തിരുവനന്തപുരം: കേരള ബാങ്ക് യാഥാർഥ്യമാക്കുമെന്ന് മുഖ്യമന്ത്രി പിണറായി വിജയൻ. ഇത് സമൂഹത്തിൽ വലിയ മുന്നേറ്റങ്ങൾക്ക് വഴിവയ്ക്കുമെന്നും അദ്ദേഹം പറഞ്ഞു. സിഐടിയുവിന്റെ 28ാമത് സംസ്ഥാന സമ്മേളനത്തിൽ സംസാരിക്കുകയായിരുന്നു അദ്ദേഹം. കേരളത്തിലെ സഹകരണ മേഖലയെ തകർക്കുകയായിരുന്നു നോട്ട് നിരോധനത്തിന്റെ ലക്ഷ്യം. സഹകരണ മേഖല സാധാരണക്കാരുടെ പണം കൊണ്ട് വളർന്നതാണ്. ഈ മേഖലയെ തകർക്കാൻ നിക്ഷിപ്ത താൽപര്യക്കാർ നീക്കം നടത്തിയിട്ടുണ്ട്. അതിനെ അതിജീവിച്ചാണ് സഹകരണ മേഖല മുന്നോട്ട് പോകുന്നതെന്നും പിണറായി പറഞ്ഞു.
Read MoreCategory: TVM
പോക്സോ കേസിൽ പോലീസ് അറസ്റ്റ് ചെയ്ത പ്രതികളെ കാണാൻ അനുവദിച്ചില്ല; പോലീസ് സ്റ്റേഷന് നേരേ ഡിവൈഎഫ്ഐ പ്രവർത്തകരുടെ കല്ലേറ്
തിരുവനന്തപുരം: പോക്സോ കേസിൽ പോലീസ് അറസ്റ്റ് ചെയ്ത പ്രതികളെ കാണാൻ അനുവദിക്കാത്തതിനെ തുടർന്ന് മെഡിക്കൽ കോളജ് പോലീസ് സ്റ്റേഷന് നേരേ കല്ലേറ് നടത്തിയ സംഭവത്തിൽ അന്പതോളം വരുന്ന ഡിവൈഎഫ്ഐ പ്രവർത്തകർക്കെതിരേ പോലീസ് കേസെടുത്തു. ഇന്നലെ രാത്രിയിലാണ് ഡിവൈഎഫ്ഐ പ്രവർത്തകരും അണമുഖം ഈറോഡ് സ്വദേശി കളുമായ രാജീവ് (24), ശ്രീദേവ് (21) എന്നിവരെ മെഡിക്കൽ കോളജ് പോലീസ് അറസ്റ്റ് ചെയ്തത്. പ്രായപൂർത്തിയാകാത്ത പെണ്കുട്ടിയോട് അപമര്യാദയായി പെരുമാറുകയും അശ്ലീല ആംഗ്യങ്ങൾ കാട്ടിയെന്ന പരാതിയിലുമാണ് ഇരുവരെയും പോലീസ് അറസ്റ്റ് ചെയ്തത്. ഇന്നലെ രാത്രിയിൽ ഡിവൈഎഫ്ഐ വഞ്ചിയൂർ ഏരിയ കമ്മിറ്റി സെക്രട്ടറിയുടെ നേതൃത്വത്തിൽ പോലീസ് സ്റ്റേഷനിലെത്തിയ അൻപതോളം ഡിവൈഎഫ്ഐ പ്രവർത്തകർ എസ്ഐ യെ കാണണമെന്ന് പോലീസുകാരോട് ആവശ്യപ്പെട്ടിരുന്നു. ആ സമയത്ത് എസ്ഐയുടെ മുറിയിൽ വേറെ പരാതിക്കാരുണ്ടായിരുന്നു. അവർ പുറത്തിറങ്ങിയ ശേഷം എസ്ഐയെ കാണാമെന്ന് പോലീസുകാർ പറഞ്ഞെങ്കിലും ഡിവൈഎഫ്ഐ നേതാവും കൂട്ടരും ക്ഷുഭിതരാവുകയും മുദ്രാവാക്യം…
Read Moreഎംഎൽഎമാർ മത്സരിക്കരുതെന്ന് ഹൈക്കമാൻഡ് തീരുമാനമെടുത്തിട്ടില്ല; ഉമ്മൻ ചാണ്ടി മികച്ച സ്ഥാനാർഥിയെന്ന് ആവർത്തിച്ച് മുല്ലപ്പള്ളി
