പെരിന്തൽമണ്ണ: പെണ്കുട്ടിയെ പ്രണയിച്ചതിന് യുവാവിന് നേരെ ഗുണ്ടാ ആക്രമണമെന്ന് പരാതി. മലപ്പുറം പെരിന്തൽമണ്ണയിലാണ് സംഭവം. പാതാക്കര സ്വദേശി നൗഷാദ് അലിക്കാണ് മർദനമേറ്റത്. റെയിൽവേ ട്രാക്കിൽവച്ച് ഇരുന്പ് വടികൊണ്ട് കൈകാലുകൾ തല്ലിയൊടിച്ചു. പിന്നീട് ആളൊഴിഞ്ഞ കെട്ടിടത്തിൽ മണിക്കൂറുകളോളം തലകീഴാക്കി കിടത്തിയശേഷം മൂത്രം കുടിപ്പിച്ചതായും ആരോപണമുണ്ട്. പരിക്കേറ്റ നൗഷാദ് അലിയെ ആശുപത്രിയിൽ പ്രവേശിപ്പിരിക്കുകയാണ്.
Read MoreCategory: Kozhikode
അഞ്ച്നില കെട്ടിടം ഉദ്ഘാടനം കഴിഞ്ഞിട്ട് ഒരു വർഷം; താലൂക്ക് ആശുപത്രി ഇപ്പോഴും രോഗാവസ്ഥയിൽ
സുൽത്താൻ ബത്തേരി: അഞ്ച്നില കെട്ടിടത്തിന്റെ ഉദ്ഘാടനം കഴിഞ്ഞ് ഒരു വർഷം പിന്നിട്ടു. താലൂക്ക് ആശുപത്രി ഇപ്പോഴും രോഗാവസ്ഥയിൽ തന്നെ. വളരെ ആഘോഷത്തോടെ കൊട്ടിഘോഷിച്ചാണ് ആരോഗ്യ മന്ത്രി ഉദ്ഘാടനം ചെയ്തത്. എന്നാൽ ആശുപത്രിയിൽ ഇന്നും രോഗികളെ കിടത്തി ചികിൽസിക്കാനുള്ള സൗകര്യമില്ല. ജില്ലാ അധികൃതരും വകുപ്പ് മേധാവികളും മനസുവെച്ചാൽ മാത്രമേ നിർധന രോഗികൾക്കുള്ള ഈ ആതുരാലയം ഉപകാരപ്രദമാവുകയുള്ളു. അത്യാധുനിക രീതിയിലുള്ള സൗകര്യങ്ങളാണ് പുതിയ കെട്ടിടത്തിൽ വിഭാവനം ചെയ്യുന്നത്. എന്നാൽ കെട്ടിടത്തിന്റെ പണി പൂർത്തീകരിച്ചെങ്കിലും ആശുപത്രിയിലേക്ക് വേണ്ട മറ്റ് സൗകര്യങ്ങൾ ഒന്നും തന്നെ ഒരുക്കാത്തതാണ് ഈ ആശുപത്രി ഇപ്പോഴും പഴയ പടിയിൽ തന്നെ നിൽക്കാൻ കാരണം. രണ്ട് പീഡിയാട്രീഷ്യൻമാരുണ്ടായിരുന്നതിൽ ഒരാൾ സ്ഥലം മാറിപോയെങ്കിലും പകരം ആളെ ഇതുവരെ നിയമിച്ചിട്ടില്ല. മൂന്ന് ഡോക്ടർമാർ വേണ്ട ഗൈനക്കോളജിയിൽ രണ്ട് ഡോക്ടർമാരാണ് ഉള്ളത്. ചില ദിവസങ്ങളിൽ ഒരു ഡോക്ടർ മാത്രമാണുണ്ടാവുക. ആഴ്ചയിൽ രണ്ട് ദിവസമാണ് ഗൈനക്കിന്റെ…
