തിരുവനന്തപുരം: ഇരുചക്രവാഹനങ്ങളിലെ പിൻസീറ്റ് യാത്രക്കാർക്കും ഹെൽമറ്റ് നിർബന്ധമാക്കാനാണ് സർക്കാർ തീരുമാനമെന്ന് ഗതാഗത മന്ത്രി എ.കെ.ശശീന്ദ്രൻ. കാറിലെ പിൻസീറ്റ് യാത്രക്കാർക്ക് സീറ്റ് ബെൽറ്റ് നിർബന്ധമാക്കുമെന്നും അദ്ദേഹം പറഞ്ഞു. കോടതിവിധി നടപ്പിലാക്കാനാണ് സർക്കാർ ഉദ്യേശിക്കുന്നത്. ഹെൽമറ്റ്, സീറ്റ് ബെൽറ്റ് വിഷയത്തിൽ ആദ്യപടിയായി ബോധവൽക്കരണം നടത്തുമെന്നും മന്ത്രി പറഞ്ഞു. മാധ്യമപ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്. ബൈക്കിലെ പിൻസീറ്റ് യാത്രക്കാര്ക്ക് ഹെല്മറ്റും കാറിലെ എല്ലാ യാത്രക്കാര്ക്കും സീറ്റ് ബെല്റ്റും നിര്ബന്ധമാക്കിയ സുപ്രീം കോടതി വിധി സംസ്ഥാനത്ത് നടപ്പാക്കണമെന്ന് കഴിഞ്ഞ ദിവസം ഗതാഗത സെക്രട്ടറി നിര്ദേശിച്ചിരുന്നു. സുപ്രീംകോടതി വിധി സംസ്ഥാനത്ത് കാര്യക്ഷമമായി നടപ്പാക്കുന്നില്ലെന്ന് ചൂണ്ടിക്കാട്ടി ഗതാഗത കമ്മീഷണര്ക്ക് ഗതാഗത വകുപ്പ് പ്രിന്സിപ്പല് സെക്രട്ടറി കെ.ആര് ജ്യോതിലാല് കത്തു നൽകിയിരുന്നു.
Read MoreCategory: TVM
കണ്ണിൽ മുളകുപൊടി വിതറി യുവതിയുടെ മാല കവർന്നകേസ്; മൂന്നുപേർ അറസ്റ്റിൽ; യുവതിയുമായി പ്രതികൾക്ക് സാമ്പത്തിക ഇടപാടുകൾ ഉണ്ടായിരുന്നതായി പോലീസ്
വിതുര: സ്കൂട്ടർ തടഞ്ഞു നിർത്തി എട്ട് മാസം ഗർഭിണിയായ യുവതിയുടെ കണ്ണിൽ മുളകു പൊടി വിതറി മൂന്നര പവന്റെ മാല പൊട്ടിച്ചെടുത്ത മൂന്നുപേരെ വിതുര പോലീസ് അറസ്റ്റ് ചെയ്തു.തൊളിക്കോട് അടപ്പുപാറ തോട്ടരികത്ത് വീട്ടിൽ എസ്. സിത്തു (21), പരപ്പാറ നീലഗിരി വീട്ടിൽ മിഥുൻ എസ്. നായർ (21) പരപ്പാറ തടത്തരികത്ത് വീട്ടിൽ എം. ഉമ്മർഫറൂക്ക് (21) എന്നിവരാണ് അറസ്റ്റിലായത്. കഴിഞ്ഞ ജൂൺ ഒന്നിന് ഉച്ചയ്ക്ക് വിതുര മാങ്കാട് സ്വദേശിനിയായ ശ്രുതി (26)യുടെ മാലയാണ് നഷ്ടപ്പെട്ടത്. ശ്രുതിയും