തിരുവനന്തപുരം: കോവിഡ് പ്രതിരോധ പ്രവർത്തനങ്ങൾക്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ സംഭാവന നൽകി നഴ്സിംഗ് കൗൺസിൽ. കേരള നഴ്സസ് ആൻഡ് മിഡ്വൈവ്സ് കൗണ്സിൽ ഒരു കോടി രൂപയുടെ ചെക്ക് കൈമാറിയെന്നു മുഖ്യമന്ത്രി അറിയിച്ചു. പ്രതിരോധ പ്രവർത്തനങ്ങൾക്കു സർക്കാരിനു സാന്പത്തികസഹായം ആവശ്യമുണ്ട്. മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകാൻ സർക്കാർ അഭ്യർഥിച്ചു. പലരും നല്ല രീതിയിൽ സഹകരിച്ചു. ഇതു സംബന്ധിച്ച് ജീവനക്കാരുടെ സംഘടനാ നേതാക്കളുമായി ചർച്ച നടത്തി. ഒരു മാസത്തെ ശന്പളം സംഭാവന ചെയ്യാൻ തയാറാകണമെന്ന് അഭ്യർഥിച്ചെന്നും മുഖ്യമന്ത്രി വ്യക്തമാക്കി. നേരത്തെ പ്രതിസന്ധി നേരിട്ടപ്പോൾ മഹാഭൂരിപക്ഷവും സർക്കാരിനെ സഹായിച്ചിട്ടുണ്ട്. ഈ അഭ്യർഥനയാണ് വീണ്ടും സംഘടനാ പ്രതിനിധികൾക്കു മുന്നിൽവച്ചതെന്നും അദ്ദേഹം അറിയിച്ചു.
Read MoreCategory: TVM
ലോക്ക്ഡൗണ് ലംഘനം: 10,429 പേർക്കെതിരെ കേസ്, പിടിച്ചെടുത്ത് 792 വാഹനങ്ങൾ; ജില്ല തിരിച്ചുള്ള കണക്കുകൾ ഇങ്ങനെ…
തിരുവനന്തപുരം: ലോക്ക്ഡൗണ് നിരോധനം ലംഘിച്ച് യാത്ര ചെയ്തതിന് സംസ്ഥാനത്തൊട്ടാകെ തിങ്കളാഴ്ച 1089 പേർക്കെതിരെ കേസെടുത്തു. ഇതോടെ കഴിഞ്ഞ ഏഴ് ദിവസങ്ങളിലായി എടുത്ത കേസുകളുടെ എണ്ണം 10,429 ആയി. 1076 പേരാണ് സംസ്ഥാനത്ത് അറസ്റ്റിലായത്. 792 വാഹനങ്ങളും പിടിച്ചെടുത്തു. ജില്ല തിരിച്ചുള്ള കണക്കു ചുവടെ. (കേസിന്റെ എണ്ണം, അറസ്റ്റിലായവർ, കസ്റ്റഡിയിലെടുത്ത വാഹനങ്ങൾ എന്ന ക്രമത്തിൽ) തിരുവനന്തപുരം സിറ്റി: 31, 24, 20 തിരുവനന്തപുരം റൂറൽ: 86, 90, 65 കൊല്ലം സിറ്റി: 72, 72, 56 കൊല്ലം റൂറൽ: 174, 175, 134 പത്തനംതിട്ട: 248, 247, 221 കോട്ടയം: 51, 56, 20 ആലപ്പുഴ: 40, 45, 24 ഇടുക്കി: 126, 65, 30 എറണാകുളം സിറ്റി: 16, 17, 17 എറണാകുളം റൂറൽ: 47, 43, 21 തൃശൂർ സിറ്റി: 17, 37, 8 തൃശൂർ…
