കോഴിക്കോട്: പറന്പിൽ ബസാറിൽ പോലൂർ പയിന്പ്ര റോഡിന് സമീപം കത്തിക്കരിഞ്ഞ നിലയിൽ മൃതദേഹം കണ്ടെത്തിയ സംഭവുമായി ബന്ധപ്പെട്ട് പോലീസ് പുറത്ത് വിട്ട രേഖാചിത്രത്തിന്റെ അടിസ്ഥാനത്തിൽ കാണാതായ മൂന്ന് പേരെ പോലീസ് കണ്ടെത്തി. രേഖാചിത്രം പുറത്ത് വിട്ടതിനെ തുടർന്ന് ഇന്നലെ ചേവായൂർ പോലീസ് സ്റ്റേഷനിലേക്ക് നിരവധി ഫോൺ വിളികൾ എത്തിയിരുന്നു. രേഖാചിത്രം കണ്ട് പല സ്ഥലങ്ങളിൽ നിന്നും കാണാതായവരുടെ ബന്ധുക്കളാണ് പോലീസിനെ വിളിച്ചത്. ഇതിന്റെ അടിസ്ഥാനത്തിൽ സംസ്ഥാനത്തെയും അയൽ സംസ്ഥാനത്തെയും പോലീസ് നടത്തിയ അന്വേഷണത്തിൽ കാണാതായ മൂന്ന് യുവാക്കളെ കണ്ടെത്താൻ പോലീസിന് സാധിച്ചു. തലയാട്, തൃത്താല എന്നിവിടങ്ങളിൽ നിന്ന് കാണാതായവരെയാണ് പോലീസ് കണ്ടെത്തിയത് . തലയാട് നിന്ന് കാണാതായ യുവാവിനെ ബാലുശേരിക്കടുത്ത് തൃത്താലയിൽ നിന്നും തൃത്താലയിൽ നിന്ന് കാണാതായ യുവാവിനെ തൃച്ചിനാപ്പള്ളിയിൽ നിന്ന് തമിഴ്നാട് റൂറൽ പോലീസുമാണ് കണ്ടെത്തിയത്. കൊല്ലപ്പെട്ടയാളെ കുറിച്ചുള്ള അന്വേഷണം ഊർജിതമായി നടക്കുന്നുണ്ടെന്ന് പോലീസ് അറിയിച്ചു.…
Read MoreCategory: Kozhikode
പാഠപുസ്തകം കിട്ടിയെന്ന് ഉറപ്പുവരുത്തണമെന്ന് വിദ്യാഭ്യാസ വകുപ്പ്; എത്താത്ത പാഠപുസ്തകം ലഭിച്ചെന്ന് എങ്ങനെ ഉറപ്പു വരുത്തുമെന്ന് അധ്യാപകർ
മുക്കം: പാദ വാർഷിക പരീക്ഷ കഴിഞ്ഞ് സ്കൂളുകൾ തുറന്ന് പത്ത് ദിവസം പിന്നിട്ടിട്ടും രണ്ടാം വാല്യത്തിലെ ഒരു പാഠ പുസ്തകം പോലും വിതരണം ചെയ്യാൻ വിദ്യാഭ്യാസ വകുപ്പിന് സാധിച്ചിട്ടില്ല. അതേ സമയം എല്ലാം ലഭിച്ചുവെന്ന് ഉറപ്പു വരുത്താനും വിതരണത്തിന്റെ കണക്കുകൾ അപ്ഡേറ്റ് ചെയ്യാനുമുള്ള നിർദ്ദേശം ഡിഡിയിൽ നിന്നും എഇഒയിൽ നിന്നും നേരിട്ടും ഇ-മെയിൽ വഴിയും വന്നു കൊണ്ടിരിക്കുകയും ചെയ്യുന്നു. എന്തു ചെയ്യണമെന്നറിയാതെ വിഷമവൃത്തത്തിലായിരിക്കുകയാണ് പ്രധാനാധ്യാപകർ. കാൽക്കൊല്ലപരീക്ഷക്കു ശേഷം ആരംഭിക്കേണ്ട പുസ്തകങ്ങളൊന്നും ലഭിക്കാത്തതിനാൽ പഠനമാകെ അവതാളത്തിലായിരിക്കുകയാണ്. മുക്കം സബ് ജില്ലയിൽ എൽ.പി, യു.പി രണ്ടാം വാല്യം പാഠ പുസ്തകങ്ങളിൽ ഒരെണ്ണം പോലും ഒരു സ്കൂളിലും ഇതുവരെ എത്തിയിട്ടില്ല. അതേ സമയം കഴിഞ്ഞ ദിവസം എഇഒ വിളിച്ചു ചേർത്ത പ്രധാനാധ്യാപകരുടെ യോഗത്തിൽ പാഠ പുസ്തക വിതരണത്തിന്റെ കണക്കുകൾ സംബന്ധിച്ച് ഡിഡിയു ടെ നിർദേശം ശ്രദ്ധയിൽ പെടുത്തിയിരുന്നു. ലഭിക്കാത്ത പുസ്തകങ്ങൾക്ക് എന്ത്…
