കാളികാവ്: കോഴിക്കോട്ടുകാരി പാത്തുമ്മ പെരുന്നാൾ ആഘോഷിക്കുന്നത് ഏറെ സന്തോഷത്തോടെയാണിന്ന്. 2017 നവംബറിലാണ് കോഴിക്കോട് വലിയങ്ങാടിയിൽ നിന്നും പാത്തുമ്മ കാളികാവ് അടക്കാക്കുണ്ടിലെ ഹിമ കെയർഹോമിലെത്തുന്നത്. മാധ്യമ വാർത്തകളിലൂടെ ഇവരുടെ ദയനീയാവസ്ഥ പുറത്ത് വന്നതോടെ തെരുവോരം പ്രവർത്തകരും ഹിമ വോളണ്ടിയേഴ്സും ചേർന്ന് കാളികാവിലെ ഹിമയിൽ അഭയം നല്കുകയായിരുന്നു. ഇരു കണ്ണിന്റെയും കാഴ്ചനഷ്ടപ്പെട്ടിട്ട് നാപ്പത് കൊല്ലം ആയിട്ടുണ്ടാവുമെന്ന് ഈ അറുപത്തിയാറുകാരി പറയുന്നുന്നു. അന്പതോളം വരുന്ന ഹിമ അന്തേവാസികൾക്കൊപ്പം ഈ ചെറിയ പെരുന്നാൾ, പാത്തുമ്മക്കിത് അക്ഷരാർത്ഥത്തിൽ മൈലാഞ്ചി മൊഞ്ചുള്ള ആനന്ദ പെരുന്നാൾ തന്നെയാണ്.
Read MoreCategory: Kozhikode
പരസ്യ മദ്യപാനവും വിൽപനയും; വഴിനടക്കാനാവാതെ പൊറുതിമുട്ടി സത്രീകൾ; ഒടുവിൽ സ്ത്രീകൾ സംഘടിച്ച് പരാതിയുമായി പോലീസ് സ്റ്റേഷനിൽ
നാദാപുരം: പരസ്യമായ മദ്യവില്പനയും മദ്യപ സംഘങ്ങളെയും കൊണ്ട് പൊറുതിമുട്ടിയതോടെ പരാതിയുമായി കുടുംബശ്രീ അംഗങ്ങള് കൂട്ടത്തോടെ വളയം പൊലീസ് സ്റ്റേഷനില് . വാണിമേല് മഠത്തില് മുക്കിലെ സ്ത്രീകളാണ് സ്റ്റേഷനിലെത്തി ദുരനുഭവങ്ങളുടെ കഥ പോലീസിന് മുന്നില് കെട്ടഴിച്ചത്. വളയം ടൗണിലൂടെ കരഞ്ഞു കൊണ്ട് സ്റ്റേഷനിലേക്ക് നീങ്ങിയ യുവതികളടക്കമുള്ളവരെ കണ്ട് നാട്ടുകാരും അമ്പരന്നു. പ്രദേശത്തെ മദ്യവില്പനക്കാരായ ചില യുവാക്കളെ കുറിച്ചായിരുന്നു പരാതികളേറെയും. രാവും പകലുമില്ലാതെ പ്രദേശത്ത് മദ്യവില്പന തകൃതിയാണെന്ന് സ്ത്രീകള് പരാതി പെട്ടു. പരസ്യമായ മദ്യപാനത്തിന് ചിലര് സൗകര്യം ഒരുക്കി കൊടുക്കുന്നതായും ആരോപണം ഉയര്ന്നു. പോലീസോഎക്സൈസോ ഇത്തരക്കാര്ക്കെതിരെ നടപടി എടുക്കുന്നില്ലെന്നും കുടുംബശ്രീ പ്രവര്ത്തകര് ആരോപിച്ചു.മദ്യ ലഹരിയില് വീട്ടുകാരെയും കാല് നട യാത്രക്കാരെയും അസംഭ്യം പറയുകയും കയ്യേറ്റത്തിന് മുതിര്ന്ന സംഭവങ്ങളും ഉണ്ടായതായി വീട്ടമ്മമാര് പറഞ്ഞു.
Read More“ഓപ്പറേഷന് റെയിൻബോ’..! മഴക്കാല അപകടം കുറയ്ക്കാൻ സുരക്ഷാ നിർദേശങ്ങളുമായി പോലീസ്
കോഴിക്കോട്: കാലവര്ഷം ആരംഭിക്കാന് ദിവസങ്ങള് മാത്രമവശേഷിക്കെ മഴക്കാല റോഡ് സുരക്ഷാ നിര്ദേശങ്ങളുമായി പോലീസ്. “ഓപ്പറേഷന് റെയിന്ബോ’ എന്ന പേരിലാണ് പോലീസ് പൊതുജനങ്ങള്ക്ക് നിര്ദേശവുമായെത്തിയത്. കേരളത്തില് പ്രതിദിനം നൂറോളം റോഡപകടങ്ങളിലായി 11 ഓളം പേര് നിത്യവും മരിക്കുന്നുണ്ടെന്നാണ് കണക്കുകള് . റോഡപകട മരണങ്ങള് കുറയ്ക്കുകയെന്ന ലക്ഷ്യത്തോടെയാണ് മഴക്കാലത്ത് സ്വീകരിക്കേണ്ട മുന്കരുതല് നടപടിയായി പോലീസ് പ്രത്യേകം നിര്ദേശങ്ങള് പുറപ്പെടുവിച്ചത്. വാഹനങ്ങളുടെ ബ്രേക്ക്, വൈപ്പര്, ഹെഡ്ലൈറ്റ്, ഇന്ഡിക്കേറ്റര് എന്നിവ നല്ലരീതിയില് പ്രവര്ത്തിക്കുന്നുവെന്ന് നിര്ബന്ധമായും പരിശോധിച്ച് ഉറപ്പുവരുത്തണം. ടയറുകള്ക്ക് ആവശ്യമായ ട്രെഡ് ഉണ്ടെന്ന് ഉറപ്പു വരുത്തുകയും പഴയതും തേഞ്ഞതുമായ വൈപ്പര് മാറ്റി സ്ഥാപിക്കുകയും വേണം. മലമ്പ്രദേശത്ത് ഓടുന്ന വാഹനങ്ങളില് ഫോഗ് ലാമ്പ്, പുകമഞ്ഞില് കാഴ്ച ലഭ്യമാകുന്ന ഉപകരണങ്ങള് എന്നിവ പ്രവര്ത്തിക്കുന്നുണ്ടെന്ന് ഉറപ്പാക്കിയ ശേഷം മാത്രം യാത്രു ആരംഭിക്കുക. വാഹനം ഓടിക്കുമ്പോള് സീറ്റ് ബെല്റ്റ്, ഹെല്മെറ്റ് പോലെയുളള സുരക്ഷാ സംവിധാനങ്ങള് ഉപയോഗിക്കുക. വാഹനം ഓടിയ്ക്കാന്…
Read Moreഹജ്ജ് ക്വാട്ട അരലക്ഷം; സ്വകാര്യ ഹജ്ജ് ഗ്രൂപ്പുകൾക്കു ഇത്തവണ പുതിയ പോളിസി
കൊണ്ടോട്ടി: സ്വകാര്യ ഹജ്ജ് ഗ്രൂപ്പുകൾക്കു ഈ വർഷം മുതൽ പുതിയ ഹജ്ജ് പോളിസി നടപ്പാക്കുന്നു. 2019-മുതൽ 2023 വരെ അഞ്ചു വർഷത്തേക്ക് തയാറാക്കിയ പോളിസി കഴിഞ്ഞ വർഷം നടപ്പാക്കാൻ തീരുമാനിച്ചിരുന്നുവെങ്കിലും പിന്നീട് പഴയതു തന്നെ തുടരുകയായിരുന്നു.