തിരുവനന്തപുരം: കോവിഡ് 19 രോഗഭീതിയുടെ പശ്ചാത്തലത്തിൽ പിഎസ്സി പരീക്ഷകളെല്ലാം റദ്ദാക്കി. ഏപ്രിൽ 14 വരെയുള്ള പരീക്ഷകളാണ് റദ്ദാക്കിയത്. എഴുത്തു പരീക്ഷകൾ, അഭിമുഖങ്ങൾ, വകുപ്പുതല പരീക്ഷകൾ എല്ലാം മാറ്റിവച്ചതായി പിഎസ് സി അറിയിച്ചു. പുതുക്കിയ തീയതികൾ പിന്നീട് അറിയിക്കും.
Read MoreCategory: TVM
പുനലൂരിൽ അപകടത്തിൽ പരിക്കേറ്റ വിദേശിക്കു കോവിഡ്-19 ലക്ഷണങ്ങൾ; അതീവജാഗ്രത
തിരുവനന്തപുരം: വാഹനാപകടത്തിൽ പരിക്കേറ്റയാൾക്കു കോവിഡ്-19 രോഗബാധയുണ്ടെന്നു സംശയം. ഇയാളെ തിരുവനന്തപുരം മെഡിക്കൽ കോളജിലെ നിരീക്ഷണ വാർഡിലേക്കു മാറ്റി. ഇയാളുടെ സ്രവം പരിശോധനയ്ക്ക് അയച്ചിരിക്കുകയാണ്. കൊല്ലത്തു നിരീക്ഷണത്തിലായിരുന്ന ആളാണു പുറത്തിറങ്ങി വാഹനാപകടത്തിൽപ്പെട്ടത്. ഞായറാഴ്ച പുനലൂരിനു സമീപമാണ് അപകടമുണ്ടായത്. പത്തു ദിവസം മുന്പു സൗദിയിൽ നിന്നെത്തിയ ആൾ ആരോഗ്യ വകുപ്പിന്റെ നിർദേശം മറികടന്നാണു പുറത്തിറങ്ങിത്. നിരീക്ഷണത്തിലായിരുന്ന ആളാണ് എന്നതറിയാതെ കൊല്ലം ജില്ലാ ആശുപത്രിയിലും തിരുവനന്തപുരം മെഡിക്കൽ കോളജ് ആശുപത്രിയിലും ഇയാൾക്കു ചികിത്സ നൽകി. അപകടം നടക്കുന്ന സമയത്ത് ഇയാളുടെ ഭാര്യയും കുട്ടിയും ഒപ്പമുണ്ടായിരുന്നു. കുട്ടിക്കും രോഗലക്ഷണങ്ങളുണ്ട്. തിരുവനന്തപുരം മെഡിക്കൽ കോളജ് ആശുപത്രി കാഷ്വാൽറ്റിയിലും സർജറി വിഭാഗത്തിലും ഇദ്ദേഹത്തെ ചികിൽസിച്ച ഡോക്ടർമാരോട് അവധിയിൽ പോകാൻ നിർദേശിച്ചു. കോവിഡ് നിരീക്ഷണത്തിലാണെന്ന വിവരം അറിയിക്കാതെയാണ് ഇയാൾ മെഡിക്കൽ കോളജിൽ ചികിത്സ തേടിയത്. അതേസമയം ഡോക്ടർക്കു കോവിഡ് സ്ഥിരീകരിച്ച ശ്രീചിത്ര ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ…
Read Moreമെഡിക്കൽ സംഘം എത്തിയില്ല! എസ്പിയും സംഘവും കാത്തുനിന്നത് മണിക്കൂറുകൾ
