലിങ്ക്, ദുരന്തനിവാരണ വിഭാഗവുമായി ബന്ധപ്പെട്ട ഫോണ് നമ്പരുകള് എന്നിവയും വെബ്സൈറ്റിന്റെ പ്രത്യേകതയാണ്. സര്ക്കാര് വെബ്സൈറ്റുകള്ക്ക് ആവശ്യമുള്ള നിയമപരമായ സുരക്ഷയും സൈബര് സുരക്ഷയും ഉറപ്പാക്കിയിട്ടുണ്ട്. കാലിക നവീകരണം സാധ്യമാകും വിധമാണ് രൂപകല്പന. കാഴ്ച പരിമിതര്ക്ക് സ്ക്രീന് റീഡര് സംവിധാനം വഴി ഉപയോഗിക്കാനാകും വിധമുള്ള സജ്ജീകരണമാണ് വെബ്സൈറ്റിന്റെ മുഖ്യസവിശേഷത. ജില്ലാ കളക്ടര് ഡോ. എസ്. കാര്ത്തികേയന്റെ നേതൃത്വത്തില് ജില്ലാ ഇന്ഫര്മാറ്റിക്സ് ഓഫീസര് വി.…
Read Moreവനത്തേയും വന്യജീവികളേയും അടുത്തറിയാൻ കുളത്തൂപ്പുഴയില് ഫോറസ്റ്റ് മ്യൂസിയം സ്ഥാപിക്കും: മന്ത്രി കെ. രാജു
കുളത്തൂപ്പുഴ: പത്ത് കോടി രൂപ ചെലവില് കുളത്തൂപ്പുഴയില് ഫോറസ്റ്റ് മ്യൂസിയം നിര്മിക്കുമെന്ന് മന്ത്രി കെ. രാജു പറഞ്ഞു. സംസ്ഥാന സര്ക്കാരിന്റെ രണ്ടാം വാര്ഷികത്തോടനുബന്ധിച്ച് കുളത്തൂപ്പുഴയിലെ വനശ്രീ കേന്ദ്രത്തില് നിന്നുള്ള മണല് വിതരണത്തിന്റെ ഉദ്ഘാടനം നിർവഹിച്ച് പ്രസംഗി ക്കുകയായിരുന്നു മന്ത്രി. വനത്തേയും വന്യജീവികളേയും അടുത്തറിയുന്നതിനാണ് മ്യൂസിയം സ്ഥാപിക്കുന്നതെന്നും അദ്ദേഹം പറഞ്ഞു. കൊല്ലം ജില്ലയിലേയും നെടുമങ്ങാട് താലൂക്കിലേയും ഭവന നിര്മാണത്തിനുള്ള ആറ്റുമണലാണ് വനശ്രീയില് നിന്നും വിതരണം ചെയ്യുക. ബിപിഎല്. കുടുംബങ്ങള്ക്ക് ലോഡിന് 12,425 രൂപയ്ക്കും എപിഎല് വിഭാഗത്തിന് 22,225 രൂപയ്ക്കുമാണ് മണല് ലഭിക്കുക. ഓണ്ലൈന് വഴിയാണ് മണലിനായുള്ള അപേക്ഷകള് സ്വീകരിക്കുന്നത്. കുളത്തൂപ്പുഴ വനസംരക്ഷണ സമിതി അംഗങ്ങള്ക്കുള്ള സൗജന്യ പാചക കണക്ഷന് വിതരണത്തിന്റെ ഉദ്ഘാടനം, എസ്എസ്എല്സി, പ്ലസ് ടു പരീക്ഷകളിൽ മികച്ച വിജയം നേടിയവര്ക്കുള്ള ഉപഹാര സമര്പ്പണം എന്നിവയും മന്ത്രി നിര്വ്വഹിച്ചു. തൊഴിലുപകരണങ്ങളുടെ വിതരണം അഞ്ചല് ബ്ലോക്ക് പഞ്ചായത്ത് പ്രസിഡന്റ് രഞ്ജു…
Read Moreഗാന്ധിഭവൻ അഗതികൾക്ക് ലുലു ഗ്രൂപ്പിന്റെ അഞ്ചര കോടി രൂപയുടെ സഹായം; ലിഫ്റ്റ് അടക്കമുള്ള സൗകര്യമുള്ള ആശുപത്രി മാതൃകയിലുള്ളതായിരിക്കും പുതിയ കെട്ടിടം
