കോഴിക്കോട്: സിറ്റി ട്രാഫിക് പോലീസ് കഴിഞ്ഞവര്ഷം പിഴയിനത്തില് ഈടാക്കിയത് 2.32 കോടി രൂപ. അമിത വേഗത, മദ്യപിച്ച് വാഹനമോടിക്കല് , അലക്ഷ്യ ഡ്രൈവിംഗ് , ഇരുചക്ര വാഹനത്തില് മൂന്നുപേരുടെ യാത്ര, മൊബൈല് ഫോണില് സംസാരിച്ച് വാഹനമോടിക്കല് , ലൈസന്സില്ലാതെയുള്ള ഡ്രൈവിംഗ് , അനധികൃത പാര്ക്കിംഗ് , വാഹനങ്ങള് നിയമവിരുദ്ധമായി രൂപമാറ്റം വരുത്തല് , എയര്ഹോണ് ഉപയോഗം തുടങ്ങിയ സംഭവങ്ങളിലാണ് ഇത്രയും പിഴ ഇടാക്കിയത്. നഗരത്തിന്റെ വിവിധ ഭാഗങ്ങളിലായി പോലീസ് സ്ഥാപിച്ച കാമറകളില് പതിഞ്ഞ നിയമലംഘന ദൃശ്യങ്ങള് തെളിവായി സ്വീകരിച്ചും നേരിട്ട് പരിശോധന നടത്തിയുമാണ് ഇത്രയും പിഴ ചുമത്തിയത്. നിരന്തരമുള്ള പരിശോധനയുടെയും നിയമനടപടികളുടെയും ഭാഗമായി അമിത വേഗത നഗരത്തില് നിയന്ത്രിക്കാനായിട്ടുണ്ട്. ഇതോടെ അപകടനിരക്കിലും കുറവുണ്ടായി. കഴിഞ്ഞ വര്ഷം 1423 അപകടങ്ങളിലായി 154പേരാണ് മരിച്ചത്. 1552 പേര്ക്ക് പരിക്കേല്ക്കുകയും ചെയ്തു. 2017ല് 184 പേരാണ് മരിച്ചത്.
Read MoreCategory: Kozhikode
മക്കളേ… ബൈക്കില് മൂന്ന് വേണ്ട, രണ്ടുമതി; ബൈക്ക് അപകടങ്ങള് കുറയ്ക്കാന് നിര്ദേശങ്ങളുമായി പോലീസ്
കോഴിക്കോട്: ബൈക്ക് അപകടങ്ങള് വര്ധിച്ചുവരുന്ന സാഹചര്യത്തില് കര്ശന നിര്ദേശങ്ങളുമായി പോലീസ്. മൂന്നുപേരുമായി ഇരുചക്രവാഹനത്തില് യാത്രചെയ്യുന്നത് അപകടം ക്ഷണിച്ചുവരുത്തുയാണെന്ന് പോലീസ് ചൂണ്ടിക്കാട്ടുന്നു. രണ്ടുപേര്ക്ക് യാത്ര ചെയ്യാന് മാത്രമാണ് അത് ഡിസൈന് ചെയ്തിരിക്കുന്നത്. കൂടുതല് പേര് യാത്ര ചെയ്യുന്നത് അപകടം ക്ഷണിച്ചുവരുത്തുമെന്നും പുറകിലിരുന്ന യാത്രചെയ്യുന്നവരുടെ സുരക്ഷ ഇല്ലാതാക്കുകയാണിതെന്നും പോലീസ് മുന്നറിയിപ്പ് നല്കുന്നു. ഇതോടൊപ്പം യാത്രയില് നിര്ബന്ധമായും ഹെല്മറ്റ് ഉപയോഗിക്കണം. ഹെല്മറ്റ് ഉപയോഗം പൂര്ണമായും നടപ്പാക്കാന് നിയമാനുസരണം മാത്രം കഴിയുകയില്ല. ഹെല്മറ്റ് ഉപയോഗിക്കേണ്ടതിന്റെ ആവശ്യകതയെ സംബന്ധിച്ച് ആളുകള്ക്ക് ശരിയായ അറിവ് നല്കുകയോ അവ ഉപയോഗിക്കുന്നതിന് പ്രേരിപ്പിക്കുകയോ ചെയ്യണം. ചിന്സ്ട്രാപ് ഇടാതെ ഹെല്മറ്റ് ഉപയോഗിക്കുന്നത് ഹെല്മറ്റ് ഉപയോഗിക്കാത്തതിന് തുല്യമാണെന്നും ട്രാഫിക്പോലീസ് ഫേസ്ബുക്ക് പേജില് ചൂണ്ടിക്കാട്ടുന്നു. കേരളത്തി ലെറോഡുകളില് ഇരുചക്രവാഹനം ഓടിക്കുന്നതിനുള്ള ശരാശരി വേഗപരിധി 50 കിലോമീറ്ററാണ്. അമിതവേഗത ഒഴിവാക്കുക. വേഗത കൂടുന്നതിനനുസരിച്ച് അപകടസാധ്യതയും വര്ധിക്കുന്നു.ഇരുചക്ര വാഹനങ്ങള് അപകടപ്പെടുന്നതില് പ്രധാന കാരണങ്ങളില് ഒന്ന് ഇടത്…
Read Moreറെയിൽവെ വീണ്ടും ക്രൂരതയുടെ ട്രാക്കിൽ; പരശുറാം എക്സ്പ്രസിലെ ജനറൽ കോച്ച് കുറച്ച് യാത്രക്കാരോടുള്ള ക്രൂരത തുടരുന്നു
വടകര: പരശുറാം എക്സ്പ്രസിലെ ജനറൽ കോച്ചുകൾ കുറച്ചുകൊണ്ട് യാത്രക്കാരോടുള്ള റെയിൽവെയുടെ ക്രൂരത തുടരുന്നു. മലബാറിലെ യാത്രക്കാർ ഏറ്റവുമധികം ആശ്രയിക്കുന്ന ട്രെയിൻ ആണ് പരശുറാം എക്സ്പ്രസ്. കോച്ചുകൾ കുറക്കുന്നതിനെതിരെ പ്രതിഷേധം ഉയരുകയും ഇവ പുനഃസ്ഥാപിക്കുകയും ചെയ്യുന്ന ശീലമാണ് റെയിൽവെയുടേത്. യാത്രക്കാരുടെ ആവശ്യം പരിഗണിച്ചെന്ന പേരിൽ കഴിഞ്ഞ ആഴ്ച മുതൽ 22 കോച്ചുകൾ കൊണ്ടു വന്നു. ഇപ്പോൾ ഇത് വീണ്ടും 21 ആക്കി ചുരുക്കുകയും ഇതിൽ തന്നെ ഒരു ജനറൽ കോച്ചിന് പകരം റിസർവേഷൻ ആക്കുകകയും ചെയ്തിരിക്കുകയാണ്. നിലവിൽ മൂന്നു വീതം എസി, ഡി റിസർവേഷൻ കോച്ചുകൾ നിലനിൽക്കെയാണ് രണ്ട് ജനറൽ കോച്ചുകൾ വെട്ടിമാറ്റി പകരം ഒരു ഡി റിസർവേഷൻ കോച്ച് അധികം കൊണ്ടുന്നിരിക്കുന്നത്. മൊത്തം 21 കോച്ചുകളിൽ 10 ജനറൽ കോച്ചുകളുമായാണ് ഈ ട്രെയിൻ ഇപ്പോൾ ഓടുന്നത്. പൂർണമായും ജനറൽ കോച്ചുകൾ ആയാൽ പോലും നിയന്ത്രിക്കാനാവാത്ത തിരക്കാണ് പരശുവിൽ.…
Read Moreഹജ്ജ് തീർത്ഥാടനം; ആദ്യഗഡു പണവും രേഖകളും നൽകേണ്ട തീയതി നീട്ടി
കൊണ്ടോട്ടി:ഹജ്ജ് തീർഥാടനവുമായി ബന്ധപ്പെട്ടു ആദ്യഗഡു പണവും പാസ്പോർട്ടും സമർപ്പിക്കേണ്ട സമയ പരിധി ഈ മാസം 15 വരെ നീട്ടി.നേരത്തെ ഫെബ്രുവരി അഞ്ച് വരെയായിരുന്നു സമയപരിധി നിശ്ചിയിച്ചിരുന്നത്.