തിരുവനന്തപുരം: ലോക്ക്ഡൗണിന്റെ പശ്ചാത്തലത്തിൽ പൊതുവിടങ്ങള് നിശ്ചലമാകുമ്പോള് പട്ടിണിയിലാകുന്ന തെരുവുനായകള്ക്ക് ഭക്ഷണം നല്കാന് സംവിധാനം ഒരുക്കേണ്ടതുണ്ടെന്ന് മുഖ്യമന്ത്രി പിണറായി വിജയന്. തദ്ദേശസ്വയം ഭരണസ്ഥാപനങ്ങൾ ഇക്കാര്യം ശ്രദ്ധിക്കണമെന്നും മുഖ്യമന്ത്രി പറഞ്ഞു. തെരുവുനായ്ക്കള്ക്ക് ഭക്ഷണം കിട്ടാതെ അലഞ്ഞു തിരിയുന്ന അവസ്ഥയുണ്ട്. ഭക്ഷണം ലഭിക്കാതെവന്നാല് അവ അക്രമാസക്തമാകാന് ഇടയുണ്ട്. ഇത് പ്രത്യേകം ശ്രദ്ധിക്കണം. തെരുവുനായകള്ക്കുള്ള ഭക്ഷണം ഒരു പ്രശ്നമായി കണ്ടുകൊണ്ട് അവയ്ക്ക് ഭക്ഷണം ഒരുക്കാനുള്ള സംവിധാനം ഒരുക്കുന്നതെന്നും അദ്ദേഹം പറഞ്ഞു. കോവിഡ് അനാഥരാക്കുന്ന മിണ്ടാപ്രാണികൾ… കാവുകളിലെ കുരങ്ങുകൾക്കും ഭക്ഷണം ഉറപ്പുവരുത്തണമെന്നും അദ്ദേഹം പറഞ്ഞു. ശാസ്താംകോട്ട, മലപ്പുറത്തെ മുന്നിയൂര്, തലക്കളത്തൂര്, വള്ളിക്കാട് തുടങ്ങിയ നിരവധി കാവുകളില് ഭക്തജനങ്ങള് ഇപ്പോള് എത്തുന്നില്ല. അവിടെ എത്തിയിരുന്ന ഭക്തരാണ് അവിടെയുണ്ടായിരുന്ന കുരങ്ങുക ൾക്ക് ഭക്ഷണം നൽകിയിരുന്നത്. ഇപ്പോള് കുരങ്ങുകൾക്ക് ഭക്ഷണം ലഭിക്കുന്നില്ല. ഇതുമൂലം കുരങ്ങുകൾ അക്രമാസക്തരാകുന്നുണ്ട്. ക്ഷേത്ര അധികാരികൾ ഇവയ്ക്ക് ഭക്ഷണം നൽകണമെന്നും അദ്ദേഹം നിർദേശിച്ചു. പശു, കോഴി,…
Read MoreCategory: TVM
മണ്ണിട്ട് അതിർത്തി അടച്ച് കർണാടകം; അതിര്ത്തിയില് കുടുങ്ങിക്കിടക്കുന്നത് നിരവധി ചരക്കുലോറികൾ; മുഖ്യമന്ത്രി പ്രധാനമന്ത്രിക്ക് കത്തയച്ചു
തിരുവനന്തപുരം: റോഡില് മണ്ണ് കൊണ്ടുവന്നിട്ട് അതിര്ത്തികള് അടച്ച കര്ണാടകത്തിന്റെ നടപടിക്കെതിരേ മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിക്ക് കത്തയച്ചു. പാത അടച്ചത് നിയമവിരുദ്ധമാണെന്ന് കത്തിൽ ആരോപിക്കുന്നു. തലശേരി-കുടക് അന്തർസംസ്ഥാന പാതയാണ് കർണാടകം മണ്ണിട്ട് അടച്ചത്. കേന്ദ്രസര്ക്കാരിന്റെ നിര്ദേശത്തിന് വിരുദ്ധമായാണ് കേരളവുമായുള്ള അതിര്ത്തികള് കര്ണാടകം അടച്ചത്. കാസര്ഗോഡും ഇത്തരത്തില് റോഡുകൾ അടച്ചിട്ടുണ്ട്. അതിര്ത്തി അടച്ചിട്ടത്തോടെ കേരളത്തിലേക്കുള്ള ചരക്ക് നീക്കം പ്രതിസന്ധിയിലായിരിക്കുകയാണ്. കേരളത്തിലേക്കുള്ള നിരവധി പച്ചക്കറി ലോറികളാണ് അതിര്ത്തിയില് കുടുങ്ങിക്കിടക്കുന്നത്.
