പൊന്നാനി: പൊന്നാനി നഗരസഭ പരിധിയിൽ വ്യാഴാഴ്ച യുഡിഎഫ് ഹർത്താൽ. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. മാലിന്യനിക്ഷേപത്തെ ചൊല്ലിയുള്ള പ്രതിഷേധത്തിനിടെ ഉണ്ടായ പോലീസ് ലാത്തിച്ചാർജിൽ പ്രതിഷേധിച്ചാണ് ഹർത്താൽ. വെള്ളപ്പൊക്കത്തെ തുടർന്നുണ്ടായ മാലിന്യങ്ങൾ സംസ്കരിക്കുന്നതുമായി ഉണ്ടായ തർക്കങ്ങളാണ് സംഘർഷത്തിൽ കലാശിച്ചത്. ഹർബറിനു സമീപമുള്ള യാഡിൽ മാലിന്യങ്ങൾ നിക്ഷേപിക്കാനിയിരുന്നു നഗരസഭയുടെ പദ്ധതി. എന്നാൽ ഇത് മുസ്ലിംലീഗ് പ്രവർത്തകർ തടയുകയും റോഡ് ഉപരോധിക്കുകുയും ചെയ്തതോടെ പോലീസ് ലാത്തി വീശുകയായിരുന്നു. ലാത്തിച്ചാർജിൽ ലീഗ് കൗൺസിലർ ഉൾപ്പെടെ 15ഓളം പേർക്കു പരിക്കേറ്റിരുന്നു.
Read MoreCategory: Kozhikode
അഞ്ച് ജില്ലകളിൽ എലിപ്പനി മുന്നറിയിപ്പ്; ശുചീകരണത്തിലേർപ്പെടുന്നവർ പ്രതിരോധമരുന്ന് ഒഴിവാക്കരുതെന്നു നിർദേശം; സ്വയം ചികിത്സപാടില്ലെന്ന് ആരോഗ്യവകുപ്പ്
തിരുവനന്തപുരം: പ്രളയക്കെടുതി നേരിടുന്ന അഞ്ച് ജില്ലകളിൽ ആരോഗ്യവകുപ്പിന്റെ എലിപ്പനി മുന്നറിയിപ്പ്. തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ ജില്ലകൾക്കാണു മുന്നറിയിപ്പ് നൽകിയിട്ടുള്ളത്. പ്രതിരോധമരുന്നുകൾ കഴിക്കാൻ എല്ലാവരും തയാറാകണമെന്നും ആരോഗ്യവകുപ്പ് അറിയിച്ചു. വെള്ളപ്പൊക്കം കാരണം ഈ രോഗാണുക്കൾ എല്ലാ വെള്ളക്കെട്ടുകളിലും എത്താനുള്ള സാധ്യതയുണ്ട്. ശുചീകരണ പ്രവർത്തനം ഉൾപ്പെടെ വെള്ളവുമായി സന്പർക്കത്തിൽ വരുന്ന ജോലികളിൽ ഏർപ്പെടുന്നവരുടെ ശരീരത്തിലെ നേർത്ത പോറലുകളിലും മുറിവുകളിലും കൂടി ഈ രോഗാണുക്കൾ ശരീരത്തിൽ പ്രവേശിക്കും. പനി ലക്ഷണം കണ്ടാൽ സ്വയം ചികിത്സ നടത്താതെ ആരോഗ്യ കേന്ദ്രങ്ങളുമായി ബന്ധപ്പെടണമെന്നും ആരോഗ്യവകുപ്പ് നിർദേശിക്കുന്നു. പ്രളയത്തിനുശേഷം രക്ഷാപ്രവർത്തനത്തിലും ശുചീകരണപ്രവർത്തനങ്ങളിലും ഏർപ്പെടുന്നവർക്കു നേരത്തെ തന്നെ എലിപ്പനി മുന്നറിയിപ്പും പ്രതിരോധമരുന്നും നൽകിയിരുന്നു. പ്രളയബാധിത പ്രദേശങ്ങളിലെ വെള്ളക്കെട്ടുകളിൽ ശുചീകരണത്തിന് ഇറങ്ങുന്നവർ എലിപ്പനി തടയുന്നതിന് ഡോക്സിസൈക്ലിൻ ഗുളിക ഉപയോഗിക്കണമെന്ന് മെഡിക്കൽ ഓഫീസർമാർ നിർദേശിച്ചിട്ടുണ്ട്.
