ചേര്ത്തല: ചേര്ത്തല ദേവിക്ഷേത്രത്തിലെ ഉത്സവത്തിന്റെ പ്രസാദമൂട്ടിനിടെ വീട്ടമ്മയുടെ മൂന്ന് പവൻ മാല മോഷണം പോയി. വയലാര് കളവംകോടം മീനത്തക്കരി ഓമനയുടെ മാലയാണ് നഷ്ടമായത്. ഇന്നലെ പകല് ഒന്നോടെയായിരുന്നു സംഭവം. ഊട്ടുപുരയില് നിന്ന് ഭക്ഷണം കഴിച്ചശേഷം കൈ കഴുകുന്നതിനിടെയായിരുന്നു മോഷണം. കൈ കഴുകുന്നതിനിടെ സാരി തല വഴി പുതച്ചെത്തിയ രണ്ട് യുവതികള് അടുത്ത് വന്നിരുന്നെന്നും അവര് മാറിയ ഉടനെയാണ് മാല നഷ്ടമായ വിവരം അറിഞ്ഞതെന്നും ഓമന പറഞ്ഞു. ക്ഷേത്ര ഉപദേശക സമിതിയുടെയും ചേരുവാരത്തിന്റെയും ഭാരവാഹികളും ഭക്തരും മറ്റും ഉടന് തന്നെ പ്രദേശമാകെ പരിശോധന നടത്തിയെങ്കിലും ആരെയും കണ്ടെത്താനായില്ല. ചേര്ത്തല പോലീസ് സമീപത്തെ സിസിടിവി ക്യാമറകള് കേന്ദ്രീകരിച്ച് അന്വേഷണം തുടങ്ങി. രണ്ട് സ്ത്രീകളെക്കുറിച്ച് സൂചന ലഭിച്ചതായി അറിയുന്നു
Read MoreCategory: Edition News
സഹപ്രവർത്തകന്റെ മുഖത്ത് തിളച്ച എണ്ണ ഒഴിച്ചു; ആശുപത്രി കാന്റീനിൽ അരങ്ങേറിയത് കൊടുംക്രൂരത; നടക്കുന്ന സംഭവം കാഞ്ഞിരപ്പള്ളിയിൽ
കാഞ്ഞിരപ്പള്ളി: ആശുപത്രിയിലെ കാന്റീൻ ജീവനക്കാരനായ യുവാവിന്റെ മുഖത്ത് തിളപ്പിച്ചുവച്ചിരുന്ന എണ്ണ ഒഴിച്ച കേസിൽ സഹപ്രവര്ത്തകനായ യുവാവിനെ പോലീസ് അറസ്റ്റ് ചെയ്തു. കിടങ്ങൂര് കടപ്ലാമറ്റം പെരുമ്പള്ളി മുകളേൽ വീട്ടിൽ ജോബിൻ ജോസഫ് (30) നെയാണ് കാഞ്ഞിരപ്പള്ളി പോലീസ് അറസ്റ്റ് ചെയ്തത്. ഇയാൾ ഇന്നലെ രാവിലെ ഒന്പതോടുകൂടി കാഞ്ഞിരപ്പള്ളി ഇരുപത്തിയാറിന് സമീപമുള്ള സ്വകാര്യ ആശുപത്രിയിലെ കാന്റീൻ ജീവനക്കാരനായ തണ്ണീര്മുക്കം സ്വദേശിയായ യുവാവിന്റെ മുഖത്ത് തിളച്ച എണ്ണ ഒഴിക്കുകയായിരുന്നു. ഇയാള്ക്ക് യുവാവിനോട് മുന്വൈരാഗ്യം നിലനിന്നിരുന്നു. ഇതിന്റെ തുടര്ച്ചയെന്നോണമാണ് പൂരി ഉണ്ടാക്കുന്നതിനായി തിളപ്പിച്ചുവച്ചിരുന്ന എണ്ണ ഒരു പാത്രത്തിലെടുത്ത് ഇയാൾ യുവാവിന്റെ മുഖത്തേക്ക് ഒഴിച്ചത്. ആക്രമത്തിൽ യുവാവിന്റെ കണ്ണിന് ഗുരുതരമായി പരിക്കേൽക്കുകയും ചെയ്തു. പരാതിയെ തുടർന്ന് കാഞ്ഞിരപ്പള്ളി പോലീസ് ഇയാളെ അറസ്റ്റ് ചെയ്യുകയായിരുന്നു. കാഞ്ഞിരപ്പള്ളി സ്റ്റേഷൻ എസ്എച്ച്ഒ ഫൈസൽ, എസ്ഐമാരായ സക്കീർ ഹുസൈൻ, രഘുകുമാർ, സിപിഒമാരായ ബിനോ, അരുൺ, ബിനോ കെ. രമേശ് എന്നിവർ…
Read Moreകൊല്ലത്തെ ബിജെപി സ്ഥാനാർഥിയെ ഇന്നറിയാം; മേജർ രവി പരിഗണനയിൽ
കൊല്ലം: കൊല്ലം പാർലമെന്റ് ് മണ്ഡലത്തിലെ ബിജെപി സ്ഥാനാർഥി ആരെന്ന് ഇന്നറിയാം. വൈകുന്നേരത്തോടെ സ്ഥാനാർഥി പ്രഖ്യാപനം ഉണ്ടാകുമെന്നാണ് പാർട്ടി ജില്ലാ നേതൃത്വം നൽകുന്ന സൂചന. നേരത്തെ നടന്ന ചർച്ചകളിൽ ഉരുത്തിരിഞ്ഞ സാധ്യതാ പട്ടികയിൽ ഇപ്പോൾ നേരിയ മാറ്റം വന്നിട്ടുണ്ട്. നടൻ കൃഷ്ണകുമാർ, ഔദ്യോഗിക വക്താവ് സന്ദീപ് വചസ്പതി, യുവമോർച്ച ദേശീയ നേതാവ് അനൂപ് ആന്റണി എന്നിവരാണ് ഒടുവിലത്തെ സാധ്യതാ പട്ടികയിലുള്ളത്. സ്ഥാനാർഥിത്വത്തിൽ യുവമോർച്ചയ്ക്ക് അവസരം നൽകണമെന്ന പാർട്ടി ദേശീയ നേതൃത്വത്തിൻന്റെ ആഗ്രഹ പ്രകാരമാണ് അനൂപ് ആന്റണിയുടെ പേരും പരിഗണനാ പട്ടികയിൽ ഉൾപ്പെടുത്തിയത്. കഴിഞ്ഞ നിയമസഭാ തെരഞ്ഞെടുപ്പിൽ അനൂപ് അമ്പലപ്പുഴ മണ്ഡലത്തിൽ സ്ഥാനാർഥിയായിരുന്നു. അനൂപിനു കൊല്ലത്തു മത്സരിക്കാൻ താത്പര്യമില്ലെങ്കിൽ എറണാകുളം നൽകി പകരം മേജർ രവിയെ കൊല്ലത്തു പരീക്ഷിക്കണമെന്ന നിർദേശവും നേതൃത്വത്തിനു മുന്നിലുണ്ട്. ഇക്കാര്യങ്ങളിലെല്ലാം ഇന്നുതന്നെ വ്യക്തത വരുമെന്നാണ് ജില്ലാ നേതൃത്വത്തിന്റെ പ്രതീക്ഷ. കൊല്ലത്ത് ബിജെപിക്കു സ്ഥാനാർഥി ആയില്ലങ്കിലും…
Read More“ഇഡി കേരളത്തിൽ വരട്ടെ, അപ്പോൾ കാണാം’; ബിജെപിയുടെ പ്രചാരണത്തെ തള്ളി മന്ത്രി മുഹമ്മദ് റിയാസ്
