തിരുവനന്തപുരം: വയനാട്ടിൽ രാഹുൽ ഗാന്ധി മത്സരിക്കാൻ എത്തുന്നതിനെ സിപിഐ ഭയക്കുന്നില്ലൈന്ന് സംസ്ഥാന സെക്രട്ടറി കാനം രാജേന്ദ്രൻ. സ്ഥാനാർഥിയെ അല്ല, രാഹുൽ മത്സരിക്കുന്നതിന്റെ രാഷ്ട്രീയത്തെയാണ് ഇടതുപക്ഷം ചോദ്യം ചെയ്യുന്നതെന്നും വയനാട്ടിൽ ഇടത് സ്ഥാനാർഥി ശക്തമായി മത്സര രംഗത്തുണ്ടാകുമെന്നും കാനം രാജേന്ദ്രൻ പറഞ്ഞു.
Read MoreCategory: TVM
അധികാരത്തിലെത്തിയാൽ കോൺഗ്രസിന്റെ തെരഞ്ഞെടുപ്പ് വാഗ്ദാനം വാചകമടിയാകില്ലെന്ന് ചെന്നിത്തല
തിരുവനന്തപുരം: കോൺഗ്രസിന്റെ തെരഞ്ഞെടുപ്പ് വാഗ്ദാനം വാചകമടിയല്ലെന്ന് പ്രതിപക്ഷ നേതാവ് രമേശ് ചെന്നിത്തല. ദരിദ്രർക്ക് മാസം 12,000 രൂപ വ രുമാനം ഉറപ്പാക്കുന്ന പദ്ധതി സാമ്പത്തിക വിദഗ്ധരുമായി കൂടിയാലോചന നടത്തി രൂപപ്പെടുത്തിയതാണ്. തൊഴിലുറപ്പ് പദ്ധതിപോലെ തന്നെ ഇതും അധികാരത്തിലെത്തിയാൽ കോൺഗ്രസ് സർക്കാർ ഫലപ്രദമായി നടപ്പാക്കുമെന്നും അദ്ദേഹം പറഞ്ഞു. മോദി സർക്കാരിന്റെ വാഗ്ദാനങ്ങൾ തെരഞ്ഞെടുപ്പ് സ്റ്റണ്ട് മാത്രമായിരുന്നെന്ന് ഇതിനകം തെളിഞ്ഞതായി ചെന്നിത്തല ആരോപിച്ചു. വിദേശത്തുനിന്നും കള്ളപ്പണം പിടിച്ചെടുത്ത് ഓരോ ഇന്ത്യക്കാരുടെയും അക്കൗണ്ടിൽ 15 ലക്ഷം രൂപ നിക്ഷേപിക്കുമെന്നായിരുന്നു മോദിയുടെ 2014 ലെ വാഗ്ദാനം. എന്നാൽ ഇതുവരെ ആരുടേയും അക്കൗണ്ടിൽ പണം എത്തിയില്ല. കള്ളപ്പണം കണ്ടെത്താനോ പദ്ധതി തുടങ്ങാൻപോലുമോ കഴിഞ്ഞില്ല. ദാരിദ്ര്യത്തിൽനിന്നും കരകയറാനുള്ള സമഗ്രപദ്ധതിയാണ് കോൺഗ്രസ് അവതരിപ്പിച്ചതെന്നും ചെന്നിത്തല പറഞ്ഞു.