കൂട്ടുകാരിയും ബൈക്കിൽ വരുന്പോൾ വിജനമായ വനമേഖലയിൽ വച്ചാണ് ബൈക്കിലെത്തിയ സംഘം മാലമോഷ്ടിച്ചത്. വിതുര മേഖലയിലെ സിസിടിവി ദൃശ്യങ്ങൾ പരിശോധിച്ചും ടവർ ലൊക്കേഷനും കേന്ദ്രീകരിച്ച് നടത്തിയ അന്വേഷണമാണ് കേസിന് തുമ്പുണ്ടാക്കിയത്. പ്രതികളിൽ ഫറൂക്കിനും മിഥുനും യുവതിയുമായി സാമ്പത്തിക ഇടപാടുണ്ടായിരുന്നുവെന്നും സംഭവ ദിവസം വീട്ടമ്മയെ പണം നൽകാമെന്ന് പറഞ്ഞ് പേപ്പാറയിൽ വിളിച്ചുവരുത്തിയെന്നും പോലീസ്…
Read Moreതലസ്ഥാനത്ത് എടിഎം തട്ടിപ്പ് തുടര്ക്കഥയാവുന്നു;റിട്ടയേഡ് ബാങ്ക് ഉദ്യോഗസ്ഥന്റെ അക്കൗണ്ടില് നിന്നും പണം അപഹരിച്ച കേസില് മുംബൈ പോലീസിന്റെ സഹായം തേടിസൈബര് സെല്
തിരുവനന്തപുരം: റിട്ടയേഡ് ഉദ്യോഗസ്ഥന്റെ ബാങ്ക് അക്കൗണ്ടിൽ നിന്നും എടിഎം തട്ടിപ്പിലൂടെ പണം അപഹരിച്ച സംഭവത്തിൽ സൈബർ സെൽ അന്വേഷണം ആരംഭിച്ചു. പ്രതികളെ പിടികൂടാൻ സൈബർസെൽ മുംബൈ പോലീസിന്റെ സഹായം തേടിയിട്ടുണ്ടെന്നും പോലീസ് വൃത്തങ്ങൾ വ്യക്തമാക്കി. ഗലപുരം പാച്ചിറ സ്വദേശി റഹ്മത്തുള്ളയുടെ പരാതിയുടെ അടിസ്ഥാനത്തിൽ മംഗലപുരം പോലീസ് രജിസ്റ്റർ ചെയ്ത കേസിലാണ് സൈബർ സെല്ലും മംഗലപുരം പോലീസും സംയുക്തമായി അന്വേഷണം ആരംഭിച്ചത്. എസ്ബിഐ പള്ളിപ്പുറം ബ്രാഞ്ചിൽ അക്കൗണ്ടുള്ള റഹ്മത്തുള്ളയുടെ അക്കൗണ്ടിൽ നിന്നും ഇന്നലെ രണ്ട് തവണയായി നാൽപ്പതിനായിരം രൂപയാണ് അപഹരിച്ചത്. മുംബൈയിലെ എടിഎം കൗണ്ടറിൽ നിന്ന് പണം പിൻവലിച്ചതായാണ് സന്ദേശം ലഭിച്ചതെന്ന് റഹ്മത്തുള്ള പോലീസിൽ നൽകിയ പരാതിയിൽ വ്യക്തമാക്കിയിരുന്നു. പാസ്വേഡ്, അക്കൗണ്ട് നന്പർ ആവശ്യപ്പെട്ട് ആരും തന്നെ വിളിക്കാതെയാണ് പണം നഷ്ടപ്പെട്ടതെന്ന് റഹ്മത്തുള്ള പോലീസിനോട് പറഞ്ഞു. ഈ അടുത്തകാലത്തായി എടിഎം തട്ടിപ്പ് തിരുവനന്തപുരം ജില്ലയിൽ വീണ്ടും വർധിച്ച് വരികയാണ്.
