തിരുവനന്തപുരം,കോഴിക്കോട്: ഉപതെരഞ്ഞെടുപ്പ് ചർച്ചകൾ കോൺഗ്രസിൽ സജീവമാകുന്നു. രാഹുല് ഗാന്ധി വയനാട് ലോക്സഭ സീറ്റ് ഒഴിയുമെന്ന സൂചന ശക്തമായിരിക്കെ ഇവിടെ ആരെ മത്സരിപ്പിക്കണമെന്ന കാര്യത്തിലാണു പ്രധാന ചർച്ച. റായ്ബറേലിയിലും ജയിച്ച രാഹുല് ഗാന്ധി വയനാട് മണ്ഡലം ഒഴിയുമെന്നത് ഏറെക്കുറെ ഉറപ്പായിട്ടുണ്ട്. രാഹുലിനു പകരം പ്രിയങ്കാ ഗാന്ധിയുടെ പേരാണ് ആദ്യം ഉയർന്നതെങ്കിലും അവർ മത്സരിക്കാന് തയാറാവുമോ എന്നതിൽ വ്യക്തതയില്ല.എന്നാൽ ലോക്സഭ തെരഞ്ഞെടുപ്പില് തൃശൂരില് പരാജയപ്പെട്ട കെ. മുരളീധരന്റെ പേരാണ് ഇപ്പോൾ വയനാടുമായി ബന്ധപ്പെട്ട് സജീവമായി ഉയർന്നു വരുന്നത്. കോണ്ഗ്രസിനും യുഡിഎഫിനും വേണ്ടി ചാവേറായി നിന്ന മുരളീധരന് തൃശൂരില് പരാജയപ്പെട്ടത് കോണ്ഗ്രസിനും മുരളീധരനും ഏറെ നിരാശയാണ് സമ്മാനിച്ചത്. തത്കാലം പൊതുരംഗത്തു നിന്നുതന്നെ വിട്ടു നില്ക്കാന് തീരുമാനിച്ചതായും മുരളീധരന് പ്രഖ്യാപനം നടത്തിയിരുന്നു. പിണക്കത്തിലായ മുരളീധരന് വയനാട് അല്ലെങ്കില് പാര്ട്ടിയില് ഉന്നത സ്ഥാനം നല്കണമെന്ന നിര്ദേശമാണ് ഉയര്ന്നിരിക്കുന്നത്. വയനാട്ടില് മുരളീധരനെ സ്ഥാനാര്ഥിയാക്കിയാല് ആദ്യം പിന്തുണയ്ക്കുക…
Read MoreCategory: Edition News
2026ൽ കേരളത്തിൽ ബംഗാൾ ആവർത്തിക്കുമെന്ന് ചെറിയാൻ ഫിലിപ്പ്
തിരുവനന്തപുരം: 2026ലെ നിയമസഭാ തെരഞ്ഞെടുപ്പിൽ കേരളത്തിൽ പശ്ചിമ ബംഗാൾ ആവർത്തിക്കുമെന്ന് കെപിസിസി. മാധ്യമ സമിതി അധ്യക്ഷൻ ചെറിയാൻ ഫിലിപ്പ്. നിയമസഭയിൽ 99 മണ്ഡലങ്ങളിൽ ജയിച്ച എൽഡിഎഫ് ലോക്സഭാ തെരഞ്ഞെടുപ്പിൽ 18 നിയമസഭാ മണ്ഡലങ്ങളിൽ മാത്രം മുന്നിലെത്തിയത് ബംഗാളിലെ പോലെ കേരളത്തിലും സിപിഎമ്മിന്റെ വേരറ്റുവെന്നതിന്റെ സൂചനയാണ്. സ്വന്തം മണ്ഡലങ്ങളിൽ പിന്നിലായ 18 മന്ത്രിമാർക്ക് തൽസ്ഥാനത്ത് തുടരാൻ ധാർമ്മിക അവകാശമില്ല.