പയ്യോളി: ഹര്ത്താലിനിടെ പോലീസ് ജീപ്പിന് കല്ലെറിഞ്ഞ കേസിലെ പ്രതി പിടിയില് . തിക്കോടി ശങ്കരനിലയം ധനീഷ് (32) ആണ് പിടിയിലായത്. ഇയാള് ബി ജെ പി പ്രവര്ത്തകനാണെന്ന് പോലീസ് പറഞ്ഞു. ശബരിമലയില് യുവതികള് പ്രവേശിച്ചതില് പ്രതിഷേധിച്ച് ശബരിമല സംരക്ഷണ സമിതി ആഹ്വാനം ചെയ്ത ഹര്ത്താലിനിടെ തിക്കോടി പാലൂരിലാണ് പയ്യോളി എസ്ഐ എ.കെ. സജീഷ് സഞ്ചരിച്ച പോലീസ് ജീപ്പിന് നേരെ കല്ലേറ് ഉണ്ടായത്. പോലീസ് ജീപ്പ് ഡ്രൈവര് വടകര മാക്കൂല്പീടിക സ്വദേശി പി.പി. ഷനൂജിന് ചില്ല് തകര്ന്ന് കൈക്കും മുഖത്തും പരിക്കേറ്റിരുന്നു. ഡിസംബര് മൂന്നിന് രാവിലെ ദേശീയപാതയില് പട്രോളിംഗ് നടത്തുകയായിരുന്ന എസ്ഐയും സംഘവും പയ്യോളി ഭാഗത്തേക്ക് വരുന്നതിനിടയില് കൊയിലാണ്ടി ഭാഗത്തേക്ക് ബൈക്കില് പോവുകയായിരുന്ന ഹര്ത്താല് അനുകൂലികളാണ് കല്ലെറിഞ്ഞത്. ബൈക്കില് പുറകില് ഇരിക്കുകയായിരുന്ന ആള് പെട്ടെന്ന് പോലീസ് ജീപ്പിന് നേരെ എറിയുകയായിരുന്നു. സംഭവം ശ്രദ്ധയില്പ്പെട്ട ഉടനെ ജീപ്പ് വെട്ടിച്ചതിനാല് എസ്ഐ…
Read MoreCategory: Kozhikode
സ്വീകരിക്കാന് വിദ്യാര്ഥികള് പൊരിവെയിലില് കാത്തുനിന്നു; മന്ത്രി ശകാരിച്ചു, ഇത് ഒഴിവാക്കാന് സര്ക്കുലര് ഇറക്കണോ..?
മുക്കം: സൗത്ത് കൊടിയത്തൂര് എയുപി സ്കൂള് വജ്ര ജൂബിലി ആഘോഷങ്ങളുടെ ഉദ്ഘാടനത്തിനായി എത്തിയ മന്ത്രി സി. രവീന്ദ്രനാഥിനെ സ്വീകരിക്കാനായി വിദ്യാര്ഥികളെ റോഡില് ഇറക്കി നിര്ത്തിയ സ്കൂള് അധികൃതര്ക്ക് മന്ത്രിയുടെ ശകാരം. നൂറോളം വിദ്യാര്ഥികളാണ് മന്ത്രിയെ സ്വീകരിക്കാനായി സ്കൂളിന് തൊട്ടു മുന്നില് റോഡില് വരിയായി നിന്നിരുന്നത്. ഇത് കണ്ട മന്ത്രി വളരെ കര്ക്കശമായി തന്നെ സ്കൂള് അധികൃതരെ തന്റെ അസംതൃപ്തി അറിയിക്കുകയായിരുന്നു. ഇനി ഇത്തരം നടപടികള് ഒഴിവാക്കാന് പ്രത്യേക സര്ക്കുലര് ഇറക്കണമോയെന്നും മന്ത്രി ചോദിച്ചു. സ്റ്റേജിലെത്തിയ ശേഷവും ഇതിനെതിരെ ശക്തമായ ഭാഷയില് മന്ത്രി താക്കീത് ചെയ്യുകയും ചെയ്തു. വിദ്യാര്ഥികളെ അസംബ്ലിക്കോ മറ്റ് കാര്യങ്ങള്ക്കോ ഒരിക്കലും റോഡില് നിര്ത്തരുതെന്ന് നേരത്തെ തന്നെ വിദ്യാഭ്യാസ വകുപ്പ് നിര്ദ്ദേശം നല്കിയിരുന്നതാണ്. എന്നാല് ഇത് പാലിക്കാന് പല സ്കൂള് അധികൃതരും തയ്യാറാവാറില്ല.
