കോട്ടയം: കോട്ടയം റിക്കാര്ഡ് ചൂടില് ഇന്നലെ കത്തിക്കയറി. 39.5 എന്ന എക്കാലത്തെയും റിക്കാര്ഡില് ഉച്ച മുതല് പല തവണ താപനില ഉയര്ന്നു. ഐഎംഡിയുടെ വടവാതൂര് സ്റ്റേഷനിലാണ് കോട്ടയത്തെ താപനില പുതിയ ഉയരം തേടിയത്. ഐഎംഡി ഗ്രാഫില് ഇന്നലെ 40.9 ഡിഗ്രവരെ ഉയര്ന്നതായാണ് രേഖ. സംസ്ഥാനത്തെന്നല്ല രാജ്യത്തു തന്നെ ഏറ്റവും ഉയര്ന്ന ചൂടായിരുന്നു ഇന്നലെ കോട്ടയത്ത്. ഇക്കൊല്ലം രണ്ടു തവണ കോട്ടയത്ത് 38.9 ഡിഗ്രിവരെ ചൂട് ഉയര്ന്നിരുന്നു. ജില്ലയില്തന്നെ പൂഞ്ഞാറിലും കുമരകത്തും താപനില ഇന്നലെ വടവാതൂരിനെക്കാള് ഒരു ഡിഗ്രി കുറവായിരുന്നു. വേനല്മഴ പെയ്തേക്കുമെന്ന കാലാവസ്ഥാ പ്രവചനം കാറ്റില്പറത്തിയാണ് കൊടുംചൂട് ജനങ്ങളെ വലയ്ക്കുന്നത്. ഏപ്രില്വരെ താപനില ഉയര്ന്നുനില്ക്കാനുള്ള സാഹചര്യമാണ് നിലവിലുള്ളത്.
Read MoreCategory: Edition News
തെരഞ്ഞെടുപ്പ് ഡ്യൂട്ടി; അസുഖബാധിരതായ കുട്ടികളുടെ രക്ഷിതാക്കളെ ഒഴിവാക്കാൻ ഓപ്ഷനില്ല
തൃശൂർ: ലോക്സഭ തെരഞ്ഞെടുപ്പ് ഡ്യൂട്ടിക്കുള്ള സർക്കാർ ഉദ്യോഗസ്ഥരെ തെരഞ്ഞെടുക്കുന്നതിനായി ജീവനക്കാരുടെ പേരുവിവരങ്ങൾ അപ്ലോഡ് ചെയ്യുന്ന സൈറ്റിൽ അസുഖബാധിതരായ കുട്ടികളുടെ കാര്യങ്ങൾ പരാമർശിക്കാൻ ഓപ്ഷനില്ല.കോഴിക്കോട് എൻഐസി ഡിസൈൻ ചെയ്ത ഓർഡർ എന്ന സൈറ്റിലാണ് ഗുരുതരമായ പാളിച്ച സംഭവിച്ചിരിക്കുന്നത്. ഇത്തവണ മുതൽക്കാണ് സർക്കാർ ജീവനക്കാരുടെ പേരുവിവരങ്ങളും വിശദാംശങ്ങളും ഓണ്ലൈൻ വഴി അപ്ലോഡ് ചെയ്യാൻ നിർദ്ദേശിച്ചിട്ടുള്ളത്. കഴിഞ്ഞ ലോക്സഭ തെരഞ്ഞെടുപ്പു സമയത്ത് ജീവനക്കാരുടെ പേരുവിവരങ്ങൾ എഴുതി നൽകുകയാണ് ചെയ്തിരുന്നത്. അന്ന് അസുഖബാധിതരായ കുട്ടികളുടെ പേരും വിശദാംശങ്ങളും ജീവനക്കാർക്ക് എഴുതി നൽകാൻ അവസരമുണ്ടായിരുന്നു. ഇത്തവണ ഓണ്ലൈൻ വഴി പേരുവിവരങ്ങൾ ശേഖരിക്കാൻ തുടങ്ങിയപ്പോൾ കുട്ടികളുടെ അസുഖവിവരം രേഖപ്പെടുത്താൻ കോളമില്ലാത്ത അവസ്ഥയാണ്. കിടപ്പുരോഗികൾ, ലോംഗ് ലീവ്, ഫീഡിംഗ് മദർ, ഗർഭിണികൾ, ആറുമാസത്തിനുള്ളിൽ റിട്ടയർ ചെയ്യുന്നവർ തുടങ്ങിയ കോളങ്ങൾ സൈറ്റിലുണ്ട്.മാനസിക വെല്ലുവിളികളും ശാരീരിക അസുഖങ്ങളുമുള്ള കുട്ടികളുടെ രക്ഷിതാക്കളായ ജീവനക്കാരാണ് തങ്ങളുടെ വീട്ടിലെ അവസ്ഥ ചൂണ്ടിക്കാണിച്ച് തെരഞ്ഞെടുപ്പ് ഡ്യൂട്ടിയിൽ…
