തിരുവനന്തപുരം: ലോക്സഭാ തെരഞ്ഞെടുപ്പിലെ അഭിമാനകരമായ വിജയത്തിൽ കോൺഗ്രസ് നേതാക്കൾ അഹങ്കരിക്കുകയോ സമചിത്തത കൈവിടുകയോ ചെയ്യരുതെന്ന് ചെറിയാൻ ഫിലിപ്പ്. രാഹുൽ ഗാന്ധി തരംഗവും ഭരണ വിരുദ്ധ വികാരവും കൊണ്ടാണ് ബൂത്ത് കമ്മറ്റി ഇല്ലാത്തിടങ്ങളിൽ പോലും കോൺഗ്രസ് ഭൂരിപക്ഷം നേടിയത്. “എന്റെ ബൂത്ത്, എന്റെ അഭിമാനം’ എന്ന രാഹുൽ ഗാന്ധിയുടെ മുദ്രാവാക്യവുമായി എല്ലാ നേതാക്കളും താഴേതട്ടിലേക്ക് ഇനിയും ഇറങ്ങിയാൽ മാത്രമേ കോൺഗ്രസിന്റെ സംഘടനാ ദൗർബല്യം പരിഹരിക്കാനാവൂ. പുതുരക്തപ്രവാഹം ഉണ്ടാകണമെങ്കിൽ കെ എസ് യു , യൂത്ത് കോൺഗ്രസ്, മഹിളാ കോൺഗ്രസ് എന്നീ സംഘടനകളെ ശക്തിപ്പെടുത്തണം. സംസ്ഥാന തലം മുതൽ ബൂത്ത് തലം വരെ കഠിനാധ്വാനപരമായ ജനകീയ പ്രവർത്തനങ്ങളിലൂടെ മാത്രമേ തദ്ദേശ, നിയമസഭാ തെരഞ്ഞെടുപ്പുകളിൽ മികച്ച വിജയം നേടാൻ കഴിയൂ എന്നും ചെറിയാൻ ഫിലിപ്പ് പറഞ്ഞു.
Read MoreCategory: Edition News
സമൂഹമാധ്യമങ്ങളിൽ മുഖ്യമന്ത്രിയെ വിമർശിക്കുന്നത് സഖാക്കളല്ല, മാർക്സിസ്റ്റ് വിരുദ്ധരെന്ന് ഇ.പി. ജയരാജൻ
തിരുവനന്തപുരം: ലോക്സഭാ തെരഞ്ഞെടുപ്പിൽ ഇടതു മുന്നണിക്കേറ്റ കനത്ത തിരിച്ചടിയിൽ സർക്കാരിനും മുഖ്യമന്ത്രിക്കും എതിരെ അണികൾ സമൂഹ മാധ്യമങ്ങളിലുയർത്തുന്ന കടുത്ത വിമർശനങ്ങളോട് പ്രതികരിച്ച് എൽഡിഎഫ് കൺവീനർ ഇ.പി. ജയരാജൻ. സർക്കാരിനെതിരേ പോസ്റ്റിടുന്നവർ പാർട്ടി സഖാക്കളല്ലെന്നും മുഖ്യമന്ത്രിയെ വിമർശിച്ച് പോസ്റ്റിടുന്നവർ മാർക്സിസ്റ്റ് വിരുദ്ധരാണെന്നും അദ്ദേഹം പറഞ്ഞു. സിപിഎമ്മിനുള്ളിൽ ആർക്കും ആരെയും ഭയമില്ലെന്നും വിമർശിക്കാൻ ഭയക്കേണ്ട കാര്യമില്ലെന്നും അദ്ദേഹം കൂട്ടിച്ചേർത്തു. ഇഎംഎസിനെയും വിഎസ് അച്യുതാനന്ദനെയും വരെ പാർട്ടിയിൽ വിമർശിച്ചിട്ടുണ്ട്. ഇപ്പോഴും അതുണ്ട്, വിമർശിക്കേണ്ട കാര്യങ്ങളിൽ ശക്തമായ വിമർശനം ഉണ്ടാകുമെന്നും അദ്ദേഹം പറഞ്ഞു. ലോക്സഭാ തെരഞ്ഞെടുപ്പിൽ തൃശൂരിൽ ബിജെപിയെ ജയിപ്പിച്ചത് കോൺഗ്രസ് ആണെന്നും തൃശൂരിൽ കോൺഗ്രസ്-ബിജെപി ഡീൽ ഉണ്ടായെന്നും ജയരാജൻ പറഞ്ഞു. കെ. മുരളീധരന് ലഭിക്കേണ്ട ഒരു ലക്ഷം വോട്ട് സുരേഷ് ഗോപിക്ക് പോയി. എന്നാൽ എൽഡിഎഫിന്റെ വോട്ടിൽ കുറവ് സംഭവിച്ചിട്ടില്ല. പ്രകാശ് ജാവദേക്കറെ കണ്ടു എന്ന തെരഞ്ഞെടുപ്പ് ദിവസത്തെ തന്റെ വെളിപ്പെടുത്തൽ…
Read Moreജീവനക്കാരിയെ മര്ദിച്ചു; ബാര് മാനേജര് അറസ്റ്റില്
കൊച്ചി: ജീവനക്കാരിയെ മര്ദിച്ച കേസില് ഹോട്ടലിലെ ബാര് മാനേജര് അറസ്റ്റില്. വൈറ്റിലയിലെ ഹോട്ടല് ജീവനക്കാരനായ ആലപ്പുഴ പുന്നപ്ര സ്വദേശി ടിറ്റി ജോണി(40)നെയാണ് എറണാകുളം സൗത്ത് പോലീസ് അറസ്റ്റ് ചെയ്തത്. ഹോട്ടലിലെ റിസപ്ഷനിസ്റ്റിന്റെ പരാതിയിലാണ് അറസ്റ്റ്. കഴിഞ്ഞ ഡിസംബറിലായിരുന്നു സംഭവം. സുഹൃത്തുക്കളായിരുന്ന ഇരുവരും അടുത്തിടെയാണ് തെറ്റിപിരിഞ്ഞത്. ഇതോടെ വാക്കു തര്ക്കം ഉണ്ടാവുകയും യുവതിയെ ടിറ്റി മര്ദിക്കുകയുമായിരുന്നു. തുടര്ന്ന് പ്രതിയുടെ ഭാഗത്തു നിന്ന് നിരന്തരം ഭീഷണി ഉണ്ടായതോടെയാണ് യുവതി പോലീസില് പരാതി നല്കിയത്. പ്രതി തന്നെ മര്ദിക്കുന്നതിന്റെ സിസിടിവി ദൃശ്യങ്ങളും യുവതി പോലീസിന് കൈമാറിയിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Read Moreവനിത ഹോസ്റ്റല് കുളിമുറിയില് ഒളി കാമറ; കസ്റ്റഡിയിലെടുത്ത മൂന്ന് ഫോണുകള് ഫോറന്സിക് ലാബിലേക്ക് അയയ്ക്കും
കൊച്ചി: പൊന്നുരുന്നിയിലെ സ്വകാര്യ പി.ജി. ഹോസ്റ്റലിലെ കുളിമുറിയില് ഒളി കാമറ കണ്ടെത്തിയ സംഭവത്തില് പോലീസ് പിടിച്ചെടുത്ത മൂന്ന് മൊബൈല്ഫോണുകള് വിശദമായ പരിശോധനയ്ക്കായി ഉടന് ഫോറന്സിക് ലാബിലേക്ക് അയയ്ക്കും. വീട്ടുടമയുടെയും ഭാര്യയുടെയുമാണ് മൊബൈല്ഫോണുകള്. സംഭവത്തില് കടവന്ത്ര