Read Moreഅപ്പോ ശരിക്കും വില എന്താകും..! അടിവാരത്ത് 50 രൂപയ്ക്ക് രണ്ടരക്കിലോ മത്തി ; കേട്ടറിഞ്ഞ് വാങ്ങാനെത്തിയവരുടെ തിരക്ക്; ഈ വിലയ്ക്ക് വിറ്റിട്ടും തങ്ങൾക്ക് മെച്ചപ്പെട്ട ലാഭമെന്ന് യൂസഫും ഷാജഹാനും
താമരശേരി: നഗരത്തിലും ജില്ലയിലെ മിക്ക സ്ഥലങ്ങളിലും ഒരു കിലോ മത്തിക്ക് നൂറ് മുതൽ നൂറ്റി അറുപത് രൂപവരെ വിലയീടാക്കുന്പോൾ അടിവാരത്ത് 50രൂപയ്ക്ക് രണ്ടര കിലോ മത്തി !. 20 രൂപയ്ക്ക് ഒരു കിലോ പിടയ്ക്കുന്ന മത്തി കിട്ടുന്നത് കേട്ടറിഞ്ഞ് വാങ്ങാനെത്തുന്നവരുടെ വൻതിരക്കായിരുന്നു ഇവിടെ. ട്രോളിംഗ് നിരോധനം നീക്കിയിട്ടും മത്സ്യത്തിന് വിലകുറയാത്ത സാഹചര്യത്തിലാണ് അടിവാരത്തെ യുവാക്കളായ യൂസഫ് പുളിക്കലും ഷാജഹാനും ചേർന്ന് ഉദാര വിലയ്ക്ക് മത്സ്യം വിൽക്കുന്നത്. കൊയിലാണ്ടി കടപ്പുറത്ത് നിന്നാണ് മത്സ്യം എത്തിക്കുന്നത്. കോരയുടെ ഉപവിഭാഗമായ സിൽക്ക് മീനിന് 60 രൂപയാണ് വില. വാഹനത്തിൽ വച്ചാണ് വിൽപ്പന. ഈ വിലയ്ക്ക് വിറ്റാലും സാമാന്യം മെച്ചപ്പെട്ട ലാഭമുണ്ടെന്ന് ഇവർ പറയുന്നു.
Read Moreവേങ്ങര ഉപതെരഞ്ഞെടുപ്പിൽ യുഡിഎഫ്-എൽഡിഎഫ് സ്ഥാനാർഥികൾ പത്രിക സമർപ്പിച്ചു; നേതാക്കളുടെയും പ്രവർത്തകരുടെയും ഒപ്പമെത്തിയാണ് പത്രിക സമർപ്പിച്ചത്
മലപ്പുറം: വേങ്ങര ഉപതെരഞ്ഞെടുപ്പിൽ യുഡിഎഫ് സ്ഥാനാർഥി കെ.എൻ.എ. ഖാദർ നാമനിർദേശക പത്രിക സമർപ്പിച്ചു. ഉപവരണാധികാരിയായ വേങ്ങര ബിഡിഒ മുൻപാകെയാണ് ഖാദർ പത്രിക സമർപ്പിച്ചത്. യുഡിഎഫ് ജില്ലാ നേതൃയോഗത്തിനു ശേഷം നിരവധി പാർട്ടി പ്രവർത്തകരുടെയും നേതാക്കൻമാരുടെയും സാന്നിധ്യത്തിലാണ് ഖാദർ പത്രിക സമർപ്പിച്ചത്. എൽഡിഎഫ് സ്ഥാനാർഥി പി.പി. ബഷീറും ഇന്ന് നാമനിർദേശക പത്രിക സമർപ്പിച്ചിരുന്നു. മലപ്പുറം ഡെപ്യൂട്ടി കളക്ടര് മുന്പാകെയാണ് ബഷീർ പത്രിക സമര്പ്പിച്ചത്. വേങ്ങരയിൽ എൽഡിഎഫ് സ്ഥാനാർഥി പി.പി. ബഷീർ പത്രിക സമർപ്പിച്ചു മലപ്പുറം: വേങ്ങര ഉപതെരഞ്ഞെടുപ്പിൽ എൽഡിഎഫ് സ്ഥാനാർഥി പി.പി. ബഷീർ നാമനിർദേശക പത്രിക സമർപ്പിച്ചു. മലപ്പുറം ഡെപ്യൂട്ടി കളക്ടര് മുന്പാകെയാണ് ബഷീർ പത്രിക സമര്പ്പിച്ചത്. പാലോളി മുഹമ്മദ് കുട്ടി ഉൾപ്പെടെയുള്ള നേതാക്കളുടെ സാന്നിധ്യത്തിലായിരുന്നു പത്രിക സമർപ്പണം.
