ആലുവ: ശിവരാത്രി മണപ്പുറത്ത് ലഹരി മാഫിയ സംഘങ്ങൾ തമ്മിൽ ഏറ്റുമുട്ടൽ. ഒരാൾ കൊല്ലപ്പെട്ടു. ആലുവയിലെ അനാഥാലയത്തിൽ താമസിച്ചിരുന്ന കോട്ടയം സ്വദേശി ജോസൂട്ടി (25) യാണ് ആലുവ മണപ്പുറത്ത് കൊല്ലപ്പെട്ട നിലയിൽ കാണപ്പെട്ടത്. കൊലപാതകം നടന്ന ശേഷം ഉളിയന്നൂർ സ്വദേശി അടങ്ങുന്ന രണ്ടംഗ സംഘം ബൈക്കിൽ കയറിപ്പോയതായി ദൃക്സാക്ഷികൾ പറഞ്ഞു. ഇന്ന് പുലർച്ചെയാണ് മരിച്ച നിലയിൽ ജോസൂട്ടിയെ കണ്ടത്. ആലുവ മണപ്പുറത്തെ കുട്ടി വനത്തിന് സമീപമാണ് ഏറ്റുമുട്ടൽ നടന്നത്. ആലുവ പോലീസെത്തി നടപടികൾ സ്വീകരിച്ചു.
Read MoreCategory: Edition News
പിതാവിനെ നഷ്ടപ്പെട്ട മകന്റെ വേദനയില് സന്തത സഹചാരി പെപ്പിന് തോമസ്
കൊച്ചി: “പിതാവിനെ നഷ്ടപ്പെട്ട ഒരു മകന്റെ ഹൃദയവേദനയിലാണ് ഞാനിപ്പോള്. വാസുവേട്ടന് എനിക്ക് അത്രമേല് പ്രിയമുള്ള ആളായിരുന്നു. ഓരോ പുസ്തകവും അച്ചടിക്കായി ഏല്പിക്കുന്നത്, കഴിഞ്ഞ 25 കൊല്ലത്തിനിടയില് ഒരുമിച്ചു നടത്തിയ എത്രയെത്ര യാത്രകള്, എപ്പോഴും ഒരു മകനോടുള്ള സ്നേഹവും കരുതലും തന്ന വാസുവേട്ടന് ഇനിയില്ലെന്ന വേദന താങ്ങാവുന്നതില് അധികമാണ്. നാലു ദിവസം മുമ്പ് ഞാന് അദ്ദേഹത്തെ കണ്ടു മടങ്ങിയതാണ്…’ എം.ടി. വാസുദേവന് നായരുടെ സന്തതസഹചാരിയായിരുന്ന തൃശൂര് കറന്റ് ബുക്ക്സ് ഉടമ പെപ്പിന് തോമസ് മുണ്ടശേരിയുടെ വാക്കുകള് ഇടറി.1956 ല് പെപ്പിന്റെ പിതാവും കറന്റ് ബുക്ക്സ് ഉടമയുമായ തോമസ് മുണ്ടശേരിയുമായി തുടങ്ങിയതാണ് എംടിയുമായുള്ള സൗഹൃദം. രണ്ടു മൂന്നു കഥാപുസ്തകങ്ങള് പ്രസിദ്ധീകരിച്ച ശേഷം നാലുകെട്ട് ആദ്യമായി അച്ചടിക്കുന്നത് തോമസ് മുണ്ടശേരിയാണ്. പിതാവിന്റെ മരണ ശേഷം പെപ്പിന് പ്രസിദ്ധീകരണ രംഗത്ത് എത്തിയതോടെ ഈ ബന്ധം കൂടുതല് ഊഷ്മളമായി. എംടിയുടെ രണ്ടാമൂഴം ഉള്പ്പെടെ എഴുപത്…
Read Moreപൂർവവൈരാഗ്യത്തെത്തുടർന്ന് ക്രിസ്മസ് രാത്രിയിൽ വീടുകയറി ആക്രമണം; രണ്ടുപേർ കുത്തേറ്റ് മരിച്ചു
