തിരുവനന്തപുരം: നെയ്യാറ്റിൻകരയിൽ ജപ്തി ഭീഷണിയേത്തുടർന്ന് അമ്മയും മകളും തീ കൊളുത്തിയത് 15 വർഷം മുന്പ് എടുത്ത വായ്പയുടെ പേരിൽ. വീട് വയ്ക്കാൻ അഞ്ചു ലക്ഷം രൂപയാണ് ലേഖയുടെ ഭർത്താവ് ചന്ദ്രൻ നെയ്യാറ്റിൻകരയിലെ കാനറാ ബാങ്കിൽനിന്ന് വായ്പ എടുത്തത്. ഇതുവരെ എട്ടു ലക്ഷം രൂപ തിരിച്ചടച്ചു. 2010-ലാണ് തിരിച്ചടവ് മുടങ്ങിയത്. വീട് വിൽപ്പന നടത്തി കടം വീട്ടാൻ ശ്രമം നടത്തിയെങ്കിലും വിജയിച്ചില്ല. ഇനിയും നാലു ലക്ഷം രൂപ കൂടി അടയ്ക്കാനുണ്ടെന്നാണ് ബാങ്ക് ഉദ്യോഗസ്ഥർ പറയുന്നത്. തിരിച്ചടക്കേണ്ട കാലാവധി കഴിഞ്ഞതോടെ ബാങ്ക് ജപ്തി നോട്ടീസ് അയയ്ക്കുയായിരുന്നു. ബാങ്ക് തിരുവനന്തപുരം സിജഐം കോടതിയിൽ കേസ് നൽകിയതിന്റെ അടിസ്ഥാനത്തിൽ അഭിഭാഷക കമ്മിഷനും പോലീസും കഴിഞ്ഞ ദിവസം ജപ്തി നടപടികൾക്കായി വീട്ടിലെത്തിയിരുന്നു. നാലു ദിവസത്തിനകം 6.80 ലക്ഷം രൂപ നൽകാമെന്നും അല്ലെങ്കിൽ ജപ്തി നടപടികളുമായി മുന്നോട്ടുപോകാമെന്നും കുടുംബം എഴുതി നൽകുകയും ചെയ്തു. വീടും സ്ഥലവും…
Read MoreCategory: TVM
നെയ്യാറ്റിൻകരയിൽ ജപ്തി ഭീതിയെത്തുടർന്ന് ആത്മഹത്യാശ്രമം; പത്തൊമ്പതുകാരിയായ മകൾ മരിച്ചു; ഗുരുതരമായി പൊള്ളലേറ്റ മാതാവ് ഗുരുതരവാസ്ഥയിൽ ആശുപത്രിയിൽ
തിരുവനന്തപുരം: നെയ്യാറ്റിൻകരയിൽ ജപ്തി ഭീഷണിയേത്തുടർന്ന് ആത്മഹത്യ. മാരായമുട്ടത്ത് അമ്മയും മകളുമാണ് തീകൊളുത്തി ആത്മഹത്യയ്ക്ക് ശ്രമിച്ചത്. മകൾ വൈഷ്ണവി (19) സംഭവസ്ഥലത്തുവച്ചു തന്നെ മരിച്ചു. അമ്മ ലേഖയെ ഗുരുതര പൊള്ളലുകളോടെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇവരുടെ ശരീരത്തിൽ 90 ശതമാനം പൊള്ളലേറ്റിട്ടുണ്ടെന്നാണ് വിവരം. നെയ്യാറ്റിൻകരയിലെ കാനറാ ബാങ്കിൽ നിന്ന് ഇവർ അഞ്ച് ലക്ഷം രൂപ വായ്പയെടുത്തിരുന്നു. ഇത് പലിശ സഹിതം തിരിച്ചടക്കേണ്ടത് 6,80,000 രൂപയായിരുന്നു. തിരിച്ചടക്കേണ്ട കാലാവധി കഴിഞ്ഞതോടെ ബാങ്ക് ജപ്തി നോട്ടീസ് അയച്ചു. വീടും സ്ഥലവും സമ്പാദ്യവും നഷ്ടപ്പടെും എന്ന ഭീതിയിൽ മനംനൊന്താണ് ആത്മഹത്യാശ്രമമെന്നാണ് പ്രാഥമിക നിഗമനം. എന്നാൽ തങ്ങൾ ഈ വിഷയത്തിൽ ലേഖയുടെ കുടുംബത്തിനുമേൽ സമ്മർദം ചെലുത്തിയിരുന്നില്ലെന്ന് ബാങ്ക് അധികൃതർ വ്യക്തമാക്കി.
