പത്തനംതിട്ട: സൗഹൃദം സ്ഥാപിച്ച് പെൺകുട്ടിയെ നിരന്തരം ലൈംഗിക പീഡനത്തിന് വിധേയയാക്കിയ കേസിൽ യുവാവ് അറസ്റ്റിൽ.ചെന്നീർക്കര പ്രക്കാനം വലിയവട്ടം ചെമ്പില്ലാത്തറയിൽ എസ്. സുധിയാണ് (23) പത്തനംതിട്ട പോലീസിന്റെ പിടിയിലായത്. പെൺകുട്ടി പ്രായപൂർത്തിയാകുന്നതിനു മുന്പും അതിനുശേഷവും വിവിധയിടങ്ങളിൽ എത്തിച്ച് ഇയാൾ പീഡിപ്പിച്ചെന്നാണ് മൊഴി. പത്തനംതിട്ട പോലീസ് സ്റ്റേഷനിൽ പരാതി നൽകിയതിന്റെ അടിസ്ഥാനത്തിൽ, വനിതാ സെൽ എസ്ഐ കെ. ആർ. ഷമീമോൾ മൊഴി രേഖപ്പെടുത്തുകയും പത്തനംതിട്ട പോലീസ് ഇൻസ്പെക്ടർ ഡി. ഷിബുകുമാർ കേസ് രജിസ്റ്റർ ചെയ്ത് അന്വേഷണം ആരംഭിക്കുകയുമായിരുന്നു. സുധിയെ ഇയാളുടെ വീടിനു സമീപത്തുനിന്നും കസ്റ്റഡിയിലെടുത്തു. സ്റ്റേഷനിലെത്തിച്ച് അറസ്റ്റ് രേഖപ്പെടുത്തുകയുമായിരുന്നു. കോടതിയിൽ ഹാജരാക്കി റിമാൻഡ് ചെയ്തു.
Read MoreCategory: Edition News
പഴയ കെട്ടിടം പൊളിക്കുന്നതിനിടെ ഭിത്തിയിടിഞ്ഞ് വീണ് ജാക്ഹാമർ ശരീരത്തിൽ തുളച്ചുകയറി തൊഴിലാളിക്ക് ദാരുണാന്ത്യം
പത്തനംതിട്ട: പഴയ കെട്ടിടം പൊളിക്കുന്നതിനിടെ ജാക്ഹാമർ നെഞ്ചിൽ തുളച്ചുകയറി തൊഴിലാളി മരിച്ചു. കൊടുമൺ കളീക്കൽ ജയിംസാണ് (60) മരിച്ചത്. ഇന്നലെ രാവിലെ 11.30 ന് നെടുമൺകാവിലുള്ള പഴയ കെട്ടിടത്തിന്റെ കോൺക്രീറ്റ് ഭാഗം പൊളിക്കുകയായിരുന്നു. ഇതിനിടെ കെട്ടിടം ഇടിഞ്ഞതോടെ ജയിംസ് താഴെവീണു. പ്രവർത്തിച്ചുകൊണ്ടിരുന്ന ജാക് ഹാമർ ജയിംസിന്റെ നെഞ്ചിൽ തുളച്ചുകയറുകയായിരുന്നു. ഉടൻ പത്തനംതിട്ട ജനറൽ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഭാര്യ: ബീന. മക്കൾ: നേഹ, നിർമല. മരുമക്കൾ: ബിജോഷ്, ജിനു.
Read Moreമുഴപ്പിലങ്ങാട് സൂരജ് വധം: വിചാരണ പൂർത്തിയായി ; പ്രതികൾ കുറ്റം നിഷേധിച്ചു
തലശേരി: മുഴപ്പിലങ്ങാട്ടെ ബി ജെ പി പ്രവർത്തകനായിരുന്ന എളമ്പിലായി സൂരജിനെ (32) വെട്ടിക്കൊലപ്പെടുത്തിയ കേസിലെ വിചാരണ പ്രിൻസിപ്പൾ സെഷൻസ് കോടതിയിൽ പൂർത്തിയായി. വിചാരണയുടെ അടിസ്ഥാനത്തിൽ പ്രതികളെ കോടതി ചോദ്യം ചെയ്തു. പ്രതികൾ കുറ്റം നിഷേധിച്ചു. കേസിൽ ഇന്ന് വാദം നടക്കും. 28 സാക്ഷികളെയാണ് വിസ്തരിച്ചത്. 51 രേഖകൾ മാർക്ക് ചെയ്തു. ഒമ്പത് തൊണ്ടി മുതലുകളും പ്രോസിക്യൂഷൻ ഹാജരാക്കി. കേസിൽ രണ്ട് സാക്ഷികൾ കൂറുമുറി.44 സാക്ഷികളാണ് ഈ കേസിൽ ഉണ്ടായിരുന്നത്. ടി.പി ചന്ദ്രശേഖരൻ വധക്കേസിൽ ടി.കെ രജീഷിന്റെ വെളിപ്പെടുത്തലിനെ തുടർന്ന് രജീഷ് ഉൾപ്പെടെ മൂന്ന് പേർ കൂടി പ്രതി സ്ഥാനത്ത് എത്തിയിരുന്നു. പന്ത്രണ്ട് പ്രതികളുള്ള കേസിൽ രണ്ട് പേർ മരണപ്പെട്ടിരുന്നു. പാനൂർ പത്തായക്കുന്ന് കാരായിന്റവിട ടി.കെ രജീഷ് (50), തലശേരി കൊളശേരി കാവുംഭാഗം കോമത്ത് പാറാലിലെ എൻ.വി. യോഗേഷ് (40) എരഞ്ഞോളി അരങ്ങേറ്റു പറമ്പിലെ കണ്ട്യൻ വീട്ടിൽ ജിത്തു…
Read Moreവെൺമേഘ പത്തിരി താളിൽനല്ല താറാവിൻ ചൂടുള്ള നാടൻ കറി വേണ്ടേ: നാടൻ മുതൽ ചൈനീസ് വരെ; പാലായുടെ ‘രുചിയുത്സവം’, ഭക്ഷ്യമേളയ്ക്ക് നാളെ തുടക്കം
പാലാ: കേരളാ വ്യാപാരി വ്യവസായി ഏകോപന സമിതി പാലാ യൂണിറ്റ് യൂത്ത് വിംഗിന്റെ നേത്യത്വത്തില് ആഗോള വൈവിധ്യങ്ങളുമായി പാലായില് ഭക്ഷ്യമേളയ്ക്കു തുടക്കമാവുന്നു. നാവൂറും ഭക്ഷ്യവിഭവങ്ങള് ഒരു കൂടക്കീഴിലൊരുക്കി വിളമ്പുന്ന അഞ്ചു ദിനങ്ങളാണ് സമാഗതമാകുന്നത്. പുഴക്കര മൈതാനിയിയില് ആറു മുതല് പത്തു വരെയാണ് ഫുഡ് ഫെസ്റ്റ്. ചൈനീസ്, അറബിക്, തായ്, കോണ്ടിനെന്റല്, ഫ്യൂഷന് എന്നിവയും വിവിധതരം