കുറ്റ്യാടി: കുറ്റ്യാടി മലയോരത്തെ കാവിലുംപാറ, കായക്കൊടി, മരുതോങ്കര മേഖലകളില് ഏക്കര് കണക്കിന് ഭൂമിയിലെ കൃഷിക്കും നിരവധി വീടുകള്ക്കും ചുഴലിക്കാറ്റ് നാശം വിതച്ചു. കാവിലുംപാറ പഞ്ചായത്തിലെ ചാപ്പന്തോട്ടം, പൊയിലോംചാല്, മുറ്റത്തെപ്ലാവ്, ഓടേരിപ്പൊയില് , ചൊത്തക്കൊല്ലി, കരിങ്ങാട് എന്നിവിടങ്ങളിലും കുറ്റ്യാടി, മരുതോങ്കര, കായക്കൊടി പഞ്ചായത്തുകളിലെ വിവിധ പ്രദേശങ്ങളിലുമാണ് കാറ്റ് അടിച്ചു വീശിയത്. നേന്ത്രവാഴകള്, ഗ്രാമ്പു, റബ്ബര് , തെങ്ങ്, കമുക്, ജാതി, പ്ലാവ്, മാവ് ഉള്പ്പെടെയുള്ള കാര്ഷിക വിളകള് നിലംപൊത്തി. 15ഓളം വീടുകള് ഭാഗികമായി തകര്ന്നു. വൈദ്യുതി ബന്ധം പൂര്ണമായും നിലച്ചു. തിങ്കളാഴ്ച അര്ധരാത്രിയിലാണ് കാറ്റ് ആഞ്ഞുവീശിയത്. കാവിലുംപാറ ഓടേരിപ്പൊയിലിലെ പുതുക്കുടിയില് ഭാസ്ക്കരന് , ചൂതുപാറ കുമാരി, സംഗമം നഗറിലെ തങ്കമ്മ രാജഗിരി, പൊയിലോംചാലില് പാലാട്ടില് തോമസ്, ചാപ്പന്തോട്ടം വലിയവീട്ടില് ജോസഫ്, വലിയവീട്ടില് ഔസേഫ്, മുറ്റത്തെപ്ലാവ് കാവില് നാണു, സുരേഷ് വട്ടുകളത്തില്, ചിറയില് മനോജ്, ദേവസ്യ വിലങ്ങുപാറ എന്നിവരുടെ വീടുകളാണ് തകര്ന്നത്.…
Read MoreCategory: Kozhikode
ഇനി പഴകിയ ഭക്ഷണം കഴിക്കേണ്ടി വരില്ല; ഭക്ഷണത്തിന്റെ സുരക്ഷ പരിശോധിക്കാൻ ഇനി പോലീസും; പരിശോധന നടത്തുന്നത് ഡിജിപിയുടെ നിർദേശപ്രകാരം
കോഴിക്കോട്: പൊതുജനങ്ങള്ക്കു ജീവിക്കാനുള്ള സുരക്ഷ ഒരുക്കുന്നതിനൊപ്പം അവരുടെ ആരോഗ്യം കാത്തുസൂക്ഷിക്കാന് ഭക്ഷ്യവസ്തുക്കളുടെ പരിശോധനയും ഇനി പോലീസ് കര്ശനമാക്കുന്നു. ഭക്ഷ്യസുരക്ഷാ വിഭാഗം നടത്തുന്നതു പോലെയുള്ള പരിശോധന ഊര്ജ്ജിതമാക്കാനാണ് പോലീസ് തീരുമാനം. സംസ്ഥാനത്ത് കാലാവധി കഴിഞ്ഞ ഭക്ഷ്യവസ്തുക്കളും മറ്റും വില്പ്പന നടത്തുന്നത് കണ്ടെത്തി തടയാന് പരിശോധനയും നിയമനടപടികളും ശക്തമാക്കാന് ഡിജിപി ലോക്നാഥ് ബെഹ്റ നിര്ദേശം നല്കി. ജില്ലാ ക്രൈം ബ്രാഞ്ചിനെയാണ് ഭക്ഷ്യവസ്തുക്കള് പരിശോധിക്കാന് ചുമതലപ്പെടുത്തിയത്. കാലാവധി കഴിഞ്ഞ ഭക്ഷ്യവസ്തുക്കളുടെ പരിശോധന കര്ശനമാക്കുന്നതിനെക്കുറിച്ച് ഫേസ്ബുക്ക് വഴിയാണ് ഡിജിപി വ്യക്തമാക്കിയിരിക്കുന്നത്. പായ്ക്ക് ചെയ്ത ഭക്ഷ്യവസ്തുക്കള് കാലാവധി കഴിഞ്ഞശേഷം പുതിയ തീയതി രേഖപ്പെടുത്തി വില്ക്കുന്നുണ്ടെന്ന് പോലീസ് കഴിഞ്ഞ ദിവസം കണ്ടെത്തിയിരുന്നു. പനങ്ങാട് പോലീസാണ് ഇതുസംബന്ധിച്ചു കേസ് രജിസ്റ്റര് ചെയ്തത്. ഈ സാഹചര്യത്തിലാണ് എല്ലാ ജില്ലകളിലും പരിശോധന നടത്താന് ഡിജിപി നിര്ദേശിച്ചിരിക്കുന്നത്. അതേസമയം പരിശോധനയുടെ പേരില് മറ്റു ബുദ്ധിമുട്ടുകള് ഉണ്ടാക്കരുതെന്നും അദ്ദേഹം നിര്ദേശിച്ചിട്ടുണ്ട്. വ്യാപാരികള്ക്കും ഉപഭോക്താക്കള്ക്കും…
Read Moreകോഴിക്കോട്ട് നാലു വീടുകൾക്കും ഹോട്ടലിനും നേരെ ബോംബേറ്; സംഭവത്തിൽ പോലീസ് അന്വേഷണം തുടങ്ങി.
പേരാമ്പ്ര: കോഴിക്കോട് പേരാമ്പ്രയിൽ നാലു വീടുകൾക്കും ഹോട്ടലിനും നേരെ ബോംബേറ്. രണ്ടു സിപിഎം പ്രവർത്തകരുടെയും രണ്ടു ശിവജിസേനാ പ്രവർത്തകരുടെയും വീടിന് നേരെയാണ് ചൊവ്വാഴ്ച രാത്രിയിൽ ആക്രമണമുണ്ടായത്. എന്നാൽ ആർക്കും പരിക്കേറ്റിട്ടില്ല. വിഷു ദിനത്തിൽ പേരാമ്പ്രയിൽ വച്ചുണ്ടായ തർക്കമാണ് ബോംബേറിൽ കലാശിച്ചതെന്നാണ് പോലീസ് പറയുന്നത്. സംഭവത്തിൽ പോലീസ് അന്വേഷണം തുടങ്ങി.
Read Moreവാട്സ്ആപ്പ് ഹർത്താൽ: കസ്റ്റഡിയിലെടുത്തവരുടെ രാഷ്ട്രീയവും അന്വേഷണത്തിന്
കോഴിക്കോട്: സോഷ്യൽ മീഡിയവഴി ഹർത്താൽ ആഹ്വാനം ചെയ്ത് അക്രമം അഴിച്ചുവിട്ടതിനെ തുടർന്നു പോലീസ് കസ്റ്റഡിയിലെടുത്തവരുടെ രാഷ്ട്രീയം അന്വേഷിക്കാൻ നിർദേശം. സംസ്ഥാന രഹസ്യാന്വേഷണ വിഭാഗം മേധാവി ടി.കെ.വിനോദ്കുമാറാണ് ഇതുസംബന്ധിച്ചുള്ള നിർദേശം നൽകിയത്. ഇതിന്റെ അടിസ്ഥാനത്തിൽ അതതു മേഖലയിലെ സംസ്ഥാനരഹസ്യാന്വേഷണ വിഭാഗം ഉദ്യോഗസ്ഥർ ഓരോ പോലീസ് സ്റ്റേഷനുകളിലുമായി പിടികൂടിയവരുടെ വിവരങ്ങൾ ശേഖരിക്കാൻ തുടങ്ങി. രാഷ്ട്രീയ ബന്ധത്തെ കുറിച്ചാണു പ്രധാനമായും അന്വേഷിക്കുന്നത്. ഏറ്റവും കൂടുതൽ പേർ ഏതു രാഷ്ട്രീയ പാർട്ടിയുമായി അനുഭാവമുള്ളവരാണെന്നതു കണ്ടെത്തി റിപ്പോർട്ട് നൽകാനാണു നിർദേശം. ഹർത്താലിനു പിന്നിൽ പ്രവർത്തിച്ച സംഘടനയുടെ പങ്കിനെ കുറിച്ചു കൃത്യമായ വിവരങ്ങൾ ശേഖരിക്കുന്നതിനായാണിത്.