Read Moreകാണാതായ കുട്ടിയുടെ മൃതദേഹം അയൽവീട്ടിലെ കിണറ്റിൽ ; പ്രത്യേക സ്കൂളിൽ പഠിക്കുന്ന അസ്വാദ് അവധിക്ക് വീട്ടിലെത്തിയതായിരുന്നു
നേമം: കാണാതായ കുട്ടിയുടെ മൃതദേഹം അയൽ വീട്ടിലെ കിണറ്റിൽ കണ്ടെത്തി. പൊന്നു മംഗലം മേലേ ചരുവിളാകത്ത് വീട്ടിൽ സീതിയുടെയും തനൂജയുടെയും മകൻ അസ്വാദ്(8) നെയാണ് അയൽവീട്ടിലെ കിണറ്റിൽ മരിച്ച നിലയിൽ കണ്ടെത്തിയത്. ഓട്ടിസം ബാധിച്ച അസ്വാദ് പ്രത്യേക സ്കൂളിൽ നിന്നാണ് പഠിക്കുന്നത്. അവധിക്ക് വീട്ടിലെത്തിയതായിരുന്നു. തിങ്കളാഴ്ച വൈകീട്ടാണ് കുട്ടിയെ വീട്ടിൽ നിന്നും കാണാതായത്. അപ്പോൾ തന്നെ വീട്ടുകാർ നേമം പോലീസിൽ പരാതി നൽകി. പിന്നീട് തിരച്ചലിനിടെ രാത്രി പതിനൊന്നു മണിയോടു കൂടി അസ്വാദിന്റെ മൃതദേഹം കിണറ്റിൽ കണ്ടെത്തിയത്. അഗ്നി രക്ഷാ സേനയാണ് കിണറ്റിൽ നിന്നും മൃതദേഹം പുറത്തെടുത്തത് .
Read Moreകോണ്ഗ്രസ് നേതൃയോഗവും രാഷ്ട്രീയകാര്യ സമിതിയും ഇന്ന്; മത്സരിച്ച മണ്ഡലങ്ങളിലെ ജയപരാജയ സാധ്യതകൾ വിലയിരുത്തും
സ്വന്തം ലേഖകൻ തിരുവനന്തപുരം: കോണ്ഗ്രസ് നേതൃയോഗവും രാഷ്ട്രീയകാര്യ സമിതിയും ഇന്ന് ചേരും. കെ.പി.സി.സി ആസ്ഥാനമായ ഇന്ദിരാ ഭവനിലാണ് യോഗം. വോട്ടെണ്ണലിനു മുന്പ് തെരഞ്ഞെടുപ്പ് വിലയിരുത്താനാണ് യോഗം. കെപിസിസി ഭാരവാഹികള് , ഡിസിസി അധ്യക്ഷന്മാർ, സ്ഥാനാര്ഥികൾ തുടങ്ങിയവർ നേതൃയോഗത്തിൽ പങ്കെടുക്കും. കോണ്ഗ്രസ് മത്സരിച്ച മണ്ഡലങ്ങളിലെ ജയ പരാജയ സാധ്യതകള് യോഗം വിലയിരുത്തും. മത്സരിച്ച സീറ്റുകളില് പാലക്കാട് ഒഴികെ മറ്റെല്ലാ സീറ്റുകളിലും വിജയ പ്രതീക്ഷയിലാണ് കോണ്ഗ്രസ്. തെരഞ്ഞെടുപ്പ് പ്രചാരണവുമായി ബന്ധപ്പെട്ട് നേരത്തെ ഉയര്ന്ന പരാതികളും യോഗം പരിശോധിക്കും. തിരുവനന്തപുരം, പാലക്കാട്, കോഴിക്കോട്, വടകര എന്നിവിടങ്ങളില് പ്രചാരണ രംഗത്ത് പലരും സജീവമായിരുന്നില്ലെന്ന പരാതി