പോത്തൻകോട്: അലമാരയിൽ സൂക്ഷിച്ചിരുന്ന പതിനാറെ മുക്കാൽ പവൻ സ്വർണം മോഷ്ടിച്ച പ്രതിയെ പോത്തൻകോട് പോലീസ് അറസ്റ്റ് ചെയ്തു. ശാന്തിഗിരി ചെറുവില്ലി ടിപി ഹൗസിൽ ഷൈനിയുടെ സ്വർണാഭരണങ്ങൾ മോഷ്ടിച്ച കേസിൽ കൊയ്ത്തൂർക്കോണം ഖബറഡി ഫാത്തിമ മൻസിലിൽ ഷംന (29 ) യെയാണ് അറസ്റ്റ് ചെയ്തത്. അറസ്റ്റിലായ പ്രതി ഷൈനിയുടെ അടുത്ത ബന്ധുവാണെന്ന് പോലീസ് പറഞ്ഞു. വീട്ടിലുള്ളവർ കഴിഞ്ഞ മാസം 24 ന് ബന്ധുവീട്ടിൽ പോയി മടങ്ങിയെത്തി രാത്രി പത്ത് മണിയോടെ അലമാര പരിശോധിച്ചപ്പോഴാണ് സ്വർണാഭരണങ്ങൾ നഷ്ടപ്പെട്ടത് അറിഞ്ഞത്. പോത്തൻകോട് എസ്എച്ച്ഒ. പി.എസ്. സുജിത്തിന്റെ നേതൃത്വത്തിൽ എസ്ഐ വി.എസ്. അജീഷ്,ഗോപകുമാർ, രവീന്ദ്രൻ. കെ. സന്തോഷ്, സനിത, താഹിറ എന്നിവരടങ്ങിയ പ്രത്യേക അന്വേഷണ സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Read MoreCategory: TVM
തിരുവനന്തപുരത്ത് വ്യാപാരിയെ ആക്രമിച്ച് സ്വർണം കവർന്നത് തൃശൂരിലെ ഗുണ്ടകൾ: പ്രതികൾ വലയിലായതായി സൂചന
തൃശൂർ: തിരുവനന്തപുരം നഗരത്തിൽ സ്വർണവ്യാപാരിയെ ആക്രമിച്ച് സ്വർണം കവർന്നത് തൃശൂരിലെ ഗുണ്ടാ സംഘമാണെന്ന് പോലീസ് സ്ഥിരീകരിച്ചു. നാലംഗ സംഘമാണ് കഴിഞ്ഞ ശനിയാഴ്ച പുലർച്ചെ ശ്രീവരാഹത്തിന് സമീപത്തുവച്ച് ബിജു എന്നയാളെ ആക്രമിച്ച് ഒന്നര കിലോയോളം സ്വർണം കവർന്നത്. ഗുണ്ടാസംഘത്തെ പോലീസ് തൃശൂരിൽ നിന്ന് കസ്റ്റഡിയിലെടുത്തുവെന്നാണ് സൂചന. ഉടൻ അറസ്റ്റ് രേഖപ്പെടുത്തും. ക്വട്ടേഷനെടുത്ത് സംഘം ആക്രമണം നടത്തിയതാണെന്ന് പറയുന്നു. പ്രതികളെ പിടികൂടി ചോദ്യം ചെയ്താലേ കൂടുതൽ വിവരങ്ങൾ പുറത്തു വരൂ. കാർ വാടകയ്ക്കെടുത്ത് തിരുവനന്തപുരത്തെത്തിയാണ് കവർച്ച നടത്തിയത്. റെന്റ് എ കാറെടുത്ത് ഉയർന്ന വാടകയ്ക്ക് മറിച്ചു