Read Moreഫണ്ട് പ്രശ്നമേയല്ല..! ബിജെപി ചാടിക്കയറി സ്ഥാനാര്ഥികളെ പ്രഖ്യാപിക്കില്ല; ജയസാധ്യതയുള്ള പത്ത്മണ്ഡലങ്ങളില് സ്ഥാനാര്ഥിയാക്കേണ്ട മൂന്നുപേരുടെ വീതം പട്ടിക തയാറാക്കി ആര്എസ്എസ്
സ്വന്തം ലേഖകന് കോഴിക്കോട്: സംസ്ഥാനത്ത് ലോക്സഭ തെരഞ്ഞെടുപ്പില് പത്ത് മണ്ഡലങ്ങളിലെങ്കിലും ശക്തമായ ത്രകോണ മത്സരം കാഴ്ചവയ്ക്കാനാകുമെന്ന പ്രതീക്ഷയില് ബിജെപി. ഈ മണ്ഡലങ്ങളിലെ സ്ഥാനാര്ഥികളെ ഇരുമുന്നണികളുടെയും മനസറിഞ്ഞശേഷം തീരുമാനിക്കാനാണ് സാധ്യത. നിലവില് ജയസാധ്യതയുള്ളതായി ബിജെപി കാണുന്ന പത്ത്മണ്ഡലങ്ങളില് സ്ഥാനാര്ഥിയാക്കേണ്ട മൂന്നുപേരുടെ വീതം പട്ടിക ആര്എസ്എസ് തയാറാക്കിയിട്ടുണ്ട്. എറ്റവും അവസാനംവരെ കാത്തിരുന്ന് രാഷ്ട്രീയ സാഹചര്യങ്ങള് മനസിലാക്കി സ്ഥാനാര്ഥിയെ പ്രഖ്യാപിക്കാനാണ് തീരുമാനം. ആദ്യം സ്ഥാനാര്ഥിയെ പ്രഖ്യാപിക്കേണ്ട എന്ന തീരുമാനത്തിലാണ് നേതൃത്വം. എല്ഡിഎഫ്-യുഡിഎഫ് സ്ഥാനാര്ഥികള് ആരെന്നുകൂടി പരിഗണിച്ചശേഷം എറ്റവും മികച്ച സ്ഥാനാര്ഥിയെ നിര്ത്തിയാല് മതിയെന്നാണ് ബിജെപിയുടെ സ്ഥാനാര്ഥി നിര്ണയത്തില് ശക്തമായ സ്വാധീനം ചെലുത്തികൊണ്ടിരിക്കുന്ന ആര്എസ്എസിന്റെ തീരുമാനം. ഈ തീരുമാനത്തോട് നിലവില് ബിജെപിക്ക് എതിര്പ്പില്ലതാനും. എന്എസ്എസ് ഉള്പ്പെടെയുള്ള സമുദായസംഘടനകളുടെ പിന്തുണ നേടിയെടുക്കാന് ഈ നീക്കത്തിലൂടെ കഴിയുമെന്നും അവര് വിശ്വസിക്കുന്നു. അതിനിടെ പാര്ലമെന്റ് തെരഞ്ഞെടുപ്പില് കേരളത്തില് സീറ്റുകള് നേടുന്നതിന് ശക്തമായ പ്രചരണത്തിനായി എത്ര തുക വേണമെങ്കിലും…
Read Moreവയനാട് സീറ്റിൽ മലബാറിനു പുറത്തുനിന്നും സ്ഥാനാര്ഥി വേണ്ട; അരയും തലയും മുറുക്കി കോഴിക്കോട് ഡിസിസി നേതൃത്വം
കോഴിക്കോട്: വയനാട് ലോകസഭാമണ്ഡലത്തില് പുറത്തുനിന്നും സ്ഥാനാര്ഥിയെ കെട്ടിയിറക്കുന്നതുമായി ബന്ധപ്പെട്ട് കോണ്ഗ്രസ് ജില്ലാ നേതൃത്വത്തിന് കടുത്ത അതൃപ്തി. ഇന്നും നാളെയുമായി കെപിസിസി പ്രസിഡന്റ് മുല്ലപ്പള്ളിരാമചന്ദ്രന് നയിക്കുന്ന ജനമഹായാത്രയുമായി ബന്ധപ്പെട്ട് സംസ്ഥാന നേതാക്കളെല്ലാം കോഴിക്കോട്ടുണ്ട്. നാളെയാണ് ജാഥയ്ക്ക് ജില്ലയിലെ പ്രധാന സ്വീകരണം