Read Moreഅധ്യാപികയുടെ മരണം: ഭർത്താവും ഭർതൃപിതാവും അറസ്റ്റിൽ ; ഭർത്താവിന്റെയും വീട്ടുകാരുടെയും പീഡനമാണു മകൾ മരിച്ചതെന്ന പരാതിയിലാണ ്അറസ്റ്റ്
മാനന്തവാടി: തവിഞ്ഞാൽ സെന്റ് തോമസ് യുപി സ്കൂൾ അധ്യാപിക പേര്യ വരയാൽ പാറത്തോട്ടം റോണി കെ. മാത്യു(30) പൊള്ളലേറ്റു മരിച്ച സംഭവത്തിൽ ഭർത്താവ് പേര്യ ചെറുവത്ത് വിനീത്(31), ഭർതൃപിതാവ് വിത്സണ്(63)എന്നിവരെ ഡിവൈഎസ്പി കെ.എം. ദേവസ്യയുടെ നേതൃത്വത്തിൽ അറസ്റ്റുചെയ്തു. കോടതിയിൽ ഹാജരാക്കിയ ഇവരെ റിമാൻഡ് ചെയ്തു. റോണിയുടെ മരണത്തിനു പിന്നിൽ ഭർത്താവിന്റെയും വീട്ടുകാരുടെയും പീഡനമാണെന്നു ആരോപിച്ച് അമ്മ ഷീലയും സഹോദരൻ ടോണിയും നൽകിയ പരാതിയുടെ അടിസ്ഥാനത്തിലാണ് പോലീസ് നടപടി. കഴിഞ്ഞ ബുധനാഴ്ചയാണ് ഭർതൃവീടിനു പരിസരത്തുവച്ചാണ് ഒരു മാസം പ്രായമുള്ള കുഞ്ഞിന്റെ അമ്മയുമായ റോണിക്ക് പൊള്ളലേറ്റത്. പിറ്റേന്നു പുലർച്ചെ കോഴിക്കോട് മെഡിക്കൽ കോളജ് ആശുപത്രിയിലായിരുന്നു മരണം. വീടിനു പുറത്തുള്ള ശുചിമുറിയിൽനിന്നു ദേഹത്തു തീപടർന്ന ശരീരവുമായി ഓടുന്ന നിലയിലാണ് റോണിയെ വീട്ടുകാരും സമീപവാസികളും കണ്ടത്. അധ്യാപിക ദേഹത്ത് പെട്രോൾ ഒഴിച്ച് തീകൊളുത്തുകയായിരുന്നുവെന്നാണ് പോലീസിന്റെ പ്രാഥമിക നിഗമനം.
Read Moreനഞ്ചൻഗോഡ്-നിലന്പൂർ റെയിൽവേ യഥാർഥ്യമാക്കാൻ ബത്തേരിയിൽനിന്നും കൽപ്പറ്റയിലേക്ക് റെയിൽവേ ആക്ഷൻ കമ്മിറ്റിയുടെ നേതൃത്വത്തിൽ ലോംഗ് മാർച്ച്
സുൽത്താൻ ബത്തേരി: വയനാട്ടുകാരുടെ ചിരകാല സ്വപ്നമായ നഞ്ചൻഗോഡ്-വയനാട്-നിലന്പൂർ റെയിൽവേ യാഥാർഥ്യമാക്കണമെന്നാവശ്യപ്പെട്ട് റെയിൽവേ ആക്ഷൻ കമ്മിറ്റിയുടെ നേതൃത്വത്തിൽ ബത്തേരിയിൽ നിന്നും കൽപ്പറ്റയിലേക്ക് ലോംഗ് മാർച്ച് ആരംഭിച്ചു. രാവിലെ എട്ടിന് ബത്തേരി ചുങ്കം ജംഗ്ഷനിൽ നിന്നും ആരംഭിച്ച ലോഗ് മാർച്ച് ഐ.സി. ബാലകൃഷ്ണൻ എംഎൽഎ, ബത്തേരി ബിഷപ് ഡോ. ജോസഫ് മാർ തോമസ്, മലബാർ ഭദ്രാസിനാധിപൻ സഖറിയാസ് മാർ പോളികാർപ്പോസ്, ഡബ്യുഎംഒ പ്രസിഡന്റ് എം.എ. മുഹമ്മദ് ജമാൽ, വ്യാപാരി വ്യവസായി ഏകോപനസമിതി ജില്ലാ പ്രസിഡന്റ് പ്രസിഡന്റ് കെ.കെ. വാസുദേവൻ എന്നിവർ ചേർന്നാണ് ഉദ്ഘാടനം ചെയ്ത്. ഫ്ളാഷ്മോബോടുകൂടിയാണ് മാർച്ചിന് തുടക്കമായത്. എഐസിസി അംഗം കെ.സി. റോസക്കുട്ടി, എൻ.ഡി. അപ്പച്ചൻ, കെ.എൽ. പൗലോസ്, കെ.കെ. ഏബ്രഹാം, നൂറ്കണക്കിന് വൈദികർ, സന്യസ്തർ എന്നിവർ റാലിയിൽ പങ്കെടുക്കുന്നുണ്ട്. സംസ്ഥാന സർക്കാർ അടിയന്തരമായി ഇടപെട്ട് റെയിൽവേ യാഥാർഥ്യമാക്കുന്നതിനുള്ള നടപടികൾ ആരംഭിക്കണമെന്നാവശ്യപ്പെട്ടാണ് മാർച്ച് നടത്തുന്നത്. വയനാടിന്റെ ശബ്ദമാണ് മാർച്ചിൽ…
Read Moreഹർത്താൽ സംഘർഷത്തിനിടെ ഇരിട്ടി എസ്ഐക്ക് പരിക്കേറ്റ സംഭവത്തില് പ്രതികൾക്കായി റെയ്ഡ് തുടങ്ങി
ഇരിട്ടി: ഹര്ത്താല് ആഹ്വാനവും സംഘര്ഷവും ഉണ്ടായതിനെ തുടര്ന്ന് ഇരിട്ടി എസ്ഐക്ക് പരിക്കേറ്റ സംഭവത്തില് പോലീസ് പ്രതികള്ക്കായി റെയ്ഡ് തുടങ്ങി. കസ്റ്റഡിയിലെടുത്ത മൂന്ന് പേരെ റിമാന്ഡ് ചെയ്തു. മുപ്പത് പേര്ക്കെതിരെയാണ് കേസെടുത്തത്. കാശ്മീരിലെ കഠുവയില് എട്ടുവയസ്സുകാരിയെ കൂട്ടമാനഭംഗത്തിനിരയാക്കി കൊലപ്പെടുത്തിയ സംഭവത്തില് പ്രതിഷേധിച്ച് നവ മാധ്യമങ്ങളിലൂടെ ഇന്നലെ ഹര്ത്താലിന് ആഹ്വാനം ചെയ്തവരും പോലീസും തമ്മില് ഇരിട്ടിയിലുണ്ടായ സംഘര്ഷത്തിലാണ് ഇരിട്ടി എസ്ഐ പി.സി സജ്ഞയ്കുമാറിന് ഇന്നലെ പരിക്കേറ്റത്. ബലമായി കടപൂട്ടിക്കാന് ശ്രമിച്ച അഞ്ച് ഹര്ത്താല് അനുകൂലികളെ പോലീസ് കസ്റ്റഡിയിലെടുത്തിരുന്നു. കസ്റ്റഡിയിലെടുത്തയാളെ പോലീസ് വാഹനത്തിലേക്ക് കയറ്റുന്നത് തടഞ്ഞതോടെയാണ് പോലീസും ഹര്ത്താലനുകൂലികളും തമ്മില് സംഘര്ഷമുണ്ടായത്. ഇരിട്ടി ഡിവൈഎസ്പി പ്രജീഷ് തോട്ടത്തില്, ഇന്സ്പെക്ടര് എം.ആര് ബിജു എന്നിവരുടെ നേതൃത്വത്തിലാണ് പ്രതികള്ക്കായി റെയ്ഡ് നടത്തുന്നത്. ഇരിട്ടി ടൗണില് ഉള്പെടെ പോലീസ് പിക്കറ്റിംഗും പട്രോളിംഗും ഇന്നലെ രാത്രി മുതല് ഏര്പെടുത്തിയിരുന്നു. സ്ട്രൈക്കിംഗ് ഫോഴ്സിനെയും ഇരിട്ടിയില് വിന്യസിച്ചിട്ടുണ്ട്.