ബംഗാളിൽ 34 വർഷത്തെ തുടർ ഭരണത്തിൽ സംഭവിച്ചതു പോലെ കേരളത്തിൽ 10 വർഷത്തെ തുടർ ഭരണത്തോടെ സിപിഎമ്മിന്റെ ശവക്കുഴി തോണ്ടും. കേരളത്തിൽ പിണറായി വിജയൻ അവസാനത്തെ കമ്യൂണിസ്റ്റ് മുഖ്യമന്ത്രിയാകും. ഇന്ത്യയിലെ ഏക കമ്മ്യൂണിസ്റ്റ് തുരുത്തായ കേരളം അപ്രത്യക്ഷമാകും.രാഹുൽ ഗാന്ധിയുടെ ഫോട്ടോ വെച്ചാണ് സിപിഎമ്മിന്റെ നാലു സീറ്റിൽമൂന്നിടത്തും ജയിച്ചത്. രാഹുൽ ഗാന്ധിയെ പരസ്യമായി നിന്ദിച്ച സിപിഎമ്മിന് കേരളത്തിലെ ജനങ്ങൾ ശക്തമായ തിരിച്ചടി നൽകിയെന്നും ചെറിയാൻ ഫിലിപ്പ് പറഞ്ഞു
Read Moreസ്കൂൾ തുറന്നതിന് പിന്നാലെ വിദ്യാർഥികളെ ലക്ഷ്യംവച്ച് നിരോധിത പുകയില ഉൽപന്ന വിൽപന; യുപി സ്വദേശി പിടിയിൽ
കൊച്ചി: നിരോധിത പുകയില ഉൽപന്നങ്ങൾ വിദ്യാർഥികൾക്കിടയിൽ വിൽപന നടത്തുന്നയാൾ കൊച്ചിയിൽ പിടിയിൽ. ഉത്തർപ്രദേശ് സ്വദേശി അവിനാശ്കുമാർ സരോജാണ് പോലീസ് പിടിയിലായത്. രണ്ട് ചാക്ക് പുകയില ഉൽപന്നങ്ങളാണ് ഇയാളിൽ നിന്ന് പോലീസ് പിടിച്ചെടുത്തത്. മട്ടാഞ്ചേരി പാണ്ടിക്കുടിയിൽ വാടകയ്ക്ക് താമസിക്കുന്ന ഇയാളെ മട്ടാഞ്ചേരി പോലീസാണ് അറസ്റ്റ് ചെയ്തത്. വിദ്യാർഥികൾക്കിടയിൽ ലഹരി എത്തിക്കുന്ന സംഘം പ്രവർത്തിക്കുന്നതായി പോലീസിന് നേരത്തെ വിവരം ലഭിച്ചിരുന്നു. തുടർന്ന് പുതിയ അധ്യയന വർഷം ആരംഭിക്കുന്ന പശ്ചാത്തലത്തിൽ പോലീസ് ലഹരി വിൽപനക്കാരെ പിടികൂടാൻ പരിശോധന ശക്തമാക്കുകയും ചെയ്തു. ഇതിനിടെയാണ് അവിനാശ്കുമാർ പോലീസ് പിടിയിലായത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Read Moreവാടകവീട് കേന്ദ്രീകരിച്ച് ചാരായം വാറ്റി വിൽപന; എക്സൈസ് റെയ്ഡിൽ 2000 ലിറ്റർ കോടയും വാറ്റ് ഉപകരണവും പിടിച്ചെടുത്തു