തിരുവനന്തപുരം: ലോകസഭാ തെരഞ്ഞടുപ്പിൽ കേരളത്തിൽ കോണ്ഗ്രസിന് ഉയർത്തിക്കാട്ടാൻ സാധിക്കുന്ന മികച്ച സ്ഥാനാർഥിയാണ് ഉമ്മൻ ചാണ്ടിയെന്ന് ആവർത്തിച്ച് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. ഏതു സീറ്റിൽ നിന്നാലും ഉമ്മൻ ചാണ്ടി മികച്ച ഭൂരിപക്ഷത്തിൽ വിജയിക്കും. എംഎൽഎമാർ മത്സരിക്കരുതെന്ന് ഹൈക്കമാൻഡ് തീരുമാനമെടുത്തിട്ടില്ലെന്നും അദ്ദേഹം പറഞ്ഞു. അതേസമയം, ഉമ്മൻ ചാണ്ടിയുടെ സ്ഥാനാർഥിത്വം തള്ളാതെ ഹൈക്കമാൻഡും രംഗത്തെത്തി. സ്ഥാനാർഥിത്വം സംബന്ധിച്ച് അതാതു ഘടകങ്ങളുടെ നിർദേശം പരിഗണിക്കാറുണ്ടെന്ന് കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി മുകുൾ വാസ്നിക് പറഞ്ഞു. ബൂത്തുതലം മുതൽ പ്രദേശ് കമ്മിറ്റികൾവരെ അഭിപ്രായം പരിഗണിക്കുമെന്നും അദ്ദേഹം കൂട്ടിച്ചേർത്തു.
Read Moreലോക കേരള സഭ: സർക്കാർ പണം ധൂർത്തടിക്കുന്നില്ലെന്ന് സ്പീക്കർ പി.ശ്രീരാമകൃഷ്ണൻ
തിരുവനന്തപുരം: ലോക കേരള സഭയ്ക്കുവേണ്ടി സർക്കാർ പണം ധൂർത്തടിക്കുന്നില്ലെന്ന് സ്പീക്കർ പി.ശ്രീരാമകൃഷ്ണൻ. തെറ്റിധാരണ മൂലമാണ് ചിലർ ഇത്തരം വാർത്ത പ്രചരിപ്പിക്കുന്നതെന്നും സ്പീക്കർ. വിദേശത്തു നടത്തുന്ന ധൂർത്തിന്റെ ഭാഗമാകാനില്ലെന്ന് പ്രതിപക്ഷ നേതാവ് രമേശ് ചെന്നിത്തല നിലപാട് എടുത്തതോടെയാണ് സ്പീക്കറുടെ വിശദീകരണം. ദുബായിയിൽ നടക്കുന്നത് ലോക കേരളസഭയുടെ മിഡിൽ ഈസ്റ്റ് സമ്മേളനമാണ്. മുഖ്യമന്ത്രി, പ്രതിപക്ഷ, സ്പീക്കർ എന്നിവരുടെ ചെലവുകൾ മാത്രമാണ് സർക്കാർ വഹിക്കുന്നതെന്നും സ്പീക്കർ പറഞ്ഞു. ഫെബ്രുവരി 15,16 തീയതികളിൽ ദുബായിയിൽ മിലേനിയം ഹോട്ടലിലും എത്തിസലാത്ത് അക്കാഡമി ഹാളിലുമാണ് സമ്മേളനം നടക്കുന്നത്. സ്പോൺസർമാരുടെ സഹായത്തോടെയാണ് സമ്മേളനവും കലാപരിപാടികളും നടത്തുന്നതെന്ന് നോർക്ക റൂട്ട്സ് റസിഡന്റ് വൈസ് ചെയർമാൻ കെ. വരദരാജൻ വ്യക്തമാക്കിയിരുന്നു. കഴിഞ്ഞ ലോക കേരള സഭയുടെ പ്രഥമ സമ്മേളനം നടത്താൻ 4.5 കോടി രൂപയായിരുന്നു സർക്കാർ വകയിരുത്തിയത്.
