ഇരിട്ടി: ഓടിക്കൊണ്ടിരുന്ന കാറിന് മുകളിൽ മരം വീണ് നിയന്ത്രണം വിട്ട കാർ കുളത്തിലേക്ക് മറിഞ്ഞ് യുവാവ് മരിച്ചു. അങ്ങാടിക്കടവ് കുറിച്ചികുന്നേൽ ബെന്നി -ബീന ദമ്പതികളുടെ മകൻ ഇമ്മാനുവേൽ (24) ആണ് മരിച്ചത്. ആനപ്പന്തി അങ്ങാടിക്കടവ് മെയിൻ റോഡിൽ വഴക്കുണ്ടിൽ ഇന്ന് പുലർച്ചെ 5.30 ഓടെയാണ് അപകടം. തൃശൂരിൽനിന്നും എൻട്രൻസ് പരീക്ഷ എഴുതി തിരിച്ചുവരികയായിരുന്നു ഇമ്മാനുവേൽ. അപകടം നടന്നതിന് 100 മീറ്റർ അകലെ ഉണങ്ങിയ റബർ മരം പൊടുന്നനെ വണ്ടിക്ക് മുകളിലേക്ക് മറിഞ്ഞുവീണതാണ് അപകടകാരണമായത്. അപ്രതീക്ഷിതമായ മരം വീണതോടെ കാറിന്റെ നിയന്ത്രണം നഷ്ടപ്പെട്ട് മുന്നോട്ട് ഓടിയ വാഹനം വലിയ തെങ്ങ് ഇടിച്ചുമറിച്ചിട്ട ശേഷം ഏകദേശം 15 അടിയോളം താഴ്ചയിലുള്ള കുളത്തിലേക്ക് വീഴുകയായിരുന്നു. ശബ്ദം കേട്ട് ഓടിയെത്തിയ സമീപവാസികൾ രക്ഷാപ്രവർത്തനത്തിൽ ഏർപ്പെട്ടെങ്കിലും കുളത്തിലെ വെള്ളത്തിലേക്ക് കൂപ്പുകുത്തി വീണ കാറിന്റെ മുൻഭാഗം ചെളിയിൽ അമർന്നത് രക്ഷാപ്രവർത്തനത്തിന് തടസമായി. ജീപ്പും ജെസിബിയും ഉൾപ്പെടെയുള്ള…
Read MoreCategory: Edition News
സൈബര് തട്ടിപ്പ്; മധ്യപ്രദേശില് രണ്ടുപേര് കൂടി അറസ്റ്റിൽ; രണ്ടുപേര്ക്കായി തെരച്ചില് ഊര്ജിതം
കോഴിക്കോട്: സൈബര് തട്ടിപ്പ് വഴി കോഴിക്കോട് സ്വദേശിയില് നിന്ന് നാലുകോടി കൈക്കലാക്കിയ സംഭവത്തില് പിടികിട്ടാന് ബാക്കിയുള്ള രണ്ടുപേര്ക്കായി കോഴിക്കോട് സൈബര് പോലീസ് തെരച്ചില് ഊര്ജിതമാക്കി. രാജസ്ഥാന് സ്വദേശികളായ രണ്ടുപേരെ കൂടിയാണ് ഇനി പിടികിട്ടാനുള്ളത്. നാലുപേരെ ഇതിനകം പിടികൂടിയിട്ടുണ്ട്. ഇതിൽ മുഖ്യപ്രതികളായ സുനില് ദംഗി, ശീതള് കുമാര് മേഹ്ത്ത എന്നിവരെ രാജസ്ഥാനില് വച്ച് ഒക്ടോബറിലാണ് സിറ്റി സൈബര് ക്രൈം പോലീസ് പിടികൂടിയത്.