തിരുവനന്തപുരം: സാമൂഹ്യ ക്ഷേമ പെൻഷൻ തട്ടിപ്പ് നടത്തിയ സംഭവത്തിൽ ആരോഗ്യവകുപ്പിലെ 373 പേർക്കെതിരേ നടപടിയെടുക്കാൻ ആരോഗ്യവകുപ്പ് തീരുമാനം. ഇവരുടെ പട്ടിക പുറത്തുവിട്ടിട്ടുണ്ട്. അനർഹമായ പെൻഷൻ തട്ടിയെടുത്ത ജീവനക്കാരിൽ നിന്നു പെൻഷൻ തുകയും പതിനെട്ട് ശതമാനം പലിശയും ഈടാക്കാനാണ് തീരുമാനിച്ചിരിക്കുന്നത്. ആരോഗ്യവകുപ്പ് അഡീഷണൽ ചീഫ് സെക്രട്ടറി ഇത് സംബന്ധിച്ച് നടപടിയെടുക്കാൻ ബന്ധപ്പെട്ട് വകുപ്പ് മേധാവിമാർക്ക് ഉത്തരവിട്ടു. ഇവർക്കെതിരെ വകുപ്പ്തല അച്ചടക്ക നടപടിയെടുക്കാനും ഉത്തരവിട്ടിട്ടുണ്ട്. ക്ഷേമപെൻഷൻ തട്ടിപ്പ് നടത്തിയ സർക്കാർ ഉദ്യോഗസ്ഥരിൽ ഏറ്റവും അധികം പേർ ആരോഗ്യവകുപ്പിലാണ്. ആരോഗ്യവകുപ്പിലെ അറ്റൻഡർ, നഴ്സിംഗ് അസിസ്റ്റന്റ്, നഴ്സ്, ക്ലർക്ക്, ടൈപ്പിസ്റ്റ് ഉൾപ്പെടെ വിവിധ വിഭാഗങ്ങളിൽ സേവനമനുഷ്ഠിക്കുന്നവരാണ് അനധികൃതമായി ക്ഷേമ പെൻഷൻ കൈപ്പറ്റിയവരിൽപ്പെടുന്നത്. നേരത്തെ കൃഷിവകുപ്പിലും പൊതുഭരണ വകുപ്പിലും ഉൾപ്പെടെ പെൻഷൻ തട്ടിയെടുത്ത ജീവനക്കാർക്കെതിരെ നടപടിയെടുത്തിരുന്നു. പൊതുഭരണ വകുപ്പിലെ ആറ് ജീവനക്കാർക്ക് നോട്ടീസ് നല്കിയിരുന്നു. 18 ശതമാനം പലിശ നിരക്കിൽ അനധികൃതമായി കൈപ്പറ്റിയ പണം…
Read MoreCategory: Edition News
ചിറയിന്കീഴ് കൊലപാതകം; ഒരു മാസത്തോളം പോലീസിനെ ചുറ്റിച്ച മുഖ്യപ്രതിയേയും സഹായിയേയും കുടുക്കി പോലീസ്
തിരുവനന്തപുരം: ചിറയിന്കീഴ് കൊലപാതകത്തിലെ മുഖ്യപ്രതിയും സഹായിയും പോലീസ് പിടിയില്.കഴിഞ്ഞ മാസം 22 ന് ചിറയിന്കീഴ് ആനത്തലവട്ടം ചൂണ്ട കടവിലാണ് കൊലപാതകം നടന്നത്. കടയ്ക്കാവൂര് സ്വദേശി വിഷ്ണു പ്രസാദ് 25) ആണ് കൊല്ലപ്പെട്ടത്. തിരുവനന്തപുരം, കൊല്ലം ജില്ലകളിലെ വിവിധ പോലീസ് സ്റ്റേഷനുകളിലായി കൊലപാതകം , മോഷണം, പിടിച്ചുപറി അടക്കം അമ്പതോളം കേസുകളില് പ്രതി ആയ കിഴുവിലം കൂന്തല്ലൂര് തിട്ടയില് മുക്ക് തോപ്പില് പാലത്തിന് സമീപം ഇലഞ്ഞിക്കോട് വീട്ടില് ജയൻ (43) ആണ് പിടിയിലായത്. കൊലപാതകം ചെയ്ത ശേഷം ആറ്റിങ്ങല് മുള്ളിയന് കാവിലുള്ള കൃഷി തൊട്ടത്തില് രണ്ട് ദിവസം ഒളിവില് താമസിച്ചു. പ്രതിയെ രക്ഷപ്പെടാൻ സഹായിച്ച കൂന്തല്ലൂര് പടനിലം വട്ടവിള വീട്ടില് ലാലിനെയും ( 51) പോലീസ് അറസ്റ്റ് ചെയ്തു. തമിഴ്നാട്ടിലെ വിവിധ സ്ഥലങ്ങളില് ഒളിവില് കഴിഞ്ഞ പ്രതി മൊബൈല് ഫോണ് ഉപയോഗിക്കാതെയും നാട്ടില് ഉള്ളരെ ബന്ധപ്പെടാതേയും ഒളിത്താവളങ്ങള് മാറിയും…
Read Moreനേതാക്കളുടെ അഭിപ്രായവ്യത്യാസം നിയന്ത്രിക്കണമായിരുന്നു; പാലക്കാട് ഉപതെരഞ്ഞെടുപ്പ് തോൽവി; സിപിഎമ്മിനെ കുറ്റപ്പെടുത്തി സിപിഐ
പാലക്കാട്: പാലക്കാട് നിയമസഭാ ഉപതെരഞ്ഞെടുപ്പ് തോൽവിയുമായി ബന്ധപ്പെട്ട് സിപിഎമ്മിനെതിരേ സിപിഐ. സിപിഎമ്മിലെ അനൈക്യവും നേതാക്കളുടെ അഭിപ്രായവ്യത്യാസങ്ങളും പാലക്കാട് തോൽവിക്ക് കാരണമായി എന്നാണ് സിപിഐ വിമർശനം. ജില്ലാ കൗണ്സിൽ യോഗത്തിൽ സെക്രട്ടറി കെ.പി.സുരേഷ് രാജ് അവതരിപ്പിച്ച റിപ്പോർട്ടിലാണ് വിമർശനം. തെരഞ്ഞെടുപ്പുസമയത്തെങ്കിലും നേതാക്കളുടെ വാക്കുകൾ നിയന്ത്രിക്കണമെന്ന അഭിപ്രായമാണ് യോഗത്തിൽ ഉയർന്നത്. പാലക്കാട് മണ്ഡലം കമ്മിറ്റി-തെരഞ്ഞെടുപ്പ് കമ്മറ്റി അവലോകനങ്ങൾ ജില്ലാ കമ്മിറ്റിക്ക് കൈമാറിയിരുന്നു. ഇതുമായി ബന്ധപ്പെട്ട റിപ്പോർട്ടിലാണ് രൂക്ഷവിമർശനം. ഘടകകക്ഷികളെ ഏകോപിപ്പിക്കുന്നതിൽ മുന്നണിക്ക് പിഴവ് പറ്റി. സിപിഎമ്മിന്റെ സംഘടനാ ദൗർബല്യം തോൽവിയിൽ ഒരു പ്രധാന പങ്ക് വഹിച്ചു. എൽഡിഎഫിന്റെ പത്രപരസ്യവും ട്രോളി ബാഗും പാതിരാറെയ്ഡുമെല്ലാം തിരിച്ചടിച്ചു. പാണക്കാട് സാദിഖലി തങ്ങൾക്കെതിരേയുള്ള മുഖ്യമന്ത്രിയുടെ പരാമർശവും ദോഷമാണുണ്ടാക്കിയത്. ഘടകകക്ഷികൾ പലപ്പോഴും കാര്യങ്ങൾ അറിഞ്ഞില്ല. തെരഞ്ഞെടുപ്പ് കണ്വൻഷനുശേഷം മുന്നണി യോഗം കൂടിയത് ഒരു തവണ മാത്രമാണെന്നും റിപ്പോർട്ടിൽ പറയുന്നു. തെരഞ്ഞെടുപ്പ് പ്രഖ്യാപനംമുതലുള്ള ആശയക്കുഴപ്പങ്ങൾ റിപ്പോർട്ടിൽ വിവരിക്കുന്നു.…