പോലീസ് കേസെടുത്ത് അന്വേഷണം തുടങ്ങി. ബുധനാഴ്ചയാണ് ഹോസ്റ്റലിലെ കുളിമുറിയില് കാമറ ഓണ് ചെയ്ത മൊബൈല് ഫോണ് പെണ്കുട്ടികള് കണ്ടതെന്ന് പോലീസ് പറയുന്നു. എക്സ്ഹോസ്റ്റ് ഫാനിനിടയിലാണ് കാമറ കണ്ടത്. പിന്നീട് പോലീസ് എത്തിയപ്പോഴേക്കും കാമറ അപ്രത്യക്ഷമായിരുന്നു. ഫോണ് പിന്നീട് കണ്ടെത്താനായിട്ടില്ല. അതേസമയം ഹോസ്റ്റല് നടത്തിപ്പുകാര്ക്കെതിരേ പെണ്കുട്ടികള് സംശയം പ്രകടിപ്പിച്ചതോടെയാണ് പോലീസ് മൂന്നു മൊബൈല്ഫോണുകള് കസ്റ്റഡിയിലെടുത്തത്. പ്രാഥമിക പരിശോധനയില് ഫോണുകളില് നിന്ന് ഒന്നും കണ്ടെത്താന് കഴിഞ്ഞിട്ടില്ലെന്ന് കടവന്ത്ര പോലീസ് ഇന്സ്പെക്ടര് രതീഷ് പറഞ്ഞു. വിശദമായ പരിശോധയ്ക്കായാണ് മൊബൈല്ഫോണുകള് ഫോറന്സിക് ലാബിലേക്ക് അയയ്ക്കുന്നത്. സമീപത്തെ സിസിടിവി ദൃശ്യങ്ങള് കേന്ദ്രീകരിച്ചും പോലീസ് അന്വേഷണം നടത്തുന്നുണ്ട്.
Read Moreഡോ. എം.എസ്. സുനിലിന്റെ 308-ാമത് സ്നേഹഭവനം കാർത്തികയുടെ ആറംഗ കുടുംബത്തിന്
പത്തനംതിട്ട: സാമൂഹിക പ്രവർത്തക ഡോ. എം.എസ്. സുനിൽ ഭവനരഹിതരായി സുരക്ഷിതമല്ലാത്ത കുടിലുകളിൽ കഴിയുന്ന നിരാലംബർക്ക് പണിതു നൽകുന്ന 308 -മത് സ്നേഹഭവനം ഡോ. സ്മിത സുമിത്രന്റെയും ഡോ. ജി .സുമിത്രന്റെയും സഹായത്താൽ പട്ടാഴി തെക്കേതേരി വിനയഭവനിൽ കാർത്തികയ്ക്കും കുടുംബത്തിനുമായി നിർമിച്ചു നൽകി. വീടിന്റെ താക്കോൽദാനവും ഉദ്ഘാടനവും ഡോ. സ്മിത സുമിത്രനും ഡോ. ജി. സുമിത്രനും ചേർന്ന് നിർവഹിച്ചു. വർഷങ്ങളായി സ്വന്തമായി വീട് വയ്ക്കുവാൻ നിവൃത്തിയില്ലാതെ മൺകട്ട കൊണ്ട് നിർമിച്ച, ടാർപോളിൻ ഷീറ്റ് കൊണ്ടും മൂടിയ ചോർന്നൊലിക്കുന്ന ചെറിയ ഒരു കൂരയിൽ ആയിരുന്നു കാർത്തികയും വിനയനും രണ്ട് കുട്ടികളും മാതാപിതാക്കളും താമസിച്ചിരുന്നത്. ഇവരുടെ ദയനീയാവസ്ഥ നേരിൽകണ്ട് ഡോ. സുനിൽ ഇവർക്കായി രണ്ടു മുറികളും അടുക്കളയും ഹാളും ശുചിമുറിയും സിറ്റൗട്ടും അടങ്ങിയ ഇരുനില വീട് പണിതു നൽകുകയായിരുന്നു. ചടങ്ങിൽ വാർഡ് മെംബർ ജെയിൻ ജോയ്, പ്രോജക്ട് കോ-ഓർഡിനേറ്റർ കെ.പി. ജയലാൽ,…