ഇന്ഡ്യന്, തനിനാടന് കറികള്, ശീതളപാനീയങ്ങള്, ഐസ്ക്രീമുകള്, ഷെയ്ക്കുകള്, മധുരപലഹാരങ്ങള് തുടങ്ങിയവയും ഫുഡ് ഫെസ്റ്റില് ഉള്പ്പെടുത്തിയിരിക്കുന്നു. ആറിനു വൈകുന്നേരം നാലിന് മാണി സി. കാപ്പന് എംഎൽഎ ഉദ്ഘാടനം ചെയ്യും. ആറ്, ഒന്പത്, പത്തിന് വൈകുന്നേരം നാലിനും ജൂബിലി തിരുനാള് പ്രധാന ദിവസമായ ഏഴ്, എട്ടിനും ഉച്ചയ്ക്ക് 12 മണിക്കും ഭക്ഷ്യമേള ആരംഭിക്കും. വൈകുന്നേരം 11 വരെ ഭക്ഷ്യമേള ഉണ്ടായിരിക്കും. വാര്ത്താസമ്മേളനത്തില് വി.സി. ജോസഫ്, ബൈജു കൊല്ലംപറമ്പില്, ജോണ് ദര്ശന, എബിസണ് ജോസ്, ജോസ്റ്ററ്യന്…
Read Moreഅറവിനായി കൊണ്ടുവന്ന പോത്ത് വിരണ്ടോടി; രണ്ടു പേർക്ക് കുത്തേറ്റു
പറവൂർ: പറവൂരിൽ അറവിനായി കൊണ്ടുവന്ന പോത്ത് വിരണ്ടോടി. രണ്ട് പേർക്ക് കുത്തേറ്റു. ഇന്നലെ ഉച്ചയ്ക്ക് ഒന്നരയോടെ വഴിക്കുളങ്ങരയിലായിരുന്നു സംഭവം. നാട്ടുകാരെ പരിഭ്രാന്തരാക്കി വാണിയക്കാട്, നന്തികുളങ്ങര ഭാഗങ്ങളിലൂടെ ഓടിയ പോത്ത് രണ്ടു പേരെ കുത്തിയെങ്കിലും കൊമ്പ് അകത്തേക്ക് വളഞ്ഞിരുന്നതിനാൽ ഇവർക്ക് കാര്യമായ പരിക്കില്ല. പെരുവാരത്തെ ഡ്രൈവിംഗ് ടെസ്റ്റ് നടക്കുന്ന ഗ്രൗണ്ടിന് പിന്നിലെ ചതുപ്പുനിലത്തിലെത്തിയാണ് പോത്ത് നിന്നത്. അസി. സ്റ്റേഷൻ ഓഫീസർ കെ.എൻ. സന്തോഷ്കുമാറിന്റെ നേതൃത്വത്തിൽ അഗ്നിരക്ഷാസേനയും പോത്തിന്റെ ഉടമയും കൂടെയുള്ളവരും ചേർന്ന് പോത്തിനെ പിടികൂടാൻ ശ്രമിച്ചെങ്കിലും പോത്ത് ഇവരെ തുരത്തിയോടിച്ചു. അപകടകാരിയായ പോത്തിന്റെ കഴുത്തിൽ കയറിടുന്നത് പ്രായോഗികമല്ലെന്ന് തിരിച്ചറിഞ്ഞ് സേനാംഗങ്ങൾ നിലത്ത് റണ്ണിംഗ് ബോലൈന്റെ അഞ്ച് കെട്ടുകൾ നിരത്തിവച്ച് അതിലൂടെ പോത്തിനെ ഓടിക്കാൻ ശ്രമിച്ചു. ഒരു കുരുക്കിൽ കാൽകുടുങ്ങി പോത്ത് വീണതോടെ കഴുത്തിൽ മൂന്ന് കയറിട്ട് കാലുമായും കൊമ്പുമായും കെട്ടി ബന്ധിക്കുകയായിരുന്നു. തുടർന്ന് ഉടമ പോത്തിനെ കൊണ്ടുപോയി.