അന്പലപ്പുഴ: വാറ്റ് കേന്ദ്രത്തിൽ എക്സൈസ് റെയ്ഡ്. ഒരാൾ അറസ്റ്റിൽ. പറവൂരിൽ ആഡംബര വീട് വാടകയ്ക്കെടുത്തു വാണിജ്യാടിസ്ഥാനത്തിൽ വിൽപ്പനയ്ക്കായി നടത്തിവന്ന വാറ്റുകേന്ദ്രത്തിലാണ് ആലപ്പുഴ എക്സൈസ് റേഞ്ച് പാർട്ടിയും സർക്കിൾ പാർട്ടിയും സംയുക്തമായി റെയ്ഡ് നടത്തിയത്. ഇവിടെ നിന്ന് 2000 ലിറ്റർ കോടയും വാറ്റ് ഉപകരണങ്ങളും 6,000 രൂപയും പിടികൂടി. ചാരായം വാറ്റി വിൽപന നടത്തിവരികയായിരുന്ന ക്രിമിനൽ കേസിലെ പ്രതികൂടിയായ പുന്നപ്ര നോർത്ത് തൂക്കുകുളം രാരീരം വീട്ടിൽ 41 വയസുള്ള അജേഷിനെ അറസ്റ്റ് ചെയ്തു. ദിവസങ്ങളായി എക്സൈസ് ഷാഡോ ടീമിന്റെ നിരീക്ഷണത്തിലായിരുന്നു ഇയാൾ. പഞ്ചായത്ത് പ്രസിഡന്റിന്റെയും വാർഡ് മെമ്പറുടെയും സാന്നിധ്യത്തിൽ ആയിരുന്നു അറസ്റ്റ്. പ്രതിയെ ഇന്ന് അമ്പലപ്പുഴ കോടതിയിൽ ഹാജരാക്കും. ആലപ്പുഴ ജില്ലയിലെ മദ്യ/മയക്ക് മരുന്ന് സംബന്ധമായ കുറ്റകൃത്യങ്ങൾ 0477-2230182 / 9400069486 എന്നീ നമ്പരുകളിൽ അറിയിക്കുക.
Read Moreകേരളത്തിലെ വോട്ടര്മാര് ഇത്തരത്തില് തീരുമാനമെടുത്തത് എന്താണ്; പാര്ട്ടി പരിശോധിക്കണമെന്ന് കെ.ജെ. ഷൈന്
കൊച്ചി: ലോക്സഭ തെരഞ്ഞെടുപ്പില് മൊത്തത്തില് കേരളത്തിലെ വോട്ടര്മാര് ഇത്തരത്തില് തീരുമാനമെടുത്തത് എന്താണെന്ന് പാര്ട്ടി പരിശോധിക്കണമെന്ന് എറണാകുളത്തെ എല്ഡിഎഫ് സ്ഥാനാര്ഥി കെ.ജെ. ഷൈന് പറഞ്ഞു. കേരളത്തിന്റെ പൊതു ട്രെന്ഡാണ് ഇപ്പോള് പുറത്തുവന്നത്. ഹൈബി ഈഡന് മുമ്പും മത്സരംഗത്ത് ഉണ്ടായിരുന്ന ആളാണ്. ഈ രംഗത്ത് പുതിയ ആളായ എനിക്ക് നിശ്ചിത സമയത്തിനുള്ളില് എല്ലാവരുടെ അടുത്തും ഓടിയെത്താനായില്ല. എന്നാല് കഴിയുംവിധം വോട്ടര്മാരെ കാണാന് ശ്രമിച്ചിട്ടുണ്ട്. തോല്വിയെക്കുറിച്ച് എനിക്ക് പറയാനുള്ള കാര്യങ്ങള് പാര്ട്ടി ഘടകത്തെ അറിയിക്കുമെന്നും ഷൈന് പറഞ്ഞു.
