തിരുവനന്തപുരം: ഭാര്യയോടൊപ്പം നടന്ന് പോകുകയായിരുന്ന യുവാവിനെ കുത്തി പരിക്കേൽപ്പിച്ച രണ്ടംഗ സംഘത്തെ ശംഖുംമുഖം അസിസ്റ്റന്റ് കമ്മീഷണറുടെ നേതൃത്വത്തിലുള്ള പോലീസ് സംഘം അറസ്റ്റു ചെയ്തു. വലിയതുറ സ്വദേശികളായ ആദർശ്, നവീൻ എന്നിവരെയാണ് അറസ്റ്റു ചെയ്തത്. വലിയതുറ സ്വദേശി ഗിൽബർട്ട് ലോറൻസിനെയാണ് അക്രമിസംഘം കുത്തിപ്പരിക്കേൽപ്പിച്ചത്. രണ്ടു ദിവസം മുന്പ് ശംഖുമുഖം അർച്ചന ആശുപത്രിക്ക് സമീപമായിരുന്നു സംഭവം. ഗിൽബർട്ടും ഭാര്യയും കൂടി നടന്ന് പോകവെയാണ് ആക്രമണം ഉണ്ടായത്. ഗിൽബർട്ടിന്റെ ദേഹത്ത് ബൈക്ക് ഇടിപ്പിച്ച ശേഷം കുത്തിപ്പരിക്കേൽപ്പിക്കുകയായിരുന്നുവെന്നാണ് ഭാര്യ പോലീസിൽ നൽകിയ മൊഴി. ഇടത് നെഞ്ചിലും മുതുകിലും പരിക്കേറ്റ ഗിൽബർട്ട് ഇപ്പോഴും ആശുപത്രിയിൽ ചികിത്സയിലാണ്. ഗിൽബർട്ടിന്റെ ശരീരത്തിൽ ബൈക്ക് തട്ടിയതുമായി ബന്ധപ്പെട്ട് ഉണ്ടായ വാക്ക് തർക്കമാണ് കത്തികുത്തിൽ കലാശിച്ചതെന്ന് പോലീസ് പറഞ്ഞു.
Read MoreCategory: TVM
ഒന്നായാൽ ഒന്നിച്ച്..! ഒന്നുമുതൽ 12 വരെ ക്ലാസുകളിൽ ജൂൺ മൂന്നിന് അധ്യയനം ആരംഭിക്കും
തിരുവനന്തപുരം: സംസ്ഥാനത്ത് പ്ലസ് വൺ ക്ലാസ് ജൂൺ മൂന്നിന് ആരംഭിക്കും. ഇതോടെ ഒന്നുമുതൽ 12 വരെ ക്ലാസുകളിൽ ഒരുമിച്ച് ഇത്തവണ അധ്യയനം ആരംഭിക്കും. ചരിത്രത്തിൽ ആദ്യമായാണ് ഒന്നുമുതൽ 12 വരെ ക്ലാസുകളിൽ ഒരുമിച്ച് അധ്യയനം ആരംഭിക്കുന്നത്. പ്ലസ് വൺ പ്രവേശനത്തിന് വെള്ളിയാഴ്ച മുതൽ അപേക്ഷ നൽകാം. ട്രയൽ അലോട്ട്മെന്റ് 20 ന് ആരംഭിക്കും. ആദ്യ അലോട്ട്മെന്റ് 24 ന് നടക്കും. ജൂൺ മൂന്നാം തീയതി ക്ലാസുകൾ ആരംഭിക്കാനാകുമെന്നും പൊതുവിദ്യാഭ്യാസ സെക്രട്ടറി വാർത്താ സമ്മേളനത്തിൽ അറിയിച്ചു.
Read Moreആവേശമല്ല സുരക്ഷയാണ് പ്രധാനം; തെച്ചിക്കോട്ട്കാവ് രാമചന്ദ്രനെ എഴുന്നള്ളിക്കാനാവില്ലെന്ന് മന്ത്രി
തിരുവനന്തപുരം: ശാരീരികാവശതകള് രൂക്ഷമായ തെച്ചിക്കോട്ട്കാവ് രാമചന്ദ്രൻ എന്ന ആനയെ തൃശൂർ പൂരത്തിന് എഴുന്നള്ളിക്കുന്നത് അഭികാമ്യമല്ലെന്ന് വനംമന്ത്രി കെ. രാജു. കേവലം ആവേശ പ്രകടനങ്ങൾക്കല്ല ജനങ്ങളുടെ സുരക്ഷയ്ക്കാണ് സർക്കാർ മുൻഗണന നൽകുന്നതെന്നും മന്ത്രി പറഞ്ഞു. അക്രമ സ്വഭാവമുള്ള ആനയെ തലയെടുപ്പിന്റെ മികവു കൊണ്ട് മാത്രം തൃശൂർ പൂരത്തിന് എഴുന്നെള്ളിച്ചാൽ ഉണ്ടാകാവുന്ന ബുദ്ധിമുട്ട് വളരെ വലുതായിരിക്കും. ആനയുടെ ഒരു ചെറിയ പിണക്കമോ പ്രതികരണമോ പോലും വലിയ ദുരന്തമായി മാറാൻ സാദ്ധ്യതയുണ്ട്. അപകടകാരികളായ ഇത്തരം ആനകളെ ജനങ്ങളുടെ ഇടയിലേക്ക് എഴുന്നെള്ളിച്ചു കൊണ്ടു വരുന്നത് സൃഷ്ടിക്കാവുന്ന ദുരന്തം പറഞ്ഞറിയിക്കാൻ കഴിയാത്തതാണെന്നും മന്ത്രി ഫേസ്ബുക്ക് കുറിപ്പിൽ പറഞ്ഞു. 2009 മുതലുള്ള കണക്കുകൾ മാത്രം പരിശോധിച്ചാൽ തെച്ചിക്കോട്ട്കാവ് രാമചന്ദ്രൻ ഏഴു പേരെ കൊലപ്പെടുത്തിയിട്ടുണ്ട്. അത് കൂടാതെ തിരുവമ്പാടി ചന്ദ്രശേഖരൻ, കൂനത്തൂർ കേശവൻ എന്നീ നാട്ടാനകളെ കുത്തി കൊലപ്പെടുത്തിയിട്ടുമുണ്ട്. ഏറ്റവുമൊടുവിലായി ഫെബ്രുവരിയിൽ രണ്ട് ആളുകളെ കൊലപ്പെടുത്തിയതിനെ തുടർന്നാണ്…
Read Moreവനിതാ ഐപിഎസ് ട്രെയിനിയെ ആക്രമിച്ച് മാലപിടിച്ചുപറിക്കാൻ ശ്രമിച്ച കേസ്; പൂന്തുറ സ്വനദേശി സലിം പോലീസ് പിടിയിൽ
തിരുവനന്തപുരം: വനിതാ ഐപിഎസ് ട്രെയിനിയെ ആക്രമിച്ച് മാലപിടിച്ചുപറിക്കാൻ ശ്രമിച്ച കേസിൽ ഒളിവിലായിരുന്ന പ്രതിയെ തിരുവല്ലം പോലീസ് പിടികൂടി. പൂന്തുറ മാണിക്കവിളാകം സ്വദേശി സലിം (25) ആണ് പിടിയിലായത്. ഇയാൾ കാറ്ററിംഗ് ജീവനക്കാരനാണ്. ഇക്കഴിഞ്ഞ ശനിയാഴ്ച കോവളം പാച്ചല്ലൂർ കൊല്ലന്തറ സർവീസ് റോഡിൽ വച്ചാണ് പ്രഭാത സവാരിക്കിറങ്ങിയ ഉദ്യോഗസ്ഥയുടെ മാല പൊട്ടിക്കാനുള്ള ശ്രമം നടന്നത്. ബൈപ്പാസിന്റെ വശത്തുളള സർവീസ് റോഡിലൂടെ നടക്കുകയായിരുന്ന വനിതാ ഓഫീസറെ ബൈക്കിൽ പിന്തുടർന്നെത്തിയ യുവാവ് സമീപമെത്തി ബൈക്കിന്റെ വേഗത കുറച്ചശേഷം മാലപൊട്ടിക്കാൻ ശ്രമിച്ചു. തുടർന്ന് ഐപിഎസ് ഉദ്യോഗസ്ഥ ബൈക്കിന്റെ പിന്നാലെ ഓടിയെങ്കിലും യുവാവ് രക്ഷപ്പെടുകയായിരുന്നു. സിസിടിവി ദൃശ്യങ്ങൾ പരിശോധിച്ച് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞ് പിടികൂടാൻ സാധിച്ചത്. സിറ്റി പോലീസ് കമ്മീഷണർ സഞ്ജയ് കുമാർ ഗരുഡിന്റെ നിർദേശാനുസരണം ഫോർട്ട് അസിസ്റ്റന്റ് കമ്മീഷണർ ആർ.പ്രതാപൻ നായർ, ഷാഡോ പോലീസ്, തിരുവല്ലം പോലീസ് എന്നിവരുടെ നേതൃത്വത്തിലുള്ള പോലീസ്…
Read Moreനിറുത്തിയിട്ടിരുന്ന ലോറിയില് ടിപ്പറിടിച്ച് ഡ്രൈവര്ക്ക് ദാരുണാന്ത്യം; രാത്രിയിൽ മണ്ണ് കടത്തുന്നതിനിടെ ഉറങ്ങിപ്പോയതാവാം അപകടത്തിന് കാരണമെന്ന് പോലീസ്
വെള്ളറട:നിർത്തിയിട്ടിരുന്ന ലോറിക്കു പിന്നിൽ റിപ്പറിടിച്ചു ഡ്രൈവർ മരിച്ചു. മണ്ണ് കടത്തുന്നതിനിടെ ഡ്രൈവര് ഉറങ്ങിയതിനെത്തുടർന്ന് റോഡരികില് നിറുത്തിയിരുന്ന ലോറിക്ക് പിന്നിലിടിക്കുകയായിരുന്നുവെന്നു പേലീസ് പറഞ്ഞു. പുലര്ച്ചെ രണ്ടു മണിയോടെയായിരുന്നുസംഭവം. വെള്ളറട നെല്ലിശേരിവിള വീട്ടില് സതീഷ് (40) ആണ് മരിച്ചത്. സതീഷിന്റെ ഉടമസ്ഥതയിലുള്ള കെ എല് 19 7069 നന്പര് ടിപ്പര് ലോറി റോഡ് വക്കില് നിറുത്തിയിരുന്ന കെ എല് എ 4089 നമ്പര് ലോറിക്ക് പിന്നിലിടിച്ചാണ് അപകടമുണ്ടായത്.അപകടത്തില്പ്പെട്ട ടിപ്പര് ലോറി ഏറെസമയം റോഡ് വക്കില് കിടന്നു. രാത്രി ഡ്യൂട്ടിയിലായിരുന്ന സെയിൽസ് ടാക്സ് ജീവനക്കാര് അപകടവിവരം പോലീസില് അറിയിക്കുകയായിരുന്നു. വെള്ളറട സ്റ്റേഷനില് നിന്നു പോലീസെത്തിയാണ് അപകടത്തില് തകര്ന്ന ടിപ്പറില് നിന്നു സതീഷിനെ പുറത്ത് എടുത്തത്. ഗുരുതരമായി പരിക്കേറ്റ സതീഷിനേ കാരക്കോണം സി എസ് ഐ മെഡിക്കല് കോളേജില് പ്രവേശിപ്പിച്ചെങ്കിലും മരിച്ചു. മൃതദേഹം ആശുപത്രി മോര്ച്ചറിയില്.