Read Moreകോവിഡ് ബാധിച്ച് മരിച്ച അബ്ദുൾ അസീസിന് രോഗം പിടിപെട്ടത് എങ്ങനെയെന്ന് അവ്യക്തം; പൊതുചടങ്ങുകളിൽ പങ്കെടുത്തു
തിരുവനന്തപുരം: കോവിഡ് ബാധിച്ച് തിരുവനന്തപുരത്ത് മരിച്ച പോത്തന്കോട് സ്വദേശി അബ്ദുള് അസീസിന് രോഗം പിടിപെട്ടത് എങ്ങനെയാണ് എന്നത് അവ്യക്തമായി തുടരുന്നു. ഇദ്ദേഹം വിദേശയാത്ര നടത്തുകയോ, വിദേശത്തു നിന്നും എത്തിയവരുമായി സമ്പർക്കം പുലർത്തുകയോ ചെയ്തിട്ടില്ല. ഇതാണ് ആരോഗ്യ വകുപ്പിന് വെല്ലുവിളി ഉയർത്തുന്നത്. ജലദോഷത്തിന് ചികിത്സ തേടിയാണ് അബ്ദുള് അസീസ് വീടിന് അടുത്തുള്ള പ്രാഥമികാരോഗ്യ കേന്ദ്രത്തില് എത്തിയത്. എന്നാല്, അസുഖം ഭേദമാകാത്തതിനെ തുടര്ന്ന് വെഞ്ഞാറമൂടിലുള്ള സ്വകാര്യ ആശുപത്രിയെ സമീപിച്ചു. അവിടെ വെച്ച് കൊറോണ ലക്ഷണങ്ങള് പ്രകടമായതിനെ തുടര്ന്നാണ് മെഡിക്കല് കോളജിലേക്ക് മാറ്റിയത്. ഈ മാസം 23നാണ് അസീസിനെ മെഡിക്കല് കോളജ് ആശുപത്രിയില് പ്രവേശിപ്പിച്ചത്. ആദ്യ പരിശോധനയില് അസീസിന്റെ ഫലം നെഗറ്റീവായിരുന്നു. എന്നാല് രോഗാവസ്ഥ വഷളായ സാഹചര്യത്തില് രണ്ടാമതു നടത്തിയ പരിശോധനയിലാണ് കോവിഡ് സ്ഥിരീകരിക്കുന്നത്. ആരോഗ്യനില വഷളായ ശേഷമാണ് രോഗം സ്ഥിരീകരിച്ചത് എന്നതിനാൽ ഇദ്ദേഹത്തിന്റെ റൂട്ട്മാപ്പ് ബന്ധുക്കളോട് ചോദിച്ചാണ് സ്ഥിരീകരിച്ചത്. മാര്ച്ച്…
Read Moreലോക്ക് ഡൗണിൽ ഒറ്റപ്പെട്ടുപോയ വീട്ടമ്മയ്ക്ക് കൈത്താങ്ങായി നേമം ജനമൈത്രി പോലീസ്; കോലഞ്ചേരിക്കാരി വീട്ടമ്മയ്ക്ക് ഉണ്ടായ ദുരവസ്ഥയിങ്ങനെ…
നേമം : ലോക്ക് ഡൗണിനെ തുടർന്ന് വീട്ടിൽ ഒറ്റപ്പെട്ടുപോയ മൂവാറ്റുപുഴ സ്വദേശിനിയായ വീട്ടമ്മയ്ക്ക് നേമം ജനമൈത്രി പോലീസിന്റെ സഹായം. പാപ്പനംകോട് എസ്റ്റേറ്റ് ഹൈസ്കൂൾ റോഡിലെ ലാൽലൈനിലുള്ള വീട്ടിൽ ഒറ്റപ്പെട്ടുപോയ ലളിതാ ദാമോദരനാണ്(70) പോലീസ് ഭക്ഷണം പാകം ചെയ്യുന്നതിനുള്ള സാധനങ്ങളെത്തിച്ചത്. കുറെ നാളുകളായി അടച്ചിട്ടിരുന്ന ഇവിടത്തെ വീട് വൃത്തിയാക്കി ഉടൻ നാട്ടിലേയ്ക്ക് പോകാമെന്ന ഉദേശ്യത്തിലാണ് കോല ഞ്ചരിയിൽ നിന്നും ലളിതാ ദാമോദരൻ പാപ്പനംകോടെത്തിയത്. ഇവിടെയെത്തി അടുത്ത ദിവസമായപ്പോയേക്കും ലോക്ക് ഡൗണും പിന്നാലെ നിരോധനാജ്ഞയും പ്രഖ്യാപിച്ചത്. ഇതോടെ ഒഴിഞ്ഞ വീട്ടിൽ ഒന്നും ചെയ്യനാകാതെ ഇവർ ഒറ്റപ്പെട്ടുപോയത്. രണ്ട് മൂന്ന് ദിവസം അടുത്തുള്ള ഒരു വീട്ടിൽ നിന്നും ഭക്ഷണം കഴിച്ചു. വെള്ളിയാഴ്ച രാവിലെ ലളിതാ ദാമോദരൻ പോലീസിന്റെ സഹായം തേടുകയായിരുന്നു. സിആർഒ മതിമാന്റെ നേതൃത്വത്തിൽ റസിഡന്റ്സ് അസോസിയേഷൻ ഭാരവാഹികളായ ആർ. അഭിലാഷ്, അനിൽകുമാർ എന്നിവരുടെ സഹായത്തോടെ ഇവർക്ക് വീട്ടിൽ ഭക്ഷണം വച്ച്…
Read Moreകോവിഡ് 19; പൊതുജനങ്ങൾക്ക് അത്യാവശ്യ സാഹചര്യത്തിൽ യാത്ര ചെയ്യുന്നതിനുള്ള സത്യവാങ്മൂലം, വെഹിക്കിൾ പാസ് എന്നിവ ഇനി ഓൺലൈനിലും
തിരുവനന്തപുരം: കോവിഡ് 19 നെ തുടർന്നുള്ള നിയന്ത്രണങ്ങളുടെ പശ്ചാത്തലത്തിൽ പൊതുജനങ്ങൾക്ക് അത്യാവശ്യ സാഹചര്യത്തിൽ യാത്ര ചെയ്യുന്നതിനാവശ്യമായ സത്യവാങ്മൂലം, വെഹിക്കിൾ പാസ് എന്നിവ ലഭിക്കുന്നതിന് ഓൺലൈൻ സംവിധാനം സജ്ജമാക്കിയാതായി സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. https://pass.bsafe. kerala.gov.in എന്ന ലിങ്ക് വഴി പൊതുജനങ്ങൾക്ക് ഈ സൗകര്യം പ്രയോജനപ്പെടുത്താം. സൈബർ ഡോം നോഡൽ ഓഫീസർ കൂടിയായ എഡിജിപി മനോജ് ഏബ്രഹാമിന്റെ നേതൃത്വത്തിൽ സൈബർ ഡോമിലെ വിദഗ്ധ സംഘമാണ് ഓൺലൈൻ സംവിധാനം വികസിപ്പിച്ചത്. വളരെ അത്യാവശ്യ സന്ദർഭങ്ങളിൽ യാത്ര ചെയ്യുന്നതിനാവശ്യമായ സത്യവാങ്മൂലം ഓൺലൈനിൽ ലഭിക്കാൻ യാത്രക്കാർ പേര്, മേൽവിലാസം, വാഹനത്തിന്റെ നമ്പർ, സഹയാത്രികന്റെ പേര്, യാത്ര പോകേണ്ടതും തിരിച്ചു വരേണ്ടതുമായ സ്ഥലം, തീയതി, സമയം, മൊബൈൽ നമ്പർ എന്നിവ രേഖപ്പെടുത്തിയതിനു ശേഷം യാത്രക്കാരന്റെ ഒപ്പ് അപ്ലോഡ് ചെയ്യണം. ഈ വിവരങ്ങൾ പോലീസ് കൺട്രോൾ സെന്ററിൽ പരിശോധിച്ചശേഷം സത്യവാങ്മൂലം അംഗീകരിച്ച…
Read Moreസമൂഹ വ്യാപനം തടയാം; എന്താണ് റാപ്പിഡ് ടെസ്റ്റ്? അതെങ്ങനെ നടത്താം ?
