തിരുവനന്തപുരം: മാധ്യമപ്രവർത്തകർക്കു നേരെയുള്ള സിപിഎം സൈബർ സഖാക്കളുടെ ആക്രമണത്തിൽ മുഖ്യമന്ത്രിക്കെതിരേ രൂക്ഷ വിമർശനവുമായി പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രിയെ പുകഴ്ത്തിയാൽ പരവതാനി വിരിയ്ക്കും, എന്നാൽ വിമർശിച്ചാൽ സൈബർ ആക്രമണമെന്നതാണ് ഇപ്പോൾ കണ്ടുവരുന്നതെന്നും ചെന്നിത്തല വാർത്താ സമ്മേളനത്തിൽ പറഞ്ഞു. മാധ്യമ പ്രവർത്തകരുടെ വിശ്വാസ്യത തന്നെ ചോദ്യം ചെയ്യുന്ന പെരുമാറ്റമാണ് മുഖ്യമന്ത്രിയുടെ ഭാഗത്തുനിന്ന് ഉണ്ടാകുന്നത്. സമനില തെറ്റിയ നിലയിലാണ് മുഖ്യമന്ത്രിയുടെ പ്രതികരണങ്ങളെന്നും ചെന്നിത്തല വിമർശിച്ചു. മുൻ മുഖ്യമന്ത്രി ഉമ്മൻ ചാണ്ടി ആളുകളോട് മാന്യമായി പെരുമാറിയത് പിണറായി വിജയൻ കണ്ടു പഠിക്കേണ്ടതാണെന്നും ചെന്നിത്തല ഓർമിപ്പിച്ചു.മാധ്യമപ്രവർത്തകർക്കു നേരെയുള്ള ആക്രമണത്തിന് സൈബർ ഗുണ്ടകൾക്ക് ലൈസൻസ് കിട്ടുന്നത് മുഖ്യമന്ത്രിയുടെ വാക്കുകളിൽ നിന്നാണ്. എന്നിട്ടാണ് സൈബർ ആക്രമണമല്ല സംവാദമാണ് വേണ്ടതെന്ന് അദ്ദേഹം പറയുന്നത്. മുഖ്യമന്ത്രി ഒരു വാക്കു പറഞ്ഞാൽ ഇവരെ നിലയ്ക്കു നിർത്താം. എന്നാൽ ഇതിനൊക്കെ വളം വച്ചുകൊടുക്കുന്ന നിലപാടാണ് മുഖ്യമന്ത്രി സ്വീകരിക്കുന്നതെന്നും ചെന്നിത്തല പറഞ്ഞു.…
Read MoreCategory: TVM
ആരിൽ നിന്നും രോഗം പകരാം; സംസ്ഥാനത്തെ മാർക്കറ്റുകളിൽ ടോക്കൺ സംവിധാനം വരുന്നു; പോലീസിന്റെ പുതിയ തീരുമാനം ഇങ്ങനെയെക്കെ…
തിരുവനന്തപുരം: കോവിഡ് 19ന്റെ പശ്ചാത്തലത്തിൽ സംസ്ഥാനത്തെ എല്ലാ പ്രധാന മാര്ക്കറ്റുകളിലും മാര്ക്കറ്റ് മാനേജ്മെന്റ് സംവിധാനം ഏര്പ്പെടുത്താന് പോലീസ് ഉന്നതതല യോഗം തീരുമാനിച്ചു. നിലവില് തൃശ്ശൂര് നഗരത്തിൽ ഈ സംവിധാനം വിജയകരമായി പ്രവര്ത്തിച്ചുവരുന്നു. മാര്ക്കറ്റുകളില് ടോക്കണ് സംവിധാനം ഏര്പ്പെടുത്തല്, ഒറ്റയക്ക-ഇരട്ടയക്ക സമ്പ്രദായം ഉപയോഗിച്ച് വാഹനങ്ങള് നിയന്ത്രിക്കല് എന്നിവയാണ് ഇതിന്റെ പ്രത്യേകത. കൊല്ലം റൂറലിലെ മാതൃകയില് മാര്ക്കറ്റ് എന്ഫോഴ്സ്മെന്റ് സ്ക്വാഡുകള്ക്കും രൂപം നല്കി. കൊല്ലം സിറ്റിയില് നിലവിലുളള ക്ലോസ്ഡ് ഗ്രൂപ്പ് സംവിധാനം അടുത്ത രണ്ട് ദിവസത്തിനുളളില് എല്ലാ സ്ഥലങ്ങളിലും വാപിപ്പിക്കും. സാമൂഹിക അകലം പാലിക്കല് സംസ്ഥാനത്ത് കൃത്യമായി പാലിക്കുന്നുവെന്ന് പോലീസ് ഉറപ്പാക്കും. തിരുവനന്തപുരം സിറ്റി, റൂറല്, ആലപ്പുഴ, മലപ്പുറം ഉള്പ്പെടെയുളള പ്രദേശങ്ങളില് ഇതിന് മുന്തിയ പരിഗണന നല്കും. ഫീല്ഡ് തലത്തില് പ്രവര്ത്തനങ്ങള്ക്ക് ഡിവൈഎസ്പി മാരുടെ സേവനം പരമാവധി വിനിയോഗിക്കും. ക്വാറന്റൈനിൽ കഴിയുന്നവര് വീടുകളില് തന്നെ തുടരുന്നുണ്ടോ എന്ന് ഉറപ്പാക്കുന്നതിനായി നേരിട്ടുളള…
Read Moreമാധ്യമപ്രവർത്തകർക്ക് നേരെയുള്ള സൈബർ ആക്രമണം; തിരുവനന്തപുരം റേഞ്ച് ഡിഐജി അന്വേഷിക്കും
തിരുവനന്തപുരം: മാധ്യമപ്രവർത്തകർക്ക് നേരയുള്ള സൈബർ ആക്രമണം തിരുവനന്തപുരം റേഞ്ച് ഡിഐജി സഞ്ജയ് കുമാറിന്റെ നേതൃത്വത്തിൽ അന്വേഷിക്കും. ഹൈടെക് സെൽ, സൈബർ ഡോം എന്നീ ഡിപ്പാർട്ടുമെന്റുകളിലെ തെരഞ്ഞെടുത്ത ഉദ്യോഗസ്ഥരാണ് കേസ് അന്വേഷണത്തിന്റെ ഭാഗമാകുന്നത്. കേരള പത്രപ്രവർത്തക യൂണിയൻ നൽകിയ പരാതിയുടെ അന്വേഷണത്തിൽ ചൊവ്വാഴ്ചയാണ് സംസ്ഥാന പോലീസ് മേധാവി ലോക്നാഥ് ബെഹ്റ അന്വേഷണത്തിന് ഉത്തരവിട്ടത്.
Read Moreഅന്തം വിട്ട പ്രതി എന്തും ചെയ്യും;ലൈഫ് മിഷൻ പദ്ധതി അഴിമതി, മുഖ്യമന്ത്രിക്കും പങ്കെന്ന് രമേശ് ചെന്നിത്തല
തിരുവനന്തപുരം: ലൈഫ് മിഷൻ പദ്ധതി വൻ അഴിമതിയാണെന്നും അതിൽ മുഖ്യമന്ത്രിക്ക് പങ്കുണ്ടെന്നും പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രി അറിയാതെ ലൈഫ് മിഷനിൽ ഒന്നും നടക്കില്ല. വിവാദ സ്ത്രീക്ക് ഒരു കോടി രൂപവരെ കമ്മീഷൻ പറ്റാനുള്ള അവസരം എങ്ങനെയാണ് ഉണ്ടായത്. പാവപ്പെട്ടവർക്ക് വീട് നിർമിക്കാനുള്ള