തെരഞ്ഞെടുപ്പ് സമയത്ത് ഉയര്ന്നിരുന്നു. പാലക്കാട് സ്ഥാനാര്ഥിക്കെതിരേയും പരാതി ഉയർന്നിരുന്നു. തെരഞ്ഞെടുപ്പ് ഫണ്ട് മോഷണം പോയെന്ന കാസർഗോഡ് മണ്ഡലത്തിലെ സ്ഥാനാർഥിയായ രാജ്മോഹൻ ഉണ്ണിത്താന്റെ പ്രസ്താവന യോഗത്തിൽ ചർച്ചയാകും. കള്ളവോട്ട്, പോസ്റ്റല് ബാലറ്റിലെ ക്രമക്കേടുകള് എന്നിവയും ചർച്ചയ്ക്കെടുക്കും. വോട്ടര് പട്ടികയില്…
Read Moreശാന്തിവനം നശിപ്പിക്കരുത്, പുനർനിർമിക്കാൻ കഴിയില്ല; മുഖ്യമന്ത്രിക്ക് സുധീരന്റെ കത്ത്
തിരുവനന്തപുരം: പറവൂരിലെ ശാന്തിവനത്തിൽ കെഎസ്ഇബി നടത്തി വരുന്ന നിർമാണ പ്രവർത്തനങ്ങൾ നിർത്തിവയ്ക്കാൻ അടിയന്തര നിർദേശം നൽകണമെന്ന് ആവശ്യപ്പെട്ട് കോണ്ഗ്രസ് നേതാവ് വി.എം. സുധീരൻ മുഖ്യമന്ത്രി പിണറായി വിജയന് കത്തെഴുതി. മുഖ്യമന്ത്രി നേരിട്ടു സ്ഥലം സന്ദർശിക്കണം. ബന്ധപ്പെട്ട ജനപ്രതിനിധികളും മറ്റുള്ളവരുമായും ചർച്ച നടത്തി പൊതുസ്വീകാര്യതയുടെ അടിസ്ഥാനത്തിൽ ബദൽ മാർഗങ്ങൾ കണ്ടെത്തണം. ശാന്തിവനത്തെ നശിപ്പിക്കാതെ നിർദ്ദിഷ്ട വൈദ്യുതി പദ്ധതി മുന്നോട്ടു കൊണ്ടുപോകുന്നതായിരിക്കും ഉചിതം. അമൂല്യമായ ശാന്തിവനം നശിപ്പിക്കപ്പെട്ടാൽ ഇതുപോലൊന്നു പുനർസൃഷ്ടിക്കാൻ ആർക്കുമാകില്ല. അതുകൊണ്ട് യാഥാർഥ്യബോധത്തോടെ രമ്യമായ പരിഹാരമുണ്ടാക്കി ശാന്തിവനത്തെ രക്ഷിക്കുന്നതിന് മുഖ്യമന്ത്രിയുടെ ഇടപെടൽ ഉണ്ടാകണമെന്ന് സുധീരൻ അഭ്യർഥിച്ചു. ടവർ നിർമിക്കാൻ ഒരു സെന്റിൽ താഴെ സ്ഥലം മാത്രം മതിയെന്ന് പറഞ്ഞിരുന്ന കഐസ്ഇബി ശാന്തിവനത്തിന്റെ അകത്തുകയറി 50 സെന്റ് അടിക്കാടും മരങ്ങളും ഉൾപ്പെടെയുള്ള സ്വാഭാവിക വനം വെട്ടി നശിപ്പിച്ചെന്നും പൈലിംഗ് നടത്തിയപ്പോൾ ഉണ്ടായ ചെളി പൂർണമായും കാടിന്റെ മറ്റു ഭാഗങ്ങളിലേക്ക് ഒഴുക്കയെന്നും…
Read Moreമോദി പിണറായി വിരുദ്ധ വികാരം യുഡിഎഫിന് 20 സീറ്റും ജയിക്കാനാകുന്ന സാഹചര്യം ഉണ്ടാക്കിയെന്ന് ചെന്നിത്തല
