തിരുവനന്തപുരം: കോവളത്ത് അജ്ഞാത ഡ്രോണ് കണ്ടെത്തി. പോലീസിന്റെ മുന്നറിയിപ്പിനെ തുടർന്ന് കേന്ദ്ര ഏജൻസികൾ അന്വേഷണം ആരംഭിച്ചു. ഇന്ന് പുലർച്ചെ ഒരു മണിയോടെയാണ് കോവളം ഭാഗത്ത് അജ്ഞാത ഡ്രോണ് കാണപ്പെട്ടത്. നൈറ്റ് പട്രോളിംഗ് ഡ്യൂട്ടി നോക്കുകയായിരുന്ന പോലീസ് സംഘം ഉന്നത പോലീസ് ഉദ്യോഗസ്ഥരെ വിവരം അറിയിച്ചു. തുടർന്ന് വിഎസ്എസ് സി, വിമാനത്താവള അധികൃതർക്ക് പോലീസ് വിവരം കൈമാറുകയായിരുന്നു. കൊച്ചുവേളി ഭാഗത്തും ഡ്രോണ് കണ്ടുവെന്ന് പ്രദേശവാസികൾ വിഎസ്എസ് സി അധികൃതരെ ഉൾപ്പെടെ അറിയിച്ചു. ഇതേത്തുടർന്ന് എയർഫോഴ്സ്, വിഎസ്എസ് സി, വിമാനത്താവളം എന്നിവിടങ്ങളിലെ ക്യാമറ ദൃശ്യങ്ങൾ പരിശോധിച്ച് വരികയാണ്. വിവാഹ ആവശ്യങ്ങൾക്ക് ഉപയോഗിക്കുന്നതിനെക്കാൾ വലിയ ഡ്രോണാണ് കണ്ടതെന്നാണ് പോലീസ് വൃത്തങ്ങൾ വ്യക്തമാക്കുന്നത്. ആളില്ലാത്ത , വിദൂര നിയന്ത്രിത വിമാനങ്ങളെയാണ് ഡ്രോണ് എന്ന് വിളിയ്ക്കുന്നത്. റിമോട്ട് കണ്ട്രോൾ സംവിധാനം ഉൾപ്പെടെയുള്ള സാങ്കേതിക വിദ്യ ഉപയോഗിച്ച് ഏത് സ്ഥലത്തിന്റെയും ചിത്രങ്ങളും ദൃശ്യങ്ങളും പകർത്താൻ ഉപയോഗിക്കുന്നതാണ്…
Read MoreCategory: TVM
സിപിഎമ്മിനെപ്പോൽ രണ്ടോ മൂന്നോ സംസ്ഥാനത്തിലല്ല തങ്ങൾ; പത്തനംതിട്ടയിലെ സ്ഥാനാർഥിയെ സംബന്ധിച്ച് തർക്കമില്ലെന്ന് കുമ്മനം രാജശേഖരൻ
തിരുവനന്തപുരം: പത്തനംതിട്ടയിലെ ബിജെപി സ്ഥാനാർഥിയെ സംബന്ധിച്ച് തർക്കമില്ലെന്ന് പാർട്ടി മുൻ സംസ്ഥാന അധ്യക്ഷനും മുതിർന്ന നേതാവുമായ കുമ്മനം രാജശേഖരൻ. ചർച്ചകളെല്ലാം പൂർത്തിയായി. സ്ഥാനാർഥിയെ സംബന്ധിച്ച് ആശയക്കുഴമില്ലെന്നും നടപടി ക്രമങ്ങൾ പൂർത്തിയാക്കി ഇന്നോ നാളയോ സ്ഥാനാർഥിയെ പ്രഖ്യാപിക്കുമെന്നും അദ്ദേഹം പറഞ്ഞു. കേരളത്തിലെ വോട്ടെടുപ്പ് മൂന്നാം ഘട്ടത്തിലാണ്. അതിനാൽ സ്ഥാനാർഥിയെ പ്രഖ്യാപിക്കുന്നതിൽ ഒരു ദിവസമോ രണ്ട് ദിവസമോ വരുന്ന കാലതാമസം വലിയ പ്രശ്നമല്ല. പ്രഖ്യാപനം മാത്രമേ ഇനി ബാക്കിയുള്ളുവെന്നും മറിച്ചുള്ളത് കുപ്രചാരണങ്ങൾ മാത്രമാണെന്നും അദ്ദേഹം പറഞ്ഞു. സിപിഎമ്മിനു സ്ഥാനാർഥിയെ പ്രഖ്യാപിക്കുന്നതിൽ ബുദ്ധിമുട്ടുകൾ ഇല്ല. രണ്ടോ മൂന്നോ സംസ്ഥാനങ്ങളിൽ മാത്രമേ അവർ മത്സരരംഗത്തുള്ളു. എന്നാൽ ഇന്ത്യയിലെ മുഴുവൻ സംസ്ഥാനങ്ങളിലും മത്സരിക്കുന്ന പാർട്ടിയെന്ന നിലയിൽ ബിജെപിയിൽ സ്ഥാനാർഥി പ്രഖ്യാപനം പല ഘട്ടങ്ങളിലായിരിക്കും. നിലവിൽ സംസ്ഥാനത്ത് ത്രികോണ മത്സരത്തിനാണ് കളമൊരുങ്ങുന്നത്. എന്നാൽ എൽഡിഎഫ്-യുഡിഎഫ് തമ്മിലുള്ള ധാരണ എത്രത്തോളം ആഴത്തിലുള്ളതെന്ന് മനസിലാകേണ്ടതുണ്ട്. നമ്മുടെ മുഖ്യമന്ത്രിയും രാഹുൽ…
Read Moreഎനിക്കൊന്നുമറിയില്ല, ദേശീയ നേതൃത്വത്തോട് ചോദിക്കൂ..! പത്തനംതിട്ട സ്ഥാനാര്ത്ഥിയെ പ്രഖ്യാപിക്കാത്തത് എന്തുകൊണ്ടാണെന്ന് അറിയില്ലെന്ന് ശ്രീധരൻപിള്ള
തിരുവനന്തപുരം: ലോക്സഭാ തെരഞ്ഞെടുപ്പിനുള്ള പത്തനംതിട്ടയിലെ സ്ഥാനാര്ത്ഥിയെ പ്രഖ്യാപിക്കാത്തത് എന്തുകൊണ്ടാണെന്ന് തനിക്കറിയില്ലെന്ന് പാർട്ടി സംസ്ഥാന അധ്യക്ഷൻ പി.എസ്.ശ്രീധരൻപിള്ള. ഇക്കാര്യം ബിജെപി ദേശീയ നേതൃത്വത്തോടാണ് ചോദിക്കേണ്ടത്. നിലവില് പ്രഖ്യാപിച്ച സ്ഥാനാര്ത്ഥി പട്ടിക സ്വാഗതാര്ഹമാണെന്നും ബിജെപി സംസ്ഥാന അധ്യക്ഷൻ പറഞ്ഞു. കേരളത്തിലെ സ്ഥാനാർഥികളുടെ കാര്യത്തിൽ അന്തിമ തീരുമാനമായ ശേഷമാണ് ഡൽഹിയിൽ നിന്ന് മടങ്ങിവന്നത്. എന്നാൽ ഒരു സീറ്റില് മാത്രം സ്ഥാനാര്ത്ഥി പ്രഖ്യാപനം വരാത്തതിനെപ്പറ്റി അറിയില്ല. ശക്തരായ സ്ഥാനാര്ത്ഥികളെയാണ് ഇത്തവണ ബിജെപി പ്രഖ്യാപിച്ചിരിക്കുന്നതെന്നും ശ്രീധരന് പിള്ള വ്യക്തമാക്കി. ബിജെപി സ്ഥാനാർഥികളുടെ ആദ്യ പട്ടികയിൽ കേരളത്തിൽ മത്സരിക്കുന്ന 13 സീറ്റുകളിലെ 12 ഇടങ്ങളിലെ സ്ഥാനാര്ഥികളെയാണ് പ്രഖ്യാപിച്ചത്. കേന്ദ്രമന്ത്രി ജെ.