വെഞ്ഞാറമൂട്: 108 ആംബുലൻസിന്റെ വൈദ്യസഹായത്തിൽ യുവതിക്ക് വീട്ടിൽ സുഖപ്രസവം. വെഞ്ഞാറമൂട് തൈക്കാട് മുളംക്കുന്ന് ലക്ഷംവീട്ടിൽ മുരളിയുടെ ഭാര്യ ലീല(44) ആണ് വീട്ടിൽ ആൺകുട്ടിക്ക് ജന്മം നൽകിയത്. വ്യാഴാഴ്ച രാത്രി 11 ന് ലീലയ്ക്ക് പ്രസവ വേദന അനുഭവപ്പെട്ടതിനെ തുടർന്ന് ബന്ധുക്കൾ 108ന്റെ സേവനം തേടുകയായിരുന്നു. വാമനപുരം കുടുംബാരോഗ്യ കേന്ദ്രത്തിന് കീഴിൽ സർവീസ് നടത്തുന്ന 108 ആംബുലൻസ് പൈലറ്റ് എസ്. പ്രദീപ്, എമർജൻസി മെഡിക്കൽ ടെക്നീഷ്യൻ കെ.പി. രഞ്ജിത്ത് എന്നിവർ സ്ഥലത്തെത്തി. രഞ്ജിത്തിന്റെ പരിശോധനയിൽ ലീലയെ ആംബുലൻസിലേക്ക് മാറ്റാൻ കഴിയാത്ത അവസ്ഥയാണെന്ന് മനസിലാക്കിയതിനെതുടർന്ന് വീട്ടിൽ വച്ച് പ്രസവം എടുക്കാൻ വേണ്ട ക്രമീകരണങ്ങൾ രഞ്ജിത്ത് ഒരുക്കി. 11.25ന് ലീല കുഞ്ഞിന് ജന്മം നൽകി. തുടർന്ന് ഇരുവരേയും തിരുവനന്തപുരം എസ്എടി ആശുപത്രിയിൽ പ്രവേശിപ്പിച്ചു. മുരളി ലീല ദമ്പതികളുടെ മൂന്നാമത്തെ കുഞ്ഞാണ് ഇത്. അമ്മയും കുഞ്ഞും സുഖമായി ഇരിക്കുന്നതായി ആശുപത്രി അധികൃതർ അറിയിച്ചു.…
Read MoreCategory: TVM
ശബരിമല കർമസമിതി ആഹ്വാനം ചെയ്ത ഹർത്താൽ അക്രമം! എസ്ഐയെ വധിക്കാൻ ശ്രമിച്ച കേസ്: രണ്ടുപേർ അറസ്റ്റിൽ
നെടുമങ്ങാട് : ശബരിമല സ്ത്രീ പ്രവേശന വിഷയവുമായി ബന്ധപ്പെട്ട് ശബരിമല കർമസമിതി ആഹ്വാനം ചെയ്ത ഹർത്താലിനോടനുബന്ധിച്ച് നെടുമങ്ങാട് എസ്ഐയേയും പോലീസുകാരെയും ആക്രമിച്ച് കൊലപ്പെടുത്താൻ ശ്രമിച്ച കേസിൽ ഒളിവിൽ കഴിഞ്ഞിരുന്ന രണ്ടുപേർ അറസ്റ്റിൽ. ആനാട് ജംഗ്ഷനിലെ സ്വകാര്യ പണമിടപാട് സ്ഥാപനത്തിൽ അക്രമം നടത്തിയവരെ തടയാൻ ശ്രമിച്ച നെടുമങ്ങാട് എസ്ഐ സുനിൽ ഗോപിയെയും കൂടെയുണ്ടായിരുന്ന പോലീസുകാരെയും