തിരുവനന്തപുരം: ലോക്സഭാ തെരഞ്ഞെടുപ്പിൽ കേരളത്തിൽ യുഡിഎഫിന് 20 സീറ്റും ജയിക്കാനാകുന്ന സാഹചര്യമുണ്ടായെന്ന് പ്രതിപക്ഷ നേതാവ് രമേശ് ചെന്നിത്തല. മോദി പിണറായി വിരുദ്ധ വികാരം ഇതിനു സഹായകരമായെന്നും യുഡിഎഫ് യോഗത്തിനുശേഷം മാധ്യമങ്ങളോട് അദ്ദേഹം പറഞ്ഞു. കോണ്ഗ്രസ് അധ്യക്ഷൻ രാഹുൽ ഗാന്ധിയുടെ സ്ഥാനാർഥിത്വം കേരളത്തിൽ തരംഗം ഉണ്ടാക്കിയെന്നും ചെന്നിത്തല കൂട്ടിച്ചേർത്തു. മുഖ്യമന്ത്രിയുടെ വിദേശയാത്രക്കെതിരേയും ചെന്നിത്തല വിമർശനം നടത്തി. വിദേശത്ത് പോയിട്ട് കേരളത്തിനായി എന്ത് സഹായം കിട്ടിയെന്ന് മുഖ്യമന്ത്രി വ്യക്തമാക്കണമെന്ന് അദ്ദേഹം ആവശ്യപ്പെട്ടു.
Read Moreഎട്ടുകോടി രൂപ വിലവരുന്ന 25 കിലോ സ്വർണവുമായി യുവാവ് തിരുവനന്തപുരം വിമാനത്താവളത്തിൽ പിടിയിൽ
തിരുവനന്തപുരം: തിരുവനന്തപുരം വിമാനത്താവളത്തിൽ വൻ സ്വർണവേട്ട. ഡിആർഐ സംഘം നടത്തിയ പരിശോധനയിൽ 25 കിലോ സ്വർണം പിടിച്ചെടുത്തു. രണ്ട് യാത്രക്കാരെ ഡിആർഐയും കസ്റ്റംസ് അധികൃതരും കസ്റ്റഡിയിലെടുത്തു. ഇവരെ വിശദമായി ചോദ്യം ചെയ്ത് വരികയാണ്. ഇന്ന് പുലർച്ചെ ഒമാനിൽ നിന്നും തിരുവനന്തപുരത്തെത്തിയ വിമാനത്തിലൂടെയാണ് സ്വർണം തിരുവനന്തപുരത്തെത്തിച്ചത്. പിടിയിലായ തിരുമല സ്വദേശി സുനിലിനെയും മറ്റൊരു യാത്രക്കാരനെയും കസ്റ്റംസ് അധികൃതർ വിശദമായി ചോദ്യം ചെയ്ത് വരികയാണ്. വിപണിയിൽ എട്ട് കോടിയിൽപരം രൂപ വിലപിടിപ്പുവരുന്ന സ്വർണമാണ് പിടിച്ചെടുത്തത്. കൂടുതൽ വിവരങ്ങൾ ഡിആർഐ അധികൃതർ പുറത്ത് വിട്ടിട്ടില്ല. ഈ അടുത്ത കാലത്ത് തിരുവനന്തപുരം വിമാനത്താവളത്തിൽ പിടികൂടുന്ന ഏറ്റവും വലിയ സ്വർണവേട്ടയാണ് ഇന്ന് നടന്നത്. നേരത്തെ സ്വർണം പിടികൂടിയപ്പോൾ വിമാനത്താവളത്തിലെ ജീവനക്കാർക്ക് പങ്കുണ്ടെന്ന് തെളിയുകയും ഒരു ജീവനക്കാരനെതിരേ കേസെടുക്കുകയും അറസ്റ്റ് ചെയ്യുകയുമുണ്ടായിരുന്നു.