നൽകുന്ന സംഘത്തിൽ നിന്നാണ് സംഘം കാർ തരപ്പെടുത്തിയത്. കാറുടമയിൽനിന്ന് വാഹനം വാടകയ്ക്കെടുത്ത സോമൻ എന്നയാളെ പിടികൂടി ചോദ്യം ചെയ്തപ്പോഴാണ് സംഘത്തെക്കുറിച്ച് സൂചന ലഭിച്ചത്. കവർച്ചയ്ക്കു ശേഷം നെയ്യാറ്റിൻകരയിൽ ഉപേക്ഷിച്ച വാഹനത്തിൽ നിന്ന് സംഘത്തിന്റെ വിരലടയാളം ശേഖരിച്ചിരുന്നു. ഫോട്ടോയും നേരത്തെ സംഘടിപ്പിച്ചിരുന്നതിനാൽ പ്രതികളെ തിരിച്ചറിയാൻ…
Read Moreയുഡിഎഫിന്റെ ആലപ്പുഴ തോൽവി; കാരണം തേടിപ്പോയ കെ.വി. തോമസ് അധ്യക്ഷനായ അന്വേഷണ കമ്മീഷൻ കണ്ടെത്തിയ കാരണങ്ങൾ ഇങ്ങനെ…
തിരുവനന്തപുരം: കോണ്ഗ്രസിലെ സംഘടനാ ദൗർബല്യവും ജംബോ കമ്മിറ്റികൾ തെരഞ്ഞെടുപ്പുകാലത്തു ഫലപ്രദമായി പ്രവർത്തിക്കാതിരുന്നതും ആലപ്പുഴ ലോക്സഭാ മണ്ഡലത്തിൽ യുഡിഎഫ് സ്ഥാനാർഥിയുടെ പരാജയത്തിനു കാരണമായതായി അന്വേഷണ കമ്മീഷൻ കണ്ടെത്തൽ. ഫലപ്രദമായി പ്രവർത്തിക്കാതിരുന്ന ചേർത്തല, കായംകുളം നിയമസഭാമണ്ഡലങ്ങളിലെ കോണ്ഗ്രസിന്റെ നാലു ബ്ലോക്ക് കമ്മിറ്റികൾ മുഴുവൻ പിരിച്ചുവിടാനും നിലവിലുള്ള ജംബോ കമ്മിറ്റികൾ പുനഃസംഘടിപ്പിക്കാനും കെ.വി. തോമസ് അധ്യക്ഷനായ അന്വേഷണ കമ്മീഷൻ ശിപാർശ നൽകി. അന്വേഷണ കമ്മീഷൻ റിപ്പോർട്ട് ഇന്നലെ കെപിസിസി പ്രസിഡന്റ് മുല്ലപ്പള്ളി രാമചന്ദ്രനു കൈമാറി. അന്വേഷണ കമ്മീഷന്റെ കണ്ടെത്തലുകളുടെയും ശിപാർശകളുടെയും അടിസ്ഥാനത്തിൽ അച്ചടക്ക നടപടി ഇന്നുതന്നെ സ്വീകരിക്കുമെന്നു കെപിസിസി പ്രസിഡന്റ് അറിയിച്ചു. ചേർത്തല, വയലാർ, കായംകുളം നോർത്ത്, കായംകുളം സൗത്ത് ബ്ലോക്ക് കമ്മിറ്റികളാണു പിരിച്ചു വിടാൻ സമിതി ശിപാർശ ചെയ്തത്. നിലവിലുള്ള ജംബോ കമ്മിറ്റികൾ കാര്യക്ഷമമല്ലാത്തതിനാൽ പുനഃസംഘടിപ്പിക്കാൻ സത്വര നടപടി വേണം. പാർലമെന്റ് തെരഞ്ഞെടുപ്പ് പരാജയത്തിന്റെ പശ്ചാത്തലത്തിൽ അരൂർ നിയമസഭാ ഉപതെരഞ്ഞെടുപ്പിന്റെ…
Read Moreകുടുംബ വഴക്ക്! ഭാര്യ കിണറ്റില് ചാടിയതറിഞ്ഞ് ഭര്ത്താവ് വിഷം കഴിച്ചു; സംഭവം നെടുമങ്ങാട്
നെടുമങ്ങാട് : കുടുംബ വഴക്കിനിടെ ഭാര്യ കിണറ്റിൽ ചാടിയതറിഞ്ഞ് ഭർത്താവ് വിഷം കഴിച്ച് ജീവനൊടുക്കാൻ ശ്രമിച്ചു. പനയമുട്ടം ആട്ടുകാൽ കടുവാപ്പോക്ക് ആയില്യത്തിൽ ജോയിയും (ജയൻ, 55) ഭാര്യ പ്രീജ (49) യുമാണ് ആത്മഹത്യക്ക് ശ്രമിച്ചത്. നെടുമങ്ങാട് ഫയർഫോഴ്സ് യൂണിറ്റിലെ ഉദ്യോഗസ്ഥരുടെ സന്ദർഭോചിതമായ രക്ഷാപ്രവർത്തനം ഇരുവർക്കും ജീവൻ തിരിച്ചു നൽകി.ജോയി തിരുവനന്തപുരം മെഡിക്കൽ കോളജ് ആശുപത്രിയിലും പ്രീജ നെടുമങ്ങാട് ജില്ലാ ആശുപത്രിയിലും ചികിത്സയിലാണ്.ഇന്നലെ ഉച്ചകഴിഞ്ഞ് രണ്ടേ കാലോടെയാണ് സംഭവം. വഴക്കിനിടയിൽ വീട്ടുമുറ്റത്തെ എഴുപതടി താഴ്ചയുള്ള കിണറ്റിലാണ് പ്രീജഎടുത്തു ചാടിയത്.തലയ്ക്ക് സാരമായപരിക്കുണ്ട്.ഭാര്യയെ രക്ഷിക്കുന്നതിന് പകരം ജോയി ചെടിക്ക്ഉപയോഗിച്ചിരുന്ന ഫ്യുറഡാൻ കഴിച്ച് ജീവനൊടുക്കാൻശ്രമിക്കുകയായിരുന്നു. വീട്ടിൽ ഉണ്ടായിരുന്ന മകളുടെ നിലവിളി കേട്ട് എത്തിയ നാട്ടുകാർ ഉടൻ ഫയർഫോഴ്സിൽ വിവരമറിയിച്ചു.പതിനഞ്ച് മിനിട്ടിനുള്ളിൽആംബുലൻസുമായി സ്ഥലത്തെത്തിയ ഫയഫോഴ്സ് സംഘം രണ്ടു ടീമായിതിരിഞ്ഞു.വീട്ട് മുറ്റത്ത് അബോധാവസ്ഥയിൽ കിടന്ന ജോയിയെ മെഡിക്കൽ കോളജ് തീവ്ര പരിചരണ വിഭാഗത്തിൽ എത്തിച്ചു. ഫയർമാൻ…
Read Moreപഠിച്ച കള്ളൻ..! വീട് കുത്തിത്തുറന്ന് സ്വര്ണവും പണവും അപഹരിച്ചു; പോയപ്പോൾ സിസിടിവിയുടെ ഹാർഡ് സിസ്കും കള്ളൻ കൊണ്ടുപോയി; തിരുവനന്തപുരത്തെ മോഷണത്തിൽ ഞെട്ടി നാട്ടുകാർ