Read Moreസപ്ലൈകോ മെഡിക്കൽ. ഷോപ്പിൽനിന്ന് ജീവനക്കാരനെ പിരിച്ചുവിട്ട നടപടി ; മുക്കത്ത് സിപിഎം- സിപിഐ പോര് രൂക്ഷം
മുക്കം: മുക്കം ടൗണിൽ പ്രവർത്തിക്കുന്ന സപ്ലൈകോ മെഡിക്കൽ ഷോപ്പിൽ നിന്ന് ജീവനക്കാരനെ പിരിച്ചുവിട്ട നടപടിക്കെതിരെ പ്രതിഷേധം ശക്തമായി. നടപടി പിൻവലിക്കണമെന്നാവശ്യപ്പെട്ട് സിഐടിയു പ്രവർത്തകർ പ്രതിഷേധവുമായെത്തി. 12 വർഷത്തോളമായി മെഡിക്കൽ ഷോപ്പിലെ തൊഴിലാളിയായിരുന്ന സജിൻ ദാസിനെയാണ് കഴിഞ്ഞ ദിവസം പിരിച്ചുവിട്ടത്. ഇയാൾ സിഐടിയു സംഘടനയിൽ പെട്ട ആളല്ലന്നു പറഞ്ഞാണ് പിരിച്ചു വിട്ടിരിക്കുന്നതെന്ന് സിഐടിയു ഏരിയ പ്രസിഡന്റ് ജോണി എടശ്ശേരി പറഞ്ഞു. മന്ത്രിതലത്തിലടക്കം ഇടപെടൽ നടത്തിയാണ് പിരിച്ചുവിടൽ നടത്തിയതെന്നും അവർ ആരോപിച്ചു. എഐടിയുസി മെമ്പർഷിപ്പ് എടുക്കുന്നതിനായി തന്നെ നിർബന്ധിച്ചിരുന്നതായും എന്നാൽ താൻ അതിന് വഴങ്ങിയില്ലന്നും സജിൻ ദാസ് പറഞ്ഞു. അതേ സമയം സംഭവവുമായി ബന്ധപ്പെട്ട് മലയോര മേഖലയിൽ സിപിഐ, സിപിഎം പോര് രൂക്ഷമായിട്ടുണ്ട്. സിപിഐയുടെ പ്രാദേശിക നേതൃത്വം ഇടപെട്ടാണ് ഇത്തരം തീരുമാനമെടുപ്പിച്ചതെന്നാണ് സിപിഎം നേതൃത്വം പറയുന്നത്. പിരിച്ചുവിട്ട തൊഴിലാളിയെ തിരിച്ചെടുത്തില്ലങ്കിൽ ശക്തമായ സമരപരിപാടികൾക്ക് നേതൃത്വം നൽകുമെന്നും സിപിഎമ്മും സിഐടിയുവും അറിയിച്ചു.…
Read Moreറോഡരികിൽ അപകടം വിതച്ച് ഉപേക്ഷിച്ച വൈദ്യുതി തൂണുകള്; പോസ്റ്റുകളിൽ തട്ടിയുണ്ടാകുന്ന അപകടം പതിവാകുന്നു; നടപടിയെടുക്കാതെ അധികൃതർ
കോഴിക്കോട് : റോഡരികില് ഉപേക്ഷിക്കുന്ന പഴയ വൈദ്യുതി തൂണുകള് അപകടം ക്ഷണിച്ചുവരുത്തുന്നു. ഉപയോഗമില്ലാതാവുമ്പോള് കെഎസ്ഇബി പുതിയ പോസ്റ്റുകള് സ്ഥാപിക്കുകയും പഴയ പോസ്റ്റുകള് റോഡരികില് ഉപേക്ഷിക്കുകയുമാണ് പതിവ്. വീതികുറഞ്ഞ റോഡുകളില് പോലും പോസ്റ്റുകള് ഉപേക്ഷിക്കുകയാണ് ചെയ്യുന്നത്. ഇത്തരത്തില് റോഡരികില് ഉപേക്ഷിക്കുന്ന