കൊല്ലം: റംസാൻ വ്രതാനുഷ്ഠാനത്തിന്റെ ആരംഭ ദിനത്തിൽ പത്തനാപുരം ഗാന്ധിഭവനിലെ അന്തേവാസികൾക്ക് ലുലു ഗ്രൂപ്പ് ചെയർമാൻ എം.എ.യൂസഫലിയുടെ കാരുണ്യവർഷം. ഇവിടത്തെ അന്തേവാസികളായ അമ്മമാർക്ക് താമസിക്കാൻ അഞ്ച് കോടി രൂപ ചെലവിട്ട് അത്യാധുനിക സൗകര്യമുള്ള ബഹുനില കെട്ടിടം നിർമിച്ച് നൽകും. ലിഫ്റ്റ് അടക്കമുള്ള സൗകര്യമുള്ള ആശുപത്രി മാതൃകയിലുള്ളതായിരിക്കും പുതിയ കെട്ടിടം. ലുലു ഗ്രൂപ്പ് തന്നെ നേരിട്ടായിരിക്കും കെട്ടിട നിർമാണം നടത്തുക. കിടപ്പ് രോഗികളടക്കമുള്ള അമ്മമാർക്ക് സൗകര്യപ്പെടുന്ന കെട്ടിട നിർമാണം ഒരു വർഷത്തിനുള്ളിൽ പൂർത്തിയാകുമെന്ന് ഗാന്ധിഭവൻ സെക്രട്ടറി ഡോ.പുനലൂർ സോമരാജൻ, വൈസ് ചെയർമാൻ പി.എസ്.അമൽരാജ്, കുടുംബാംഗവും ചലച്ചിത്ര നടനുമായ ടി.പി.മാധവൻ എന്നിവർ അറിയിച്ചു. ഇതുകൂടാതെ റംസാൻ സമ്മാനമായി 50 ലക്ഷം രൂപയും ലുലു ഗ്രൂപ്പ് ഗാന്ധിഭവന് സമ്മാനിച്ചു. ലുലു ഗ്രൂപ്പ് ഇതിനകം മൂന്നുകോടി രൂപയുടെ സഹായമാണ് ഗാന്ധിഭവന് നൽകിയിട്ടുള്ളത്. രണ്ടുവർഷം മുന്പ് ഗാന്ധിഭവൻ സന്ദർശിച്ചപ്പോൾ ഇവിടത്തെ അമ്മമാരോടൊപ്പം എം.എ.യൂസഫലി ഏറെ നേരം…
Read Moreസന്ധ്യാപ്രാർഥന വീടുകളിൽ തിരികെ കൊണ്ടുവരണം; യുവാക്കളെ മോശമായ പ്രവർത്തനങ്ങളിലേക്ക് നയിക്കുന്നത് ഈശ്വരവിശ്വാസമില്ലായ്മയെന്ന് പി.സി.ജോർജ്
കൊല്ലം : യുവാക്കളെ മോശമായ പ്രവർത്തനങ്ങളിലേക്ക് നയിക്കുന്നതിന് പിന്നിൽ ഈശ്വരവിശ്വാസമില്ലായ്മയാണെന്ന് പി.സി.ജോർജ് എംഎൽഎ. മണ്ണൂർക്കാവ് കഥകളി ഫെസ്റ്റിനോടനുബന്ധിച്ച് നടന്ന മടവൂർ വാസുദേവൻനായർ അനുസ്മരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു പിസിജോർജ്. പണ്ട് നമ്മുടെ വീടുകളിൽ അമ്മമാർ കുട്ടികളോടൊപ്പം നടത്തുന്ന സന്ധ്യാപ്രാർഥന ഇന്ന് പല വീടുകളിലും ഇല്ലാത്തതാണ് ഇതിന് കാരണമെന്നും എല്ലാ മതവിഭാഗങ്ങളിലും പെട്ട അമ്മമാർ നിർബന്ധമായും തങ്ങളുടെ മക്കളുമായി ചേർന്ന് വീടുകളിൽ സന്ധ്യാപ്രാർഥനകൾ നടത്തുന്നതിന് തയാറാകേണ്ടതാണെന്നും അദ്ദേഹം പറഞ്ഞു. മികച്ച സമൂഹത്തെ വാർത്തെടുക്കുവാൻ ബാല്യം മുതലുള്ള പരിശീലനം