Read Moreവ്യാജ ഹര്ത്താല്: ഉറവിടം തേടി പോലീസ്; ഹര്ത്താല് മറവില് വ്യാപക അക്രമം അഴിച്ചുവിടുകയായിരുന്നു അക്രമികളുടെ ലക്ഷ്യമെന്ന് പോലീസ്
സ്വന്തം ലേഖകന് കോഴിക്കോട്: സോഷ്യല് മീഡിയവഴി വ്യാജ ഹര്ത്താല് ആഹ്വാനം ചെയ്ത് അക്രമം അഴിച്ചുവിട്ടവരെ പിടിക്കാന് പോലീസ്.ഇതുമായി ബന്ധപ്പെട്ട് സംസ്ഥാന ഇന്റലിജന്സ് വിഭാഗം അന്വേഷണം തുടങ്ങി.ഹര്ത്താല് ആഹ്വാനത്തിന്റെ ഉറവിടവും അത് ഷെയര് ചെയ്തവരെക്കുറിച്ചും പോലീസ് അന്വേഷിക്കുന്നുണ്ട്. ഹര്ത്താല് മറവില് വ്യാപകഅക്രമം അഴിച്ചുവിടുകയായിരുന്നു ഇവരുടെ ലക്ഷ്യമെന്ന് പോലീസിന് വ്യക്തമായിട്ടുണ്ട്. ചില മുസ്ലിം തീവ്രവാദസംഘടനകളാണ് ഹര്ത്താലിന് പിന്തുണയുമായി രംഗത്തെത്തിയതെന്ന് പോലീസിന് വിവരം ലഭിച്ചു. പലയിടത്തും ഭീഷണിയുടെ സ്വരമായിരുന്നു ഹര്ത്താല്അനുകൂലികള്ക്ക്. അക്രമം നടന്ന പ്രദേശങ്ങളില് സിസിടിവി കാമറകള് പരിശോധിച്ച് ഇവര്ക്കെതിരേ നടപടിയെടുക്കാനും ഇവര് എതു സംഘടനയില്പ്പെട്ടവരാണെന്ന കാര്യം പരിശോധിക്കാനും ഇന്റലിജന്സ് വിഭാഗത്തിന് നിര്ദേശം നല്കിയിട്ടുണ്ട്. സമാനമായ സാഹചര്യം ആവര്ത്തിക്കാതിരിക്കാന് ശക്തമായ നടപടിയെടുക്കണമെന്നും നിര്ദേശമുണ്ട്. ആര്ക്കും ഹര്ത്താല് ആഹ്വാനം ചെയ്ത് നാട്ടില് അക്രമം നടത്താമെന്ന സ്ഥിതിവിശേഷം പോലീസിനും നാണക്കേടുണ്ടാക്കിയിട്ടുണ്ട്. പോലീസ് കസ്റ്റഡിയില് ഇരിക്കുന്ന അവസ്ഥയില് പോലും തങ്ങളെ കസ്റ്റഡിയില് എടുത്ത ദൃശ്യങ്ങള് സോഷ്യല്മീഡിയയയില്…
Read Moreഹർത്താലുമായി ലീഗിനു ബന്ധമില്ല; മുസ്ലിംലീഗിന്റെ പിന്തുണ ഉണ്ടെന്നതു വ്യാജവാർത്തയാണെന്ന് കെ.പി.എ മജീദ്