ഈ വർഷം മുതൽ സ്വകാര്യ ഗ്രൂപ്പുകളുടെ ഹജ്ജ്് ക്വാട്ടയിൽ 10,000 സീറ്റുകളുടെ വർധനവുണ്ട്. ഹജ്ജ്് ക്വാട്ട 50,000 ആയി ഉയരും. സിവിൽ ഏവിയേഷന്റെ മാനദണ്ഡങ്ങൾ പാലിക്കുന്ന ടൂർ ഓപ്പറേറ്റർമാർക്കാണ് ഇത്തവണയും ഹജ്ജ് സീറ്റുകൾ അനുവദിക്കുന്നത്. മൂന്നു കാറ്റഗറിയായാണ് ഇത്തവണ ക്വാട്ട വിതരണം ചെയ്യുന്നത്. വണ് സ്റ്റാർ കാറ്റഗറി, ഒന്നാം കാറ്റഗറി, രണ്ടാം കാറ്റഗറി എന്നിങ്ങനെ മൂന്നായി തരം തരിച്ചിട്ടുണ്ട്. കഴിഞ്ഞ വർഷം ഏഴു വർഷവും അതിൽ കൂടുതലും ഹജ്ജ്് ലൈസൻസ് ലഭിച്ചവർ ഒന്നാം കാറ്റഗറിയായും അല്ലാത്ത ഗ്രൂപ്പുകളെ രണ്ടാം കാറ്റഗറിയായുമാണ് ക്വാട്ട വീതിച്ചിരുന്നത്. 12 വർഷം ഹജ്ജ്് -ഉംറ സർവീസ് നടത്തിയ…
Read Moreപെണ്കുട്ടിയുടെ വീട്ടിലത്തിയ യുവാവിനെ ക്രൂരമായി മർദിച്ച സംഭവം! മൂന്നു പ്രതികൾ ഒളിവിൽ; രണ്ടുപേർ അറസ്റ്റിൽ
പെരിന്തൽമണ്ണ: പെണ്കുട്ടിയുടെ വീട്ടിലെത്തി മടങ്ങുന്നതിനിടെ പെരിന്തൽമണ്ണയ്ക്കടുത്തു വലന്പൂരിൽ യുവാവിനെ ക്രൂരമായി മർദിച്ച കേസിൽ രണ്ടുപേർ അറസ്റ്റിൽ. പെണ്കുട്ടിയുടെ അയൽവാസി വലന്പൂർ കലംപറന്പിൽ ഹമീദ്(35), പെണ്കുട്ടിയുടെ ബന്ധു കലംപറന്പിൽ മുഹ്സിന(24) എന്നിവരാണ് അറസ്റ്റിലായത്. ഹമീദിനെ വലന്പൂരിൽ നിന്നും ഞായറാഴ്ച രാത്രിയും മുഹ്സിനയെ തിങ്കളാഴ്ച ഉച്ചയോടെയുമാണ് പെരിന്തമണ്ണ പോലീസ് അറസ്റ്റ് ചെയ്തത്. കേസിൽ ആകെ ഏഴ് പ്രതികളാണുള്ളത്. മുന്പു ക്രിമിനൽ കേസുകളിൽ ഉൾപ്പെട്ടിട്ടുള്ള വലന്പൂർ സ്വദേശികളായ ഇർഷാദലി, ജാസിം, ആസിഫ്, ആദിൽ എന്നിവരടക്കമുള്ളവർ ഒളിവിലാണ്. ഇവർക്കായി പോലീസ് അന്വേഷണം ഉൗർജിതമാക്കിയിട്ടുണ്ട്. പെണ്കുട്ടിയുടെ ബന്ധുകൂടിയായ ഇർഷാദലിയുടെ ഭാര്യയാണ് മുഹ്സിന. ഇവർക്ക് ഏഴുമാസം പ്രായമായ മകനുണ്ട്. ഇക്കാര്യം ചൈൽഡ് വെൽഫയർ കമ്മിറ്റി മുന്പാകെ പോലീസ് റിപ്പോർട്ട് ചെയ്തിട്ടുണ്ട്. പെണ്കുട്ടിയുടെ വീട്ടിലെത്തിയ പാതായ്ക്കര സ്വദേശി നാഷിദ് അലി(20)യെ മറ്റുള്ളവരുടെ അടുത്തെത്തിച്ചത് ഹമീദാണെന്ന് പോലീസ് പറഞ്ഞു. ഒളിവിലുള്ള ഇർഷാദലിയുടെ വീട്ടിൽ വച്ച് മർദനത്തിനു മുഹ്സിന സഹായിച്ചുവെന്നും…
Read Moreപൊട്ടിയ നീർപ്പാലത്തിലെ ചോർച്ച പിന്നെയും കൂടി; സമീപത്തെ ക്വാറിയിലെ സ്ഫോടന പ്രകമ്പനം പരിശോധിക്കണമെന്ന ആവശ്യം ശക്തമാകുന്നു
പേരാമ്പ്ര: കുറ്റ്യാടി ജലസേചന പദ്ധതിയിൽ നിന്നു വടകരക്കു വെള്ളം വിടുന്ന വലതുകര പ്രധാന കനാലിന്റെ ഭാഗമായ ചവറംമൂഴി നീർപ്പാല ത്തിലുണ്ടായ ചോർച്ച വീണ്ടും കൂടി. നീർപ്പാലത്തിൽ കഴിഞ്ഞ ദിവസം പൊട്ടലുണ്ടായ ഭാഗത്ത് ഇരുമ്പ് ഷീറ്റ് സ്ഥാപിച്ച് മണൽചാക്ക് അട്ടിയിട്ട് ചോർച്ചയും മർദ്ദവും നിയന്ത്രിക്കാൻ നടപടി സ്വീകരിച്ചിരുന്നു. ഇത് ഒരു പരിധി വരെ പ്രയോജനം നൽകിയെങ്കിലും പ്രതിരോധ സംവിധാനങ്ങൾക്കിടയിലൂടെ കൂടിയ നിലയിൽ ജലപ്രവാഹം വീണ്ടും ഉണ്ടായിരിക്കുകയാണ്. ജലത്തിന്റെ സമ്മർദ്ദം അധികരിച്ച് നീർപ്പാലം തകർന്നാൽ വലിയ ദുരന്തത്തിനിടയാക്കുമെന്നതിൽ സംശയമില്ല. പ്രധാന കനാൽ കടന്നു പോകുന്ന ഭാഗത്ത് ചവറംമൂഴി കുന്നിലെ കരിങ്കൽ ക്വാറിയിലുണ്ടാകുന്ന സ്പോടനങ്ങളുടെ ആഘാതം നീർപ്പാലത്തെ ബാധിക്കുന്നുണ്ടോയെന്ന പരിശോധന ജിയോളജി വിഭാഗം അടിയന്തിരമായി നടത്തണമെന്ന ആവശ്യമുയർന്നിട്ടുണ്ട്. മേഖലയിലെ സ്കൂൾ ബിൽഡിംഗുകളെയും പ്രകമ്പനം ബാധിക്കുന്നതായി നേരത്തെ ആരോപണമുണ്ട്. പ്രശ്നത്തിൽ ജില്ലാ കളക്ടർ ഇടപെടണമെന്ന ആവശ്യവും നാട്ടുകാർ ഉയർത്തുന്നുണ്ട്.