Read Moreകുട്ടികളില്ലാതെയും ജീവനക്കാർ എത്തണമെന്ന് നിർദേശത്തെ തുടർന്ന് ആംഗൻവാടി ജീവനക്കാർ ഇന്നും ജോലിക്കെത്തി; കനത്ത മഴയെ തുടർന്ന് സർക്കാർ അവധി പ്രഖ്യാപിച്ചിട്ടും പണിയെടുപ്പിച്ച് ഉദ്യോഗസ്ഥർ
മുക്കം: കനത്ത മഴയെ തുടർന്ന് ജില്ലയിലെ പ്രൊഫഷണൽ കോളജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് ഇന്നലെ അവധി നൽകിയപ്പോൾ ആംഗൻവാടി വർക്കർമാരെയും ഹെൽപ്പർ മാരെയും അവഗണിച്ചു.ഐസിഡിഎസ് മുക്കം പ്രൊജക്റ്റിന് കീഴിലുള്ള മുക്കം നഗരസഭ, കാരശേരി, കൊടിയത്തൂർ പഞ്ചായത്തുകളിലെ ആംഗൻവാടി ജീവനക്കാരോടാണ് ഈ അനീതി. ജില്ലയിൽ മറ്റിടങ്ങളിൽ ജീവനക്കാർക്ക് അവധി നൽകുകയും ചെയ്തു. സർക്കാരിന്റെ വിവിധ പ്രവൃത്തികൾ ഏറ്റെടുത്ത് നടപ്പാക്കുന്നതിനും അവയുടെ സർവേ നടപടികൾക്കും മറ്റും നിയോഗിക്കപ്പെട്ട് തുച്ഛമായ വേതനത്തിന് ജോലിയെടുക്കുന്ന ആംഗൻവാടി ജീവനക്കാർക്ക് പൊതു അവധി ദിവസങ്ങളിൽ വരെ ചെയ്താൽ തീരാത്ത ജോലി ഭാരമുള്ളപ്പോഴാണ് പ്രകൃതിക്ഷോഭം ഭയന്ന് ലീവ് നൽകിയപ്പോൾ പോലും അവഗണിച്ചത്. ജീവനക്കാരുടെ ജീവന് യാതൊരു വിലയും കൽപ്പിക്കാത്ത അധികൃതരുടെ നിലപാടിനെതിരെ കടുത്ത പ്രതിഷേധമുയർന്നിട്ടുണ്ട്.ജില്ലാ കലക്ടർ അവധി പ്രഖ്യാപിച്ചതിനെ തുടർന്ന് അതത് ഐസിഡിഎസ് സൂപ്പർവൈസർമാരെ ബന്ധപ്പെട്ട ആംഗൻവാടി ജീവനക്കാർ ബന്ധപ്പെട്ടപ്പോഴാണ് ഇന്നലെ പ്രവൃത്തി ദിനമാണന്നറിയിച്ചത്. അതേ സമയം…
Read Moreഗുർമീത് റാം റഹീം സിംഗിന്റെ വയനാട്ടിലെ ഭൂമിയിൽ സിപിഐ-എംഎൽ കൊടി സ്ഥാപിച്ചു ; കൈയടക്കി വച്ചിരിക്കുന്ന മുഴുവൻ ഭൂമിയും ഭൂരഹിതർക്ക് വിതരണം ചെയ്യണമെന്ന് സമരക്കാർ