Read Moreരാഹുലിന്റെ സ്ഥാനാർഥിത്വത്തിൽ അനിശ്ചിതത്വമില്ല; പി.സി. ചാക്കോയുടെ വിമർശനങ്ങളോട് പ്രതികരിക്കാനില്ലെന്ന് ഉമ്മൻ ചാണ്ടി
തിരുവനന്തപുരം: രാഹുൽ ഗാന്ധി വയനാട്ടിൽ സ്ഥാനാർഥിയാകുന്നതു സംബന്ധിച്ച് അനിശ്ചിതത്വം ഒന്നും ഇല്ലെന്ന് ഉമ്മൻചാണ്ടി. രാഹുൽ മത്സരിക്കണമെന്ന കാര്യത്തിൽ കേരളത്തിലെ കോൺഗ്രസ് ഉറച്ചു നിൽക്കുകയാണ്. ഇന്നുതന്നെ ഇക്കാര്യത്തിൽ അനുകൂലമായ തീരുമാനമുണ്ടാകുമെന്നും ഉമ്മൻചാണ്ടി പറഞ്ഞു. സ്ഥാനാർഥിയാകണമെന്ന കേരളത്തിലെ കോൺഗ്രസ് പ്രവർത്തകരുടെ ആവശ്യത്തോട് രാഹുൽ അനുകൂലമായി പ്രതികരിക്കും എന്നുതന്നെയാണ് പ്രതീക്ഷിക്കുന്നതെന്നും വയനാട്ടിൽ നേരത്തെ നിശ്ചയിച്ച സ്ഥാനാര്ഥി പിൻമാറിയെന്നും ഉമ്മൻ ചാണ്ടി പറഞ്ഞു. കഴിഞ്ഞ ദിവസം പുറത്തിറക്കിയ കോൺഗ്രസിന്റെ ഒമ്പതാം സ്ഥാനാർത്ഥിപ്പട്ടികയിലും വയനാടും വടകരയും ഉൾപ്പെട്ടിരുന്നില്ല. തെരഞ്ഞെടുപ്പ് പ്രകടന പത്രിക അംഗീകരിക്കുന്നതു സംബന്ധിച്ചും രാഹുലിന്റെ സ്ഥാനാർഥിത്വം സംബന്ധിച്ചും ഡൽഹിയിൽ ഇന്ന് രാവിലെ കോൺഗ്രസ് പ്രവര്ത്തക സമിതിയോഗം ചേരുന്നുണ്ട്. മൂന്നരയ്ക്ക് കേന്ദ്ര തെരഞ്ഞെടുപ്പ് കമ്മിറ്റി യോഗവും നടക്കും. പി.സി. ചാക്കോയുടെ വിമർശനങ്ങളോട് പ്രതികരിക്കാനില്ല. പാർട്ടിക്കുള്ളിൽ അനിശ്ചിതത്വം ഇല്ലെന്നും ഉമ്മൻ ചാണ്ടി പറഞ്ഞു. രാഹുൽ വയനാട്ടിൽ മത്സരിക്കുന്ന കാര്യത്തിൽ അന്തിമ തീരുമാനം എടുത്തിട്ടില്ലെന്ന് പ്രവർത്തകസമിതി അംഗം…
Read Moreതിരുവനന്തപുരത്ത് ഗുണ്ടാസംഘങ്ങൾ തമ്മിലുള്ള ആക്രമണത്തിൽ യുവാവ് കുത്തേറ്റ് മരിച്ച സംഭവം; ഒരാൾ പോലീസ് പിടിയിൽ
തിരുവനന്തപുരം: ബാർട്ടൺഹില്ലിൽ ഗുണ്ടാ സംഘങ്ങൾ തമ്മിൽ ഏറ്റുമുട്ടി ഒരാൾ വെട്ടേറ്റു മരിച്ച സംഭവത്തിൽ ഒരാൾ പോലീസ് കസ്റ്റഡിയിൽ. ഇന്നലെ രാത്രിയാണ് ബാർട്ടൺ ഹിൽ കോളനിയിൽ ക്രിമിനൽ കേസ് പ്രതികൾ തമ്മിൽ ഏറ്റുമുട്ടിയത്. ഈ സംഭവത്തിൽ ഗുണ്ടുകാട് സ്വദേശി അനിൽകുമാർ വെട്ടേറ്റ് മരിച്ചിരുന്നു. ഇയാളെ വെട്ടിയ ജീവൻ നിരവധി കേസുകളിലെ പ്രതിയാണ്. ജീവനാണ് വെട്ടിയതെന്ന് ദൃക്സാക്ഷികൾ പോലീസിന് മൊഴിനൽകിയിട്ടുണ്ട്. ഇയാൾ ഒളിവിലാണ്. കസ്റ്റഡിയിലുള്ളത് ജീവന്റെ കൂട്ടാളിയാണെന്നാണ് വിവരം. കൊല്ലപ്പെട്ട അനിൽകുമാർ നിരവധി കേസുകളിലെ പ്രതിയാണ്. ഇപ്പോൾ ഓട്ടോറിക്ഷ ഓടിക്കുകയാണ്. അനിൽകുമാറിനെ വെട്ടിയ ജീവനെ സിറ്റി പോലീസ് കമ്മീഷണറുടെ നേതൃത്വത്തിൽ ആരംഭിച്ച ഓപ്പറേഷന് ബോൾട്ടിന്റെ ഭാഗമായി കസ്റ്റഡിയിലെടുത്ത ശേഷം വിട്ടിരുന്നു. കഴിഞ്ഞ രണ്ടാഴ്ചയ്ക്കകം തലസ്ഥാനത്ത് നടന്ന മൂന്നാമത്തെ കൊലപാതകമാണ്. ഈ മൂന്നു കൊലപാതകത്തിലും കൊല്ലപ്പെട്ടവരും കൊല നടത്തിയവരും ക്രിമിനൽ കേസു പ്രതികളാണ്. തലസ്ഥാനത്ത് മയക്കു മരുന്നു ഗുണ്ടാ സംഘങ്ങളുടെ ഏറ്റുമുട്ടൽ…
Read Moreസൂര്യാഘാതം: സംസ്ഥാനത്ത് രണ്ട് ദിവസം കൂടി ജാഗ്രതാ മുന്നറിയിപ്പ്; സൂര്യാഘാതം ഒഴിവാക്കാൻ ഇക്കാര്യങ്ങൾ ശ്രദ്ധിക്കുക
തിരുവനന്തപുരം: സംസ്ഥാനത്ത് രണ്ട് ദിവസം കൂടി സൂര്യാഘാതത്തിന് സാധ്യത. ജനങ്ങൾ ജാഗ്രത പാലിക്കണമെന്ന് കാലവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. വയനാടും ഇടുക്കിയും ഒഴഇഖഎ പതിനൊന്ന് ജില്ലകളിൽ സൂര്യാഘാതത്തിന് സാധ്യത തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ എന്നീ ജില്ലകളില് ഉയര്ന്ന താപനില ശരാശരിയില് നിന്നും രണ്ട് മുതൽ നാല് ഡിഗ്രി വരെ ഉയരുവാന് സാധ്യതയുണ്ടെന്നാണ് റിപ്പോർട്ട്. സൂര്യാഘാതം ഒഴിവാക്കാൻ ഇക്കാര്യങ്ങൾ ശ്രദ്ധിക്കുക – പൊതുജനങ്ങള് രാവിലെ 11 മുതല് മൂന്ന് വരെ നേരിട്ട് സൂര്യപ്രകാശം എല്ക്കുന്നത് ഒഴിവാക്കണം. – നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കൈയില് കരുതുക. – പരമാവധി ശുദ്ധജലം കുടിക്കുക. കാപ്പി, ചായ എന്നീ പാനീയങ്ങള് പകല് സമയത്ത് ഒഴിവാക്കുക. – അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക.…
Read Moreപത്തനംതിട്ടയിൽ ഒരു കോൺഗ്രസ് നേതാവും ബിജെപിയിൽ ചേരില്ലെന്ന് ചെന്നിത്തല
തിരുവനന്തപുരം: പത്തനംതിട്ടയിൽ ഒരു കോൺഗ്രസ് നേതാവും ബിജെപിയിൽ ചേരില്ലെന്ന് പ്രതിപക്ഷ നേതാവ് രമേശ് ചെന്നിത്തല. പത്തനംതിട്ടയിൽ കോൺഗ്രസ് നേതാവ് ബിജെപി സ്ഥാനാർഥിയായി എത്തുമെന്ന വാർത്ത അടിസ്ഥാനരഹിതമാണെന്നും രമേശ് ചെന്നിത്തല കോട്ടയത്ത് പറഞ്ഞു. വയനാട്, വടകര മണ്ഡലങ്ങളിലെ കോൺഗ്രസ് സ്ഥാനാർഥിയെ പ്രഖ്യാപിക്കുന്നതുമായി ബന്ധപ്പെട്ട് യാതൊരു ആശയക്കുഴപ്പവുമില്ലെന്നും ചെന്നിത്തല കൂട്ടിച്ചേർത്തു.