Read Moreപരീക്ഷയിലെ പരീക്ഷണം മാറ്റി; എസ്എസ്എൽസി, പ്ലസ് ടു പരീക്ഷകൾ പഴയ രീതിയിൽ തന്നെ
തിരുവനന്തപുരം: മുൻ വർഷങ്ങളിലെപ്പോലെ പ്ലസ്ടു പരീക്ഷകൾ രാവിലെയും എസ്എസ്എസ്എൽസി പരീക്ഷകൾ ഉച്ചകഴിഞ്ഞും നടത്താൻ തീരുമാനം. ബുധനാഴ്ച ചേർന്ന ക്യുഐപി മോണിറ്ററിംഗ് യോഗത്തിലാണ് തീരുമാനം. രണ്ടു പരീക്ഷകളും ഒരേ സമയത്ത് തന്നെ നടത്തണമെന്ന ആവശ്യം ഉയർന്നിരുന്നു. എന്നാൽ ഇത്രയധികം വിദ്യാർഥികളെ ഒരേ സമയം പരീക്ഷയ്ക്ക് ഇരുത്താനുള്ള സൗകര്യമില്ലെന്ന ഹയർസെക്കൻഡറി, വൊക്കേഷണൽ ഹയർസെക്കൻഡറി ഡയറക്ടറേറ്റുകളുടെ അറിയിപ്പിന്റെ അടിസ്ഥാനത്തിലാണ് പഴയ രീതിയിൽ തന്നെ പരീക്ഷ നടത്താൻ തീരുമാനമായത്. സംസ്ഥാനത്തെ 243 ഹയർസെക്കൻഡറി സ്കൂളിലും 66 വൊക്കേഷണൽ ഹയർ സെക്കൻഡറി സ്കൂളിലും രണ്ടു പരീക്ഷകളും ഒരേ സമയത്ത് നടത്താനുള്ള സൗകര്യമില്ലെന്ന് അറിയിച്ചു. എസ്എസ്എൽസി പരീക്ഷ മാർച്ച് 13 നു ആരംഭിച്ച് 28 ന് അവസാനിക്കും. മാർച്ച് 25 നു സോഷ്യൽ സ്റ്റഡീസ് പരീക്ഷയ്ക്ക് ശേഷം 26 നു പരീക്ഷ ഉണ്ടായിരിക്കില്ല. വിദ്യാർഥികൾക്ക് ഏറെ ബുദ്ധിമുട്ടുള്ള വിഷയമായ ഗണിത ശാസ്ത്രം പരീക്ഷ മുൻ ടൈം…
Read Moreആറ്റിങ്ങൽ വഞ്ചിയൂരിൽ എസ്ഡിപിഐ-ഡിവൈഎഫ്ഐ സംഘർഷം; നാല് ഡിവൈഎഫ്ഐ പ്രവർത്തകർക്ക് പരിക്ക്
തിരുവനന്തപുരം: ആറ്റിങ്ങൽ വഞ്ചിയൂരിൽ എസ്ഡിപിഐ- ഡിവൈഎഫ്ഐ സംഘർഷം. നാല് ഡിവൈഎഫ് പ്രവർത്തകർക്ക് പരിക്ക്. ഇന്നലെ രാത്രി ഒൻപതരയോടെ വഞ്ചിയൂർ ജംഗ്ഷനിലായിരുന്നു സംഭവം. ഡിവൈഎഫ്ഐ പ്രവർത്തകരായ ഷിബിൻ (21), ഷിജിൻ (21), മിഥുൻ (20), ആഷിക്ക്്് (21) എന്നിവർക്കാണ് ആക്രമണത്തിൽ പരിക്കേറ്റത്. ഇവരെ വലിയകുന്ന് ആശുപത്രിയിലും പിന്നീട് മെഡിക്കൽ കോളജാശുപത്രിയിലും പ്രവേശിപ്പിച്ചു. പതിനഞ്ചോളം വരുന്ന എസ്ഡിപിഐ പ്രവർത്തകരാണ് തങ്ങൾക്ക് നേരെ ആയുധങ്ങളുമായി ആക്രമണം നടത്തിയതെന്ന് മർദനത്തിനിരയായവർ പോലീസിൽ മൊഴി നൽകി. പോസ്റ്റർ ഒട്ടിച്ചതിലുള്ള വിരോധമാണ് ആക്രമണ കാരണമെന്ന് പോലീസ് പറഞ്ഞു. നഗരൂർ പോലീസ് കേസെടുത്തു. പ്രതികൾക്കായി അന്വേഷണം ആരംഭിച്ചു. സംഘർഷാവസ്ഥ കണക്കിലെടുത്ത് സ്ഥലത്ത് പോലീസ് ക്യാന്പ് ചെയ്യുന്നുണ്ട്.