പി. നദ്ദയാണ് കേരളത്തിലെ ഉൾപ്പെടെ 182 മണ്ഡലങ്ങളിലേക്കുള്ള സ്ഥാനാർഥികളെ ഔദ്യോഗികമായി പ്രഖ്യാപിച്ചത്. കേരളത്തിൽ പത്തനംതിട്ട സീറ്റിലെ സ്ഥാനാർഥിയെ കുറിച്ച് മാത്രമാണ് തീരുമാനം ആകാത്തത്. പത്തനംതിട്ടയില് സ്ഥാനാര്ത്ഥിയുടെ കാര്യത്തില് ഇനിയും അന്തിമതീരുമാനമായിട്ടില്ലെന്നാണ് സൂചന. പത്തനംതിട്ടയിൽ സംസ്ഥാന ജനറൽ…
Read Moreശാലിനിയുടെ ശാലീന വലയിൽ വീണ്ടും യുവാക്കൾ; കായംകുളംകാരനെ ഇത്തവണ വീഴ്ത്തിയത് ടീച്ചറുടെ വേഷപ്പകർച്ചയിൽ; അഞ്ചു ജില്ലകളിൽ തട്ടിപ്പുനടത്തിയ ശാലിനിയെ ഇത്തവണ കുടുക്കിയത് വരന്റെ സുഹൃത്തുക്കൾ
കായംകുളം: സംസ്ഥാനത്തെ ഒട്ടേറെ വിവാഹ തട്ടിപ്പു കേസുകളിൽ പ്രതിയായ ശാലിനി ഇതുവരെ കെണിയിൽ വീഴ്ത്തിയത് നിരവധിപേരെ. കേസുകളിൽ അകത്തായി ജാമ്യം കിട്ടി പുറത്തിറങ്ങി വീണ്ടും ഇവർ തട്ടിപ്പ് നടത്തിയവരുകയായിരുന്നെന്ന് പോലീസ് കണ്ടെത്തി. കൂടുതലും പരസ്യങ്ങളിലൂടെയാണ് വിവാഹ തട്ടിപ്പ് നടത്തിയിരുന്നത്. ഇന്നലെയാണ് തിരുവനന്തപുരം മണ്ണന്തല കൊട്ടാരത്തിൽ ശാലിനിയെ (35) കായംകുളം പോലീസ് അറസ്റ്റ് ചെയ്തത . കായംകുളം പുതുപ്പള്ളി സ്വദേശി സുധീഷ്ബാബു കായംകുളം പൊലീസിന് നൽകിയ പരാതിയിലാണ് ഇവർ പിടിയിലായത് . വിവാഹ മോചിതനായ സുധീഷ്ബാബു നൽകിയ വിവാഹ പരസ്യത്തിലൂടെ പരിചയപ്പെട്ട ശാലിനിയെ കഴിഞ്ഞ അഞ്ചിന് വാരണപ്പള്ളി ക്ഷേത്രത്തിൽ വിവാഹം കഴിച്ച ശേഷമാണ് ഇവരുടെ തട്ടിപ്പ് തിരിച്ചറിയുന്നത്. സംസ്ഥാനത്തെ നിരവധി സ്റ്റേഷനുകളിൽ വിവാഹതട്ടിപ്പിന് ഇവർക്കെതിരെ കേസ് നിലവിലുണ്ട്. ഓച്ചിറ ക്ഷേത്ര ദർശനത്തിനിടെ ശാലിനിയുടെ തട്ടിപ്പുകൾ അറിയാവുന്ന ഒരാൾ കണ്ടതാണ് പിടിയിലാകാൻ കാരണമായത്. ഇദ്ദേഹം നൽകിയ സൂചനകളാണ് കൂടുതൽ തട്ടിപ്പിൽ…
Read Moreതെരഞ്ഞെടുപ്പിന്റെ മറവിൽ പോലീസ് മേധാവിയുടെ സൂത്രപ്പണി; ഡിജിപിയെ അധിക്ഷേപിച്ച പോലീസ് അസോസിയേഷൻ നേതാവിനെതിരേ അന്വേഷണം