തിരുവനന്തപുരം: കോവിഡ് 19 പോസിറ്റീവ് കേസുകള് വര്ധിക്കുന്ന സാഹചര്യത്തില് സംസ്ഥാനത്ത് സാമൂഹ്യ വ്യാപനം തടയാനായി പരിശോധനാ ഫലങ്ങള് വേഗത്തിലാക്കാന് തീരുമാനിച്ചതായി ആരോഗ്യ മന്ത്രി കെ.കെ. ശൈലജ അറിയിച്ചു. മുഖ്യമന്ത്രിയുടെ നിര്ദേശ പ്രകാരമാണ് വേഗത്തില് ഫലമറിയുന്ന റാപ്പിഡ് ടെസ്റ്റ് നടത്താന് തീരുമാനിച്ചത്. ഇതിന് ഐസിഎംആര് അനുമതി ലഭിച്ചിട്ടുണ്ട്. ഐസിഎംആര്-എന്ഐവി അനുമതിയുള്ള റാപ്പിഡ് ടെസ്റ്റ് കിറ്റുകളുപയോഗിച്ചാണ് പരിശോധന നടത്തുന്നത്. സമൂഹത്തില് സ്ക്രീനിംഗ് നടത്തി അവരില് പരിശോധന നടത്തി രോഗ സാധ്യതയുള്ളവരെ കണ്ടെത്താനാകും. അവരെ നിരീക്ഷണത്തിലാക്കി ആവശ്യമുള്ളവരെ പിസിആര് പരിശോധനയ്ക്ക് വിധേയമാക്കാവുന്നതാണ്. എത്രയും വേഗം ടെസ്റ്റ് കിറ്റെത്തിച്ച് റാപ്പിഡ് ടെസ്റ്റ് തുടങ്ങുന്നതാണെന്നും മന്ത്രി വ്യക്തമാക്കി. എന്താണ് റാപ്പിഡ് ടെസ്റ്റ്? പ്രാഥമിക സ്ക്രീനിംഗിലൂടെ വിവിധതരത്തിലുള്ള വൈറസ് വ്യാപനം ഉണ്ടോയെന്ന് അറിയുന്നതിനായി ഉപയോഗിക്കുന്ന ലളിതമായ പരിശോധന മാര്ഗമാണ് റാപ്പിഡ് ടെസ്റ്റ്. മറ്റ് ഉപകരണങ്ങളുടെ സഹായമില്ലാതെ 10 മിനിറ്റ് മുതല് 30 മിനിറ്റിനുള്ളില് വളരെ വേഗത്തില്…
Read Moreകൊറോണയേക്കാൾ വേഗത്തിൽ; സംസ്ഥാനത്തെ സമ്പൂർണ്ണ മദ്യനിരോധനത്തിൽ നാലു ജില്ലകളിലായി ഓരോമരണം
കൊല്ലം: സംസ്ഥാനത്ത് മദ്യാസക്തിയുള്ള രണ്ട് പേർക്കൂടി ജീവനൊടുക്കി. കൊല്ലം, ആലപ്പുഴ ജില്ലകളിലാണ് മരണം. ഇന്നലെ തിരുവനന്തപുരത്തും തൃശൂരും രണ്ടുപേർ ജീവനൊടുക്കിയിരുന്നു. കൊല്ലം കുണ്ടറ എസ്.കെ. ഭവനിൽ സുരേഷാണ് തൂങ്ങി മരിച്ചത്. സ്ഥിരം മദ്യപാനിയായ ഇയാൾ രണ്ടു ദിവസമായി മാനസിക സമ്മർദത്തിലായിരുന്നുവെന്ന് ബന്ധുക്കൾ പറഞ്ഞു. ആലപ്പുഴയിൽ കിടങ്ങംപറമ്പ് ശ്രീഭുവനേശ്വരി ക്ഷേത്രത്തിനു സമീപം കടത്തിണ്ണയിൽ കിടന്ന വൃദ്ധനെ മരിച്ച നിലയിൽ കണ്ടെത്തി. കാർത്തികപ്പള്ളി സ്വദേശി ഹരിദാസാണ് മരിച്ചത്. മദ്യം ലഭിക്കാഞ്ഞതിനേത്തുടർന്ന് ഇയാൾ കഴിഞ്ഞ ദിവസങ്ങളിൽ അസ്വസ്ഥതകൾ പ്രകടിപ്പിച്ചിരുന്നുവെന്നാണ് വിവരം.