Read Moreഷോക്കടിപ്പിച്ച് ഞെക്കിപ്പിഴിഞ്ഞ് പിണറായി സർക്കാർ ജനങ്ങളെ കൊള്ളയടിക്കുന്നുവെന്ന് മുല്ലപ്പള്ളി
തിരുവനന്തപുരം: വൈദ്യുതി നിരക്ക് കുത്തനെ വർധിപ്പിച്ച് പിണറായി സർക്കാർ ജനങ്ങളെ കൊള്ളയടിക്കുകയാണെന്ന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. കേന്ദ്രവും സംസ്ഥാനവും ഒറ്റക്കെട്ടായി നിന്നാണ് ജനങ്ങളുടെ മേൽ അമിതഭാരം അടിച്ചേൽപ്പിക്കുന്നതെന്ന് അദ്ദേഹം പറഞ്ഞു. കേന്ദ്ര ബജറ്റിൽ മോദി പ്രെട്രോളിയം ഇന്ധനങ്ങൾക്ക് വില വർധിപ്പിച്ചതിനു പിന്നാലെയാണ് പിണറായിയുടെ വൈദ്യുതി നിരക്കിന്റെ പേരിലുള്ള ഷോക്കടിപ്പിക്കൽ. മഹാപ്രളയത്തിന്റെ കെടുതിയിൽനിന്നും ഭൂരിപക്ഷം ജനങ്ങളും ഇപ്പോഴും കരകയറിയിട്ടില്ല. അപ്പോഴാണ് കേന്ദ്രവും സംസ്ഥാനവും ഒന്നിച്ചു നിന്ന് ജനങ്ങളെ പിഴിയുന്നതെന്നും മുല്ലപ്പള്ളി പറഞ്ഞു.
Read Moreഇരുപത്തിയൊന്നാം നൂറ്റാണ്ടിലും പോലീസിന് മാറ്റമൊന്നുമില്ല; റോഡ് വക്കില് നിന്ന അധ്യാപകനെ ലാത്തിക്കടിച്ച് പരിക്കേല്പ്പിച്ച സംഭവം: കിളിമാനൂര് എസ്ഐക്ക് സസ്പെന്ഷന്
തിരുവന്തപുരം: റിട്ടയേർഡ് ഹെഡ്മാസ്റ്ററെ നടുറോഡിൽ ലാത്തിക്കടിച്ച് പരിക്കേൽപ്പിച്ച സംഭവത്തിൽ കിളിമാനൂർ എസ്ഐ ബി.കെ. അരുണിന് സസ്പെൻഷൻ. എസ്ഐ അകാരണമായി അധ്യാപകനായ വിജയകുമാറിനെ മർദിച്ചെന്ന ആറ്റിങ്ങൽ ഡിവൈഎസ്പിയുടെ റിപ്പോർട്ടിന്റെ അടിസ്ഥാനത്തിൽ റൂറൽ എസ്പി പി.കെ. മധുവാണ് നടപടിയെടുത്തത്. കഴിഞ്ഞമാസം 28ന് രാത്രി ഒന്പതുമണിയോടെയാണു മര്ദനം നടന്നത്. കിളിമാനൂർ ചൂട്ടയിൽ വച്ച് വീട്ടിലേക്ക് പോകാൻ വിജയകുമാർ ഓട്ടോ കാത്ത് നിന്നപ്പോള് ജീപ്പിലെത്തിയ എസ്ഐ അരുണ് ലാത്തിവീശി അടിച്ചുവെന്നായിരുന്നു പരാതി. ലാത്തിയടിയില് വിജയകുമാറിന് സാരമായി പരിക്കേറ്റിരുന്നു.
Read Moreസംസ്ഥാനത്ത് വൈദ്യുതി നിരക്ക് കുത്തനെ കൂട്ടി; ബിപിഎൽ വിഭാഗക്കാർക്ക് നിരക്ക് വർധന ബാധകമാകില്ല
തിരുവനന്തപുരം: സംസ്ഥാനത്ത് വൈദ്യുതി നിരക്ക് കുത്തനെ കൂട്ടി. 6.8 ശതമാനം നിരക്ക് വർധനയാണ് വരുത്തിയിരിക്കുന്നത്. ബിപിഎൽ വിഭാഗക്കാർക്ക് നിരക്ക് വർധന ബാധകമാകില്ല. 2019-22 കാലത്തേക്കുള്ള വർധനവാണിത്. കൂട്ടിയ വൈദ്യുതി നിരക്ക് ഇന്ന് മുതൽ പ്രാബല്യത്തിൽ വരും. പ്രതിമാസം 40 യൂണിറ്റ് വരെ വൈദ്യുതി ഉപയോഗിക്കുന്നവർക്ക് അധിക നിരക്ക് നൽകേണ്ടതില്ല. അതേസമയം 50 യൂണിറ്റ് വൈദ്യുതി ഉപയോഗിക്കുന്നവർക്ക് 18 രൂപയുടെയും 75 യൂണിറ്റ് വരെ ഉപയോഗിക്കുന്നവർക്ക് 35 രൂപയുടെയും 100 യൂണിറ്റ് വൈദ്യുതി ഉപയോഗിക്കുന്നവർക്ക് 42 രൂപയുടെ വർധനവുണ്ടാകും. 125 യൂണിറ്റ് വൈദ്യുതി ഉപയോഗിച്ചാൽ നിലവിലെ നിരക്കിൽ നിന്നും 60 രൂപ അധികം നൽകേണ്ടി വരും. 150 യൂണിറ്റ് വരെ ഉപയോഗിക്കുന്നവർക്ക് 67 രൂപയുടെയും 175 യൂണിറ്റ് വരെ ഉപയോഗിക്കുന്നവർക്ക് 90 രൂപയുടെയും വർധനവുണ്ടാകും. പ്രതിമാസം 200 യൂണിറ്റ് വൈദ്യുതി ഉപയോഗിക്കുന്നവർ ഇനി 97 രൂപ അധികം നൽകണം.…
Read Moreഐസ്കട്ടകൾക്കിടയിലൂടെ നുരച്ച് പുഴുക്കൾ; തിരുവനന്തപുരം പാളയം മാർക്കറ്റിൽ പഴകിയ മീനുകൾ പിടികൂടി; ജീവനക്കാരെ തടയാൻ ശ്രമിച്ച് മീൻ വിൽപ്പനക്കാർ
തിരുവനന്തപുരം: തിരുവനന്തപുരത്തെ പാളയം മാർക്കറ്റിൽ ഭക്ഷ്യസുരക്ഷാ വകുപ്പിന്റെ പരിശോധനയിൽ പഴകിയ മീനുകൾ പിടികൂടി. പഴകിയതും പുഴുവരിച്ചതുമായ മീനുകൾ മാർക്കറ്റിൽനിന്നു പിടിച്ചെടുത്തതായി ഭക്ഷ്യസുരക്ഷാ ഉദ്യോഗസ്ഥർ പറഞ്ഞു. അതേസമയം, പരിശോധനയ്ക്കെത്തിയ ഉദ്യോഗസ്ഥരെ മീൻ വിൽപ്പനക്കാർ തടഞ്ഞു. നല്ല മീനുകളും ഉദ്യോഗസ്ഥർ പിടിച്ചെടുക്കുന്നതായി ആരോപിച്ചായിരുന്നു വിൽപ്പനക്കാരുടെ പ്രതിഷേധം. എന്നാൽ, വിൽപ്പനക്കാരുടെ പ്രതിഷേധം വകവയ്ക്കാതെ ഉദ്യോഗസ്ഥർ പഴകിയ മീനുകൾ പിടിച്ചെടുക്കുകയായിരുന്നു. മാർക്കറ്റിൽ പഴകിയ മീനുകൾ വിൽക്കുന്നുണ്ടെന്ന പരാതിയെ തുടർന്നാണു ഭക്ഷ്യസുരക്ഷാ വിഭാഗം തിങ്കളാഴ്ച രാവിലെ പരിശോധന നടത്തിയത്. പരിശോധന വരുംദിവസങ്ങളിൽ തുടരുമെന്നും അധികൃതർ അറിയിച്ചു.