എന്നാൽ കേരളം ഉൾപ്പെടെ വിവിധ സംസ്ഥാനങ്ങളിൽ കൂടുതൽ പേർ പണവും പാസ്പോർട്ടും നൽകാൻ ബാക്കിയുള്ളതിനാൽ 10 ദിവസം കൂടി അധികം നൽകുകയായിരുന്നു. കേരളത്തിൽ 1020 പേർ ഇനിയും പാസ്പോർട്ട്, മെഡിക്കൽ റിപ്പോർട്ട്, ആദ്യഗഡു പണം 81,000 രൂപ അടച്ചതിന്റെ പേ-ഇൻസ്ലിപ്പ് എന്നിവ ഹാജരാക്കാനുണ്ട്. സംസ്ഥാന ഹജ്ജ് കമ്മിറ്റിക്ക് കീഴിൽ ഈ വർഷം 11472 പേർക്കാണ് അവസരം ലഭിച്ചത്. ഇവരിൽ 10452 പേർ ഇതിനകം പണമടച്ച് പാസ്പോർട്ടും അനുബന്ധരേഖകളും സമർപ്പിച്ചിട്ടുണ്ട്. ശേഷിക്കുന്നവരിൽ 1020 പേരാണ് ഇനി രേഖകൾ സമർപ്പിക്കാനുളളത്. ആദ്യഗഡുവിനൊപ്പം രണ്ടാംഗഡു പണം അടക്കാൻ സൗകര്യം ഒരുക്കിയിരുന്നെങ്കിലും ഒരുമിച്ച് പണമടച്ചവർ കുറവാണ്. കഴിഞ്ഞ 17 മുതലാണ് ഹജ്ജ് പണം അടക്കലും,പാസ്പോർട്ട് സ്വീകരണവും ആരംഭിച്ചത്.
Read Moreയാത്രക്കാര്ക്ക് ആശ്വാസമായി വഴിയോരങ്ങളില് ‘ടേക് എ ബ്രേക്’ കേന്ദ്രങ്ങളുമായി കുടുംബശ്രീ
മുക്കം: യാത്രക്കാര്ക്ക് ആശ്വാസമായി സംസ്ഥാനത്തെ വഴിയോരങ്ങളില് വിശ്രമസൗകര്യവും ടോയ്ലറ്റ് സൗകര്യങ്ങളും ഉറപ്പാക്കുന്ന ‘ടേക് എ ബ്രേക്’ കേന്ദ്രങ്ങള് ആരംഭിക്കാനുള്ള പദ്ധതിയുമായി കുടുംബശ്രീ. ആദ്യഘട്ടത്തില് 100 കേന്ദ്രങ്ങളാണ് തുടങ്ങുക. പെട്രോള് പമ്പുകളില് ഇതേ മാതൃകയില് സൗകര്യങ്ങള് ഒരുക്കുന്നതിന് പെട്രോള് കമ്പനികളുമായി കരാറിലേര്പ്പെടാനും പദ്ധതിയുണ്ട്. ഇതുവഴി അയല്ക്കൂട്ട വനിതകള്ക്ക് വരുമാന ലഭ്യത ഉറപ്പാക്കാനാണ് കുടുംബശ്രീ ലക്ഷ്യമിടുന്നത്. സ്ത്രീശാക്തീകരണ, ദാരിദ്ര്യനിര്മാര്ജന പ്രവര്ത്തനങ്ങള് ഊര്ജിതമാക്കുന്നതിനും വരുമാനദായക പ്രവര്ത്തനങ്ങളില് ഗുണപരമായ മാറ്റം വരുത്തുന്നതിനുമായി കുടുംബശ്രീക്ക് ബജറ്റില് വകയിരുത്തിയ ആയിരം കോടി രൂപയില് നിന്നാണ് പദ്ധതിക്ക് പണം കണ്ടെത്തുക. സൂക്ഷ്മസംരംഭ ശൃംഖലയെയും സേവന മേഖലയേയും ശക്തിപ്പെടുത്തുന്നതിനും വനിതകള്ക്ക് തൊഴില് ഉറപ്പാക്കുന്നതിനും സംസ്ഥാനത്തെ എല്ലാ സിഡിഎസുകളിലും കെട്ടിട നിര്മാണ പ്രവൃത്തികള് ഏറ്റെടുക്കാന് പ്രാപ്തിയുള്ള വനിതാ മേസ്തിരിമാരുടെ സംഘങ്ങള് രൂപീകരിക്കാനും പദ്ധതിയുണ്ട്. കുടുംബശ്രീയുടെ കീഴില് നിലവിലുള്ള വനിതാ കെട്ടിട നിര്മാണ യൂണിറ്റുകള്ക്ക് പുറമേയാണിത്. കൂടാതെ എല്ലാ സിഡിഎസുകളിലും ഇലക്ട്രിഫിക്കേഷന്,…