കനകമല (തൃശൂർ): പൂർവവൈരാഗ്യത്തെത്തുടർന്ന് ക്രിസ്മസ് രാത്രിയിൽ വീടുകയറി ആക്രമണത്തിൽ രണ്ടുപേർ കൊല്ലപ്പെട്ടു. ഗുരുതരമായി പരിക്കേറ്റ ഒരാളെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. കനകമല വട്ടേക്കാട് മര്യാദമുലയിലാണ് സംഭവം. വട്ടേക്കാട് കല്ലിങ്ങപുറം സുബ്രന്റെ മകൻ സജിത്ത് (32), സമീപവാസിയായ മഠത്തിക്കാടൻ സജീവന്റെ മകൻ അഭിഷേക് (22) എന്നിവരാണ് മരിച്ചത്. കുത്തേറ്റാണ് ഇരുവരുടേയും മരണം. മുൻ വൈരാഗ്യമാണ് സംഭവത്തിന് പിന്നിലെന്ന് പോലീസ് പറഞ്ഞു. സംഭവത്തെകുറിച്ച് പോലീസ് പറയുന്നത് ഇങ്ങനെ: നാല് വർഷം മുമ്പ് ക്രിസ്മസ് രാത്രിയിൽ അഭിഷേകിന്റെ സുഹൃത്ത് വിവേകിനെ സജിത്ത് കുത്തി കൊലപ്പെടുത്താൻ ശ്രമിച്ചതിന്റെ വൈരാഗ്യത്തിലാണ് വീടുകയറി ആക്രമിച്ചത്. മരിച്ച അഭിഷേക് ഉൾപ്പെടെ മൂന്നു പേരടങ്ങിയ സംഘം ഇന്നലെ അർധരാത്രിയോടെ സജിത്തിന്റെ വീട്ടിലെത്തി ആക്രമണം നടത്തുകയായിരുന്നു. പരസ്പരമുള്ള ആക്രമണത്തിൽ സജിത്തിനും, അഭിഷേകിനും കുത്തേൽക്കുകയും ഇരുവരും സംഭവസ്ഥലത്തുവച്ച് മരിക്കുകയുമായിരുന്നെന്ന് പറയുന്നു. അഭിഷേകിനോടൊപ്പമുണ്ടായിരുന്ന വിവേകിനാണ് ഗുരുതരമായി പരിക്കേറ്റത്. ഇയാളെ തൃശൂരിലെ ജൂബിലി…
Read Moreറോഡരികിൽ നിർത്തിയിട്ട ഓട്ടോയിൽനിന്നു പണവും എടിഎം കാർഡും കവർന്ന പ്രതി അറസ്റ്റിൽ
ചക്കരക്കൽ(കണ്ണൂർ): റോഡരികിൽ നിർത്തിയിട്ട ഓട്ടോറിക്ഷയിൽ നിന്നു 30,000 രൂപയും എടിഎം കാർഡും അടങ്ങിയ പേഴ്സ് കവർന്ന സംഭവത്തിലെ പ്രതി പിടിയിൽ. പുതിയതെരു ചിറക്കൽ സ്വദേശി നൗഷാദിനെയാണ് (56) ചിറക്കലിൽ വച്ച് കണ്ണൂർ എസിപി രത്നകുമാർ, ചക്കരക്കൽ സിഐ എം.പി. ആസാദ് എന്നിവരുടെ നേതൃത്വത്തിൽ അറസ്റ്റു ചെയ്തത്. ഓട്ടോ ഡ്രൈവർ മൗവ്വഞ്ചേരി മുതുകുറ്റിയിലെ സാബിറാസിൽ എ.വി.റാഷിദിന്റെ പണവും എടിഎം കാർഡുമായിരുന്നു മോഷണം പോയത്. ഇക്കഴിഢഞ്ഞ 18ന് ഉച്ച കഴിഞ്ഞ് മൂന്നിനും മൂന്നരയ്ക്കും ഇടയിൽ ഇരിവേരി വില്ലേജ് ഓഫീസിനു മുൻവശം നിർത്തിയിട്ടിരുന്ന ഓട്ടോയുടെ ഡാഷ് ബോഡ് തകർത്ത് ഇതിൽ സൂക്ഷിച്ച പണവും എടിഎം കാർഡുമടങ്ങിയ പേഴ്സായിരുന്നു കവർന്നത്. സിസിടിവി കാമറ ദൃശ്യങ്ങൾ ഉൾപ്പെടെയുള്ളവ പരിശോധിച്ച് നടത്തിയ അന്വേഷണത്തിലാണ് പ്രതിയെ കണ്ടെത്തി പിടികൂടിയത്. അറസ്റ്റിലായ പ്രതിയെ കോടതി റിമാൻഡ് ചെയ്തു.