Read Moreവാക്കുതർക്കത്തിനിടെ അയൽവാസി ഗൃഹനാഥനെ കുത്തിക്കൊന്നു; തടസം പിടിക്കാനെത്തിയ ഭാര്യയെ കുത്തിപരിക്കേൽപ്പിച്ചു; കടയ്ക്കലിൽ നടന്നത് ഞെട്ടിപ്പിക്കുന്ന കൊലപാതകം
കടയ്ക്കൽ: വാക്കുതർക്കത്തെ തുടർന്ന് ഗൃഹനാഥൻ കുത്തേറ്റ് മരിച്ച സംഭവത്തിൽ ഒരാൾ പിടിയിൽ. കുതിരപ്പാലം കിഴക്കേ പൊന്നം കോട്ടുവീട്ടിൽ പരേതനായ കോലപ്പൻ പിള്ളയുടെ മകൻ രാധാകൃഷ്ണപിള്ള (കമലൻ – 54) കുത്തേറ്റു മരിച്ച സംഭവത്തിലാണ് അയൽവാസിയായ കടയ്ക്കൽ വെളുന്തറ മഞ്ജുവിലാസത്തിൽ ശശി (60) പിടിയിലായത്. ഇയാളുടെ മകൻ ഉണ്ണി ഒളിവിലാണ്. ഇന്നലെ രാത്രി ഏഴിന് വീടിനു സമീപത്ത് വച്ചായിരുന്നു സംഭവം. രാധാകൃഷ്ണപിള്ള ലോഡിംഗ് തൊഴിലാളിയാണ്. ഇന്നലെ കാട്ടാമ്പള്ളി ശിശുമന്ദിരത്തിനടുത്ത് ലോഡിംഗിനിടയിൽ ചിലരുമായി വാക്ക് തർക്കമുണ്ടായതായി പറയപ്പെടുന്നു. സന്ധ്യയ്ക്ക് വീട്ടിലെത്തിയ ശേഷം വീണ്ടും പുറത്തേക്ക് പോയി. വീടിന് സമീപം ശശിയും മകനുമായി വാക്കുതർക്കമുണ്ടാവുകയും കുത്തേൽക്കുകയുമായിരുന്നുവെന്ന് പോലീസ് പറഞ്ഞു. ബഹളത്തിനിടയിൽ തടസം പിടിക്കാനെത്തിയ ഭാര്യ പുഷ്പ(45) യ്ക്ക് കൈയിൽ കുത്തേറ്റു. വയറിൽ കുത്തേറ്റ രാധാകൃഷ്ണപിള്ളയെ കടയ്ക്കൽ താലൂക്ക് ആശുപത്രിയിലെത്തിലെത്തിച്ചെങ്കിലും രക്ഷിക്കാനായില്ല. വാഹനം ലഭിക്കാത്തതിനാൽ ഏറെ വൈകിയാണ് ഇയാളെ ആശുപത്രിയിലെത്തിച്ചതെന്ന് പറയപ്പെടുന്നു. മൃതദേഹം…
Read Moreജോലി ഇപ്പം ശരിയാക്കാം..! ശിവകുമാറിന്റെ പിഎയുടെ മകൾ ലക്ഷങ്ങൾ തട്ടിയെടുത്ത് മുങ്ങിയതായി പരാതി
തിരുവനന്തപുരം: കോൺഗ്രസ് നേതാവും എംഎൽഎയുമായ വി.എസ് ശിവകുമാറിന്റെ പഴ്സണൽ സ്റ്റാഫിന്റെ മകൾക്കെതിരെ സാമ്പത്തിക തട്ടിപ്പിനു കേസ്. ശിവകുമാറിന്റെ പഴ്സണൽ സ്റ്റാഫിന്റെ മകൾ ശാസ്തമംഗലം സ്വദേശി ഇന്ദുജ വി. നായർ ലക്ഷങ്ങൾ തട്ടിയെടുത്ത് മുങ്ങിയതായാണ് പരാതി. ആധാർ രജിസ്ട്രേഷൻ ഓഫീസിൽ ജോലിവാഗ്ദാനം ചെയ്താണ് പണം തട്ടിയത്. ഇന്ദുജയെ കാണാനില്ലെന്ന പരാതിയിലും മ്യൂസിയം പോലീസ് കേസെടുത്തു.