മുതലക്കുളത്ത് നടക്കുന്നത്. വയനാട് സീറ്റുമായി ബന്ധപ്പെട്ട പ്രാഥമിക ചര്ച്ചകള് നേതാക്കളുമായി നടത്തുമെന്നാണ് അറിയുന്നത്. വയനാട് മണ്ഡലത്തില് പുറത്തുനിന്നുള്ള സ്ഥാനാര്ഥികളെ മല്സരത്തിനായി ഇറക്കുന്നതിനെതിരേ ഇതിനകം യൂത്ത് കോണ്ഗ്രസ് അടക്കമുള്ളവര് രംഗത്തെത്തികഴിഞ്ഞു. ഇന്നലെ നടത്തിയ വാര്ത്താസമ്മേളനത്തില് ഡിസിസി പ്രസിഡന്റ് ടി.സിദ്ദീഖ് ഇക്കാര്യം സൂചിപ്പിക്കുകയും ചെയ്തു. നിലവില് ഷാനിമോള് ഉസ്മാനാണ് കെപിസിസിയുടെ മനസ്സില് ഉള്ളതെന്ന സൂചനയാണുള്ളത്. എന്നാല് അവസാനനിമിഷം മലബാറിന് പുറത്തുനിന്നും മറ്റൊരുസ്ഥാനാര്ഥിയെത്തിയേക്കാവുന്ന സാഹചര്യം മുളയിലേ നുള്ളാനാണ് കോഴിക്കോട് ജില്ലാ നേതൃത്വ തീരുമാനിച്ചിരിക്കുന്നത്. വയനാട് മണ്ഡലമാണെങ്കിലും കോഴിക്കോട് ഡിസിസിയുടെ ഇടപെടലുകള് അത്ര എളുപ്പം നേതൃത്വത്തിന് തള്ളാനാകില്ല. മുന്മുഖ്യമന്ത്രി ഉമ്മന്ചാണ്ടിയുടെ വലം കൈകൂടിയായ…
Read Moreശുചി മുറിയില് പ്രാഥമിക കര്മം നിര്വഹിക്കാനെത്തിയ വൃദ്ധനെ പൂട്ടിയിട്ട് ജീവനക്കാരന് മുങ്ങി; വടകര ബസ് സ്റ്റാന്റിൽ സംഭവിച്ചത്…
വടകര: പഴയ ബസ് സ്റ്റാന്ഡിലെ ശുചി മുറിയില് പ്രാഥമിക കര്മം നിര്വഹിക്കാനെത്തിയ വൃദ്ധനെ നഗരസഭാ ജീവനക്കാരന് പൂട്ടിയിട്ട് മുങ്ങി. ചേരാപുരം സ്വദേശി പൂക്കോയ തങ്ങളാണ് രണ്ടു മണിക്കൂറോളം ശുചിമുറിയില് കുടുങ്ങിയത്. പണം നല്കി പ്രാഥമിക കര്മം നിര്വ്വഹിക്കാന് ശുചി മുറിയില് കയറിയ ആള് പുറത്തിറങ്ങും മുന്പ് ശുചിമുറിയുടെ ചുമതലയുള്ള നഗരസഭാ കണ്ടിജന്സി ജീവനക്കാരന് പുറത്തു നിന്നും ഗ്രില്സ് പൂട്ടി സ്ഥലം വിടുകയായിരുന്നു. ശുചി മുറിയില് കുടുങ്ങിയ വൃദ്ധന് പുറത്തു കൂടി പോകുകയായിരുന്നവരെ കാര്യം ധരിപ്പിച്ചെങ്കിലും രണ്ടു മണിക്കൂര് കഴിഞ്ഞ ശേഷമാണ് നഗരസഭാ ജെഎച്ച്ഐ രാജേഷ് സ്ഥലത്തെത്തി ഗ്രില്സിന്റെ പൂട്ട് തകര്ത്ത് വൃദ്ധനെ പുറത്തിറക്കിയത്. സ്ഥലത്ത് തടിച്ചു കൂടിയ ജനങ്ങള് ഉദ്യോഗസ്ഥന് നേരെ കയര്ത്തെങ്കിലും ഇദ്ദേഹം കൈ മലര്ത്തുകയായിരുന്നു. സംഭവത്തില് ജീവനക്കാരന് കൃത്യ വിലോപം കാണിച്ചതായും ഇതു സംബന്ധിച്ച് നഗരസഭാ സെക്രട്ടറിക്ക് റിപ്പോര്ട്ട് നല്കുമെന്നും ജെഎച്ച്ഐ പറഞ്ഞു.