Read Moreഇനിയൊരു പരീക്ഷണത്തിനില്ല… ലോക്സഭയിലേക്ക് മത്സരിക്കില്ലെന്ന് മുല്ലപ്പള്ളി; വടകരയിൽ പുതിയ സ്ഥാനാർഥി
തിരുവനന്തപുരം: ലോക്സഭാ തെരഞ്ഞെടുപ്പിലേക്കുള്ള ഒരുക്കങ്ങളുമായി രാഷ്ട്രീയ പാർട്ടികൾ കളംനിറയവേ തന്റെ സ്ഥാനാർഥിത്വം സംബന്ധിച്ച് നിലപാട് വ്യക്തമാക്കി കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. ലോക്സഭയിലേക്ക് മത്സരിക്കാനില്ലെന്നു പറഞ്ഞ മുല്ലപ്പള്ളി വടകരയിൽ പുതിയ സ്ഥാനാർഥി വരുമെന്നും അറിയിച്ചു. കെപിസിസി വർക്കിംഗ് പ്രസിഡന്റുമാർ മത്സരിക്കുന്നതിന് തടസമില്ലെന്നു പറഞ്ഞ മുല്ലപ്പള്ളി ഉമ്മൻ ചാണ്ടി മത്സരിക്കണമെന്നാണ് പാർട്ടിയുടെ ആകെ ആഗ്രഹമെന്നും വ്യക്തമാക്കി.
Read Moreവനിതാ മതിൽ പൊളിഞ്ഞെന്ന പ്രസ്താവന; വെള്ളാപ്പള്ളിക്കെതിരെ പുന്നല ശ്രീകുമാർ രംഗത്ത്
തിരുവനന്തപുരം: നവോത്ഥാന പാരമ്പര്യമുള്ള സംഘടനകളെ ഉൾപ്പെടുത്തി രൂപം നൽകിയ നവോത്ഥാന സമിതിയിൽ വിള്ളൽ. എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെതിരെ രൂക്ഷ വിമർശനവുമായി കേരള പുലയർ മഹാസഭ നേതാവ് പുന്നല ശ്രീകുമാർ രംഗത്തെത്തി. വനിതാ മതിൽ പൊളിഞ്ഞെന്ന വെള്ളാപ്പള്ളിയുടെ പ്രസ്താവന ആശയക്കുഴപ്പമുണ്ടാക്കിയെന്ന് പുന്നല പറഞ്ഞു. വെള്ളാപ്പള്ളിയുടെ പ്രസ്താവന പ്രതിയോഗികൾക്ക് കരുത്ത് പകർന്നു. ഇക്കാര്യത്തൽ അദ്ദേഹം ജാഗ്രത പാലിക്കേണ്ടിയിരുന്നുവെന്നും പുന്നല കുറ്റപ്പെടുത്തി.