Read Moreകോവളത്ത് കണ്ടെത്തിയ അജ്ഞാത ഡ്രോണിന്റെ ഉറവിടം കണ്ടെത്താനായില്ല;പോലീസും കേന്ദ്ര ഏജൻസികളും അന്വേഷണം ഊർജിതമാക്കി
തിരുവനന്തപുരം: കോവളത്ത് അജ്ഞാത ഡ്രോണ് കണ്ടെത്തിയ സംഭവം പോലീസും കേന്ദ്ര ഏജൻസികളും അന്വേഷണം ഉൗർജിതമാക്കി. ആധുനിക സാങ്കേതിക വിദ്യയുള്ള ഡ്രോണ് എത്താനുള്ള സാഹചര്യമില്ലെന്ന കണക്കുകൂട്ടലിലാണ് പോലീസ് സംഘം. പ്രദേശത്ത് കണ്ടത് റിമോട്ട് കണ്ട്രോൾ ഉപയോഗിച്ച് നിയന്ത്രിക്കാൻ ശേഷിയുള്ള ഡ്രോണ് ആയിരിക്കാനുള്ള സാധ്യതയിലേക്കാണ് അന്വേഷണം നീങ്ങുന്നത്. മൊബൈൽ ഫോണ് കോളുകൾ കേന്ദ്രീകരിച്ച് സൈബർ സെല്ലിന്റെ സഹായത്തോടെയാണ് ഇപ്പോൾ അന്വേഷണം നീങ്ങുന്നത്. രാജ്യത്തിന് പുറത്ത് നിന്നും ഡ്രോണ് എത്താനുള്ള സാധ്യതയില്ലെന്നാണ് പോലീസും കേന്ദ്ര ഏജൻസികളും വ്യക്തമാക്കുന്നത്. എയർഫോഴ്സ്, വിഎസ് എസ് സി , വിമാനത്താവളം എന്നിവിടങ്ങളിലെ സിസിടിവിയിലൊ റഡാറിലൊ ഡ്രോണിന്റെ ദൃശ്യങ്ങൾ പതിയാത്തതാണ് ആധുനിക സാങ്കേതിക വിദ്യയുള്ള ഡ്രോണല്ലെന്ന് പോലീസ് നിഗമനത്തിലെത്താൻ കാരണം. പ്രാദേശികമായി ആരെങ്കിലും ഓപ്പറേറ്റ് ചെയ്ത ഡ്രോണ് ആയിരിക്കാമെന്ന നിഗമനത്തിലാണ് പോലീസ് അന്വേഷണം നീങ്ങുന്നത്. പുലർച്ചെ ഒരു മണിക്ക് തന്ത്രപ്രധാന മേഖലയിലൂടെ എന്തിന് ഡ്രോണ് പറത്തിച്ചുവെന്നതിലാണ് ദുരൂഹത…
Read Moreകഠിനമായ ചൂട്: അങ്കണവാടികളുടെ പ്രവര്ത്തന സമയം മാറ്റുന്നു; നിർദേശം നൽകി വനിത ശിശു വികസന ഡയറക്ടര് ഷീബ ജോര്ജ്
തിരുവനന്തപുരം: സംസ്ഥാനത്തിന്റെ പലഭാഗങ്ങളിലും ചൂട് വര്ധിക്കുന്നതിനാല് അത്തരം പ്രദേശങ്ങളിലെ അങ്കണവാടികളുടെ പ്രവര്ത്തന സമയം മാറ്റാന് വനിത ശിശു വികസന ഡയറക്ടര് ഷീബ ജോര്ജ് നിര്ദേശം നല്കി. തദ്ദേശ സ്വയംഭരണ സ്ഥാപനങ്ങളുടെ കൂടി തീരുമാനത്തോടെ പ്രവര്ത്തന സമയം രാവിലെ ഏഴു മുതല് ഉച്ചയ്ക്ക് 12 വരേയോ രാവിലെ എട്ടു മുതല് ഉച്ചയ്ക്ക് ഒരു മണിവരേയോ ആക്കാനാണ് നിര്ദേശം നല്കിയിരിക്കുന്നത്. അതത് തദ്ദേശ സ്വയംഭരണ സ്ഥാപനങ്ങളാണ് അത്തരം അങ്കണവാടികള് തീരുമാനിക്കുക. മറ്റ് സ്ഥലങ്ങളിലെ അങ്കണവാടികള് കൃത്യമായി പ്രവര്ത്തിക്കും. വര്ധിച്ച ചൂട് കാരണം ചില അങ്കണവാടികള് അടച്ചിടേണ്ട അവസ്ഥ ഉണ്ടായതായി റിപ്പോര്ട്ടുണ്ട്. അങ്കണവാടികള് അടച്ചിട്ടാല് കുട്ടികള്ക്ക് നല്കേണ്ട പോഷകാഹാരങ്ങള് കൃത്യമായി ലഭിക്കാതെ വരും. അതിനാലാണ് അതത് തദ്ദേശ സ്വയംഭരണ സ്ഥാപനങ്ങളുടെ തീരുമാനമനുസരിച്ച് സമയക്രമം മാറ്റുവാന് നിര്ദേശം നല്കിയത്.