പാറശാല: കൊറോണ രോഗം വ്യാപിക്കുന്നത് തടയാനായി സംസ്ഥാന അതിർത്തിയിലെ കളിയിക്കാവിളയിലും,പാറശാല റെയിൽവേ സ്റ്റേഷനിലും, പരിശോധന നടത്താൻ നിച്ചയിച്ചിരുന്നുവെങ്കിലും ആരോഗ്യ വകുപ്പധികൃതർ വരാത്തതുകാരണം പരിശോധന നടത്താൻ കഴിയാതെ എസ്പിയും സംഘവും മടങ്ങി. ഇന്നലെ രാവിലെ ഒന്പതിന് റൂറൽ എസ്പി ബി. അശോകൻ, നെയ്യാറ്റിൻകര ഡിവൈഎസ്പി അനിൽകുമാർ, പാറശാല സിഐ കണ്ണൻ എന്നിവരുൾപ്പടെയുള്ള പോലീസ് സംഘം പാറശാല റെയിവേ സ്റ്റേഷനിൽ നിലയുറപ്പിച്ചുവെങ്കിലും ആരോഗ്യ വകുപ്പധികൃതർ എത്തിയില്ല. ഇതേ തുടർന്ന് എസ്പിയും സംഘവും മടങ്ങുകയായിരുന്നു. അതിർത്തിയിലെ കളിയിക്കാവിളയിലും പാറശാല റെയിൽവേ സ്റ്റേഷനിലുമാണ് ഇന്നലെ പരിശോധന നിച്ചയിച്ചിരുന്നത്. ഇന്നലെ പുലർച്ചെ ചെന്നൈ എഗ്മോറിൽ നിന്നും വന്ന ഗുരുവായൂർ എക്സ്പ്രസ് ട്രെയിനിൽ പരിശോധന നടത്താൻ നിർദേശ മുണ്ടായിരുന്നതിനെ തുടർന്ന് ട്രെയിൻ സ്റ്റേഷനിൽ നിർത്തിയിട്ടിരുന്നുവെങ്കിലും പരിശോധനാസംഘം എത്താത്തതിനെ തുടർന്ന് ട്രെയിൻ കടത്തിവിടുകയായിരുന്നു. എന്നാൽ ആരോഗ്യ വകുപ്പിൽ നിന്നും കൃത്യമായ നിർദേശം കിട്ടാത്തതും പരിശോധനക്കുള്ള ഉപകരണങ്ങൾ ഇല്ലാത്തതുമാണ്…
Read Moreപ്രതിരോധ പ്രവർത്തനങ്ങൾ ഊർജിതമാക്കി ആരോഗ്യവകുപ്പ്; സംസ്ഥാനത്തെ വിവിധ ജില്ലകളിലായി 10944 പേർ നിരീക്ഷണത്തിൽ
തിരുവനന്തപുരം: സംസ്ഥാനത്ത് കോവിഡ് 19 പ്രതിരോധ പ്രവർത്തനങ്ങൾ ഉൗർജിതമാക്കി ആരോഗ്യവകുപ്പ്. ഇതുവരെ രോഗം ബാധിച്ച് ചികിത്സയിൽ കഴിയുന്നവരുടെ എണ്ണം 24 പേരാണ്. ഇതിൽ മൂന്ന് പേർക്ക് രോഗം ഭേദമായിട്ടുണ്ട്. നിലവിൽ ചികിത്സയിൽ കഴിയുന്നത് 21 പേരാണ്. രോഗബാധ കൂടുതൽ പേരിലേക്ക് എത്താതിരിക്കാൻ രോഗബാധിതർ സന്പർക്കം പുലർത്തിയ പ്രദേശത്തെ ജനങ്ങളെ പ്രത്യേകം നിരീക്ഷിക്കുകയും പരിശോധനകൾക്ക് വിധേയമാക്കുകയുമാണ്. സംസ്ഥാനത്തെ വിവിധ ജില്ലകളിലായി 10944 പേർ നിരീക്ഷണത്തിലാണ്. ഇവരിൽ 10655 പേർ വീടുകളിലും 289 പേർ ആശുപത്രികളിൽ ചികിത്സയിലുമാണ്. രോഗലക്ഷണങ്ങൾ ഉള്ള 2147 പേരുടെ സാംപിളുകൾ വിവിധ പരിശോധനകൾക്കായി ലാബുകളിൽ അയച്ച് അതിന്റെ ഫലം കാത്തിരിക്കുകയാണ് ഡോക്ടർമാരുടെ സംഘം. തിരുവനന്തപുരം ജില്ലയിൽ നാല് പേർക്ക് രോഗം സ്ഥിരീകരിച്ചിട്ടുണ്ട്. യുകെ, ഇറ്റലി എന്നീ രാജ്യങ്ങളിൽ നിന്നെത്തിയ മലയാളി യുവാക്കളും വർക്കലയിലെ റിസോർട്ടിൽ താമസിച്ചിരുന്ന ഇറ്റാലിയൻ പൗരൻ, സ്പെയിനിൽ നിന്നും പഠനം കഴിഞ്ഞ് മടങ്ങിയെത്തിയ…
Read Moreസ്പെയിനിൽ പഠന കോഴ്സിന് പോയിവന്ന ശ്രീചിത്രയിലെ ഡോക്ടർക്ക് കോവിഡ്19; ഡോക്ടർമാർ നിരീക്ഷണത്തിൽ ; ഡോക്ടർ പരിശോധിച്ച രോഗികളുടെ വിവരങ്ങൾ തേടി അധികൃതർ
തിരുവനന്തപുരം: സ്പെയിനിൽ പഠന കോഴ്സ് കഴിഞ്ഞ് തിരുവനന്തപുരത്ത് മടങ്ങിയെത്തിയ ഡോക്ടർ സേവനമനുഷ്ഠിച്ച ആശുപത്രിയിലെ ഡോക്ടർമാരെയും നിരീക്ഷണത്തിലാക്കി. ആരോഗ്യവകുപ്പിന്റെ നിർദേശാനുസരണമാണ് ഈ തീരുമാനം. ശ്രീചിത്ര മെഡിക്കൽ ഇൻസ്റ്റിറ്റ്യൂട്ടിലെ ഡോക്ടർക്കാണ് കോവിഡ് 19 ഇന്നലെ സ്ഥിരീകരിച്ചത്. മാർച്ച് രണ്ടിന് സ്പെയിനിൽ നിന്നു മടങ്ങിയെത്തിയ ഇദ്ദേഹം അടുത്ത ദിവസം മുതൽ രോഗികളെ പരിശോധിച്ച് തുടങ്ങിയിരുന്നു. മാർച്ച് എട്ടിനാണ് ഇദ്ദേഹത്തിന് രോഗലക്ഷണങ്ങൾ കണ്ടെത്തിയത്. തുടർന്നാണ് സാംപിൾ പരിശോധനയ്ക്ക് അയച്ചത്. ഇന്നലെയാണ് സ്ഥിരീകരണം ലഭിച്ചു. ശ്രീചിത്രയിലെ ആറ് വിഭാഗങ്ങളിലെ ഡോക്ടർമാരോട് നിരീക്ഷണത്തിൽ കഴിയാൻ നിർദേശിച്ചിരിക്കുകയാണ്. വിദേശ രാജ്യങ്ങളിൽ നിന്നു മടങ്ങിയെത്തുന്നവരെ വിശദ പരിശോധനയും നിരീക്ഷണവും നടത്തണമെന്ന് കേന്ദ്രസർക്കാർ സർക്കുലർ ഇറക്കിയിരുന്നു. എന്നാൽ ഈ സർക്കുലറിൽ സ്പെയിൻ എന്ന രാജ്യം ഇല്ലായിരുന്നു. അതിനാലാണ് ഡോക്ടറെ നേരത്തെ നിരീക്ഷണത്തിലാക്കാതിരുന്നതെന്നാണ് അധികൃതർ വ്യക്തമാക്കുന്നത്. കൊറോണ സ്ഥീരികരിച്ച ഡോക്ടർ നിരവധി രോഗികളെ ആശുപത്രിയിൽ നേരത്തെ പരിശോധിച്ചിരുന്നു. ഇദ്ദേഹം പരിശോധിച്ച രോഗികളുടെ…