തിരുവനന്തപുരം: കേരള മുഖ്യമന്ത്രി പിണറായി വിജയനെതിരേയും കേന്ദ്ര ഏജൻസികളുടെ നടപടിയുണ്ടാകുമെന്ന പ്രചരണങ്ങൾക്കെതിരേ പൊതുമരാമത്ത് മന്ത്രി മുഹമ്മദ് റിയാസ്. കേരളത്തിൽ ഇഡി വരട്ടെ അപ്പോൾ കാണാമെന്ന് റിയാസ് പ്രതികരിച്ചു. ഇവിടെ ഒന്നും നടക്കില്ലെന്നും ബിജെപിയുടെ പ്രചാരണത്തെ തള്ളിക്കളയുന്നുവെന്നും അദ്ദേഹം വ്യക്തമാക്കി. ഡൽഹി മുഖ്യമന്ത്രി അരവിന്ദ് കേജരിവാളിനെ അറസ്റ്റ് ചെയ്ത പോലെ പിണറായിക്കെതിരേയും നടപടിയുണ്ടാകുമെന്ന പ്രചാരണങ്ങൾക്കെതിരേയാണ് റിയാസ് ഇക്കാര്യങ്ങൾ പറഞ്ഞത്.e സിപിഎമ്മും ബിജെപിയും തമ്മിൽ ധാരണയായതു കൊണ്ടാണ് കേരളത്തിൽ കേന്ദ്ര ഏജൻസികൾ അന്വേഷണത്തിനു വരാത്തതെന്ന കോണ്ഗ്രസിന്റെ നിലപാട് അവർ നേരത്തെ ഉന്നയിക്കുന്ന ആരോപണമാണ്. കോണ്ഗ്രസ് ഇരട്ടത്താപ്പാണ് കാണിക്കുന്നത്. ഇന്ത്യ മുന്നണിയുടെ ഭാഗമായ ആംആദ്മി നേതാവ് കേജരിവാളിനെ അറസ്റ്റ് ചെയ്ത സംഭവത്തിൽ കോണ്ഗ്രസ് ശക്തമായ പ്രതിഷേധമാണു നടത്തുന്നത്. കേരളത്തിലെ കാര്യം വരുന്പോൾ ഇരട്ടത്താപ്പ് കാണിക്കുന്നു. തലസ്ഥാനത്തെ റോഡ് പണി പറഞ്ഞസമയത്ത് തീർക്കും. ചില കരാറുകാർ പദ്ധതിക്ക് തുരങ്കം വയ്ക്കാൻ ഇറങ്ങിയിട്ടുണ്ടെന്നും മന്ത്രി…
Read Moreതാഴത്തങ്ങാടി ബസ് ദുരന്തത്തിന് 14 വയസ്; അപകട ഭീതി വിട്ടുമാറാതെ പാത
കോട്ടയം: 11 പേര്ക്കു ജീവൻ നഷ്ടമായ താഴത്തങ്ങാടി ബസ് ദുരന്തത്തിന്റെ ഓര്മയ്ക്കു പതിനാലു വയസ്. 2010 മാര്ച്ച് 23നു തിരുനക്കര പകല്പ്പൂര ദിനത്തിലായിരുന്നു വൈദ്യുതി പോസ്റ്റിലിടിച്ച് നിയന്ത്രണം വിട്ട് ബസ് 30 അടി താഴ്ചയില് അറുപുഴയാറ്റിലേക്ക് മറിഞ്ഞത്. ചേര്ത്തലയില്നിന്നു കോട്ടയത്തേക്കുള്ള പിടിഎസ് ബസ് ഉച്ചയ്ക്ക് 2.15നാണ് അപകടത്തില്പ്പെട്ടത്. പുഴയുടെ ചെളിത്തട്ടില് മുങ്ങിത്താഴ്ന്ന ബസ് മണിക്കൂറുകളുടെ ശ്രമത്തിനൊടുവിലാണ് ഉയര്ത്താനായത്. ചേർത്തലയിൽ നിന്ന് നിറയെ യാത്രക്കാരുമായി എത്തിയ ബസ് അറുപറ ഭാഗത്ത് എത്തിയപ്പോൾ നിയന്ത്രണം വിട്ട് വൈദ്യുതി പോസ്റ്റിലിടിച്ച് പുഴയിലേക്ക് മറിയുകയായിരുന്നു. കുമരകത്തേക്കുള്ള ഈ പാതയില് ഇപ്പോഴും അപകടം പതിയിരിക്കുന്നു. പലയിടങ്ങളിലും മുന്നറിയിപ്പു ബോര്ഡുകളുമില്ല.