Read Moreപ്രളയത്തേക്കാൾ വലിയ പ്രഹരം; സിമന്റ് വിലവര്ധന പ്രളയാന്തരനിര്മാണ പ്രവര്ത്തനങ്ങള് വെള്ളത്തിലാകും; സർക്കാർ ഇടപെടണമെന്ന ആവശ്യം ശക്തം
കോഴിക്കോട്: സിമന്റ് വില വര്ധിച്ചതോടെ സംസ്ഥാനത്തെ പ്രളയാനന്തരനിര്മാണ പ്രവര്ത്തനങ്ങള് പ്രതിസന്ധിയിലാകുമെന്ന് ആശങ്ക. പ്രളയത്തില് പൂര്ണമായും തകര്ന്ന വീടുകളും കെട്ടിടങ്ങളും പുനര്നിര്മാണത്തിനായി കാത്തിരിക്കുകയാണ്. ഈ ഒരു അവസരത്തില് സിമന്റ് വില വര്ധിച്ചത് വലിയ പ്രതിസന്ധിയാണ് സൃഷ്ടിച്ചിരിക്കുന്നത്. ഇതോടൊപ്പം വീടുകളുടെ അറ്റകുറ്റ പ്രവൃത്തികളും പ്രതിസന്ധിയിലാകും. വിലവര്ധന പ്രളയാനന്തര നിര്മാണത്തേയും ബജറ്റില് പ്രഖ്യാപിച്ച പദ്ധതികളേയും പ്രതികൂലമായി ബാധിക്കും. സംസ്ഥാനത്ത് സിമന്റ് ഉപയോഗത്തിന്റെ മുപ്പത് ശതമാനവും സര്്ക്കാര് മേഖലയിലാണ്. അതിനാല് വിലവര്ധന സര്ക്കാറിനേയും നേരിട്ട് ബാധിക്കുന്നുണ്ട്. പൊതുമേഖലാ സ്ഥാപനമായ മലബാര് സിമന്റ്സും നിലവില് വിലവര്ധിപ്പിച്ചിരിക്കുകയാണ്. സംസ്ഥാനത്ത് ശരാശരി സിമന്റ് വില 380-മുതല് 430 രൂപവരെയാണ്. രാജ്യത്തെ ഏറ്റവും ഉയര്ന്ന സിമന്റ് വിലയാണിപ്പോള് സംസ്ഥാനത്തുള്ളത്. ഇക്കഴിഞ്ഞ ഒന്നു മുതല് 40-50 രൂപയാണ് സിമന്റിന് വര്ധിച്ചത്. അടുത്ത 10 മുതല് വീണ്ടും വില കൂട്ടാനാണ് സിമന്റ് കമ്പനികള് തീരുമാനിച്ചിരിക്കുന്നത്. വില വര്ധിപ്പിച്ചതിനെതിരേ സംസ്ഥാന വ്യാപകമായി സിമന്റ്…
Read Moreവിദേശത്ത് നിന്നെത്തിയ സുഹൃത്തിനെ വീട്ടിലെത്തിച്ചശേഷം മടങ്ങിയ യുവാക്കൾ സഞ്ചരിച്ച കാർ മതിലിടിച്ച് മൂന്ന് മരണം; മലപ്പുറത്ത് നടന്ന അപകടത്തിൽ ഞെട്ടി നാട്ടുകാർ
കൊണ്ടോട്ടി: കോഴിക്കോട്-പാലക്കാട് ദേശീയപാത- 213 മലപ്പുറത്തിനടുത്തു പൂക്കോട്ടൂരിൽ കാർ നിയന്ത്രണം വിട്ടു മതിലിൽ ഇടിച്ചു മൂന്നു യുവാക്കൾ മരിച്ചു. മോങ്ങം ആനക്കച്ചേരി ബീരാൻകുട്ടിയുടെ മകൻ ഉനൈസ്(ഇണ്ണി- 28), കൊണ്ടോട്ടി നെടിയിരുപ്പ് കാവുങ്ങൽ പറന്പിൽ അഹമ്മദ്കുട്ടിയുടെ മകൻ സനൂപ്(23), മൊറയൂർ കുറുങ്ങോടൻ അബ്ദുൾ റസാഖിന്റെ മകൻ ശിഹാബുദീൻ(24) എന്നിവരാണ് മരിച്ചത്. ഇന്നു പുലർച്ചെ 2.45 ഓടെ പൂക്കോട്ടൂർ പള്ളിപ്പടിയിലാണ് കെ.