മധ്യപ്രദേശിലെ അലോട്ടില് വച്ച് രണ്ടു കൂട്ടു പ്രതികളെ കഴിഞ്ഞ ദിവസം പോലീസ് പിടികൂടി. ഇവരില്നിന്ന് 1.60 കോടി രൂപ കണ്ടെടുത്തിട്ടുണ്ട്. മധ്യപ്രദേശിലെ അലോട്ട് സ്വദേശിയായ ഷാഹിദ് ഖാന് (52), ഉജ്ജയിന് സ്വദേശിയായ ദിനേഷ് കുമാര് ഫുല്വാനി (48) എന്നിവരാണ് അറസ്റ്റിലായത്.കോഴിക്കോട് സ്വദേശിയില് നിന്ന് ഓണ്ലൈന് സൈബര് തട്ടിപ്പ് വഴി 4,08,80,457 രൂപയാണ് സംഘം തട്ടിയെടുത്തിരുന്നത്. സോഷ്യല് മീഡിയ പ്ലാറ്റ്ഫോമായ വാട്സാപ് വഴിയും മൊബൈല്ഫോണ് വഴിയും ബന്ധപ്പെട്ടാണ്…
Read Moreകാലാവധി പൂര്ത്തിയായ വിസ തിരുത്തി വ്യാജ വിസയുണ്ടാക്കി: കെനിയന് യുവതി കൊച്ചിയിൽ അറസ്റ്റില്
കൊച്ചി: വ്യാജ വിസയില് കൊച്ചിയിലെത്തിയ കെനിയന് യുവതി അറസ്റ്റില്. കാലാവധി പൂര്ത്തിയായ വിസ തിരുത്തി വ്യാജ വിസയുണ്ടാക്കി എത്തിയ കെനിയൻ യുവതി മെര്ലിൻ (36)നെയാണ് എറണാകുളം നോര്ത്ത് പോലീസ് അറസ്റ്റ് ചെയ്തത്. ചികിത്സയ്ക്കായിട്ടാണ് ഇവര് കൊച്ചിയില് എത്തിയത്. ഇന്നലെ എറണാകുളം നോര്ത്ത് റെയില്വേ സ്റ്റേഷനു സമീപത്തെ ഹോട്ടലില് മുറിയെടുക്കാനെത്തിയപ്പോഴാണ് കുടുങ്ങിയത്. പാസ്പോര്ട്ടിന് കാലാവധി ഉണ്ടെയെങ്കിലും വിസ വ്യാജമായിരുന്നു. തുടര്ന്ന് നോര്ത്ത് പോലീസ് ഇവരെ കസ്റ്റഡിയിലെടുത്തു. പോലീസ് വിവരം അറിയിച്ചതിനെ തുടര്ന്ന് ഫോറിനേഴ്സ് റീജണല് രജിസ്ട്രേഷന് ഓഫീസില് (എഫ്ആര്ആര്ഒ) നിന്നുളള സംഘം എത്തി പാസ്പോര്ട്ടും വിസയും പരിശോധിച്ചു. വിസ വ്യാജമാണെന്ന് കണ്ടെത്തിയതോടെ ഇവരുടെ അറസ്റ്റ് രേഖപ്പെടുത്തുകയായിരുന്നു. യുവതിയെ ഇന്നു കോടതിയില് ഹാജരാക്കും.
Read Moreമത്സ്യബന്ധന വള്ളങ്ങളിൽ നിന്നുപിത്തള വളയങ്ങൾ മോഷണം:നഷ്ടപ്പെട്ടത് അഞ്ചുലക്ഷം രൂപയുടെ സാധനങ്ങൾ; ഒരാൾ അറസ്റ്റിൽ