Read Moreശബരിമലയിലെ ആചാരാനുഷ്ഠാനങ്ങൾ സംരക്ഷിക്കപ്പെടണമെന്ന് സംവിധായകൻ അലി അക്ബർ
കരുവാരകുണ്ട്: ശബരിമലയിലെ ആചാരാനുഷ്ടാനങ്ങൾക്കു കോട്ടം തട്ടുന്ന നടപടിയിൽ നിന്നു സംസ്ഥാന സർക്കാർ പിന്തിരിയണമെന്ന് ബിജെപി സംസ്ഥാന സമതി അംഗവും സിനിമാ സംവിധായകനുമായ അലി അക്ബർ. ബിജെപി കരുവാരകുണ്ട് പഞ്ചായത്ത് കമ്മിറ്റി സംഘടിപ്പിച്ച രാഷ്ട്രീയ വിശദീകരണ പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. യോഗത്തിൽ പഞ്ചായത്ത് കമ്മിറ്റി പ്രസിഡന്റ് ടി.വിജയൻ അധ്യക്ഷത വഹിച്ചു. യുവമോർച്ച സംസ്ഥാന സമിതിയഗം സുധി ഉപ്പട മുഖ്യപ്രഭാഷണം നടത്തി. കരുവാരകുണ്ട് പഞ്ചായത്തിൽ വിവിധ രാഷ്ട്രീയ പാർട്ടിയിൽ നിന്നു രാജിവച്ച് ബിജെപിയിൽ അഗത്വം സ്വീകരിച്ച പ്രവർത്തകർക്ക് സ്വീകരണവും നൽകി. വി.പ്രസാദ്, കർഷകമോർച്ച സംസ്ഥാന സമിതി അംഗം പണിക്കർ മാസ്റ്റർ, സുനിൽ കോട്ടയിൽ, പി. അനിൽ പ്രസാദ്, എം.വാസു, വി.പി ഉണ്ണികൃഷ്ണൻ, ഷിജു കരുവാരകുണ്ട് എ.ദിനൂപ് അജിത്ത് കൽകുണ്ട്, കെ.രാധകൃഷ്ണൻ, എ.ദിനൂപ് എന്നിവർ പ്രസംഗിച്ചു.
Read Moreമുസ്ലിംലീഗ് നേതാക്കളെ എസ്എഫ്ഐ പ്രവര്ത്തകർ മര്ദിച്ചതായി പരാതി
കൊയിലാണ്ടി: ചന്ദ്രിക ദിനപത്രം കാമ്പയി ന്റെ ഭാഗമായി കൊയിലാണ്ടി മുചുകുന്ന് സയ്യിദ് അബ്ദുറഹിമാന് ബാഫഖി തങ്ങള് മെമ്മോറിയല് ഗവ: കോളജിലെത്തിയ മുസ്ലിംലീഗ്, യൂത്ത് ലീഗ്,എംഎസ്എഫ് നേതാക്കളെ എസ്എഫ്ഐ പ്രവര്ത്തകര് മര്ദിച്ചതായി ആക്ഷേപം. ചന്ദ്രിക ദിനപത്രം കോളജില് ഇടാന് അനുവാദം തരണമെന്നാവശ്യപ്പെട്ട് പ്രിന്സിപ്പലുമായി ചര്ച്ച നടത്താനാണ് നേതാക്കള് കോളജില് എത്തിയത്. ഇവിടുത്തെ യൂണിയനും പിടിഎയും കൗണ്സില് ചേര്ന്ന് സമ്മതം എടുത്താലെ ഇവിടെ ചന്ദ്രിക പത്രം ഇടാന് പാടുള്ളു എന്ന് പറഞ്ഞ് അധികൃതര് ഇവരെ തിരിച്ചയക്കുകയായിരുന്നു. ഇതിനിടെ ചര്ച്ച നടത്തി പുറത്തേക്ക് വരുമ്പോഴാണ് അധ്യാപകരുടെയും വിദ്യാര്ത്ഥികളുടെ മുന്നില്വച്ച് എസ്എഫ്ഐ യൂണിയന് നേതാക്കള് ജില്ലാനേതാക്കളെയും പ്രാദേശിക ലീഗ് നേതാക്കളെയും കൈയ്യേറ്റം ചെയ്തതെന്ന് നേതാക്കള് അറിയിച്ചു.
