മഞ്ചേരി: ഹൈടെക് സാങ്കേതിക വിദ്യകളുപയോഗിച്ച് വിവിധ രീതിയിലുള്ള ഓണ്ലൈൻ തട്ടിപ്പുകൾ നടത്തിയ കേസിൽ മഞ്ചേരി പോലീസ് അറസ്റ്റ് ചെയ്ത ഏഴു പ്രതികൾക്കെതിരെയുള്ള കുറ്റപത്രം മഞ്ചേരി ചീഫ് ജുഡീഷ്യൽ മജിസ്ട്രേറ്റ് കോടതിയിൽ സമർപ്പിച്ചു. മേയ് പത്തിന് കോടതിയിൽ ഹാജരാക്കുന്ന പ്രതികൾക്കു കുറ്റപത്രം വായിച്ച് കേൾപ്പിക്കും. കാമറൂണ് സ്വദേശികളായ വെർദി ടെൻയണ്ടയോങ്ങ് (35), ഡോഹ് ക്വെൻറിൻ ന്വാൻസുവ (37), മീഷേൽ ബോണ്വി (28), കാമറൂണ് നോർത്ത് വെസ്റ്റ് റീജ്യൻ ഫിദൽ അതൂദ് ണ്ടയോങ്ങ് (37), അകുംബെ ബോമ ഞ്ചിവ (28), ലാങ്ങ്ജി കിലിയൻ കെങ്ങ് (27), നൈജീരിയൻ സ്വദേശി ഒകുബ കിംഗ്സ്ലി (30) എന്നിവർക്കെതിരെയുള്ള കുറ്റപത്രമാണ് മഞ്ചേരി പോലീസ് സമർപ്പിച്ചത്. മഞ്ചേരി സ്വദേശിയുടെ ഹോൾസെയിൽ മരുന്ന് വിപണന കേന്ദ്രത്തിലേക്കാവശ്യമായ വിലപിടിപ്പുള്ള മരുന്ന് വെബ്സൈറ്റിൽ സെർച്ച് ചെയ്തതിനെ തുടർന്നു ബന്ധപ്പെട്ട പ്രതികൾ ഇപ്രകാരം പരാതിക്കാരനിൽ നിന്നു ഒന്നേകാൽ ലക്ഷത്തോളം രൂപ തട്ടിയെടുത്ത…
Read MoreCategory: Kozhikode
വിശ്വാസികൾക്കിത് കഠിനമേറിയ റംസാൻ; കേരളത്തിൽ 14 മണിക്കൂർ ദൈർഘ്യം!
മുക്കം : പുണ്യമാസമായ റംസാനിന് ഇത്തവണ ദൈർഘ്യമേറെ. ഈ വർഷത്തെ റംസാനിലെ പകലിന് കേരളത്തിൽ 14 മണിക്കൂറാണ് ദൈർഘ്യം.നോമ്പ് ആരംഭിക്കുന്നതിന്റെ അടയാളമായി വിശ്വാസികൾ കണക്കാക്കുന്ന സുബഹ് ബാങ്ക് പുലർച്ചെ 4.46 നാണ്. അസ്തമയത്തിൽ നോമ്പ് തുറക്കുന്ന മഗ്രിബ് ബാങ്ക് സമയം വൈകുന്നേരം 6.44നുമാണ്. ഇത് പിന്നീട് റംസാൻ അവസാനത്തിലെത്തുമ്പോൾ സുബഹ് 4.39ൽ തുടങ്ങി മഗ്രിബ് 6.51 വരെയെത്തും. കടുത്ത വേനലിൽ ദൈർഘ്യമേറിയ പകലിലെ റംസാൻ ഏറെക്കാലങ്ങൾക്ക് ശേഷമാണെന്ന് പൂർവികർ പറയുന്നു. റംസാനിൽ ഏറ്റവുമധികം ദൈർഘ്യമുള്ള നോമ്പ് ഇത്തവണ ഡൻമാർക്കിലേതും സ്വീഡനിലേതുമാണ്. ഇവിടെ 21 മണിക്കൂറാണ് . ഏറ്റവും കുറവ് ലാറ്റിനമേരിക്കൻ രാജ്യമായ അർജന്റീനയിലും ഒന്പതര മണിക്കൂർ. നെതർലൻഡ്സിലും ബെൽജിയത്തിലും പതിനെട്ടര മണിക്കൂറും സ്പെയിനിലും ജർമ്മനിയിലും പതിനാറര മണിക്കൂറുമാണ് ദൈർഘ്യം.അമേരിക്ക, ഫ്രാൻസ്, ഇറ്റലി എന്നിവിടങ്ങളിൽ 16 മണിക്കൂറും ഓസ്ട്രേലിയയിൽ 10 മണിക്കൂറും ബ്രസീലിൽ 11 മണിക്കൂറുമാണ് ഈ വർഷത്തെ…
