തിരുവനന്തപുരം: പാർട്ടി ഏൽപ്പിക്കുന്ന ഏത് ദൗത്യവും താൻ ഏറ്റെടുക്കുമെന്നും വടകരയിൽ സ്ഥാനാർഥിയാകാൻ കഴിയുമോ എന്ന് നേതൃത്വം ചോദിച്ചുവെന്നും കെ.മുരളീധരൻ എംഎൽഎ. തിരുവനന്തപുരത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. വടകരയിൽ ജനാധിപത്യവും അക്രമരാഷ്ട്രീയവും തമ്മിലുള്ള പോരാട്ടമാണ് നടക്കാൻ പോകുന്നത്. സിപിഎമ്മിന്റെ അക്രമ രാഷ്ട്രീയത്തിനെതിരേ മുല്ലപ്പള്ളി രാമചന്ദ്രൻ നടത്തിയ പോരാട്ടം താനും തുടരും. എതിരാളി ആരെന്ന് നോക്കി കോണ്ഗ്രസുകാർ മത്സര രംഗത്തിറങ്ങാറില്ലെന്നും ആശയപരമായ പോരാട്ടത്തിനാണ് കളമൊരുങ്ങുന്നതെന്നും അദ്ദേഹം പറഞ്ഞു. സ്ഥാനാർഥി നിർണയം വൈകിയെന്ന വിമർശനത്തിന് അടിസ്ഥാനമില്ല. എല്ലാ തലങ്ങളിലും ആലോചിച്ച് ചർച്ച ചെയ്താണ് ഹൈക്കമാൻഡ് സ്ഥാനാർഥികളെ പ്രഖ്യാപിക്കുന്നത്. തന്നോട് മത്സരിക്കണമെന്ന് കേരളത്തിലെ ഉന്നത നേതാക്കൾ ആവശ്യപ്പെട്ടു. പാർട്ടി പറഞ്ഞാൽ എവിടെയും മത്സരിക്കുമെന്ന് നേതാക്കൾക്ക് മറുപടി നൽകിയിട്ടുണ്ട്. സ്ഥാനാർഥി പ്രഖ്യാപനം ഹൈക്കമാൻഡ് നടത്തുമെന്നും കെ.മുരളീധരൻ വ്യക്തമാക്കി.
Read MoreCategory: TVM
ഗ്രൂപ്പുയുദ്ധം വിജയസാധ്യതയെ ബാധിക്കുമെന്ന ആശങ്കയിൽ ഹൈക്കമാൻഡ് ; സീറ്റ് മോഹികളുടെ കാലുവാരൽ ഭീഷണിയിൽ പല സ്ഥാനാർഥികളും; ഘടകകക്ഷികളുടെ ചിന്തയിങ്ങനെ…
എം.ജെ ശ്രീജിത്ത് തിരുവനന്തപുരം: ഗ്രൂപ്പ് യുദ്ധത്തിൽ കുടുങ്ങി സ്ഥാനാർഥി പ്രഖ്യാപനം വൈകുന്നതും സ്ഥാനാർഥിത്വം പ്രതീക്ഷിച്ച് ലഭിക്കാത്തവരുടെ അതിരുവിട്ട പ്രതികരണങ്ങളും വിജയസാധ്യതയെ ബാധിക്കുമെന്ന ആശങ്കയിൽ കോൺഗ്രസ് അഖിലേന്ത്യ നേതൃത്വവും യുഡി.എഫ് നേതൃത്വവും. കേരളത്തിൽ നിന്ന് 16 സീറ്റിലധികം ലഭിക്കുമെന്ന കണക്കു കൂട്ടലിലായിരുന്നു സ്ഥാനാർഥി ചർച്ചകൾ തുടങ്ങുന്നതുവരെ എ.ഐ.സി.