കൽപ്പറ്റ: മാനഭംഗക്കേസിൽ തടവുശിക്ഷ അനുഭവിക്കുന്ന ദേര സച്ച സൗദ മേധാവി ഗുർമീത് റാം റഹീം സിംഗിന്റെ പരോക്ഷ ഉടമസ്ഥതയിൽ വയനാട്ടിലെ പഴയ വൈത്തിരിക്ക് സമീപമുള്ള ഭൂമിയിലേയ്ക്ക് സിപിഐ-എംഎൽ മാർച്ച് നടത്തുകയും ഭൂമിയിൽ കൊടി സ്ഥാപിക്കുകയും ചെയ്തു. കള്ളപ്പണം കൊണ്ടും നിയമവിരുദ്ധമായും ഗുർമീത് സിംഗ് കയ്യടക്കി വച്ചിരിക്കുന്ന മുഴുവൻ ഭൂമിയും ഭൂരഹിതർക്ക് വിതരണം ചെയ്യുക, ഇയാൾക്ക് കേരളത്തിലുള്ള സ്വത്തുവകകൾ കണ്ടുകെട്ടുകയും അന്വേഷണം നടത്തുകയും ചെയ്യുക തുടങ്ങിയ ആവശ്യങ്ങൾ ഉന്നയിച്ചു. സിപിഐ-എംഎൽ ജില്ലാ സെക്രട്ടറി സാം പി. മാത്യു ഉദ്ഘാടനം ചെയ്തു. സംസ്ഥാന എക്സിക്യൂട്ടീവ് കമ്മിറ്റി അംഗം സണ്ണി അന്പാട്ട്, ആർവിഎഫ്ഐ സംസ്ഥാന പ്രസിഡന്റ് എ.എം. അഖിൽകുമാർ, കെ. നസീറുദ്ദീൻ തുടങ്ങിയവർ പ്രസംഗിച്ചു. പി.ടി. പ്രേമാനന്ദ്, പി.യു. ബാബു, പി. വിജയകുമാർ, കെ.ജി. മനോഹരൻ, കെ.എസ്. ബാബു, പത്മനാഭൻ, എൻ.ജി. പ്രേമൻ തുടങ്ങിയവർ നേതൃത്വം നൽകി.
Read Moreഉദ്യോഗാർഥികൾക്ക് ആശ്വാസം..! ഗ്രാമീണ് ഡാക് സേവക് തസ്തികയിലേക്ക് ഒക്ടോബർ ഒന്നുമുതൽ വീണ്ടും അപേക്ഷിക്കാം; സൈറ്റ് വീണ്ടും പ്രവർത്തനക്ഷമമാകും
കോഴിക്കോട്:ഡെലിവറി ബോയ്, ബ്രാഞ്ച് പോസ്റ്റ് മാസ്റ്റർ, കത്തുകളും പാഴ്സലും പാക്ക് ചെയ്യുന്ന പാക്കേഴ്സ് എന്നീ തസ്തികകൾ അടങ്ങുന്ന തപാൽവകുപ്പിലെ ഗ്രാമീണ് ഡാക്ക് സേവക് തസ്തികകളിലേക്ക് അപേക്ഷിക്കാൻ സാധി്ക്കാതിരുന്ന ഉദ്യോഗാർഥികൾക്ക് ആശ്വസിക്കാം. അനുവദിച്ച സമയം അവസാനിക്കാറായിട്ടും അപേക്ഷ സമർപ്പിക്കാനാകാതിരുന്ന ആയിര കണക്കിന് ഉദ്യോഗാർഥികൾക്കാണ് പുതുക്കിയ തിയ്യതി ആശ്വാസമാകുന്നത്. കേന്ദ്ര തപാൽ വകുപ്പിന് കീഴിലുള്ള സംസ്ഥാന തപാൽ ഓഫീസുകളിലെ സബ് പോസ്റ്റ് ഓഫീസുകളിലേക്കുള്ള തസ്തികകളാണ് ഗ്രാമീണ് ഡാക്ക് സേവക് വെബ്സൈറ്റിലുണ്ടായ ചില സാങ്കേതിക തടസ്സങ്ങൾ മൂലമാണ് അപേക്ഷ സമർപ്പിക്കാൻ സാധിക്കാതിരുന്നത്. വെബ്സൈറ്റിൻറെ സർവർ ഡൗണ് ആയതാണ് പ്രധാന കാരണം. തസ്തികയിലേക്ക് ഓണ്ലൈനായി അപേക്ഷിക്കുന്നതിനുള്ള അവസാന തിയ്യതി നാളയാണെന്നാണ് ആദ്യം പുറത്തിറക്കിയ വിജ്ഞാപനത്തിൽ പറഞ്ഞിരുന്നത്. ആഗസ്റ്റ് 21 നായിരുന്നു അപേക്ഷകൾ സ്വീകരിച്ച് തുടങ്ങിയത്. എന്നാൽ വിഞ്ജാപനം പുറത്തിറങ്ങിയ ആദ്യ കുറച്ച് ദിവസങ്ങളിൽ മാത്രമാണ് അപേക്ഷകൾ സമർപ്പിക്കാൻ സാധിച്ചത്. പിന്നീട് നാളിത് വരെ…
Read Moreഞാനിരിക്കുമ്പം ഒരുത്തനും ചാടണ്ട..! അനുയോജ്യമായ സ്ഥലം ലഭിക്കുന്ന മുറയ്ക്ക് വടകരയിൽ പുതിയ സബ്ജയിൽ പണിയും; സബ്ജയിലിന്റെ ഇപ്പോഴത്തെ അവസ്ഥ പരിതാപകരമെന്ന് ആർ ശ്രീലേഖ
വടകര: അനുയോജ്യമായ സ്ഥലം ലഭിക്കുന്ന മുറയ്ക്ക് വടകരയിൽ പുതിയ സബ്ജയിൽ പണിയുന്നതിനു വേണ്ട എല്ലാകാര്യങ്ങളും നടത്തുമെന്ന് ജയിൽ ഡിജിപി ആർ.ശ്രീലേഖ പറഞ്ഞു. ഒൗദ്യോഗിക സന്ദർശനത്തിന്റെ ഭാഗമായി വടകര സബ്ജയിലിലെത്തിയപ്പോഴാണ് അവർ ഇക്കാര്യം വ്യക്തമാക്കിയത്. എൻഡിപിഎസ് കോടതിയടക്കം ഉള്ളപ്പോഴും വടകരയിൽ സബ്ജയിലിന്റെ അവസ്ഥ പരിതാപകരമാണ്. ഇതിനു പരിഹാരമായി പുതുപ്പണത്ത് ഇറിഗേഷൻ വകുപ്പിന്റെ സ്ഥലം സബ്ജയിലിനായി കണ്ടെത്തിയിരുന്നു. എന്നാൽ ഇത് ബന്ധപ്പെട്ട വകുപ്പ് കൈമാറാൻ സാധ്യതയില്ലെന്നാണ് റിപ്പോർട്ട്. അതിനാൽ വേറെ അനുയോജ്യ സ്ഥലം ലഭിച്ചാൽ പുതിയ ജയിലിനുള്ള എല്ലാ നടപടികളും അതിവേഗം തുടങ്ങുമെന്ന് ഡിജിപി പറഞ്ഞു. ട്രഷറിക്കരികിൽ ഇടുങ്ങിയ സ്ഥലത്താണ് നിലവിൽ സബ്ജയിൽ ഉള്ളത്. ഇവിടെ സൗകര്യങ്ങളുടെ അഭാവവും സുരക്ഷാ പ്രശ്നങ്ങളുമുണ്ട്. മാസങ്ങൾക്കു മുൻപ് ഇവിടെനിന്നു മയക്കുമരുന്നു കേസ് പ്രതി ജയിൽ ചാടിയിരുന്നു. ഇത്തരം പ്രശ്നങ്ങൾ പരിഹരിക്കാൻ വടകരയിൽ പുതിയ ജയിൽവേണമെന്ന ആവശ്യം ശക്തമാണ്.