Read More‘എന്റെ മോനെ കൊന്നില്ലേ, ഇനി എത്ര ഭീഷണി ഉണ്ടായാലെന്താ’; കൊല്ലപ്പെട്ട കൃപേഷിന്റെ കുടുംബത്തിന് ഭീഷണി
കല്യോട്ട് (കാസർഗോഡ്): “എന്റെ മോൻ പോയില്ലേ… ഇനി എത്ര ഭീഷണി ഉണ്ടായാലെന്താ…’ കൊല്ലപ്പെട്ട കൃപേഷിന്റെ അച്ഛൻ പി. കൃഷ്ണൻ വിതുമ്പലടക്കാതെ പറഞ്ഞു. തിങ്കളാഴ്ച രാത്രി ഒരു സംഘം കൃഷ്ണന്റെ വീട്ടിലെത്തി വധഭീഷണി മുഴക്കിയിരുന്നു. ഇവിടെ നിന്നും സ്ഥലം വിട്ടു പൊയ്ക്കൊള്ളണമെന്നും അല്ലെങ്കിൽ ശരിപ്പെടുത്തുമെന്നുമായിരുന്നു ഭീഷണി. “അവർ കുറച്ചു പേർ ഉണ്ടായിരുന്നു. എന്തൊക്കെയോ പറയുന്നുമുണ്ടായിരുന്നു. എനിക്ക് പേടിയൊന്നുമില്ല. എന്റെ മോന്റെ ജീവനെടുത്തവരല്ലേ, അവർ എന്തു വേണമെങ്കിലും ചെയ്തോട്ടെ, മോൻ പോയതിനേക്കാൾ എന്തു വലിയ നഷ്ടമാണ് ഇനി വരാനുള്ളത് ‘ മുൻ സി പി എം പ്രവർത്തകൻ കൂടിയായ കൃഷ്ണൻ പറഞ്ഞു.
Read Moreമങ്കട പള്ളിപ്പുറത്തെ കെപിസിസി സമ്മർ ക്യാന്പിന് 79 വർഷമാകുന്നു; 1939 മെയ് എട്ട് തുടക്കമിട്ട സമ്മർ സ്കൂളിന്റെ ലക്ഷ്യം ഇങ്ങനെ…
തേഞ്ഞിപ്പലം: സ്വാതന്ത്ര്യസമരഭടൻമാരെ വാർത്തെടുക്കുന്നതിന് 1939 മെയ് എട്ട് മുതൽ ജൂണ് അഞ്ച് വരെ മലപ്പുറം ജില്ലയിലെ മങ്കട പള്ളിപ്പുറത്ത് നടന്ന കെപിസിസി സമ്മർ സ്കൂളിന് 79 വയസാകുന്നു. പി. കൃഷ്ണപിള്ള, മുഹമ്മദ് അബ്ദുറഹ്മാൻ, ഇ.എം.എസ് നന്പൂതിരിപ്പാട്, കെ. ദാമോദരൻ എന്നിവരുടെ നേതൃത്വത്തിൽ നടന്ന ക്യാന്പിൽ 79 വോളണ്ടിയർമാർക്കാണ് പരിശീലനം നൽകിയത്. ഇൻക്വിലാബ് സിന്ദാബാദ്, കോണ്ഗ്രസ് സിന്ദാബാദ് എന്നീ മുദ്രാവാക്യങ്ങൾ മുഴങ്ങിയ സമ്മർ സ്കൂളിന്റെ ലക്ഷ്യം സ്വാതന്ത്ര്യസമരം ജനകീയമാക്കുന്നതിന് ’ ഐക്യഅണി’ കെട്ടിപ്പടുക്കുകയും രാഷ്ട്രീയ വിദ്യാഭ്യാസം നേടിയ സമരസേനാനികളെ പരിശീലിപ്പിക്കുകയുമായിരുന്നു. മങ്കട പള്ളിപ്പുറത്തെ ചീരക്കുഴിയിൽ വിലങ്ങപ്പുറത്ത് വീട്ടിലാണ് ക്യാന്പ് നടന്നത്. തൃശൂർ നാഷണൽ ട്യൂട്ടോറിയൽ കോളജ് അധ്യാപകൻ ടി.