Read Moreധിക്കാരിയും താന്തോന്നിയുമായ മന്ത്രിയെ ഇനിയും അധികാരത്തിൽ നിലനിർത്തുന്നത് ഓരോ കേരളീയനും അപമാനം; എം.എം. മണിക്കെതിരേ രൂക്ഷ വിമർശനവുമായി കെ. സുരേന്ദ്രൻ
കോഴിക്കോട്: വൈദ്യുത മന്ത്രി എം.എം. മണിക്കെതിരേ രൂക്ഷ വിമർശനവുമായി ബിജെപി സംസ്ഥാന ജനറൽ സെക്രട്ടറി കെ. സുരേന്ദ്രൻ. കേരളത്തിലെ പ്രളയത്തിനു കാരണം ഡാമുകൾ തുറന്നുവിടാൻ വൈകിയതുമൂലമാണെന്ന് നാസ വരെ പറഞ്ഞിട്ടും മണി മന്ത്രിയായി തുടരുന്നത് കേരളത്തിലായതുകൊണ്ടു മാത്രമാണെന്ന് സുരേന്ദ്രൻ ഫേസ്ബുക്കിൽ കുറിച്ചു. ഇത്രയും അവിവേകിയും ധിക്കാരിയും താന്തോന്നിയുമായ ഒരു മന്ത്രിയെ ഇനിയും അധികാരത്തിൽ നിലനിർത്തുന്നത് ഓരോ കേരളീയനും അപമാനമാണ്. ഉമ്മൻ ചാണ്ടിയുടെ ഭരണകാലത്താണ് ഈ ദുരന്തമുണ്ടായതെങ്കിൽ പിണറായി വിജയനും കൂട്ടരും ഒരൗചിത്യബോധവുമില്ലാതെ സമരത്തിനിറങ്ങി കേരളത്തെ മറ്റൊരു ദുരന്തഭൂമിയാക്കുമായിരുന്നുവെന്നും സുരേന്ദ്രൻ പറഞ്ഞു. മനസാക്ഷി പണയം വെച്ച പാർട്ടി അണികളും അവരെ പിന്തുണക്കുന്ന ജിഹാദികളും ഒരുപറ്റം മീഡിയയുമാണ് ഈ ഘട്ടത്തിലും പിണറായിക്കും മണിക്കും ഹാലേലൂയ പാടുന്നതെന്നും അദ്ദേഹം ഫേസ്ബുക്കിൽ കുറിച്ചു.