എൽ.55 ക്യൂ 2835 ടയോട്ട ആൾട്ടിസ് കാർ അപകടത്തിൽ പെട്ടത്. ഗൾഫിൽ നിന്നെത്തിയ ശിഹാബുദീനു കരിപ്പൂരിൽ നിന്നു സ്വീകരിച്ചു വീട്ടിലിറക്കി മൂവരും മറ്റൊരു സുഹൃത്തിന്റെ വീട്ടിലേക്ക് പോകുന്പോഴാണ് അപകടം. നിയന്ത്രണം വിട്ട കാർ സമീപത്തെ വീട്ടു മതിലിലിടച്ച് പൂർണമായും തകർന്നു. ഇടിയുടെ ആഘാതത്തിൽ ഗേറ്റ് അടക്കം ദൂരേക്ക് തെറിച്ചു പോയി. നാട്ടുകാരും മലപ്പുറം ഫയർഫോഴ്സും ചേർന്നു കാർ വെട്ടിപ്പൊളിച്ചു ഏറെ പണിപെട്ടാണ് മൂവരെയും പുറത്തെടുത്തത്.ഇവർ സംഭവ സ്ഥലത്ത് വച്ച്…
Read Moreബത്തേരിയിൽ നിന്ന് തിരുവനന്തപുരത്തേക്ക് രണ്ടാമത്തെ ’മിന്നൽ’ ; ഓൺലൈൻ റിസർവേഷൻ ഉണ്ടായിരിക്കും
കൽപ്പറ്റ: ബത്തേരിയിൽനിന്നു തിരുവനന്തപുരത്തിനുള്ള കെഎസ്ആർടിസിയുടെ രണ്ടാമത്തെ മിന്നൽ സൂപ്പർ എയർ ഡീലക്സ് ബസ് സർവീസ് ഇന്നു ആരംഭിക്കും. രാത്രി പത്തിന് ബത്തേരിയിൽനിന്നു പുറപ്പെടുന്ന ബസ് കൽപ്പറ്റ, താമരശേരി, കോഴിക്കോട്, തൃശൂർ, മൂവാറ്റുപുഴ, കോട്ടയം, കൊട്ടാരക്കര വഴി പുലർച്ചെ 7.20ന് തിരുവനന്തപുരത്തെത്തും. ഈ സ്ഥലങ്ങളിലും അങ്കമാലിയിലും(റിക്വസ്റ്റ്) മാത്രമായിരിക്കും ബസിന് സ്റ്റോപ്പ്. 9.20 മണിക്കൂറാണ് റണ്ണിംഗ് ടൈം. തിരുവനന്തപുരത്തുനിന്നു രാത്രി എട്ടിന് ബസ് പുറപ്പെടും. പുലർച്ചെ 5.20ന് ബത്തേരിയിലെത്തും. നേരത്തെ കാസർഗോഡ്-തിരുവനന്തപുരം റൂട്ടിൽ ഓടിയിരുന്ന മിന്നൽ ഷെഡ്യൂൾ ബസുകൾ ഉപയോഗിച്ചാണ് പുതിയ സർവീസ് ആരംഭിക്കുന്നത്. പുതിയ സർവീസിന്റെ ഓണ്ലൈൻ റിസർവേഷനും ആരംഭിച്ചിട്ടുണ്ട്(online.keralartc.com). കെഎസ്ആർടിസിയുടെ റിസർവേഷൻ കൗണ്ടറുകളിലും ടിക്കറ്റ് ബുക്ക് ചെയ്യാം. നിലവിൽ ബത്തേരിയിൽനിന്നും മാനന്തവാടിയിൽനിന്നും തിരുവനന്തപുരത്തേക്കു ഓരോ മിന്നൽ സർവീസുണ്ട്. മാനന്തവാടിയിൽനിന്നു രാത്രി ഏഴിനും ബത്തേരിയിൽനിന്ന് രാത്രി 7.45നുമാണ് സർവീസ്. കൽപ്പറ്റ, താമരശേരി, പെരിന്തൽമണ്ണ, എറണാകുളം, ആലപ്പുഴ വഴിയാണ് ഈ…
Read Moreവൈദ്യുതി അപകടം: ചിത്രങ്ങൾ വരച്ചുള്ള വൈദ്യുതി ബോർഡ് ജീവനക്കാരൻ മഹേഷിന്റെ ബോധവത്കരണം ശ്രദ്ധേയമാവുന്നു