Read Moreഇത് പ്രതികൂല സാഹചര്യം; അപ്പർകുട്ടനാട്ടിൽനിന്ന് താറാവുകൃഷി നാടുകടക്കുന്നു
വൈക്കം: ജലമലിനീകരണവും പരിപാലനച്ചെലവിലെ വർധനവും അടിക്കടിയുണ്ടാകുന്ന പക്ഷിപ്പനിയും കാരണം അപ്പർകുട്ടനാട്ടിലെ താറാവുകൃഷി നാടുകടക്കുന്നു. വെച്ചൂർ, തലയാഴം, അയ്മനം, ആർപ്പൂക്കര തുടങ്ങി അപ്പർകുട്ടനാട്ടിൽ ഉൾപ്പെട്ട പ്രദേശങ്ങളിൽ പതിറ്റാണ്ടുകളായി സജീവമായി നടന്നുവന്ന താറാവുകൃഷിയാണ് പാലക്കാട്, കോയമ്പത്തൂർ തുടങ്ങിയ സ്ഥലങ്ങളിലേക്കുമാറുന്നത്. വെച്ചൂർ, അയ്മനം, ആർപ്പൂക്കര കുമരകം തുടങ്ങിയ ഗ്രാമപ്രദേശങ്ങളിൽ 500 മുതൽ 10,000 താറാവുകളെവരെ വളർത്തുന്ന താറാവുകർഷകരാണ് ഉണ്ടായിരുന്നത്. അടിക്കടിവരുന്ന പക്ഷിപ്പനിയും വേമ്പനാട്ടുകായലും ഇടയാറുകളും നാട്ടുതോടുകളും മലിനമാകുന്നതും താറാവുകളിൽ രോഗബാധയുണ്ടാകുന്നതും പ്രതികൂലമായി ബാധിക്കുന്നതുകൊണ്ടാണ് കർഷകർ ഗത്യന്തരമില്ലാതെ മറ്റു സ്ഥലങ്ങളിലേക്കു താറാവുകൃഷി മാറ്റുന്നത്. ഇതുമൂലം പോഷകസമൃദ്ധമായ നാടൻതാറാവുമുട്ട നാട്ടിൻപുറങ്ങളിൽ കിട്ടാത്ത സ്ഥിതിയായി. മുട്ടക്ഷാമം മൂലം12 രൂപ വിലയുണ്ടായിരുന്ന താറാവുമുട്ടയ്ക്ക് 14, 15 രൂപവരെ വിലയേറുന്നു. താറാവു കർഷകർ ഏറ്റവും നേട്ടമുണ്ടാക്കുന്ന ഈസ്റ്റർ വിഷു ഉത്സവകാലത്ത് ഇക്കുറി നാടൻ പൂവൻ താറാവുകളെ കിട്ടാൻ ഉപഭോക്താക്കൾ ഏറെ അലയേണ്ടിവരും. മുൻകാലങ്ങളിൽ കൊയ്ത്തുകഴിഞ്ഞ പാടങ്ങളിൽ വലിയ തുക…
Read Moreമോര്ഫ് ചെയ്ത് ഫോട്ടോസ് പ്രചരിപ്പിക്കുമെന്ന് ഭീഷണിപ്പെടുത്തി പീഡിപ്പിച്ചു; യുവാവിന് 26 വര്ഷം കഠിനതടവും പിഴയും
അടൂര്: പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ചതിന് ഇരുപത്തിമൂന്നുകാരനു 26 വര്ഷം കഠിന തടവും 32,000 രൂപ പിഴയും. പിഴത്തുക അതിജീവിതയ്ക്കു നല്കാനും കോടതി നിര്ദേശിച്ചു. അടയ്ക്കാത്തപക്ഷം രണ്ടരവര്ഷംകൂടി കഠിനതടവ് അനുഭവിക്കണം.ഏനാദിമംഗലം ചാങ്കൂര് കണ്ടത്തില് പറമ്പില് വീട്ടില് അജിത്തിനെയാണ് അടൂര് അതിവേഗ കോടതി ജഡ്ജി ഡോണി തോമസ് വര്ഗീസ് ശിക്ഷിച്ചത്. 