ജെ ജോർജായിരുന്നു ക്യാന്പ് പ്രിൻസിപ്പൽ. എൻ.സി ശേഖർ, എസ്. സുബ്രഹ്മണ്യശർമ, ഇന്പിച്ചിബാവ എന്നിവരും ക്യാന്പിലെ അംഗങ്ങളായിരുന്നു. ക്യാന്പ് നടത്തുന്നതിനായി സെയ്തുട്ടി, സൂപ്പിഹാജി എന്നിവർ അവരുടെ വിലങ്ങപ്പുറത്ത് വീട് വിട്ടുനൽകി. വീടിനു…
Read Moreഭാര്യയെ കുത്തിക്കൊന്ന കേസിൽ ഭർത്താവ് അറസ്റ്റിൽ; സംഭവ സ്ഥലത്ത് പോലീസിന്റെ കൃത്യനിർവഹണം തടസപ്പെടുത്തിയ18 പേർക്കെതിരെ കേസ്
മാനന്തവാടി/കാട്ടിക്കുളം: തോൽപ്പെട്ടിയിൽ കൊറ്റൻകോട് ചന്ദ്രിക(38) കുത്തേറ്റുമരിച്ച കേസിൽ ഭർത്താവ് ഇരിട്ടി കിളിയന്തറ പാറക്കണ്ടിപറന്പിൽ അശോകനെ(45)തിരുനെല്ലി പോലീസ് അറസ്റ്റു ചെയ്തു. പ്രതിയെ കസ്റ്റഡിയിലെടുക്കാൻ തോൽപ്പെട്ടിയിലെത്തിയ പോലീസ് സംഘത്തിന്റെ കൃത്യനിർവഹണം തടസപ്പെടുത്തിയതിനു 18 പേർക്കെതിരെ കേസെടുത്തു. ഞായറാഴ്ച്ച രാത്രി ഒന്പതരയോടെയാണ് ചന്ദ്രികയ്ക്കു കുത്തേറ്റത്. വൈകുന്നേരം ഏഴരയോടെ ഭാര്യവീടിനടുത്തു എത്തിയ അശോകൻ തോട്ടത്തിൽ മറഞ്ഞിരിക്കുകയും ചന്ദ്രിക വീടിനു പുറത്തിറങ്ങി പാത്രങ്ങൾ കഴുകുന്നതിനിടെ കുത്തിവീഴ്ത്തുകയുമായിരുന്നു. നാട്ടുകാർ ചന്ദ്രികയെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. നാട്ടുകാരാണ് അശോകനെ പിടികൂടി വീട്ടിലാക്കി പോലീസിൽ വിവരം അറിയിച്ചത്. ഇതിനുസരിച്ചു സ്ഥലത്തെത്തിയ തിരുനെല്ലി എഎസ്ഐയെയും പോലീസുകാരനെയും നാട്ടുകാർ കുറച്ചുനേരം തടഞ്ഞുവച്ചു. സ്ഥലത്തെത്താൻ വൈകിയതിലും ചന്ദ്രിക നേരത്തേ നൽകിയ പരാതിയിൽ അശോകനെതിരെ ഗൗരവമുള്ള വകുപ്പുകൾ ചേർത്തു കേസെടുക്കാത്തതിലും പ്രതിഷേധിച്ചായിരുന്നു നാട്ടുകാരുടെ രോഷപ്രകടനം. ഇതുമായി ബന്ധപ്പെട്ടാണ് 18 പേർക്കെതിരെ കേസ്. രാത്രി വൈകി എആർ ക്യാന്പ് ഡിവൈഎസ്പിയും പുൽപ്പള്ളി സിഐയും സ്ഥലത്തെത്തിയാണ് പ്രതിയെ…
Read Moreപോസ്റ്റൽ വോട്ടിനായിഉദ്യോഗസ്ഥരെ മന്ത്രി ഭീഷണിപ്പെടുത്തുന്നതായി കോണ്ഗ്രസ്