Read Moreദിശയിലേക്ക് വിളിക്കൂ, ആരോഗ്യത്തെ സംരക്ഷിക്കൂ… ആൽക്കഹോൾ വിത്ത്ഡ്രോവൽ സിൻഡ്രോം നിസാരമായി കാണരുത്; മുന്നറിയിപ്പുമായി ആരോഗ്യ വകുപ്പ്; സംശയങ്ങൾക്ക് വിളിക്കാം
തിരുവനന്തപുരം: മദ്യലഭ്യതയുടെ കുറവിനെ തുടർന്നു സ്ഥിരമായി മദ്യപിച്ചിരുന്നവർ ഏറെ ശ്രദ്ധിക്കണമെന്ന് ആരോഗ്യമന്ത്രി കെ.കെ. ശൈലജ. മദ്യാസക്തി മൂലമുണ്ടാകുന്ന ആൽക്കഹോൾ വിത്ത്ഡ്രോവൽ സിൻഡ്രോം നിസാരമായി കാണരുത്. ഇതുമൂലമുണ്ടാകുന്ന ശാരീരിക മാനസിക പ്രശ്നങ്ങൾ കൃത്യമായി കണ്ടുപിടിച്ച് ചികിത്സിച്ചില്ലെങ്കിൽ ഗുരുതര പ്രശ്നങ്ങളിലോ ആത്മഹത്യയിൽപ്പോലുമോ കൊണ്ടെത്തിക്കും. ഇത് മുന്നിൽ കണ്ട് മാനസികാരോഗ്യ പരിപാടിയുടെ ഭാഗമായി ആരോഗ്യ വകുപ്പ് മാർഗനിർദേശങ്ങൾ പുറത്തിറക്കിയിട്ടുണ്ടെന്നും മന്ത്രി വ്യക്തമാക്കി. കോവിഡ് 19 ഐസോലേഷൻ ചികിത്സയ്ക്ക് പ്രധാന ആശുപത്രികളെ തെരഞ്ഞെടുത്ത സാഹചര്യത്തിൽ പ്രാഥമികാരോഗ്യ കേന്ദ്രങ്ങളിലും കുടുംബാരോഗ്യ കേന്ദ്രങ്ങളിലും സാമൂഹികാരോഗ്യ കേന്ദ്രങ്ങളിലും ലഹരിമുക്ത ചികിത്സയ്ക്കുള്ള സൗകര്യമേർപ്പെടുത്തിയിട്ടുണ്ട്. മാനസികാരോഗ്യത്തിനായി കുടുംബാരോഗ്യ കേന്ദ്രങ്ങളിൽ ആശ്വാസ് ക്ലിനിക്കുകൾ സ്ഥാപിച്ചിട്ടുണ്ട്. ഇത്തരക്കാരെ ചികിത്സിക്കേണ്ട മാർഗനിർദേശങ്ങളും നൽകി. മാനസികാരോഗ്യ പരിപാടി വഴി എല്ലാ കേന്ദ്രങ്ങളിലും ഇതിനുവേണ്ട മരുന്നുകളും എത്തിച്ചു. എന്തെങ്കിലും ലക്ഷണങ്ങൾ ഉണ്ടെങ്കിൽ ഈ കേന്ദ്രങ്ങളിലെത്തിയാൽ മതി. കൂടുതൽ ചികിത്സ ആവശ്യമാണെങ്കിൽ താലൂക്ക്, ജനറൽ, ജില്ലാതല ആശുപത്രിയിലേക്ക് റഫർ…
Read Moreവിഷുവിന് ശേഷം കാണാം..! പരോളിലുള്ള തടവുകാർ ലോക്ക് ഡൗണിനു ശേഷം എത്തിയാൽ മതിയെന്ന് ജയിൽ ഡിജിപി
തിരുവനന്തപുരം: സംസ്ഥാനത്തെ വിവിധ ജയിലുകളിൽനിന്നു പരോളിൽ പോയിട്ടുള്ള തടവുകാർ ലോക്ക് ഡൗണിനു ശേഷം മടങ്ങിയെത്തിയാൽ മതിയെന്ന് ഉത്തരവ്. മാർച്ച് 23 നും ഏപ്രിൽ 14നും ഇടയിൽ മടങ്ങിയെത്തേണ്ടവ൪ ഏപ്രിൽ 15നു ജയിലുകളിൽ മടങ്ങിയെത്തിയാൽ മതിയെന്ന് ആഭ്യന്തര സെക്രട്ടറി ഉത്തരവിറക്കിയതായി ജയിൽ ഡിജിപി അറിയിച്ചു. പരോളിലുള്ളവ൪ മടങ്ങിയെത്തുന്നതുമായി