പദ്ധതിയിലും കമ്മീഷൻ വാങ്ങിയെന്നും ഇക്കാര്യത്തിൽ സിബിഐ അന്വേഷണം വേണമെന്നും ചെന്നിത്തല ആവശ്യപ്പെട്ടു. എല്ലാ വാർത്താ സമ്മേളനങ്ങളിലും മുൻ മുഖ്യമന്ത്രിയെ ആക്ഷേപിക്കാനാണ് ഇപ്പോഴത്തെ മുഖ്യമന്ത്രിയുടെ ശ്രമം. തലനാരിഴ കീറി പരിശോധിച്ചിട്ടും ഉമ്മൻ ചാണ്ടിക്കെതിരെ ഒരു പെറ്റി കേസ് എടുക്കാൻ കഴിഞ്ഞോയെന്നും ചെന്നിത്തല ചോദിച്ചു. പിണറായി എണ്ണി എണ്ണി പറഞ്ഞാൽ എണ്ണി എണ്ണി മറുപടിപറയും. അന്തം വിട്ട പ്രതി എന്തും ചെയ്യും എന്ന അവസ്ഥയാണുള്ളതെന്നും ചെന്നിത്തല പറഞ്ഞു. രാജമലയിൽ മണ്ണിടിച്ചിലിൽ മരിച്ചവരുടെ കുടുംബംഗങ്ങൾക്കും 10 ലക്ഷം രൂപ നഷ്ടപരിഹാരം നൽകണമെന്നും ചെന്നിത്തല ആവശ്യപ്പെട്ടു. തോട്ടം…
Read Moreഒറ്റയ്ക്ക് താമസിക്കുന്നയാളുടെ കൂടെ കൂടിയ മധ്യവയസ്കൻ സെപ്റ്റിടാങ്കിൽ മരിച്ച നിലയിൽ; അന്വേഷണം ആരംഭിച്ച് പോലീസ്
കാട്ടാക്കട : ഉപയോഗ ശൂന്യമായ സെപ്റ്റിക് ടാങ്കിൽ നിന്ന് വയോധികന്റെ മൃതദേഹം കണ്ടെത്തി. കള്ളിക്കാട് തേവൻകോട്ടെ വിജയൻ ലതിക ദമ്പതികളുടെ ഉടമസ്ഥതയിലുള്ള പുരയിടത്തിൽ നിന്നാണ് ഇന്നലെ കോഴിക്കോട് സ്വദേശി എന്നു കരുതുന്ന ജോസിന്റെ (50 ) മൃതദേഹം കണ്ടെത്തിയത്. പുരയിടത്തിന്റെ ഉടമ വിജയൻ തനിച്ചാണ് കഴിയുന്നതെന്നാണ് പ്രാഥമിക വിവരം. ഇതിനിടെ അടുത്തകാലത്ത് പരിചയപ്പെട്ട കോഴിക്കോട് സ്വദേശിയായ ജോസിനെ ( വിജയൻ നൽകുന്ന പേര്) പരിചയപ്പെടുകയും ഇവർ ഇവിടെ ഒത്തു കൂടുകയും ചെയ്തിരുന്നു. ശനിയാഴ്ച രാവിലെ ഇയാളെ ഇവിടെ കണ്ടിരുന്നു. പിന്നെ കാണാതാവുകയായിരുന്നു. തുടർന്നു നടത്തിയ അന്വേഷണത്തിലാണ് മൃതദേഹം കണ്ടെത്തിയത്. തുടർന്ന് പൂവച്ചൽ പഞ്ചായത്ത് അംഗത്തെയും കാട്ടാക്കട പോലീസിനെയും വിജയൻ വിളിച്ചു വരുത്തി. മരിച്ചയാളെ കുറിച്ചു നാട്ടുകാർക്ക് ഒരറിവും ഇല്ല. പോലീസ് അന്വേഷണം ആരംഭിച്ചു. മൃതദേഹം മഹസർ തയാറാക്കിമെഡിക്കൽ കോളജ് ആശുപത്രിയിലേക്ക് മാറ്റി.
Read Moreതന്നിലൂടെ ആർക്കും കോവിഡ് പകരാതിരിക്കാൻ പോകുന്നു, മുങ്ങി….മുങ്ങി; കോവിഡ് ഭീതിയിലൽ ആരോഗ്യ പ്രവർത്തകൻ കരമനയാറ്റിൽ ചാടി
കാട്ടാക്കട: കോവിഡ് ബാധിച്ചുവെന്ന ഭീതിയിൽ ആരോഗ്യ പ്രവർത്തകൻ കരമനയാറ്റിൽ ചാടി. ഇയാൾക്ക് രോഗം സ്ഥിരീകരിച്ചിട്ടില്ല. വീടിനുള്ളിൽ നിന്ന് കണ്ടെത്തിയ കുറിപ്പിൽ തന്നിലൂടെ ആർക്കും കോവിഡ് പകരാതിരിക്കാൻ പോകുന്നു, മുങ്ങി….മുങ്ങി എന്ന് എഴുതിയിട്ടുണ്ട്. പേയാട് കുണ്ടമൺഭാഗം കാക്കുളം റോഡിൽ ശിവ കൃപയിൽ ആരോഗ്യ ഡയറക്ടറേറ്റിലെ ഹെൽത്ത് ഇൻസ്പക്ടർ കൃഷ്ണകുമാർ (54) ആണ് കരമനയാറ്റിലെ നീലച്ചൽ കടവിൽ ചാടിയത്. ഇദ്ദേഹത്തിന്റെ സഹപ്രവർത്തകന്റെ അച്ഛന് കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. തുടർന്ന് നടത്തിയ പരിശോധനയിൽ കൃഷ്ണകുമാറിന്റെ സഹപ്രവർത്തകന് കോവിഡ് നെഗറ്റീവായിരുന്നു. സഹപ്രവർത്തകന് രോഗം സ്ഥിരീകരിക്കാത്തതിനാൽ കൃഷ്ണകുമാർ ഉൾപ്പടെയുള്ള മറ്റ് ജീവനക്കാർക്ക് ആശങ്ക വേണ്ടെന്ന് ആരോഗ്യ വിഭാഗം അറിയിച്ചു. ഇന്നലെ രാവിലെ കൃഷ്ണകുമാറിനെ കിടപ്പുമുറിയിൽ കാണാതായതോടെ വീട്ടുകാർ തെരച്ചിൽ നടത്തിയത്. തുടർന്ന് വീട്ടിൽ സ്ഥാപിച്ചിട്ടുള്ള സിസിടിവിയിലെ ദൃശ്യങ്ങൾ പരിശോധിച്ചപ്പോൾ പുലർച്ചെ 1.40 ന് വീടിന്റെ പിൻവാതിൽ തുറന്ന് കൃഷ്ണകുമാർ പുറത്തേക്ക് പോകുന്നത് കണ്ടെത്തി.…
Read Moreപുല്ലുവിളയിൽ കോവിഡ് ആശുപത്രി ആക്രമിച്ചു; അക്രമി സംഘം പോലീസിനെ തടഞ്ഞുവച്ചു
വിഴിഞ്ഞം: സമൂഹ വ്യാപനം കണ്ടെത്തിയ പുല്ലുവിളയിൽ പ്രതിഷേധം അതിരുകടന്നു. കോവിഡ് രോഗികളെ ചികിത്സിക്കുന്ന താത്കാലിക ആശുപത്രിക്ക് നേരെ ആക്രമണം. വോളന്റിയർമാരെ മർദിച്ച സംഘം രോഗികളെ പാർപ്പിച്ചിരിക്കുന്ന മുറികളിൽ മാസ്ക്ക് ധരിക്കാതെ കയറിയിറങ്ങി ഭീഷണി മുഴക്കി. രോഗവ്യാപനം കണ്ടെത്താൻ നടത്തിക്കൊണ്ടിരുന്ന ആന്റിജൻ ടെസറ്റ് തടസപ്പെടുത്തി ഡോക്ടർ ഉൾപ്പെടെയുള്ള ആരോഗ്യവകുപ്പധികൃതരെ വെല്ലുവിളിച്ച പ്രതിഷേധക്കാരെ നിയന്ത്രിക്കാനെത്തിയ പോലീസിനെയും തടഞ്ഞുവച്ചു. കൃത്യനിർവഹണത്തിന് തടസം വരുത്തി, രോഗവ്യാപനത്തിന് ശ്രമം