തിരുവനന്തപുരം: കിഴക്കേകോട്ട മാങ്കോട്ട് കടവില് വീട് കുത്തി ത്തുറന്ന് കവര്ച്ച. സ്വര്ണാഭരണങ്ങളും പണവും മോഷ്ടാക്കള് അപഹരിച്ചു. വീട്ടില് സ്ഥാപിച്ചിരുന്ന സിസിടിവി കാമറകള് നശിപ്പിക്കുകയും ഡിവിആര് മോഷ്ടിക്കുകയും ചെയ്തു. മാങ്കോട്ട് കടവ് ചിറപ്പാലത്തിന് സമീപം ഫാത്തിമയുടെ വീട്ടിലാണ് കവര്ച്ച നടന്നത്. ഫാത്തിമയും കുടുംബവും രണ്ട് ദിവസം വീട്ടില് ഇല്ലായിരുന്നു. ഇന്ന് രാവിലെ വീട്ടില് എത്തിയപ്പോഴാണ് മോഷണ വിവരം ശ്രദ്ധയില്പ്പെട്ടത്. വീട്ടിലെ മുന്വശത്തെയും കിടപ്പുമുറിയിലെയും വാതിലുകള് തകര്ത്ത് അകത്ത് കടന്ന മോഷ്ടാക്കള് അലമാരയില് സൂക്ഷിച്ചിരുന്ന എട്ടു പവന് സ്വര്ണാഭരണങ്ങളും രണ്ടായിരം രൂപയും അപഹരിച്ചു. വീട്ടില് സ്ഥാപിച്ചിരുന്ന സിസിടിവി കാമറകള് നശിപ്പിക്കുകയും സിസിടിവിയുടെ ഹാര്ഡ് ഡിസ്കും ഡിവിആറും മോഷ്ടാക്കള് അപഹരിച്ചു കൊണ്ട് പോയി. ഫാത്തിമയുടെ പരാതിയുടെ അടിസ്ഥാനത്തില് ഫോര്ട്ട് പോലീസും വിരലടയാള വിദഗ്ധരും ഫോറന്സിക് വിദഗ്ധരും തെളിവുകള് ശേഖരിച്ചു. പോലീസ് കേസെടുത്ത് അന്വേഷണം ആരംഭിച്ചു.
Read Moreകസ്റ്റഡി മരണം; ജയിൽ ജീവനക്കാരിൽ കുറ്റക്കാരുണ്ടെന്ന് കണ്ടെത്തിയാൽ കർശന നടപടി; വീഴ്ചകൾ അംഗീകരിക്കാൻ കഴിയില്ലെന്ന് ഋഷിരാജ് സിംഗ്
തിരുവനന്തപുരം: റിമാൻഡിലിരിക്കെ രാജ്കുമാർ കൊല്ലപ്പെട്ട സംഭവത്തിൽ ജയിൽ ജീവനക്കാരിൽ കുറ്റക്കാരുണ്ടെന്ന് കണ്ടെത്തിയാൽ കർശന നടപടിയെടുക്കുമെന്ന് ജയിൽ ഡിജിപി ഋഷിരാജ് സിംഗ്. ഉദ്യോഗസ്ഥരുടെ ഭാഗത്തുനിന്നു വരുന്ന വീഴ്ചകൾ അംഗീകരിക്കാൻ കഴിയില്ലെന്നും അദ്ദേഹം പറഞ്ഞു. രാജ്കുമാറിന്റെ മരണവുമായി ബന്ധപ്പെട്ട് പീരുമേട് ജയിൽ ജീവനക്കാർക്കെതിരേ ഋഷിരാജ് സിംഗാണ് അന്വേഷണത്തിന് ഉത്തരവിടുകയും ചെയ്തിട്ടുണ്ട്. ജയിൽ ഡിഐജി സാം തങ്കയ്യനാണ് അന്വേഷണ ചുമതല. നാലു ദിവസത്തിനകം റിപ്പോർട്ട് സമർപ്പിക്കാനും നിർദേശമുണ്ട്.