Read Moreദുരിതബാധിതരുടെ കണ്ണീരൊപ്പാൻ ഇതര സംസ്ഥാന തൊഴിലാളികളും; അഴിയൂരിലെ സ്വകാര്യ സ്ഥാപനത്തിൽ ജോലി ചെയ്യുന്ന 20 അംഗ സംഘമാണ് മാതൃകയായത്
വടകര: പ്രളയ ദുരിതബാധിതരുടെ കണ്ണീരൊപ്പാൻ അഴിയൂരിലെ ഇതര സംസ്ഥാന തൊഴിലാളികളുടെ സംഭാവന. അഴിയൂർ പഞ്ചായത്തിന്റെ ആഭിമുഖ്യത്തിൽ വയനാട് കോട്ടത്തറ വെണ്ണിയോട് നാളെ നടക്കുന്ന മെഡിക്കൽ ക്യാന്പിലേക്ക് മരുന്ന്, ശുചീകരണ വസ്തുക്കൾ, ബക്കറ്റ്, വീട് സാധനങ്ങൾ, ക്ലീനിംഗ് ഉപകരണങ്ങൾ എന്നിവക്ക് ആവശ്യമായ 25,000 രൂപ 20 ഇതര സംസ്ഥാന തൊഴിലാളികൾ ചേർന്നാണ് നൽകിയത് ചോന്പാൽ ഷിയാ ട്രേഡേഴ്സിലെ തൊഴിലാളികളാണ് സഹജീവീ സ്നേഹം പ്രകടിപ്പിക്കുവാൻ മുന്നോട്ട് വന്നത്. കേരള സ്ക്രാപ്പ് മർച്ചന്റ് അസോസിയേഷൻ ഭാരവാഹി കെ.പി.അനീഷ് കുമാറിന്റെ സ്ഥാപനത്തിൽ ജോലി ചെയ്യുന്ന നേപ്പാൾ സ്വദേശി വിനോദ് കുമാർ, ബിഹാർകാരനായ അംബികാരാജ് എന്നിവരുടെ നേത്യത്തിലാണ് രണ്ടു ദിവസത്തെ ശന്പളം സമാഹരിച്ച് പഞ്ചായത്തിന് നൽകിയത്. പഞ്ചായത്ത് പ്രസിഡന്റ്, ഇ.ടി.അയ്യൂബ് തുക ഏറ്റ വാങ്ങി. പഞ്ചായത്ത് സെകട്ടറി ടി.ഷാഹുൽ ഹമീദ്, മെന്പർമാരായ കെ.ലീല, വി.പി.ജയൻ, സ്ഥാപന ഉടമ അനിഷ് കുമാർ എന്നിവർ ചടങ്ങിൽ പങ്കെടുത്തു.…
Read Moreപോലീസുകാരെ നിയമം പഠിപ്പിക്കാന് ലീഗല് സെല് ആരംഭിക്കുന്നു; ‘കോടതി കയറാന് “വയ്യെന്ന്’ ഡിജിപി ; എല്ലാ ജില്ലകളിലും ലീഗല് സെല് പ്രവര്ത്തിക്കും
സ്വന്തം ലേഖകന് കോഴിക്കോട്: ജില്ലാ പോലീസ് മേധാവിമാരെയും പോലീസുകാരേയും നിയമം പഠിപ്പിക്കാന് ജില്ലാ അടിസ്ഥാനത്തില് ലീഗല്സെല് ആരംഭിക്കുന്നു. ഓരോ പോലീസ് ജില്ലകളിലേയും ജില്ലാ പോലീസ് മേധാവിമാരുടെ കാര്യാലയത്തിലാണു ലീഗല് സെല് ആരംഭിക്കാന് ഡിജിപി ലോക്നാഥ് ബഹ്റ ഉത്തരവിറക്കിയത്. നിയമത്തില് ബിരുദവും ബിരുദാനന്തരബിരുദവും നിയമപരിഞ്ജാനമുള്ള രണ്ടുപേരെയാണ് സെല്ലില് ഉള്പ്പെടുത്തുന്നത്. ജില്ലാ പോലീസ് മേധാവിമാര് നിയമത്തിലുള്ള അറിവും