2021 ഓക്ടോബറില് ഇന്സ്റ്റഗ്രം വഴി അതിജീവിതയെ പരിചയപ്പെടുകയും തുടര്ന്നു നിരന്തരം സന്ദേശമയച്ച് വിവാഹ വാഗ്ദാനം നല്കി പ്രലോഭിപ്പിക്കുകയുമായിരുന്നു. പിതാവിന്റെ മരണത്തെ തുടര്ന്നു മാതാവ് വിദേശത്ത് ജോലി തേടിപ്പോയതിനാല് അതിജീവിത മുത്തച്ഛന്റെയും മുത്തശിയുടെയും സംരക്ഷണയില് ആയിരുന്നു. 2022 ജനുവരി മൂന്നിനു പെണ്കുട്ടിയുടെ കിടപ്പുമുറിയില് അതിക്രമിച്ച് കയറി ഭീഷണിപ്പെടുത്തിയും മോര്ഫ് ചെയ്തു ഫോട്ടോസ് പ്രചരിപ്പിക്കുമെന്ന് ഭീഷണിപ്പെടുത്തിയും രണ്ടുദിവസം കൂടെ താമസിപ്പിച്ച് ലൈംഗിക അതിക്രമത്തിനു വിധേയമാക്കിയെന്നാണു കേസ്. തുടര്ന്ന് ഭീഷണിപ്പെടുത്തി പലരുടെയും കൈയില് നിന്നു പണവും വാങ്ങി. മുത്തശിയുടെ സ്വര്ണ മാലയും…
Read Moreനിർമാണം പൂർത്തിയാകാത്ത റോഡിൽ കാർ കയറ്റി; ബ്ലോക്ക് പഞ്ചായത്തംഗത്തെ തടഞ്ഞ്വെച്ച് നാട്ടുകാർ; സ്വർണമാല നൽകി തടിയൂരി മെമ്പർ
മൂലമറ്റം: റോഡിന്റെ കോണ്ക്രീറ്റ് ജോലികൾ പൂർത്തിയാകുന്നതിനു മുന്പ് ഇതിലെ കാർ ഓടിച്ച ഇടുക്കി ബ്ലോക്ക് പഞ്ചായത്തംഗം വെട്ടിലായി. കോണ്ക്രീറ്റിനു മുകളിലൂടെ കാറുമായി പോയ ബ്ലോക്ക് മെംബറെ നാട്ടുകാർ തടഞ്ഞു വച്ചു. ചോറ്റുപാറ മുതൽ ഉളുപ്പൂണി ജംഗ്ഷൻ വരെയുള്ള റോഡിന്റെ കോണ്ക്രീറ്റ് ജോലികളാണ് നടന്നുവരുന്നത്. നിർമാണം തുടങ്ങിയ സ്ഥലത്ത് വഴി ബ്ലോക്ക് ചെയ്തിരുന്നെങ്കിലും മെംബർ ആണെന്ന് പറഞ്ഞാണു വാഹനം കയറ്റിയത്. വാഴൂർ സോമൻ എംഎൽഎയുടെ ആസ്തി വികസന ഫണ്ടിൽനിന്നു 50 ലക്ഷം രൂപ മുടക്കിയാണ് റോഡ് നിർമാണം നടത്തി വരുന്നത്.മെംബറെ തടഞ്ഞുവച്ച് നാട്ടുകാർ കൈയേറ്റം ചെയ്യുമെന്ന അവസ്ഥ എത്തിയപ്പോഴേയ്ക്കും വിവരമറിഞ്ഞ് പോലീസ് സ്ഥലത്തെത്തി. റോഡ് നശിപ്പിച്ചതിന് മെംബർ നഷ്ടപരിഹാരം കൊടുക്കണമെന്നായി നാട്ടുകാർ. തുടർന്നു നടത്തിയ ചർച്ചയിൽ കേസ് എടുക്കുമെന്ന ഘട്ടം വന്നപ്പോൾ 40,000 രൂപ നഷ്ടപരിഹാരം കൊടുക്കാമെന്ന് മെംബർ സമ്മതിച്ചു. കൈവശം പണമില്ലാതിരുന്നതിനാൽ സ്വർണ മാല ഊരിക്കൊടുത്ത് മെംബർ…
Read Moreനാളെ കുരുത്തോല തിരുനാള്; ഇനി വലിയ ആഴ്ചയിലേക്ക്