Read Moreനിങ്ങളുടെ നഗ്നഫോട്ടോ ഞങ്ങളുടെ കൈയിലുണ്ട്; ഇന്റർനെറ്റിൽ പ്രചരിക്കാതിരിക്കാൻ പത്തുലക്ഷം തരണം; സൈബർസെൽ പോലീസ് ചമഞ്ഞ് പത്തുലക്ഷം തട്ടിയ കേസിലെ മുഖ്യപ്രതി അറസ്റ്റിൽ
പാലോട് : സൈബർ സെൽ പോലീസ് ചമഞ്ഞ് വീട്ടമ്മയെ ഭീഷണിപ്പെടുത്തി പത്തു ലക്ഷം രൂപ തട്ടിയെടുത്ത കേസിലെ മുഖ്യപ്രതി അറസ്റ്റിൽ. പാലോട് സ്വദേശിയായ വീട്ടമ്മയിൽ നിന്ന് പണം തട്ടിയ കേസിൽ മടത്തറ ഇലവു പാലം തേരിയിൽ ബർക്കത്ത് മൻസിലിൽ അബുൽഷിബു (44) ആണ് തിരുവനന്തപുരം എയർപോർട്ടിൽ നിന്നും പിടിയിലായത്. പ്രതി ഇന്റർനെറ്റ് കോൾ മുഖാന്തരം സൈബർ സെൽ പോലീസ് ഉദ്യോഗസ്ഥനാണെന്ന് പരിചയപ്പെടുത്തിയ ശേഷം ഒന്നര വർഷം മുന്പാണ് തട്ടിപ്പ് നടത്തിയത്. വീട്ടമ്മയുടേയും മക്കളുടേയും കുടുംബ കാര്യങ്ങളെല്ലാം വിശദമായി സംസാരിച്ച് വിശ്വസിപ്പിച്ചശേഷം ചില ഫോട്ടോകളും വീഡിയോകളും സൈബർ സെല്ലിന് ലഭിച്ചിട്ടുണ്ടെന്നും അത് ഇന്റർനെറ്റിൽ നിന്ന് നീക്കം ചെയ്യുന്നതിനുവേണ്ടി അതേ രീതിയിലുള്ള ദൃശ്യങ്ങൾ വേണം എന്ന് ധരിപ്പിച്ച് വീട്ടമ്മയുടെ നഗ്ന ഫോട്ടോകളും വീഡിയോകളും കൈക്കലാക്കിയശേഷം സർക്കാരിൽ പത്ത് ലക്ഷം രൂപ കെട്ടി വയ്ക്കണമെന്നും പറഞ്ഞ് പ്രതി നിരന്തരം ഭീഷണിപ്പെടുത്തിയിരുന്നു. തുടർന്ന്…
Read More