വടകര: ഉദ്യോഗസ്ഥരുടെ തപാൽ വോട്ടുകൾക്കായി മന്ത്രി ടി.പി.രാമകൃഷ്ണൻ പലരെയും ഫോണിൽ വിളിച്ചു ഭീഷണിപ്പെടുത്തുകയാണെന്ന് കോണ്ഗ്രസ് ആരോപിചച്ചു. തെരഞ്ഞെടുപ്പ് അട്ടിമറിക്കാൻ ഉദ്യോഗസ്ഥതലത്തിൽ തുടക്കത്തിലേ ശ്രമം നടന്നതായി വടകരയിൽ ചേർന്ന ജില്ലാ കോണ്ഗ്രസ് കമ്മിറ്റി തെരഞ്ഞെടുപ്പ് അവലോകനയോഗം കുറ്റപ്പെടുത്തി. ബിഎൽഒ നിയമനം മുതൽ സർക്കാർ രാഷ്ട്രീയപരമായി ഇടപെട്ടു. കരട് വോട്ടർ പട്ടികയിൽ പെട്ടവരെ അകാരണമായി അന്തിമ പട്ടികയിൽ നിന്നും ഒഴിവാക്കി. വടകര പാർലമെന്റ് മണ്ഡലത്തിൽ തകരാറിലായ അറുപത്തി മൂന്നു ഇവിഎം മെഷീനുകളിൽ അറുപതും യൂഡിഎഫ് കേന്ദ്രങ്ങളിലാണ്. കള്ള വോട്ടു ചെയ്യാൻ പോളിങ്ങ് ഓഫീസർമാർ പലയിടത്തും കൂട്ടു നിന്നു. പ്രതികൂല സാഹചര്യത്തിലും യൂഡിഎഫ് പ്രവർത്തകർ ഉണർന്നു പ്രവർത്തിച്ചതായും ജില്ലയിലെ അഞ്ചു നിയമസഭ നിയോജക മണ്ഡലത്തിലും മുക്കാൽ ലക്ഷം വോട്ടുകളുടെ ഭൂരിപക്ഷം കെ. മുരളീധരന് ഉണ്ടാവുമെന്നും യോഗം വിലയിരുത്തി. ഡിസി സി പ്രസിഡന്റ് അഡ്വ.ടി .സിദ്ദിഖ് അധ്യക്ഷത വഹിച്ചു. കെപിസിസി സെക്രട്ടറി അഡ്വ.കെ…
Read Moreമഴക്കാല പൂര്വ ശുചീകരണം: ബോധവത്കരണവുമായി പോലീസ്
കോഴിക്കോട്: മഴക്കാല പൂര്വശുചീകരണത്തിന് ആരോഗ്യവകുപ്പിന് മുമ്പേ ഉണര്ന്ന് പോലീസ്. മണ്സൂണ് ആരംഭിക്കാന് ദിവസങ്ങള് മാത്രം അവശേിക്കേ ബോധവത്കരണവുമായാണ് പോലീസ് സജീവമായത്. ഔദ്യോഗിക ഫേസ്ബുക്ക് പേജിലൂടെ മഴക്കാല പൂര്വശുചീകരണത്തിന്റെ പ്രധാന്യം വ്യക്തമാക്കികൊണ്ടുള്ള പോലീസിന്റെ പോസ്റ്റ് ഇതിനകം മറ്റു മൂഹമാധ്യമങ്ങളും ഏറ്റെടുത്തു. മഴയെ തുടര്ന്നുള്ള വെള്ളക്കെട്ടും സാംക്രമിക രോഗങ്ങളും മുന്നില്കണ്ട് കൊണ്ടാണ് ശുചീകരണ പ്രവര്ത്തനങ്ങള്ക്കായി പോലീസും മുന്നിട്ടിറങ്ങിയത്. റസിഡന്റ് അസോസിയേഷനുകള്, ക്ലബുകള്, മറ്റ് സന്നദ്ധ സംഘടനകള് എന്നിവയുടെ പങ്കാളിത്തത്തോടെ ബോധവല്ക്കരണം നടത്തി ശുചിത്വ പ്രവര്ത്തനങ്ങള് ഏകോപിപ്പിക്കാമെന്നാണ് പോസ്റ്റില് പറയുന്നത്. ചന്തകള് , വ്യാപാര കേന്ദ്രങ്ങള് , സര്ക്കാര്, സ്വകാര്യ സ്ഥാപനങ്ങള്, കല്യാണമണ്ഡപങ്ങള്, കശാപ്പ് ശാലകള് , കവലകള് തുടങ്ങിയ ഇടങ്ങള് കേന്ദ്രീകരിച്ച് മാലിന്യം കൂടിക്കിടക്കുന്ന സ്ഥലങ്ങള് കണ്ടെത്തി അവയെ നിര്മ്മാര്ജ്ജനം ചെയ്യാം. പ്ലാസ്റ്റിക്, ചില്ല്, അജൈവ മാലിന്യങ്ങള് ശേഖരിക്കുകയും യഥാവിധി സംസ്കരിക്കുകയും ചെയ്യുക. അഴുക്കുചാലുകളില് കുമിഞ്ഞുകിട കിടക്കുന്ന മാലിന്യങ്ങള് നീക്കം…