Read Moreഖത്തറില് ബിസിനസ് സംബന്ധമായ കേസ് ; പ്രവാസി കുടുംബത്തിന് ഭീഷണി നാട്ടിൽ ഭീഷണി; പെറു സ്വദേശിയെ തേടി പോലീസ്
മുക്കം: ഖത്തറില് ബിസിനസ് സംബന്ധമായ കേസ് പിന്വലിക്കണമെന്നാവശ്യപ്പെട്ട് പെറു സ്വദേശി ക്വട്ടേഷന് സംഘവുമായെത്തി പ്രവാസി മലയാളിയുടെ വീട്ടില് കയറി വധ ഭീഷണി മുഴക്കുകയും ഭാര്യയെയും കുഞ്ഞിനെയും തട്ടിക്കൊണ്ടുപോകാന് ശ്രമിക്കുകയും ചെയ്ത സംഭവത്തില് പോലീസ് അന്വേഷണം ഊര്ജിതമാക്കി . കോഴിക്കോടു ജില്ലയിലെ കൊടിയത്തൂരിലാണു സംഭവം. ഖത്തറില് ബിസിനസുകാരനായ കൊടിയത്തൂര് പാലക്കോട്ടുപറമ്പില് ഹസിന്റെ ഭാര്യയെ പെറു രാജ്യക്കാരനായ ഡാനി പോള് ആണ് സംഘവുമായെത്തി ഭീഷണിപ്പെടുത്തിയത്. ഖത്തറില് ബിസിനസ് സംബന്ധമായി നടക്കുന്ന കേസ് പിന്വലിക്കണമെന്നാവശ്യപ്പെട്ടായിരുന്നു ഇവര് എത്തിയതെന്നും പരാതിക്കാര് പറഞ്ഞു. ശനിയാഴ്ച രാവിലെ 11 മണിയോടെയാണ് ഡാനിയും സംഘവും വീട്ടില് വന്നത്. ഭര്ത്താവിനൊപ്പം ഖത്തറിലുണ്ടായിരുന്ന തനിക്ക് ഇയാളെ അറിയാമെന്നും ഹസിന്റെ ഭാര്യ പറഞ്ഞു. ‘ഹസിനും വാപ്പയുമെല്ലാം പുറത്തു പോയ സമയത്തായിരുന്നു സംഘം വന്നത്. രണ്ടു വയസുള്ള കുട്ടിയും താനും മാത്രമേ വീട്ടിലുണ്ടായുള്ളൂ. കൂടെയുള്ളവര് കാഴ്ചയില് മലയാളികളാണ്. സെക്യൂരിറ്റിയെന്നു തോന്നിക്കുന്നയാള് വാക്കി ടാക്കില്…
Read Moreപെണ്കുട്ടികളുടെ സുരക്ഷ ;കാര്ട്ടൂണുകള് വില്ലന്മാര്; ജാഗ്രത പുലര്ത്തണമെന്ന് പോലീസ്; അപരിചിതരുടെ ലാളനയ്ക്ക് പാത്രമാവരുത്
കോഴിക്കോട്: പിഞ്ചോമനകള് കണ്ടാസ്വദിക്കുന്ന കാര്ട്ടൂണുകളില് ലൈംഗികതയും അസഭ്യതയും കടന്നു കൂടുന്നുണ്ടെന്ന് പോലീസ്. കുട്ടികള് സ്വന്തമായി കാര്ട്ടൂണുകള്, സിനിമകള് കാണുന്നതിന് മുന്പ് അത്തരം വിഡിയോകള് രക്ഷിതാക്കള് തന്നെ പരിശോധിച്ചു (ശ്രദ്ധിച്ചു ) നല്ലതാണോ എന്നുറപ്പു വരുത്തിയ ശേഷം മാത്രമേ കുട്ടികളെ അതു