എഴുതാനുള്ള പാടവവുമുള്ളവരെ കണ്ടെത്തിയാണ് സെല്ലില് നിയമിക്കേണ്ടത്. അഡ്മിനിസ്ട്രേഷന് ഡിവൈഎസ്പിക്കാണ് സെല്ലിന്റെ പൂര്ണ ചുമതല നല്കേണ്ടതെന്നും ഡിജിപി നിര്ദേശം നല്കി. വിവിധ പോലീസ് സ്റ്റേഷനുകളിലായി രജിസ്റ്റര് ചെയ്യുന്ന കേസുകളുമായി ബന്ധപ്പെട്ട് വിവിധ കോടതികള്, ട്രിബ്യൂണലുകള്, കമ്മീഷനുകള് എന്നീ വിഭാഗങ്ങള്ക്ക് സത്യവാങ്മൂലങ്ങള്, എതിര് സത്യവാങ്മൂലങ്ങള്, റിപ്പോര്ട്ടുകള് എന്നിവ പോലീസ് ഫയല് ചെയ്യാറുണ്ട്. ഇത്തരത്തില് സത്യവാങ്മൂലങ്ങളും റിപ്പോര്ട്ടുകളും കോടതിക്കും മറ്റും സമര്പ്പിക്കുമ്പോള് ഇത് വേണ്ടത്ര ശ്രദ്ധയോടെ കൈകാര്യം ചെയ്യുന്നില്ലെന്നും ഡിജിപിയുടെ ഉത്തരവിലുണ്ട്. കോടതി നിര്ദേശങ്ങള് ഉചിതമായി…
Read Moreപ്രളയത്തിന് കാരണം കാലാവസ്ഥാ നിരീക്ഷണത്തിലെ അപാകത; ഡാം മാനേജ്മെന്റിലും കേരളത്തിന് വലിയ പാളിച്ച പറ്റിയെന്ന് ഇ.ശ്രീധരൻ
മലപ്പുറം: കേരളത്തെ മുക്കിയ പ്രളയത്തിന് കാരണം കാലാവസ്ഥാ നിരീക്ഷണത്തിലെ അപാകതയാണെന്ന് ഡിഎംആർസി മുഖ്യഉപദേഷ്ടാവ് ഇ.ശ്രീധരൻ. മലപ്പുറത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. ഡാം മാനേജ്മെന്റിലും കേരളത്തിന് വലിയ പാളിച്ച പറ്റി. ആദ്യഘട്ടിൽ കനത്ത മഴ പെയ്തപ്പോൾ ഡാമിലെ വെള്ളം തുറന്നുവിടാമായിരുന്നു. മഴ കനത്തിട്ടും ഇത്രയും വെള്ളം സംഭരിച്ചു നിർത്തേണ്ട ആവശ്യമുണ്ടായിരുന്നില്ലെന്നും അദ്ദേഹം പറഞ്ഞു. ദുരിതാശ്വാസ പ്രവർത്തനങ്ങൾക്ക് ഇന്ത്യ വിദേശ സഹായം തേടുന്നത് അഭിമാനകരമല്ല. പന്ത്രണ്ട് ലക്ഷം കോടി ആസ്തിയുള്ള രാജ്യമാണ് ഇന്ത്യയെന്നും നമ്മുക്ക് വിദേശ സഹായം ആവശ്യമില്ലെന്നും അദ്ദേഹം പറഞ്ഞു. നവകേരള നിർമിതിക്ക് പൂർണ അധികാരമുള്ള സമിതി സർക്കാർ രൂപീകരിക്കണം. സമിതി രൂപീകരിച്ചാൽ എട്ട് വർഷംകൊണ്ട് പുതിയ കേരളം പുടുത്തുയർത്താൻ കഴിയും. സർക്കാർ ആവശ്യപ്പെട്ടാൽ വേണ്ട ഉപദേശങ്ങൾ നൽകാൻ താൻ തയാറാണെന്നും ഇ.ശ്രീധരൻ കൂട്ടിച്ചേർത്തു.