അക്രമിച്ച് കൊലപ്പെടുത്താൻ ശ്രമിക്കുകയും പോലീസ് വാഹനം അടിച്ചു തകർക്കുകയും ചെയ്ത കേസിലാണ് അറസ്റ്റ്. അഞ്ചാം പ്രതി ആനാട് പാണ്ടവപുരം ഗവൺമെന്റ് ആശുപത്രിക്കു സമീപം മഹേഷ് ഭവനിൽ മഹേഷ് കുമാർ(30 ) , 11-ാം പ്രതി ആനാട് വില്ലേജിൽ മണ്ഡപം ആലംകോട് മോഹനൻ നിവാസിൽ വേണുഗോപാലൻ (30) എന്നിവരെയാണ് നെടുമങ്ങാട് പോലീസ് അറസ്റ്റ് ചെയ്തത്. ആക്രമത്തിനുശേഷം പ്രതികൾ എറണാകുളത്തും തമിഴ്നാട്ടിലെ വിവിധ ഭാഗങ്ങളിലും ഒളിവിൽ കഴിഞ്ഞു വരുകയായിരുന്നു. മഹേഷ് കുമാറിനെ കണ്ടെത്തുന്നതിന് ലുക്ക് ഔട്ട്…
Read Moreയൂണിവേഴ്സിറ്റി കോളജിലെ വിദ്യാർഥിനിയുടെ ആത്മഹത്യാശ്രമം; പെണ്കുട്ടിയുടെ മൊഴിയിൽ പറയുന്ന കാര്യം ഇങ്ങനെ…
തിരുവനന്തപുരം: യൂണിവേഴ്സിറ്റി കോളജിനുള്ളിൽ ജീവനൊടുക്കാൻ ശ്രമിച്ച വിദ്യാർഥിനിയുടെ മൊഴിയെടുത്തു. കോളജിൽ പഠനം നല്ല രീതിയിൽ കൊണ്ടുപോകാൻ സാധിച്ചില്ലെന്ന് വിദ്യാർഥിനി മൊഴി നൽകി. പഠിത്തത്തേക്കാൾ കൂടുതൽ മറ്റ് പരിപാടികളാണ് നടക്കുന്നത്. കേസുമായി മുന്നോട്ടുപോകാൻ താൽപര്യമില്ലെന്ന് പെണ്കുട്ടി മജിസ്ട്രേറ്റിന് മൊഴി നൽകി. വിദ്യാർഥിനി ആത്മഹത്യയ്ക്കു ശ്രമിച്ച സംഭവത്തിൽ നേരത്തെ മന്ത്രി കെ.ടി. ജലീൽ റിപ്പോർട്ട് തേടിയിരുന്നു. ഉന്നത വിദ്യാഭ്യാസ സെക്രട്ടറിയോടാണ് റിപ്പോർട്ട് തേടിയത്. വെള്ളിയാഴ്ച രാവിലെ കോളജിനകത്തെ അമിനിറ്റി സെന്ററിന് സമീപത്താണ് ഒന്നാം വർഷ ബിരുദ വിദ്യാർഥിനിയെ ജീവനൊടുക്കാൻ ശ്രമിച്ച് അവശനിലയിൽ കണ്ടെത്തിയത്. പെണ്കുട്ടിയെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്. രാവിലെ കോളജിലെത്തിയ വിദ്യാർഥികളും ജീവനക്കാരുമാണ് പെണ്കുട്ടിയെ അവശനിലയിൽ കണ്ടത്. തുടർന്ന് ആശുപത്രിയിലെത്തിക്കുകയായിരുന്നു.