ബന്ധപ്പെട്ട് ആശയക്കുഴപ്പത്തിലായ തടവുകാരും ജയിലധികൃരും നിരന്തരം ഇതിൽ വ്യക്തത തേടി ഫോണിൽ ബന്ധപ്പെട്ട സാഹചര്യത്തിലാണ് ഉത്തരവ്. സുപ്രീം കോടതിയുടെയും സംസ്ഥാന സർക്കാരിന്റെയും നിർദേശപ്രകാരമാണു നടപടി. നിലവിൽ കേരളത്തിലെ ജയിലുകളിൽ നിന്നും 105 തടവുകാർ പരോളിൽ പോയിട്ടുണ്ട്. കോവിഡ് നിയന്ത്രണ നടപടികളുടെ ഭാഗമായി വിവിധ കേസുകളിൽ വിചാരണ നേരിടുന്നവരെ വീഡിയോ കോൺഫറൻസിംഗ് സംവിധാനം വഴി നടപടികൾ സ്വീകരിച്ചാൽ മതിയെന്നും നിർദേശത്തിലുണ്ട്.
Read Moreതൊട്ട് തൊട്ട് നോക്കേണ്ട…! വാഹനപരിശോധന നടത്തുന്ന പോലീസുകാർ മാസ്കും ഗ്ലൗസും ഉപയോഗിക്കണമെന്നു ഡിജിപി
തിരുവനന്തപുരം: വാഹനപരിശോധന നടത്തുന്ന ഉദ്യോഗസ്ഥർ മാസ്കും ഗ്ലൗസും ധരിക്കണമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ നിർദേശിച്ചു. ഇക്കാര്യം ഉറപ്പുവരുത്തേണ്ടതിന്റെ ഉത്തരവാദിത്തം ജില്ലാ പോലീസ് മേധാവിമാർക്കായിരിക്കും. വാഹനത്തിനുള്ളിലേക്ക് കുനിഞ്ഞു പരിശോധിക്കുന്നത് ഒഴിവാക്കണം. പരിശോധനയ്ക്കിടെ വാഹനത്തിലോ യാത്രക്കാരെയോ ഗ്ലൗസ് ഉപയോഗിക്കാതെ സ്പർശിക്കാൻ പാടില്ല. വാഹനത്തിന്റെ ഡിക്കി തുറക്കേണ്ടിവരുന്ന അവസരങ്ങളിൽ ആവശ്യമായ മുൻകരുതലുകൾ സ്വീകരിക്കണം. വാഹനം തടഞ്ഞുനിർത്തുന്പോൾ യാത്രക്കാരുമായി നിശ്ചിത അകലം പാലിക്കുകയും ഏറെ നേരം സംസാരിക്കുന്നത് ഒഴിവാക്കുകയും വേണം. ഇനി ഒരു നിർദേശം ഉണ്ടാകും വരെ ബ്രീത്ത് അനലൈസർ ഉപയോഗിക്കാൻ പാടില്ല. വൈറസ് വ്യാപനം തടയുന്നതിനായി കൈകൾ ഇടക്കിടെ സോപ്പോ സാനിറ്റൈസറോ ഉപയോഗിച്ച് വൃത്തിയാക്കണമെന്നും അദ്ദേഹം നിർദേശിച്ചു.
Read Moreശുഭസൂചക വാർത്തകൾ..! ശ്രീ ചിത്തിരയിലെ കോവിഡ് പരിശോധനാ ഫലങ്ങളെല്ലാം നെഗറ്റീവ്
തിരുവനന്തപുരം: കോവിഡ് പ്രതിരോധ പ്രവർത്തനങ്ങളുമായി സംസ്ഥാനം മുന്നോട്ട് പോകുന്നതിനിടെ തലസ്ഥാനത്തു നിന്ന് ആശ്വാസ വാർത്ത. ശ്രീചിത്തിര ആശുപത്രിയിലെ 12 പേരുടെ പരിശോധനാ ഫലങ്ങളും നെഗറ്റീവ് ആണെന്നാണ് റിപ്പോർട്ട്. ഒപ്പം നിരീക്ഷണത്തിലുണ്ടായിരുന്ന 176 പേർക്കും വൈറസ് ബാധ ഇല്ലെന്നും സ്ഥിരീകരിച്ചിട്ടുണ്ട്.
