തിരുവനന്തപുരം: പ്രളയബാധിതർക്കുള്ള 10,000 രൂപയുടെ അടിയന്തര ധനസഹായ വിതരണവും വിമാനത്താവളങ്ങളിലും തുറമുഖത്തും പുതുതായി എത്തിയ സാധനസാമഗ്രികളുടെ വിതരണവും ഈ മാസം 29-ന് മുന്പ് പൂർത്തിയാക്കാൻ മന്ത്രിസഭാ ഉപസമിതി യോഗം നിർദ്ദേശിച്ചു. അടിയന്തര ധനസഹായവിതരണം കോഴിക്കോട്, വയനാട്, കണ്ണൂർ, പത്തനംതിട്ട, എറണാകുളം ജില്ലകളിൽ പൂർത്തിയായിട്ടുണ്ട്. 5.52 ലക്ഷം പേർക്ക് ഇതിനകം സഹായം നൽകിക്കഴിഞ്ഞു. പുതുതായി ലഭിച്ച അപേക്ഷകളിലാണ് സഹായം നൽകാൻ ഏറെയും ബാക്കിയുള്ളത്. 439 പേരാണ് കാലവർഷക്കെടുതിയിൽ സംസ്ഥാനത്ത് മരണപ്പെട്ടത്. ഇതിൽ 331 പേർക്ക് മരണാനന്തര ആനുകൂല്യം നൽകിക്കഴിഞ്ഞു. എഫ്ഐആർ, നിയമാനുസൃത ആശ്രിതർ ഉൾപ്പെടെയുള്ള രേഖകൾ ലഭ്യമാക്കുന്നതിലെ കാലതാമസം കാരണം നൂറോളം അപേക്ഷകൾ തീർപ്പ് കൽപ്പിക്കലിന്റെ വിവിധ ഘട്ടങ്ങളിലാണ്. കുടുംബശ്രീ മുഖേന വീട്ടമ്മമാർക്ക് ഒരു ലക്ഷം രൂപ പലിശരഹിത വായ്പ നൽകുന്നതിന്റെ ഭാഗമായി 1,00,770 അപേക്ഷകളിൽ നടപടിക്രമങ്ങൾ പൂർത്തിയായി. ഇതുൾപ്പെടെ രണ്ട് ലക്ഷം അപേക്ഷകളിൽ ഒരാഴ്ചക്കകം നടപടി പൂർത്തിയാക്കും.…
Read MoreCategory: TVM
കന്യാസ്ത്രീയുടെ പരാതിയിൽ അന്വേഷണം ശരിയായ ദിശയിലെന്ന് മന്ത്രി ജയരാജൻ
തിരുവനന്തപുരം: ജലന്ധർ ബിഷപ് ഡോ. ഫ്രാങ്കോ മുളയ്ക്കലിനെതിരായ കന്യാസ്ത്രീയുടെ പരാതിയിൽ അന്വേഷണം ശരിയായ ദിശയിലെന്ന് മന്ത്രി ഇ.പി. ജയരാജൻ. സർക്കാർ ഇരയ്ക്കൊപ്പമാണ്. തെറ്റ് ചെയ്തവരെ നിയമത്തിന് മുന്നിൽ കൊണ്ടുവരുമെന്നും മന്ത്രി പറഞ്ഞു.