Read Moreഹോസ്റ്റലില് രാത്രി 12ന് മുന്പ് പ്രവേശിക്കണം; ഉത്തരവിനെതിരേ എന്ഐടിയില് ജീവനക്കാരെ തടഞ്ഞ് പ്രതിഷേധം
കോഴിക്കോട്: കോഴിക്കോട് എൻഐടിയിലെ രാത്രികാല നിയന്ത്രണത്തിനെതിരെ കാമ്പസ് ഉപരോധിച്ച് വിദ്യാര്ഥികള്. ഇന്ന് രാവിലെ മുതല് ജീവനക്കാരെ അകത്തേക്ക് വിടുന്നില്ല. ക്ലാസ് മുടക്കി പ്രതിഷേധിക്കുകയാണ് വിദ്യാര്ഥികള്. രാത്രി 12ന് മുമ്പ് ഹോസ്റ്റലിൽ പ്രവേശിക്കണമെന്ന നിർദേശത്തിനെതിരേ ഇന്നലെ മുതല് ആരംഭിച്ച പ്രതിഷേധം പുലര്ച്ചെ രണ്ടര വരെ നീണ്ടു. തുടര്ന്ന് ഇന്ന് രാവിലെ വീണ്ടും സമരം പുനരാരംഭിക്കുകയായിരുന്നു. വിദ്യാര്ഥികൾ രാത്രി 12 മണിക്ക് മുമ്പ് ഹോസ്റ്റലിൽ തിരികെ പ്രവേശിക്കണമെന്ന് ഡീൻ കഴിഞ്ഞ ദിവസം പുറത്തിറക്കിയ അറിയിപ്പിൽ പറയുന്നത്. രാത്രി 11 വരെ മാത്രമായിരിക്കും കാന്റിൻ പ്രവർത്തിക്കുകയെന്നും അറിയിച്ചിട്ടുണ്ട്. വിദ്യാര്ഥികള് രാത്രി വൈകി ഭക്ഷണം കഴിക്കുന്നത് ആരോഗ്യത്തെ ബാധിക്കുമെന്ന് ചൂണ്ടിക്കാട്ടിയാണ് കാന്റിൻ നേരത്തെ അടയ്ക്കുന്നത് എന്നാണ് വിശദീകരണം. ആരോഗ്യം മോശമാകുന്നത് വിദ്യാര്ഥികളുടെ പഠനത്തെയും ബാധിക്കുമെന്ന് എൻഐടി ഡീൻ പുറത്തിറക്കിയ സർക്കുലറിൽ പറയുന്നു. ഒപ്പം അർധരാത്രിപുറത്തുപോകുന്നത് വിദ്യാര്ഥികളുടെ സുരക്ഷയെയും ബാധിക്കും. അതുകൊണ്ടുതന്നെ 12 ന്…
Read Moreജെസ്നയുടെ തിരോധാനം: തുടര് അന്വേഷണത്തിനു സാധ്യത; ആണ്സുഹൃത്തുമായുള്ള ബന്ധത്തിലേക്ക് അന്വേഷണം പോകാതിരുന്നതിൽ ദുരൂഹത