Read Moreമഹാ പ്രളയം! മൂന്നുലക്ഷത്തില്പരം ജന്തുക്കള് ചത്തൊടുങ്ങിയതായി കണക്ക്; എറ്റവും കൂടുതല് തൃശൂരില്
മുക്കം(കോഴിക്കോട്): സംസ്ഥാനത്ത് ഏറ്റവും കൂടുതല് പ്രളയം ബാധിച്ച ആറ് ജില്ലകളില് സര്ക്കാരിന്റെ ഔദ്യോഗിക കണക്കനുസരിച്ച് ഇതുവരെ സംസ്കരിച്ചത് 3,4251 ജന്തുക്കളെ. ഇവയില് ഭൂരിഭാഗവും പക്ഷികളാണ്. പത്തനംതിട്ട, ആലപ്പുഴ, കോട്ടയം, തൃശ്ശൂര്, എറണാകുളം, വയനാട് എന്നീ ജില്ലകളിലെ കണക്കാണ് തദ്ദേശവകുപ്പ് പുറത്തുവിട്ടത്. എന്നാല് അനൗദ്യോഗിക കണക്കുപ്രകാരം ഇത് നാലുലക്ഷം കവിയുമെന്നും സംസ്ഥാനത്തെ മൊത്തം എണ്ണം ഇതിനേക്കാള് ഇരട്ടി വരുമെന്നും വിലയിരുത്തപ്പെടുന്നു. 2,99,859 പക്ഷികളെയും പശു, പോത്ത്, എരുമ, പന്നി അടക്കമുള്ള 2,242 വലിയ മൃഗങ്ങളുടേയും നായ, പൂച്ച, എലി അടക്കമുള്ള 2,150 ചെറിയ മൃഗങ്ങളുടേയും ശവശരീരങ്ങളാണ് ഇന്നലെ വൈകുന്നേരം വരെ സംസ്കരിച്ചത്. കോഴി, താറാവ് എന്നിവ അടക്കമുള്ള ഫാമുകള് വെള്ളത്തില് ഒലിച്ചു പോയതാണ് പക്ഷികളുടെ എണ്ണം ഇത്രത്തോളം വര്ധിക്കാന് കാരണമെന്ന് ചൂണ്ടിക്കാണിക്കപ്പെടുന്നു. തൃശ്ശൂര് ജില്ലയിലാണ് ഏറ്റവും കൂടുതല് ജന്തുക്കള് ചത്തൊടുങ്ങിയത്. ജില്ലയില് 1,60,123 പക്ഷികളെയും 1966 മൃഗങ്ങളെയുമാണ് ഇതുവരെ…
Read Moreദുരിതാശ്വാസ ക്യാന്പിൽ മോഷണം; സർക്കാർ ഉദ്യോഗസ്ഥർ അറസ്റ്റിൽ; പനമരം വില്ലേജ് ഓഫീസിലെ ജീവനക്കാരാണ് പിടിയിലായത്
കൽപ്പറ്റ: പനമരം ദുരിതാശ്വാസ ക്യാന്പിൽ മോഷണം നടത്താൻ ശ്രമിച്ച സർക്കാർ ഉദ്യോഗസ്ഥർ അറസ്റ്റിൽ. പനമരം വില്ലേജ് ഓഫീസിലെ ജീവനക്കാരായ സിനീഷ് തോമസ്, എം.പി. ദിനീഷ് എന്നിവരെയാണ് തഹസിൽദാറുടെ ഉത്തരവിനെത്തുടർന്ന് ഇന്നലെ അർധരാത്രി അറസ്റ്റ് ചെയ്തത്. ദുരിതാശ്വാസ ക്യാന്പിൽ നിന്നും സാധനങ്ങൾ കടത്താൻ ശ്രമിക്കുന്നതിനിടെ ആളുകള് ഇവരെ തടഞ്ഞുവക്കുകയും പോലീസിൽ അറിയിക്കുകയുമായിരുന്നു. തുടർന്ന് തഹസിൽദാർ സ്ഥലത്തെത്തി ഇവരെ അറസ്റ്റ് ചെയ്യാൻ ഉത്തരവിടുകയായിരുന്നു.