ഇലക്ട്രിക് പോസ്റ്റില് തട്ടി വാഹനങ്ങള് അപകടത്തില്പെടുന്നത് നിത്യസംഭവമാണ്. റോഡരികിലെ പോസ്റ്റുകള് നീക്കം ചെയ്യാന് പിഡെബ്ല്യുഡിയും കെഎസ്ഇബിയും തയാറാവാത്തതോടെ വൈദ്യുതി തൂണുകള് കൊലമരങ്ങളായി മാറുമെന്നാണ് നാട്ടുകാര് പറയുന്നത്. പലപ്പോഴും ഇരുചക്രവാഹനങ്ങളാണ് അപകടത്തില്പെടുന്നത്. വലിയ വാഹനങ്ങള് എതിരേ വരുമ്പോഴും മറ്റും റോഡരികിലേക്ക് മാറുമ്പോഴാണ് പോസ്റ്റിലിടിച്ച് വാഹനം അപകടത്തില്പെടുന്നത്. എന്നാല് ജീവന് ഭീഷണിയായി മാറുന്ന ഇത്തരത്തിലുള്ള വൈദ്യുതി തൂണുകള് നീക്കം ചെയ്യാന് യാതൊരു നടപടിയും കെഎസ്ഇബി സ്വീകരിക്കുന്നില്ല. മഴക്കാലമാവുന്നതോടെ മരം വീണും കാറ്റില് മറിഞ്ഞും പല വൈദ്യുതി തൂണുകളും കേടുപാടുകള് സംഭവിക്കും. ഇവ റോഡില് തന്നെ ഉപേക്ഷിക്കാതെ മാറ്റണമെന്നാണ് വിവിധ റസിഡന്സ്…
Read Moreആറു കിലോ കഞ്ചാവുമായി യുവാവ് പിടിയിൽ ; പിടിയിലായത് ആന്ധ്രയിൽനിന്ന് കഞ്ചാവ് എത്തിക്കുന്നയാൾ
മഞ്ചേരി: ആറു കിലോ കഞ്ചാവുമായി അരീക്കോട് വാലില്ലാപുഴ സ്വദേശിയായ യുവാവിനെ അരീക്കോട് എസ്ഐയുടെ നേതൃത്വത്തിൽ ജില്ലാ ആൻറി നർക്കോട്ടിക് സ്ക്വാഡ് പിടികൂടി. വാലില്ലാപുഴ മുത്തോട് മുസ്തഫ (31) യാണ് പിടിയിലായത്. മലപ്പുറം ജില്ലയിലെ വിവിധ സ്ഥലങ്ങളിലേക്കു ആന്ധ്രയിൽ നിന്നു കഞ്ചാവ് എത്തിക്കുന്ന സംഘത്തിലെ കണ്ണിയാണ് മുസ്തഫയെന്നു പോലീസ് പറഞ്ഞു. ഇയാളെ ചോദ്യം ചെയ്തതിൽ നിരവധി തവണ ആന്ധ്രയിൽ നിന്നു കഞ്ചാവ് എത്തിച്ചിരുന്നതായും ഇയാളിൽ നിന്നു കഞ്ചാവ് കൈപ്പറ്റുന്ന ചെറുകിട കച്ചവടക്കാരെക്കുറിച്ചും വിവരം ലഭിച്ചിട്ടുണ്ട്. ഇവരെ നിരീക്ഷിച്ചുവരികയാണ്. ഒരു മാസം മുന്പു ജില്ലാ ആൻഡി നാർക്കോട്ടിക് സ്ക്വാഡിന് ലഭിച്ച വിവരത്തെത്തുടർന്നു ഇയാളെ നിരീക്ഷിച്ചു വരികയായിരുന്നു അന്വേഷണ സംഘം. ഒരാഴ്ച മുന്പു കഞ്ചാവ് വാങ്ങുന്നതിനായി ആന്ധ്രയിലേക്കു പോയതായിരുന്നു മുസ്തഫ. തുടർന്നു കഞ്ചാവുമായി കുറ്റൂളിയിൽ എത്തുകയും പ്രതിയെ സാഹസികമായി പിടികൂടുകയായിരുന്നു പോലീസ്. വിദ്യാലയങ്ങൾ തുറക്കാൻ ദിവസങ്ങൾ ശേഷിക്കെ ഇത്രയുമധികം കഞ്ചാവ് എത്തിച്ചത്…
Read Moreനമ്പര്പ്ലേറ്റുകള് മറച്ച് ടിപ്പർ, ചരക്കുലോറികളുടെ കുതിപ്പ്; അപകടങ്ങള് വര്ധിക്കുന്നു; നിയമലംഘനം 9447728758 നന്പറിൽ അറിയിക്കാം
സ്വന്തം ലേഖകന് കോഴിക്കോട്: രാത്രികാലങ്ങളിലുള്പ്പെടെ നമ്പര് പ്ലേറ്റ് മനഃപൂര്വ്വം മറച്ച് ടിപ്പർ- ചരക്കുലോറികള് നിരത്തിലൂടെ പറക്കുന്നു .ഇതരസംസ്ഥാന ലോറികള് ഉള്പ്പെടെ സുരക്ഷയ്ക്കെന്നപേരില് വലിയ ഇരുമ്പുദണ്ഡുകള് നമ്പര് പ്ലേറ്റിന് കുറുകേ ഘടിപ്പിച്ചും സമാന്തരമായി ചങ്ങലതൂക്കിയും നമ്പര് പ്ലേറ്റ് ഭാഗികമായി മറയ്ക്കുകയാണ്. നിയമലംഘനം നടത്തിയാല് പോലും പെട്ടെന്ന് പോലീസിനോ, കാമറകണ്ണുകള്ക്കോ പിടിക്കാന് കഴിയാത്തവിധമാണ് നമ്പര് പ്ലേറ്റ് വിദഗ്ദമായി മറയ്ക്കുന്നത്. ഇത്തരം വാഹനങ്ങള് വരുത്തുന്ന അപകടങ്ങള് സമീപകാലത്തായി ഏറിവരുന്നതായി മോട്ടോര് വാഹന വകുപ്പ് അധികൃതരും പറയുന്നു. ദിവസങ്ങള്ക്ക് മുന്പ് ബാലുശ്ശേരി മുക്കിന് സമീപം അര്ധരാത്രിയില് സ്കൂട്ടര്യാത്രക്കാരനെ ലോറിയിടിച്ച സംഭവവും ഉണ്ടായി. യാത്രക്കാരന് തെറിച്ചുവീണ മാത്രയില് തന്നെ ലോറി നിര്ത്താതെപോയി. ഇതുവരെ ലോറി പിടികൂടാനായിട്ടില്ല. ഇത്തരം സന്ദര്ഭങ്ങളില് സമീപത്തെ സിസിടിവി കാമറകളെയോ, ദൃക്സാക്ഷികളേയോ ആണ് പോലീസ് പ്രധാനമായും ആശ്രയിക്കാറ്. എന്നാല് ഒറ്റനോട്ടത്തില് നമ്പര് പ്ലേറ്റുകള് കാണാന് കഴിയാത്തവിധം വിദഗ്ദമായി മറച്ചതിനാല് അന്വേഷണം എങ്ങുമെത്തിയില്ല.…
Read Moreചവറംമൂഴി നീർപ്പാലത്തിലെ ജലച്ചോർച്ച; തടയാൻ കഠിനാധ്വാനവുമായി ജലസേചന വകുപ്പ്