Read Moreകോവിഡ് 19: പരാതികളും ആശങ്കകളും വിളിച്ച് അറിയിക്കാം; കണ്ട്രോള് റൂം തുറന്ന് പ്രതിപക്ഷ നേതാവ്
തിരുവനന്തപുരം: കൊറോണ വൈറസ് വ്യാപിക്കുന്ന പശ്ചാത്തലത്തിൽ പ്രതിപക്ഷ നേതാവ് രമേശ് ചെന്നിത്തല തന്റെ ഔദ്യോഗിക വസതിൽ കൺട്രോൾ റൂം തുറന്നു. കോവിഡ് ഭീതി നിലനില്ക്കുന്ന സാഹചര്യത്തില് ജനങ്ങള്ക്ക് പരാതികളും ആശങ്കകളും വിളിച്ച് അറിയിക്കാം. 24 മണിക്കൂറും പ്രവര്ത്തനമുണ്ടാകും. ഫോണ് നമ്പര് 0471 -2318330, 8921285681, 8848515182, 9895179151.
Read Moreഅനാവശ്യ കാര്യങ്ങൾ പറഞ്ഞ് വാഹനത്തിൽ വരരുത്; പോലീസിനെ പറ്റിക്കാൻ നോക്കിയാൽ പണികിട്ടും
തിരുവനന്തപുരം: സംസ്ഥാനത്ത് അനാവശ്യമായി വാഹനങ്ങളുമായി നിരത്തിലിറങ്ങുന്നവർക്കെതിരെ നടപടി കടുപ്പിച്ച് പോലീസ്. രാവിലെ വിവിധ ജില്ലകളിൽ പോലീസ് നടത്തിയ പരിശോധനയിൽ 300 ൽപരം വാഹനങ്ങൾ കസ്റ്റഡിയിലെടുത്തു. 150 ൽപരം ആളുകളെ പോലീസ് അറസ്റ്റ് ചെയ്തിട്ടുണ്ട്. ലോക്ക് ഡൗണ്, നിരോധനാജ്ഞ ലംഘനം , ദുന്തനിവാരണ നിയമം ലംഘിക്കൽ ഉൾപ്പെടെയുള്ള വകുപ്പുകളാണ് ഇത്തരക്കാർക്കെതിരെ ചുമത്തിയിരിക്കുന്നത്. പോലീസ് പിടിച്ചെടുത്ത വാഹനങ്ങൾ ലോക്ക് ഡൗണ് അവസാനിച്ചതിന് ശേഷം മാത്രമെ വിട്ടുകൊടുക്കുകയുള്ളു. സംസ്ഥാന പോലീസ് മേധാവി ലോക്നാഥ് ബെഹ്റയുടെ നിർദേശാനുസരണമാണ് പോലീസ് വാഹനപരിശോധന കർശനമാക്കിയത്. ആളുകൾ പുറത്തേക്ക് ഇറങ്ങുന്നതിനായി അരക്കിലോ വീതം ഭക്ഷണസാധനങ്ങൾ വാങ്ങി പോലീസിനെ കബളിപ്പിക്കുകയാണെന്ന് കണ്ടെത്തിയിട്ടുണ്ട്. ഇത്തരക്കാരുടെ വാഹനങ്ങളുടെ രജിസ്ട്രേഷൻ റദ്ദാക്കുമെന്ന് കാട്ടി നോട്ടീസ് നൽകി കൊണ്ടിരിക്കുകയാണ്. കാസർകോട് ജില്ലയിൽ പോലീസ് പരിശോധന കർശനമാക്കിയതോടെ ഇന്നലത്തേതിനെ അപേക്ഷിച്ച് റോഡിലേക്ക് ഇറങ്ങിയവരുടെ എണ്ണത്തിൽ കുറവ് വന്നിട്ടുണ്ട്. എറണാകുളം, കോഴിക്കോട്, തൃശൂർ ജില്ലകളിൽ ഡ്രോണ് ഉപയോഗിച്ചും…
Read Moreക്ഷാമം ഉണ്ടാകുമെന്ന ഭയം ഇനി വേണ്ട; തമിഴ് നാട്ടിൽ നിന്നും ചരക്ക് വാഹനങ്ങൾ കടത്തി വിടുന്നതിന് ധാരണയായി