Read Moreനവകേരള നിർമാണം: 700 കോടിയുടെ സഹായ വാഗ്ദാനവുമായി ജർമൻ ബാങ്ക്
തിരുവനന്തപുരം: പ്രളയം തകർത്ത കേരളത്തിനു സഹായ വാഗ്ദാനവുമായി ജർമൻ ബാങ്ക്. കേരളത്തിലെ റോഡുകളുടെ പുനർനിർമാണത്തിന് 700 കോടി രൂപയുടെ വായ്പ വാഗ്ദാനമാണ് ജർമൻ ബാങ്കായ കെഎഫ്ഡബ്ല്യു നൽകിയിരിക്കുന്നത്. തുടർ ചർച്ചകൾക്കായി കെഎഫ്ഡബ്ല്യു അധികൃതർ ഈയാഴ്ച കേരളത്തിലെത്തും. പ്രളയത്തിൽ തകർന്ന റോഡുകൾ ആധുനീക രീതിയിൽ പുനർനിർമിക്കാൻ 10,000 കോടിയോളം രൂപ വേണ്ടി വരുമെന്നാണ് യുഎൻ അടക്കമുളള വിവിധ ഏജൻസികൾ തയാറാക്കിയ കണക്ക്. ഇതിന്റെ അടിസ്ഥാനത്തിൽ നവകേരള നിർമാണത്തിന് നേതൃത്വം നൽകുന്ന റീബിൽഡ് കേരള ഇനീഷ്യേറ്റീവ് വിവിധ ധനകാര്യ ഏജൻസികളുടെ സഹായം തേടിയിരുന്നു. കെഎഫ്ഡബ്ല്യുവുമായും ചർച്ചകൾ നടന്നു. തുടർന്നാണ് കേരളത്തിന് കുറഞ്ഞ പലിശയിൽ 696 കോടി രൂപ വായ്പ നൽകാൻ സന്നദ്ധമെന്ന് കെഎഫ്ഡബ്ല്യു അറിയിച്ചത്.
Read Moreകള്ളവോട്ട്: മുസ്ലിം ലീഗ് പ്രവർത്തകരെ ശനിയാഴ്ച അറസ്റ്റ് ചെയ്തേക്കും
തിരുവനന്തപുരം: കാസർഗോട്ട് കള്ളവോട്ട് ചെയ്ത മുസ്ലിം ലീഗ് പ്രവർത്തകരെ ഇന്ന് അറസ്റ്റു ചെയ്തേക്കും. കള്ളവോട്ട് ചെയ്തതായി മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ സ്ഥിരീകരിച്ചതോടെ വരണാധികാരിയായ കളക്ടറുടെ പരാതിയിൽ പോലീസ് കേസെടുക്കും. അതേസമയം ലീഗ് പ്രവര്ത്തകര് നിയമലംഘനം നടത്തിയിട്ടുണ്ടെന്ന് നിയമപരമായി തെളിഞ്ഞാല് കർശന നടപടിയെടുക്കുമെന്ന് നേതൃത്വം വ്യക്തമാക്കി. മുഹമ്മദ് ഫയാസ്, കെ.എം. മുഹമ്മദ്, അബ്ദുൾ സമദ് എന്നിവരാണു കള്ളവോട്ട് ചെയ്തത്. കല്യാശേരിയിൽ പുതിയങ്ങാടി ജമാഅത്ത് സ്കൂളിലെ 69, 70 ബൂത്തുകളിലാണ് കള്ളവോട്ട് നടന്നത്. മുഹമ്മദ് ഫായിസ് രണ്ടു ബൂത്തുകളിലാണ് വോട്ട് ചെയ്തത്. അബ്ദുൽ സമദ് ഒരേ ബൂത്തിൽ രണ്ടു തവണ വോട്ട് ചെയ്തു. കെ.എം. മുഹമ്മദ് സ്വന്തം വോട്ടടക്കം മൂന്നു തവണ വോട്ട് ചെയ്തതായും കണ്ടെത്തി. നാലു പേർ കള്ളവോട്ട് ചെയ്തെന്നാണു പരാതിയെങ്കിലും ഇതിൽ ഒരാളുടെ കാര്യത്തിൽ വ്യക്തയില്ല.
Read Moreപ്രളയ മേഖലയിലെ പരാതികൾ പരിഹരിക്കുന്നില്ല: ചെന്നിത്തല ഹൈക്കോടതിയിലേക്ക്
തിരുവനന്തപുരം: പ്രളയ മേഖലകളിൽ നിന്നും ലഭിച്ച പരാതികൾ പരിഹരിക്കുന്നില്ലെന്ന് ആരോപിച്ച് പ്രതിപക്ഷ നേതാവ് രമേശ് ചെന്നിത്തല ഹൈക്കോടതിയെ സമീപിക്കാനൊരുങ്ങുന്നു. പ്രളയ ദുരിതമുണ്ടായ മേഖലകളിൽ നിന്നും ലഭിച്ച പരാതികൾ അതാത് ജില്ലയിലെ കളക്ടർമാർക്ക് നൽകി മൂന്ന് മാസം കഴിഞ്ഞിട്ടും ഒരു നടപടിയുമുണ്ടായില്ലെന്നാണ് പ്രതിപക്ഷ നേതാവിന്റെ ആക്ഷേപം. ഇതിനെതിരേയാണ് പ്രതിപക്ഷ നേതാവ് ഹൈക്കോടതിയെ സമീപിക്കുന്നത്.