ഭവനങ്ങൾക്കുള്ളിൽ നിന്നാണ് ആരംഭിക്കേണ്ടത്. ലക്ഷ്യബോധമുള്ള ഒരു തലമുറയെ വാർത്തെടുക്കുന്നതിന് ഏറെ സംഭാവനകൾ നൽകുവാൻ അമ്മമാർക്ക് കഴിയും. അങ്ങനെ വളരുന്ന കുട്ടികൾ ഒരു തരത്തിലുമുള്ള തെറ്റുകളിലും വഴുതിവീഴില്ലെന്നും പിസി ജോർജ് പറഞ്ഞു. കഥകളി കലാകാരന്മാരെ വാർധക്യത്തിൽ സംരക്ഷിക്കേണ്ടുന്ന ഉത്തരവാദിത്വം സർക്കാരുകൾക്കുണ്ട്. പ്രായാധിക്യം കൊണ്ടും രോഗങ്ങൾകൊണ്ടും കളിയരങ്ങിൽ നിന്നും വിടവാങ്ങുന്ന കലാകാരന്മാർക്ക്…
Read Moreറേഷൻ സാധനം നൽകിയില്ല; ബന്ധുവിനെ കുത്തിക്കൊന്ന യുവാവിന് ജീവപര്യന്തം തടവും ഒരു ലക്ഷം രൂപ പിഴയും
കൊല്ലം: റേഷന്കടയില് ഉണ്ടായ വാക്കേറ്റത്തില് ബന്ധുവിനെ കുത്തിക്കൊന്ന കേസില് യുവാവിന് ജീവപര്യന്തം കഠിനതടവും ഒരു ലക്ഷം രൂപ പിഴയും. കിളികൊല്ലൂര് ചൂട്ടറവിള മുക്കിന് സമീപം കെ പി നഗര് കരീപ്ര വീട്ടില് രാജീവി(43)നെയാണ് കൊല്ലം അഡീഷണല് ഡിസ്ട്രിക്ട് ആന്റ് സെഷന്സ് ജഡ്ജി പി ഷെര്ളി ദത്ത് ശിക്ഷിച്ചത്. പിതൃസഹോദരിയുടെ പുത്രനായ മുകേഷിനെയാണ് കുത്തികൊലപ്പെടുത്തിയത്. 2013 ജനുവരി മൂന്നിനായിരുന്നു കേസിനാസ്പദമായ സംഭവം. രാജീവ് റേഷന്കടയിലെ ജീവനക്കാരനായിരുന്നു. മുകേഷിന്റെ ഭാര്യ റേഷന്കടയില് ക്രിസ്തുമസ് സ്പെഷല് പഞ്ചസാര ആവശ്യപ്പെട്ടപ്പോള് നല്കാത്തതിനെ തുടര്ന്ന് വീട്ടില് വിവരമറിയിച്ചപ്പോള് ഇതിനെ കുറിച്ച് ചോദിച്ച അമ്മുമ്മയെയും അമ്മയെയും പ്രതി അസഭ്യം പറഞ്ഞു. ഇത് തുടര്ന്നപ്പോള് ഇവര് ഭര്ത്താവായ മുകേഷിനെ വിവരമറിയിച്ചു. തുടര്ന്ന് ഇരുവരും തമ്മില് പാല്ക്കുളങ്ങര ക്ഷേത്രത്തിന് സമീപം വച്ചുണ്ടായ വാക്കുതര്ക്കത്തിനൊടുവില് മുകേഷിനെ കുത്തിക്കൊലപ്പെടുത്തുകയായിരുന്നു. അടുത്ത ദിവസം ആശുപത്രിയിലാണ് മുകേഷ് മരിച്ചത്. ദൃക്സാക്ഷികളില്ലാത്ത കേസില് മരണമൊഴിയുടെയും സാഹചര്യ…
Read Moreകൊട്ടാരക്കര താലൂക്കാശുപത്രി മെഡിക്കൽ കോളേജ് നിലവാരത്തിലേക്ക്; 60 കോടിയുടെ വികസന പദ്ധതികളാണ് നടപ്പാക്കുന്നത്