Read Moreസോണിയാ… എന്റെ സോണിയ..! രണ്ടു വയസുള്ള കുഞ്ഞിനെ ഉപേക്ഷിച്ച് കാമുകനൊപ്പം പോയ യുവതി കുടുങ്ങി; ഒപ്പം ഉണ്ടായിരുന്ന കാമുകൻ മുങ്ങി
കല്ലറ: രണ്ടു വയസുള്ള കുഞ്ഞിനെ ഉപേക്ഷിച്ച് കാമുകനൊപ്പം പോയ യുവതിയെ പാങ്ങോട് പോലീസ് അറസ്റ്റ് ചെയ്തു. തിരുവനന്തപുരം വേളി സ്വദേശിയും പാങ്ങോട് ഭരതന്നൂർ സ്വദേശിയായ യുവാവിന്റെ ഭാര്യയുമായ സോണി (21) തിരുവനന്തപുരം സ്വദേശിയായ കാമുകനൊപ്പം ഒളിച്ചോടിയത്. യുവതിയുടെ ഭർത്താവിന്റെ സഹോദരൻ നൽകിയ പരാതിയുടെ അടിസ്ഥാനത്തിൽ പാങ്ങോട് പോലീസ് നടത്തിയ അന്വേഷണത്തിലാണ് ഇവർ പിടിയിലായത്. ഒപ്പം ഉണ്ടായിരുന്ന കാമുകൻ ഇവരെ ഉപേക്ഷിച്ച് രക്ഷപ്പെട്ടു. നെടുമങ്ങാട് കോടതിയിൽ ഹാജരാക്കിയ സോണിയെ റിമാൻഡു ചെയ്തു. കുഞ്ഞിനെ ഉപേക്ഷിച്ച് കാമുകനൊപ്പം പോയതാണ് യുവതിക്കെതിരെയുള്ള കേസ് .പാങ്ങോട് പോലീസ് ഇൻസ്പക്ടർ സുനീഷ്, എസ്ഐ അജയൻ, വനിതാ സിവിൽ പോലീസ് ഓഫീസർ ഗീതാകുമാരി എന്നിവരടങ്ങുന്ന സംഘമാണ് യുവതിയെ അറസ്റ്റ് ചെയ്തത്.
Read Moreസെക്രട്ടറിയേറ്റ് സേവനങ്ങൾക്ക് തടസമുണ്ടാകില്ല; ആശങ്ക വേണ്ടെന്ന് തിരുവനന്തപുരം കളക്ടർ
തിരുവനന്തപുരം: തലസ്ഥാനത്ത് വിദേശ പൗരനടക്കം മൂന്ന് പേർക്ക് കോവിഡ് 19 രോഗം സ്ഥിരീകരിച്ചെങ്കിലും ആശങ്കപ്പെടേണ്ട സാഹചര്യമില്ലെന്ന് കളക്ടർ കെ.ഗോപാലകൃഷ്ണൻ. വലിയ തോതിൽ രോഗം പടർന്നിട്ടില്ല. ആശങ്കപ്പെടേണ്ട സാഹചര്യമില്ലെന്നും ജാഗ്രതയോടെ പ്രവർത്തിച്ചാൽ മതിയെന്നും കളക്ടർ പറഞ്ഞു. രോഗബാധയുടെ പശ്ചാത്തലത്തിൽ നിയന്ത്രണങ്ങൾ ഏർപ്പെടുത്തിയാലും സെക്രട്ടറിയേറ്റ് സേവനങ്ങൾക്ക് തടസമുണ്ടാകില്ലെന്നും കളക്ടർ വ്യക്തമാക്കി. ജില്ലയിൽ രോഗബാധ സ്ഥിരീകരിച്ച സാഹചര്യത്തിൽ ഷോപ്പിംഗ് മാളുകളും ബ്യൂട്ടി പാർലറുകളും ജിംനേഷ്യങ്ങളും അടച്ചിടാനും ബീച്ചുകളിലും പാർക്കുകളിലും നിയന്ത്രണങ്ങൾ ഏർപ്പെടുത്താൻ ജില്ലാ ഭരണകൂടം തീരുമാനിച്ചിരുന്നു.