കോട്ടയം: ജെസ്ന മരിയ ജെയിംസിന്റെ തിരോധാനത്തില് സിബിഐയുടെ തുടരന്വേഷണത്തിനു സാധ്യത. സിബിഐ നടത്തിയ അന്വേഷണം തൃപ്തികരമല്ലെന്നും കണ്ടെത്തല് പൂര്ണമല്ലെന്നും വ്യക്തമാക്കി ജെസ്നയുടെ പിതാവ് കൊല്ലമുള കുന്നത്ത് ജെയിംസ് തിരുവനന്തപുരം സിജെഎം കോടതിയില് ഹര്ജി നല്കിയിരുന്നു. ജെയിംസ് സമര്പ്പിച്ച ഹര്ജിയില് ആക്ഷേപമുണ്ടെങ്കില് അറിയിക്കാന് കോടതി സിബിഐക്കു നിര്ദേശം നല്കി. ജെസ്നയുടെ സുഹൃത്തുക്കള്, സഹപാഠികള് എന്നിവരിലേക്കു വേണ്ടവിധത്തില് അന്വേഷണമുണ്ടായില്ലെന്നും കുടുംബാംഗങ്ങള് നല്കിയ സൂചനകളുടെ അടിസ്ഥാനത്തില് അന്വേഷണമുണ്ടായില്ലെന്നുമാണ് ഹര്ജിയില് പറയുന്നത്. ജെസ്നയെ കാണാതായശേഷം വന്ന ഫോണ്കോളുകള് ദുരൂഹതയുയര്ത്തുന്നു. ആണ്സുഹൃത്തുമായുള്ള ബന്ധത്തിലേക്ക് അന്വേഷണം പോകാതിരുന്നതിലും ദുരൂഹതയുണ്ട്. മതംമാറ്റം, തട്ടിക്കൊണ്ടുപോകല് തുടങ്ങിയ തലങ്ങളിലേക്കു മാത്രമാണ് സിബിഐ നീങ്ങിയത്. പോലീസ് നടത്തിയ അന്വേഷണങ്ങളില്നിന്നു സാധ്യതയുടെ ഒരു തലത്തിലേക്കും സിബിഐയ്ക്ക് നീങ്ങാനായില്ല. കുടുംബാംഗങ്ങളുടെ മൊഴിയുടെ അടിസ്ഥാനത്തിലും കോടതിയുടെ നിര്ദേശത്തിലും സിബിഐയുടെ മറ്റൊരു ടീം തുടര് അന്വേഷണം ആരംഭിച്ചേക്കും.
Read Moreഷെഡ്യൂളുകള് വെട്ടിക്കുറച്ചും സര്വീസുകള് നിര്ത്തിയും കെഎസ്ആര്ടിസിയുടെ ഇരുട്ടടി
പത്തനംതിട്ട: ദീര്ഘദൂര സര്വീസുകള് അടക്കം വെട്ടിക്കുറച്ച് കെഎസ്ആര്ടിസി യാത്രക്കാര്ക്ക് ഇരുട്ടടിയായി. പത്തനംതിട്ട ഡിപ്പോയ്ക്കു മെച്ചപ്പെട്ട വരുമാനം ലഭിച്ചുകൊണ്ടിരുന്ന ഷെഡ്യൂളുകള് ഇതര ഡിപ്പോയ്ക്കു കൈമാറുകയും ചെയ്തു. സംസ്ഥാനത്തു തന്നെ ഏറ്റവുമധികം വരുമാനം ലഭിച്ചുവന്ന പത്തനംതിട്ട ഡിപ്പോയ്ക്കും പുതിയ ഷെഡ്യൂള് പരിഷ്കരണങ്ങള് പാരയായിരിക്കുകയാണ്. പത്തനംതിട്ടയുടെ ജില്ലാ ഡിപ്പോ പദവിയും എടുത്തുകളഞ്ഞു. പ്രതിദിന വരുമാനം 30,000 രൂപയില് കൂടുതല് ലഭിച്ചിരുന്ന പത്തനംതിട്ട ഡിപ്പോയിലെ പുനലൂര് – എറണാകുളം ഫാസ്റ്റ് പുനലൂര് ഡിപ്പോയ്ക്ക് കൈമാറി. രാവിലെ 5.45ന് പുനലൂരില് പോയി അവിടെ നിന്നു പത്തനാപുരം, കോന്നി, പത്തനംതിട്ട, തിരുവല്ല വഴി