സി. എന്നാൽ സ്ഥാനാർഥി നിർണയത്തിലേയ്ക്ക് കടന്നതോടെ ഗ്രൂപ്പ് യുദ്ധം തുടങ്ങി. വിജയസാധ്യതയെക്കാളും തങ്ങളുടെ അനുയായികളെ സ്ഥാനാർഥിയാക്കാനുള്ള ഗ്രൂപ്പു മാനേജർമാരുടെ താത്പര്യം എല്ലാ സീമകളും വിട്ടതോടെ സ്ഥാനാർഥി പ്രഖ്യാപനം പോലും പൂർത്തിയാക്കാൻ പറ്റാത്ത അവസ്ഥയിലാണ് കോൺഗ്രസ് എത്തി നിൽക്കുന്നത്. വയനാട്,ആലപ്പുഴ,വടകര,ആറ്റിങ്ങൽ സീറ്റുകളിലേയ്ക്കുള്ള തർക്കം ഇത്രയധികം മൂർച്ഛിക്കുമെന്ന് അഖിലേന്ത്യ നേതൃത്വം സ്വപ്നത്തിൽപോലും കരുതിയതല്ല. ഒത്തു തീർപ്പു ഫോർമുലകൾ പലകുറി മാറി മറിഞ്ഞെങ്കിലും തീരുമാനമുണ്ടാകാത്തത് വലിയ അസ്വസ്ഥതയാണ് രാഹുൽ ഗാന്ധിയ്ക്കടക്കം ഉണ്ടാക്കിയത്. ഗ്രൂപ്പു നേതാക്കളുടെ അഭിപ്രായം മറികടന്ന് കഴിഞ്ഞ നിയമസഭാ തെരഞ്ഞെടുപ്പിൽ തീരുമാനമെടുത്ത രാഹുൽ ഇക്കുറി…
Read Moreപാഠപുസ്തകത്തിലെ തിരുത്ത് നവോഥാന മൂല്യങ്ങളെ മായ്ക്കാനുള്ള ശ്രമമെന്ന് മുഖ്യമന്ത്രി
തിരുവനന്തപുരം: എൻസിഇആർടിയുടെ ചരിത്രപാഠപുസ്തകത്തിൽനിന്നു നവോഥാന മുന്നേറ്റങ്ങളെ ഒഴിവാക്കിയ നടപടി അങ്ങേയറ്റം അപലപനീയമെന്നു മുഖ്യമന്ത്രി പിണറായി വിജയൻ. ചരിത്ര പുസ്തകങ്ങളെ തെറ്റായ രീതിയിൽ മാറ്റിയെഴുതുന്ന സംഘപരിവാർ കാഴ്ചപ്പാടുകൾ പ്രതിഫലിക്കുന്നതാണ് ഈ നടപടിയെന്ന് അദ്ദേഹം കുറ്റപ്പെടുത്തി. നവോഥാന മുന്നേറ്റങ്ങളെയും ഇന്ത്യയിലെ ദളിത് പിന്നോക്ക വിഭാഗങ്ങൾ നടത്തിയ പോരാട്ടങ്ങളെയുമാണു പാഠപുസ്തകത്തിൽനിന്ന് ഒഴിവാക്കിയത്. കേരളത്തിന്റെ സ്ത്രീ വിമോചന ചരിത്രത്തിൽ സുപ്രധാനമായ പങ്കുവഹിച്ച മാറുമറയ്ക്കൽ സമരവും ഒഴിവാക്കി. അക്കാലത്തെ സാമൂഹ്യനീതിയുടെ പൊള്ളത്തരങ്ങളെ തുറന്നു കാട്ടുന്ന പുസ്തകമാണ് സി. കേശവന്റെ ജീവിതസമരം എന്ന ആത്മകഥ. അതിലെ ഭാഗങ്ങളും ഒഴിവാക്കിയിരിക്കുകയാണ്- മുഖ്യമന്ത്രി പറഞ്ഞു. രാജ്യത്തിന്റെ വിവിധ ഭാഗങ്ങളിൽ ദളിതരും പിന്നോക്ക വിഭാഗങ്ങളും നടത്തിയ സമരങ്ങളെ ബോധപൂർവം തമസ്കരിക്കുകയാണ്. നവോഥാന മൂല്യങ്ങളെയും സ്ത്രീ മുന്നേറ്റങ്ങളെയും ചരിത്രത്തിൽനിന്ന് മായ്ച്ചുകളയാനുള്ള ഇടപെടലാണ് ഇതെന്നു സ്പഷ്ടം. നവോഥാന മൂല്യങ്ങളെ പുതിയ തലമുറയുടെ ബോധങ്ങളിൽനിന്ന് മായ്ച്ചുകളയാനുള്ള ശ്രമമാണിതെന്നു തിരിച്ചറിയണമെന്നും മുഖ്യമന്ത്രി ആവശ്യപ്പെട്ടു.