Read Moreകോവിഡ് 19: നിയമസഭാ സമ്മേളനം വെട്ടിച്ചുരുക്കി; എതിർപ്പ് രേഖപ്പെടുത്തി പ്രതിപക്ഷം
തിരുവനന്തപുരം: സംസ്ഥാനത്ത് ജാഗ്രതയുടെ ഭാഗമായി നിയമസഭാ സമ്മേളനം വെട്ടിച്ചുരുക്കി. പ്രതിപക്ഷത്തിന്റെ എതിര്പ്പോടെയാണ് കാര്യോപദേശക സമിതി തീരുമാനം എടുത്തിരിക്കുന്നത്. ഏപ്രില് എട്ട് വരെ നടത്താനിരുന്ന സമ്മേളനം ഇന്നത്തോടെ അവസാനിപ്പിക്കും. സഭാ സമ്മേളനം വെട്ടിച്ചുരുക്കുന്നത് അനാവശ്യ ഭീതിയുണ്ടാക്കുമെന്ന പ്രതിപക്ഷ വാദം തള്ളിയാണ് കാര്യോപദേശക സമിതിയുടെ തീരുമാനം. സഭാസമ്മേളനം വെട്ടിച്ചുരുക്കിയ വിവരം മുഖ്യമന്ത്രി സഭയെ അറിയിക്കും. സർക്കാർ നടപടിയെ സഭയിൽ പ്രതിഷേധിക്കാനാണ് പ്രതിപക്ഷത്തിന്റ തീരുമാനം. കോവിഡ് ജാഗ്രതയില് സംസ്ഥാനം നില്ക്കുന്ന സമയത്ത് നിയമസഭാ സമ്മേളനവുമായി മുന്നോട്ടുപോകുന്നത് ശരിയല്ല എന്നായിരുന്നു ഇന്ന് ചേര്ന്ന കാര്യോപദേശക സമിതിയില് മുഖ്യമന്ത്രി നിർദ്ദേശം മുന്നോട്ടുവച്ചത്. എന്നാൽ ലോക്സഭയും രാജ്യസഭയും തുടരുകയും മറ്റുസംസ്ഥാനങ്ങളിലും നിയമസഭാ സമ്മേളനം നടക്കുന്നുണ്ട്. ഈ സാഹചര്യത്തിൽ സഭാ സമ്മേളനം വെട്ടിച്ചുരുക്കേണ്ടതില്ലെന്ന നിലപാടിൽ പ്രതിപക്ഷം ഉറച്ചു നിൽക്കുകയാണ്. വിവിധ വകുപ്പുകളുടെ ധനാഭ്യർഥനയിൽ വിശദമായ ചർച്ചകൾ നടക്കേണ്ടതുണ്ട്. ഈ സർക്കാരിന്റെ അവസാനത്താണ് ഇത്തരമൊരു ചർച്ച. ചർച്ചയിൽ നിന്ന്…
Read Moreആരോഗ്യമന്ത്രിക്കെതിരെ അവകാശ ലംഘനത്തിന് നോട്ടീസ് നൽകി പ്രതിപക്ഷം