Read Moreസ്പെയർപാർട്സ് കടയിലെ ദമ്പതികളുടെ മോഷണം; ഒരാൾ പിടിയിൽ; ഒരുലക്ഷം രൂപയുടെ സാധനങ്ങളും പണവും ഇവർ മോഷ്ടിച്ചു
വിഴിഞ്ഞം: സ്പെയർ പാർട്സ് കടയുടെ പൂട്ട് പൊളിച്ച് അകത്തു കയറി ഒരു ലക്ഷം രൂപ വിലവരുന്ന പാർട്സുകളും കാഷ് ബോക്സിലുണ്ടായിരുന്ന 1500 രൂപയും കവർന്ന കേസിലെ പ്രതികളായ ദമ്പതികളിൽ ഭാര്യ വിഴിഞ്ഞം പോലീസിന്റെ പിടിയിലായി. ഒറ്റശേഖര മംഗലം വില്ലേജിൽ തകിടി പൂഴനാട് വിഷ്ണു ഭവനിൽ തിരുവല്ലം ഉണ്ണി എന്നു വിളിക്കുന്ന ഉണ്ണികൃഷ്ണന്റെ ഭാര്യ അനിത കുമാരി (33) ആണ് അറസ്റ്റിലായത്. പൂങ്കുളം ഭാഗത്ത് കാറിൽ ഇവർ വന്നതായി ലഭിച്ച വിവരമനുസരിച്ചെത്തിയ പോലീസിനെ കണ്ട ഉണ്ണി ഓടി രക്ഷപ്പെട്ടതായി വിഴിഞ്ഞം പോലീസ് പറഞ്ഞു. കാർ കസ്റ്റഡിയിലെടുത്തിട്ടുണ്ട്. കഴിഞ്ഞമാസം 18 ന് വിഴിഞ്ഞം സ്വദേശി സമീറിന്റെ തിയറ്റർ ജംഗ്ഷന് സമീപത്തെ സ്പെയർ പാർട്സ് കടയിൽ നിന്നാണ് ഉണ്ണി മോഷണം നടത്തിയത്. മോഷണ മുതലുകൾ വില്പന നടത്തിയത് അനിതയാണെന്ന് അന്വേഷണത്തിൽ തെളിഞ്ഞിരുന്നു.അനിതയിൽ നിന്ന് 45000 രൂപയും മോഷണം പോയ പാർട്സുകളിൽ കുറച്ചും…
Read Moreനിയമസഭാ ചോദ്യങ്ങൾക്ക് സമയത്ത് മറുപടിയില്ലെങ്കിൽ നടപടിയെന്ന് ചീഫ് സെക്രട്ടറി
തിരുവനന്തപുരം: നിയമസഭാ ചോദ്യോത്തരങ്ങൾക്ക് സമയബന്ധിതമായി മറുപടി നൽകാത്ത വകുപ്പുകൾക്കെതിരെ കർശന നടപടി സ്വീകരിക്കുമെന്ന് ചീഫ് സെക്രട്ടറി ടോം ജോസ്. നിയമസഭ സമ്മേളനങ്ങളിൽ ഉന്നയിക്കുന്ന പല ചോദ്യങ്ങൾക്കും കൃത്യസമയത്ത് മറുപടി നൽകുന്നതിൽ വിവിധ വകുപ്പുകൾ അലംഭാവം കാട്ടുന്നുവെന്ന് പ്രതിപക്ഷം നേരത്തെ പരാതി നൽകിയിരുന്നു. ഈ പരാതിയുടെ അടിസ്ഥാനത്തിലാണ് ചീഫ് സെക്രട്ടറിയുടെ തീരുമാനം. സമയ ബന്ധിതമായി ചോദ്യങ്ങൾക്ക് മറുപടി നൽകുന്നില്ലെങ്കിൽ കർശന നടപടി സ്വീകരിക്കുമെന്ന് വിവിധ വകുപ്പ് സെക്രട്ടറിമാർക്ക് അയച്ച കത്തിൽ ചീഫ് സെക്രട്ടറി വ്യക്തമാക്കിയിട്ടുണ്ട്.