പേരാമ്പ്ര: കഴിഞ്ഞ ദിവസം വിള്ളലുണ്ടായതിനെ തുടർന്നു ജലച്ചോർച്ച ഉണ്ടായ ചവറംമൂഴി നീർപ്പാലത്തിന്റെ തകരാർ പരിഹരിക്കാൻ കഠിനാധ്വാനവുമായി കുറ്റ്യാടി ജലസേചന വകുപ്പ്. ജലം പുറത്തേക്കു ചാടുന്ന ദ്വാര ഭാഗത്ത് തകിട് ഷീറ്റ് സ്ഥാപിച്ച് മണൽചാക്ക് അട്ടിയിട്ട് അമർത്തിവച്ചിട്ടുണ്ട്. ഇതോടെ ലീക്ക് നിയന്ത്രണ വിധേയമായിരിക്കുകയാണ്. വകുപ്പിലെ ഉദ്യോഗസ്ഥരുടെ മേൽനോട്ടത്തിലാണു പ്രവർത്തി നടത്തിയത്. അക്വഡക്ടിൽ ഉണ്ടായ ചോർച്ച താല്കാലികമായി നിയന്ത്രിക്കുന്നതിനുള്ള നടപടികളാണ് ഇന്നലെ സ്വീകരിച്ചത്. ചവറമുഴിയിലേത് പ്രഷർ അക്വഡക്ട് ആയതിനാൽ വെള്ളം നിയന്ത്രിക്കുന്നതിന് പ്രായോഗികമായ ബുദ്ധിമുട്ടുകളുണ്ട്. വെള്ളം പുർണ്ണമായി നിർത്തി ചോർച്ച അടച്ചാൽ ജലവിതരണം സാധാരണ നിലയിലേക്കെത്തിക്കുവാൻ ദിവസങ്ങളെടുക്കും . വടകര മേഖലയിൽ വരൾച്ച രൂക്ഷമായ സാഹചര്യത്തിൽ കനാൽ അടയ്ക്കുന്നത് ജലസേചന -കുടിവെള്ള ദൗർലഭ്യo രൂക്ഷമാക്കും. അതു കൊണ്ടാണു ചോർച്ച തടയുന്നതിന് താല്കാലിക സംവിധാനം സ്വീകരിച്ചത്. വരും ദിവസങ്ങളിലും പരിശോധനകളും നിരീക്ഷണവും കർശനമായി തുടരുമെന്നു ബന്ധപ്പെട്ട ഉന്നത ഉദ്യോഗസ്ഥർ പറഞ്ഞു.
Read Moreനഗരത്തിലെ കൗമാരക്കാരുടെ ബൈക്ക് റേസിംഗ് ; മൂന്നു ബൈക്കുകള് പിടികൂടി; വാർത്ത ശ്രദ്ധയിൽപ്പെട്ടതിനെ തുടർന്ന് സിറ്റി പോലീസ് കമ്മീഷണര് നടപടി സ്വീകരിക്കുകയായിരുന്നു
കോഴിക്കോട് : നഗര വീഥികളില് ഭീതിപരത്തിയുള്ള റേസിങ്ങിനെതിരേ കര്ശന നടപടിയുമായി പോലീസ്. നഗരത്തില് അസമയത്തുള്ള ബൈക്ക് റേസിങ്ങ് അനുവദിക്കില്ലെന്നും ഇതുസംബന്ധിച്ചു പോലീസിന് കര്ശന നിര്ദേശം നല്കിയിട്ടുണ്ടെന്നും സിറ്റി പോലീസ് കമ്മീഷണര് എ.വി.