Read Moreട്രെയിൻ സ്റ്റോപ്പിൽ നിർത്താതെ പോയി; സ്വീകരിക്കാനെത്തിയ എംപിയും യാത്രക്കാരും നിരാശരായി
കൊല്ലം: സ്റ്റോപ്പ് അനുവദിച്ചിട്ടും കൊല്ലം – എറണാകുളം മെമു ഇന്ന് ചെറിയനാട് സ്റ്റേഷനിൽ നിർത്തിയില്ല. ട്രെയിനിനെ സ്വീകരിക്കാൻ ഇന്ന് രാവിലെ സ്റ്റേഷനിൽ എത്തിയ കൊടിക്കുന്നിൽ സുരേഷ് എംപിയും സംഘവും നൂറുകണക്കിന് യാത്രക്കാരും ഇതുകാരണം നിരാശരായി. ഇന്നു മുതൽ ട്രെയിനിന് ഇവിടെ സ്റ്റോപ്പ് അനുവദിച്ചതായി കേന്ദ്ര റെയിൽവേ മന്ത്രി കൊടിക്കുന്നിൽ സുരേഷ് എംപിയെ അറിയിച്ചിരുന്നു. പിന്നീട് എംപിയും ഇക്കാര്യം സ്ഥിരീകരിച്ച് വാർത്താക്കുറിപ്പും നൽകി. ഇതനുസരിച്ചാണ് എംപിയുടെ നേതൃത്വത്തിൽ ട്രെയിനിന് സ്വീകരണം നൽകാൻ തീരുമാനിച്ചത്. മാത്രമല്ല സ്റ്റേഷനിൽ നിന്ന് ഇന്ന് മേമു ട്രെയിനിന് ടിക്കറ്റും നൽകുകയുണ്ടായി. വണ്ടി നിർത്താതെ പോയത് സംബന്ധിച്ച് എംപി ഉടൻ ഉന്നത റെയിൽവേ ഉദ്യോഗസ്ഥരുമായി ബന്ധപ്പെട്ടു. ലോക്കോ പൈലറ്റിനും ഗാർഡിനും പുതിയ സ്റ്റോപ്പ് സംബന്ധിച്ച് ധാരണ ഇല്ലാതെ പോയതാണ് വണ്ടി നിർത്താത്തതിന് കാരണം. ഇരുവരോടും ബന്ധപ്പെട്ട ഉദ്യോഗസ്ഥർ വിശദീകരണം തേടിയിട്ടുണ്ട്. തിരികെയുള്ള സർവീസ് മുതൽ വണ്ടി…
Read Moreകേരളത്തിൽ നിന്നുള്ള വനിതാ മാധ്യമ സംഘം ഗുജറാത്തിലെ റൺ ഉത്സവത്തിൽ പങ്കെടുത്തു: പിഐബി തിരുവനന്തപുരം സംഘടിപ്പിക്കുന്ന മാധ്യമ പര്യടനം നാളെ സമാപിക്കും
കൊച്ചി: കേന്ദ്ര വാർത്താ വിതരണ പ്രക്ഷേപണ മന്ത്രാലയത്തിന് കീഴിലുള്ള തിരുവനന്തപുരം പ്രസ് ഇൻഫർമേഷൻ ബ്യൂറോ സംഘടിപ്പിക്കുന്ന മാധ്യമ പര്യടനത്തിന്റെ ഭാഗമായി കേരളത്തിൽ നിന്നുള്ള വനിതാ മാധ്യമ പ്രതിനിധി സംഘം ഗുജറാത്തിലെ റൺ ഉത്സവിൽ പങ്കെടുത്തു. ഗുജറാത്തിന്റെ വികസനം, നവീകരണം, പൈതൃകം എന്നിവ അറിഞ്ഞുകൊണ്ടുള്ള പര്യടനം ഇന്ന് ആറാം ദിവസത്തിലേക്ക് കടന്നു. പര്യടനം നാളെ (ഡിസംബർ 23 ന്) സമാപിക്കും. പര്യടനത്തിന്റെ അഞ്ച്, ആറ് ദിവസങ്ങളിൽ, പ്രതിനിധി സംഘം റൺ ഓഫ് കച്ച് സന്ദർശിച്ചു.