Read Moreതിരുവാര്പ്പ് ക്ഷേത്രത്തിലെ മോഷണം; മോഷ്ടാവെന്നു സംശയിക്കുന്നയാളുടെ സിസിടിവി ദൃശ്യങ്ങൾ ലഭിച്ചു
കോട്ടയം: തിരുവാര്പ്പ് ശ്രീകൃഷ്ണ സ്വാമിക്ഷേത്രത്തിലെ കാണിക്കവഞ്ചികള് തകര്ത്ത് മോഷണം. ഇന്നു പുലര്ച്ച ക്ഷേത്രം അധികൃതരാണു മോഷണം വിവരം അറിഞ്ഞത്. ക്ഷേതത്തിലെയും കൊച്ചമ്പലത്തിലെയും കാണിക്കവഞ്ചികൾ കുത്തിത്തുറന്നാണു മോഷണം നടത്തിയത്. ശ്രീകൃഷ്ണ ക്ഷേത്രത്തിന്റെ രണ്ടു കാണിക്കവഞ്ചികളും കൊച്ചമ്പലത്തിലെ ഒരു കാണിക്കവഞ്ചിയും ഉള്പ്പടെ മൂന്നിടങ്ങളിലാണു മോഷണം. കഴിഞ്ഞ ദിവസമാണ് കാണിക്ക വഞ്ചികളില്നിന്നു പണം എടുത്തത്. എങ്കിലും കാണിക്കവഞ്ചിയില്നിന്ന് 5,000 രൂപയോളം നഷ്ടപ്പെട്ടതായിട്ടാണ് കണക്കുകൂട്ടുന്നത്. സിസിടിവി കാമറയില് മോഷ്ടാവെന്നു സംശയിക്കുന്നയാളുടെ ചിത്രം പതിഞ്ഞിട്ടുണ്ട്. ഇതരസംസ്ഥാനക്കാരനാകാനാണ് സാധ്യതയെന്നു കുമരകം എസ്എച്ച്ഒ കെ.ജെ. തോമസ് രാഷ് ട്രദീപികയോടു പറഞ്ഞു. മോഷ്ടാവിനെ ഉടന് പിടികൂടാനാകുമെന്നും എസ്എച്ച്ഒ.
Read Moreവനം വകുപ്പിന്റെ മേഖലാ ആസ്ഥാന മന്ദിര നിര്മാണം; മുറിച്ചുമാറ്റുന്നത് ആറു മരങ്ങള് മാത്രമെന്ന് വനം വകുപ്പ്
കൊച്ചി: ഇടപ്പള്ളിയില് വനം വകുപ്പിന്റെ മേഖലാ ആസ്ഥാന മന്ദിരത്തിനായി ആറു മരങ്ങള് മാത്രമേ മുറിച്ചു മാറ്റുന്നുള്ളൂവെന്ന് വനം വകുപ്പ് ഹൈക്കോടതിയെ അറിയിച്ചു. കെട്ടിടത്തിനായി 59 മരങ്ങളാണ് മുറിക്കാന് തീരുമാനിച്ചതെങ്കിലും ഏറ്റവും കുറച്ച് മാത്രം മുറിച്ചു നീക്കാന് സഹായകരമാകുന്ന വിധം നിര്മാണത്തില് മാറ്റം വരുത്താന് തീരുമാനിച്ചതായി സാമൂഹിക വനവത്കരണ വിഭാഗം ഡെപ്യുട്ടി ഫോറസ്റ്റ് കണ്സര്വേറ്റര് പരിസ്ഥിതി ദിനമായ ബുധനാഴ്ച സമര്പ്പിച്ച സത്യവാങ്മൂലത്തില് അറിയിച്ചു. ആസ്ഥാന മന്ദിരം നിര്മിക്കുന്ന അതേസ്ഥലത്ത് വംശനാശ ഭീഷണി നേരിടുന്ന കൂടുതല് മരങ്ങള് വെച്ചു പിടിപ്പിക്കുമെന്നും വ്യക്തമാക്കിയിട്ടുണ്ട്. ഇടപ്പള്ളിയില് വനം വകുപ്പിന്റെ ഓഫീസ് സമുച്ചയത്തിന് വേണ്ടി മുറിക്കേണ്ട മരങ്ങളില് 19 എണ്ണം മാറ്റി വച്ചു പിടിപ്പിക്കാനായിരുന്നു നേരത്തെ വനം വകുപ്പ് തീരുമാനിച്ചത്. എന്നാല്, ചീഫ് ഫോറസ്റ്റ് കണ്സര്വേറ്ററുടെ നേതൃത്വത്തില് നടന്ന പഠനത്തിന്റെ അടിസ്ഥാനത്തിലാണ് പുതിയ തീരുമാനം. വനം വകുപ്പ് ഉദ്യോഗസ്ഥരുടെ പാര്പ്പിട സാമൂച്ചയം ഇടപ്പള്ളിയയില് നിന്ന്…
Read Moreകൊച്ചിയിൽ ഊബർ ഓട്ടോ ഡ്രൈവർക്ക് മർദനമേറ്റ സംഭവം; പ്രതികളെ തെരഞ്ഞ് പോലീസ്
ആലുവ: കൊച്ചി മെട്രോ സ്റ്റേഷന് മുന്നിൽ ഊബർ ഓട്ടോ ഡ്രൈവർക്ക് മർദനമേറ്റ സംഭവത്തിൽ പ്രതികളായ മൂന്ന് ഓട്ടോ ഡ്രൈവർമാർ ഒളിവിൽ. കുന്നത്തേരി തൈപറമ്പിൽ ഷാജഹാനാ(35) ണ് മർദനമേറ്റത്. ഇയാളെ കോട്ടയം മെഡിക്കൽ കോളജിൽ ചികിത്സയിലാണ്. തുടർച്ചയായി രക്തം ഛർദ്ദിച്ചതിനെത്തുടർന്ന് ചികിത്സ തേടിയത്.കഴിഞ്ഞ ആഴ്ച്ചയാണ് ഷാജഹാന് മെട്രോ സ്റ്റേഷനു മുന്നിൽ ഓട്ടോയുമായി കാത്തുനിന്നതിന് മൂന്ന് ഡ്രൈവർമാരുടെ മർദനമേറ്റത്. ഇത് പകർത്തിയ ഒരു യാത്രക്കാരൻ സോഷ്യൽ മീഡിയയിൽ പോസ്റ്റ് ചെയ്തു. മൂന്ന്പേർ ചേർന്ന് ഓട്ടോറിക്ഷയിൽ നിന്നിറക്കി മർദിക്കുന്നതും ചവിട്ടുന്നതും ദൃശ്യങ്ങളിൽ കാണാം. സഹോദരിയാണ് തുടർച്ചയായി രക്തം ഛർദിച്ച ഷാജഹാനെ ആശുപത്രിയിലെത്തിച്ചത്. ഭയം കാരണം ഷാജഹാൻ ആരോടും മർദനമേറ്റ കാര്യം പറഞ്ഞിരുന്നില്ല. സഹോദരി ആലുവ ടൗൺ പോലീസ് സ്റ്റേഷനിൽ പരാതി നൽകിയിട്ടുണ്ട്. പ്രതികൾക്കായി പോലീസ് അന്വേഷണം ആരംഭിച്ചിട്ടുണ്ട്.