ജോര്ജ്ജ് ‘രാഷ്ട്ര ദീപിക’യോട് പറഞ്ഞു. ‘രാഷ്ട്രദീപിക’ വാര്ത്തയെ തുടര്ന്നാണ് നടപടി. ഇന്നലെ മാത്രം മൂന്നു ബൈക്കുകളാണ് പോലീസ് പിടികൂടിയത്. ഇതില് രണ്ടു ബൈക്കുകളിലായുള്ള യുവാക്കളെ പോലീസ് പിടികൂടി. ഒരു ബൈക്കിലെ യുവാവ് രക്ഷപ്പെട്ടു. അതേസമയം ബൈക്ക് പോലീസ് കസ്റ്റഡിയിലെടുത്തു. കസബ, ടൗണ്, കണ്ട്രോള് റൂം പോലീസ് സംയുക്തമായാണ് പരിശോധന നടത്തിയത്. പിടികൂടിയവരുടെ ലൈസന്സ് റദ്ദാക്കാന് മോട്ടോര്വാഹനവകുപ്പിനോട് പോലീസ് ശിപാര്ശ ചെയ്യും. കൂടാതെ പിടിയിലായ യുവാക്കളെ എടപ്പാളിലെ മോട്ടോര്വാഹനവകുപ്പിന്റെ ബോധവത്കരണ ക്ലാസില് പങ്കെടുപ്പിക്കും. ഓടിച്ചവർക്കെതിരെ കേസെടുത്ത് , പിടികൂടിയ ബൈക്കുകൾ കോടതിയിൽ ഹാജരാക്കും.വരും ദിവസങ്ങളില് പരിശോധന കര്ശനമായി തുടരുമെന്നും കമ്മീഷണര് അറിയിച്ചു. മാവൂര്റോഡ്, മാനാഞ്ചിറ പരിസരം, മുതലക്കുളം…
Read Moreവിമാനത്താവളം വഴിയുള്ള സ്വർണക്കടത്ത്; കോഴിക്കോട് സ്വദേശിയായ ജൂവലറി ഉടമയ്ക്കായി തെരച്ചിൽ
തിരുവനന്തപുരം: വിമാനത്താവളം വഴിയുള്ള സ്വർണക്കടത്തിൽ ജൂവലറി ഉടമയ്ക്കും പങ്കെന്ന് ഡിആർഐക്ക് വ്യക്തമായ വിവരങ്ങൾ ലഭിച്ചു. ഇതേ തുടർന്ന് ജൂവലറി ഉടമയുടെ കോഴിക്കോട്ടെ വീട്ടിലും ഓഫീസിലും ഡിആർഐ സംഘം പരിശോധന നടത്തി. കോഴിക്കോട് സ്വദേശിയായ ജൂവലറി ഉടമ മുഹമ്മദലിക്കാണ് സ്വർണകടത്തിൽ പങ്കുള്ളതെന്ന് ഡിആർഐ സ്ഥിരീകരിച്ചിരിക്കുന്നത്. ഡിആർഐ ഇയാളിലെക്ക് അന്വേഷണം കേന്ദ്രീകരിച്ചതോടെ മുഹമ്മദലി ഒളിവിൽ പോയി. നേരത്തെ തിരുവനന്തപുരം കോട്ടയ്ക്കകത്ത് ഇദ്ദേഹത്തിന് ജൂവലറി ഉണ്ടായിരുന്നു. ഇദ്ദേഹത്തിന്റെ സഹായി ഹക്കിമാണ് കള്ളക്കടത്ത് ് സ്വർണം എത്തിച്ച് നൽകുന്നതിന് ഇടനില നിന്നിരുന്നത്. കഴക്കൂട്ടം സ്വദേശി അഭിഭാഷകനായ ബിജുവിന്റെ നേതൃത്വത്തിലുള്ള കാരിയേഴ്സ് വിദേശത്ത് നിന്നും തിരുവനന്തപുരം വിമാനത്താവളത്തിലെത്തിക്കുന്ന സ്വർണക്കട്ടികൾ കസ്റ്റംസ് ഉദ്യോഗസ്ഥരുടെ സഹായത്തോടെയായിരുന്നു