കൊട്ടാരക്കര: കൊട്ടാരക്കര താലൂക്കാശുപത്രി മെഡിക്കൽ കോളേജ് നിലവാരത്തിലേക്ക്. 60 കോടിയുടെ വികസന പദ്ധതിയിലൂടെ താലൂക്കാശുപത്രിയെ രാജ്യാന്തര നിലവാരത്തിൽ സൂപ്പർ സ്പെഷാലിറ്റി ആശുപത്രിയായി ഉയർത്തുന്നതിനുള്ള നടപടികൾക്ക തുടക്കമായി. കിഫ് ബി സാമ്പത്തിക സഹായത്തോടെയാണ് 60 കോടിയുടെ വികസന പദ്ധതിക്കുള്ള മാസ്റ്റർ പ്ലാൻ തയാറായിട്ടുള്ളത്. പദ്ധതി നടത്തിപ്പിനു മുന്നോടിയായി ഐഷാ പോറ്റി എംഎൽഎയുടെ നേതൃത്വത്തിൽ വികസന സമിതിയുടെയും മുനിസിപ്പൽ അധികൃതരുടെയും വിവിധ സർക്കാർ വകുപ്പുകളുടെയും സംയുക്ത യോഗം ഇന്നലെ ആശുപത്രിയിൽ ചേർന്നു. ആശുപത്രിയിലെ പഴയ കെട്ടിടങ്ങൾ പൊളിച്ചുമാറ്റി എഴുനിലയുള്ള പുതിയ കെട്ടിടം നിർമിക്കും. പേ വാർഡു്, വനിതാ പുരുഷ മെഡിക്കൽ വാർഡുകൾ, വനിതാ പുരുഷ സർജിക്കൽ വാർഡുകൾ, ആധുനിക ഓപ്പറേഷൻ തിയറ്റർ, സൈക്കാട്രിക് പീഡിയാട്രിക് വാർഡുകൾ, റേഡിയോളജി ആന്റ് ഇമേജിംഗ് സെന്റർ, മെഡിക്കൽ റി കാർഡു റൂം, മോർച്ചറി, ഹൗസ് കീപ്പിംഗ് എഞ്ചിനീയറിംഗ് വിഭാഗം ’അഡ്മിനിസ്ട്രേഷൻ വിഭാഗം, ഹോസ്റ്റൽ, റിസപ്ഷൻ,…
Read Moreപോലിസുകാരനെ വീട്ടിൽ കയറി വധിക്കാൻ ശ്രമിച്ച കേസിൽ ഒരാൾ കൂടി പിടിയിൽ
ചവറ: തേവലക്കര പുത്തൻസങ്കേതത്തിൽ പോലീസുകാരനെ വീട്ടിൽ കയറി വധിക്കാൻ ശ്രമിച്ച കേസിൽ ഒരാൾ കൂടി പിടിയിലായി. കോയിവിള പുത്തൻസങ്കേതം ചുനയ്ക്കാട്ട് വയലിൽ കുക്കു എന്ന് വിളിക്കുന്ന വിഷ്ണു ലാലാ (27)ണ് തെക്കുംഭാഗം പോലീസിന്റെ പിടിയിലായത്. ആനപ്പാപ്പാനായ ഇയാൾ ശക്തികുളങ്ങരയിൽ ആനപാപ്പാൻമാർ താമസിക്കുന്ന സ്ഥലത്ത് ഒളിവിൽ താമസിക്കുകയായിരുന്നു. ചവറ സിഐയ്ക്ക് കിട്ടിയ രഹസ്യവിവരത്തെ തുടർന്ന് എസ്ഐ രാജീവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. ഇയാളെ കോടതി ഹാജരാക്കി റിമാന്റ് ചെയ്തു. ഇതോടെ ഈ കേസിൽ അറസ്റ്റിലായവരുടെ എണ്ണം രണ്ടായി. പുത്തൻസങ്കേതം ശബരിയിൽ അനന്തു (20) വിനെ നേരത്തെ പിടികൂടിയിരുന്നു. കഴിഞ്ഞ എട്ടിന് രാത്രി 11 നാണ് പുത്തൻസങ്കേതം കൊയ്പ്പിനാൽ വീട്ടിൽ ഹസൻ കുഞ്ഞിനെ വീടിന്റെ വാതിൽ തകർത്ത് അക്രമി സംഘം കൊലപ്പെടുത്താൻ ശ്രമിച്ചത്. പോലീസുക്കാരനെ ആക്രമിക്കാൻ ഉപയോഗിച്ച ആയുധം തെളിവെടുപ്പിൽ കണ്ടെടുത്തു.