കോട്ടയം: നാളെ ഓശാനത്തിരുനാള്. വിശ്വാസികള്ക്ക് വലിയ നോമ്പിലെ വലിയ ആഴ്ചയിലേക്കുള്ള പ്രവേശനദിനമാണ് ഓശാന ഞായര്. യേശുവിന്റെ രാജകീയ ജറുസലേം പ്രവേശനത്തെ അനുസ്മരിച്ച് നാളെ ആശീര്വദിക്കപ്പെട്ട കുരുത്തോലകളേന്തി ഓശാനഗീതങ്ങള് ആലപിച്ച് വിശ്വാസികള് പ്രദക്ഷിണമായി ദേവാലയങ്ങളിലേക്ക് പ്രവേശിക്കും. കേരളത്തിലെ വിശ്വാസികള്ക്ക് ഇത് കുരുത്തോലത്തിരുനാളാണ്. ഇളം തെങ്ങോലകള് കൈകളിലേന്തിയുള്ള ഓശാന യാചരണത്തിനു ശേഷം അവ വീടുകളില് പ്രതിഷ്ഠിക്കുമ്പോള് അത് സുരക്ഷയുടെ കരുതലായി മാറും. പ്രാര്ഥനയും ഉപവാസവും തീര്ഥാടനവുമായി വിശ്വാസികള് പീഡാനുഭവവാരത്തിന്റെ വിശുദ്ധാനുഭവത്തിലേക്കു കടക്കും. പെസഹാവ്യാഴം, ദുഃഖവെള്ളി, ദുഃഖശനി ദിനങ്ങളിലെ സഹനാനുഭവങ്ങള്ക്കുശേഷം തിരുവുത്ഥാനത്തിന്റെ പുണ്യദിനത്തിലേക്കുള്ള പ്രയാണത്തിലാണ് ക്രൈസ്തവര്.
Read Moreകോടതി നടപടികൾക്കിടെ ജഡ്ജിയുടെ ഫോട്ടോയെടുക്കാന് ശ്രമം; കഞ്ചാവ് കേസിലെ പ്രതിയുടെ ജാമ്യം റദ്ദാക്കി
മഞ്ചേരി: കോടതി നടപടികള് നടന്നു കൊണ്ടിരിക്കെ ജഡ്ജിയുടെ ഫോട്ടോയെടുക്കാന് ശ്രമിച്ച കഞ്ചാവ് കേസിലെ പ്രതിയുടെ ജാമ്യം കോടതി റദ്ദാക്കി. മലപ്പുറം പോലീസ് 2020ല് രജിസ്റ്റര് ചെയ്ത കേസിലെ പ്രതി ഷാഹുല്ഹമീദിന്റെ ജാമ്യമാണ് മഞ്ചേരി എന്ഡിപിഎസ് സ്പെഷല് കോടതി റദ്ദ് ചെയ്തത്. 318 കിലോ കഞ്ചാവ് പിടികൂടിയ കേസില് 12 പ്രതികളാണുള്ളത്. ഇതില് രണ്ടാം പ്രതിയാണ് ഷാഹുല് ഹമീദ്. ഇയാള്ക്ക് കോടതി നേരത്തെ ജാമ്യം അനുവദിച്ചിരുന്നു. മറ്റൊരു കേസില് കോടതി നടപടികള് നടന്നു കൊണ്ടിരിക്കെ ഷാഹുല് ഹമീദ് ജനല് വഴി ജഡ്ജി എം.പി. ജയരാജിന്റെ ഫോട്ടോയെടുക്കാന് ശ്രമിക്കുകയായിരുന്നു. ഇക്കാര്യം ശ്രദ്ധയില്പ്പെട്ട പോലീസാണ് മൊബൈല്ഫോണ് പിടികൂടി കോടതിയെ ഏല്പ്പിച്ചത്. പിടികൂടിയ മൊബൈല്ഫോണ് കൂടുതല് അന്വേഷണത്തിനായി മഞ്ചേരി പോലീസിന് കൈമാറി. ഇതോടൊപ്പം അനുവദിച്ച ജാമ്യം റദ്ദ് ചെയ്ത് പ്രതിയെ മഞ്ചേരി സ്പെഷല് സബ്ജയിലിലേക്കയച്ചു.
Read More