Read Moreശിശുക്ഷേമസമിതിയിലെ എല്ലാ കുട്ടികൾക്കും വൈദ്യപരിശോധന നടത്തും
തിരുവനന്തപുരം : ശിശു ക്ഷേമ സമിതിയിൽ ചില ആയമാർ കുട്ടികളെ ഉപദ്രവിക്കാറുണ്ടെന്ന് മുൻ ജീവനക്കാരി വെളിപ്പെടുത്തിയ സാഹചര്യത്തിൽ ശിശുക്ഷേസമിതിയിലെ മുഴുവൻ കുട്ടികളെയും വൈദ്യ പരിശോധനക്ക് വിധേയമാക്കാൻ തീരുമാനം. മെഡിക്കൽ പരിശോധനക്ക് പ്രത്യേക സംഘത്തെ ഏർപ്പെടുത്തണമെന്നാവശ്യപ്പെട്ട് സമിതി സെക്രട്ടറി ഇന്ന് ജില്ല മെഡിക്കൽ ഓഫീസർക്ക് കത്ത് നൽകും. മാനസിക ആരോഗ്യ വിഭാഗം ഡോക്ടർമാരെയും കൗൺസിലർമാരെയും ടീമിൽ ഉൾപ്പെടുത്തും. കുട്ടികൾക്ക് കൗൺസിലിങ് ഉൾപ്പെടെ നൽകുമെന്നാണ് ശിശു ക്ഷേമ സമിതി അധികൃതർ വ്യക്തമാക്കുന്നത്. കുഞ്ഞുങ്ങളുടെ കാര്യത്തിൽ കൂടുതൽ ശ്രദ്ധയും നിരീക്ഷണവും നടത്താൻ മോണിറ്ററിങ് സമിതിയെ കൊണ്ട് മിന്നൽ പരിശോധനയും നടത്താനുമാണ് തീരുമാനം. കൂടുതൽ കുഞ്ഞുങ്ങൾക്ക് ആയമാരിൽ നിന്നും ഉപദ്രവം ഏറ്റിട്ടുണ്ടെങ്കിൽ കർശന നടപടി എടുക്കുമെന്നാണ് അധികൃതർ വ്യക്തമാക്കുന്നത്.ശിശു ക്ഷേമ സമിതിയിൽ രണ്ടര വയസുകാരിയെ മുറിവേൽപ്പിച്ച പുറത്ത് വരികയും പ്രതിഷേധം ഉയരുകയും ചെയ്ത സാഹചര്യത്തിലാണ് ശിശു ക്ഷേമ സമിതി കൂടുതൽ നടപടികളിലേക്ക് കടന്നത്.…
Read Moreകൊച്ചി സ്മാർട്ട് സിറ്റി അഴിമതിസ്മാരകമെന്ന് ചെറിയാൻ ഫിലിപ്പ്
തിരുവനന്തപുരം: കേരള ചരിത്രത്തിലെ ഒരു പ്രധാന രാഷ്ട്രീയ അഴിമതിയുടെ സ്മാരകമാണ് മരണാസന്നമായ കൊച്ചി സ്മാർട്ട് സിറ്റി പദ്ധതിയെന്ന് ചെറിയാൻ ഫിലിപ്പ്. 2011 ഫെബ്രുവരി രണ്ടിന് കേരള സർക്കാരും ദുബായി കമ്പനിയും തമ്മിലുണ്ടാക്കിയ കരാർ ഒരു റിയൽ എസ്റ്റേറ്റ് കച്ചവടമായിരുന്നു.കാക്കനാട് സർക്കാർ അക്വയർ ചെയ്ത കണ്ണായ സ്ഥലത്തെ 246 ഏക്കർ ഭൂമി തുച്ഛമായ വിലയ്ക്കാണ് ടീകോം കമ്പനിക്ക് കുത്തക പാട്ടത്തിന് കൈമാറിയത്. ഇതിനു പകരമായി സർക്കാരിന് സംയുക്ത സംരംഭത്തിൽ 16 ശതമാനം ഓഹരിപങ്കാളിത്തം മാത്രമാണ് ലഭിച്ചത്. പ്രവർത്തനം നിലച്ചു കൊണ്ടിരിക്കുന്ന കൊച്ചി സ്മാർട്ട് സിറ്റിയെ സർക്കാർ അധീനതയിലാക്കാനുള്ള മന്ത്രിസഭാ തീരുമാനം പ്രായോഗികമല്ല. 84 ശതമാനം ഓഹരിയുള്ള ദുബായ് കമ്പനിക്ക് ഭീമമായ നഷ്ടപരിഹാരം നൽകിയാൽ മാത്രമേ സർക്കാർ നൽകിയ ഭൂമി തിരിച്ചെടുക്കാനാവൂ. ഒരു നിയമ യുദ്ധത്തിന് പോയാൽ എത്ര കാലം കഴിഞ്ഞാണ് തീരുമാനമുണ്ടാവുകയെന്ന് പ്രവചിക്കാനാവില്ല. ചീഫ് സെക്രട്ടറി അധ്യക്ഷനായി ഒരു…