Read Moreനികുതിവെട്ടിച്ച് കടത്തിയ സ്വര്ണാഭരണങ്ങൾ സെന്ട്രല് ജിഎസ്ടി സര്ക്കാറിന് കൈമാറും
കോഴിക്കോട്: മുംബൈയില് നിന്നും നികുതിവെട്ടിച്ച് കൊണ്ടുവന്ന സ്വര്ണാഭരണങ്ങള് സെന്ട്രല് ജിഎസ്ടി ഇന്റലിജന്സ് സര്ക്കാറിലേക്ക് കണ്ടുകെട്ടും. ഉടമസ്ഥന് ജിഎസ്ടി വിഭാഗം മുമ്പാകെ ഹാജരാകാത്ത സാഹചര്യത്തിലാണ് പിടികൂടിയ 5.720 കിലോഗ്രാം സ്വര്ണം സര്ക്കാറിലേക്ക് കൈമാറാന് തീരുമാനിച്ചത്. ജിഎസ്ടി ഇന്റലിജന്സ് വിഭാഗം നോട്ടീസ് അയച്ച് രണ്ടാഴ്ചക്കുള്ളില് നികുതിയും നിശ്ചിത തുക പിഴയും ഈടാക്കണമെന്നാണ് വ്യവസ്ഥ. എന്നാല് ഉടമസ്ഥരുടെ ഭാഗത്തു നിന്നും വേണ്ടത്ര ഇടപെടല് ഉണ്ടായിട്ടില്ല. ഇത്രയും തുക പിഴയായി ഇടാക്കാന് ഉടമസ്ഥര് എത്തില്ലെന്നാണ് സെന്ട്രല് ജിഎസ്ടിയും കരുതുന്നത്.ഒരു കോടി എണ്പത് ലക്ഷം രൂപ വിലവരുന്ന സ്വര്ണമാണ് പിടികൂടിയത്. ഇതിന്റെ നികുതിയും വിലയുടെ രണ്ടു ശതമാനം പിഴയുമാണ് ഉടമസ്ഥര് അടയ്ക്കേണ്ടത്. അല്ലാത്ത പക്ഷം സ്വര്ണം കൊണ്ടുവന്ന ആള്ക്കും പിഴയും നികുതിയും അടച്ച് സ്വര്ണം സ്വന്തമാക്കാം. നികുതിയും സ്വര്ണത്തിന്റെ വിലയുടെ 50 ശതമാനവുമാണ് അടയ്ക്കേണ്ടത്. എന്നാല് ഇവര് ഇത് അടയ്ക്കുവാന് തയാറാല്ലെന്നാണ് ജിഎസ്ടി വിഭാഗത്തിന്…
Read Moreവയനാട് ലോക്സഭ സീറ്റ്; അവകാശ വാദവുമായി യൂത്ത് കോൺഗ്രസ്; നേതൃയോഗത്തിൽ പ്രമേയം
മുക്കം: കോൺഗ്രസിന്റെ സിറ്റിംഗ് സീറ്റായ വയനാട് ലോക്സഭ മണ്ഡലത്തിൽ സ്ഥാനാർഥി ചർച്ചകൾ സജീവമായി. ഇന്നലെ മുക്കത്ത് നടന്ന വയനാട് പാർലമെന്റ് മണ്ഡലം നേതൃയോഗത്തിൽ സീറ്റിന് അവകാശ വാദവുമായി യൂത്ത് കോൺഗ്രസ് കൂടി രംഗത്തെത്തിയതോടെ ചർച്ചകൾക്ക് ചൂടുപിടിച്ചിരിക്കുകയാണ്. മണ്ഡലം വയനാട് വിട്ടുനൽകണമെന്ന് ആവശ്യപ്പെട്ട് നേതൃയോഗത്തിൽ പ്രമേയവും പാസാക്കിയിട്ടുണ്ട്. കേന്ദ്ര നേതാക്കൾ അടക്കം പങ്കെടുത്ത യോഗത്തിലാണ് പ്രമേയം പാസാക്കിയത്. കെട്ടിയിറക്കുന്ന സ്ഥാനാർഥികളെ അംഗീകരിക്കില്ലെന്നും മണ്ഡലത്തിൽ നിന്നുള്ള ഒരാളെ സ്ഥാനാർഥിയാക്കണമെന്നും നേതൃയോഗം ആവശ്യപ്പെട്ടിട്ടുണ്ട്. വയനാട് സീറ്റിനായി എം.