Read Moreരക്ഷാപ്രവർത്തനത്തിനിടെ തകർന്ന വള്ളങ്ങളിൽ ഭൂരിഭാഗവും അറ്റകുറ്റപ്പണി നടത്തി നൽകിയെന്ന് ജെ. മേഴ്സിക്കുട്ടിയമ്മ
തിരുവനന്തപുരം: പ്രളയമുഖത്തു രക്ഷാപ്രവർത്തനം നടത്തുന്നതിനിടെ ബോട്ട് തകർന്ന മത്സ്യത്തൊഴിലാളിക്കെല്ലാം പണം ലഭിക്കുമെന്ന് മന്ത്രി ജെ. മേഴ്സിക്കുട്ടിയമ്മ. തകരാറിലായ മത്സ്യബന്ധന യാനങ്ങളിൽ ഭൂരിഭാഗവും അറ്റകുറ്റപ്പണി നടത്തി നൽകി. 65000 ആളുകളെ രക്ഷപ്പെടുത്തിയ മത്സ്യത്തൊഴിലാളികളുടെ ബോട്ടുകൾക്ക് കേടുപാടുകൾ ഉണ്ടായിട്ടുണ്ടെങ്കിൽ പരിഹരിക്കേണ്ടത് സർക്കാരിന്റെ ധാര്മിക ഉത്തരവാദിത്വമാണെന്നും മന്ത്രി പറഞ്ഞു. എന്ജിന് കേടുപാടുകള് തീർക്കുന്നതിന് മത്സ്യഫെഡിന്റെ വര്ക്ക്ഷോപ്പുകളില് സൗകര്യം ഏര്പ്പെടുത്തിയിട്ടുണ്ട്. 533 വള്ളങ്ങളില് 236 എണ്ണവും 406 എഞ്ചിനുകളില് 247 എണ്ണവും അറ്റക്കുറ്റപ്പണി നടത്തി നൽകിയിട്ടുണ്ട്. ഭാഗികമായി കേടുപാടുകള് പറ്റിയതിനുപരിയായി ഒമ്പത് എന്ജിനുകളും 10 വളളങ്ങളും പൂര്ണ്ണമായും തകര്ന്നിട്ടുണ്ട്. 151 ലക്ഷം രൂപ ഇതിനായി ഇതുവരെ ചിലവഴിച്ചുവെന്നും മേഴ്സിക്കുട്ടിയമ്മ പറഞ്ഞു. മല്സ്യങ്ങളുടെ ഗുണനിലവാരം ഉറപ്പു വരുത്തുന്നതിനും വ്യാപാരികള്ക്ക് ന്യായവില ലഭ്യമാക്കുന്നതിനും ഉടന് നിയമനിര്മ്മാണം നടത്തുമെന്നും മന്ത്രി പറഞ്ഞു.
Read Moreപോലീസിൽ 146 തസ്തികകൾ കായിക താരങ്ങൾക്ക് നീക്കിവച്ചതായി മുഖ്യമന്ത്രി
തിരുവനന്തപുരം: കേരള പോലീസിൽ 146 തസ്തികകൾ കായിക താരങ്ങൾക്ക് നീക്കിവച്ചതായി മുഖ്യമന്ത്രി പിണറായി വിജയൻ. വിവിധ സായുധ ബറ്റാലിയനുകളിലെ ഹവില്ദാര് തസ്തികയാണ് വിവിധ കായിക ഇനങ്ങള്ക്കായി നീക്കിവച്ചതെന്നും അദ്ദേഹം അറിയിച്ചു. അത്ലറ്റിക്സില് പുരുഷവിഭാഗത്തിന് 28 ഉം വനിതാവിഭാഗത്തില് 26 ഉം തസ്തികകള് അനുവദിച്ചു. ബാസ്ക്കറ്റ്ബോള് പുരുഷ-വനിത ടീമുകള്ക്ക് 12 വീതവും വോളീബോള് പുരുഷ-വനിത ടീമുകള്ക്ക് 12 വീതവും തസ്തിക മാറ്റിവച്ചിട്ടുണ്ട്. ഫുട്ബോള് പുരുഷടീമിലെ 18 പേര്ക്കും ഹാന്റ്ബോള് പുരുഷടീമിലെ 12 പേര്ക്കും നിയമനം നല്കുമെന്നും അദ്ദേഹം പറഞ്ഞു. നീന്തലില് പുരുഷ-വനിത വിഭാഗങ്ങളില് യഥാക്രമം ആറും നാലും തസ്തികകളാണ് അനുവദിച്ചത്. രണ്ട് വീതം പുരുഷ-വനിത സൈക്ലിംഗ് താരങ്ങള്ക്കും പോലീസില് നിയമനം ലഭിക്കുമെന്നും അദ്ദേഹം പറഞ്ഞു. ഒളിമ്പിക്സില് പങ്കെടുത്തവര്, ദേശീയ ഗെയിംസ്, കോമണ്വെല്ത്ത് ഗെയിംസ്, ഏഷ്യന് ഗെയിംസ്, സര്വകലാശാല-സ്കൂള് കായികമേളകളില് മെഡല് നേടിയവരിൽ നിന്നും നിയമനം നല്കാനാണ് തീരുമാനം. ഈ…
Read Moreപതിമൂന്ന് വർഷത്തിന് ശേഷം പി.പി തങ്കച്ചൻ സ്ഥാനമൊഴിയുന്നു; പുതി യുഡിഎഫ് കൺവീനറായി ബെന്നി ബഹനാൻ
തിരുവനന്തപുരം: ബെന്നി ബഹനാനെ പുതിയ യുഡിഎഫ് കണ്വീനറായി തെരഞ്ഞെടുത്തു. പി.പി.തങ്കച്ചന് പകരക്കാരനായാണ് ബെന്നി ബഹന്നാനെ നിയമിച്ചത്. കഴിഞ്ഞ 13 വര്ഷമായി തങ്കച്ചനായിരുന്നു യുഡിഎഫ് കണ്വീനര്സ്ഥാനം വഹിച്ചിരുന്നത്. നിലവിൽ കെപിസിസി രാഷ്ട്രീയകാര്യ സമിതിയംഗമായ ബെന്നി ബഹനാൻ തൃക്കാക്കര മുൻ എംഎൽഎയാണ്. യുഡിഎഫ് കൺവീനർ സ്ഥാനത്തേക്ക് ബെന്നി ബഹനാന്റെ പേര് നേരത്തെ ധാരണയിൽ എത്തിയതായിരുന്നു. പ്രതിപക്ഷ നേതാവ് രമേശ് ചെന്നിത്തല വർത്താസമ്മേളനത്തിലാണ് ഇക്കാര്യം അറിയിച്ചത്. കെപിസിസിയുടെ പുതിയ വർക്കിംഗ് പ്രസിഡന്റ് സ്ഥാനം പാർട്ടിയെ കൂടുതൽ ശക്തിപ്പെടുത്തുമെന്നും ചെന്നിത്തല പറഞ്ഞു. കണ്വീനറായിരുന്ന പി.പി. തങ്കച്ചന്റെ പ്രവർത്തനങ്ങൾ എന്നും ഓർക്കുമെന്നും ഹൈക്കമാൻഡിന്റെ തീരുമാനം എല്ലാവരും അംഗീകരിക്കുമെന്നും ചെന്നിത്തല പറഞ്ഞു. മുല്ലപ്പള്ളി രാമചന്ദ്രൻ കെപിസിസി പ്രസിഡന്റാകാനും കെ. സുധാകരൻ, കൊടിക്കുന്നിൽ സുരേഷ്, എം.ഐ. ഷാനവാസ് എന്നിവരെ വർക്കിംഗ് പ്രസിഡന്റുമാരാകാനും ബുധാനാഴ്ച ഹൈക്കാമാൻഡ് അംഗീകാരം നൽകിയിരുന്നു.