Read Moreമദ്യപാനത്തിനിടെ വാക്തർക്കം; പെയിന്റിംഗ് തൊഴിലാളികുപ്പിക്ക് അടിയേറ്റു മരിച്ചു: പ്രതി കസ്റ്റഡിയിൽ
കൊല്ലം: പെയിന്റിംഗ് തൊഴിലാളി അടിയേറ്റുമരിച്ചു. കണ്ണനല്ലൂരിൽ വാടകയ്ക്കു താമസിക്കുന്ന ആലപ്പുഴ സ്വദേശി വിനോദ് (45) ആണ് കൊല്ലപ്പെട്ടത്. പ്രതി അയത്തിൽ സ്വദേശി രാജു (52)നെ പോലീസ് കസ്റ്റഡിയിലെടുത്തു. ഇന്നലെ പുലർച്ചെ ശാസ്താംകോട്ട ശ്രീ ധർമശാസ്താ ക്ഷേത്ര സദ്യാലയത്തിന് സമീപം ആയിരുന്നു സംഭവം. ക്ഷേത്ര സദ്യാലയത്തിലെ പെയിന്റിംഗ് പണികള്ക്ക് ദേവസ്വം ബോര്ഡ് കരാറുകാരന് കൊണ്ടുവന്ന തൊഴിലാളികളാണ് ഇരുവരും.മദ്യലഹരിയിൽ വിനോദും രാജുവും തമ്മിൽ വാക്കുതർക്കമുണ്ടായിരുന്നു. ഇതിനടയിൽ പ്രതി വലിയ പൈപ്പുകൊണ്ട് വിനോദിന്റെ തലയിൽ അടിക്കുകയായിരുന്നു. വിനോദിനെ താലൂക്കാശുപത്രിയിലെത്തിച്ചെങ്കിലും മരിച്ചു. മൃതദ്ദേഹം ശാസ്താംകോട്ട താലൂക്ക് ആശുപത്രി മോർച്ചറിയിൽ. മൃതദേഹം ഇന്ന് പോസ്റ്റ്മോർട്ടത്തിനായി പാരിപ്പള്ളി മെഡിക്കൽ കോളജ് ആശുപത്രിയിലേക്കു കൊണ്ടുപോകും.