എം ഹസൻ, ഷാനിമോൾ ഉസ്മാൻ, ഡിസിസി പ്രസിഡന്റ് ടി. സിദ്ദീഖ്, എം.ഐ. ഷാനവാസിന്റെ മകൾ തുടങ്ങിയവരുടെ പേരുകൾ പരിഗണിക്കുമ്പോഴാണ് യൂത്ത് കോൺഗ്രസിന്റെ പ്രമേയമെന്നതും ശ്രദ്ധേയമാണ്. എന്നാൽ ഇത്തവണ മണ്ഡലത്തിലെ വോട്ടർ ആയ ഒരു എംപി വേണമെന്നാണ് പൊതുവികാരം. വയനാട്ടുകാർ മണ്ഡലത്തിൽ നിന്നൊരു സ്ഥാനാർഥിക്കായി കാത്തിരിക്കാൻ തുടങ്ങിയിട്ട് വർഷങ്ങളായി. ചാലിയാറും ഇരുവഴിഞ്ഞി പുഴയും പശ്ചിമഘട്ട മലനിരകളും…
Read Moreവേഷം മാറി കമ്മീഷണറെത്തി… കണ്ടത് കണ്ട്രോളില്ലാത്ത കണ്ട്രോള് റൂം; കോഴിക്കോട് നടന്ന സംഭവം ഇങ്ങനെ…
കോഴിക്കോട് : പോലീസിന്റെ “ദ്രുതകര്മ’ വിഭാഗമായ കണ്ട്രോള് റൂമിന്റെ കാര്യക്ഷമത നേരിട്ട് മനസിലാക്കാനും ഉദ്യോഗസ്ഥരുടെ പ്രവര്ത്തനം വിലയിരുത്താനുമായി കമ്മീഷണറുടെ മിന്നല് പരിശോധന. ഇന്നലെ രാവിലെ 6.30 ഓടെയാണ് മുന്കൂട്ടി അറിയിപ്പും അകമ്പടിയുമില്ലാതെ ട്രാക്ക്സ്യൂട്ടും ടീഷേര്ട്ടും ധരിച്ചും സിറ്റി പോലീസ് കമ്മീഷണര് കോറി സഞ്ജയ്കുമാര് ഗുരുഡിന് കണ്ട്രോള് റൂമില് എത്തിയത്. എന്നാല് കമ്മീഷണറെ തിരിച്ചറിയാന് എസ്ഐക്കോ മറ്റു സേനാംഗങ്ങള്ക്കോ കഴിഞ്ഞിരുന്നില്ല. ഓഫിസ് പ്രവര്ത്തനം കാര്യക്ഷമമല്ലെന്നാണ് പരിശോധനയില് വ്യക്തമായത് . രാത്രി പട്രോളിങിനുള്ള വാഹനങ്ങളുടെ വിന്യാസവും പരിശോധിച്ചു. 10 കണ്ട്രോള് റൂം വാഹനങ്ങളില് നഗരത്തിന്റെ വിവിധ ഭാഗങ്ങളിലായുള്ള അഞ്ച് വാഹനങ്ങളില് നിന്നും വയര്ലെസ് സന്ദേശത്തിന് മറുപടി ലഭിച്ചിട്ടില്ല. ഇക്കാരണത്താല് 15 പോലീസുദ്യോഗസ്ഥര്ക്കെതിരേ കമ്മീഷണര് നടപടി സ്വീകരിക്കുകയും ചെയ്തു. ഓര്ഡേലി മാര്ച്ച് നടത്താനാണ് നിര്ദേശിച്ചിത്. തുടര്ന്ന് കണ്ട്രോള് റൂം വാഹനത്തില് നഗരത്തിലെ വിവിധ ഭാഗങ്ങളില് കമ്മീഷണര് നേരിട്ട് പട്രോളിങ് നടത്തുകയും ചെയ്തു.…
Read More