Read Moreഭരണ സ്തംഭനത്തില് പ്രതിഷേധിച്ച് പ്രതിപക്ഷം; സെക്രട്ടേറിയേറ്റ്, കളക്ട്രറേറ്റ് ഉപരോധം ആരംഭിച്ചു
തിരുവനന്തപുരം: സംസ്ഥാനത്തെ ഭരണ സ്തംഭനത്തില് പ്രതിഷേധിച്ച് യുഡിഎഫിന്റെ സെക്രട്ടേറിയേറ്റ് ഉപരോധം തുടങ്ങി. ജില്ലകളില് കളക്ടറേറ്റുകൾക്ക് മുന്നിലാണ് ഉപരോധം സംഘടിപ്പിക്കുന്നത്. സെക്രട്ടറിയേറ്റ് ഉപരോധം രാവിലെ 11ന് പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. സംസ്ഥാനത്ത് പ്രളയാനന്തരം പുനരധിവാസ പ്രവര്ത്തനങ്ങള് നടക്കുന്നില്ല, ക്രമസമാധാന നില പൂര്ണമായും തകര്ന്നു, ശബരിമല വിഷയത്തില് വിശ്വാസികളെ സര്ക്കാര് വഞ്ചിച്ചു എന്നീ കാര്യങ്ങൾ ഉയർത്തിക്കാട്ടിയാണ് ഉപരോധം. രാവിലെ ആറു മുതലാണ് സെക്രട്ടറിയേറ്റ് ഉപരോധം ആരംഭിച്ചത്. നോര്ത്ത്, സൗത്ത്, വെസ്റ്റ് കവാടങ്ങളാണ് പ്രവര്ത്തകര് ഉപരോധിക്കുന്നത്. എന്നാൽ സെക്രട്ടറിയേറ്റിലെ ഉദ്യോഗസ്ഥരെയും മന്ത്രിമാരെയും തടയില്ലെന്ന് നേതാക്കൾ വ്യക്തമാക്കിയിട്ടുണ്ട്. സെക്രട്ടറിയേറ്റ് പരിസരത്ത് വൻ പോലീസ് സംഘം ക്യാമ്പ് ചെയ്യുന്നുണ്ട്. വിവിധ ജില്ലകളില് കളക്ടറേറ്റുകൾക്കു മുന്നിലും യുഡിഎഫ് ഉപരോധ സമരം സംഘടിപ്പിച്ചിട്ടുണ്ട്.
Read Moreകേരള അഡ്മിനിസ്ട്രേറ്റീവ് സര്വീസിൽ സംവരണം ഉറപ്പാക്കുമെന്ന് നിയമമന്ത്രി എ.കെ ബാലൻ
തിരുവനന്തപുരം: കേരള അഡ്മിനിസ്ട്രേറ്റീവ് സര്വീസ് (കെഎഎസ്) നടപ്പാക്കുമ്പോള് നേരിട്ടുളള നിയമനത്തിന് സംവരണം ഉറപ്പാക്കുമെന്ന് നിയമമന്ത്രി എ.കെ ബാലന്. ഗസ്റ്റഡ്, നോണ് ഗസ്റ്റഡ് വിഭാഗങ്ങളിലും സംവരണം ഉറപ്പാക്കും. ഇതിനായി ചട്ടത്തില് ഭേദഗതി വരുത്തും. ആര്ക്കും ആശങ്കവേണ്ടെന്നും ബാലൻ വാര്ത്താ സമ്മേളനത്തില് പറഞ്ഞു. സാമ്പത്തിക സംവരണം നടപ്പാക്കാനായി ചട്ടങ്ങൾ തയാറാക്കി തുടങ്ങിയതായും അറിയിച്ചു. സാമ്പത്തിക സംവരണത്തിനുളള ക്രീമിലെയർ പരിധി ഇടതുമുന്നണി തീരുമാനിക്കും. ഈ വരുമാനപരിധി എട്ട് ലക്ഷത്തിൽ താഴെയായിരിക്കും. മുന്നോക്ക സമുദായങ്ങളിലെ താഴെത്തട്ടിലുളള പാവപ്പെട്ടവര്ക്കായിരിക്കും സാമ്പത്തിക സംവരണം. അവര്ക്കുളള ആനുകൂല്യം തട്ടിയെടുക്കാന് ആരെയും അനുവദിക്കില്ലെന്നും മന്ത്രി പറഞ്ഞു.
Read More