Read Moreവിനാശകാരിയായ മയക്കുമരുന്നുമായി കോഴിക്കോട്ട് കാരൻ പിടിയിൽ; കേസെടുക്കാ തിരുന്നാൽ 3 മണിക്കൂറിനുള്ളിൽ 20 ലക്ഷം നൽകാം; കേസ് എടുത്താലും തനിക്ക് ഒന്നും സംഭവിക്കില്ല, പിന്നിൽ വൻശക്തികൾ; പ്രതിയുടെ വാക്കുകേട്ട് ഞെട്ടി പോലീസും
കൊച്ചി: നിശാപാർട്ടികൾക്കായി എത്തിച്ച ലോകത്തിലെ ഏറ്റവും വിലപിടിപ്പുള്ളതും വിനാശകാരിയുമായ മയക്കുമരുന്നു മാക്സ് ജെല്ലി എക്സ്റ്റസി എന്നറിയപ്പെടുന്ന ടോപ് വേരിയന്റ് മെഥിലിൻ ഡയോക്സി മെറ്റാ ആംഫിറ്റമിനുമായി പിടിയിലായ യുവാവിന്റെ മൊഴികേട്ട് ഞെട്ടി എക്സൈസ് ഉദ്യോഗസ്ഥർ.ന്യൂജെൻ തലമുറയ്ക്ക് ഇപ്പോൾ പ്രിയം എൽഎസ്ഡി മുതൽ മുകളിലേക്കുള്ള സിന്തറ്റിക് ഡ്രഗുകളാണെന്നും കഞ്ചാവുപോലെയുള്ള കണ്ട്രി ഡ്രഗുകൾക്ക് ഇപ്പോൾ യുവാക്കൾക്കിടയിൽ ഡിമാന്റ് കുറവാണെന്നുമാണു പ്രതി വ്യക്തമാക്കിയതെന്ന് ഉദ്യോഗസ്ഥർ പറയുന്നു. കണ്ട്രി ഫെലോസ് മാത്രമാണ് ഇപ്പോൾ കഞ്ചാവു പോലെയുള്ള നിലവാരം കുറഞ്ഞ മയക്കുമരുന്നുകൾ വിൽക്കാൻ നിൽക്കുന്നത്. താൻ വർഷങ്ങളായി ഇത്തരം സിന്തറ്റിക് ഡ്രഗ്സ് മാത്രമേ ഉപയോഗിക്കാറുള്ളൂവെന്നും കേസ് എടുക്കാതിരുന്നാൽ മൂന്ന് മണിക്കൂറിനുള്ളിൽ 20 ലക്ഷം രൂപ വരെ നൽകാമെന്നും താൻ പറയുന്നത് കേൾക്കാതെ കേസ് എടുത്താലും തനിക്ക് ഒന്നും സംഭവിക്കില്ലെന്നും വൻശക്തികൾ പുറകിൽ ഉള്ളതിനാൽ നിസാരമായി ഉൗരിപോകും എന്നുമായിരുന്നു പ്രതിയുടെ ഭാഷ്യം. ഏറെക്കാലം വിദേശ രാജ്യങ്ങളിൽ ജോലി…
Read Moreനോമ്പ് തുടങ്ങി; ഫ്രൂട്ട്സ് വിപണി ഉണർന്നു; പഴങ്ങളിൽ താരമായി മാമ്പഴം