Read Moreലഹരി മരുന്ന് വിൽപ്പന; ഓൺലൈൻ സേവനങ്ങൾ നിരീക്ഷണത്തിലെന്ന് എക്സൈസ് മന്ത്രി
തിരുവനന്തപുരം: ലഹരി മരുന്ന് വിൽപ്പനയുമായി ബന്ധപ്പെട്ട് ഓണ്ലൈൻ സേവനങ്ങളും രഹസ്യ നിരീക്ഷണത്തിലാണെന്ന് എക്സൈസ് മന്ത്രി ടി.പി.രാമകൃഷ്ണൻ. ഓണ്ലൈൻ ഭക്ഷ്യവിതരണ ശൃംഖലകളിലെ ജീവനക്കാരുടെ നന്പറുകളടക്കം ശേഖരിച്ചാണ് നിരീക്ഷണമെന്നും മന്ത്രി നിയമസഭയിൽ വ്യക്തമാക്കി. അന്തർ സംസ്ഥാന ബസുകളിലും ബുക്കിംഗ് കേന്ദ്രങ്ങളിലും ലഹരി മരുന്ന് പരിശോധന നടത്തുമെന്നും മന്ത്രി കൂട്ടിച്ചേർത്തു.
Read Moreജർമൻ യുവതിയുടെ തിരോധാനം; ഒപ്പമെത്തിയ ബ്രിട്ടിഷ് പൗരൻ നാട്ടിലേക്ക് തിരികെപ്പോയതായി കണ്ടെത്തൽ; ഇന്റർപോളിന്റെ സഹായം തേടി പോലീസ്
തിരുവനന്തപുരം: കേരളത്തിലെത്തിയ ജർമൻ യുവതിയുടെ തിരോധാനത്തിൽ ഇന്റർപോളിന്റെ സഹായം തേടി പോലീസ്. ലിസയുടെ അമ്മയുമായി പോലീസ് വീഡിയോ കോണ്ഫറൻസിംഗ് നടത്തും. മാർച്ചിൽ കേരളത്തിലെത്തിയ ലിസ വെയ്സ് എന്ന യുവതിയെയാണ് കാണാതായിരിക്കുന്നത്. വിനോദസഞ്ചാര കേന്ദ്രങ്ങളിലും ഹോട്ടലുകളിലും പ്രത്യേക സംഘം പരിശോധന നടത്തും. മാർച്ചിൽ കേരളത്തിലെത്തിയ ലിസ വെയ്സിനെ സംബന്ധിച്ച് മാതാവ് ജർമൻ കോണ്സുലേറ്റിൽ പരാതി നൽകിയിരുന്നു മാർച്ച് അഞ്ചിനു ജർമനിയിൽനിന്നു പുറപ്പെട്ട ലിസ മാർച്ച് ഏഴിന് തിരുവനന്തപുരം വിമാനത്താവളത്തിൽ എത്തിയതായി അന്വേഷണത്തിൽ കണ്ടെത്തിയിരുന്നു. പിന്നീട് എവിടെയെന്നു വിവരമില്ല. ബ്രിട്ടീഷ് പൗരനായ മുഹമ്മദ് അലി എന്നൊരാൾ കേരളത്തിൽ എത്തുന്പോൾ ലിസയ്ക്ക് ഒപ്പമുണ്ടായിരുന്നതായി ലിവരം ലഭിച്ചു. എന്നാൽ ഇയാൾ മാർച്ച് 15-ന് തിരികെപോയതായും അന്വേഷണത്തിൽ വ്യക്തമായി.