നടത്തിയതുൾപ്പെടെയുള്ള കാര്യങ്ങൾ പറഞ്ഞ് കാഞ്ഞിരംകുളം പോലീസ് കേസെടുത്തെങ്കിലും ആരെയും പിടികൂടിയില്ല. തുടർച്ചയായ രണ്ടാം ദിവസമാണ് ക്രിട്ടിക്കൽ കണ്ടെയിൻമെന്റ് സോണായി പ്രഖ്യാപിച്ച പുല്ലുവിളയിൽ കർശനനിയന്ത്രണങ്ങളും നിർദേശങ്ങളും ലംഘിച്ച് ജനം തെരുവിലിറങ്ങുന്നത്. ഇന്നലെ ഉച്ചക്ക് പന്ത്രണ്ടോടെ സ്ത്രീകളും കുട്ടികളും പുരുഷൻമാരുമുൾപ്പെട്ട 250 പേർ വരുന്ന സംഘം കോവിഡ് മാനദണ്ഡങ്ങൾ കാറ്റിൽപ്പറത്തി മുന്നറിയിപ്പില്ലാതെ രംഗത്തിറങ്ങിയത്.പുല്ലുവിള ജംഗഷനിൽ കൂട്ടം കൂടിയവർ തൊട്ടടുത്ത് സ്കൂളിൽ പ്രവർത്തിക്കുന്ന താത്കാലിക ആശുപത്രിക്ക് നേരെ തിരിഞ്ഞു.…
Read Moreവ്യാജവാർത്തകൾ പ്രചരിപ്പിക്കുന്നവർക്ക് എതിരെ നടപടിയെന്ന് മുഖ്യമന്ത്രി
തിരുവനന്തപുരം: കരിപ്പൂർ വിമാന അപകടം, വെള്ളപ്പൊക്കം എന്നിവയുമായി ബന്ധപ്പെട്ട് വ്യാജ വാർത്തകൾ പ്രചരിപ്പിക്കുന്നവർക്കെതിരെ ശക്തമായ നടപടി സ്വീകരിക്കുമെന്ന് മുഖ്യമന്ത്രി പിണറായി വിജയൻ. ദുരന്ത മുഖത്ത് നമ്മൾ പങ്കുവെക്കുന്ന ഓരോ വാർത്തകൾക്കും വലിയ വിലയുണ്ട്. തെറ്റായ വാർത്തകൾ ദുരന്തത്തെ കൂടുതൽ വലുതാക്കാം. കരിപ്പൂർ വിമാന അപകടം, വെള്ളപ്പൊക്കം എന്നിവ സംബന്ധിച്ച് ശരിയായതും ഔദ്യോഗിക സ്രോതസ്സിൽ നിന്നുള്ളതുമായ വാർത്തകൾ മാത്രം പങ്കു വെക്കുക- മുഖ്യമന്ത്രി ഫേസ്ബുക്കിൽ കുറിച്ചു.
Read Moreലോക്ക് ഡൗൺ നിയന്ത്രണങ്ങൾ ഇല്ലാതാക്കുക, സ്വതന്ത്രമീൻ പിടിത്തം അനുവദിക്കുക; പുല്ലുവിളയിൽ ജനക്കൂട്ടം തെരുവിൽ: ബാരിക്കേഡുകൾ എടുത്തെറിഞ്ഞു
വിഴിഞ്ഞം: സമൂഹവ്യാപനം കണ്ടെത്തിയ പുല്ലുവിളയിലെ ജനം നിയമങ്ങളും നിയന്ത്രണങ്ങളും കാറ്റിൽപ്പറത്തി തെരുവിലിറങ്ങി.സ്ത്രീകളും, കുട്ടികളും പുരുഷൻമാരുമടങ്ങിയ ജനക്കൂട്ടത്തെ നിയന്ത്രിക്കാൻ അധികൃതർ മണിക്കൂറുകൾ പാടുപെട്ടു. റോഡുകൾ അടച്ച് സ്ഥാപിച്ചിരുന്ന ബാരിക്കേഡുകൾ എടുത്തെറിഞ്ഞും പോലീസിനെയും ആരോഗ്യവകുപ്പധികൃതരെയും വെല്ലുവിളിച്ച ജനക്കൂട്ടം രാവിലെമുതൽ വൈകുന്നേരം വരെ റോഡ് കൈയടക്കി. ലോക്ക് ഡൗൺ നിയന്ത്രണങ്ങൾ ഇല്ലാതാക്കുക, സ്വതന്ത്രമീൻ പിടിത്തം അനുവദിക്കുക, പുറത്തു കൊണ്ടുപോയുള്ളമീൻ വിൽപ്പന അനുവദിക്കുക, പോലീസിന്റെ നിയന്ത്രണങ്ങൾ ഇല്ലാതാക്കുകഎന്നിങ്ങനെയുള്ള ആവശ്യങ്ങൾ ഉന്നയിച്ചാണ് മുന്നറിയിപ്പില്ലാതെ ജനംരംഗത്തെത്തിയത്. പിന്നിൽ ചിലതത്പര വ്യക്തികളുടെ പിന്തുണയുണ്ടായിരുന്നതായും ആരോപണമുയർന്നു.