Read Moreലോക്സഭാ തെരഞ്ഞെടുപ്പ് പുതിയ നേതൃത്വത്തിന് വെല്ലുവിളി; മുല്ലപ്പള്ളി കോണ്ഗ്രസിനെ നയിക്കാൻ പ്രാപ്തനെന്ന് ഹസൻ
തിരുവനന്തപുരം: കെപിസിസി അധ്യക്ഷനായി തെരഞ്ഞെടുക്കപ്പെട്ട മുല്ലപ്പള്ളി രാമചന്ദ്രൻ പാർട്ടിയെ നയിക്കാൻ പ്രാപ്തനായ നേതാവാണെന്ന് സ്ഥാനമൊഴിയുന്ന അധ്യക്ഷൻ എം.എം.ഹസൻ അഭിപ്രായപ്പെട്ടു. തിരുവനന്തപുരത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. പാരന്പര്യമുള്ള ഉൗർജസ്വലനായ നേതാവാണ് മുല്ലപ്പള്ളി. ലോക്സഭാ തെരഞ്ഞെടുപ്പിൽ പാർട്ടിയെ നയിക്കാൻ അദ്ദേഹത്തിന് പ്രാപ്തിയുണ്ടെന്നും പുതിയ നേതൃത്വത്തിന് തെരഞ്ഞെടുപ്പ് വെല്ലുവിളിയാണെന്നും അദ്ദേഹം പറഞ്ഞു. 18 മാസക്കാലം കെപിസിസി അധ്യക്ഷ പദവിയിലിരുന്ന താൻ പാർട്ടിയെ ശക്തിപ്പെടുത്താനുള്ള നടപടികളാണ് സ്വീകരിച്ചത്. പാർട്ടിൽ സമാധാന പൂർണമായ അന്തരീക്ഷമാണ് തന്റെ കാലത്തുണ്ടായിരുന്നത്. ജനമോചന യാത്രയും കുടുംബ സംഗമങ്ങളും വിജയകരമായി നടത്താൻ തനിക്ക് കഴിഞ്ഞു. തന്റെ പ്രവർത്തനങ്ങൾക്ക് നേതാക്കളുടെയും പ്രവർത്തകരുടെയും അകമഴിഞ്ഞ പിന്തുണയുണ്ടായിരുന്നുവെന്നും എല്ലാവരോടും നന്ദിയുണ്ടെന്നും പാർട്ടി ഏൽപ്പിക്കുന്ന ചുമതലയുമായി സജീവ രാഷ്ട്രീയത്തിൽ തുടരുമെന്നും ഹസൻ കൂട്ടിച്ചേർത്തു.
Read Moreമദ്യലഹരിയിൽ യുവാവ് കിണറ്റിൽ ചാടി; എസ്ഐയും സംഘവും കിണറ്റിലിറങ്ങി രക്ഷിച്ചു;
പരവൂർ: മദ്യലഹരിയിൽ വീട്ടിൽ വഴക്കുണ്ടാക്കിയശേഷം കിണറ്റിൽ ചാടിയ യുവാവിനെ പരവൂർ ഗ്രേഡ് എസ്ഐ ശ്രീനിവാസന്റെ നേതൃത്വത്തിലുള്ള പോലീസ് സംഘമെത്തി കിണറ്റിലിറങ്ങി രക്ഷപെടുത്തി. പരവൂർ കൂനയിൽ തൊടിയിൽ പണ്ടാരത്തു വടക്കതിൽ രാജേഷ് സഖറിയയെ (29)യാണ് പോലീസ് സംഘം സാഹസികമായി രക്ഷപെടുത്തിയത്. ഇന്നലെ രാത്രി10.30ഓടെയായിരുന്നു സംഭവം. മദ്യലഹരിയിൽ യുവാവ് കിണറ്റിൽ ചാടിയ വിവരമറിഞ്ഞ് പരവൂർ ഗ്രേഡ് എസ്ഐ ശ്രീനിവാസൻ സിവിൽ പോലീസ് ഓഫീസർമാരായ രാജേഷ്കുമാർ, സായിറാം എന്നിവരോടൊപ്പമെത്തി വളരെ ആഴമുള്ള കിണറ്റിലിറങ്ങി അതിസാഹസികമായി യുവാവിനെ കരയ്ക്കെത്തിക്കുകയായിരുന്നു. ഏറെ താഴ്ചയുള്ള കിണറ്റിൽനിന്ന് യുവാവിനെ രക്ഷപെടുത്താൻ പരിസരവാസികളായ സച്ചു, കണ്ണൻ എന്നിവരുടെ സഹായവുമുണ്ടായിരുന്നു. വാഹനങ്ങൾ കടന്നുചെല്ലാത്ത ഉൾപ്രദേശമായതിനാൽ പോലീസ് സംഘം യുവാവിനെ ചുമന്നാണ് വാഹനത്തിലെത്തിച്ച് പാരിപ്പള്ളി മെഡിക്കൽകോളജ് ആശുപത്രിയിലെത്തിച്ചത്. പോലീസിന്റെ അവസരോചിതമായ ഇടപെടലിനെതുടർന്നാണ് യുവാവിന്റെ ജീവൻ രക്ഷിക്കാനായത്. ആശുപത്രിയിൽ എത്തിക്കാൻ അൽപ്പം സമയം കൂടി കഴിഞ്ഞിരുന്നുവെങ്കിൽ യുവാവ് മരണപ്പെടുമെന്നായിരുന്നു ഡോക്ടർമാരുടെ വിലയിരുത്തൽ. യുവാവിന്റെ…
Read Moreചാരക്കേസ് : മുന്മുഖ്യമന്ത്രി കരുണാകരൻ നീതികിട്ടാതെയാണ് മരിച്ചതെന്ന് നമ്പി നാരായണൻ
തിരുവനന്തപുരം: മുന്മുഖ്യമന്ത്രി കെ. കരുണാകരന് നീതികിട്ടാതെയാണ് മരിച്ചതെന്ന് ഐഎസ്ആര്ഒ മുന് ശാസ്ത്രജ്ഞന് നമ്പി നാരായണന്. സ്വാതന്ത്ര്യസമര സേനാനിയായിരുന്ന അദ്ദേഹത്തെ എതിരാളികള് രാജ്യദ്രോഹിയായി മുദ്രകുത്തിയത് എന്തിനായിരുന്നുവെന്ന് അദ്ദേഹം ചോദിച്ചു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം. ചാരക്കേസിന് പിന്നില് രാഷ്ട്രീയ കാരണങ്ങളും ഉണ്ടെന്ന് സംശയിക്കുന്നുവെന്നും നമ്പി നാരായണന് പറഞ്ഞു.
Read Moreപ്രളയത്തിൽപ്പെട്ടവർക്കുള്ള നഷ്ടപരിഹാരം നൽകിയവരുടെ പട്ടിക സർക്കാർ പ്രസിദ്ധീകരിക്കാത്തത് എന്തുകൊണ്ട്?പട്ടികയിൽ അനർഹർ കടന്നുകൂടിയെന്ന ആരോപണവുമായി ചെന്നിത്തല
തിരുവനന്തപുരം: പ്രളയത്തിൽപ്പെട്ടവർക്ക് അടിയന്തരധനസഹായം നൽകുന്നതിനായി സർക്കാർ തയാറാക്കിയ പട്ടികയിൽ അനർഹർ കടന്നുകൂടിയിട്ടുണ്ടെന്ന് പ്രതിപക്ഷ നേതാവ് രമേശ് ചെന്നിത്തല. നഷ്ടപരിഹാരം നൽകിയവരുടെ പട്ടിക സർക്കാർ പ്രസിദ്ധീകരിക്കാത്തത് എന്തുകൊണ്ടാണെന്നും അദ്ദേഹം ചോദിച്ചു. ബാർകോഴക്കേസിൽ കെ.എം.മാണി കുറ്റക്കാരനല്ലെന്നും ചെന്നിത്തല ആവർത്തിച്ചു. അദ്ദേഹത്തിനെതിരെ ഇനിയെത്ര അന്വേഷണം നടത്തിയാലും തെളിവുകളൊന്നുമുണ്ടാകില്ലെന്നും ചെന്നിത്തല പറഞ്ഞു. ചാരക്കേസുമായി തന്റെ കൈവശം തെളിവുകൾ ഒന്നുമില്ല. അതിനാൽ തന്നെ ജുഡീഷൽ കമ്മീഷന് മുന്നിൽ താൻ ഹാജരാകേണ്ട കാര്യമില്ലെന്നും അദ്ദേഹം വ്യക്തമാക്കി. നിലയ്ക്കൽ -പമ്പ യാത്രാനിരക്ക് വർധിപ്പിച്ച കെഎസ്ആർടിസിയുടെ നടപടിയേയും പ്രതിപക്ഷ നേതാവ് വിമർശിച്ചു. നടപടി എത്രയും വേഗം പിൻവലിക്കണമെന്ന് ചെന്നിത്തല ആവശ്യപ്പെട്ടു.