Read Moreഎലത്തൂര് ഹിന്ദുസ്ഥാന് പെട്രോളിയം ഡിപ്പോയിലെ ചോർച്ച നിലച്ചില്ല; പ്രതിഷേധവുമായി നാട്ടുകാര്
കോഴിക്കോട്: എലത്തൂരില് ഹിന്ദുസ്ഥാന് പെട്രോളിയം കോര്പറേഷന്റെ ഡിപ്പോയിൽ ഇന്നലെ വൈകുന്നേരം തുടങ്ങിയ ഡീസല്ചോര്ച്ച നിലച്ചില്ല. പ്രദേശത്തുകാരെ ആശങ്കയിലാക്കി ഇന്നു രാവിലെയും ചോർച്ച തുടരുകയാണ്. ഇന്ന് വിശദ പരിശോധന നടക്കും. ആരോഗ്യവകുപ്പും മലിനീകരണ നിയന്ത്രണബോര്ഡും ഫാക്ടറീസ് ആന്ഡ് ബോയിലേഴ്സ് വകുപ്പും ദുരന്തനിവാരണ അഥോറിറ്റി ഉദ്യോഗസ്ഥരും സംയുക്ത പരിശോധനയാണു നടത്തുക. കേന്ദ്ര ഏജന്സിയുടെ ഇന്സ്പെക്ഷന് നടത്തുന്നതിന്റെ ഭാഗമായി സുരക്ഷാ ക്രമീകരണങ്ങള് ഒരുക്കുന്നതിനിടെയാണ് ഡിപ്പോയില് ഇന്നലെ വൈകുന്നേരം മൂന്നുമണിയോടെ ഡീസല് ചോര്ച്ച ഉണ്ടായത്. ഒന്നര കിലോമീറ്റര് ദൂരത്തിലാണ് ഡീസല് ഒഴുകിയെത്തിയത്. ഇന്നലെ രാത്രിയോടെ ഉദ്യോഗസ്ഥരെത്തി ചോര്ച്ച അടച്ചതായാണ് അറിയിച്ചിരുന്നത്. ഡെപ്യൂട്ടി കളക്ടര് അനിതകുമാരിയും സ്ഥലത്തെത്തിയിരുന്നു. നാട്ടുകാര് പരിഭ്രാന്തിപ്പെടേണ്ട അവസ്ഥയില്ലെന്നും പ്രശ്നം പരിഹരിച്ചുവെന്നും ഡെപ്യൂട്ടി കളക്ടര് അറിയിച്ചിരുന്നു. എന്നാല് ഇന്നു രാവിലെയും ഡീസല് ഒഴുകിയത് ജനങ്ങളെ ആശങ്കയിലാക്കി. ഓവുചാലിലേക്ക് ഡീസല് കിനിഞ്ഞിറങ്ങുകയാണ്. റോഡിലേക്കും ഇതു എത്തുന്നുണ്ട്.കോട്ടണ് തുണി ഉപയോഗിച്ച് ഡീസല് തുടച്ചുമാറ്റാനും ശ്രമം…
Read Moreഒറ്റയ്ക്ക് താമസിച്ച വീട്ടമ്മയെ ആക്രമിച്ച് പീഡിപ്പിക്കാൻ ശ്രമം; യുവാവ് പിടിയിൽ; പരിക്കേറ്റ വീട്ടമ്മ ആശുപത്രിയിൽ