തിരുവനന്തപുരം: തമിഴ്നാട്ടിൽ നിന്നും ചരക്ക് വാഹനങ്ങൾ കേരളത്തിലേക്ക് കടത്തി വിടുന്നതിന് ധാരണയായി . ജില്ലാ കളക്ടർ കെ.ഗോപാലകൃഷ്ണനും തിരുവനന്തപുരം റൂറൽ എസ്പി. അശോകനും കന്യാകുമാരി ജില്ലാ കളക്ടർ പ്രശാന്ത് എം വാബ്നെയർ, കന്യാകുമാരി എസ്പി എൻ. ശ്രീനാഥ് എന്നിവരുമായി നടത്തിയ ചർച്ചയിലാണ് തീരുമാനമായത്. ഇന്ന് മുതൽ തമിഴ്നാട്ടിൽ നിന്നും പച്ചക്കറി, പഴം, പാൽ എന്നീവയുടെ ലോറികൾ അയക്കാമെന്ന് കന്യാകുമാരി ജില്ലാ കളക്ടറും കന്യാകുമാരി എസ്പിയും ഉറപ്പ് നൽകിയിരിക്കുകയാണ്. ദിനം പ്രതി 300 ൽപരം ലോറികളാണ് അമരവിള ചെക്ക് പോസ്റ്റ് വഴി തിരുവനന്തപുരത്തേക്ക് എത്തിക്കൊണ്ടിരുന്നത്. കേരളത്തിൽ കൊറോണ പടരുന്നുവെന്ന ആശങ്കയുടെ അടിസ്ഥാനത്തിലാണ് തമിഴ്നാട്ടിൽ നിന്നും ചരക്ക് വാഹനങ്ങൾ അയക്കാതിരുന്നത്.
Read Moreബുക്ക് ചെയ്യൂ, സാധനം വീട്ടിലെത്തും; കൃഷി വകുപ്പിന്റെ നേതൃത്വത്തിൽ ഓൺലൈനിൽ പഴവും പച്ചക്കറിയും
തിരുവനന്തപുരം: ഓണ്ലൈനിൽ പഴം, പച്ചക്കറി വിതരണ പദ്ധതി കൃഷി വകുപ്പിന്റെ നേതൃത്വത്തിൽ തുടങ്ങുന്നു. ഹോര്ട്ടികോര്പ്പ്, വിഎഫ്പിസികെ, കേരഫെഡ് എന്നിവയുടെ നേതൃത്വത്തില് സ്വകാര്യ ഓണ്ലൈന് സ്ഥാപനങ്ങളുമായി സഹകരിച്ചാണ് പദ്ധതി നടപ്പാക്കുന്നത്. പച്ചക്കറി ഉല്പാദനത്തില് സ്വയംപര്യാപ്തത കൈവരിക്കുന്നതിനായി കൃഷിവകുപ്പ് നടപ്പിലാക്കിയ “ജീവനി’ എന്ന പദ്ധതിയുടെ തുടര്ച്ചയായി ജീവനി സഞ്ജീവനി എന്ന പേരില് നടപ്പാക്കുന്ന പദ്ധതിയിലൂടെ ആവശ്യക്കാര്ക്ക് വീടുകളില് പഴങ്ങളും പച്ചക്കറികളും എത്തിക്കുകയാണ് ലക്ഷ്യം. ആദ്യപടിയായി ഹോര്ട്ടികോര്പ്പ്, വിഎഫ്പിസികെ, എറണാകുളം ജില്ലാ ഭരണകൂടം തുടങ്ങിയവരുടെ നേതൃത്വത്തില് എഎംനീഡ്സ് എന്ന ഓണ്ലൈന് സ്ഥാപനം വഴി കൊച്ചി നഗരത്തില് വിതരണം തുടങ്ങി. വൈകുന്നേരം ഏഴുവരെ ഓര്ഡര് ചെയ്യുന്ന പഴംപച്ചക്കറി ഉല്പന്നങ്ങള്, കേരഫെഡ് വെളിച്ചെണ്ണ തുടങ്ങിയ സാധനങ്ങള് പിറ്റേന്ന് രാവിലെ മുതല് വിതരണം ചെയ്യും. ഇതിനായി എ.എം.നീഡ്സ് എന്ന ആപ്പ് സ്മാര്ട്ട് ഫോണില് ഡൗണ്ലോഡ് ചെയ്യണം. ഗൂഗിള് പ്ലേ സ്റ്റോറില് ലഭ്യമാണ്. നിലവില് തിരുവനന്തപുരം നഗരത്തില്…
Read More