എറണാകുളത്തിന് സര്വീസ് നടത്തിവന്ന ഷെഡ്യൂള് ആയിരുന്നു. രാവിലെ പുനലൂരിലേക്കും രാത്രി പുനലൂരില് നിന്ന് പത്തനംതിട്ടയ്ക്കുള്ള ട്രിപ്പിനും യാത്രക്കാര് കുറവാണെന്നതാണ് ഷെഡ്യൂള് പുനലൂര് ഡിപ്പോയ്ക്കു കൈമാറാന് കാരണം. ഇതേ കാരണം ചൂണ്ടികാട്ടി ഏറ്റവും കൂടുതല് വരുമാനം ലഭിച്ചിരുന്ന പത്തനംതിട്ട – മുണ്ടക്കയം ചെയിന്…
Read Moreദേശവിളക്കു തെളിഞ്ഞു; സ്വർണപ്രഭയായി തിരുനക്കര
കോട്ടയം: തിരുനക്കര ഉത്സവത്തോടനുബന്ധിച്ചുള്ള വലിയ വിളക്ക് ഭക്തി സാന്ദ്രമായി. വലിയവിളക്ക് ദേശവിളക്കായാണ് ആചരിച്ചത്. പടിഞ്ഞാറേ നട, തെക്കേനട, വടക്കേനട എന്നിവിടങ്ങളില് ഒരുക്കിയ ദീപക്കാഴ്ചകള്ക്കൊപ്പം ഇത്തവണ ക്ഷേത്ര മൈതാനവും ദീപപ്രഭയാല് പ്രകാശിതമായി. വൈകുന്നേരത്തോടെ കുട്ടികളും മുതിര്ന്നവരുമടക്കം നൂറുകണക്കിനു ഭക്തര് ദേശവിളക്ക് തെളിയിക്കാനെത്തി. വൈകുന്നേരം ആറിന് കാഴ്ചശ്രീബലിയ്ക്കു ശേഷം ദേശവിളക്കിനു തിരുവിതാംകൂര് രാജ കുടുംബാംഗം ഗൗരി ലക്ഷ്മിഭായി ഭദ്രദീപം തെളിയിച്ചു. ശബരിമല അയ്യപ്പ സേവാസമാജം സ്ഥാപക ട്രസ്റ്റി വി.കെ. വിശ്വനാഥന് മുഖ്യാതിഥിയായി. പടിഞ്ഞാറേ നട ഭക്തജന സമിതി, ചൈതന്യ റെസിഡന്റ്സ് അസോസിയേഷന്, തിരുനക്കരക്കുന്ന് റെസിഡന്റ്സ് വെല്ഫെയര് അസോസിയേഷന് എന്നിവർ ദേശവിളക്കിനു നേതൃത്വം നൽകി. രാത്രി 9.30ന് നാട്യപൂര്ണ സ്കൂള് ഓഫ് ഡാന്സ് നാട്യശ്രീ രാജേഷ് പാമ്പാടിയുടെ ആനന്ദ നടനം ദേശവിളക്കാഘോഷത്തിനു പൊലിമയേകി. രാത്രി 10 മുതല് 12 വരെയായിരുന്നു ദര്ശന പ്രാധാന്യമുള്ള വലിയ വിളക്ക്. ഒമ്പതാം ഉത്സവമായ ഇന്നു പള്ളിവേട്ടയാണ്.…
Read Moreജയന്തി ജനത പിടിച്ചിട്ടു: വൻ പ്രതിഷേധം; എസ്എസ്എൽസി പരീക്ഷാ ഡ്യൂട്ടിക്ക് പോയ അധ്യാപകർ കുടുങ്ങി
കൊല്ലം: മുന്നറിയിപ്പ് ഇല്ലാതെയും അകാരണമായും മുംബൈ -കന്യാകുമാരി ജയന്തി ജനത എക്സ്പ്രസ് പെരിനാട് സ്റ്റേഷനിൽ നിർത്തിയിട്ടത് യാത്രക്കാരുടെ വൻ പ്രതിഷേധത്തിന് കാരണമായി. ഈ ട്രെയിൻ ഇന്ന് രാവിലെ 6.30 ന് കായംകുളത്ത് കൃത്യസമയത്ത് എത്തി. അതിനു ശേഷം കരുനാഗപ്പള്ളിയിൽ വന്നപ്പോൾ ഒരു മണിക്കൂറിൽ അധികം നിർത്തിയിട്ടു. തുടർന്ന് കോട്ടയം – കൊല്ലം പാസഞ്ചർ അടക്കം രണ്ട് ട്രെയിനുകൾ കടത്തി വിട്ട ശേഷമാണ് ജയന്തി കരുനാഗപ്പള്ളിയിൽ നിന്ന് പുറപ്പെട്ടത്. തുടർന്ന് പെരിനാട് എത്തിയപ്പോഴും ജയന്തി ജനത നിർത്തിയിട്ട ശേഷം ഇന്റർസിറ്റി എക്സ്പ്രസ് കടത്തി വിട്ടു. ഇതോടെയാണ് ജയന്തിയിലെ യാത്രക്കാർ പ്രതിഷേധവുമായി സ്റ്റേഷൻ മാസ്റ്ററുടെയും ലോക്കോ പൈലറ്റിന്റെ യും മുന്നിൽ എത്തിയത്. പ്രതിഷേധം വാക്കേറ്റത്തിന്റെ വക്കോളം എത്തുകയും ചെയ്തു. എസ്എസ്എൽസി പരീക്ഷാ ഡ്യൂട്ടിക്ക് വർക്കലയിലും കടയ്ക്കാവൂരും പോകേണ്ട നിരവധി പേർ ജയന്തിയിലെ യാത്രക്കാരായിരുന്നു. ഇവർ ഇക്കാര്യം അധികൃതരോട് പറയുകയും ചെയ്തു.…
Read Moreഓട്ടം പോകുന്നതിനായി വിളിച്ചു വരുത്തി ഓട്ടോ ഡ്രൈവറെ കുത്തിപ്പരിക്കേല്പ്പിച്ചു; ഗൃഹനാഥന് വീടിനുള്ളില് തൂങ്ങിമരിച്ചു
കടുത്തുരുത്തി: ഓട്ടം പോകുന്നതിനായി വീട്ടിലേക്കു വിളിച്ചു വരുത്തിയ ഓട്ടോറിക്ഷ ഡ്രൈവറെ കുത്തി പരിക്കേല്പ്പിച്ച ശേഷം ഗൃഹനാഥന് വീടിനുള്ളില് തുങ്ങിമരിച്ചു. ഇന്നലെ ഉച്ചയ്ക്ക് 12ന് അറുനൂറ്റിമംഗലത്താണ് സംഭവം. റബര്വെട്ടു തൊഴിലാളിയായ അറുനൂറ്റിമംഗലം മുള്ളംമടയ്ക്കല് ഷിബു ലൂക്കോസാ (48) ണു തൂങ്ങി മരിച്ചത്. അറുനൂറ്റിമംഗലം സ്റ്റാൻഡിലെ ഓട്ടോറിക്ഷ ഡ്രൈവറായ കെഎസ് പുരം വടക്കേകണ്ണംകരയത്ത് വി. എസ്. പ്രഭാതി(40) നാണ് കുത്തേറ്റത്.സംഭവത്തെപ്പറ്റി പോലീസ് പറയുന്നത് – ടാപ്പിംഗ് തൊഴിലാളിയായ ഷിബു ഉച്ചയ്ക്ക് പന്ത്രണ്ടോടെ പ്രഭാതിനെ ഓട്ടം പോകുന്നതിനായി വീട്ടിലേക്ക് വിളിച്ചു വരുത്തി. വീട്ടിലെത്തിയ പ്രഭാതുമായി സംസാരിക്കുന്നതിനിടെ റബര് കത്തി ഉപയോഗിച്ചു ഷിബു കുത്തുകയായിരുന്നു. നെഞ്ചിന് സമീപം കുത്തേറ്റ പ്രഭാത് ഓട്ടോറിക്ഷ ഓടിച്ചു കൊണ്ട് ഇവിടെനിന്നു രക്ഷപ്പെട്ടു. ഓട്ടത്തിനിടെ അറുനൂറ്റിമംഗലം സെന്റ് തോമസ് മലകയറ്റ പള്ളിയുടെ ഭാഗം പിന്നിട്ടപ്പോള് കയറ്റത്തില് നിയന്ത്രണംവിട്ട ഓട്ടോറിക്ഷ റോഡരികിലെ കൈയാലയ്ക്കും വൈദ്യുതി പോസ്റ്റിനുമിടയിലേക്ക് ഇടിച്ചുകയറിനിന്നു. കുത്തേറ്റ് രക്തം…