ഹരിപ്പാട്: കായലിൽ നങ്കൂരമിട്ടിരുന്ന രണ്ടു മത്സ്യബന്ധനവള്ളങ്ങളിൽ നിന്നു പിത്തള വളയങ്ങൾ മോഷണം പോയ കേസിൽ ഒരാളെ തൃക്കുന്നപ്പുഴ പോലീസ് അറസ്റ്റ് ചെയ്തു. ആറാട്ടുപുഴ കുറുങ്ങാട്ടു വീട്ടിൽ പ്രശാന്തി(42)നെയാണ് അറസ്റ്റു ചെയ്തത്. ജില്ലാ പോലീസ് മേധാവി എം.പി. മോഹനചന്ദ്രന്റെ മേൽനോട്ടത്തിൽ തൃക്കുന്നപ്പുഴ ഇൻസ്പെക്ടർ ഷാജിമോൻ, എസ്ഐ അജിത്ത്, സീനിയർ സിവിൽ പോലീസ് ഓഫീസർമാരായ സജീഷ്, ഷിജു, ഇക്ബാൽ, വിഷ്ണു എന്നിവർ ചേർന്നാണ് പ്രതിയെ അറസ്റ്റു ചെയ്തത്. കോടതിയിൽ ഹാജരാക്കിയ പ്രശാന്തിനെ റിമാൻഡു ചെയ്തു. ആറാട്ടുപുഴ പഴയകണ്ടങ്കേരിൽ അബ്ദുൽ ലത്തീഫിന്റെ ഉടമസ്ഥതയിലുള്ള ബിലാൽ വള്ളത്തിലും നാലുതെങ്ങിൽ മുഹമ്മദ് ഷാഫിയുടെ ഉടമസ്ഥതയിലുള്ള സഞ്ചാരി വള്ളത്തിലുമാണ് കഴിഞ്ഞയാഴ്ച മോഷണം നടത്തിയത്. ആറാട്ടുപുഴ ബസ് സ്റ്റാൻഡിന് കിഴക്കു ഭാഗത്ത് കുന്നുംപുറത്ത് കടവിൽ കായലിലാണ് രണ്ടു ലൈലാൻഡ് വളളങ്ങളും നങ്കൂരമിട്ടിരുന്നത്. വലകൾ അറത്തുമുറിച്ചു ഒരുകിലോ തൂക്കം വരുന്ന നൂറോളം പിത്തള വളയങ്ങളാണ് ഒരോ വളളത്തിൽ നിന്നു…
Read Moreനിന്റെ മരണം ഉറപ്പ്, ബ്ലാക്ക് ഡാലിയ… വീടിന്റെ മതിലിൽ വധഭീഷണി പോസ്റ്റർ; പരാതി നൽകി ഗൃഹനാഥൻ
അമ്പലപ്പുഴ: വീടിന്റെ മതിലിൽ വധഭീഷണി മുഴക്കി പോസ്റ്റർ. പരാതി നൽകി ഗൃഹനാഥൻ. പുറക്കാട് പഴയങ്ങാടി കെ.കെ.ഭവനത്തിൽ കലേഷിന്റെ വീടിന്റെ മതിലിലാണ് പോസ്റ്റർ പ്രത്യക്ഷപ്പെട്ടത്. നിന്റെ മരണം ഉറപ്പ് ബ്ലാക്ക് ഡാലിയ എന്നായിരുന്നു പോസ്റ്ററിലുണ്ടായിരുന്നത്. മത്സ്യത്തൊഴിലാളിയായ ഇദ്ദേഹം ഒരാഴ്ച കഴിഞ്ഞാണ് ജോലിക്കു ശേഷം തിരികെ വരുന്നത്. കഴിഞ്ഞ ദിവസം വീട്ടിൽ ആരുമില്ലാതിരുന്ന സമയത്താണ് മതിലിൽ പോസ്റ്റർ കണ്ടത്. ഇതു സംബന്ധിച്ച് നൽകിയ പരാതിയെത്തുടർന്ന് അമ്പലപ്പുഴ പോലീസ് അന്വേഷണമാരംഭിച്ചു.