Read Moreശ്രീവരാഹത്ത് യുവാക്കൾ തമ്മിലുള്ള മർദനം തടയാനെത്തിയയാളെ കുത്തിക്കൊന്ന സംഭവം; മുഖ്യപ്രതി അർജുൻ പോലീസ് പിടിയിൽ
തിരുവനന്തപുരം: ശ്രീവരാഹം പുന്നപുരം സ്വദേശി മണിക്കുട്ടൻ എന്ന് വിളിയ്ക്കുന്ന ശ്യാം (28) നെ കുത്തിക്കൊലപ്പെടുത്തിയ കേസിലെ മുഖ്യപ്രതിയെ പോലീസ് പിടികൂടി. ശ്രീവരാഹം സ്വദേശി അർജുൻ (24) ആണ് ഫോർട്ട് പോലീസിന്റെ പിടിയിലായത്. ഇന്ന് പുലർച്ചെ തന്പാനൂർ റെയിൽവെ സ്റ്റേഷന് സമീപത്ത് നിന്നാണ് ഇയാളെ പോലീസ് പിടികൂടിയത്. പ്രതിയുടെ അറസ്റ്റ് ഇന്ന് രേഖപ്പെടുത്തും. കഴിഞ്ഞാഴ്ച അർധ രാത്രി പതിനൊന്നരയോടെയാണ് അർജുന്റെ കുത്തേറ്റ് ശ്യാം മരിച്ചത്. ശ്രീവരാഹത്ത് രാത്രിയിൽ രണ്ട് സംഘങ്ങൽ തമ്മിലുണ്ടായ ഏറ്റുമുട്ടൽ തടയാൻ ശ്രമിക്കവെയാണ് ശ്യാമിന് കുത്തേറ്റത്. ശ്രീവരാഹം സ്വദേശിയായ അർജുനാണ് ശ്യാമിനെ കുത്തി കൊലപ്പെടുത്തിയതെന്ന് പോലീസ് പറഞ്ഞു.സംഭവത്തിന് ശേഷം ഒളിവിൽ പോയ അർജുനെ പിടികൂടാൻ പോലീസ് പ്രത്യേക സംഘത്തെ നിയോഗിച്ചിരുന്നു. അർജുന്റെ കൂട്ടാളികളായ ശ്രീവരാഹം സ്വദേശികളായ രഞ്ജിത്ത്(24), മനോജ് (28) എന്നിവരെ നേരത്തെ അറസ്റ്റ് ചെയ്തിരുന്നു. ഇരുവരും ഇപ്പോൾ റിമാൻഡിലാണ്. ഫോർട്ട് അസിസ്റ്റന്റ് കമ്മീഷണർ ആർ.പ്രതാപൻ…
Read Moreആയൂർവേദ പരസ്യ നിയന്ത്രണം വരുന്നു ; ഡ്രഗ്സ് വകുപ്പ് നിരീക്ഷണസമിതി രൂപീകരിച്ചില്ല ; 22 മുതൽ പരസ്യം നൽകുന്നത് മുടങ്ങും
വൈ.എസ്. ജയകുമാർ തിരുവനന്തപുരം: ആയൂർവേദ മരുന്നുകൾ പരസ്യം നൽകുന്നതിനുള്ള നിയന്ത്രണം ഈമാസം 22 മുതൽ പ്രാബല്യത്തിൽവരും. ഡ്രഗ്സ് ആൻഡ് കോസ്മറ്റിക് നിയമത്തിന്റെ 11-ാമത് ഭേദഗതി 2018 ഡിസംബർ 22 മുതലാണ് പ്രാബല്യത്തിലായത്. ഇതോടെയാണ് ആയൂർവേദത്തിനു പുറമേ സിദ്ധ, യുനാനി മരുന്നുകളുടെ പരസ്യത്തിനും നിയന്ത്രണം പ്രാബല്യത്തിലായത് 2018 ഡിസംബർ 22-ന് നിയമം പ്രാബല്യത്തിലായെങ്കിലും നടപ്പാക്കാൻ മൂന്നുമാസം സാവകാശം നൽകിയിരുന്നു. ഈകാലാവധി ഈമാസം 22-ന് അവസാനിക്കുകയാണ്. രോഗം കാരണമോ അല്ലാതെയോ ഉണ്ടായ ശാരീരിക, ബൗദ്ധിക വൈകല്യങ്ങൾ ഭേദമാക്കാമെന്ന് ഇനി പരസ്യം നൽകാനാകില്ല. എയ്ഡ്സ്, മാറ്റാനാകില്ലെന്ന് അലോപ്പൊതി വിഭാഗം വിലയിരുത്തിയ രോഗങ്ങൾ എന്നിവ ഭേദമാക്കാമെന്നും പരസ്യം നൽകാനാകില്ല. പരസ്യം നൽകാനുള്ള വിലക്ക് ആയൂർവേദ ഡോക്ടർമാർക്കും ബാധകമാണ്. നിയമലംഘിച്ചാൽ ഒരു ലക്ഷം രൂപവരെ പിഴയും ജയിൽശിക്ഷയും അനുഭവിക്കേണ്ടിവരും. നിയമദേദഗതി പ്രകാരം ആയൂർവേദ ഡ്രഗ്സ് ഡെപ്യൂട്ടി ക്്ണ്ട്രോളർ അംഗീകരിക്കുന്ന പരസ്യം മാത്രമേ പ്രസിദ്ധീകരിക്കാനും പ്രക്ഷേപണം…
Read Moreതലസ്ഥാനത്ത് കൊലപാതകങ്ങൾ വർധിക്കുന്നു ; ഗുണ്ടാ-ലഹരി സംഘങ്ങളെ പിടികൂടാൻ ഓപ്പറേഷൻ ബോൾട്ടുമായി സിറ്റി പോലീസ് കമ്മീഷണർ സഞ്ജയ് കുമാർ
തിരുവനന്തപുരം: തലസ്ഥാനത്തെ ഗുണ്ടാ -ലഹരി സംഘങ്ങളെ പിടികൂടാൻ സിറ്റി പോലീസ് കമ്മീഷണർ സഞ്ജയ് കുമാർ ഗുരുഡിന്റെ നേതൃത്വത്തിൽ ഓപ്പറേഷൻ ബോൾട്ടിന് തുടക്കം. സിറ്റിയിലെ മുഴുവൻ പോലീസ് സ്റ്റേഷനുകളേയും ബന്ധിപ്പിച്ചുള്ള പരിശോധനയാണ് നടക്കുന്നത്. ഇന്നു പുലർച്ചെ മൂന്നു മണിയോടെ ആരംഭിച്ച പരിശോധന ഇപ്പോഴും തുടരുകയാണ്. ലഹരി മാഫിയാ സംഘത്തിന്റെ പ്രധാന സ്ഥലമായ കഴക്കുട്ടം പ്രാവച്ചന്പലം ഭാഗങ്ങളിൽ വ്യാപക പരിശോധനയാണ് നടക്കുന്നത്. പരിശോധനയിൽ ലഹരി വസ്തുക്കളുമായി ചിലർ പിടിയിലായിട്ടുണ്ട്. ഗുണ്ടാ ലിസ്റ്റിൽ പെട്ട ചിലരും പിടിയിലായതായി വിവരമുണ്ട്. പരിശോധനയുടെ കൂടുതൽ വിവരങ്ങൾ സിറ്റി പോലീസ് പുറത്തു വിട്ടിട്ടില്ല. കഴിഞ്ഞ നാലു ദിവസത്തിനിടെ ലഹരി-ഗുണ്ടാമാഫിയ സംഘങ്ങളുമായി ബന്ധപ്പെട്ട് രണ്ടു കൊലപാതകങ്ങളാണ് നടന്നത്. സംഭവത്തിൽ ഉൾപ്പെട്ട 13 പേരെ പിടികൂടിയെങ്കിലും അടുത്തിടെ നടന്ന കൊലപാതകങ്ങളിൽ സിറ്റിപോലീസ് ഞെട്ടിത്തരിച്ചു നിൽക്കുകയാണ്. കഴിഞ്ഞ നാലുദിവസമായി സിറ്റി പോലീസ് ഉറക്കമൊഴിഞ്ഞ് പരിശോധനകൾ നടത്തുന്നുണ്ടെങ്കിലും അക്രമ സംഭവങ്ങൾ തുടരുകയാണ്.…
Read Moreതാമര വിടരുമോ മിത്രമേ എന്നറിയാൻ മിസ് കോൾ വിട്ടതാ..; ബിജെപിയെ ട്രോളി മണി
തിരുവനന്തപുരം: ബിജെപി സംസ്ഥാന അധ്യക്ഷൻ പി.എസ് ശ്രീധരൻപിള്ളയുടെ നേതൃത്വത്തിൽ നടന്ന അംഗത്വ വിതരണ ചടങ്ങിനെ ട്രോളി മന്ത്രി എം.എം.മണി. താമര വിടരുമോ മിത്രമേ എന്നറിയാൻ മിസ് കോൾ വിട്ടതാ. ദാണ്ട് കിടക്കുന്നു മുറ്റത്തൊരു മെന്പർഷിപ്പെന്ന് മന്ത്രി ഫേസ്ബുക്കിൽ കുറിച്ചു. കഴിഞ്ഞ ദിവസം കോണ്ഗ്രസിനെയും ട്രോളി മന്ത്രി രംഗത്തെത്തിയിരുന്നു. നേതാക്കൾ കൂട്ടത്തോടെ കൂടൊഴിയുന്നതിനെയായിരുന്നു മന്ത്രി പരിഹസിച്ചത്. പാർട്ടി വിട്ട് ഓഫീസ് പൂട്ടി പോകുന്നവർ ഫാനും ലൈറ്റും ഓഫ് ചെയ്യണമെന്നാണ് മന്ത്രി ആവശ്യപ്പെട്ടത്.
Read Moreകോണ്ഗ്രസ് സ്ഥാനാർഥികളെ ശനിയാഴ്ച പ്രഖ്യാപിക്കും; പി.ജെ. ജോസഫിനെ ഇടുക്കിയിൽ മത്സരിപ്പിക്കുമെന്ന് തങ്ങൾ പറഞ്ഞിട്ടില്ല
തിരുവനന്തപുരം: ലോക്സഭാ തെരഞ്ഞെടുപ്പിനുള്ള കോണ്ഗ്രസ് സ്ഥാനാർഥികളെ ശനിയാഴ്ച പ്രഖ്യാപിക്കുമെന്ന് പ്രതിപക്ഷ നേതാവ് രമേശ് ചെന്നിത്തല. കോൺഗ്രസിന്റെ കേന്ദ്ര തെരഞ്ഞെടുപ്പ് സമിതിയ്ക്ക് പട്ടിക കൈമാറിയ ശേഷമായിരിക്കും പ്രഖ്യാപനം. സിറ്റിംഗ് എംപിമാരെല്ലാം മത്സരിക്കണോ എന്നത് ഹൈക്കമാൻഡാണ് തീരുമാനിക്കുന്നതെന്ന് ചെന്നിത്തല പറഞ്ഞു. പി.ജെ. ജോസഫിനെ ഇടുക്കിയിൽ മത്സരിപ്പിക്കുമെന്ന് തങ്ങൾ പറഞ്ഞിട്ടില്ലെന്നും ചെന്നിത്തല വ്യക്തമാക്കി.