Read Moreയുവതിയുടെ വീടും സ്ഥലവും സ്വന്തമാക്കിയ ശേഷം ഭീഷണിപ്പെടുത്തി പീഡിപ്പിച്ചു; മധ്യവയസ്കൻ പോലീസ് പിടിയിൽ
കറുകച്ചാൽ: കോട്ടയം കറുകച്ചാലിൽ വീട്ടമ്മയെ ഭീഷണിപ്പെടുത്തി പീഡിപ്പിച്ച കേസിൽ മധ്യവയസ്കൻ അറസ്റ്റിൽ. മാവേലിക്കര സ്വദേശി മാത്യു കെ ഫിലിപ്പാണ് പിടിയിലായത്. വീട്ടമ്മക്ക് ലോൺ എടുക്കുന്നതുമായി ബന്ധപ്പെട്ടാണ് ഇരുവരും പരിചയത്തിലാകുന്നത്. അതിനിടെ ഇവരുടെ പേരിലുള്ള വീടും സ്ഥലവും മാത്യുവിന്റെ പേരിലേക്ക് എഴുതിവാങ്ങിയിരുന്നു. ഇത് തിരികെ നൽകാതെ വീട്ടമ്മയെ തുടർച്ചയായി പീഡിപ്പിച്ചെന്നാണ് പരാതി. വീട്ടമ്മയുടെ പരാതിയെതുടർന്നാണ് പോലീസ് നടപടി. പ്രതിയെ അറസ്റ്റുചെയ്ത് കോടതിയിൽ ഹാജരാക്കിയതായി പോലീസ് അറിയിച്ചു.
Read Moreഅധിക്ഷേപ പരാമര്ശം; സത്യഭാമ മാപ്പ് പറയണമെന്ന് മന്ത്രി സജി ചെറിയാന്
തിരുവനന്തപുരം: ആര്എല്വി രാമകൃഷ്ണനെതിരായ അധിക്ഷേപ പരാമര്ശം പിന്വലിച്ച് കലാമണ്ഡലം ജൂനിയര് സത്യഭാമ മാപ്പ് പറയണമെന്ന് സാംസ്കാരിക മന്ത്രി സജി ചെറിയാന്. നിറത്തോടുള്ള പരിഹാസം എന്നതിലുപരിയായി അന്തര്ലീനമായുള്ള ജാതിചിന്ത കൂടെയാണ് അവരുടെ വാക്കുകളില് നിന്നും വെളിവാകുന്നതെന്ന് മന്ത്രി പ്രതികരിച്ചു. കലാമണ്ഡലം എന്ന മഹത്തായ സ്ഥാപനത്തിന്റെ പേര് കൂടെ ചേര്ക്കാന് പോലും ഇത്തരം സങ്കുചിത ചിന്തകളും കൊണ്ട് നടക്കുന്നവര്ക്ക് യോഗ്യതയില്ല. മോഹിനിയാട്ടത്തില് പിഎച്ച്ഡി ഉള്ളയാളും എംജി സര്വകലാശാലയില് നിന്നും എംഎ മോഹിനിയാട്ടം ഒന്നാം റാങ്കോടെ പാസാവുകയും ചെയ്ത കലാകാരനാണ് രാമകൃഷ്ണന്. കല ആരുടേയും കുത്തകയല്ല. രാമകൃഷ്ണന് എല്ലാവിധ പിന്തുണയും അറിയിക്കുന്നെന്നും മന്ത്രി പറഞ്ഞു.
Read More