Read Moreസ്വർണ വ്യാപാരിയെ ആക്രമിച്ച് ഒന്നരകിലോ സ്വർണം കവർന്ന സംഭവം; ആക്രമണത്തിൽ നേരിട്ടു പങ്കെടുത്ത രണ്ടു പേർ അറസ്റ്റിൽ
തിരുവനന്തപുരം തലസ്ഥാനത്ത് കാറിൽ സഞ്ചരിക്കുകയായിരുന്ന സ്വർണ വ്യാപാരിയെ ആക്രമിച്ച് ഒന്നരകിലോ സ്വർണം കവർന്ന സംഭവത്തിൽ നേരിട്ട് പങ്കെടുത്ത രണ്ടു പേർ അറസ്റ്റിൽ. തൃശൂർ സ്വദേശികളായി ആഷിഖ്, സനീഷ് എന്നിവരാണ് അറസ്റ്റിലായത്. ഇന്നലെ തൃശൂരിലെ ഒളിത്താവളത്തിൽ നിന്നാണ് ഫോർട്ട് എസി പ്രതാപൻനായരുടെ നേതൃത്വത്തിൽ ഫോർട്ട് സി.ഐ ഇവരെ അറസ്റ്റു ചെയ്തത്. അറസ്റ്റിലായ പ്രതികളെ ഇന്നു കോടതിയിൽ ഹാജരാക്കും. മണക്കാട് മുക്കോലയ്ക്കൽ താമസിക്കുന്ന ബിജുവിനെ ആക്രമിച്ച് സ്വർണം കവർന്ന കേസിലാണ് അറസ്റ്റ്. തൃശൂരിൽ നിന്ന് ഗുരുവായൂർ എക്സ്പ്രസിൽ പുലർച്ചെ തലസ്ഥാനത്ത് എത്തിയ ബിജു വീട്ടിലേയ്ക്ക് കാറിലേയ്ക്ക് വരുന്പോഴാണ് ഒരു സംഘം കാർ തടഞ്ഞു നിർത്തി ആക്രമിച്ച് സ്വർണം കവർന്നത്. കേരള തമിഴ്നാട് അതിർത്തിയായ അരുമനയിലാണ് ബിജു ജ്വല്ലറി നടത്തുന്നത്. ബിജുവിനെ ആക്രമിച്ച് സ്വർണം കവരുന്ന സംഘത്തിൻറെ സിസിടിവി ദൃശ്യവും കാറിന്റെ നന്പരും പോലീസിന് ലഭിച്ചിരുന്നു. കാറിന്റെ നന്പർ പരിശോധിച്ചതിലൂടെ ലഭിച്ച…
Read Moreജയിലിൽ കിടന്ന് കൊണ്ട് പുതിയ മോഷണ പദ്ധതി ആസൂത്രണം ചെയ്തു; ജയിലിൽ നിന്നു പുറത്തിറങ്ങി ഉടൻ മോഷണം; പ്രതികളെ പോലീസ് കുടുക്കിയതിങ്ങനെ…
തിരുവനന്തപുരം: ജയിലിൽ വച്ച് മോഷണ പദ്ധതികൾ ആസൂത്രണം ചെയ്ത് ജയിലിൽ നിന്നിറങ്ങിയ ശേഷം മോഷണം നടത്തിയ രണ്ട് മോഷ്ടാക്കളെ തിരുവനന്തപുരം സിറ്റി ഷാഡോ പോലീസ് പിടികൂടി. ആളില്ലാതെ പൂട്ടിക്കിടന്ന വീട്ടിൽ കയറിയാണ് ഇവർ മോഷണം നടത്തിയത്. വള്ളക്കടവ് ഖദീജ മൻസിലിൽ നിന്നും ഇപ്പോൾ പുഞ്ചക്കരി മുട്ടളക്കുഴി ഭാഗത്ത് വാടകയ്ക്ക് താമസിക്കുന്ന ഷാരൂഖ് ഖാൻ (20), കൊല്ലം, മേയനൂർ ശാസ്താംപൊയ്ക, രാജമല്ലി സദനത്തിൽ പ്രശാന്ത് (23) എന്നിവരെയാണ് സിറ്റി ഷാഡോ പോലീസ് പിടികൂടിയത്. ഫോർട്ട് പോലീസ് ഇവരുടെ അറസ്റ്റ് രേഖപ്പെടുത്തി. മണക്കാട് കൊഞ്ചിറവിള ഭാഗത്ത് ഒരു വീട്ടിൽ കഴിഞ്ഞയാഴ്ച നടന്ന മോഷണവുമായി ബന്ധപ്പെട്ടാണ് ഇവർ പിടിയിലായത്. ഈ വീട്ടിൽ നിന്നും നാലര പവൻ സ്വർണാഭരണങ്ങളും മോഷണം പോയിരുന്നു. വീട്ടിലെ സിസിടിവി ഹാർഡ് ഡിസ്കും മോഷ്ടിച്ചു. അടുത്ത കാലത്ത് ജയിലിൽ നിന്നിറങ്ങിയ മോഷ്ടാക്കാളെ കേന്ദ്രീകരിച്ച് ഷാഡോ പോലീസ് നടത്തിയ അന്വേഷണത്തിലാണ്…
Read Moreഅശ്രദ്ധയുടെ മൊബൈയിൽ ദുരന്തം; കിണറിന്റെ തൂണിൽ ചാരിയിരുന്ന് ഫോണ് ചെയ്യുന്നതിനെട അബദ്ധത്തിൽ കിണറ്റിൽ വീണു; മൂന്നു ദിവസം കിണറ്റിൽ കിടന്നയാൾക്ക് ജീവൻ തിരിച്ചുകിട്ടിയ സംഭവം ഇങ്ങനെ…
വെഞ്ഞാറമൂട്: കിണറ്റില് കുടു ങ്ങിക്കിടന്ന യുവാവിനെ അഗ്നിശമനസേന രക്ഷപ്പെടുത്തി. കൊഞ്ചിറ ആലമുക്ക് വിളയില് വീട്ടില് പ്രദീപ്(38)ആണ് കിണറ്റില് അകപ്പെട്ടത്. ബുധനാഴ്ച വൈകുന്നേരം വീട്ടു വളപ്പിലെ കിണറിന്റെ തൂണിൽ ചാരിയിരുന്ന് ഫോണ് ചെയ്തു കൊണ്ടിരിക്കെ തൂൺ ഒടിഞ്ഞ് കിണറ്റിൽ വീഴുകയായിരുന്നു. അപകടസമയത്ത് വീട്ടിൽ ആരുമില്ലായിരുന്നു.ഇന്നലെ രാവിലെ കിണറിനു സമീപത്തുകൂടെ പോയ ഒരാൾ കിണറിനുള്ളിൽ നിന്ന് ശബ്ദം കേട്ട് നോക്കിയപ്പോള് തൊട്ടിയില് പിടിച്ച് നില്ക്കുന്ന പ്രദീപിനെ കാണുകയായിരുന്നു. നാട്ടുകാര് സ്ഥലത്തെത്തി യുവാവിനെ കിണറ്റില് നിന്നു പുറത്തെടുക്കാന് ശ്രമിച്ചുവെങ്കിലും ഫലം കാണാത്തതിനെ തുടര്ന്ന് നെടുമങ്ങാട് അഗ്നി ശമന സേനയെത്തി യുവാവിനെ കരയ്ക്കെടുക്കുകയായിരുന്നു.
Read More