Read Moreവോട്ടറാകാം; 10 ദിവസം കൂടി സമയം; അവസരം തെരഞ്ഞെടുപ്പ് കമ്മീഷന്റെ വെബ്സൈറ്റ് വഴി
തിരുവനന്തപുരം: വോട്ടർ പട്ടികയിൽ ഓണ്ലൈൻ വഴി പുതിയതായി പേര് ചേർക്കാൻ 10 ദിവസം കൂടി അവസരം. തെരഞ്ഞെടുപ്പ് കമ്മീഷന്റെ http://www.ceo.kerala.gov.inഎന്ന വെബ്സൈറ്റ് വഴിയാണ് പേര് ചേർക്കാൻ അവസരമുള്ളത്. പുതിയതായി പേര് ചേർക്കാനും മറ്റൊരു മണ്ഡലത്തിലേക്ക് വോട്ട് മാറ്റാനും ആറാം നന്പർ ഫോമിലാണ് അപേക്ഷിക്കേണ്ടത്. വ്യക്തി വിവരങ്ങൾ തിരുത്താനും ഓണ്ലൈൻ വഴി സാധിക്കും. ഇത് സംബന്ധിച്ച സംശയങ്ങൾക്ക് 1950 എന്ന ടോൾ ഫ്രീ നന്പറിലേക്ക് വിളിക്കാം.
Read Moreതലസ്ഥാനത്ത് ഗുണ്ടാ അക്രമങ്ങൾ വർധിക്കുന്നു; ശ്രീവരാഹത്ത് യുവാവിനെ കുത്തിക്കൊന്ന കേസിൽ രണ്ടുപേർ പിടിയിൽ
തിരുവനന്തപുരം: കുത്തേറ്റ് യുവാവ് മരിച്ച സംഭവത്തിൽ രണ്ട് പേർ കസ്റ്റഡിയിൽ. ശ്രീവരാഹം പുന്നപുരം സ്വദേശി മണിക്കുട്ടൻ എന്ന് വിളിയ്ക്കുന്ന ശ്യാം (28) ആണ് ഇന്നലെ രാത്രി പതിനൊന്നരയോടെ മരിച്ചത്. ശ്രീവരാഹത്ത് രാത്രിയിൽ രണ്ട് സംഘങ്ങൾ തമ്മിലുണ്ടായ ഏറ്റുമുട്ടൽ തടയാൻ ശ്രമിക്കവെയാണ് ശ്യാമിന് കുത്തേറ്റതെന്ന് പോലീസ് പറഞ്ഞു. ശ്രീവരാഹം സ്വദേശിയായ അർജുനാണ് കുപ്പി പൊട്ടിച്ച് ശ്യാമിനെ കുത്തി കൊലപ്പെടുത്തിയതെന്ന് പോലീസ് പറഞ്ഞു.സംഭവത്തിന് ശേഷം അർജുൻ ഒളിവിൽ പോയി. അർജുന്റെ കൂട്ടാളികളായ രണ്ടുപേരെ പോലീസ് കസ്റ്റഡിയിലെടുത്തു. അർജുനെ പിടികൂടാൻ പോലീസ് അന്വേഷണം ഉൗർജിതമാക്കി. ഫോർട്ട് പോലീസ് മേൽനടപടി സ്വീകരിച്ചു. പോസ്റ്റ്മോർട്ടത്തിനായി മൃതദേഹം മെഡിക്കൽ കോളജാശുപത്രി മോർച്ചറിയിലേക്ക് മാറ്റി. കൊല്ലപ്പെട്ട ശ്യാമിന്റെ പേരിലും നിരവധി ക്രിമിനൽ കേസുകൾ നിലവിലുണ്ടെന്ന് പോലീസ് പറഞ്ഞു.
Read More