Read Moreയൂണിവേഴ്സിറ്റി കോളജിനുള്ളിൽ പെൺകുട്ടിയുടെ ആത്മഹത്യാശ്രമം; വിദ്യാർഥിനിയുടെ നില ഗുരുതരമല്ല; പോലീസ് അന്വേഷണം തുടങ്ങി
തിരുവനന്തപുരം: യൂണിവേഴ്സിറ്റി കോളജിനുള്ളിൽ വിദ്യാർഥിനിയെ കൈഞരന്പ് മുറിച്ച നിലയിൽ കണ്ടെത്തി. ഇന്ന് രാവിലെ കോളജിനകത്തെ അമിനിറ്റി സെന്ററിന് സമീപത്താണ് ഒന്നാം വർഷ ബിരുദ വിദ്യാർഥിനിയെ ജീവനൊടുക്കാൻ ശ്രമിച്ച് അവശനിലയിൽ കണ്ടെത്തിയത്. പെണ്കുട്ടിയെ മെഡിക്കൽ കോളജാശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ലെന്ന് പോലീസ് വ്യക്തമാക്കി. രാവിലെ കോളജിലെത്തിയ വിദ്യാർഥികളും ജീവനക്കാരുമാണ് പെണ്കുട്ടിയെ അവശനിലയിൽ കണ്ടത്. തുടർന്ന് ആശുപത്രിയിലെത്തിക്കുകയായിരുന്നു. വ്യാഴാഴ്ച മുതൽ പെണ്കുട്ടിയെ കാണാനില്ലെന്ന് കാട്ടി ബന്ധുക്കൾ പോലീസിൽ പരാതി നൽകിയിരുന്നു. സംഭവത്തെക്കുറിച്ച് പോലീസ് അന്വേഷണം തുടങ്ങി
Read Moreവീടിന് സമീപത്തിരുന്ന് മദ്യപാനം; ചോദ്യം ചെയ്ത ഗൃഹനാഥനും കുടുംബത്തിനും നേരെ സാമൂഹ്യവിരുദ്ധ സംഘത്തിന്റെ ആക്രമണം
വെഞ്ഞാറമൂട്: വീടിന് സമീപത്തെ മദ്യപാനം ചോദ്യം ചെയ്ത ഗൃഹനാഥനെയും കുടുംബത്തേയും സാമൂഹ്യവിരുദ്ധ സംഘം വീടു കയറി ആക്രമിച്ചതായി പരാതി. ഗുരുതരമായി പരിക്കേറ്റ ഗൃഹനാഥനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആലുന്തറ നീർച്ചാലിൽ കോളനി വീട്ടിൽ പ്രഭാകരൻ (52) ആണ് മെഡിക്കൽ കോളജ് ആശുപത്രിയിൽ ചികിത്സയിൽ കഴിയുന്നത്. കമ്പിപ്പാര ഉപയോഗിച്ചുള്ള മർദനത്തിൽ നട്ടെല്ലിന് പൊട്ടൽ ഉള്ളതായും പരാതിയിൽ പറയുന്നു. ഭാര്യ പ്രസന്ന (45) മകൻ പ്രതിഷ് ( 22), പ്രസന്നയുടെ അമ്മ ശാരദ (60) എന്നിവർക്കും പരിക്ക് ഉണ്ട്. ചൊവ്വാഴ്ച വൈകുന്നേരം അഞ്ചിനായിരുന്നു സംഭവം. വീടിനടുത്ത് സ്ഥിരമായി മദ്യപിക്കുകയും വഴി നടക്കുന്നവരെ അസഭ്യം പറയുകയും ചെയ്തത് ചോദ്യം ചെയ്തതാണ് അക്രമത്തിന് കാരണം. പോലീസ് അന്വേഷണം ആരംഭിച്ചു.
Read More