Read Moreതോല്വിയുടെ പേരില് പൊതു പ്രവര്ത്തനം അവസാനിപ്പിക്കേണ്ട നേതാവല്ല കെ. മുരളീധരനെന്ന് ബെന്നി ബഹനാൻ
കൊച്ചി: ഒരു തെരഞ്ഞെടുപ്പ് പരാജയത്തിന്റെ പേരില് പൊതുപ്രവര്ത്തനം അവസാനിപ്പിക്കേണ്ട നേതാവല്ല കെ. മുരളീധരന് എന്ന് ബെന്നി ബഹനാന്. മുരളീധരന് പൊതുപ്രവര്ത്തന രംഗത്ത് തുടരണം. പെട്ടന്നുള്ള വികാരത്തില് അദ്ദേഹം അങ്ങനെ പറഞ്ഞതാകും.തൃശൂരിലെ പരാജയത്തില് ആത്മപരിശോധന വേണം. ആഴത്തിലുള്ള പരിശോധയാണ് വേണ്ടത്. തൃശൂരില് ബിജെപി എങ്ങനെ വേരുറപ്പിക്കുന്നുവെന്ന് കോണ്ഗ്രസും സിപിഎമ്മും പഠിക്കുകയും തടയിടുകയും വേണം. ബിജെപിയുടെ വേരുകള് പടരാതിരിക്കാനുള്ള ജാഗ്രതയും മുന് കരുതലും ഉണ്ടാവണമെന്നും അദ്ദേഹം പറഞ്ഞു. മുരളിയുമായി ഫോണില് സംസാരിച്ചു. കോണ്ഗ്രസ് വളരെയധികം ശ്രദ്ധിക്കേണ്ട ജില്ലയാണ് തൃശൂര്. ട്വന്റി ട്വന്റിക്ക് വലിയ പ്രാധാന്യമൊന്നും താന് നല്കുന്നില്ല. അവരുടെ ശക്തികേന്ദ്രമായ കുന്നത്തുനാട്ടില് തനിക്ക് ഭൂരിപക്ഷം നേടാനായെന്നും ബെന്നി ബഹനാന് പറഞ്ഞു.
Read Moreസുരേഷ്ഗോപിക്ക് അഭിനന്ദനവുമായി നടന് സലിംകുമാര്; രാഷ്ട്രീയമായി വ്യത്യസ്ത ചേരിയാണെങ്കിലും എങ്കിലും വ്യക്തിപരമായി സന്തോഷം
കൊച്ചി: ലോക്സഭാ തെരഞ്ഞെടുപ്പില് വന് വിജയം നേടിയ സുരേഷ് ഗോപിക്ക് അഭിനന്ദനവുമായി നടന് സലിംകുമാര്. രാഷ്ട്രീയമായി വ്യത്യസ്ത ചേരിയിലാണെങ്കിലും വ്യക്തിപരമായി സുരേഷ് ഗോപിയുടെ വിജയത്തില് സന്തോഷമെന്നാണ് സലിംകുമാര് സോഷ്യല് മീഡിയയില് കുറിച്ചത്. “രാഷ്ട്രീയമായി വ്യത്യസ്ത ചേരിയിലാണെങ്കിലും വ്യക്തി പരമായി അങ്ങയുടെ വിജയത്തില് സന്തോഷിക്കുന്നു അഭിനന്ദനങ്ങള് സുരേഷേട്ടാ’, എന്നാണ് സലിംകുമാര് കുറിച്ചത്. ഷാഫി പറമ്പില്, കെ. സുധാകരന്, കെ.സി. വേണുഗോപാല് തുടങ്ങിയവര്ക്കും സലിം കുമാര് ആശംസ അറിയിച്ചിട്ടുണ്ട്.
Read Moreഇടതുവോട്ടുകൾ ബിജെപിക്കു പോയത് അത്ഭുതപ്പെടുത്തുന്നു; ഗൗരവമായി പഠിക്കുമെന്ന് സുനിൽകുമാർ
തൃശൂർ: ഇടതുവോട്ടുകൾ പ്രതീക്ഷിച്ചത് ലഭിച്ചില്ലെന്നും അത് ബിജെപിക്കാണ് പോയതെന്നും അതെങ്ങിനെ സംഭവിച്ചുവെന്നത് ഗൗരവമായി പരിശോധിക്കുമെന്നും തൃശൂരിൽ പരാജയപ്പെട്ട എൽഡിഎഫ് സ്ഥാനാർഥി വി.എസ്. സുനിൽകുമാർ. തൃശൂരിൽ നടന്നത് ഏതു തരം ഡീലാണെന്ന് ടി.എൻ. പ്രതാപൻ പറയണം. 2019നെ അപേക്ഷിച്ച് യുഡിഎഫിന്റെ ഒരു ലക്ഷം വോട്ടുകൾ ബിജെപിക്ക് പോയിട്ടുണ്ടെന്നും ഇതെങ്ങിനെ പോയെന്ന് പ്രതാപനടക്കമുള്ള കോണ്ഗ്രസ് നേതാക്കൾ വ്യക്തമാക്കണമെന്നും സുനിൽകുമാർ പറഞ്ഞു. പ്രതീക്ഷിച്ച ഇടതുപക്ഷവോട്ടുകൾ ബിജെപിയിലേക്ക് പോയത് അത്ഭുതപ്പെടുത്തുന്നതായും അദ്ദേഹം പറഞ്ഞു.