Read Moreവിനോദസഞ്ചാരികളെയും പ്രദേശവാസികളെയും വലച്ച് കക്കാട്ടുകട അഞ്ചുരുളി റോഡ്; പ്രതിഷേധിച്ച് റോഡിൽ വാഴ നട്ട് നാട്ടുകാർ
കട്ടപ്പന: ജില്ലയിലെ പ്രധാന വിനോദസഞ്ചാര കേന്ദ്രങ്ങളിൽ ഒന്നായ കാഞ്ചിയാർ അഞ്ചുരുളിയിലേക്കുള്ള പാതയുടെ ശോച്യാവസ്ഥയിൽ പ്രതിഷേധിച്ച് പ്രദേശവാസികൾ. കക്കാട്ടുകട അഞ്ചുരുളി റോഡിൽ ജോണിക്കടയിൽനിന്നു പ്രകടനം നടത്തി. തുടർന്ന് റോഡിലെ ഗർത്തത്തിൽ വാഴനട്ടും പ്രതിഷേധിച്ചു. ജില്ലാ പഞ്ചായത്തിന്റെ അധീനതയിലുള്ളതാണ് പാത. സ്കൂൾ വിദ്യാർഥികൾ ഉൾപ്പെടെ വലിയ യാത്രാക്ലേശമാണ് അനുഭവിക്കുന്നത്. അടിയന്തര സാഹചര്യത്തിൽ ആശുപത്രി ആവശ്യങ്ങൾക്ക് ഉൾപ്പെടെ ടാക്സി വാഹനങ്ങൾ പോലും എത്താത്ത അവസ്ഥയാണ്. കെഎസ്ആർടിസിയുടെ അടക്കം നിരവധി വിനോദസഞ്ചാര പാക്കേജുകൾ മേഖലയിലൂടെ കടന്നുപോയിരുന്നു. റോഡിന്റെ ശോച്യാവസ്ഥ മൂലം ഇവയെല്ലാം നിർത്തേണ്ട സാഹചര്യമാണ്. വിനോദസഞ്ചാരികളെയും പ്രദേശവാസികളെയും വലയ്ക്കുന്ന പാതയുടെ ശോച്യാവസ്ഥ അടിയന്തരമായി പരിഹരിക്കണമെന്നാണ് പ്രദേശവാസികളുടെ ആവശ്യം. ഗ്രാമ പഞ്ചായത്ത് അംഗം ഷാജി വേലംപറമ്പിൽ, ജിമ്മിച്ചൻ ഇളംതുരുത്തിയിൽ, അനിത സത്യൻ, ഗിരിജ അനീഷ്, ജോയ് ആനത്താനം, മോനിച്ചൻ മുട്ടത്ത്, ബിനോയ് പതിപ്പള്ളിയിൽ, ലാലിച്ചൻ മുട്ടത്ത്, സോണിയ ജോബി, ജോസ് പ്ലാപ്പറമ്പിൽ, റെജി പാലപ്ലാക്കൽ…
Read Moreഅതിശക്തമായ മഴ: ശബരിമല തീർഥാടകർ നദികളിലിറങ്ങുന്നതിനും കുളിക്കടവുകള് ഉപയോഗിക്കുന്നതിനും നിരോധനം
പത്തനംതിട്ട: ജില്ലയില് അതിശക്തമായ മഴ പെയ്യുന്ന സാഹചര്യത്തില് സുരക്ഷയെ മുന്നിര്ത്തി ശബരിമല തീർഥാടകർ നദികളിലിറങ്ങുന്നതും കുളിക്കടവുകള് ഉപയോഗിക്കുന്നതും നിരോധിച്ച് ജില്ലാ കളക്ടര് എസ്. പ്രേം കൃഷ്ണന് ഉത്തരവായി.അതിശക്തമായ മഴ മുന്നറിയിപ്പ് പിന്വലിക്കും വരെയാണ് നിരോധനം. ഒറ്റപ്പെട്ട അതിശക്തമായ മഴ പെയ്യുന്ന സാഹചര്യത്തില് താഴ്ന്ന പ്രദേശങ്ങളില് വെള്ളക്കെട്ടുകള്, പ്രാദേശികമായ വെള്ളപ്പൊക്കം, മണ്ണിടിച്ചില് തുടങ്ങിയ ദുരന്തങ്ങള്ക്ക് സാധ്യതയുണ്ട്. മലയോര മേഖലയിലും വനത്തിലും മഴ ശക്തമാകുന്നത് മലവെള്ളപ്പാച്ചില്, ഉരുള്പൊട്ടല്, മണ്ണിടിച്ചില് സാധ്യതകള് വര്ധിപ്പിക്കുന്നതിനാല് ഈ പ്രദേശങ്ങളിലുള്ളവര് അതീവ ജാഗ്രത പാലിക്കണം. അണക്കെട്ടുകളില് നിന്നു വെള്ളം പുറത്തേക്ക് ഒഴുക്കിവിടാനുള്ള സാധ്യതയുള്ളതിനാല് ഒരു കാരണവശാലും നദികള് മുറിച്ചു കടക്കാനോ നദികളിലോ മറ്റ് ജലാശയങ്ങളിലോ കുളിക്കാനോ മറ്റ് ആവശ്യങ്ങള്ക്ക് ഇറങ്ങാനോ പാടില്ലെന്നും ഉത്തരവില് പറയുന്നു. പമ്പയിലും ജാഗ്രതാ നിര്ദേശംശബരിമല പമ്പയില് ജലനിരപ്പുയര്ന്നതോടെ പമ്പാ സ്നാനത്തില് പങ്കെടുക്കുന്നവര് ജാഗ്രത പാലിക്കണമെന്ന നിര്ദേശവുമായി പോലീസ്. കുളിക്കടവുകള് പോലീസും ഫയര്ഫോഴ്സും…
Read Moreവിവാദം കൊഴുക്കുന്നു; ആകാശപാത ഇല്ലാതാക്കാന്ശ്രമമെന്ന് തിരുവഞ്ചൂര് രാധാകൃഷ്ണന്
കോട്ടയം: ഊരാളുങ്കല് സൊസൈറ്റിക്ക് നിര്മാണം പിടിച്ചുകൊടുക്കാന് നാടിന്റെ മുഖമാവേണ്ട ആകാശപാത പദ്ധതിയെ ഇല്ലാതാക്കാന് ശ്രമമെന്ന് തിരുവഞ്ചൂര് രാധാകൃഷ്ണന് എംഎല്എ. പണമില്ലാത്തതിനാലാണ് ആദ്യം പണി മുടങ്ങിയത്. ഇപ്പോഴുന്നയിക്കുന്ന സ്ഥലത്തിന്റെ വിഷയം ഇതുവരെ തന്നെ അറിയിച്ചിട്ടില്ലെന്നും തിരുവഞ്ചൂര് രാധാകൃഷ്ണന് പത്രസമ്മേളനത്തില് പറഞ്ഞു. നാറ്റ്പാക്ക് പഠന റിപ്പോര്ട്ടിന്റെ അടിസ്ഥാനത്തിലാണ് ആകാശപാത നിര്മാണം ആരംഭിച്ചത്. പദ്ധതി സുഗമമായി മുന്നോട്ടു കൊണ്ടുപോയ കിറ്റ്കോയെ മാറ്റണമെന്നു മന്ത്രിമാര് ആവശ്യപ്പെട്ടതാണ്. മന്ത്രിതല ചര്ച്ചകള്ക്കു പിന്നാലെ ചേര്ന്ന ഉദ്യോഗസ്ഥതല യോഗത്തില് കിറ്റ്കോ തുടരണമോ അതോ ഊരാളുങ്കല് പോലുള്ള സൊസൈറ്റികള് വേണമോ എന്ന തീരുമാനത്തിലാണ് എത്തിയത്. പണവും അനുവദിച്ച് ഏജന്സിയെ ചുമതലപ്പെടുത്തിയ പദ്ധതിയാണ് പാതിവഴിയില് ഇല്ലാതായത്. പണം കൊടുത്താല് എട്ടുമാസത്തിനുള്ളില് പൂര്ത്തിയാക്കുമെന്ന് കിറ്റ്കോ അറിയിച്ചിരുന്നു.ഒമ്പതു വര്ഷമായി പെയിന്റു പോലും ചെയ്യാതെ മഴയും വെയിലുമേറ്റ് കിടക്കുന്നതിനാലാണ് തൂണുകള് തുരുമ്പിക്കുന്നത്. 2022ല് പദ്ധതി പൂര്ത്തീകരണത്തിന് ആവശ്യമായ തുക ആസ്തി വികസന ഫണ്ടില് നിന്ന്…
Read Moreകെ.സി. വേണുഗോപാല് – ജി. സുധാകരന് കൂടിക്കാഴ്ച: ജി.സുധാകരന് ഉറച്ച കമ്മ്യൂണിസ്റ്റ്: പ്രഫ. കെ.വി. തോമസ്