തിരുവനന്തപുരം: സംസ്ഥാന പോലീസ് മേധാവി ലോക്നാഥ് ബെഹ്റയെ അധിക്ഷേപിച്ച് പോസ്റ്റിട്ട പോലീസ് ഓഫിസേഴ്സ് അസോസിയേഷൻ ജില്ലാ പ്രസിഡന്റ് രാധാകൃഷ്ണനെതിരെ അന്വേഷണത്തിന് ഉത്തരവ്. ഹെഡ്ക്വാട്ടേഴ്സ് ഐജി ദിനേന്ദ്ര കശ്യപിനാണ് അന്വേഷണ ചുമതല. ആദ്യഘട്ടമായി നേതാവിൽനിന്നു വിശദീകരണം തേടും. പിന്നീട് വിളിച്ചുവരുത്തി മൊഴിയെടുക്കും. സൈബർ വിഭാഗത്തിന്റെ സഹായത്തോടെ അന്വേഷണം നടത്താനാണ് നിർദ്ദേശം. എസ്ഐ റാങ്കിലുള്ള നേതാവിന്റെ ഭാഗത്തു നിന്ന് ഗുരുതരമായ അച്ചടക്കലംഘനമാണ് ഉണ്ടായതെന്നാണു വിലയിരുത്തൽ. പോലീസ് ബറ്റാലിയനുകളിൽ നിലനിന്ന 673 താത്കാലിക പ്രൊമോഷൻ തസ്തികകൾ ഇല്ലാതാക്കാൻ, തെരഞ്ഞെടുപ്പിന്റെ മറവിൽ പോലീസ് മേധാവി സൂത്രപ്പണി നടത്തിയെന്നാണ് നാലാം ബറ്റാലിയനിലെ ഓഫീസർമാരുടെ വാട്സ്ആപ് ഗ്രൂപ്പിൽ ഓഫീസേഴ്സ് അസോസിയേഷൻ ജില്ലാ പ്രസിഡന്റ് രാധാകൃഷ്ണൻ പോസ്റ്റിട്ടത്.
Read Moreപൊതുജന മധ്യത്തിൽ സ്ഥാനാർഥിയെ അപകീർത്തിപ്പെടുത്താൻ; ജയരാജനെ കൊലയാളിയെന്ന് വിളിച്ച രമയ്ക്കെതിരേ കോടിയേരിയുടെ പരാതി
തിരുവനന്തപുരം: ആർഎംപി നേതാവ് കെ.കെ. രമക്കെതിരെ നടപടി ആവശ്യപ്പെട്ട് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ തെരഞ്ഞെടുപ്പ് കമ്മീഷനു പരാതി നൽകി. വടകരയിലെ എൽഡിഎഫ് സ്ഥാനാർഥി പി. ജയരാജനെ കൊലയാളിയെന്നു വിശേഷിപ്പിച്ചെന്നു ചൂണ്ടിക്കാട്ടിയാണു പരാതി. വോട്ടർമാർക്കിടയിൽ തെറ്റിദ്ധാരണ പരത്താനും പൊതുജന മധ്യത്തിൽ സ്ഥാനാർഥിയെ അപകീർത്തിപ്പെടുത്താനുമാണ് രമയുടെ ശ്രമമെന്നു കോടിയേരി പരാതിയിൽ ആരോപിച്ചു. കെട്ടിച്ചമച്ചുണ്ടാക്കിയ ആരോപണങ്ങളുടെ അടിസ്ഥാനത്തിലാണ് ജയരാജൻ പ്രതിയായതെന്നും ഒരു കൊലപാതകക്കേസിലും ജയരാജനെ കുറ്റവാളിയെന്ന് കോടതി ഇതുവരെ കണ്ടെത്തിയിട്ടില്ലെന്നും കോടിയേരി ഫേസ്ബുക്ക് പോസ്റ്റിൽ പറഞ്ഞു.