Read Moreജനങ്ങുടെ വിലയിരുത്തലുകൾക്ക് പ്രാധാന്യമുണ്ട്; പാഠങ്ങള് വിനയത്തോടെ ഉള്ക്കൊള്ളുമെന്ന് ബിനോയ് വിശ്വം
തിരുവനന്തപുരം: ജനവിധിയുടെ പാഠങ്ങള് വിനയത്തോടെ ഉള്ക്കൊള്ളുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. ഇടതുപക്ഷത്തിന്റെ യജമാനന്മാര് ജനങ്ങളാണ്. അവരുടെ വിലയിരുത്തലുകള്ക്ക് അതിന്റേതായ പ്രാധാന്യമുണ്ടെന്ന് ഇടതുപക്ഷത്തിന് അറിയാം. തെരഞ്ഞെടുപ്പ് ഫലം വിശദമായി പരിശോധിച്ച് പോരായ്മകള് തിരുത്തി മുന്നോട്ടു പോകുകയും ചെയ്യും. പാര്ലമെന്റ് തെരഞ്ഞെടുപ്പില് ബിജെപിക്ക് അക്കൗണ്ട് തുറക്കാന് ആയി എന്നുള്ളതും, ഫാസിസ്റ്റ് രാഷ്ട്രീയം കൈയാളുന്ന ബിജെപിയുടെ വോട്ടു ശതമാനം ഗണ്യമായി വര്ധിച്ചു വെന്നതും നിസാരമായി കാണുന്നില്ലെന്നും ബിനോയ് വിശ്വം പറഞ്ഞു.
Read Moreആശിക്കാത്ത കണ്വീനര് പദവി; തോല്വിയുടെ പേരുപറഞ്ഞ് തന്ത്രത്തില് ഒഴിയാൻ ഇപി
കണ്ണൂര്: ലോക്സഭാ തെരഞ്ഞെടുപ്പ് ഫലം എൽഡിഎഫിന് തിരിച്ചടിയായ സ്ഥിതിക്ക് കൺവീനർ സ്ഥാനം ഇ.പി.ജയരാജൻ ഒഴിക്കുമെന്നു റിപ്പോർട്ടുകൾ. സംസ്ഥാനത്ത് ഒരു സീറ്റ് മാത്രം ലഭിച്ച സ്ഥിതിക്ക് ഇടതുമുന്നണി കണ്വീനര് സ്ഥാനത്ത് തുടരേണ്ടെന്നാണ് ഇപിയുടെ തീരുമാനം. ഇത്തരം കീഴ്വഴക്കങ്ങള് സിപിഎമ്മിലില്ലെങ്കിലും താന് ആശിക്കാത്ത കണ്വീനര് പദവി തോല്വിയുടെ പേരുപറഞ്ഞ് തന്ത്രത്തില് ഒഴിയാനാണ് ഇപിയുടെ ആലോചന. 2004ലെ ലോക്സഭാ തെരഞ്ഞെടുപ്പില് യുഡിഎഫ് രണ്ടു സീറ്റിലൊതുങ്ങിയതിനു പിന്നാലെ ധാര്മിക ഉത്തരവാദിത്തമേറ്റെടുത്ത് മുഖ്യമന്ത്രി എ.കെ.ആന്റണി രാജിവച്ചതിനു സമാനമല്ലെങ്കിലും തന്റെ രാജിവഴി സിപിഎം നേതൃത്വത്തെ സമ്മര്ദത്തിലാക്കാമെന്നാണ് ഇപിയുടെ കണക്കുകൂട്ടല്.
Read More