Read Moreനേരത്തുംകാലത്തും ഓഫീസിലെത്തണം; സർക്കാർ ജീവനക്കാർക്ക് പഞ്ചിംഗ് നിർബന്ധമാക്കി
തിരുവനന്തപുരം: മുഴുവൻ സർക്കാർ ജീവനക്കാർക്കും ആധാർ അധിഷ്ഠിത പഞ്ചിംഗ് നിർബന്ധമാക്കി. പൊതുഭരണവകുപ്പാണ് ഇത് സംബന്ധിച്ച് ഉത്തരവിറക്കിയത്. സ്പാർക്ക് മുഖേന ശമ്പളം ലഭിക്കുന്ന എല്ലാ ഓഫീസുകളിലും നിർബന്ധമാണ്. എല്ലാ സർക്കാർ ഓഫീസുകളിലും ആറ് മാസത്തിനകവും സിവിൽ സ്റ്റേഷനുകളിലും മൂന്ന് മാസത്തിനകവും പഞ്ചിംഗ് സംവിധാനം ഏർപ്പെടുത്തിയിരിക്കണമെന്ന് ഉത്തരവിനൊപ്പം കർശന നിർദേശവുമുണ്ട്.
Read Moreക്ഷീണം മീണയ്ക്ക്… കള്ളവോട്ടിൽ അയോഗ്യതയെന്ന ശിപാർശ പാടെ തള്ളി
തിരുവനന്തപുരം: കണ്ണൂരിലെ കള്ളവോട്ട് വിഷയവുമായി ബന്ധപ്പെട്ട് മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ നൽകിയ ശിപാർശ സംസ്ഥാന തെരഞ്ഞെടുപ്പ് കമ്മീഷൻ തള്ളി. ശിപാർശയുടെ പേരിൽ മാത്രം ഒരംഗത്തെയും അയോഗ്യനാക്കാനാകില്ലെന്ന് കമ്മീഷൻ അറിയിച്ചു. പഞ്ചായത്തംഗത്തെ അയോഗ്യയാക്കാൻ ശിപാർശ നൽകാൻ തെരഞ്ഞെടുപ്പ് ഓഫീസർക്ക് അധികാരമില്ലെന്നും തെരഞ്ഞെടുപ്പ് കമ്മീഷൻ വ്യക്തമാക്കി. കള്ളവോട്ട് ചെയ്തെന്ന് ആരോപണമുയർന് പശ്ചാത്തലത്തിൽ ചെറുതാഴം പഞ്ചായത്തംഗം എൻ.പി.സെലീനയെ അയോഗ്യയാക്കണമെന്നായിരുന്നു മീണയുടെ ശിപാർശ. ഇതിനെതിരെ ഇടതു നേതാക്കൾ രംഗത്തെത്തിയിരുന്നു. പഞ്ചായത്തംഗത്തെ അയോഗ്യയാക്കാൻ തെരഞ്ഞെടുപ്പ് ഓഫീസർക്ക് അധികാരമില്ലെന്ന വാദമുയർത്തിയായിരുന്നു ഇടതുപക്ഷം ഇതിനെ പ്രതിരോധിച്ചിരുന്നത്.
Read Moreഎസ്എസ്എല്സി സേ പരീക്ഷ 20 മുതല്; മൂന്നു വിഷയം സേ എഴുതാം
തിരുവനന്തപുരം: എസ്എസ്എല്സി ഉപരിപഠനത്തിന് യോഗ്യത നേടാത്തവര്ക്കുള്ള സേ പരീക്ഷ ഈ മാസം 20 മുതല് 25 വരെ നടക്കും. പരമാവധി മൂന്നു വിഷയം സേ പരീക്ഷയില് എഴുതാനാവുമെന്ന് പൊതുവിദ്യാഭ്യാസ സെക്രട്ടറി അറിയിച്ചു. പുനര്മൂല്യ നിര്ണയത്തിന് ചൊവ്വാഴ്ച മുതല് അപേക്ഷിക്കാം. ഈ മാസം പത്തുവരെ പുനര്മൂല്യ നിര്ണയത്തിന് അപേക്ഷിക്കാന് അവസരമുണ്ട്. ഇത്തവണ ആരുടെയും എസ്എസ്എല്സി ഫലം തടഞ്ഞുവച്ചിട്ടില്ല. മോഡറേഷന് നല്കാതെയാണ് ഫലം പ്രഖ്യാപിക്കുന്നതെന്നും വിദ്യാഭ്യാസ സെക്രട്ടറി വ്യക്തമാക്കി.