Read More‘ജനങ്ങൾ വീട്ടിൽ തന്നെ’ പോലീസിനു “തലവേദന’ കുറഞ്ഞു; നിർദേശങ്ങൾ ജനങ്ങൾ പാലിച്ചപ്പോൾ തിരുവനന്തപുരം നഗരം വിജനതയിൽ
സ്വന്തം ലേഖകൻ തിരുവനന്തപുരം : റോഡുകളെല്ലാം വിജനം. സന്പൂർണ അടച്ചിടലിൽ സർക്കാരിന്റെ നിർദേശങ്ങൾ തിരുവനന്തപുരത്തെ ജനങ്ങൾ പാലിച്ചു തുടങ്ങി. കഴിഞ്ഞ ദിവസങ്ങളിൽ പോലീസ് നടത്തിയ ശക്തമായ പരിശോധനയും അതിനെത്തുടർന്നുണ്ടായ അറസ്റ്റ് അടക്കമുള്ള നടപടികളുമാണു ജനങ്ങളെ പുറത്തിറങ്ങിതാരിക്കാൻ ഇന്നലെ പ്രേരിപ്പിച്ചത്. എന്നാൽ ഇനിയും കൂടുതൽ ജാഗ്രത പാലിക്കേണ്ടതിന്റെ ആവശ്യകത തന്നെയാണ് ഇന്നലെ സംസ്ഥാനത്തെ കോവിഡ് ബാധിതരുടെ എണ്ണം ചൂണ്ടിക്കാണിക്കുന്നത്. കർശന നടപടികൾ തുടരുന്പോഴും ചിലർ ഇപ്പോഴും ഇതൊന്നും തങ്ങൾക്കു ബാധകമല്ലെന്ന നില സ്വീകരിക്കുന്നതായി പോലീസ് വ്യക്തമാക്കുന്നുണ്ട്. അനാവശ്യമായി പുറത്തിറങ്ങുന്ന ഇത്തരക്കാർക്കെതിരെ കൂടുതൽ നടപടികൾ ഇന്നു മുതൽ സ്വീകരിച്ചു തുടങ്ങുമെന്നും ഉന്നത പോലീസ് ഉദ്യോഗസ്ഥർ പറഞ്ഞു. തിരുവനന്തപുരത്തു ഇന്നലെ അവശ്യസാധനങ്ങൾ വിൽക്കുന്ന കടകളിൽ നല്ല തിരക്കുണ്ടായിരുന്നു. സാധനങ്ങൾ ഇനി കിട്ടുമോ എന്ന ജനങ്ങൾക്കുള്ള ആശങ്കയാണു ഈ തിരക്കിനു കാരണമെന്നാണു വ്യാപാരികൾ പറയുന്നത്. ബേക്കറികൾ തുറക്കാമെന്നു സർക്കാർ പറഞ്ഞെങ്കിലും നഗരത്തിലെ ഒട്ടുമിക്ക…
Read Moreനിർദേശങ്ങൾ തെറ്റിച്ച് കടയിൽ ആൾക്കൂട്ടം; പിരിച്ചുവിടാൻ ശ്രമിച്ച പോലീസിനു നേരെ കൈയേറ്റ ശ്രമം: രണ്ടു പേർ അറസ്റ്റിൽ
പാലോട്: കട തുറക്കുകയും ആൾക്കാർ കൂടി നിൽക്കുകയും ചെയ്തതിനെ തുടർന്ന് പിരിച്ചുവിടാൻ ശ്രമിച്ച പോലീസ് ബൈക്ക് പട്രോളിംഗ് സംഘത്തെ കൈയേറ്റം ചെയ്യാൻ ശ്രമിച്ച രണ്ടു പേർ അറസ്റ്റിൽ. ഇലവുപാലം മഹാഗണി കോളനിയിൽ നടന്ന സംഭവത്തിൽ ഒരാൾ ഒളിവിലാണ്. ഇലവു പാലം മഹാഗണി കോളനിയിൽ ബ്ലോക്ക് നമ്പർ 17 ബഥേൽ ഭവനിൽ ഡാനിയേൽ, ബ്ലോക്ക് നമ്പർ അഞ്ചിൽ പ്രകാശ് എന്നിവരാണ് പിടിയിലായത്. സിഞ്ചു എന്നയാളിനെ പിടികൂടാനുണ്ടെന്നും ഇയാൾ ഒളിവിലാണെന്നും പോലീസ് പറഞ്ഞു.