ധോർഡോ ഗ്രാമത്തിലെ സർപഞ്ചായ ശ്രീ മിയ ഹുസൈൻ ഗുൽ ബേഗുമായി മാധ്യമ പ്രവർത്തകർ കൂടിക്കാഴ്ച്ച നടത്തി.2005ൽ അന്നത്തെ ഗുജറാത്ത് മുഖ്യമന്ത്രിയായിരുന്ന ശ്രീ നരേന്ദ്ര മോദിയുടെ നേതൃത്വത്തിൽ ആരംഭിച്ച റൺ ഉത്സവത്തിലൂടെ ഒരിക്കൽ ഉപ്പ് നിക്ഷേപത്താൽ തരിശായിരുന്ന ഈ പ്രദേശം ലോകപ്രശസ്ത വിനോദസഞ്ചാര കേന്ദ്രമായി മാറിയതിൻ്റെ പ്രചോദനാത്മകമായ കഥ അദ്ദേഹം പങ്കുവെച്ചു. ഇപ്പോൾ ഒരു സുപ്രധാന…
Read Moreക്രിസ്മസ്-ന്യൂഇയർ: കെഎസ്ആർടിസി 38 അധിക അന്തർസംസ്ഥാന സർവീസുകൾ നടത്തും
ചാത്തന്നൂർ: ക്രിസ്മസ് പുതുവത്സര അവധികൾ പ്രമാണിച്ച് കെഎസ്ആർടിസി അധിക അന്തർ സംസ്ഥാന സംസ്ഥാനാന്തര സർവീസുകൾ നടത്തും. കേരളത്തിൽ നിന്നും ബംഗളൂരു , ചെന്നൈ, മൈസൂർ തുടങ്ങിയ പ്രധാന നഗരങ്ങളിലേക്കുള്ള സ്ഥിരം 48 സർവിസുകൾക്ക് പുറമേ 38 ബസുകൾ കൂടി അധികമായി അന്തർ സംസ്ഥാന സർവീസുകൾക്ക് തയാറാക്കിയിട്ടുണ്ട്. 34 ബംഗളൂരു ബസുകളും 4 ചെന്നൈ ബസുകളുമാണ് അധികം സർവീസ് നടത്തുന്നത്. ഇത് ശബരിമല സ്പെഷൽ അന്തർസംസ്ഥാന സർവിസുകൾക്ക് ഉപരിയായി ആണ് ക്രമീകരിച്ചിട്ടുള്ളത്.എന്നാൽ കേരളത്തിനുള്ളിൽ യാത്രാ തിരക്ക് വർധിച്ചതിനെ തുടർന്ന് കേരളത്തിനുള്ളിലും തിരക്കൊഴിവാക്കി സുഗമ യാത്രക്കായി തിരുവനന്തപുരം – കോഴിക്കോട് ,കണ്ണൂർ റൂട്ടിലും 24 ബസുകൾ കൂടിഅധികമായി സർവീസ് നടത്തും.4 വോൾവോ കോഴിക്കോട് – തിരുവനന്തപുരം റൂട്ടിലും 4 ബസുകൾ കോഴിക്കോട് – എറണാകുളം റൂട്ടിലും അടക്കം 8 ബസുകൾ കോഴിക്കോട് നിന്നും അധികമായും ഓടിക്കും. 4 ലോഫ്ലോർ, 4…
Read Moreസ്വർണാഭരണം കവർന്നു: ഒളിവിൽപോയ ഗുണ്ട നേപ്പാൾ അതിർത്തിയിൽ പിടിയിൽ