Read Moreന്യായീകരിക്കാൻ കഴിയില്ല; മോറട്ടോറിയം ഉത്തരവ് വൈകി; ചീഫ് സെക്രട്ടറിക്ക് മുഖ്യമന്ത്രിയുടെ വിമർശനം
തിരുവനന്തപുരം: കർഷകരുടെ വായ്പയ്ക്ക് മൊറട്ടോറിയം പ്രഖ്യാപിച്ച ഉത്തരവ് വൈകിയതിൽ ചീഫ് സെക്രട്ടറിക്ക് മുഖ്യമന്ത്രിയുടെ രൂക്ഷവിമർശനം. മന്ത്രിസഭാ യോഗത്തിലാണ് മുഖ്യമന്ത്രി പിണറായി വിജയൻ ചീഫ് സെക്രട്ടറി ടോം ജോസിനെ രൂക്ഷമായി വിമർശിച്ചത്. ഉത്തരവ് വൈകിയതിനെ ന്യായീകരിക്കാൻ കഴിയില്ലെന്നും മുഖ്യമന്ത്രി പറഞ്ഞു. കർഷകരുടെ എല്ലാ വായ്പകളിന്മേലും ഡിസംബർ 31 വരെ മൊറട്ടോറിയം ഏർപ്പെടുത്താനുള്ള ഉത്തരവാണ് വൈകിയത്. കർഷക ആത്മഹത്യകളുടെ പശ്ചാത്തലത്തിൽ മാർച്ച് അഞ്ചിന് ചേർന്ന മന്ത്രിസഭായോഗമാണ് പൊതുമേഖലാ, വാണിജ്യ, സഹകരണ ബാങ്കുകളിൽനിന്ന് കർഷകരെടുത്ത എല്ലാ വായ്പകൾക്കും മൊറട്ടോറിയം പ്രഖ്യാപിച്ചത്. മന്ത്രിസഭായോഗ തീരുമാനം 48 മണിക്കൂറിനുള്ളിൽ ഉത്തരവായി ഇറങ്ങണമെന്നാണ് ചട്ടം. എന്നാൽ ഇക്കാര്യത്തിൽ അതുണ്ടായില്ല. അതേസമയം നിലവിലെ മൊറട്ടോറിയം നിലനിൽക്കുന്നതിനാൽ ഉത്തരവ് വൈകിയത് ദോഷം ചെയ്യില്ലെന്നാണ് ടോം ജോസിന്റെ വിശദീകരണം. 2018 ഒക്ടോബറില് സര്ക്കാര് മോറട്ടോറിയം സംബന്ധിച്ചിറക്കിയ ഉത്തരവ് നിലനില്ക്കുന്നുണ്ടെന്നും ഈ ഉത്തരവ് 2019 ഒക്ടോബര് 11 വരെ നിലവിലുള്ളതാണെന്നും അദ്ദേഹം…
Read Moreവാഹന പരിശോധനയ്ക്കിടെ പോലീസുകാരനെ ഇടിച്ചിട്ട പ്രതിയെ ഡിവൈഎഫ്ഐക്കാർ മോചിപ്പിച്ചു
തിരുവനന്തപുരം: വാഹന പരിശോധനക്കിടെ ഗ്രേഡ് എസ്ഐയെ ഇടിച്ചിട്ടതിന് കസ്റ്റഡിയിലെടുത്ത പ്രതിയെ ഡിവൈഎഫ്ഐ പ്രവർത്തകർ സ്റ്റേഷൻ ഉപരോധിച്ച് മോചിപ്പിച്ചു. ചൊവ്വാഴ്ച രാത്രിയാണ് വാഹന പരിശോധനയ്ക്കിടെ ഗ്രേഡ് എസ്ഐ ശൈലേന്ദ്രനെ ഇടിച്ചിട്ടിട്ട് കടന്നുകളയാൻ ശ്രമിച്ച പ്രദീപിനെ പോലീസ് പിടികൂടിയത്. രാത്രി ഡിവൈഎഫ്ഐ പ്രവർത്തകരും സിപിഎം പ്രാദേശിക നേതാവും പോലീസ് സ്റ്റേഷൻ ഉപരോധിച്ച് പ്രതിയെ മോചിപ്പിക്കുകയായിരുന്നു. ഉന്നത ഉദ്യോഗസ്ഥർ ഇടപെട്ട് പരിക്കേറ്റ ശൈലേന്ദ്രനെ പരാതിയിൽ നിന്നും പിന്തിരിപ്പിച്ചെന്നും ആരോപണമുണ്ട്. സ്റ്റേഷൻ ജാമ്യത്തിലാണ് പ്രതിയെ വിട്ടയച്ചത്. അമിത വേഗതയില് വാഹനമോടിച്ചെത്തിയ പ്രദീപ് വാഹന പരിശോധനയുമായി സഹകരിച്ചിരുന്നില്ല. വാഹനം നിര്ത്താതെ പോയതിനെ തുടര്ന്നാണ് പ്രദീപിനെ പോലീസ് കസ്റ്റഡിയിൽ എടുത്തത്.