നിലന്പൂർ: വൈദ്യുതി ബോധവത്കരണത്തിനായി വൈദ്യുതി ബോർഡിലെ ജീവനക്കാരൻ മഹേഷിന്റെ ചിത്രങ്ങൾ ശ്രദ്ധേയമാകുന്നു. നിലന്പൂർ ഡിവിഷനിലെ അകന്പാടം വൈദ്യുതി സെക്ഷൻ ഓഫീസിന്റെ ചുമരുകളിലാണ് മഹേഷ് ചിത്രങ്ങൾ വരച്ചത്. ഇരുന്പുതോട്ടി ഉപയോഗിച്ചു വൈദ്യുതി കടന്നുപോകുന്ന ലൈനുകൾക്കു സമീപത്തു നിന്നു തേങ്ങയിടുന്നതും മറ്റു അപകടകരമായ പ്രവൃത്തികളും കാണിക്കുന്നതാണ് ചിത്രത്തിന്റെ സന്ദേശം. കൂടെ നിർദേശവും എഴുതിയിരിക്കുന്നു. കൗമാരക്കാരിൽ വർധിച്ചു വരുന്ന ലഹരി ഉപയോഗത്തിനെതിരെ മുന്പു സുഹൃത്തും മലപ്പുറം ട്രാഫിക് പോലീസ് സ്റ്റേഷനിലെ ഫിലിപ്പ് മന്പാടുമായി ചേർന്നു വാക്കും വരയും എന്ന പരിപാടിയിലൂടെ ബോധവത്കരണം നടത്തിയിരുന്നു. വൈദ്യുതി ബോർഡിലെ പുതിയ സുരക്ഷാ എംബ്ലവും രൂപകൽപ്പന ചെയ്തത് മഹേഷ് ആണ് . എംബ്ലത്തിനു സർക്കാരിന്റെ പുരസ്കാരവും ലഭിച്ചിരുന്നു. വാക്കും വരയും എന്ന പ്രവൃത്തിയിലൂടെ കഴിഞ്ഞ ഒന്പതു വർഷത്തെ ലഹരി വിരുദ്ധ പ്രവർത്തനങ്ങളിലൂടെ അഞ്ഞൂറോളം പേരെ ലഹരിയുടെ ഉപയോഗത്തിൽ നിന്നു പിന്തിരിപ്പിക്കാനായത് വലിയ നേട്ടമായെന്നു മഹേഷ് പറയുന്നു.…
Read Moreകൊയിലാണ്ടിയിലെ എട്ടു ലക്ഷത്തിന്റെ കുഴല്പ്പണക്കേസ് എന്ഫോഴ്സ്മെന്റിന് കൈമാറും
കൊയിലാണ്ടി : കൊയിലാണ്ടിയില് കുഴല്പ്പണം പിടികൂടിയ കേസ് എന്ഫോഴ്സ്മെന്റ് ഡയറക്ടറേറ്റിന് കൈമാറുന്നു. പുതിയ ബസ്റ്റാന്ഡില് നിന്നാണ് 8.5 ലക്ഷം രൂപയുടെ കുഴല് പണവും വിതരണത്തിനുള്ള സ്ലിപ്പും പോലീസ് പിടികൂടിയത്. സംഭവവുമായി ബന്ധപ്പെട്ട് കൊടുവള്ളി സ്വദേശി ഇളവന് ചാലില് അജ്മലിനെ (40) കൊയിലാണ്ടി പോലീസ് അറസ്റ്റ് ചെയ്തിട്ടുണ്ട്. ഇന്നലെ ഉച്ചയോടെയാണ് സംഭവം. കൊയിലാണ്ടി എസ്ഐ സജു എബ്രഹാം, ഫസലുല് ആബിദ്, എഎസ്ഐ മുനീര്, എസ്സിപിഒ ഗിരീഷ്, ജില്ലാ പോലീസ് മേധാവിയുടെ സ്ക്വാഡ് അംഗങ്ങളായ സിപിഒ. സുനില്, ഷിരാജ്,അജേഷ് എന്നിവര് ചേര്ന്നാണ് പിടികൂടിയത്. കുഴല്പണത്തെ കുറിച്ച് കൂടുതല് അന്വേഷിക്കുന്നതിനു വേണ്ടിയാണ് കേസ് എന്ഫോയ്സ്മെന്റിനു കൈമാറുന്നതെന്ന് പോലീസ് അറിയിച്ചു.
Read More