Read Moreതാംബരം-മംഗളൂരു റൂട്ടിൽ ദ്വൈവാര സ്പെഷൽ ട്രെയിൻ നാളെ മുതൽ
കൊല്ലം: താംബരം -മംഗളൂരു റൂട്ടിൽ നാളെ മുതൽ ദ്വൈവാര സമ്മർ സ്പെഷൽ എസി ട്രെയിൻ സർവീസ് നടത്തും. 06047 താംബരം -മംഗളുരു വണ്ടി നാളെ, ഒമ്പത്, 14, 16, 21, 23, 28, 30 തീയതികളിൽ ഉച്ചയ്ക്ക് 1.55 ന് താംബരത്ത് നിന്ന് പുറപ്പെട്ട് അടുത്ത ദിവസം രാവിലെ 6.55 ന് മംഗലാപുരത്ത് എത്തും. തിരിച്ചുള്ള സർവീസ് (06748) മംഗളുരുവിൽ നിന്ന് എട്ട്, 10, 15, 17, 22, 24 , 29, ജൂലൈ ഒന്ന് തീയതിൽ ഉച്ചയ്ക്ക് 12 ന് പുറപ്പെട്ട് പിറ്റേ ദിവസം രാവിലെ 4.45 ന് താംബരത്ത് എത്തും. ഇരു ദിശകളിലുമായി എട്ട് വീതം സർവീസുകളാണ് ക്രമീകരിച്ചിട്ടുള്ളത്. 14 എസി ത്രീ ടയർ കോച്ചുകളും അംഗപരിമിതർക്കായി രണ്ട് സെക്കൻ്റ് ക്ലാസ് കോച്ചുകളും ഉണ്ടാകും. മുൻകൂർ ബുക്കിംഗ് ആരംഭിച്ച് കഴിഞ്ഞു. പാലക്കാട്, ഒറ്റപ്പാലം, തൃശൂർ,…
Read Moreഉഭയകക്ഷി ചർച്ച തുടങ്ങുന്നതിന് മുൻപേ… ഇടതുമുന്നണിക്ക് കീറാമുട്ടിയായി രാജ്യസഭ സീറ്റ് വിഭജനം
തിരുവനന്തപുരം: ലോക്സഭ തെരഞ്ഞെടുപ്പിലെ തിരിച്ചടിക്ക് പിന്നാലെ ഇടതുമുന്നണിയിൽ രാജ്യസഭ സീറ്റ് വിഭജനം കീറാമുട്ടിയാകുന്നു. ഇടതുമുന്നണി ഉഭയകക്ഷി ചർച്ച തുടങ്ങുന്നതിന് മുൻപേ തന്നെ സീറ്റിന് വേണ്ടി അവകാശവാദമുന്നയിച്ച് സിപിഐയും കേരളാ കോണ്ഗ്രസ് എമ്മും ആർജെഡിയും എൻസിപിയും രംഗത്ത് വന്നതാണ് സിപിഎമ്മിനെ പ്രതിരോധത്തിലാക്കിയിരിക്കുന്നത്. രാജ്യസഭ അംഗങ്ങളായിരുന്ന എളമരം കരിം, ബിനോയ് വിശ്വം, ജോസ് കെ. മാണി എന്നിവരുടെ കാലാവധി കഴിഞ്ഞ ഒഴിവിലേക്കാണ് പുതിയ അംഗങ്ങളെ പരിഗണിക്കേണ്ടത്. നിലവിലെ സാഹചര്യത്തിൽ എൽഡിഎഫിന് രണ്ട് പേരെ മാത്രമെ രാജ്യസഭയിലേക്ക് തെരഞ്ഞെടുത്ത് അയയ്ക്കാൻ സാധിക്കുകയുള്ളു. സാധാരണ രാജ്യസഭ സീറ്റ് സിപിഎമ്മും സിപിഐയും പങ്കിട്ടെടുക്കുകയാണ് പതിവ്. രാജ്യസഭ സീറ്റ് വിഷയത്തിൽ വിട്ടുവീഴ്ചയ്ക്കില്ലെന്ന് സീറ്റ് തങ്ങൾക്ക് വേണമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം മുഖ്യമന്ത്രി പിണറായി വിജയനോടും സിപിഎം സംസ്ഥാന സെക്രട്ടറി എം.വി. ഗോവിന്ദനോടും നിലപാട് വ്യക്തമാക്കിയിട്ടുണ്ട്. കോട്ടയത്ത് കേരള കോണ്ഗ്രസ് എം ലോക്സഭ…
Read More