സാമൂഹ്യ വ്യാപനം കണ്ടെത്തിയതോടെ തീരദേശത്തെരോഗം തടയാൻസർക്കാർ രൂപികരിച്ച മൂന്നാമത്തെ ക്ലസ്റ്ററിൽ ഉൾപ്പെട്ട വിഴിഞ്ഞം മുതൽഊരമ്പ് വരെയുള്ള മേഖലയിൽ നിരീക്ഷണത്തിനായി നിയോഗിച്ച ഉന്നതാധികാരികളുടെ സന്ദർശനം ഇന്നലെ രാവിലെ ഉണ്ടായിരുന്നു. ഇതിനിയി ഐജി അർഹത അട്ടല്ലൂരി,ഡിഐജി സഞ്ജയ് കുമാർ ഗുരുധിൻ, എസ്പി ജയശങ്കർ,കോവിഡ്ന നിയന്ത്രണമേൽനോട്ടമുള്ള ഡിവൈഎസ്പി സന്തോഷ് കുമാർഎന്നിവരുൾപ്പെട്ട സംഘം രാവിലെ പുല്ലുവിളയും സന്ദർശിക്കാൻ എത്തിയിരുന്നു.…
Read Moreകോവിഡ് നിയന്ത്രണം ; സ്വാതന്ത്ര്യദിന പരേഡ് ചുരുങ്ങും; പൊതുജനങ്ങളെ പ്രവേശിപ്പിക്കില്ല
തിരുവനന്തപുരം: കോവിഡ് നിയന്ത്രണം നിലനിൽക്കുന്ന സാഹചര്യത്തിൽ ഓഗസ്റ്റ് 15ലെ സ്വാതന്ത്ര്യ ദിന പരേഡ് ചുരുങ്ങും. തലസ്ഥാനത്ത് പോലീസ്, പാരാമിലിറ്ററി സേനാംഗങ്ങളുടെ ഏഴു പ്ലറ്റൂണുകൾ മാത്രമേ സ്വാതന്ത്ര്യ ദിന പരേഡിൽ പങ്കെടുക്കൂ. കഴിഞ്ഞ വർഷങ്ങളിൽ 24 പ്ലറ്റൂണുകൾ വരെ പങ്കെടുത്തിരുന്നു. ജില്ലാ ആസ്ഥാനങ്ങളിൽ മൂന്നു മുതൽ അഞ്ചു വരെ പ്ലറ്റൂണുകൾ മാത്രമാകും ഉണ്ടാകുക. പരേഡിന്റെ ഭാഗമായി മാർച്ച് പാസ്റ്റ് ഉണ്ടാവില്ല. നിയന്ത്രണങ്ങളുടെ ഭാഗമായി പൊതുജനങ്ങൾക്കു പ്രവേശനമുണ്ടാകില്ല. രാവിലെ ഒൻപതിനു ശേഷമാണു സ്വാതന്ത്ര്യദിനാഘോഷം തുടങ്ങുക. നേരത്തെ രാവിലെ എട്ടരയക്കാണു തുടങ്ങിയിരുന്നത്. കോവിഡ് പ്രതിരോധ രംഗത്തുള്ള ഡോക്ടർമാർ, ആരോഗ്യപ്രവർത്തകർ, സാനിറ്റേഷൻ ജീവനക്കാർ തുടങ്ങിയവരുടെ പ്രതിനിധികളെ ചടങ്ങിൽ പ്രത്യേക അതിഥികളായി ക്ഷണിക്കും. സ്വാതന്ത്ര്യ ദിനാഘോഷത്തിന്റെ ഭാഗമായി നടത്തുന്ന മെഡൽ വിതരണം ഇത്തവണ ഉണ്ടാകില്ല. ഇതു പിന്നീടു നടത്തും. റിവേഴ്സ് ക്വാറന്റൈനിൽ കഴിയേണ്ട 65 വയസു കഴിഞ്ഞവരേയും പത്തു വയസിൽ താഴെയുള്ളവരേയും ഒഴിവാക്കും.
Read More