ആലുവ: യുഎപിഎ ഉൾപ്പടെ നിരവധി കേസുകളിലെ പ്രതിയായ കുപ്രസിദ്ധ ഗുണ്ട ഉത്തർപ്രദേശിലെ നേപ്പാൾ അതിർത്തിയിൽ പിടിയിലായി. മലപ്പുറം പെരുമ്പടപ്പ് വെളിയങ്കോട് താന്നിത്തുറക്കൽ വീട്ടിൽ ഷംനാദ് (35)നെയാണ് കേരള ആന്റി ടെററിസ്റ്റ് സ്ക്വാഡിന്റെ സഹായത്തോടെ തൃശൂർ സിറ്റി പോലീസ് അറസ്റ്റ് ചെയ്തത്. എടിഎസ് ഡിഐജി പുട്ട വിമലാദിത്യയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ തിരച്ചിലിലാണ് ഇയാൾ വലയിലായത്. തടിയന്റവിട നസീർ ഉൾപ്പെട്ട തീവ്രവാദ ശൃംഖലയുമായി അടുത്തബന്ധമുണ്ടായിരുന്നയാളാണെന്ന് പോലീസ് പറഞ്ഞു. വധശ്രമം അടക്കം 22 കേസുകളിലെ പ്രതിയാണ് ഷംനാദ്. 2023 ഓഗസ്ത് 17ന് വെളിയംകോട് സ്വദേശി മുഹമ്മദ് ഫായിസിനെ വധിക്കാൻ ശ്രമിച്ചതിന് തൃശൂർ സിറ്റിയിലെ വടക്കേക്കാട് പോലീസ് സ്റ്റേഷൻ രജിസ്റ്റർ ചെയ്ത കേസിലാണ് ഇപ്പോൾ അറസ്റ്റ് ചെയ്തത്. ഈ കേസിന് ശേഷം വടക്കേ ഇന്ത്യയിലും നേപ്പാളിലും മാറി മാറി ഒളിവിൽ കഴിയുകയായിരുന്നു. 2016ൽ വിജിലൻസ് ചമഞ്ഞ് പെരുമ്പാവൂരിലെ ഒരു വീട്ടിൽക്കയറി…
Read Moreഭൂരിപക്ഷ, ന്യൂനപക്ഷ വർഗീയതയെ ഇനിയും എതിർക്കുമെന്ന് സിപിഎം സംസ്ഥാന സെക്രട്ടറി എം. വി.ഗോവിന്ദൻ
തിരുവനന്തപുരം: രാഹുലിന്റെ വിജയത്തിന് പിന്നിൽ മുസ്ലീം വർഗീയവാദികളാണെന്ന സിപിഎം നേതാവ് വിജയരാഘവന്റെ പ്രസ്താവനയെ പിന്തുണച്ച് സിപിഎം സംസ്ഥാന സെക്രട്ടറി എം.വി.ഗോവിന്ദൻ. കോണ്ഗ്രസിന് എസ്ഡിപിഐയും ജമാ അത്തെ ഇസ്ളാമിയും സഖ്യകക്ഷികളെ പോലെയാണെന്ന് എം.വി. ഗോവിന്ദൻ പറഞ്ഞു. ജമാ അത്തെ ഇസ്ളാമിയെ വിമർശിച്ചാൽ മുസ്ലിം വിമർശനമാകില്ല. ആർഎസ്എസിനെ വിമർശിച്ചാൽ ഹിന്ദുക്കൾക്കെതിരായ വിമർശനമല്ല. ജമാ അത്തെ ഇസ്ളാമി മുസ്ലിം വർഗീയ വാദത്തിന്റെ മുഖമാണ്. ഭൂരിപക്ഷ, ന്യൂനപക്ഷ വർഗീയതയ്ക്കെതിരെ ശക്തമായ നിലപാടാണ് സിപിഎമ്മിനുള്ളതെന്നും രണ്ടിനെയും ഒരു പോലെ എതിർക്കുമെന്നും അദ്ദേഹം വ്യക്തമാക്കി. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്. രാഹുല് ഗാന്ധി വയനാട് ലോക്സഭാ മണ്ഡലത്തില് നിന്ന് വിജയിച്ച് ഡല്ഹിയില് എത്തിയത് മുസ്ലിം വര്ഗീയ ചേരിയുടെ ദൃഢമായ പിന്തുണയോടെയെന്നായിരുന്നു എ.വിജയരാഘവന്റെ വിവാദ പ്രസ്താവന.
Read Moreക്രിസ്മസ് ആഘോഷത്തിൽ സ്കൂളിൽ വിദ്യാർഥികളുടെ മദ്യസേവ; വിദ്യാർഥികൾക്ക് മദ്യം വാങ്ങി നൽകിയ ഓട്ടോ ഡ്രൈവറെ എക്സൈസ് തെരയുന്നു
ചെറായി: സ്കൂളിലെ ക്രിസ്മസ് ആഘോഷത്തിനിടെ വിദ്യാർഥികളുടെ മദ്യസേവ. ഛർദിച്ച് അവശരായ വിദ്യാർഥികളിൽ ഒരാളെ ആശുപത്രിയിൽ പ്രവേശിപ്പിച്ച് പ്രഥമ ശുശ്രൂഷക്ക് ശേഷം വിട്ടയച്ചു. പള്ളിപ്പുറം പഞ്ചായത്തിലെ തെക്കൻ മേഖലയിലെ ഒരു ഹൈസ്കൂളിൽ ഇന്നലെയായിരുന്നു സംഭവം. സ്കൂൾ അധ്യാപകർ അറിയിച്ചതിനെ തുടർന്ന് പോലീസും എക്സൈസും സ്കൂളിലെത്തി അന്വേഷണം നടത്തി. അധ്യാപകർ അറിയാതെ ഒമ്പതാം ക്ലാസിലെ എഴുവിദ്യാർഥികളും എഴ്, എട്ട്, ക്ലാസിലെ നാലു വിദ്യാർഥികളുമാണ് മദ്യസേവ നടത്തിയത്. ഒമ്പതാം ക്ലാസിലെ വിദ്യാർഥിക്ക് ഒരു ഓട്ടോറിക്ഷാ ഡ്രൈവറാണ് മദ്യം വാങ്ങിക്കൊടുത്തതെന്നാണ് സൂചന. ഓട്ടോ ഡ്രൈവറെ എക്സൈസ് തെരയുന്നുണ്ട്. ബാക്കിയുള്ളവർക്ക് ചെറായിലെ ഒരു പ്ലസ് ടു വിദ്യാർഥി വഴിയാണ് മദ്യം ലഭിച്ചതെന്നും പോലീസ്, എക്സൈസ് ടീമിന്റെ അന്വേഷത്തിൽ അറിവായിട്ടുണ്ട്.
Read Moreവയോധികയുടെ മൃതദേഹം മകന് കുഴിച്ചിട്ട സംഭവം; ഫോറന്സിക് ഫലം കാത്ത് പോലീസ്
കൊച്ചി: എറണാകുളം വെണ്ണലയില് വയോധികയുടെ മൃതദേഹം ആരുമറിയാതെ മകന് വീട്ടുമുറ്റത്ത് കുഴിച്ചിട്ട സംഭവത്തില് തുടര്നടപടിക്ക് ഫോറന്സിക് റിപ്പോര്ട്ട് കാത്ത് പോലീസ്. മരിച്ച അല്ലിയുടെ പോസ്റ്റ്മോര്ട്ടം റിപ്പോര്ട്ടില് അസ്വഭാവിക കാരണങ്ങള് കണ്ടെത്താന് കഴിയാത്തതിനെ തുടര്ന്ന് സംഭവവുമായി ബന്ധപ്പെട്ട് പാലാരിവട്ടം പോലീസ് കസ്റ്റഡിയിലെടുത്ത അല്ലിയുടെ മകന് പ്രദീപിനെ പോലീസ് വിട്ടയച്ചിരുന്നു. അതിനിടെ അല്ലിയുടെ ആന്തരീകാവയവങ്ങള് പോലീസ് ഫോറന്സിക് പരിശോധനയ്ക്ക് കൈമാറി. ഈ റിപ്പോര്ട്ട് കിട്ടിയശേഷമാകും തുടര്നടപടികളിലേക്ക് പോലീസ് കടക്കുക.വ്യാഴാഴ്ച പുലര്ച്ചെയോടെ വെണ്ണല സെന്റ് മാത്യൂസ് പള്ളിക്ക് സമീപമായിരുന്നു സംഭവം. പ്രമേഹ രോഗിയായിരുന്നു അല്ലി. ഇവര് മരിച്ചതറിഞ്ഞ പ്രദീപ് സംസ്കാരത്തിനായി അയല്വാസികളുടെ സഹായം തേടിയിരുന്നു. സ്ഥിരം മദ്യപാനിയായ പ്രദീപ് പറഞ്ഞത് അയല്ക്കാര് സംഭവം കാര്യമായി എടുത്തില്ല. എന്നാല് പുലര്ച്ചെ ഇയാള് വീട്ടുമുറ്റത്ത് കുഴിയെടുക്കുന്നത് ശ്രദ്ധയില്പ്പെട്ടതോടെ നാട്ടുകാര് പോലീസിനെ വിവരം അറിയിക്കുകയായിരുന്നു. അല്ലിയുടെ സംസ്കാരം വ്യാഴാഴ്ച വൈകിട്ട് നടന്നു. സംഭവസമയം ഇരുവരും മാത്രമാണ്…
Read More