കാണാന് അനുവദിക്കാവൂ എന്ന് പോലീസ് മുന്നറിയിപ്പ് നല്കി. ചെറിയ പ്രായത്തില് തന്നെ പല കുട്ടികളും കേബിള്, കമ്പ്യൂട്ടര് നെറ്റ് വര്ക്കുകള് എന്നിവ ഉപയോഗിക്കുന്നുണ്ട്. ഇത് പൂര്ണമായും തങ്ങളുടെ മേല്നോട്ടത്തിലാണെന്ന് രക്ഷിതാക്കള് തന്നെ ഉറപ്പുവരുത്തണം. പുറത്തുനിന്നും വീട്ടില് എത്തുന്ന കുട്ടികളുടെ കൂട്ടുകാരും ഈ നിയന്ത്രണം മനസിലാക്കുന്നുണ്ടെന്ന് ഉറപ്പുവരുത്തണമെന്നും പോലീസ് മുന്നറിയിപ്പു നല്കി. “പെണ്കുട്ടികളുടെ സുരക്ഷ, രക്ഷിതാക്കളുടെ അറിവിലേക്ക്’ എന്ന പേരിലാണ് സമൂഹമാധ്യമത്തില് പോലീസ് മുന്നറിയിപ്പ് നല്കിയത്. പെണ്കുട്ടികളുടെ സുരക്ഷയുമായി ബന്ധപ്പെട്ട് നിരവധി നിര്ദേശങ്ങളാണ് പോലീസ് മുന്നോട്ടുവച്ചത്. തിക്കിലും തിരക്കിലും അകപ്പെട്ടാല് ഉണ്ടാകുന്ന ഭവിഷ്യത്തുകളെ കുറിച്ച് പെണ്കുട്ടികളെ ബോധവതികളാക്കുക.…
Read Moreഒന്പതാം ക്ലാസുകാരിയെ എട്ടുപേര് ചേർന്ന് പിഡീപ്പിച്ചതായി പരാതി; സുരക്ഷ കണക്കിലെടുത്ത് കുട്ടിയെ സര്ക്കാര് സംരക്ഷണ കേന്ദ്രത്തിലേക്ക് മാറ്റി
കോഴിക്കോട്: സ്വകാര്യ സ്കൂള് വിദ്യാര്ഥിനിയെ എട്ടുപേര് പീഡിപ്പിച്ചു. കോഴിക്കോട് ചേവായൂര് പോലീസ് സ്റ്റേഷന് പരിധിയില് താമസിക്കുന്ന ഒന്പതാം ക്ലാസ് വിദ്യാര്ഥിനിയെയാണ് വിവിധ സ്ഥലങ്ങളിലായി എട്ടുപേര് പീഡിപ്പിച്ചത്. സംഭവവുമായി ബന്ധപ്പെട്ട് കോഴിക്കോട് സിറ്റിയിലേയും റൂറലിലേയും അഞ്ച് പോലീസ് സ്റ്റേഷനുകളിലേക്ക് കേസ് അന്വേഷിക്കുന്നതിനായി കൈമാറിയിട്ടുണ്ട്. ഇക്കഴിഞ്ഞ മേയ് 24 നാണ് ചേവായൂര് പോലീസ് കേസെടുത്തത്. ചൈല്ഡ് വെല്ഫെയര് അധികൃതരുടെ കൗണ്സലിംഗിനിടെയാണ് ഞെട്ടിക്കുന്ന സംഭവം പെണ്കുട്ടി വെളിപ്പെടുത്തിയത്. യുവ സുഹൃത്ത് പീഡിപ്പിച്ചെന്നായിരുന്നു ആദ്യം പറഞ്ഞത്. ഇതോടെ കുട്ടിയുടെ മാതാവ് പെണ്കുട്ടിയെ സുരക്ഷ കണക്കിലെടുത്ത് സര്ക്കാര് സംരക്ഷണ കേന്ദ്രത്തിലേക്ക് മാറ്റി. അവിടെ വച്ച് കൗണ്സലിംഗിനിടെയാണ് പെണ്കുട്ടി കാര്യങ്ങള് വെളിപ്പെടുത്തിയത്. പീഡിപ്പിച്ചവരുടെ മൊബൈലില് തന്റെ ഫോട്ടോകളുണ്ടെന്നും പോലീസിന് മൊഴി നല്കിയിട്ടുണ്ട്. വീടുകളില് കൊണ്ടുപോയാണ് പലരും പെണ്കുട്ടിയെ പീഡിപ്പിച്ചത്. കോഴിക്കോട് ബീച്ച്, കാപ്പാട് ബീച്ച്, സരോവരം, തിയറ്ററുകൾ എന്നിവിടങ്ങളിലും പെണ്കുട്ടി പോയിട്ടുണ്ടെന്നും പോലീസ് അറിയിച്ചു. പെണ്കുട്ടിയുടെ…
Read Moreപ്രണയത്തിൽ നിന്ന് പിൻമാറാൻ യുവാവ് നേരിടേണ്ടിവന്നത് ക്രൂരമർദനം; കെട്ടിതൂക്കി മൂത്രം കുടിപ്പിച്ചു, കാലിൽ പൊള്ളലേൽപ്പിച്ചു; പെരിന്തൽമണ്ണയിലെ സംഭവത്തിൽ രണ്ടുപേർ അറസ്റ്റിൽ
പെരിന്തൽമണ്ണ: പെരിന്തൽമണ്ണയിൽ പ്രണയിച്ചതിന്റെ പേരിൽ യുവാവിനെ ആക്രമിച്ച് പരിക്കേൽപ്പിച്ച സംഭവത്തിൽ രണ്ടു പേർ കസ്റ്റഡിയിൽ. ഇവർ അക്രമിസംഘത്തിൽ ഉണ്ടായിരുന്നവരാണെന്ന് പരിക്കേറ്റ യുവാവ് തിരിച്ചറിഞ്ഞു. പാതായിക്കര സ്വദേശി നാഷിദ് അലിയെയാണു ശനിയാഴ്ച പുലർച്ചെ പെരിന്തൽമണ്ണയിൽ ഒരു സംഘം ആക്രമിച്ചത്. അതേസമയം, മുഴുവൻ പ്രതികളെയും പിടികൂടണമെന്ന് നാഷിദ് അലിയുടെ കുടുംബം ആവശ്യപ്പെട്ടു. വീണ്ടും ആക്രമണം ഉണ്ടാകുമോയെന്ന് ഭയമുണ്ടെന്നും നാഷിദ് അലിയുടെ അമ്മ പറഞ്ഞു. നാഷിദിന്റെ കൈയും കാലും ഇരുന്പുവടികൊണ്ട് അടിച്ചൊടിച്ചു. ദേഹത്തു കത്തികൊണ്ടു മുറിവേൽപ്പിച്ചു. കാലിൽ അക്രമികൾ പൊള്ളലേൽപ്പിക്കുകയും ചെയ്തു. ഗുരുതരാവസ്ഥയിലായ നാഷിദ് ഇപ്പോൾ മലപ്പുറത്തെ സ്വകാര്യ ആശുപത്രിയിൽ ചികിത്സയിലാണ്. തലകീഴായി തൂക്കിയിട്ടശേഷം തന്നെ മൂത്രം കുടിപ്പിച്ചെന്നും മർദനത്തിനുശേഷം ഇവർ തന്നെയാണ് തന്റെ വീട്ടുകാരെ വിവരമറിയിച്ചതെന്നും നാഷിദ് പറയുന്നു. പ്രണയത്തിൽനിന്ന് പിന്മാറണമെന്ന് ആവശ്യപ്പെട്ടായിരുന്നു മർദനമെന്നും പെണ്കുട്ടിയുടെ വീട്ടുകാരാണ് തനിക്കെതിരെ ആക്രമണം നടത്തിയതെന്നും നാഷിദ് അലി ആരോപിച്ചു.
Read More