കൊച്ചി: സിപിഎം നേതാവ് ജി. സുധാകരന് ആരോഗ്യ പ്രശ്നങ്ങള് ഉള്ളത് കൊണ്ടാണ് എഐസിസി ജനറല് സെക്രട്ടറി കെ.സി. വേണുഗോപാല് കണ്ടതെന്ന് കരുതുന്നില്ലെന്ന് പ്രഫ. കെ.വി. തോമസ്. കഴിഞ്ഞ ദിവസം ആലപ്പുഴയില് നടന്ന കെ.സി. വേണുഗോപാല് – ജി.സുധാകരന് കൂടിക്കാഴ്ചയെക്കുറിച്ച് മാധ്യമങ്ങളോട് പ്രതികരിക്കുകയായിരുന്നു അദ്ദേഹം. താന് അദ്ദേഹത്തെ രണ്ട് ദിവസം മുന്പ് വരെ കണ്ടിരുന്നു. ഒരു കുഴപ്പവും ഇല്ല. സുധാകരന് ഉറച്ച കമ്മ്യൂണിസ്റ്റാണ്. ആരെങ്കലും വീട്ടില് ചെന്നതുകൊണ്ട് മാറ്റം ഉണ്ടാകുമെന്ന് കരുതുന്നില്ലെന്നും കെ.വി. തോമസ് പറഞ്ഞു. സിപിഎം ഒരു കേഡര് പാര്ട്ടിയാണ്, താഴെ തട്ടു മുതല് ചര്ച്ചകളും അഭിപ്രായങ്ങളും നടക്കും. അത് ആ പാര്ട്ടിയുടെ കരുത്താണ്. കോണ്ഗ്രസ് അകത്തുള്ള പ്രശ്ങ്ങള് ആദ്യം പരിഹരിക്കണം. വീട്ടില് ഉള്ളവര് തങ്ങള്ക്ക് ഭക്ഷണം തരൂ എന്ന് പറയുമ്പോള് പുറത്തുള്ളവര്ക്ക് ഭക്ഷണം കൊടുക്കാന് പോവുകയാണ് കോണ്ഗ്രസെന്നും പ്രഫ. തോമസ് പരിഹസിച്ചു.
Read Moreആശ്രിത നിയമനം; സര്ക്കാരിന്റെ കനിവു കാത്തിരിക്കുന്നത് ആയിരത്തിലധികം പേര്
കൊച്ചി: സംസ്ഥാനത്ത് ആശ്രിത നിയമനത്തിനായി സര്ക്കാരിന്റെ കനിവു കാത്തിരിക്കുന്നത് ആയിരലത്തിലധികം അപേക്ഷകര്. വിവിധ വകുപ്പുകളില് സര്വീസില് ഇരിക്കവേ മരിച്ച ജീവനക്കാരുടെ ആശ്രിതരാണ് ഇത്തരത്തില് അപേക്ഷ നല്കി നിയമനം പ്രതീക്ഷിച്ച് വര്ഷങ്ങളായി കാത്തിരിക്കുന്നത്. നിലവിലെ ആശ്രിത നിയമന വ്യവസ്ഥകള് പരിഷ്കരിക്കുന്നതുമായി ബന്ധപ്പെട്ട് ഇക്കഴിഞ്ഞ മേയ് പത്തിന് ഭരണപരിഷ്കാര വകുപ്പ് അഡീഷണല് ചീഫ് സെക്രട്ടറി സംസ്ഥാനത്തെ വിവിധ സര്വീസ് സംഘടനകളുമായി സര്ക്കാര്തലത്തിലുള്ള ചര്ച്ച നടത്തിയിരുന്നു. ചര്ച്ച കഴിഞ്ഞ് മാസങ്ങള് പിന്നിട്ടെങ്കിലും സര്ക്കാരിന്റെ ഭാഗത്തു നിന്ന് യാതൊരുവിധ തീരുമാനങ്ങളും ഉണ്ടായിട്ടില്ലെന്ന് അപേക്ഷകര് പറയുന്നു. പൊതു ഭരണ വകുപ്പിലെ ആശ്രിത നിയമന വിഭാഗം സെക്ഷനില് അപേക്ഷ നല്കി 10 വര്ഷത്തിലേറെയായി നിയമനം പ്രതീക്ഷിച്ച കാത്തിരിക്കുന്ന നിരവധിപ്പേരും ഇക്കൂട്ടത്തിലുണ്ട്. എല്ഡി ക്ലര്ക്ക്, ഓഫീസ് അസിസ്റ്റന്റ് തസ്തികളിലേക്കാണ് കൂടുതല് അപേക്ഷകര് ഉള്ളത്. ഓരോ വകുപ്പുകളിലും പ്രസ്തുത തസ്തികകളില് ഉണ്ടാകുന്ന മാനദണ്ഡപ്രകാരം റിപ്പോര്ട്ട് ചെയ്യപ്പെടേണ്ട ഒഴിവുകള് പൊതു…
Read More