Read Moreതിരുവനന്തപുരം വിമാനത്താവളത്തിലെ സ്വർണ്ണവേട്ട: കസ്റ്റംസ് അധികൃതർ കൂടുതൽ അന്വേഷണം ആരംഭിച്ചു
തിരുവനന്തപുരം: വിദേശത്ത് നിന്നും വിമാനത്താവളം വഴി കടത്താൻ ശ്രമിച്ച 12.5 ലക്ഷം രൂപ വിലപിടിപ്പുള്ള സ്വർണം കടത്താൻ ശ്രമിച്ച സംഭവത്തിൽ കസ്റ്റംസ് അധികൃതർ കൂടുതൽ അന്വേഷണം ആരംഭിച്ചു. ഇന്നലെ രാവിലെയാണ് ഷാർജയിൽ നിന്നും തിരുവനന്തപുരത്തെത്തിയ ഇൻഡിഗോ വിമാനത്തിലെ യാത്രക്കാരനായ കാസർകോട് സ്വദേശിയായ മാഹീനിൽ നിന്നും സ്വർണം പിടികൂടിയത്. നാന്നൂറ് ഗ്രാം തൂക്കം വരുന്ന സ്വർണം ഷീറ്റ് രൂപത്തിലാക്കി കാർബണ് പേപ്പറിൽ പൊതിഞ്ഞ് കടത്താൻ ശ്രമിക്കവെയാണ് കസ്റ്റംസ് അധികൃതർ സ്വർണം പിടികൂടിയത്. മാഹിൻ നേരത്തെ സമാനമായ രീതിയിൽ സ്വർണം കടത്തിയിട്ടുണ്ടെയെന്ന് പരിശോധിച്ച് വരികയാണെന്ന് കസ്റ്റംസ് അധികൃതർ വ്യക്തമാക്കിയത്. കഴിഞ്ഞ പത്ത് ദിവസത്തിനിടെ മൂന്ന് കോടിയിൽപരം രൂപയുടെ സ്വർണം കസ്റ്റംസ് അധികൃതർ പിടികൂടിയിരുന്നു.
Read Moreവെഞ്ഞാറമൂട്ടിൽ കാറും പിക് അപ്പും കൂട്ടിയിടിച്ച് ഒരാൾ മരിച്ചു; 2 പേർക്ക് ഗുരുതര പരിക്ക്
വെഞ്ഞാറമൂട്: കാറും പിക് അപ്പും കൂട്ടിയിടിച്ച് ഒരാൾ മരിച്ചു. രണ്ടു പേർക്ക് ഗുരുതര പരിക്ക്. തട്ടത്തുമല ശ്രീ ഉദയമൻകാവ് ക്ഷേത്ര ട്രസ്റ്റ് പ്രസിഡൻറ് വള്ളൂർ ആർ.ടി.ഹൗസിൽ രവീന്ദ്രൻ (60) ആണ് മരിച്ചത്. വള്ളൂർ സ്വദേശികളായ സുരേഷ് (51), മനു (33) എന്നിവർക്കാണ് പരിക്കുപറ്റിയത്.പുലർച്ചെ 7.30 ന് ദേശീയ പാതയിൽ വെഞ്ഞാറമൂട് മുസ്ലിം ജുമാ മസ്ജിത്തിന് മുൻവശത്ത് വച്ചായിരുന്നു അപകടം. കാറിൽ യാത്ര ചെയ്തിരുന്നവരാണ് അപകടത്തിൽപ്പെട്ടത്. കിളിമാനൂർ ഭാഗത്തു നിന്നും വെഞ്ഞാറമൂട് ഭാഗത്തേയ്ക്ക് വരുകയായിരുന്ന കാറിൽ എതിർദിശയിൽ വരുകയായിരുന്ന പിക് അപ് നേരിട്ടിടിക്കുകയായിരുന്നു. ഇടിയുടെ ആഘാതത്തിൽ കാറിന്റെ മുൻവശം പൂർണ്ണമായും തകർന്നു . ക്യാബിനുള്ളിൽ കുടുങ്ങിയവരെ പുറത്തിറക്കാൻ കഴിയാത്ത അവസ്ഥയിലായിരുന്നു. വെഞ്ഞാറമൂട് ഫയർഫോഴ്സും നാട്ടുകാരും പോലീസും ഏറെ പണിപ്പെട്ടായിരുന്നു ഇവരെ പുറത്തെടുത്തത്. അപകടത്തിൽപ്പെട്ടവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രവീന്ദ്രൻ മരിക്കുകയായിരുന്നു. വെഞ്ഞാറമൂട് പോലീസ് മേൽനടപടി സ്വീകരിച്ചു.
Read More