Read Moreപ്രളയക്കെടുതിയിൽ താങ്ങായി പ്രവാസികൾ; ദുരിതാശ്വാസ സാമഗ്രികൾ കൂടുതൽ എത്തുന്നു
കൊണ്ടോട്ടി: ബക്രീദ്-ഓണം ആഘോഷത്തിനു കുടുംബങ്ങൾക്കു നൽകാൻ വസ്ത്രങ്ങൾ വാങ്ങുന്നതിലേക്കാളേറെ പ്രളയത്തിൽ അകപ്പെട്ട പ്രദേശങ്ങളിലേക്ക് അവശ്യസാധനങ്ങളെത്തിക്കുകയാണ് പ്രവാസികൾ. നേരിട്ടു കൊണ്ടുവരുന്നതോടൊപ്പം വിമാനം നിറയെ സാധനങ്ങൾ യുഎഇയിൽ നിന്നു ദുരിതാശ്വാസ സാമഗ്രികളുമായി കരിപ്പൂരിൽ വിഷൻ എയർ കാർഗോ വിമാനവുമെത്തി. അബൂദാബിയിലെ യൂണിവേഴ്സൽ ഹോസ്പിറ്റൽ സ്ഥാപകൻ ഡോ.ഷബീർ നെല്ലിക്കോടിന്റെ നേതൃത്വത്തിൽ ശേഖരിച്ച 14 ടണ് മെഡിക്കൽ, വസ്ത്രങ്ങൾ, ഭക്ഷ്യസാധനങ്ങളാണ് കരിപ്പൂരിൽ എത്തിച്ചത്. പ്രളയംദുരിതം ഏറെ നേരിട്ട ചെങ്ങന്നൂർ, ആലുവ, വയനാട് എന്നിവിടങ്ങളിൽ വിതരണം ചെയ്യാനാണ് ഇവ കൊണ്ടുവന്നത്. കൊച്ചി കേന്ദ്രമായി പ്രവർത്തിക്കുന്ന അഭിഭാഷകരുടെ കൂട്ടായ്മക്കും കോഴിക്കോട് ട്രോമാകയറിനും ഇവ കൈമാറും. നാല് ദിവസം കൊണ്ടാണ് ആശുപത്രി അധികൃതർ ശേഖരിച്ച സാധനങ്ങളാണ്. കരിപ്പൂരിലെ കസ്റ്റംസ് നടപടികൾ പൂർത്തിയായതിനു ശേഷം ബന്ധപ്പെട്ട ഏജൻസികൾക്ക് സാധനങ്ങൾ കൈമാറും. ചൊവാഴ്ച രാത്രിയാണ് വിഷൻ എയർ കാർഗോ വിമാനം അബൂദാബിയിൽ നിന്നു കാറാച്ചി വഴി ബുധനാഴ്ച രാവിലെയാണ് കരിപ്പൂരിലെത്തിയത്.…
Read Moreആദിവാസി യുവാവ് മരിച്ച നിലയിൽ: നായാട്ടിനിടെ വെടിയേറ്റതാണെന്ന് സംശയം
കൽപ്പറ്റ: ആദിവാസി യുവാവിനെ മരിച്ച നിലയിൽ കണ്ടെത്തി. നായാട്ടിനിടെ വെടിയേറ്റതാണെന്നാണ് സംശയിക്കുന്നത്. മാനന്തവാടി പേരിയ വരയാൽ തലക്കാംക്കുനി കോളനിയിലെ കേളു(38)വിനെയാണ് മരിച്ച നിലയിൽ കണ്ടെത്തിയത്. വരയാൽ പാറത്തോട്ടത്തിന് സമീപം അന്പലക്കണ്ടിയിലെ സ്വകാര്യ തോട്ടത്തിലാണ് ഇന്ന് രാവിലെ മൃതദേഹം നാട്ടുകാർ കണ്ടെത്തിയത്. കൂട്ടുകാരോടൊപ്പം നായാട്ട് നടത്തുന്നതിനിടെ അബദ്ധത്തിൽ വെടിയേറ്റതാണെന്നാണ് പ്രാഥമിക നിഗമനം. തലപ്പുഴ പോലീസ് അന്വേഷണം തുടങ്ങി.
Read More