Read Moreവിദ്യാർഥിയുടെ മരണത്തിൽ ദുരൂഹത ആരോപിച്ച് പിതാവ് രംഗത്ത്;സീനിയർ വിദ്യാർഥികൾ ഭീഷണിപ്പെടുത്തിയിരുന്നതായി ബന്ധുക്കൾ
പുനലൂർ: വിദ്യാർഥിയുടെ മരണത്തിൽ ദുരൂഹത ആരോപിച്ച് പിതാവ് രംഗത്തെത്തി. വെഞ്ചേമ്പ് അയണിക്കോട് മംഗലത്ത് പുത്തൻവീട്ടിൽ അനിലാലിന്റെ മകൻ ജി. ജിഷ്ണു ലാൽ (14) ആണ് കെഐപി കനാലിൽ മരിച്ച നിലയിൽ രണ്ടു മാസത്തിന് മുൻപ് കണ്ടെത്തിയത്. വീടിനോട് ചേർന്ന് കനാൽ ഉണ്ടെങ്കിലും 14 വയസുവരെ കുട്ടി കനാലിൽ കളിക്കാൻ ഇറങ്ങിയിട്ടില്ലെന്നും, കാണാതാവുന്ന ദിവസം വൈകുന്നേരം 6.30 വരെയും വീടിന്റെ മുറ്റത്ത് കുളിക്കുന്നതിന് വേണ്ടി തോർത്തും ഉടുത്ത് നിൽക്കുന്നത് അയൽവാസികൾ കണ്ടിരുന്നുവത്രെ. ജിഷ്ണു ലാൽ വീട്ടിൽ മാത്രമേ ഇത്രയും നാളും കുളിച്ചിട്ടുള്ള എന്ന് മാതാപിതാക്കൾ പറയുന്നു. കുട്ടിയെ കാണാതായതിന് ശേഷം വിശദമായ പരിശോധനയിൽ വീടിനുള്ളിൽ രക്തം കണ്ടത് ദുരൂഹത വർധിപ്പിക്കുന്നു. ഒപ്പം പോസ്റ്റുമോർട്ടം റിപ്പോർട്ടിൽ ശരീരത്തിന്റെ പല ഭാഗങ്ങളിലുമുള്ള ക്ഷതങ്ങളും മറ്റും മരണത്തിന്റെ അസ്വഭാവികത വർധിപ്പിക്കുന്നു. പോസ്റ്റുമോർട്ടത്തിലും മുങ്ങിമരണം എന്ന് റിപ്പോർട്ട് ചെയ്യപ്പെട്ടിട്ടില്ല. എന്നാൽ പഠിത്തത്തിലും സ്പോർട്സിലും മിടുക്കനായ…
Read Moreരാജ്യത്തിന്റെ അഭിമാനം പോലും വാടകയ്ക്ക് കൊടുക്കുന്ന അവസ്ഥയെന്ന് പന്ന്യൻ രവീന്ദ്രൻ
ചവറ: രാജ്യത്തിന്റെ അഭിമാനമായ പൈതൃക സമ്പത്തുകൾ പോലും ആർക്കും വാടകയ്ക്ക് കൊടുക്കുന്ന സ്ഥിതിയാണെന്ന് ഇന്നുള്ളതെന്ന് സിപിഐ നേതാവ് പന്ന്യൻ രവീന്ദ്രൻ പറഞ്ഞു. പൊന്മന സംസ്കൃതി ഗ്രന്ഥശാലയുടെ ഒന്നാം വാർഷികാഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. വായന മരിക്കുന്നു എന്ന വിലാപത്തിനിടയിലും നാടിന്റെ സാംസ്കാരിക മൂല്യങ്ങൾ നിലനിർത്താൻ ഗ്രന്ഥശാലകൾ വലിയ പരിശ്രമങ്ങളാണ് നടത്തുന്നതെന്നും പന്ന്യൻ പറഞ്ഞു. ആർ.രാമചന്ദ്രൻ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് സി.രാധാമണി മുഖ്യ പ്രഭാഷണം നടത്തി. കെഎംഎംഎൽ ജനറൽ മാനേജർ അജയകൃഷ്ണൻ, താലൂക്ക് ലൈബ്രറി കൗൺസിൽ പ്രസിഡന്റ് പി.ബി.ശിവൻ, ബിന്ദു സണ്ണി, കോലത്ത് വേണുഗോപാൽ, കോഞ്ചേരിൽ ഷംസുദീൻ, ഗ്രന്ഥശാല പ്രസിഡന്റ് അനിമോൻ, സെക്രട്ടറി ആർ.മുരളി, സുഗതൻ മംഗലത്ത്, ഷാജി എന്നിവർ പ്രസംഗിച്ചു. വിവിധ മേഖലകളിൽ കഴിവു തെളിയിച്ച പൊന്മന നിവാസികൾ, മികച്ച വിജയം നേടിയ വിദ്യാർഥികൾ എന്നിവരെ അനുമോദിച്ചു. 51 അമ്മമാരെയും ചടങ്ങിൽ…
Read More