വിമാനത്താവളത്തിന് പുറത്ത് എത്തിച്ചിരുന്നത്. ഇത്തരത്തിൽ എത്തിയ്ക്കുന്ന സ്വർണ കട്ടികൾ ബിജു മുഹമ്മദലിയുടെ സഹായി ഹക്കിം വഴി നൽകിയിരുന്നുവെന്നാണ് ഡിആർഐയുടെ അന്വേഷണത്തിൽ വ്യക്തമായിരിക്കുന്നത്. അന്വേഷണം മുഹമ്മദലിയിലേക്ക് വ്യാപിച്ചതോടെയാണ് ഇയാളും സഹായികളും ഒളിവിൽ…
Read Moreനഗരത്തിൽ അശാന്തി പടർത്തി കൗമാരക്കാരുടെ ബൈക്ക് റേസിംഗ്; കറക്കം നമ്പർ പ്ലേറ്റ് ഇല്ലാതെ;പിന്നില് ലഹരി മാഫിയ
കോഴിക്കോട്: നഗരവീഥികളില് ഭീതിപരത്തി ബൈക്ക് റേസിംഗുമായി യുവാക്കള് അഴിഞ്ഞാടുന്നു . മാവൂര്റോഡ്, മാനാഞ്ചിറ പരിസരം, മുതലക്കുളം -പാളയം റോഡ്,ബീച്ച് എന്നിവിടങ്ങളിലാണ് മയക്കുമരുന്ന് ലഹരിയില് ഒരുകൂട്ടം യുവാക്കള് ബൈക്ക് റേസിംഗുമായി നഗരത്തിന്റെ സമാധാനം തകർക്കുന്നത്. ട്രാന്സ്ജെന്ഡര്മാരെ കേന്ദ്രീകരിച്ച് എത്തുന്ന യുവാക്കള് നാട്ടുകാരേയും പോലീസിനേയും വരെ “ഭീഷണി’പ്പെടുത്തുന്നതായി പോലീസ് ചൂണ്ടിക്കാട്ടുന്നു. വാഹനങ്ങളുടെ നന്പർപ്ലേറ്റ് മറച്ചുവെച്ചാണ് ഇവരുടെ അഴിഞ്ഞാട്ടം. ഭീതി സൃഷ്ടിച്ചുകൊണ്ട് വലിയ ശബ്ദത്തോടെയാണ് വിവിധ ഭാഗങ്ങളില് നിന്നുള്ള യുവാക്കള് അര്ധരാത്രിയോടെ നഗരത്തിലൊത്തു ചേരുന്നത്. പിന്നീട് ഒരുമിച്ച് ബൈക്കില് നഗരപ്രദക്ഷിണത്തിനിറങ്ങുകയാണ് ചെയ്യുന്നത്. ബൈക്കുകളുടെ മുൻഭാഗത്തെ നന്പർ പ്ലേറ്റ് അഴിച്ചുമാറ്റിയും, പിന്നിലെ നന്പർപ്ലേറ്റ് ചളിതേച്ച് വികൃതപ്പെടുത്തിയുമാണ് റേസിംഗ്. 11 മുതല് പുലര്ച്ചെ മൂന്നുവരെയാണിവരുടെ വിളയാട്ടം. ഏതാനും ദിവസമായി ഇത്തരത്തിലുള്ള സംഭവങ്ങള് നഗരത്തിന്റെ വിവിധ ഭാഗങ്ങളില് ശ്രദ്ധയില്പെട്ടതോടെ നാട്ടുകാര് പോലീസിനെ അറിയിക്കുകയായിരുന്നു. രാത്രി പരിശോധനയ്ക്കായുള്ള പോലീസ് ഇത്തരത്തില് ബൈക്കിലെത്തുന്ന യുവാക്കളെ കഴിഞ്ഞ ദിവസം നേരിട്ട്…
Read More