മലപ്പുറം: കാഷ്മീരിലെ കഠുവയിൽ എട്ടു വയസുകാരിയെ മാനഭംഗപ്പെടുത്തി കൊല ചെയ്ത സംഭവവുമായി ബന്ധപ്പെട്ടു സോഷ്യൽ മീഡിയ വഴി ഹർത്താലിനു ആഹ്വാനം ചെയ്തതു സംഘടിതമായതും സമാധാനപരവും ഒറ്റക്കെട്ടായതുമായ പ്രതിഷേധങ്ങളെ വഴി തിരിച്ചുവിടാനുള്ള നീക്കമാണെന്നും ഇന്നത്തെ ഹർത്താലുമായി മുസ്ലിംലീഗിനു ഒരു ബന്ധവുമില്ലെന്നും മുസ്ലിംലീഗ് സംസ്ഥാന ജറൽ സെക്രട്ടറി കെ.പി.എ മജീദ് അറിയിച്ചു. സമാധാനപരമായ സമരങ്ങളിലൂടെയും നിയമപോരാട്ടത്തിലൂടെയും ബാലികയ്ക്കു നീതി ലഭ്യമാക്കാൻ മുസ്ലിംലീഗ് പാർട്ടി മുന്നിലുണ്ടാകും. ഇന്നത്തെ ഹർത്താലിനു മുസ്ലിംലീഗിന്റെ പിന്തുണ ഉണ്ടെന്നതു വ്യാജവാർത്തയാണെന്നും അദ്ദേഹം പറഞ്ഞു. പിഞ്ചുകുഞ്ഞിനെ കൊന്നുതള്ളിയ സംഭവത്തിൽ രാജ്യം ഒറ്റക്കെട്ടായും സമാധാനപരമായും പ്രതിഷേധിച്ചപ്പോൾ മുസ്ലിംലീഗും മുന്നിൽ തന്നെ നിന്നു. കുറ്റവാളികളെ സംരക്ഷിക്കാൻ ശ്രമിച്ച രണ്ടു മന്ത്രിമാർ രാജിവച്ചതും സുപ്രീംകോടതി ശക്തമായി ഇടപെട്ടതും ജനകീയ മുന്നേറ്റങ്ങളുടെ ഫലമാണ്. സംസ്ഥാന വ്യാപകമായി മുസ്ലിംലീഗ് നടത്തിയ പ്രതിഷേധങ്ങളും ശ്രദ്ധേയമായിരുന്നു. ആ കുടുംബത്തിനു നീതി ഉറപ്പാക്കാൻ നിയമ സഹായം ഉൾപ്പെടെയുള്ള കാര്യങ്ങളിൽ മുസ്ലിംലീഗ്…
Read Moreചന്ദ്രശേഖരനെ കൊന്നിട്ടും പക തീരാത്തവർ; ടിപി രക്തസാക്ഷിദിന ബോർഡുകൾ നശിപ്പിച്ചു
വടകര: ടി.പി.ചന്ദ്രശേഖരന്റെ ആറാം രക്തസാക്ഷി ദിനാചരണത്തിന്റെ പ്രചരണ ബോർഡുകൾ നശിപ്പിച്ചു. ഓർക്കാട്ടേരി ടൗണിലേയും പരിസര പ്രദേശങ്ങളിലേയും ബോർഡുകളാണ് നശിപ്പിച്ചത്. കഴിഞ്ഞദിവസം രാത്രിയാണ് ബോർഡുകൾ വ്യാപകമായി നശിപ്പിക്കപ്പെട്ടത്. ബോർഡുകളെല്ലാം പൂർണമായി വെട്ടിക്കീറിയ നിലയിലാണ്. എല്ലാ വർഷങ്ങളിലും ടി.പി.രക്തസാക്ഷി ദിനാചരണ ബോർഡുകൾ സംഘടിതമായി നശിപ്പിക്കപ്പെട്ടിരുന്നു. ഈ വർഷം പ്രചരണത്തിന്റെ ആദ്യഘട്ടം തന്നെ ബോർഡുകൾ നശിപ്പിച്ച് തുടങ്ങിയിരിക്കുകയാണ്. ചന്ദ്രശേഖരനെ കൊന്നിട്ടും പക തീരാത്തവർ ചന്ദ്രശേഖരന്റെ ഫോട്ടോകൾ പോലും വെട്ടി കീറുന്ന അവസ്ഥയാണെന്ന് ആർഎംപിഐ ഓർക്കാട്ടേരി ലോക്കൽ കമ്മിറ്റി പ്രസ്താവനയിൽ കുറ്റപ്പെടുത്തി.
Read More