Read Moreഎം ടി ഒരു മഹാമനുഷ്യനായിരുന്നുവെന്ന് പ്രതിപക്ഷ നേതാവ് വി.ഡി. സതീശൻ
തിരുവനന്തപുരം: അറിയാത്ത അത്ഭുതങ്ങളെ ഗർഭത്തിൽ വഹിക്കുന്ന മഹാസമുദ്രങ്ങളേക്കാൾ കൺമുന്നിൽ കാണുന്ന നിളാ നദിയെ ഇഷ്ടപ്പെട്ട, മനുഷ്യാവസ്ഥയെ ലളിതമായും കഠിനമായും ആവിഷ്കരിച്ച, ആത്മസംഘർഷങ്ങളും സങ്കടചുഴികളും നഷ്ടപ്പെടലിന്റെ വേദനയും ആഹ്ലാദത്തിന്റെ കൊടുമുടികളും കടന്ന് മൗനത്തിന്റെ തീവ്രതയെ അളവു കോലില്ലാതെ അടയാളപ്പെടുത്തിയ എം.ടി എന്നെ സംബന്ധിച്ച് ഒരു മഹാമനുഷ്യനായിരുന്നുവെന്ന് പ്രതിപക്ഷ നേതാവ് വി.ഡി.സതീശൻ അനുസ്മരിച്ചു. മനുഷ്യനെയും പ്രകൃതിയെയും ഉൾപ്രപഞ്ചങ്ങളെയും ഇത്ര ആഴത്തിലും ചാരുതയിലും അക്ഷരങ്ങളിലൂടെ ഞങ്ങൾക്ക് തന്നതിന് നന്ദി. അങ്ങയുടെ അസാന്നിധ്യത്തിലും വീണ്ടും വീണ്ടും കരുത്താർജിക്കാനുള്ള വിഭവങ്ങൾ അങ്ങ് തന്നെ തന്നിട്ടുണ്ടല്ലോയെന്ന് ആശ്വസിക്കാം. ഒരു ജനതയാകെ മാതൃഭാഷ എങ്ങനെ എഴുതണം, എങ്ങനെ പറയണം എന്ന് ഒരു പേനയുടെ ബലം കൊണ്ട് നിർണയിക്കാൻ കഴിഞ്ഞ മനുഷ്യൻ. ചവിട്ടി നിൽക്കുന്ന മണ്ണിനേയും ചുറ്റുമുള്ള മനുഷ്യരെയും പ്രകൃതിയെയും ആദരവോടെയും ആഹ്ളാദത്തോടെയും നോക്കി കാണാൻ അദ്ദേഹം മലയാളിയെ പഠിപ്പിച്ചു. മലയാളത്തിന്റെ പുണ്യവും നിറവിളക്കുമായി നിറഞ്ഞു നിന്ന എം.ടി…
Read Moreഹേമ കമ്മിറ്റി റിപ്പോർട്ട് ; ആദ്യ കേസില് കുറ്റപത്രം സമര്പ്പിച്ചു; പരാതികൾ പരിശോധിക്കാൻ സംസ്ഥാന വിവരാവകാശ കമ്മീഷന്റെ പ്രത്യേക ബെഞ്ച്
കോട്ടയം: ഹേമ കമ്മിറ്റി റിപ്പോർട്ടിലെ മൊഴിയുടെ അടിസ്ഥാനത്തിൽ രജിസ്റ്റർ ചെയ്ത ആദ്യ കേസില് കുറ്റപത്രം സമര്പ്പിച്ചു. കാഞ്ഞിരപ്പള്ളി കോടതിയിലാണ് പ്രത്യേക അന്വേഷണസംഘം കുറ്റപത്രം സമർപ്പിച്ചത്. മേക്കപ്പ് മാനേജർ സജീവിനെതിരേ കൊല്ലം സ്വദേശിയായ മേക്കപ്പ് ആർട്ടിസ്റ്റ് നൽകിയ പരാതിയാണ് കോട്ടയം പൊൻകുന്നം പോലീസ് കേസെടുത്തത്. പിന്നീട് കേസ് പ്രത്യേക അന്വേഷണസംഘത്തിനു കൈമാറുകയായിരുന്നു. 2013ൽ പൊൻകുന്നത്തെ ഷൂട്ടിംഗ് ലൊക്കേഷനിൽവച്ച് സജീവ് മോശമായി പെരുമാറിയെന്നായിരുന്നു കേസ്. അതേസമയം ഹേമ കമ്മിറ്റി റിപ്പോര്ട്ടുമായി ബന്ധപ്പെട്ട പരാതികൾ പരിശോധിക്കാൻ സംസ്ഥാന വിവരാവകാശ കമ്മീഷൻ പ്രത്യേക ബെഞ്ച് രൂപീകരിച്ചിട്ടുണ്ട്. മൂന്നംഗ ബെഞ്ചാണു രൂപീകരിച്ചത്. മുഖ്യ വിവരാവകാശ കമ്മീഷണർ നേതൃത്വം നൽകും. രണ്ട് വിവരാവകാശ കമ്മീഷണർമാരും ബെഞ്ചിലുണ്ടാകും
Read Moreകാരവാനില് ജീവനക്കാരെ മരിച്ചനിലയില് കണ്ട സംഭവം; അന്വേഷണം ഊര്ജിതമാക്കി പോലീസ്
വടകര: കരിമ്പനപ്പാലത്ത് കാരവാനില് രണ്ടുപേരെ മരിച്ചനിലയില് കണ്ടെത്തിയതിന്റെ കാരണം തേടി പോലീസ് അന്വേഷണം ഊര്ജിതമാക്കി. വാഹനത്തിന്റെ എസിയുടെ തകരാര് മൂലം വിഷവാതകം ശ്വസിച്ച് മരിച്ചതാകാമെന്ന പ്രാഥമിക നിഗമനത്തിലാണ് പോലീസ്. പക്ഷേ, ഇതുമായി ബന്ധപ്പെട്ട എല്ലാ സാധ്യതകളും പരിശോധിക്കുകയാണ്. പോസ്റ്റ്മോര്ട്ടം റിപ്പോര്ട്ടില് നിന്ന് മരണകാരണം വ്യക്തമാകുമെന്ന പ്രതീക്ഷയിലാണ് പോലീസ്. ഇന്ന് രണ്ടുപേരുടെയും മൃതദേഹങ്ങള് പോസ്റ്റ്മോര്ട്ടത്തിനു വിധേയമാക്കും. ബസ് ഡ്രൈവറായ വണ്ടുര് വാണിയമ്പലം പരിയാരത്ത് വീട്ടില് മനോജ് (27), കണ്ണൂര് തട്ടുമ്മല് പറശേരില് വീട്ടില് ജോയല് (26) എന്നിവരെയാണ് ഇന്നലെ രാത്രി 8.30 ഓടെ കാരവാനില് മരിച്ചനിലയില് കണ്ടത്. വാഹനത്തിന്റെ എസിയും പാര്ക്കിംഗ് ലൈറ്റും ഓണായ നിലയിലായിരുന്നു. ഒരാളുടെ മൃതദേഹം വാതില്പ്പടിയിലും മറ്റെയാളുടേത് ബര്ത്തിലുമാണ് കാണപ്പെട്ടത്.രാത്രിയായതിനാല് ഇന്നലെ കൂടുതല് പരിശോധന ഉണ്ടായിരുന്നില്ല. ഇന്ന് രാവിലെ തന്നെ വിശദ പരിശോധനയിലേക്ക് പോലീസ് നീങ്ങി. ഫോറന്സിക്, ഫിംഗര് പ്രിന്റ്, ഡോഗ് സ്ക്വാഡ് തുടങ്ങിയ…
Read Moreവ്യാജന്മാരെ തടയാൻ റെയിൽവേയിൽ ഇനി തെർമൽ പ്രിന്റർ ടിക്കറ്റുകൾ; ടിക്കറ്റ് വിതരണം ഇനി കൂടുതൽ കാര്യക്ഷമം