Read Moreവയനാട് ജില്ലാ ആശുപത്രിയില് മുത്തശിക്ക് കൂട്ടിരിക്കാനെത്തിയ യുവതിയെ പീഡിപ്പിച്ച പ്രതി കുടുങ്ങി; ഇയാള് 2016ല് പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച കേസിലും പ്രതി; സംഭവം ഇങ്ങനെ…
മാനന്തവാടി: ജില്ലാ ആശുപത്രിയിൽ ആദിവാസി യുവതി പീഡനത്തിനിരയായ സംഭവത്തിൽ പ്രതി അറസ്റ്റിലായി. മാനന്തവാടി ആറാട്ടുത്തറ കൊടിലൻ നൗഫൽ എന്ന മിഷേൽ നൗഫൽ (24) ആണ് അറസ്റ്റിലായത്. എസ്എംഎസ് ഡിവൈഎസ്പി കുബേരൻ നന്പൂതിരിയുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. കഴിഞ്ഞ ബുധനാഴ്ച മുതൽ ആശുപത്രിയിൽ ചികിത്സയിലായിരുന്ന മുത്തശിക്ക് കൂട്ടിരിപ്പിനെത്തിയതായിരുന്നു യുവതി. വെള്ളിയാഴ്ച രാത്രി ഒന്പതോടെ യുവതിയെ കാണാതാവുകയായിരുന്നു. കാണാതായ വിവരം ബന്ധുക്കൾ ആശുപത്രി സെക്യൂരിറ്റിയെ അറിയിച്ചതിനെ തുടർന്ന് നടത്തിയ തെരച്ചിലിൽ പതിനൊന്ന് മണിയോടെ ആശുപത്രിക്ക് സമീപത്തുവച്ച് യുവതിയെ കണ്ടെത്തുകയായിരുന്നു. രാത്രിയിൽ രണ്ടുപേർ തന്നെ ബലമായി പിടിച്ചുകൊണ്ടുപോയി ആശുപത്രി പരിസരത്ത് വച്ച് ക്രൂരമായി പീഡിപ്പിച്ചുവെന്ന് യുവതി പോലിസിൽ മൊഴിനൽകി. ബലാത്സംഗത്തിനും അദിവാസികൾക്കെതിരെയുള്ള അതിക്രമം തടയൽ നിയമപ്രകാരവുമാണ് നൗഫലിനെതിരെ കേസെടുത്തിട്ടുള്ളത്. 2016ൽ പ്രായപൂർത്തിയാവാത്ത പെണ്കുട്ടിയെ പീഡിപ്പിച്ചതിന് പോക്സോ കേസിൽ പ്രതി കൂടിയാണ് നൗഫൽ.
Read Moreരമേശ് ഒന്നും മിണ്ടുന്നില്ല..! യുവാവിനെ കുത്തി പരിക്കേൽപ്പിച്ച് കിണറ്റിൽ തള്ളിയ സംഭവം; ദുരൂഹത തുടരുന്നു; സംഭവത്തെക്കുറിച്ച് പോലീസ് പറയുന്നത്
മുക്കം: യുവാവിന്നെ കുത്തിപ്പരിക്കേൽപ്പിച്ച ശേഷം കിണറിൽ തള്ളിയ സംഭവത്തിൽ ദുരൂഹതയേറുന്നു.പരിക്കേറ്റ രമേശിനെ വീട്ടിൽ നിന്ന് ഫോണ് വിളിച്ചിറക്കിയതല്ലന്നാണ് പോലീസ് പറയുന്നത്. അങ്ങിനെയെങ്കിൽ രാത്രി ഒരു മണി സമയത്ത് ഇയാൾ എന്തിന് പുറത്ത് പോയന്ന ചോദ്യമാണ് ബാക്കിയാവുന്നത്. രമേശ് അന്വേഷണത്തോട് സഹകരിക്കുന്നില്ലന്നും പോലീസ് പറയുന്നു.ഫോണ് വിളിച്ചാണ് ഇയാളെ പുറത്തിറക്കിയതെങ്കിൽ ആ കോൾ പിന്തുടർന്ന് പ്രതിയെ പിടികൂടാമായിരുന്നു.എന്നാൽ അങ്ങിനെ ഒരു ഫോണ് കോൾ വരാത്തതിനാൽ അന്വേഷണ സംഘവും പ്രതിസന്ധിയിലാണ്.ഇയാളുപയോഗിക്കുന്ന ഫോണുകൾ പോലീസ് പരിശോധിച്ചിരുന്നു. സംഭവ ദിവസം വീട്ടിലെത്തിയ അന്വേഷണ സംഘത്തോട് രമേശിന്റെ വീട്ടുകാർ പറഞ്ഞത് ഒന്നോടെ ആരോ ഫോണ് ചെയ്ത് പുറത്തിറക്കിയതാണെന്നായിരുന്നു. എന്നാൽ ഫോണ് വിളി നടന്നില്ലന്ന് അന്വേഷണ സംഘം തന്നെ പറയുന്പോൾ കള്ളൻ കപ്പലിൽ തന്നെയാണോ എന്ന ചോദ്യമാണ് ബാക്കിയാവുന്നത്. രമേശ് അന്വേഷണവുമായി സഹകരിച്ചെങ്കിൽ മാത്രമേ പ്രതികളെ കുറിച്ച് പോലീസിന് സൂചന ലഭിക്കൂ.ബുധനാഴ്ച പുലർച്ചെയാണ് പന്നിക്കോട് കാരാളിപറന്പ് സ്വദേശി…
Read More