കോഴിക്കോട്: പത്താംക്ലാസ് ക്രിസ്മസ് പരീക്ഷയുടെ ചോദ്യപേപ്പര്‍ ചോര്‍ന്ന സംഭവത്തില്‍ ക്രൈംബ്രാഞ്ച് അന്വേഷണ സംഘം സംഘടിത കുറ്റകൃത്യം കൂടി ചുമത്തി. കൊടുവള്ളിയിലെ എംഎസ് സൊല്യൂഷന്‍സ് സിഇഒ മുഹമ്മദ് ഷുഹൈബിന് സര്‍ക്കാര്‍ സര്‍വീസിലുള്ള അധ്യാപകരുടെയോ ജീവനക്കാരുടെയോ സഹായത്തോടെയാണ് ചോദ്യപേപ്പര്‍ ലഭിച്ചതെന്ന് ക്രൈംബ്രാഞ്ച് റിപ്പോര്‍ട്ടില്‍ പറയുന്നു.ഷുഹൈബിന്‍റെ മുന്‍കൂര്‍ ജാമ്യഹര്‍ജിയെ എതിര്‍ത്തുകൊണ്ടുള്ള റിപ്പോര്‍ട്ടിലാണ് വിവരങ്ങള്‍ ഉള്‍ക്കൊള്ളിച്ചിരിക്കുന്നത്. ജാമ്യാപേക്ഷ ഇന്ന് കോടതി പരിഗണിക്കും. അമിത സാമ്പത്തിക വരുമാനത്തിനായി ഒന്നാം പ്രതി ഷുഹൈബും സര്‍ക്കാര്‍ ഉദ്യോഗസ്ഥരായ മറ്റ് പ്രതികളും ചേര്‍ന്ന് കുറ്റകരമായ ഗൂഡാലോചന നടത്തി സ്‌കൂള്‍ തല പാദവാര്‍ഷിക, അര്‍ധവാര്‍ഷിക പരീക്ഷകളുടെ ചോദ്യങ്ങള്‍ ചോര്‍ത്തിയെടുത്ത് പരീക്ഷയുടെ തലേ ദിവസം പ്രവചനമെന്ന പേരില്‍ എംഎസ് സൊല്യൂഷന്‍സ് എന്ന യുട്യൂബ് ചാനല്‍ വഴി പ്രചരിപ്പിച്ചതായി ക്രൈംബ്രാഞ്ച് റിപ്പോര്‍ട്ടില്‍ പറയുന്നു. ഇക്കഴിഞ്ഞ അര്‍ധവാര്‍ഷിക പരീക്ഷയില്‍ പത്താം ക്ലാസ് ഇംഗ്ലീഷ് പേപ്പറില്‍ വന്ന 18 മുതല്‍ 26 വരെയുളള എല്ല ചോദ്യങ്ങളും…
Read Moreചോദ്യപേപ്പര്‍ ചോര്‍ച്ച സംഘടിത കുറ്റകൃത്യം: സര്‍ക്കാര്‍ സര്‍വീസിലുള്ള അധ്യാപകരുടെയോ ജീവനക്കാരുടെയോ സഹായത്തോടെയാണ് ചോദ്യപേപ്പര്‍ ലഭിച്ചത്; ക്രൈംബ്രാഞ്ച്