Read Moreകോൺഗ്രസിനെതിരായി ചിന്തിക്കില്ല; ബിജെപി സ്ഥാനാർഥിയാകുമെന്ന അഭ്യൂഹം തള്ളി പ്രയാർ ഗോപാലകൃഷ്ണൻ
തിരുവനന്തപുരം: പത്തനംതിട്ടയിൽ ബിജെപി സ്ഥാനാർഥിയായേക്കുമെന്ന് അഭ്യൂഹങ്ങൾ തള്ളി ദേവസ്വം ബോർഡ് മുൻ പ്രസിഡന്റ് പ്രയാർ ഗോപാലകൃഷ്ണൻ. പത്തനംതിട്ടയിൽ ബിജെപി സ്ഥാനാർഥിയാകില്ലെന്ന് പ്രയാർ ഗോപലകൃഷ്ണൻ പറഞ്ഞു. ഇക്കാര്യം ആവശ്യപ്പെട്ട് ആരും തന്നെ സമീപിച്ചിട്ടില്ല. താൻ ഉറച്ച കോണ്ഗ്രസ് പ്രവർത്തകനാണെന്നും പ്രയാർ പറഞ്ഞു. പത്തനംതിട്ടയിൽ ബിജെപി സ്ഥാനാർഥിയെ പ്രഖ്യാപിക്കാത്തതിനെ തുടർന്നു ചില കോണ്ഗ്രസ് നേതാക്കളെ ബിജെപി സമീപിച്ചുവെന്നും കോണ്ഗ്രസ് നേതാവ് ബിജെപി ടിക്കറ്റിൽ പത്തനംതിട്ടയിൽനിന്നു ജനവിധി തേടുമെന്നും അഭ്യൂഹങ്ങൾ ഉണ്ടായിരുന്നു. ശബരിമല യുവതീ പ്രവേശനവിഷയത്തിൽ ബിജെപി നിലപാടുകൾക്കൊപ്പമായിരുന്നു പ്രയാർ. ഇതാണ് പ്രചാരങ്ങൾക്ക് കാരണമായത്. കെ.സുരേന്ദ്രനും സംസ്ഥാന അധ്യക്ഷൻ പി.എസ്.ശ്രീധരൻപിള്ളയും പത്തനംതിട്ടയ്ക്ക് വേണ്ടി രംഗത്തുള്ളപ്പോഴും അപ്രതീക്ഷിത സ്ഥാനാർഥി വരുമെന്ന് തന്നെയാണ് റിപ്പോർട്ടുകൾ.
Read Moreതലസ്ഥാനത്ത് വൻ മയക്കുമരുന്ന് വേട്ട; 13 കോടിയുടെ ഹാഷിഷ് പിടിച്ചു; 5 പേർ പിടിയിൽ
എം.ജെ ശ്രീജിത്ത് തിരുവനന്തപുരം തലസ്ഥാനത്ത് വൻ മയക്കു മരുന്നു വേട്ട. 13 കോടി രൂപ വില വരുന്ന ഹാഷിഷ് ഓയിലുമായി അഞ്ചുപേർ അറസ്റ്റിൽ. തിരുവനന്തപുരം എക്സൈസ് ഇൻസ്പെക്ടർ അനികുമാറിന്റെ നേതൃത്വത്തിലുള്ള എക്സൈസ് സംഘമാണ് പിടികൂടിയത്. തിരുവനന്തപുരം സ്വദേശികളായ ഷഫീഖ് ,ഷാജൻ ഇടുക്കി സ്വദേശികളായ അനിൽ, ബാബു,റാംബു എന്നിവരാണ് പിടിയിലായത്. ഇടുക്കിയിൽ നിന്ന് തിരുവനന്തപുരത്തേയ്ക്ക് ഇന്നോവ കാറിൽ കൊണ്ടു വരികയായിരുന്നു ഹാഷിഷ്. ഹാഷിഷ് ഓയിൽ കൂടാതെ എട്ടു ലക്ഷത്തി നാൽപതിനായിരം രൂപയും ഇവരിൽ നിന്നും പിടികൂടി. രഹസ്യ വിവരത്തെ തുടർന്ന് എക്സൈസ് സംഘം ആനയറ കിംസ് ഹോസ്പിറ്റിലിന് സമീപം ഇവർ സഞ്ചരിച്ചിരുന്ന വാഹനം കൈകാണിച്ചെങ്കിലും വാഹനം നിർത്താതെ വെട്ടിച്ചു കടന്നു. തുടർന്ന് ആക്കുളം കേന്ദ്രീയ വിദ്യാലയത്തിന് സമീപത്തു വച്ച് എക്സൈസ് സംഘം വാഹനം കുറുകെയിട്ട് ഇവരെ പിടികൂടുകയായിരുന്നു. ഒരു കിലോ ഹാഷിഷിന് ഒരു കോടിയോളം വിലവരുമെന്നാണ് എക്സൈസ് സംഘം…
Read More