പ്രതികളെ കോടതിയിൽ ഹാജരാക്കി റിമാൻഡു ചെയ്തു. ഇന്നലെ വാഹന പരിശോധനയിൽ ഒന്പതു വാഹനങ്ങൾ പിടിച്ചെടുത്തു. രണ്ട് കടകൾക്കെതിരേയും കേസെടുത്തു.കൂടാതെ അഞ്ചു പേർ ഉൾപ്പെട്ട ചീട്ടുകളി സംഘത്തെ ഉൾപ്പെടെ 17 പേർക്കെതിരെ കേസെടുത്തു. ഇന്നു മുതൽ പട്രോളിംഗ് കൂടുതൽ ശക്തമാക്കുമെന്നും . രേഖകളൊന്നും കൂടാതെ ആരും പുറത്തിറങ്ങരുതെന്നും നിയമം ലംഘകർക്കെതിരെ ശക്തമായ നടപടി സ്വീകരിക്കുമെന്നും പാലോട് സിഐസി.കെ. മനോജ്…
Read Moreലോക്ക് ഡൗണിൽ യുവാവിന് പോലീസ് മർദനം; സ്റ്റേഷനിലെത്തിയ ഭാര്യയെ ഭീഷണിപ്പെടുത്തി; യുവാവിന്റെ പരാതയിൽ അന്വേഷണത്തിന് ഉത്തരവിട്ടു ഡിജിപി
ശ്രീകാര്യം : ഡോക്ടറായ ഭാര്യയെ ആശുപത്രിയിലാക്കി മടങ്ങവേ വഴിയിൽ വച്ച് പോലീസ് മർദിച്ചുവെന്ന പരാതിയിൽ ഡിജിപി ക്രൈം ബ്രാഞ്ച് അന്വേഷണത്തിന് ഉത്തരവിട്ടു. ചെമ്പഴന്തി മുക്കിൽ കട ന്യൂറയിൽ ആദർശ് (38)ആണ് പരിക്കേറ്റത്. ലോക്ക് ഡൗൺ ദിനമായ വ്യാഴാഴ്ച ശ്രീകാര്യം പോലീസ് സ്റ്റേഷന് സമീപം രാവിലെയായിരുന്നു സംഭവം.ഡ്യൂട്ടിയ്ക്ക് സ്വകാര്യ ആശുപത്രിയിൽ ഭാര്യയെ കൊണ്ടാക്കി കാറിൽ തിരിച്ചു വരുന്നതിനിടെയിൽ പോലീസ് പരിശോധനയ്ക്കിടെ സിഐ അഭിലാഷ് ഡേവിഡിന്റെ നേതൃത്വത്തിൽ പോലീസ് മർദിച്ചുവെന്നും ലോക്കപ്പിൽ ഇട്ടുവെന്നും വിവരം അറിഞ്ഞു സ്റ്റേഷനിൽ എത്തിയ ഭാര്യ ഡോ. അർച്ചനയെ അസഭ്യം പറയുകയും ഭീക്ഷണിപ്പെടുത്തിയെന്നാണ് പരാതി. തുടർന്ന് ഐഎംഎ വഴി ഡിജിപിക്ക് പരാതി നൽകുകയായിരുന്നു.തുടർന്നായിരുന്നു സിഐയ്ക്കെതിരെ അന്വേഷണത്തിന് ഉത്തരവിട്ടത്.ഇന്നലെ ക്രൈം ബ്രാഞ്ച് എസ്പി ഷാനവാസിന്റെ നേതൃത്വത്തിൽ വീട്ടിലെത്തി ആദർശിന്റെ മൊഴി രേഖപ്പെടുത്തി.
Read More