Read Moreകേരളത്തിൽ നിന്നുള്ള പ്രവാസികളുടെ എണ്ണത്തിൽ വൻ കുറവ്; ഗൾഫ് നാടുകളിലെ ശമ്പളക്കുറവും 19നും 25നും ഇടയിൽ പ്രായമുള്ളവരുടെ ജനസംഖ്യയിലെ കുറവുമെന്ന് സർവേ
തിരുവനന്തപുരം: സംസ്ഥാനത്തു നിന്നുള്ള പ്രവാസികളുടെ എണ്ണത്തിൽ വൻ കുറവെന്ന് റിപ്പോർട്ട്. സെന്റർ ഫോർ ഡെവലപ്മെന്റ് സ്റ്റഡീസ് നടത്തിയ സർവേയിലാണ് പ്രവാസ ജീവിതം തേടുന്നവരുടെ എണ്ണത്തിൽ ഗണ്യമായ കുറവുണ്ടെന്ന് കണ്ടെത്തിയത്. ഗൾഫ് നാടുകളിലെ ജോലിക്കുള്ള ശമ്പളത്തിൽ വന്ന ഇടിവാണ് ഇതിന് പ്രധാന കാരണമായി ചൂണ്ടിക്കാട്ടപ്പെടുന്നത്. 19നും 25നും ഇടയിൽ പ്രായമുള്ളവരുടെ ജനസംഖ്യയിൽ വന്ന കുറവും പ്രവാസ ലോകത്ത് ജോലി തേടുന്നവരുട എണ്ണം കുറയാനുള്ള മറ്റൊരു കാരണമായി ചൂണ്ടിക്കാട്ടപ്പെടുന്നുണ്ട്. പ്രവസികളുടെ എണ്ണത്തിൽ മൂന്ന് ലക്ഷത്തോളം കുറവ് രേഖപ്പെടുത്തിയെന്നാണ് സർവേ വ്യക്തമാക്കുന്നത്. 2013ലെ പ്രവാസികളുടെ എണ്ണത്തിന്റെ പത്തിലൊന്ന് കുറവാണ് ഇതെന്നാണ് കണക്ക്. കേരള മൈഗ്രേഷൻ സർവേയുടെ കോർഡിനേറ്റർ ഇരുദയരാജനാണ് ഇത് സംബന്ധിച്ച വിവരങ്ങൾ മാധ്യമങ്ങളുമായി പങ്കുവച്ചത്. 1198ലാണ് സെന്റർഫോർ ഡെവലപ്മെന്റ് സ്റ്റഡീസ് പ്രവാസികളെ സംബന്ധിച്ച സർവേ ആദ്യമായി സംഘടിപ്പിച്ചത്. എട്ടാമത്തെ സർവവേയാണ് ഈ വർഷം പൂർത്തീകരിച്ചത്.
Read More