കൊല്ലം: അൺറിസർവ്ഡ് മേഖലയിൽ വ്യാപകമായ വ്യാജ ടിക്കറ്റുകൾ തടയുന്നതിന് പുതിയ സംവിധാനം പരീക്ഷിച്ച് റെയിൽവേ. നിലവിലെ ടിക്കറ്റ് വിതരണം പരിഷ്കരിച്ച് തെർമൽ പ്രിന്റർ വഴി ടിക്കറ്റ് നൽകുന്നതാണ് പുതിയ സംവിധാനം. ഇതുവഴി വ്യാജ ടിക്കറ്റുകൾ പൂർണമായും തടയാൻ കഴിയുമെന്നാണ് അധികൃതരുടെ പ്രതീക്ഷ. തിരക്കേറിയ നഗരങ്ങളിലെ സ്റ്റേഷനുകളിലാണ് ഈ സംവിധാനം നടപ്പിലാക്കി തുടങ്ങിയത്. അടുത്ത വർഷത്തോടെ പ്രധാന സ്റ്റേഷനുകളിലെല്ലാം തെർമൽ പ്രിന്റർ വഴിയുള്ള അൺറിസർവ്ഡ് ടിക്കറ്റുകൾ ലഭിക്കും.നിലവിൽ ഡോട്ട് മാട്രിക്സ് പ്രിന്റർ വഴിയുള്ള ടിക്കറ്റുകളാണ് കൗണ്ടറുകൾ വഴി നൽകുന്നത്. ഒരു ടിക്കറ്റ് നൽകാൻ വേണ്ടുന്നത് 20 സെക്കൻഡാണ്. എന്നാൽ തെർമൽ പ്രിന്ററിന് ടിക്കറ്റ് നൽകാൻ മൂന്ന് സെക്കൻഡ് മാത്രം മതിയെന്നതാണ് ഏറ്റവും വലിയ സവിശേഷത. മാത്രമല്ല ഇത് വഴി കൗണ്ടറുകളിൽ ടിക്കറ്റ് വിതരണം വേഗത്തിലാക്കാനും സാധിക്കും. തെർമൽ പ്രിന്ററുകൾ ഹീറ്റ് സെർവറുകൾ ഉപയോഗിച്ചാണ് ടിക്കറ്റുകൾ നൽകുന്നത്. ഇത്തരം ടിക്കറ്റുകൾ…
Read Moreവനനിയമ ഭേദഗതിയിൽ മാറ്റം വരുത്തിയേക്കും; എതിർപ്പ് ഉയർന്ന വ്യവസ്ഥകളിൽ തിരുത്തു പരിഗണിക്കും
തിരുവനന്തപുരം: വ്യാപക പ്രതിഷേധമുയർന്ന സാഹചര്യത്തിൽ വന നിയമ ഭേദഗതിയില് വനം വകുപ്പ് മാറ്റം വരുത്തിയേക്കും. 31ന് തീരുന്ന ഹിയറിംഗിനു ശേഷം മാറ്റങ്ങൾ വരുത്തുമെന്നാണ് സൂചന. വനം ഉദ്യോഗസ്ഥര്ക്കു കൂടുതല് അധികാരം നൽകുന്ന നിയമഭേദഗതിയിലെ ചില വ്യവസ്ഥകള് പുനഃപരിശോധിക്കും. എതിർപ്പ് ഉയർന്ന വ്യവസ്ഥകളിൽ തിരുത്തു പരിഗണിക്കും. വാറന്റ് ഇല്ലാതെയും കേസ് രജിസ്റ്റർ ചെയ്യാതെയും ആരെയും ഫോറസ്റ്റ് ഉദ്യോഗസ്ഥർക്ക് കസ്റ്റഡിയിലെടുക്കാനുള്ള അനുമതി നൽകുന്നതാണ് പുതിയ നിയമ നിർമാണം. ഇത് പുനഃപരിശോധിച്ചേക്കും. ഫോറസ്റ്റ് ഓഫീസര്മാരുടെ കര്ത്തവ്യ നിര്വഹണത്തില് തടസ്സം സൃഷ്ടിക്കുന്ന ഏതൊരാളെയും സെക്ഷന് ഫോറസ്റ്റ് ഓഫീസര് മുതല് മുകളിലുള്ള ഉദ്യോഗസ്ഥര്ക്ക് ആവശ്യമായി വന്നാല് വാറന്റില്ലാതെ അറസ്റ്റ് ചെയ്യാന് അധികാരം നല്കുന്നതാണ് പുതിയ വ്യവസ്ഥ. വനനിയമ ഭേദഗതിയിൽ പ്രതിപക്ഷവും സഭാ നേതൃത്വവും കേരള കോൺഗ്രസ് മാണി ഗ്രൂപ്പും കടുത്ത എതിർപ്പ് ഉയർത്തിയിരുന്നു. ഭേദഗതി കർഷക വിരുദ്ധമാണെന്ന് കാട്ടി കേരള കോൺഗ്രസ് എം മുഖ്യമന്ത്രിയെ…
Read More