തിരുവനന്തപുരം: ആരോഗ്യമന്ത്രി കെ.കെ. ഷൈലജയ്ക്കെതിരെ പ്രതിപക്ഷം അവകാശ ലംഘനത്തിന് നോട്ടീസ് നല്കി. നിയമസഭയെ തെറ്റിധരിപ്പിച്ചുവെന്ന് കാട്ടിയാണ് പ്രതിപക്ഷത്തിന്റെ നോട്ടീസ്. പി.ടി. തോമസ് എംഎൽഎയാണ് നോട്ടീസ് നൽകിയത്. ഇറ്റലിയില്നിന്നു വരുന്നവരെ കൃത്യമായി നിരീക്ഷിക്കണമെന്ന് കേന്ദ്ര ആരോഗ്യമന്ത്രാലയം ഫെബ്രുവരി 26ന് ഇറക്കിയ സര്ക്കുലറില് പറയുന്നു. എന്നാൽ മാർച്ച് മൂന്നിനാണ് ഈ സർക്കുലർ ലഭിച്ചതെന്നാണ് ആരോഗ്യമന്ത്രി പറയുന്നത്. നിയമസഭയിലാണ് മന്ത്രി ഇക്കാര്യം പറഞ്ഞത്. ഇത് സഭയെ തെറ്റിധരിപ്പിക്കുന്നതാണെന്ന് പ്രതിപക്ഷം ആരോപിച്ചു.
Read Moreകൊറോണ ഭീതി; ആർസിസിയിൽ നിയന്ത്രണം; വൈകുന്നേരം നാലു മുതൽ ആറു വരെ ഉള്ള സന്ദർശനം റദ്ദാക്കി
തിരുവനന്തപുരം: കൊറോണ ഭീതിയിൽ ആർസിസിയിൽ നിയന്ത്രണങ്ങൾ ഏർപ്പെടുത്തി. ആർസിസിയിൽ എത്തുന്ന തീരെ അവശരായ രോഗികൾക്കു മാത്രമേ ഇനി ഒന്നിൽ കൂടുതൽ സഹായികളെ അനുവദിക്കുകയുള്ളൂ. എല്ലാ ദിവസവും വൈകുന്നേരം നാലു മുതൽ ആറു വരെ ഉള്ള സന്ദർശനവും ഇനി ഒരു അറിയിപ്പുണ്ടാകുന്നതു വരെ റദ്ദാക്കി. രോഗിയുടെ രജിസ്ട്രേഷൻ കാർഡോ വാർഡിൽ രോഗിയുടെ സഹായിക്കു നൽകുന്ന ബൈസ്റ്റാൻഡർ പാസോ ഉള്ളവരെ മാത്രമേ ആശുപത്രിയിൽ പ്രവേശിപ്പിക്കുകയുള്ളൂ. പനി, ചുമ, തൊണ്ടവേദന തുടങ്ങിയ ലക്ഷണങ്ങൾ ഉള്ളവർ രോഗിയെ അനുഗമിക്കാതിരിക്കാൻ ശ്രദ്ധിക്കണം. ഒൗദ്യോഗിക കാര്യങ്ങൾക്കായി ആർസിസി സന്ദർശിക്കുന്നവർ, മെഡിക്കൽ റെപ്രസന്റേറ്റീവുകൾ തുടങ്ങിയവർ അക്കാര്യം അധികൃതരെ മുൻകൂട്ടി അറിയിച്ചു അനുമതി വാങ്ങണം. കൊറോണ രോഗം നിർണയിക്കപ്പെട്ട സ്ഥലത്തു നിന്നും വരുന്നവർ പ്രത്യേക ജാഗ്രത പുലർത്തുകയും എന്തെങ്കിലും രോഗലക്ഷണം കണ്ടാൽ വൈദ്യസഹായത്തിനായി തിരുവനന്തപുരം മെഡിക്കൽ കോളജിലെ കൊറോണ ഒപിയുമായി ബന്ധപ്പെടുകയും ചെയ്യേണ്ടതാണ്. ആർസിസിയുടെ ആഭിമുഖ്യത്തിൽ മാർച്ചു മാസത്തിൽ…
Read More