ചങ്ങരംകുളം: ചുട്ടുപൊള്ളുന്ന ചൂടിൽ റംസാൻ മാസം തുടങ്ങിയതോടെ ജില്ലയിൽ ഫ്രൂട്ട്സ് വിപണിയും ഉണർന്നു. കഴിഞ്ഞ സീസണിൽ കനത്ത മഴയിൽ മുങ്ങിപ്പോയ റംസാൻ വിപണിയാണ് ഇത്തവണ കച്ചവടക്കാർ തിരിച്ച് പിടിക്കാൻ ഒരുങ്ങുന്നത്. സീസണ് തുടങ്ങിയതോടെ പാതയോരങ്ങൾ കേന്ദ്രീകരിച്ചും ഫ്രൂട്ട്സ് കച്ചവടങ്ങൾ സജീവമായി തുടങ്ങിയിട്ടുണ്ട്. മാന്പഴങ്ങൾ തന്നെയാണ് ഇത്തവണയും വിപണിയിൽ പ്രധാന ഐറ്റം. 30 രൂപ മുതൽ 120 രൂപ വരെ വില വരുന്ന നിരവധി ഐറ്റം മാന്പഴങ്ങാണ് വിപണനത്തിനായി എത്തിയിരിക്കുന്നത്. വിവിധ തരം ഈത്തപ്പഴങ്ങളും വിപണിയിൽ വിപണിയിൽ സ്ഥാനം പിടിച്ച് കഴിഞ്ഞു. ഫ്രൂട്ട്സ് വിലയിലും ഇത്തവണ വലിയ മാറ്റം ഉണ്ടെന്ന് കച്ചവടക്കാർ പറയുന്നു. കഴിഞ്ഞ ആഴ്ചയിൽ 20 രൂപ വരെയെത്തിയ നേന്ത്രപ്പഴവും ചെറുപഴവും വില 40 മുതൽ 50 വരെ ആയത് രണ്ട് ദിവസം കൊണ്ടാണ്.വിഐപി ഇനങ്ങളായ പിയർ, മധുരപ്പുളികൾ, കിവി, സ്റ്റോബറി, ബട്ടർ, വിവിധ രാജ്യങ്ങളിൽ നിന്നെത്തുന്ന…
Read Moreയുവതി കുത്തേറ്റ് മരിച്ചു; പോലീസിനെതിരെ പ്രതിഷേധവുമായി നാട്ടുകാർ
കൽപ്പറ്റ: തിരുനെല്ലി പോലീസ് സ്റ്റേഷൻ പരിധിയിലെ തോൽപ്പെട്ടി ചെക്ക് പോസ്റ്റിന് സമീപം ഭർതൃമതിയായ യുവതി കുത്തേറ്റ് മരിച്ചു. കൊറ്റൻ കോട് ചന്ദ്രിക (38) ആണ് മരിച്ചത്. നെഞ്ചിനേറ്റ ആഴത്തിലുള്ള മുറിവുമായി രാത്രി പത്തരയോടെ ചന്ദ്രികയെ ജില്ലാശുപത്രിയിലെത്തിച്ചെങ്കിലും യാത്രാ മധ്യേ മരിക്കുകയായിരുന്നു. കുടുംബ വഴക്കിനെത്തുടർന്ന് ഭർത്താവായ ഇരിട്ടി സ്വദേശി അശോകൻ ചന്ദ്രികയെ കുത്തിക്കൊലപ്പെടുത്തിയതാണെന്നാണ് കരുതുന്നത്. അശോകനെ നാട്ടുകാർ തടഞ്ഞുവെച്ച് പോലീസിൽ ഏൽപ്പിക്കുകയായിരുന്നു. എസ്ഐ സ്ഥലത്തെത്താൻ വൈകിയെന്നാരോപിച്ച് നാട്ടുകാർ പോലീസിനെതിരെ പ്രതിഷേധവുമായി രംഗത്ത് വന്നു. ഇന്നലെ രാത്രി രാത്രി 9.15 ഓടെയായിരുന്നു സംഭവം. ഭക്ഷണം കഴിച്ച് കൈ കഴുകാനായി വീടിന് പുറത്തിറങ്ങിയ ചന്ദ്രികയെ ഒളിഞ്ഞിരുന്ന അശോകൻ കുത്തുകയായിരുന്നെന്ന് പ്രദേശവാസികൾ പറഞ്ഞു. ചന്ദ്രികയെ മാനന്തവാടിയിലെ ജില്ലാ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അശോകനും ചന്ദ്രികയും ഏറെക്കാലമായി അകന്ന് താമസിക്കുകയാണ്. ഇടയ്ക്കിടെ അശോകൻ വീട്ടിലെത്തി പ്രശ്നങ്ങൾ ഉണ്ടാക്കാറുണ്ടായിരുന്നു. മാസങ്ങൾക്ക് മുന്പ് കുടുംബവഴക്കിന്റെ പേരിൽ തിരുനെല്ലി…
Read More