Read Moreപണിപാളിയെന്നാ തോന്നുന്നേ..! സമരം പിൻവലിച്ച് അന്തർ സംസ്ഥാന ബസുടമകൾ തലയൂരി
തിരുവനന്തപുരം: അന്തർസംസ്ഥാന സ്വകാര്യ ബസുടമകൾ നടത്തിവന്നിരുന്ന സമരം പിൻവലിച്ചു. ഗതാഗത സെക്രട്ടറിയുമായി നടത്തിയ ചർച്ചയെ തുടർന്നാണ് സമരം പിൻവലിച്ച് ബസുടമകൾ മുഖം രക്ഷിച്ചത്. ചർച്ചയ്ക്ക് സർക്കാർ താത്പര്യം കാണിക്കാതിരുന്നതോടെ സമരം പ്രഖ്യാപിച്ച ബസുടമകൾ വെട്ടിലായിരുന്നു. സമരം പ്രഖ്യാപിച്ചതിന് പിന്നാലെ ഗതാഗതമന്ത്രി എ.കെ.ശശീന്ദ്രൻ ബസുടമകളുമായി ചർച്ച നടത്തിയെങ്കിലും വിജയിച്ചിരുന്നില്ല. ഇതിന് പിന്നാലെ മന്ത്രി ചിക്കൻ പോക്സ് പിടിപെട്ട് കിടപ്പിലാകുകയും ചെയ്തു. പിന്നീട് ചർച്ചകൾക്കുള്ള സാഹചര്യമില്ലാതായതോടെ എങ്ങനെയും സമരം പിൻവലിച്ച് തലയൂരാനായിരുന്നു ബസുടമകളുടെ ശ്രമം. ഇതിനിടെയാണ് ഗതാഗത സെക്രട്ടറിയുമായി ചർച്ചയ്ക്ക് അവസരം ലഭിച്ചതും സമരം പിൻവലിച്ചതും. കല്ലട ബസിൽ യാത്രക്കാരെ മർദ്ദിച്ച സംഭവത്തിന് പിന്നാലെ ഗതാഗതവകുപ്പ് ഓപ്പറേഷൻ നൈറ്റ് റൈഡേഴ്സ് എന്ന പേരിൽ പരിശോധന കർശനമാക്കിയിരുന്നു. ഇതോടെ അന്തർ സംസ്ഥാന ബസുകൾ നിരവധി നിയമ ലംഘനങ്ങൾ നടത്തുവെന്ന് കണ്ടെത്തി പിഴ ചുമത്തുകയും ചെയ്തു. ഉദ്യോഗസ്ഥർ പരിശോധന നടത്തി അനധികൃതമായി പിഴ…
Read Moreശ്യാമള തെറ്റു ചെയ്തിട്ടില്ല, ഒറ്റപ്പെട്ട സംഭവങ്ങളെ പർവതീകരിക്കരുത് ; അന്വേഷണ റിപ്പോർട്ടെത്തുമ്പോൾ പ്രതിപക്ഷത്തിനു തിരുത്തേണ്ടി വരുമെന്ന് ഇ.പി.ജയരാജൻ
തിരുവനന്തപുരം: പ്രവാസി വ്യവസായിയുടെ ആത്മഹത്യയിൽ ആന്തൂർ നഗരസഭാ അധ്യക്ഷ പി.കെ.ശ്യാമള ഒരു തെറ്റും ചെയ്തിട്ടില്ലെന്നു മന്ത്രി ഇ.പി.ജയരാജൻ. നിയമസഭയിൽ ചോദ്യോത്തര വേളയിൽ അംഗങ്ങളുടെ ചോദ്യങ്ങൾക്ക് മറുപടി പറയുകയായിരുന്നു മന്ത്രി. ഒറ്റപ്പെട്ട സംഭവങ്ങളെ പർവതീകരിക്കുന്നത് സംസ്ഥാനത്തെ നിക്ഷേപത്തെ ബാധിക്കും. ആന്തൂർ വിഷയത്തിൽ സർക്കാരിന് ഒരു തെറ്റും സംഭവിച്ചിട്ടില്ല. പ്രവാസി വ്യവസായിയുടെ ആത്മഹത്യയിൽ ആരേയും കുറ്റവാളിയായി കാണാനാവില്ലെന്നു മന്ത്രി പറഞ്ഞു. പരിശോധനയും അന്വേഷണവും നടത്തിയാണ് കുറ്റവാളിയെ കണ്ടെത്തേണ്ടതെന്നും പൂർണമായ അന്വേഷണ റിപ്പോർട്ട് വന്നുകഴിഞ്ഞാൽ പറഞ്ഞതെല്ലാം പ്രതിപക്ഷത്തിനു തിരുത്തേണ്ടി വരുമെന്നും മന്ത്രി പറഞ്ഞു.
Read More