കോന്നി: ഒറ്റയ്ക്ക് താമസിക്കുന്ന സ്ത്രീയെ വീട്ടില് അതിക്രമിച്ചു കയറി ക്രൂരമായി ദേഹോപദ്രവം ഏല്പിക്കുകയും പീഡനത്തിനു വിധേയമാക്കാൻ ശ്രമിക്കുകയും ചെയ്ത കേസില് പ്രതിയെ പോലീസ് അറസ്റ്റ് ചെയ്തു. കോട്ടയം ഏറ്റുമാനൂര് കാണക്കാരി പറമ്പാട്ട് എബിന് മോഹനെയാണ് (സനോജ്, 37) അറസ്റ്റ് ചെയ്തത്. ഇയാള് മദ്യ-മയക്കുമരുന്നുകള്ക്ക് അടിമയാണെന്ന് അന്വേഷണത്തില് വ്യക്തമായി. ഞായറാഴ്ച രാത്രി 8.30നാണ് സംഭവം. വീട്ടമ്മയുടെ വായ്ക്കുള്ളില് മുറിവ് ഉണ്ടാവുകയും ഒരു പല്ല് നഷ്ടമാകുകയും ചെയ്തു. കോന്നി താലൂക്ക് ആശുപത്രിയില് പ്രവേശിപ്പിക്കപ്പെട്ട ഇവരുടെ മൊഴി രേഖപ്പെടുത്തി കേസ് രജിസ്റ്റര് ചെയ്ത കോന്നി പോലീസ് അന്വേഷണം ഊര്ജിതമാക്കിയിരുന്നു. കോന്നിയിലെ മാരുതി ഷോറൂമില് സ്പ്രേ പെയിന്ററായി ജോലി ചെയ്തുവരികയാണ് എബിൻ മോഹനെന്നു പോലീസ് പറഞ്ഞു. കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്തു. പോലീസ് ഇന്സ്പെക്ടര് പി. ശ്രീജിത്തിന്റെ നേതൃത്വത്തിലാണ് അന്വേഷണം നടക്കുന്നത്.
Read Moreയുവവ്യവസായിയെ കബളിപ്പിച്ച് 88 ലക്ഷം തട്ടിയ സംഭവം: നാലുപേർ പിടിയില്
ചേര്ത്തല: യുവവ്യവസായിയെ കബളിപ്പിച്ച് 88 ലക്ഷം തട്ടിപ്പു നടത്തിയ സംഘത്തിലെ നാലു പേരെ ചേര്ത്തല പോലീസ് പിടികൂടി. ഹോട്ടലുകളുടെ റേറ്റിംഗ് ഉയര്ത്തിക്കാട്ടി വരുമാനമുണ്ടാക്കാനുള്ള ആപ്പില് ഉള്പ്പെടുത്തിയായിരുന്നു തട്ടിപ്പ്. ചെറുകിട കയര് വ്യവസായിയായ ചേര്ത്തല നഗരസഭ 11-ാം വാര്ഡ് പുഷ്പാ നിവാസില് കൃഷ്ണപ്രസാദി (30)ന്റെ പണമാണ് നഷ്ടമായത്. പരാതിയില് ചേര്ത്തല പോലീസ് കോയമ്പത്തൂരില് നടത്തിയ അന്വേഷണത്തില് തട്ടിപ്പില് പങ്കാളികളായ കോയമ്പത്തൂര് കളപ്പനായ്ക്കല് ഖാദര്മൊയ്തീന് (44), സോമയംപാളയം മരതരാജ് (36), വേലാണ്ടിപാളയം ഭുവനേശ്വര നഗര് രാമകൃഷ്ണന് (50), വേലാണ്ടിപാളയം തങ്കവേല് (37) എന്നിവരാണ് പിടിയിലായത്. തട്ടിപ്പു സംഘത്തിലെ പ്രധാനികള്ക്കുവേണ്ടി ബാങ്ക് അക്കൗണ്ടുകള് എടുത്തു നല്കിയവരാണ് പിടിയിലായ നാലുപേരും. പരാതിക്കാരന് പിടിയിലായ തങ്കവേലു, രാമകൃഷ്ണന് എന്നിവരുടെ അക്കൗണ്ടിലേക്ക് 28 ലക്ഷവും ബാക്കി തുക മറ്റ് 10 അക്കൗണ്ടുകളിലേക്കുമാണ് അയച്ചിരിക്കുന്നത്. ഈ അക്കൗണ്ടുകള് മറ്റു സംസ്ഥാനങ്ങളിലെ ബാങ്കുകളിലേതാണെന്നാണ് വിവരം.അക്കൗണ്ടുകള് കേന്ദ്രീകരിച്ചു നടത്തിയ അന്വേഷണത്തിലാണ്…
Read More