Read Moreദേശീയപാതവികസനം അട്ടിമറിച്ചത് ശ്രീധരൻ പിള്ള; കേന്ദ്രത്തിനയച്ച കത്ത് പുറത്തുവിട്ട് തോമസ് ഐസക്
തിരുവനന്തപുരം: ദേശീയപാതവികസനം അട്ടിമറിച്ചത് ബിജെപി സംസ്ഥാന അധ്യക്ഷൻ പി.എസ് ശ്രീധരൻ പിള്ളയാണെന്ന് ധനമന്ത്രി തോമസ് ഐസക്. എറണാകുളത്തെ ഭൂമി ഏറ്റെടുക്കൽ തടയാൻ ശ്രീധരൻ പിള്ള കേന്ദ്രത്തിനു കത്തയച്ചെന്ന് ഐസക് ആരോപിച്ചു. കേന്ദ്രമന്ത്രി നിതിൻ ഗഡ്കരിക്ക് ബിജെപി സംസ്ഥാന അധ്യക്ഷൻ അയച്ച കത്ത് ഐസക്ക് പുറത്തുവിട്ടു. സംയുക്ത സമരസമിതിയുടെ ആവശ്യം ചൂണ്ടിക്കാട്ടിയാണ് ശ്രീധരൻ പിള്ള കത്തയച്ചത്. ഈ സർക്കാരിന്റെ കാലത്ത് ദേശീയപാതാ വികസനം നടക്കില്ലെന്ന് ദേശീയപാതാ വികസന അതോറിറ്റി ഉറപ്പുവരുത്തുകയാണെന്ന് ഐസക് ആരോപിച്ചു. കേരളത്തോടുള്ള മോദി സർക്കാരിന്റെ പകപോക്കലാണ് ഇതുവഴി വ്യക്തമാകുന്നത്. അതിനൊരു ചട്ടുകമായി നിന്നുകൊടുക്കുന്നത് ബിജെപിയുടെ സംസ്ഥാനാധ്യക്ഷനും. എങ്ങനെയും ഈ നാടിനെ നശിപ്പിക്കാനും പിന്നോട്ടടിക്കാനുമാണ് അവർ അഹോരാത്രം പരിശ്രമിക്കുന്നതെന്നും ഐസക് ഫേസ്ബുക്ക് കുറിപ്പിൽ പറഞ്ഞു. ബിജെപിയുടെ സംസ്ഥാനാധ്യക്ഷപദം കേരളവികസനം അട്ടിമറിക്കാനുള്ള സുവർണാവസരമാക്കുകയാണ് ശ്രീധരൻ പിള്ള. കേരളത്തിന്റെ ദേശീയപാതാ വികസനം അട്ടിമറിച്ച അദ്ദേഹത്തെ നാടിന്റെ പൊതുശത്രുവായി പ്രഖ്യാപിച്ച് സാമൂഹ്യമായി…
Read Moreപോകാൻ ‘റിസൾട്ട്’ വരട്ടെ; തെരഞ്ഞെടുപ്പ് പെരുമാറ്റച്ചട്ടം: മുഖ്യമന്ത്രിയുടെ പരിപാടിക്ക് അനുമതി നിഷേധിച്ചു ടിക്കാറാം മീണ
തിരുവനന്തപുരം: മുഖ്യമന്ത്രിയുടെ പരിപാടിക്ക് മുഖ്യതെരഞ്ഞെടുപ്പ് ഓഫീസർ അനുമതി നിഷേധിച്ചു. തെരഞ്ഞെടുപ്പ് പെരുമാറ്റച്ചട്ടം നിലനിൽക്കുന്നതിനാലാണ് അനുമതി നിഷേധിച്ചതെന്ന് മുഖ്യതെരഞ്ഞെടുപ്പ് ഓഫീസർ ടിക്കാറാം മീണ അറിയിച്ചു.കൺസ്യൂമർ ഫെഡിന്റെ സ്റ്റുഡന്റ്സ് മാർക്കറ്റ് ഉദ്ഘാടനത്തിനാണ് വിലക്ക് ഏർപ്പെടുത്തിയത്.
Read More